Youtube kontent mualliflari uchun idealar

1. Instagramga registratsiya va login qilib kirishni tushuntirilgan video;
2. Facebookka registratsiya va login qilib kirishni tushuntirilgan video;
3. Youtubeda registratsiya va login qilib kirishni tushuntirilgan video;
4. Telegramda registratsiya va login qilib kirishni tushuntirilgan video;
5, 6, 7, 8, 9, 10 va boshqalarida parolni tiklashni tushuntirib video qilishingiz ham mumkin.

Oʻzbek foydalanuvchilarini kibersavodxonligini oshirishimiz darkor!

P.s. Keyin bironta ham foydalanuvchiga tarmoqlarda registratsiya qilib bermang, oʻrgansin oʻzi)

@suxrobblog | #idealar

Xursand boʻldim!

Anchadan beri boshqa dizaynerlar bilan fikr almashmagan edim. Xudo xohlasa, boshqa dizayner bilan ham shu kabi shaxsiy suhbatlarni koʻproq tashkillashtirib turmoqchiman.

Buyogʻiga yu-iks/yu-ay dizaynerlar yana ham faol boʻlamiz)

Tungi 12 bo'lishiga qaramasdan ajoyib masterklas o'tib berdilar. UX UI da kamchiliklarim ko'p edi lekin ularni hal qilishda yordam berdilar. Ulardan biri dizaynni optimizatsiya qilishda menda muammo bor edi, bu muammoni to'liq bartaraf qildim deb o'ylayman bu masterklasda. Suxrob akaga raxmat o'z bilimlarni ayamay ulashganlari uchun

Blogimiz kuzatuvchilaridan Umidjon Abdullayev ukamiz, bilan meet qilib, proektlarni tahlil qilib, ustida ishladik.

— Musaffo, yu-iks/yu-ay jamiyatimizda shunaqa samimiy uchrashuvlar yarashadi )

@suxrobblog | #bir_dizayner_bilan_suhbat

figma hamjamiyati uchun dizayn chizib qo'yamiz, aniqroq aytganda redizayn )

Jonli efirda dizaynlashamizmi?

Keyingi postimiz Yu-iks haqida 😁😁

Yu-ay dizayn nasihatlari (2-qism)

Bu safar ham 5 tacha yu-ay bilan ishlashga tavsiya berib o'tganman. Agar siz avvalgi tavsiyalarni ko'rmagan bo'lsangiz, avvalgi qismga o'tish uchun bu yerni bosing.

@suxrobblog | #yu_ay_nasihatlari

Ertalab, eshikni ochsam, kurs reklamasi kelib chiqyapti. Uygʻonib kettim keyin! )

Dizaynerlar kanalni tark erishmasin deb birinchi oddiy savollardan boshladim 😂

Olx'da mahsulotni reklama qilishdan tashqari oʻz xizmatlaringizni tavsiya qilishingiz yoki sotishingiz ham mumkin.

Aytgancha, saviyali auditoriya olx'da mavjud deb hisoblamayman va u yerda koʻplab, firibgarlik holatlari ham tez-tez uchrab turadi. Xushyor boʻlish kerak)

P.s. Kurslar reklamasi ham olx'da faol ekan, bu ham sotuvga yaxshi usul.

— Sizchi olx'da xizmatlaringizni tavsiya qilib koʻrmadingizmi?

@suxrobblog | #olx #mijoz

Bu StartUp loyihalarimizdan birida mijoz fikrlari

Qoʻshimcha qilib aytadigan boʻlsam:
— StartUp loyihamizni bir necha kun avval MVP holatda bozorga chiqardik, oz-moz kamchiliklari bor ekan, ustida ishlayapmiz.

— Quvonarlisi, bir necha kunda 100 ga yaqin foydalanuvchilar roʻyxatdan oʻtishdi. Lekin, katta auditoriyaga reklama qilmagan edik. Kichikroq auditoriyada tavsiya qildik...

— Hozirgacha 50 ga yaqin ijobiy fikrlar oldik, vaholanki, MVP chiqarmay turib ham foydalanuvchilar fikrlarini olgandik.

Aytmoqchi boʻlganim, bu narsalar oʻz-oʻzidan boʻlib qolgani yoʻq, jamoa StartUp ustida ter toʻkib, ishlashdi, ayrim jamoa aʼzolari yangilandi va hakazo...

Menimcha, natija yomon emas!

— Nega deganda, qanchadan-qancha 10,000-30,000$ gacha investitsiya tikilgan StartUp'lar yurmaganiga guvoh boʻlganman. Ushbu StartUp esa "Venchur Fond"lardan investitsiya olmay turib, shu natijani koʻrsatyapti, yomon emas-a?!

P.s. Hozircha esa StartUp toʻliq bozorga chiqmagancha blogda eʼlon qilmayman)

@suxrobblog | #startup #mvp

Davomi...

Moddiy "foydasiz" mentorlik!
— 2022-yil, 6-yanvar kuni IT Parkda dizayn boʻyicha 50/50 oʻqituvchi sifatida ishlashni boshladim. Boshida 2ta oʻquvchi bor edi. IT Park oʻquv kursları viloyatda juda arzon edi, bitta oʻquvchi uchun kurs narxi atiga 250,000 soʻm. Birinchi oyda 2ta oʻquvchi oʻqitib, 250,000 soʻm oylik olganman. Kam boʻlsa ham barakasi bor edi!

— Shu tariqa 1 yil IT Park'da dars berdim, 50 ga yaqin oʻquvchilar oʻqitdim. Bundan tashqari grafik dizayner sifatida 4-5 ta joy bilan ham, masofaviy ishlab turardim, ulardan MuhammadAli Eshonqulov jamoalarida ozroq oflayn keyin qisman masofaviy ishladim. Masofaviy buyurtmalar oʻquvchi oʻqitishimga halaqit berganliklari uchun, koʻpini tark etdim, yaxshi summalar beradigan joylarga ham borib ishlamadim, IT Parkdagi hamkasblarimga aytgan fikrimda sobit turdim, yaʼniki "xalq, ummat uchun foydamiz tegsa..." ruhiyatda ishlardik, jamoa ham zoʻr edi, vaholanki, Epam'da ishlaydigan dasturchilar ham bor edi...

— Mentorlik pozitsiyasida, rivojlanishga motivatsiya yuqori boʻlardi menda. Bilgan narsalarimni, "oʻquvchi tilida tushintirib berish" uchun ham qaytadan oʻrganib chiqishga toʻgʻri kelardi. Bundan tashqari UX/UI dizayn boʻyicha proektlar ham qilib turardik, dasturchi hamkasblarim bilan.

Darslarimda "Mana buni bossa, bunaqa boʻladi", deb vaqtni chuzib, oʻrgatmasdim, oʻquvchini oʻzi dasturni mustaqil 1 haftada oʻrganib olardi va dizayn prinsiplari va dizayn qilish boʻyicha ustida ishlardik...

Firma va oʻquv markaz ochishim...
— Viloyatdagi IT Park oʻquv markazlari xususiyga oʻtib ketdi, oʻquv markazini ijaraga olib bir muddat yuritdik, bu paytda 2023-yilni boshlari edi. Daromadga nisbatan juda katta ijara summasi aytishdi, ishlab koʻrdik, qoplamadi.

Bu paytlarda UX/UI dizayn boʻyicha proektlar qilib turardim, hamkasbim ham dasturchi chet bilan ishlardi. Xullas, uni ham, meni ham oxiri oʻquv markazi charchatdi, aniqroq aytganda, yugur-yuguri koʻp edi. Oʻquv markaziga "Qaytmayman" deb aytdi, sherigim, men maʼqulladim) ...

Davlat tashkilotlarini buyurtmalari
— Yuqorida aytganimdek, oʻzimizni oʻquv markazi tashkil qilishda firma ochgandik, firma orqali davlat tashkilotlarini saytlarini ishlab chiqib berdik. Odatda budjet tashkilotlari bilan ishlash qiyinroq, ishni tasdiqlatish qiyin boʻlsa, ishingizni tasdiqlatsangiz, xizmat haqini olish qiyin boʻlib qoladi, bu boʻyicha ham yetarli tajribalar oldik...

Qolgan 2 yilni qisqacha taʼriflayman
— Oxirgi 2 yilda 50+ proektlar ustida ishladim, bitta UX/UI dizayn proektimdan sal kam 10,000$ gacha daromad oldim. Bularni bari rizqimizga yozilganidan, boshida 250,000 soʻm oyiga oylik olgan kadr, Allohni marhamati bilan shu kungacha yetib keldi. Alhamdulillah!

Shu yerda postni yakunlayman.
— Postda yozilmagan koʻp gaplar bor hali... Shuningdek inobatga olinmagan salbiy tomonlarni va holatlarni yozmadim. Yana bir qancha ishlagan joylarimni ham yozgim kelmadi, ishlagan joylarimda hammasi suv kabi silliq kechgan demayman...

Shu yergacha oʻqigan boʻlsangiz, «🔥» reaksiya bosib qoʻying. Va siz ham oʻzingizni tanishtirsangiz xursand boʻlardim)

@suxrobblog

Keling tanishamiz

Men Suxrob Xurramov. Kompyuter grafikasi sohasida 7 yilga yaqin tajribaga ega bo‘lgan mutaxassisman.

Sohaga kirib kelishim
— Grafik dizayn sohasiga kirib kelishimda 2-3 yillab, Youtube blogerlar bilan ishlaganman...

Karyera va rivojlanish
— Menda doim yangi bosqichda intilish boʻlgan. 2021-yillarga kelib, "ayrim sabablarga" koʻra ishimdan zerikish hissi boʻldi...

Shunda onlayn kopirayting kursida oʻqidim. Keyin 2-3 oycha kopirayterlikda oʻzimni sinab koʻrdim, va shu bilan SD academy'ga qoʻshildim. Ularning bir necha dizayn kurslarida ham oʻqib koʻrdim. Jumladan, veb-dizayn kurslarida.

Mentorlik va taʼlimga kirishim
— 2021-yilni oxirlariga kelib, viloyatga qaytdim va shu yerda IT Park oʻquv markazlari faoliyat yuritayotganini koʻrdim. Menejer va dasturchilar bilan tanishdim, ular meni ishlarimga qiziqish bildirib, mentorlikda oʻzimni sinab koʻrishni tavsiya qilishdi. Va bu menga ham qiziq edi...

Davomi ettiraymi? «🔥» reaksiya qoldiring.

@suxrobblog

Oʻylab qarasam, blogda hech oʻzimni tanishtirmagan ekanman. Meni tanimaydigan kishilar boʻlsa reaksiya qoldirishlari mumkin. Keyinroq oʻzim haqimda post yozaman )

UX dizayner qanday boʻlishi kerak?

UX dizayner suv kabi boʻlish kerak!
— Ular, foydalanuvchi oqimini to‘g‘ri anglab, muammolarni chetlab o‘tib, har qanday shaklga, foydanuvchiga moslasha olishi zarur. Suv kabi, ular silliq, moslashuvchan va o‘z maqsadiga yetishda sadoqatli bo‘lishi lozim.

Suv hech qachon o‘z yo‘lini yo‘qotmaydi. Dizayner ham foydalanuvchining ehtiyojlaridan chalg‘imasligi va boshqa shudgorga oʻtlab, ketmasligi kerak.

P.S. Xullas, dizaynerlar suv kabi boʻling ))

@suxrobblog | #matvatsa

Sun'iy intellekt: UX stajyorimiz, Zamonbek

SI bilan ishlash, bu stajyor (yordamchi) bilan ishlashga o‘xshaydi. Va unga to'gri ko'rsatmalar berish, yordamchidan qanday qilib, UX dizaynda manfaatli foydalanishni esa ushbu maqolada batafsil yoritilgan.

👉 Maqolani 2 daqiqada o'qish

@suxrobblog | #SI #UX #maqola

Figma nokod saytlar haqidagi “mish-mishlarni”ni eslaysizmi?

Internetga yana yangi tafsilotlar tarqab ketdi. Endi bu shunchaki skrinlar emas, bu to‘liq ishlaydigan saytlar, to‘g‘ridan-to‘g‘ri Figmadan chop etilgan. Haqiqiy domen orqali: preview.figma.site

— Havolalarni hozirda yopib qo‘yilgan, lekin bir necha kunlar ilgari ular ishlayotgan edi. Aftidan, bu Figma ishlab chiquvchilarining testlari bo‘lgan.

Figma, ko‘rinishidan, Framer va Webflow'ga qaqshatqich zarba berishga tayyorgarlik ko‘rayapti.
Agar ular bu ishni oxirigacha yetkaza olishsa, bu juda katta yangilik bo‘ladi.

@suxrobblog | #figma #nocode #yangilik

Sun‘iy foydalanuvchilar, haqiqiy odamlar o‘rnini bosa oladimi?

Ushbu maqolada, sun'iy foydalanuvchilar va haqiqiy odamlardan olib borilgan tadqiqotlar bo'yicha fikrlar yuritiladi. Shuningdek, sun'iy foydalanuvchilarning kamchiliklari haqida ham so'z boradi.

👉 Maqolani 3 daqiqada o'qish

@suxrobblog | #SI #UX #tarjima #maqola

Ba'zi o'zbek dasturchilar ishiga misol 😄

@suxrobblog | #hazil_albatta

Gradient

Yaqinda bir nechta dizaynerlarning ishini ko‘rgandim, background’ning har joyiga gradient berib qo‘yishgan, natijada dizayn ko‘zga yoqimsiz ko‘rinishga kelib qolgan ekan. Aslida dizaynda gradient ishlatish yaxshi. Lekin gradientni ham o‘rnida va eplab ishlatish kerak. Aksiga olib, gradientsiz holatda taqdimot qilishganda ham ko‘zga yoqimliroq ko‘rinar edi, nazarimda.

Umuman olganda, UI dizaynida gradientlar bilan ishlashda o'tkir va keskin ranglardan ko‘ra, sokinlikni ifodalovchi, yumshoq va bilinmas gradientlardan foydalanish maqsadga muvofiq. Bu esa ko‘rish uchun yoqimliroq taassurot qoldiradi.

— Tavsiya, gradient ustidan qora rangli matn yoki qora rangli elementlar ishlatmaslikka harakat qiling. Uni oʻrniga gradient ustiga ishlatadigan matnlaringiz boʻlsa oq rangda qoʻllashga moslashtiring. Odatda gradient bilan uning ustidagi qora ranglar chiqishmaydi, yoinki yoqimsiz koʻrinadi.

@suxrobblog | #fikrlar #gradient

Ushbu holat bo‘yicha saytni ishlab chiqqan dizaynerning o‘ziga yozib yubordim. U aytishicha, $ belgisi ishlatilmasin degan. Keyin esa tizimga login qilib bo‘lmadi. Umuman olganda, simvollarni umuman ishlatmang degan, keyingi xabarida. So‘ngra saytga ro‘yxatdan o‘ta oldim.

🤷‍♂️ Lekin “lekin” degan joyi bor: tizim menga "8–18 ta belgi va simvoldan foydalaning" degan xato xabarini chiqaryapti. Odatda login-parol bilan ishlaydigan tizimlarda simvollarni ishlatishga o'rganib qolganman. Shu jihatni ham inobatga olishganida ham yaxshi bo‘lardi.

Ish bor joyda kamchilik bo‘ladi, endi ishga qaytamiz)

Yuqoridagi postga yaqqol misol)

Ukrainalik dizaynerlarning UI8.net'ni chopilgan versiyasini ishlab chiqishganiga e'tibor beramiz. Ro'yxatdan o'tishda muammo sodir bo'ldi. Bu yerda dizaynerlarni aybi yo'q, hamma ayb dasturchida ))

Ba’zan ayrim "korchalon mutaxassis”lar o‘zini bozorga solib:

— “Dizaynni-ku maning o‘zim juda zo‘r bilaman, ammo o‘sha dizayn-pizayn qib o‘tirishga voqtim yo‘qroq. O‘ziz dizayn qib bering.”

Shunday paytlarda bunaqangi ish palon pulga aylanadi, desam:

— “O‘h-xo‘o‘... Ja qimmat etvormadizmi? Man bu dizaynlani narxi nech pulga aylanishini juda yaxshi bilaman” va hokazo naqldagi xabarlar yozib turishadi...

Shunga o‘xshash holatlarda bunday “korchalon”lar bilan biror kelishuvga erisha olmasligimizni anglagan holda, ularni boshqa dizaynerga yo‘naltirib yuboraman.

Aslida-ku, har kim o‘z ishini qilgani ma’qul. Dasturchi yoki boshqa kishi kelib dizaynerga “aqllilik” qilishi, uning kim bo‘lishidan qa’ti nazar, bozordagi narx-navoni bilib-bilmay turib, narxlarni o‘zim belgilayman, deyishi umuman aqlga to‘g‘ri kelmaydigan, nodonlarcha ish tutishdir!

Bunday kimsalar xatti-harakatlarini tahlil qilib, ularga baho berib ko‘rganimda, shuni anglayman-ki, ularning birortasi ham mazkur sohada arzigulik tajribasi yo‘q, "yuzama-yuzaki bilim olgan" (“o‘zicha mutaxassis”) kishilar (ba’zida, dasturchilar ham) bo‘lib chiqishadi. Oxir-qibat, aynan mana shuning uchun ham, bu kabi kimsalar bilan aslo ish ko‘rmaslikka intilaman...

Men birorta ustasi farang dasturchilar bilan ishlagan taqdirimda ham, ulardan biror marta ham:

— “Eee... Dizaynning manavi joyini mana bunaqa qilish kerak edi” yoki “Shuni o‘rniga dizaynni mana bundog‘ qilganingiz tuzukroqmasmidi?" kabi ihtehzolar eshitmaganman.

Hattoki, mobil ilovalar dasturchilari ham o‘zlarini sipo tutadilar. Ular:
— “Chamalanayotgan funksiyalar o‘ta murakkab bo‘lgan taqdirda ham, ularni amalga oshirish men uchun juda qiziq”, – deyishadi.

Binobarin, ular dizaynerning ishiga aralashmagani singari, narx-navo borasida ham hech tortishib o‘tirmay, o‘zlariga monand "yo‘g‘on-yo‘g‘on" narxlarni ovoza qilishadi...

Tan olish kerak, hozirgi kunda bozorda ochiqdan ochiq ayrim “noshud-u notavon” dizaynerlar ham, "tutruqsiz" dasturchilar ham uchraydi, hamda ular o‘z xizmatini choychaqagayam arzimaydigan o‘ta "past" narxlarga sotishgayam rozi. Ular tomonidan “qo‘l uchida apil-tapil” bajarilgan mahsulot bilan hamma tan olgan "ustasi-farang" mutaxassislar ishini tenglashtirish – bunday jiddiy yumushga g‘irt ahmoqona “surbetlarcha” yondashuvdir!

"Ustasi-farang" mutaxassislar mijozning "ojizona" byudjetiga zor emas. Bunaqangi vaziyatlarda mijoz ham o‘z fahm-farosatini mundoq ishlatib, mutaxassislar saviyasi orasida farqqa to‘g‘ri baho berishi lozim yoinki mo‘ljal qilinayotgan byudjetni "dadilroq" qilib aytaverishi o‘zining maqsadiga muvofiqdir.

@suxrobblog | #fikrlar

Ushbu e'lon bozorga chiqayotgan ilmiy proektlardan biriniki, budjet hozircha katta emas ekan. Kerakli kadrni topishga o'zim yordamlashyapman, e'lon bo'yicha o'zimga aloqaga chiqishlaringiz mumkin. Yokida shu kabi kishilarni bilsangizlar, e'lonni ulashib qo'ysangiz xursand bo'lardik)

Vaqtida Figma community'da iPhone uchun "Sign Up" ya'ni registratsiya qismini chizib qo'ygan edim. Hozirgacha 549 ta kishi olib foydalanishibdi...

Menga esa har kuni dizayn faylni yuklab olishdi deb bildirishnoma keladi.

P.s. Ichimda shu sahifalarni ham chiza olmasang, o'la bu kuningdan deyman)

@suxrobblog | #figma #community

Telegram ishlamay qoldi, web versiyada ham ochmay qolgan edi.

(21:39. Hozir ishlashni boshladi)

Dasturchi faqat kod yozmaydi. Yoki dizaynerdan kutuvlar…

Marketing, turli tuman kurslar oqibatimi, nima sabab — bilmadim-u, “dasturchi faqat kod yozadi” degan noto‘g‘ri qarash shakllanib qolgan. Shu boisdan ushbu maqolada dasturchi va dizayner vazifalari nimalardan iborat ekanligini bilan yoritib o'tdim.

👉🏽 Maqolani 2 daqiqada o'qish

P.S. Ushbu maqolani o'zimizni dasturchilarga yuboramiz)

@suxrobblog | #dasturchi #uxui

Men ham blogda xotirjamlik haqida yozgandim)

Puldor do’stlarimiz bor.

Suhbatlashsak puli bo’lmagan davrini eslab o’sha paytdagi hotirjamligini hozir yo’qotganini aytadi. Afsuslangandek bo’ladi.

Ular ko’pchiligi puldor bo’lish hotirjamlikni yo’qolishiga sabab bo’ladi degan xulosaga kelishgan. Ammo puldan voz kechisha olmaydi. Qopqonga tushgandek.

Pul topgandan keyin halovati yo’qolganlar ko’p.

Aslida muammo puldor bo’lishda emas, balki xohishlarimizni tushuna olmasligimizda.

Hedonic treadmill degan tushuncha bor. Hedonism - hayotdan maqsad faqat rohatlanish, kayf qilish degani, treadmill esa - yugurish yo’lakchasi.

Bu ibora tarjimasi rohatlar tugallanmasligi, biri ortidan ikkinchisi kelishi deb tushunsak bo’ladi.

Halovat yo’qolishi sababi bu xohishlarimiz tugallanmasligi.

Bir narsa xohlaymiz, unga erishamiz, 2 haftadan keyin yana yangi narsa xohlaymiz.

Buni iPhone yoki mashina misolida ko’rish mumkin. Avval Matiz mashina olganimiz uchun qanchalik hursand bo’lgan bo’lsak, oradan ko’p o’tmay Nexia xohlaymiz, keyin Lacetti, keyin Tracker va hok.

Yoki iPhone 12 bor edi, 15 olgimiz keladi, keyin 16 ga o’tgimiz keladi va hok.

Bir qarashda bunday bo’lishda muammo yo’qdek. Chunki atrofimizda hamma shunday.

Muammo shuki xohishlarni upgrade qilishimiz bizdan umrimizni pulga sotishni talab etadi.

Ishlaymiz, pul topamiz, xohlagan narsamizni olamiz, yana qimmatroq narsa xohlaymiz, yana ko’proq ishlaymiz unga yetarli pul topish uchun.

Tinmay harakat qilamiz, charchaymiz, ammo bir joydan qimirlamaymiz, huddi yugurish yo’lakchasida yugurgandek.

Biz xayotda aslida nima xohlaymiz?

Xohishlarimizni anglab yetishimiz muhim.

Bek Olimjon
Andijon,
16.04.25

Smart watch ishlatmasam ham, Smart watch'larga dizayn chizyapman. Bir kam dunyo... Soat ham yaxshi sovgʻa lekin ) P.S. Smart watch'larga dizayn chizish boʻyicha prinsiplar bilan boʻlishaymi, ne deysizlar?

Smart watch ishlatmasam ham, Smart watch'larga dizayn chizyapman. Bir kam dunyo... Soat ham yaxshi sovgʻa lekin )

P.S. Smart watch'larga dizayn chizish boʻyicha prinsiplar bilan boʻlishaymi, ne deysizlar?

Bizni dasturchi akalar ham qoʻllashyapti. Vakansiya ochganlarida "ekspertlar" rosa hunob qilishgan boʻlishi mumkin, ularni ham 😅

Kursni tugatib 5000$ daromad. Oʻqib yuboraymi? ))

Kecha fintech kompaniyada ishlaydigan dasturchi tanishim bilan gaplashgandim. 3 yillikdan ziyod tajribasi bor middle dasturchilar 1500$ gacha oylik olarkan ularda, senior dasturchilari esa 3000$ gacha oylik olarkan...

— Yuqoridagi kishi kursni tugatgan oʻquvchilariga qanday qilib 5000$ lik daromadga olib chiqarkan, hayronman. Dasturchilar yaxshi bosqichga chiqishi uchun ham kamida 3 yil kerak. Shunda ham dasturchi ba'zi joylarda junior daraja ololmasligi ham mumkin... Nega dasturchilar bu holatga jimgina kuzatmoqda, bozorni chala mutaxassislar egallab, hamma joyni rasvo qilib boʻldi oʻzi?!

— Sal insof bilan matnlarni yozinglar degim keladi. Bir qarasam dizaynerlar orasida ham kurslarni reklamasida 1 oyda 2000$ topasiz. Bir oyda junior boʻlasiz, 2-oyda middlesiz. 4-oyda Team Leader. Kulgim keladi, nima bu ahvol? 😂

P.S. Bularga qarshi kurashmasa, chala ekspertlar koʻpayadi!

@suxrobblog | #kurs

ChatGPT dizaynerga har doim ham toʻgʻri fikrni yetkaza olmaydi. Dizaynni SI'ga tashlab feedback olib, dizaynni qaytadan chizib yoki oʻzgartirish kiritib yangilab boraman deb oʻylash xato fikr!

Oʻzimda boʻlgan holatlardan: Bir necha UX jarayonlarini ChatGPT'ga yaxshilab yozib tushintirib chiqdim yechim beryapti. Yechimi ham yomon emas, baʼzi masalalarda xato fikrlarni ham chiqarib beryapti. Keyin men unga savollar berib, "shu vaziyatda shunaqa boʻlishi kerak emasmi?", deb yozyapman. Va u meni fikrimni maʼqullayapti...

Yana bir misol poster generatsiya qilib berganidan soʻng, ierarxiya toʻgʻri ishlatilganini soʻragandim. "Ha, toʻgʻri qoʻllangan...", deb javob berdi. Bir posterdagi ierarxiyani notoʻgʻri qoʻllanganini tahlil qila olmagan vosita, UX/UI dizayn boʻyicha toʻgʻri yechimlar beradi deb xulosa chiqarmaslik kerak.

— Dizayner ChatGPT'ni xato xulosalariga ishonib qolmasligi uchun esa, ilm olish kerak, koʻproq oʻrganishi oʻz ustida ishlashi lozim. ChatGPT dizaynerga ustoz boʻla olmaydi, uni ustoz deb hisoblash notoʻgʻri. U sunʼiy idrokka ega vosita xolos, uni "avliyo ota" kabi qabul qilmang!

P.s. Post qoʻlda yozilgan)

@suxrobblog | #chatgpt #SI

Bir dasturchi yo bir dizayner hikoyasi...

— Vaqtida bilsangizlar java (tugmali) telefonlar boʻlardi, Va men, Nokia 6230, 6300, X2, 2700, Samsung shunaqa java telefonlari ishlatganman. Odatda telefonda oʻyin oʻynamasdim, lekin oʻyinlarni va dasturlarni yuklab olib, mod qilishga qiziqardim. Keyin oʻsha oʻyin va dasturlarni ishlatib koʻrib, tanishlarga tashlab berardim... Shu tariqa dasturlashga qiziqib qolgandim...

Keyinroq android telefonlari ishlatishim davomida androidda ham dasturlarni mod qilishni boshladim. Men mod qilgan dastur va oʻyinlarni oʻzbek tiliga ham tarjima qilib chiqardim. Qizigʻi Android dastur yoki oʻyinning «assets» fayllarida esa, (.png) suratlar ham chiqardi. Dasturdagi matnlar oʻzbek tilida, faqat suratlardagi matnlar ingliz va rus tilida boʻlib qolishi asabga tegardi... Shu tariqa izlanib-izlanib, suratdagi matnni oʻchirib, oʻzbekcha oʻzimni matnimni qoʻyishni boshladim... Qarasam, bu narsa menga yoqyapti, maza qilyapman...

Oz-moz dizayn degan atamani ham oʻrganib olgandim. Shu vaqtlar 2018 yillar edi. Nimadir sabab boʻlib telegramdan "Design" deb izladim, bir guruh chiqib keldi. U yerda dizaynerlar ishlarini tashlab feedbackʼlar olishardi.

— Men ham shu guruhda "trash" ishlar qilib tashlab turardim. Ochiqdan ochiq bachkana, yemagan deb ochiq tanqid qilishardi (rostdan ham yemagan ishlar edi). Menga farqi yoʻq edi, men qiziqishim bilan guruhga qoʻshilganman, pul topishni "вообще" oʻylamagan paytlarim edi)

Aslida dasturchi boʻlmoqchi boʻlgan shaxs, taqdir taqozosi bilan grafik dizayn, soʻngra UX/UI dizaynga oʻtib qoldi... Hech yoʻq dasturchilar bilan bir yoʻlda yuribmiz shunisi ham xursand qiladi va daromadi ham )

P.s. Post qoʻlda yozilgan!

@suxrobblog

Nega dizaynni tanlagansiz? )

Biz ham shunaqa chellange qilamizmi? 😅

Ha bosamiz deganlar, takliflarni menga yozib yuborsin )

Yoki UX/UI dizayn xizmatlarning biriga 80% chegirma e'lon qilamizmi? :))

Xayrli kech logochilar! Men sizlarni hurmat qilaman. Shunga bezovta qilmay degandimda 😁😅

Logo kerak edi...

ChatGPT’ga nima qilishim kerakligini tushuntirdim, u esa qisqa vaqt ichida kerakli logoni tayyorlab berdi. Natija .PNG formatda rasm edi. Ammo menga bu logo vektor formatida kerak edi.

Vaqtni yo‘qotmaslik uchun darrov Google’ga murojaat qildim. “Free image to vector AI” deb qidiruvga yozdim va chiqgan birinchi saytdan logoni vektorga aylantirib oldim. Juda qulay va tez bo‘ldi. Keyin esa Figma’da ozgina ishlov berdim, shundan keyin logoni loyihaga ishlatdim.

Ortiqcha kutishlar ham, xarajatlar ham bo‘lmadi. Mijoz esa juda mamnun...

P.S. To‘g‘risi, hammasi bunchalik silliq va tez bo‘ladi, deb o‘ylamagandim. Yandex Images orqali logoni alternativalarini izlab ko‘rdim, lekin topolmadim :)

@suxrobblog | #chatgpt #logo #SI

Oldin bir oʻquv markazi boʻlardi. Bolalarni kibrini sindiramiz deb, kontentlarida aytishardi. Men ular bilan ishlaganman. Va oʻquv markazini remontida qatnashganman. Ustalar oʻrniga xodimlarni shu kabi ishlarga jalb qilishardi. Baraka topishsin! Ancha foyda olganman, kibrni sindirishga ham zoʻr yechim, oʻquv markazlarini Direktorlari ham kelib remontga qatnashardi. Mehnatkash jamoa edi 😅

P.S. Ustachikka qiziqib qolib, bir boʻlsa dizaynni tashlab ustachikka oʻtib ketmoqchi boʻlgan edim ham... U kunlar oʻtdi... Ha mayli, dizaynga qaytamiz endi ))

Nafsni qiynashda davom etamiz.

Oʻtgan yili Yunusobod tomondagi ot minadigan joyga 1fitdan ot mingani borganda yoʻlda mardikorlar turadigan joyni koʻrib, biror kun shu yerga chiqib ishlab koʻrishni niyat qilgandim.

Bu nimaga kerak?
Bu hozirgi yashayotgan hayotimizni qadriga koʻproq yetishimiz uchun, komfort zonadan bir kunga boʻlsa ham chiqish uchun, nafsimizni tarbiyalashimiz uchun kerak.

U yerga chiqqanlarni hammasi ham ish topolmaydi, koʻpi qaytib ketadi uyiga quruq qoʻl bilan.
Rizqi boʻlsa bir hafta ishlaydiganini bir kunda topib qoʻyishi ham mumkin.

Xullas kimdir sherik boʻlmoqchi boʻlsa @DostonUsmonov ga yozsa boʻladi. Xudo xohlasa shu yakshanba chiqib koʻrmoqchiman. Omadimiz kelib ish topsak, xohlaganlar kunni oxirida topgan pulini ehson qilishi mumkin.

❓ Question:
Oylik daromadingiz?

✅ Answer:
100$ bersangiz aytaman ))

💌 @AMA_AnonymousBot

Dizaynni o‘rganishda asosiy e’tiborni UI ga qaratilishi kerakmi, yoki UX muhimroqmi?

Javob: Aslida yu-ay ham, yu-iksni ichiga kiradi.

Masalan, tasavvur qiling: UI chap qoʻlingiz boʻlsa, UX oʻng qoʻlingiz. Ketmon chopyapsiz, bir qoʻlda ketmonni ishlata olasizmi?) Yoʻq albatta!

Ketmonni ishlatish uchun ham ikki qoʻldan foydalangan kabi, UX/UI'ni ham shunday foydalanasiz.

Ikki boshni bir qilib degandek, bu yoʻnalishni ham bir qilib oʻrganing, janob yoki xonim)

@suxrobblog | #anonim_suhbat

❓ Question:
Dizaynerlar 2-3 yildan keeyin ishsiz qolishi mumkinligiga ishonasizmi?

✅ Answer:
Yoʻq. Rizq Allohdan!

Bitta misol ishlagim kelmagan paytlarida mijozlarga narxlarni 2x-4x qimmatroq aytgan paytlarim boʻlgan. Shunda rozi boʻlib ketishgan, boshqa paytlarida arzon narx aytib ham buyurmani olishga erisha olmagan vaqtlari boʻlgan.

— Yaʼniki men kutmagan joydan rizqni berib qoʻyyapti. Dizayner bitta nuqtada qotib qolmasligi kerak deb oʻylayman va oʻzini oʻqqa va chuqqa urib ham koʻrishi kerak. Shunda daromadi ham oshib boradi, nasib boʻlsa.

💌 @AMA_AnonymousBot

Dildan, dizayndan anonim holda suhbatlashamizmi? )

👉 Anonim savol yoʻllash uchun

P.s. Har bitta savolga javob berishga harakat qilaman. Qiziqarli savol yoki xabarlarni blogda ham uzaman 😅

@suxrobblog | #anonim_suhbat

Bottom Sheets'dan samarali foydalanish yo‘riqnomasining sifatli varianti

✳️ O'quv kurslari va turli xil (ta'lim berish) maqsadlarda muallifni eslatib o'tgan holda ishlatish tarqatish mumkin!

@suxrobblog | #mavzu #bottom_sheet

Bottom sheet (pastdan chiqadigan oynacha) nima?

Bottom sheet — bu ekranning pastidan chiqib, sahifani almashtirmasdan qo‘shimcha ma’lumot yoki harakatlarni ko‘rsatadigan mobil UI elementidir. Ular asosiy kontentni yopmasdan, kerakli paytda qo‘shimcha ma’lumot yoki funksiyani ko‘rsatishga yordam beradi.

Bu degani har doim ham bottom sheetni hamma yerga ishlatish kerak degani emas, dizaynerlar.

Noqulay dizayndagi bottom sheetlar foydalanuvchini chalg‘itadi: agar yopish oson bo‘lmasa, bir nechta sheet ustma-ust chiqsa yoki kerakli kontentni to‘sib qo‘yilgan bo'lsa...

(↗️ Yo'riqnomani PDF faylini yuklab olish)

@suxrobblog | #mavzu #bottom_sheet