🇺🇿Davlatimiz rahbarining “Futbol bo‘yicha o‘n yetti yoshgacha bo‘lgan o‘smirlar o‘rtasidagi Osiyo kubogi o‘yinlari g‘oliblari va ishtirokchilarini mukofotlash to‘g‘risida”gi Farmoni qabul qilindi.

Farmonga muvofiq “O‘zbekiston Respublikasida xizmat ko‘rsatgan sport ustozi” faxriy unvoni bilan Ismoilov Islombek Murodbek o‘g‘li - Futbol bo‘yicha O‘zbekiston o‘smirlar terma jamoasi bosh murabbiysi;

Futbol bo‘yicha O‘zbekiston o‘smirlar terma jamoasi a’zolari “Kelajak bunyodkori” medali bilan:

➖Abdukarimov Miraziz Erkin o‘g‘li;
➖Abdullayev Faridjon Nodirjon o‘g‘li;
➖Abdumo‘minov Azizbek Ikromjon o‘g‘li;
➖Aliyev Asilbek Ravshanjon o‘g‘li;
➖Baxodirxonov Muminxon Issoxon o‘g‘li;
➖Botiraliyev Hojiakbar Xayrullo o‘g‘li;
➖Yerimbetov Azizbek Muxammed Ali uli;
➖Izbaskanov Baxadir Maxsetbayevich;
➖Maxmudjonov Dilyorbek Sanjarbek o‘g‘li;
➖Muradov Amirxon Shuxrat o‘g‘li;
➖Musaxanov Muhammadali Alijonovich;
➖Muhammadov Akbar Alisherovich;
➖Rustamjonov Ne’matulloh Shuhratjon o‘g‘li;
➖Rustamov Jamshidbek Abrorjon o‘g‘li;
➖Saidmurodov Behro‘z G‘ayrat o‘g‘li;
➖Sarsenbayev Nurbek Raxatovich;
➖Sodiqov Sayfiddin Baxtiyor o‘g‘li;
➖Fazliddinov Abdulloh Zayliddin o‘g‘li;
➖Xakimov Muhammad Ulug‘bek o‘g‘li;
➖Xasanov Sadriddin Zayniddin o‘g‘li;
➖Habibullayev Muhammad Qodirjon o‘g‘li;
➖Shokirov Ibroxim Jamshid o‘g‘li;
➖Shukurullayev Abubakir Aziz o‘g‘li;

“Shuhrat” medali bilan

➖Djurayev Otabek Rustamovich - O‘zbekiston Milliy teleradiokompaniyasining “Sport” ijodiy birlashmasi bosh mutaxassisi

➖Tolipov Orifjon Boxodirovich - O‘zbekiston Milliy teleradiokompaniyasining “Sport” ijodiy birlashmasi “Futbol TV” telekanali muharriri

@alisher_sadullaev

Shavkat Mirziyoyev:

Aziz farzandlarim!

O‘n yetti yoshgacha bo‘lgan o‘smirlar o‘rtasida Saudiya Arabistoni maydonlarida bo‘lib o‘tgan nufuzli musobaqada muvaffaqiyatli ishtirok etib, yuksak sovrin – Osiyo kubogini qo‘lga kiritganingiz bilan xalqimiz nomidan, o‘z nomimdan chin qalbimdan samimiy muborakbod etaman.
...
Ayniqsa, finalda musobaqa mezboni – Saudiya Arabistoni kabi g‘oyat kuchli jamoaga qarshi keskin bellashuvda turli bosimlarga qaramasdan, o‘n bir o‘yinchiga qarshi to‘qqiz futbolchi shiddatli kurash olib borganingiz chinakam jasorat va matonat namunasi bo‘ldi.

... Mana shunday tarixiy g‘alaba uchun sizlarga, sizlarni tarbiyalab voyaga yetkazgan ota-onalaringiz va ustoz-murabbiylaringizga chin dildan samimiy minnatdorlik bildiraman.

Sizlar ushbu g‘alabadan ruhlanib, shu yil noyabr oyida Qatarda bo‘lib o‘tadigan jahon chempionatida ham Osiyoning g‘olib jamoasi sifatida munosib ishtirok etasiz, deb ishonaman.


👉 @xushnudbek 👈

🔥 Biz tarix yozdik. Finalda ikki kishi kam bo'lib, chempionga aylandik. O'zbegim ✊

🏆 Osiyo kubogi U-17 | Final

🇺🇿 O'zbekiston 2:0 S. Arabistoni 🇸🇦

⚽️ Gollar: Hakimov 51, Hasanov 70

🔴 Qizil kartochka: Sarsenbayev 40', Abukarimov 45'

Bu shunchaki dahshatli revansh!

G'alaba muborak!

Barakalla O'zbek o'g'lonlari!

Bu shunchaki qoyilmaqom!

9 kishi bo'lib, finalda Saudiyada 2ta gol urdik. Har bir qizil kartochka uchun bitta gol bilan javob berishyapti yigitlarimiz!

Bilmadim, OFK qandaydur yangi nominatsiya o'ylab topib, "eng irodali o'yin/g'alaba uchun" degan nominatsiyani ham yigitlarimizga berishi kerak)

⚡️Hozircha 2ta qizil evaziga 1ta penalti va gol.

O'zbekiston yoshlariga 1-taymda 2 ta qizil kartochka ko'rsatildi, jamoada 9 nafar futbolchi bilan Saudiya Arabistoni yoshlari ustida U-17 final o'yinida mezbonlarning uyida g'alaba qozonmoqdamiz.

Hali umid bor!

⚡️Dunyoning eng nufuzli universitetlari O‘zbekiston yoshlari uchun o‘z eshiklarini ochmoqda – bu esa hali boshlanishi!

Do‘stlaringiz orasida dunyoning TOP universitetlariga qabul qilinganlar bormi?

@alisher_sadullaev

⚡️Dunyoqarashimni o‘zgartirib yuborgan muloqot!

Minerva University asoschisi Ben Nelson bilan muloqot qilar ekanman, universitetda o‘qigan yillarim esimga tushdi. Ben juda ajoyib falsafa sohibi, uning fikricha, “universitetdagi sifatli ta’lim uchun eng muhim omil katta, qimmat kampus emas, balki sayohat orqali o‘rganishdir”.

Uning ta’lim modeliga ko‘ra, talaba 4 yil davomida har bir semestrni jami 8 semestrni 7 ta turli mamlakat shaharlarida o‘tkazadi va amaliyotda qatnashadi.

E’tibor bering: birinchi va oxirgi semestrlar San-Fransiskoda, qolganlari esa Seul, Taypey, Haydarobod, Buenos Ayres, Tokio va Berlinda o‘tadi. Qoyil-e, akademik yil davomida talaba professorlar bilan doimiy muloqotda bo‘ladi va darslar innovatsion platforma orqali olib boriladi. Har bir semestrda ham, har bir shaharda ham talabalar qandaydir muammoga yechim topishda, loyiha ustida ishlashda yoki tadqiqot markazlariga ishga kirishda ishtirok etishadi.

Umuman olganda, universitet talabalar uchun juda qadrli, bitiruvchilari esa dunyoning top kompaniyalariga ishga kirishmoqda. Chunki kompaniyalarga hammasini boshidan o‘rgatish kerak bo‘lgan odamlar emas, balki soha ichida tajribaga ega yoshlar kerak.

Ammo talabalar bilan uchrashganimda, ular mendan bir kichik o‘zgarishni so‘rashdi. Qanday o‘zgarish deb o‘ylaysiz?

Javobingiz juda qiziq)

@alisher_sadullaev

⚡️Stanford Universitetida yana bir muhim uchrashuvlardan biri “Venture Mindset” kitobi muallifi, Professor Ilya Strebulaev bilan bo‘lib o‘tdi.

Sohaga oid juda qiziq tahlillar, O‘zbekiston iqtisodi, venchur bozori hamda yangiliklari haqida suhbatlashdik.

Professor ayni vaqtda ko‘plab mamlakat hamda hukumat rahbarlariga kremniy vodiysi muvaffaqiyatining omillari hamda qanday qilib bundan to‘g‘ri andoza olish bo‘yicha maslahatlar berib kelayotgan ekanlar. Biz ham birlamchi hamkorlik takliflarini tingladik.

Avvalo, “Venture Mindset” kitobini o‘zbek tiliga tarjima qilish hamda kitob taqdimotiga Professorni chaqirish takliflarini muhokama qildi.

Oldinda ko‘p muloqot hamda uchrashuvlar bizni kutmoqda.

@alisher_sadullaev

⚡️Vanihoyat kremniy vodiysining gavhari, dunyoning birinchi raqamli biznes maktabi Stanford University bilan O'zbekiston yoshlari uchun hamkorlik dasturlarini muhokama qilishni boshladik.

Siz Stanford bilan yoshlarimiz uchun qanday hamkorlik dasturlarini ishlab chiqishimizni istagan bo'lar edingiz?

⚡️Kecha BMTning ECOSOC Yoshlar Forumida O‘zbekiston yoshlari nomidan nutq so‘zladim.

Prezidentimizning yoshlar uchun yaratilayotgan imkoniyatlari, ular bilan olib borilayotgan doimiy muloqot va ilgari surilayotgan yechimlarni ham ta’kidlab o‘tdim.

Ishonchim komil, O‘zbekiston yoshlari uchun imkoniyatlar soni kengayishda davom etadi va albatta yoshlarimiz ham bu jarayonda faollik, mas’uliyat bilan ishtirok etadilar!

@alisher_sadullaev

⚡️Nyu-Yorkda yana bir marra zabt etildi!

Endi safarimiz Kaliforniya shtatiga, dunyoning gigant kompaniyalari hamda startaplar orqali dunyoni o'zgartirishga harakat qilayotgan qaynoq qalb egalari bilan muloqot qilgani yo'l olamiz!

@alisher_sadullaev

⚡️Bugun Nyu-Yorkda, 200ga yaqin mamlakatlar ichida O'zbekiston yoshlariga BMT tomonidan birinchi bo'lib taqdimot qilish imkoniyati beriladi.

Ko'pchilik O'zbekiston Respublikasi Prezidentining yoshlar siyosatiga e'tibori, erishilgan natijalar hamda oldimizdagi rejalarimizga qiziqib, biz bilan yaqindan muloqot qilishmoqda.

Umid qilamanki, O'zbekiston yoshlarining dunyoga aytadigan o'z so'zlari ham bor. Qo'llab-quvvatlab turganingiz uchun barchangizga rahmat.

⚡️13-18-aprel kunlari AQShga rasmiy xizmat safari bilan yo'lga chiqdik.

Nyu-York, Birlashgan Millatlar Tashkiloti Yoshlar Forumida (ECOSOC) O'zbekiston yoshlari nomidan katta taqdimotimiz hamda vatandoshlarimiz, El-Yurt Umidi jamg'armasi stipendiatlari bilan muloqotimiz reja qilingan.

Kaliforniya, Kremniy Vodiysida faoliyat yuritayotgan yosh vatandoshlarimiz, startap egalari bilan uchrashuvlar hamda Stanford universiteti bilan hamkorlik loyihalarini muhokama qilamiz.

Hurmatli vatandoshlar, hamkorlik takliflari va uchrashuvlar yuzasidan albatta bizga aloqaga chiqishingizni so'raymiz.

@alisher_sadullaev

⚡️Mutolaa loyihasi ko'plab iqtidorli yosh oltin ovoz egalariga katta imkoniyatlar eshigini ochmoqda.

Bunday imkoniyat har kuni ham bo'lavermaydi, tanlovda ishtirok etish uchun jiddiy tayyorgarlik ko'ring, talablarni ortig'i bilan bajarishga harakat qiling.

Ishonchim komil, Mutolaa jamoasiga qo'shila olsangiz, kelajakda o'zingizga o'xshagan yuzlab iqtidorli yoshlarga imkoniyatlar eshigini ochgan bo'lasiz.

Barchaga omad yor bo'lsin! Tanlovda ishtirok etish uchun:

👉https://t.me/mutolaaxona/2025

⚡️Qizlaringizni o‘qiting, ularga qanot bering!

Shunday shijoatli, bilimdon, ota-onasining, millatning faxri bo‘lgan qanday qahramon qizlarimizni taniysiz?

@alisher_sadullaev

⚡️Bugun premyera!

Bolajonlarimizga ekologik bilim ulashuvchi “Yashil makon” animatsion multseriali haqida ko‘pchilik yaxshi biladi. Biz ushbu multserial qahramonlari orqali daraxtlar, qushlar, suv va havoga qanday munosabatda bo‘lish kerakligini kichkintoylarga o‘rgatishni maqsad qilganmiz.

Hozirgacha multserialning 4 ta qismi YouTube sahifalarida e’lon qilingan.

1-qism Sarguzashtlar boshlanishi — https://www.youtube.com/watch?v=tLKC0V3_-1k

2-qism Xazonrezgilik — https://www.youtube.com/watch?v=vOdJQTdMTJI

3-qism Eko mashinalar qanday yasaladi? — https://www.youtube.com/watch?v=qD4UGJsi-5g

4-qismni bugun 20:00 da tomosha qilishingiz mumkin: https://www.youtube.com/watch?v=VKv6DWZhMu8

Albatta, bu yangilikni yaqinlaringizga ulashing. Farzandingiz bilan birgalikda tomosha qiling va tabiat haqida suhbatlashing!

Prezidentimiz Yoshlar parlamentlari global platformasini tashkil etishni taklif etdi

Prezidentimiz Shavkat Mirziyoyev Parlamentlararo ittifoqning 150-Assambleyasida yoshlarning parlament faoliyati bilan bir qatorda jamiyat hayotining barcha jabhalarida to‘laqonli ishtirok etishi uchun ularning huquq va imkoniyatlarini kengaytirish o‘ta dolzarb masala ekanligini, shu sababli, Parlamentlararo Ittifoq tizimi doirasida Yoshlar parlamentlari global platformasini tashkil etish va uning ta’sis forumini O‘zbekistonda o‘tkazishni taklif qildilar.

@alisher_sadullaev

⚡️Mamlakatimizda dunyo parlament yetakchilari jamlanmoqda.

➡️5–9-aprel kunlari Parlamentlararo Ittifoqning (IPU) 150-yubiley Assambleyasi ilk bor Markaziy Osiyoda O‘zbekistonda o‘tkazilmoqda.

➡️Toshkent shahrida o’tadigan ushbu Assambleyaga dunyoning 140 ga yaqin mamlakatidan 105 parlament yetakchilari, 2000 dan ortiq parlament vakillari va 50 ta xalqaro tashkilotdan delegatlar ishtirok etadi.

@alisher_sadullaev

⚡️“ZUKKOTEST” loyihasining 2-to‘plam natijalari bilan tanishing!

Oldingi safar tanlovda obunachilarimiz qilgan harakatlari va izlanishlarini qo‘llab-quvvatlab, bonus sifatida pul mukofotlari va premiumlarni bergan edik. Lekin, bu gal TOP10 reytingdan faqat ikkita ishtirokchi o‘rin oldi.

Bilasiz, biz 10 ta ishtirokchiga pul mukofotlari va 100 nafar ishtirokchiga “Mutolaa” va “Ibrat Academy” ilovalari uchun 3 oylik premium obuna sovg‘a qilish haqida yozdik. Lekin biz kutgan natijalar bo‘lmadi.

Loyihani davom ettiramizmi yoki to‘xtatamizmi? Balki uni boshqacha tartibda tashkil etish kerakdir? Fikrlaringizni izohlarda qoldiring.

Ko‘pchilik so‘ragan test javoblarni @kitobxontestbot orqali jo‘natamiz. Tez orada g‘oliblarga va’da qilingan pul mukofotlarini yetkazamiz!

🤝Ishtirokingiz uchun rahmat, bilimdonlar!

@alisher_sadullaev

⚡️”Yosh kitobxon” tanlovining 2024-2025-yilgi mavsum g‘oliblariga Prezident sovg‘asi BYD Chazor elektromobillari topshirildi!

Eng quvonarli jihati, g‘oliblarning barchasi qizlar! Bu esa qizlarga berilayotgan e’tibor, ularning bilimga chanqoqligi va kitobga bo‘lgan qiziqishi qanchalik ortganligining belgisi.

Tanishing, g‘oliblar:

• Dilbarxon Haydarova — Toshkent shahar “Bo‘z” mahallasidan 10-14 yosh toifasi g‘olibi. Otasi Bo‘ronov Firuzbek, hisobchi.

• O‘g‘iljayron Xaldurdiyeva — Qoraqalpog‘iston Respublikasi, To‘rtko‘l tumani “Kaltaminor” mahallasidan 15-19 yosh toifasi g‘olibi. Otasi So‘yunov Abajan, yakka tadbirkor. Dehqonchilik bilan shug‘ullanadi.

• Maftuna Ochilova — Xorazm viloyati, “Nurli hayot” mahallasidan 20-30 yosh toifasi g‘olibi. Onasi Ochilova Dildora, nafaqada.

Barchani chin yurakdan tabriklayman! Bu g‘alabalar nafaqat ularning mehnati, balki oiladagi tarbiyaning ham yutug‘i!

@alisher_sadullaev

⚡️ “ZUKKOTEST” 2-to‘plami boshlandi!

Test ishlash jarayonlari boshlanganiga 2 soatdan oshdi. Lekin… hali ham pul mukofoti va premium obunalarga talabgorlar topilganicha yo‘q. Oldinda hali 20 soatdan ortiq vaqt bor. O‘zingizni sinab ko‘ring va eng qiziqarli testlardan zavq oling!

Agar ro‘yxatdan o‘tmagan bo‘lsangiz hoziroq @kitobxontestbot orqali ro‘yxatdan o‘ting.

@alisher_sadullaev

⚡️Bilimdonlar tayyormisiz?

Bugun 18:00 dan boshlab “ZUKKOTEST” loyihasining ikkinchi bosqichiga start beramiz! 24 soat davomida obunachilarimiz o‘zlarining intellektual bilimlarini sinovdan o‘tkazishi mumkin!

Esingizda bo‘lsa, oldingi safar eng yuqori natija olganlarning barchasiga pul mukofoti va premiumlar sovg‘a qilgan edik. Bu safar testlarni qo‘shimcha ko‘rsatgichlar bo‘yicha 100% to‘g‘ri bajargan 10 ta ishtirokchiga 1 million so‘mdan pul mukofotlari beriladi. 70%+ natija uchun “Mutolaa” va “Ibrat Academy” ilovalari uchun 50% chegirmalar taqdim etamiz!

Agar ro‘yxatdan o‘tmagan bo‘lsangiz shoshiling, hoziroq @kitobxontestbot orqali ro‘yxatdan o‘ting.

G‘oliblarni pul mukofotlari va premium obunalar kutmoqda!

@alisher_sadullaev

O‘zbekistonda kitob o‘qilmaydi(mi)?

Ko‘pchilik yoshlar kitobga qiziqmaydi, O‘zbekistonda kitobxonlik darajasi past deb hisoblaydi. Bu ma’lumot haqiqatga qanchalik mosligi haqida ko‘p o‘ylayman. Yaqinda Asaxiy Books tomonidan o‘tkazilgan yirik aksiya bu fikrga shubha bilan qarashga asos berdi.

Xalq orasida "Kitobga navbatda turmagan xalq, nonga navbatda turadi" degan ibora bor. Ovqatga yoki kiyimga bo‘lgan navbatni ko‘p ko‘rgan edik, ammo bu safar kitob uchun navbatlarga ham guvoh bo‘ldik.

Aksiya o‘tkazilgan vaqtda Asaxiy do‘konlari odamlar bilan to‘lib-toshganini, kitob uchun bir nechta qatorlik uzun navbatlar paydo bo‘lganini kuzatdik. Rasmiy ma’lumotlarga ko‘ra, aksiya davomida 22 367 kishi Asaxiyga tashrif buyurdi va rekord darajada - 132 700 dona kitob sotib olindi. Yanada quvonarlisi shundaki, xaridorlarning 90–95% qismini aynan yoshlar tashkil etdi.

Bu raqamlar faqat aksiyaning muvaffaqiyatini emas, balki jamiyatda kitobga bo‘lgan qiziqish o‘sib borayotganini ham ko‘rsatadi. Asaxiy Books o‘z loyihalari orqali kitobxonlik madaniyatini targ‘ib qilish, kitobga bo‘lgan ehtiyojni qondirish va yoshlarni bilimga ilhomlantirishga harakat qilmoqda. Bu esa nafaqat kitobxonlik, balki fikrlash madaniyatining ham o‘sishiga xizmat qiladi.

Ijodiy yondashuv va innovatsion fikrlash butun jamiyatga ijobiy ta’sir ko‘rsatishi va uni uyg‘otishi mumkinligini Asaxiy isbotladi. Loyihaning tashabbuskorligi va kitobxonlik rivojiga qo‘shayotgan hissasidan juda xursandmiz. Asaxiyga chuqur minnatdorlik bildiramiz va bunday loyihalar ommalashishishi uchun doim ko‘makchi bo‘lamiz.

@alisher_sadullaev

Assalomu alaykum, aziz yurtdoshlar, hurmatli yoshlar!

Barchamizga Ramazon Hayiti muborak bo'lsin!

Yurtimiz tinch, osmonimiz musaffo, xalqimiz farovon, yoshlarimiz azmu-shijoatli bo'lsin.

🇺🇿Prezidentimizning PF-61-sonli farmoni asosida yoshlarga yaratilgan imkoniyatlar ro‘yxati:

1. Xalqaro fan olimpiadasi g‘oliblariga salkam 1 mlrd so‘m pul mukofoti beriladi!

2. TOP100 OTM PhD bitiruvchilari uchun 10 yilga foizsiz uy-joy ssudasi ajratiladi (806 mln so‘mgacha).

3. Kreativ park rezidentlari uchun soliq imtiyozlari joriy qilinadi (ijtimoiy va daromad solig‘i 50%gacha kamayadi).

4. C1 sertifikatiga ega yoshlar chekka hududda til markazi ochsa, foizsiz ssuda oladi (120 mln so‘mgacha, 3 yil muddatga).

5. “Yorqin iste’dod” loyihasi orqali mahallalardagi faol yoshlar xorijda o‘qitiladi, xarajatlar to‘liq qoplanadi (300 mlrd so‘m ajratiladi).

6. “El-yurt umidi” stipendiatlari tanlovsiz davlat ishiga qabul qilinadi va kadrlar zaxirasiga kiritiladi.

7. Kreativ industriya parklari va ularning hududiy filiallari tashkil etiladi, biznes maktablar ochiladi.

8. Harbiy OTM namunali kursantlari uchun “Oliy bosh qo‘mondon” stipendiyasi joriy etiladi.

9. Muhandislik olimpiadalari g‘oliblari mos OTMlarga grant asosida qabul qilinadi.

10. Milliy mediakontent va shoular uchun Yoshlar agentligi 100 mln so‘mgacha grant ajratadi.

11. Ekologik loyihalar uchun 10 mlrd so‘mli “Yashil tashabbuslar jamg‘armasi” tashkil etiladi.

12. Yoshlar agentligi binolari ijara daromadlari to‘liq rivojlantirishga yo‘naltiriladi.

13. Toshkentda Robototexnika markazi tashkil etiladi (2025-yil).

14. Toshkentda Yoshlar teatr studiyasi ochiladi (2025-yil).

15. Samarqandda “Take Off” startap sammiti o‘tkaziladi (2026-yil, “Texnofest” doirasida).

@alisher_sadullaev

⚡️Prezidentimiz yoshlar uchun juda ko'plab imkoniyatlar taqdim etadigan PF–61 farmonni imzoladilar.

Tez orada batafsil 🔥

⚡️Yaqinda “bo‘lajak tadbirkorlar bilan muloqot o‘tkazsak” deb shu yerda yozgan edim. Post izohlarida 700 dan ortiq izohlar yozilgan va bu juda quvonarli holat, ammo ko‘tarilgan ko‘plab masalalarda juda oddiy hisob-kitoblar ham aytilmagan. Menimcha, yoshlarni tadbirkor bo‘lishlarida eng muhim omil har doim ham mablag‘ yoki pul emas, aksincha bilim. Chunki tadbirkorlik — jamiyatdagi ehtiyoj yoki muammoni aniqlab, unga samarali hamda kreativ yechim bera olishda.

Shu fikrlar hayolimdan o‘tar ekan, o‘zbek yoshlari hatto global bozorlardagi ehtiyojlarni ham aniqlay olayotgani, jahon bozorida raqobatbardosh mahsulotlar yaratayotganlari meni juda quvontirdi. Misol uchun, AQShda muvaffaqiyatli faoliyat yuritayotgan va $750 000 investitsiya olgan DataTruck startapi asoschisi Shohruh Rahmanov bilan Davron Parmonov suhbatiga ko‘zim tushdi.

Fikrlash, muammoni aniqlay olish hamda global bozorga chiqish uchun bu intervyuni albatta ko‘rishingizni, shuningdek tadbirkor do‘stlaringizga ham ulashishingizni so‘rab qolaman. Bizga nafaqat mahalliy bozor, global bozorga ham chiqa oladigan tadbirkorlar avlodi kerak.

👉 Marhamat, to‘liq intervyuni ko‘rib, o‘z fikrlaringiz bilan albatta bo‘lishing!

Bilimdon yoshlarimiz uchun navbatdagi yangilikni e’lon qilmoqchiman!

Esingizda bo’lsa, “ZUKKOTEST” loyihasiga start bergan edik. Ko’plab takliflarga binoan loyihaning 2-bosqichini o’tkazmoqchimiz.

Test sinovlari 3-aprel kuni bo‘lib o‘tadi. Ungacha @kitobxontestbot orqali ro‘yxatdan o‘tib, quyidagi darsliklarni o‘rganishni boshlang! Eslatib o‘tamiz, test savollari aynan ushbu darsliklar asosida tuziladi!

1. “Mutolaa” ilovasidan Jadidlar: Mahmudxo‘ja Behbudiy;
2. “Ibrat farzandlari” ingliz tili darsligi;
3. “Ustoz AI” loyihasidan zamonaviy kasblar;
4. “Uzchess” loyihasining Debyut darsligi;
5. “Zakovat” intellektual savollari

Shartlar o’sha-o’sha!

• 45 ta savol (turli mavzulardan tasodifiy tanlanadi);
• Har bir savolga 1 daqiqa vaqt va 1 ball.

⚡️Mukofotlar:

TOP10 bilimdon: Har biriga 1 million so‘m pul mukofoti;

TOP100 reytingdan o‘rin olganlarga “Mutolaa” va “Ibrat Academy” ilovalari uchun 3 oylik premium obuna;

70%+ natija: “Mutolaa” va “Ibrat Academy” ilovalari uchun 50 foiz chegirma;

Hoziroq ro‘yxatdan o‘ting @kitobxontestbot

Rahmat, yigitlar!

Men bugungi o'yindan keyin Jahon Chempionatiga chiqishimizga ishonchim juda ortdi!

99%, Xudo xohlasa!

Prezidentimiz ishtirokidagi iftorlikda futbolchilarimiz g‘alabasi uchun ham duo qilindi.

Yigitlarimizga 2-taymda ham omad tilaymiz, tarixiy g‘alabaga juda yaqinmiz!

@alisher_sadullaev

⚡️Bugun O’zbekiston milliy terma jamoamiz JCH-2026 saralash bosqichida Eron terma jamoasiga qarshi maydonga tushadi.

O’yin 25-mart Toshkent vaqti bilan 21:00 da Tehron shahrida “Ozodiy” stadionida boshlanadi. Mazkur o’yin “Sport tv” orqali to’g’ridan to’g’ri efirga uzatiladi.

✊Omad yigitlar, biz sizga ishonamiz!

@alisher_sadullaev

Oila — bu qalbning eng samimiy maskani.

Qiz farzandlar esa shu maskanning gulidir. Ularning chehrasidagi tabassum butun uyni yoritadi, qalbidagi mehr esa yuraklarni iliq qiladi.

Har bir ota-ona uchun qiz farzand — Yaratganning eng nozik in'omi. Ularning orzulariga qanot bo‘lib, har bir kichik yutug‘idan ilhom topish — bu dunyodagi eng go‘zal baxtdir.

Qizlarimizga mehr beraylik, ularga ishonaylik va ularga shunday tarbiya beraylikki, kelajakda ulardan butun millat faxrlansin.

Obunachilarimiz orasida tadbirkor yoki tadbikorlik bilan shug'ullanmoqchi bo'lgan yoshlar bormi?

Sizlar bilan yangi imkoniyatlar yuzasidan muloqot qilmoqchimiz. Bizda ham Sizlar uchun yaxshi imkoniyatlar bor. Muloqotimiz tufayli minglab yangi ishchi o'rinlari yaratilsa ham ajab emas.

Izohlarda savollarga batafsil yozib, javob bering, shaxsan o'zim har bir izohga javob berib boraman.

Aziz yurtdoshlar, qadrli yoshlar!

Barchangizni bahorning go‘zal tuyg‘ulari ila yo‘g‘rilgan, ezgulik va yangilanish timsoli bo‘lgan Navro‘z bayrami bilan chin qalbimdan tabriklayman!

Navro‘z – nafaqat tabiatning uyg‘onish fasli, balki mehr-oqibat, bag‘rikenglik va birdamlik ayyomidir. Ushbu qutlug‘ kunlarda yurtimizga tinchlik-xotirjamlik, xalqimizga farovonlik va to‘kin-sochinlik tilayman.

Barchangizga bayram muborak bo‘lsin!

@alisher_sadullaev

O'yin haqida nima deysizlar?

Lekin yutdik, 16 ochko. O'zi vaziyat qanday Jahon Chempionatiga chiqa olamizmi? Imkoniyatlar yaxshimikan?

Shu ikki o'g'lonni Prezidentimiz yonlarida ko'rganimdan juda xursandman. Qanday chiroyli va faxrli lahza 🇺🇿

"ZukkoTest" ni davom ettiramizmi?

⚡️Eng yaxshi muhandislik g‘oyalari egalarini 9 ta elektromobil va super mukofotlar kutmoqda!

Agar siz talaba, o‘qituvchi yoki muhandis bo‘lsangiz, innovatsion g‘oya va loyihalaringiz orqali elektromobil, xorijiy davlatlarga stajirovka yoki pul mukofotlarini yutib olishingiz mumkin!

Oliy ta’lim, fan va innovatsiyalar vazirligi muhandislik sohasida “Eng yaxshi g‘oya”, “Eng yaxshi loyiha” va “Eng yaxshi ixtiro” yo‘nalishlarida tanlov e’lon qildi.

Tanlov yuqoridagi yo‘nalishlar bo‘yicha alohida 3 toifa ishtirokchilar — 40 yoshdan oshmagan professor-o‘qituvchilar, talabalar hamda amaliyotchi muhandislar o‘rtasida o‘tkaziladi.

1-o‘rin sohiblariga 9 ta elektromobil;

2-o‘rin uchun Xorijiy davlatlarda malaka oshirish;

3-o‘rin uchun pul mukofoti beriladi.

Tanlov aprel-iyun oylarida 3 bosqichda o‘tkaziladi. Arizalar joriy yilning 31-mart kuniga qadar muhandis.edu.uz veb-sayti orqali qabul qilinadi. Nizomi bilan ushbu havola orqali tanishib chiqishingiz mumkin.

✊Barchaga omad tilayman!

@alisher_sadullaev

⚡️Ikki kun davomida Samarqand viloyati, Ishtixon tumanining eng olis hamda chekka mahalla yoshlari bilan muloqot qildik.

700 nafar iqtidorli va salohiyatli eng olis hududlaridagi yoshlar zamonaviy oromgohlarga yo‘llanma olishdi. Ular eng zo‘r mentorlardan ingliz tili, IT, kitobxonlik, sport hamda shaxsiy rivojlanish dasturlari bo'yicha bir hafta davomida darslar olishadi.

Yana o‘nlab loyihalar chekka hudud yoshlari uchun yo‘lga qo‘yiladi.

⚡️Xorijiy tillar bo’yicha yuqori natijaga erishgan yoshlarga 80 mlrd so‘m kompensatsiya pullari qoplab berildi

Bugungi kunga qadar xalqaro imtihon tizimlaridan yuqori ball to‘plagan yoshlarga 80 mlrd 42 mln so‘m mablag‘ ajratish orqali 42 779 nafar yoshlarning imtihon topshirish xarajatlari to‘liq qoplab berildi.

Muhim jihati, 2024-yilda birgina IELTS imtihonidan 5,5 va undan yuqori ball olgan yoshlar soni 2020-yilga nisbatan 5 baravarga, 7-8 ball (C1 daraja)ni qo‘lga kiritganlar 7,4 baravarga, 8,5-9 ball (C2 daraja)ga erishganlar esa 23,7 baravarga oshganligi kuzatildi.

⚡️Shuningdek, tizimda yoshlar yana bir yangi imkoniyat yaratildi.

Prezidentimizning tegishli qaroriga asosan, nemis, fransuz, koreys, xitoy va yapon tillari bo‘yicha imtihon topshirish xarajatlari qoplab beriladigan minimal daraja bir pog‘onaga ya'ni B2 va unga tenglashtirilgan darajaga tushirildi hamda imtihon xarajati qoplab berilishi yo'lga qo'yildi.

Eslatib o‘tamiz, 18 ta xalqaro imtihon tizimida yuqori natijaga erishgan yoshlar imtihon xarajatlarini “Xazna” ilovasi orqali qaytarib olishlari mumkin.

⚡️Bek va Lola ijodkorlari bilan bu safar ham juda qiziqarli mavzuga qo‘l urdik.

Bu galgi sonimiz bolajonlarda uy jonivorlariga bo‘lgan mehrni uyg‘otib, xususan “Baroqvoy” nomli mushukchaning bolalar hayotining ajralmas qismiga aylanib qolganini aks ettiradi.

Sizlardan katta madad, shu xabarni hech bo‘lmasa tanish ota-onalaringizga, yaqin do‘stlaringiz hamda tanish ota-onalar guruhlariga jo‘natsangiz, ularning ham farzandlariga yetib borar edik.

Premyera soat 10:00da bo‘lib o‘tadi. Albatta farzandlaringiz bilan birga tomosha qiling:

👉https://youtu.be/sB24ZokEp78?feature=shared

⚡️Prezidentimiz har doimgidek yoshlarimiz, ayniqsa qizlarimizga keng yo‘l ochib, ularni qo‘llab-quvvatlashda davom etmoqdalar. Bu safar Davlat Rahbari e’tiboriga tushgan yana bir iqtidorli yosh Ummatoy Yo‘ldosheva Kambag‘allikni qisqartirish va bandlik vaziriga maslahatchi bo‘ldilar.

Ummatoyga faoliyatlari davomida ulkan muvaffaqiyatlar tilab qolamiz!

@alisher_sadullaev

⚡️Tanlov ishtirokchilari uchun ajoyib xushxabarni e’lon qilmoqchiman!

Do‘stlar, avval faqat 100% natija qilganlarga pul mukofoti va premium obunalar sovg‘a qilishimiz haqida aytgan edik. Lekin, tanlov natijalaridan kelib chiqib, eng yuqori ballni qo‘lga kiritganlarga ham sovg‘alar berishga qaror qildik! Sizlar bu fikrga nima deysizlar?

1. TOP10 reytingdan o‘rin olganlarning har biriga 1 million so‘m pul mukofoti beramiz;

2. TOP100 reytingdan o‘rin olganlarga “Mutolaa” va “Ibrat Academy” ilovalari uchun 3 oylik premium obuna sovg‘a qilamiz;

3. 70%+ natijani qayd etganlarga “Mutolaa” va “Ibrat Academy” ilovalari uchun 50% chegirma promokodlar jo‘natildi. Bu promokodlardan 48 soat ichida foydalanishingiz mumkin!

4. Yaqin kunlarda g‘oliblar bilan ovozli muloqot o‘tkazamiz va ularning “ZUKKOTEST” tanlovi haqida fikrlarini eshitamiz.

5. Albatta, tanlov haqidagi so‘rovnomada ishtirok eting. Agar biz 70-75% ijobiy fikr yig‘a olmasak, tanlovni to‘xtatishga majbur bo‘lamiz. Agar tanlov sizlar uchun foydali bo‘lsa, biz uni yanada mukammal qilib davom ettiramiz!

🤝Ishtirokingiz uchun rahmat, bilimdonlar!

@alisher_sadullaev

Bilimdon obunachilarimiz, sizlar uchun test jarayonlari bo‘yicha qisqacha ma’lumotlarni ulashmoqchiman!

Ayni vaqtda test ishlagan obunachilarimiz soni 9 mingdan oshdi. Shundan 70%+ natija ko‘rsatganlar soni 1100 ga yetdi.

TOP10 va TOP100 ga kirganlar soni hozircha 1 nafar. Demak, hali judayam katta imkoniyatlar sizlarni kutmoqda. Barchaga omad tilaymiz!

Eslatma: Qatnashmadim deb o‘ylamang, haliyam imkon bor. Hoziroq @kitobxontestbot orqali ro‘yxatdan o‘ting va ishtirok eting!

Test ishlash ertaga 14-mart kuni 12:00 gacha davom etadi!

⚡️Bilimdonlar tayyormisiz?

Ertaga 13-mart kuni 12:00 dan boshlab “ZUKKOTEST” loyihasiga start beramiz! 24 soat davomida obunachilarimiz o‘zlarining intellektual bilimlarini sinovdan o‘tkazishi mumkin!

E’tibor qiling, testda faqat kanalga obuna bo‘lgan foydalanuvchilar ishtirok etishlari mumkin. Agar ro‘yxatdan o‘tmagan bo‘lsangiz shoshiling, hoziroq @kitobxontestbot orqali ro‘yxatdan o‘ting.

G‘oliblarni pul mukofotlari va premium obunalar kutmoqda!

@alisher_sadullaev

🇺🇿 O'zbekistonda IELTS 9.0 olganlar bormi o'zi?

@alisher_sadullaev

⚡️Ko‘plab bilimdon obunachilarimizni o‘ylab, “Zukkotest” tanlovi yuzasidan berilgan savollarga javob bermoqchiman.

1. Tanlov menga nima beradi? Tanlovda qatnashish avvalambor, bilimingizni mustahkamlash, mantiqiy fikrlash va beshta yo‘nalishda salohiyatingizni oshirish imkonini beradi. Bu siz uchun unutilmas tajriba bo‘ladi.

2. Biz shunchaki tanlov emas, sovg‘alarga boy bo‘lsin deb “Mutolaa” va “Ibrat Academy” ilovasidan premium obunalar sovg‘a qilishga kelishdik. Bundan tashqari, TOP10 reytingga kirgan ishtirokchilarimizning har biriga 1 million so‘mdan pul mukofotlari berishni maqsad qilganmiz.

3. Tuzilayotgan savollar ham aynan sizlarning kitobxonlik, chet tillari, zamonaviy kasblar, shaxmat va intellektual bilimlaringizni oshirishga qaratilgan. Albatta, bu sizlarga oson bo‘lishi uchun darsliklarni oldindan e’lon qilganmiz.

4. Test qachon bo‘lib o‘tadi? 13-mart kuni boshlanadi va 24 soat davom etadi.

5. Tanlovda kimlar qatnasha oladi? Biz bu tanlovga umuman chegara qo‘ymaganmiz. Istagan odam qatnashishi mumkin!

6. Nega yo‘nalishlar har xil? Tanlov maqsadi turli yo‘nalishlarni qamrab olish. Ushbu yo‘nalishlarda belgilangan mavzular qisqa bo‘lib, o‘qib tayyorgarlik ko‘rish uchun yetarli muddat belgilangan.

7. Bitta test to‘plamini qayta ishlash imkoniyati bormi? Yo‘q. Har bir ishtirokchi bitta to‘plamni faqat bir marotaba ishlashi mumkin.

8. Testlar soni qancha? 5 ta yo‘nalish bo‘yicha jami 45 ta savol bo‘lib, ular Telegramning ixtiyoriy (random) tanlovi asosida tushadi.

9. G‘oliblar qanday aniqlandi? Eng yuqori ball to‘plagan va eng kam vaqt ichida javoblarni aniq topgan ishtirokchilar orasidan g‘oliblar aniqlanadi. Agar natijalar teng bo‘lsa, bunda testni eng qisqa vaqt ichida tugatgan ishtirokchi g‘olib hisoblanadi.

10. Biz barchani g‘olib bo‘lishini istaymiz! Test savollarini 70 foizi (32-44) va undan ko‘piga to’g’ri javob berganlarga “Mutolaa” va “Ibrat Academy” ilovalari uchun 50% chegirmali promokod berishni reja qilganmiz. Bu esa bilimingiz orqali pullaringizni tejash imkonini beradi!

Ro‘yxatdan o‘tishga ulgurmadingizmi? Unda shoshiling!

Hoziroq ro‘yxatdan o‘ting: @kitobxontestbot

⚡️Ko‘plab bilimdon obunachilarimiz “Zukkotest” (@kitobxontestbot) yuzasidan savollar berishmoqda.

Sizni aynan qanday savol qiziqtirmoqda? Savollarga javob beramiz.

Tayyormisizlar? Jamoamiz bilan “ZUKKOTEST” loyihasiga start berdik!

Endi bilimdon yoshlar o‘z bilimini sinab ko‘rish bilan birga qimmatbaho sovg‘alar yutib olishlari ham mumkin. 13-mart kuni quyidagi yo‘nalishlar bo‘yicha test sinovlari o‘tkaziladi:

1. “Mutolaa” ilovasidan “Galaktikada bir kun” 1-2 kitob;
2. “Ibrat farzandlari” ingliz tili darsligi;
3. “Ustoz AI” loyihasining matematika darsligi;
4. “Uzchess” loyihasining shaxmat darsligi;
5. “Zakovat” intellektual savollari

Test qanday o‘tadi?
• 45 ta savol (turli mavzulardan tasodifiy tanlanadi);
• Har bir savolga 1 daqiqa vaqt.

⚡️Mukofotlar:

TOP10 bilimdon: Har biriga 1 million so‘m pul mukofoti;

TOP100 reytingdan o‘rin olganlarga “Mutolaa” va “Ibrat Academy” ilovalari uchun 3 oylik premium obuna;

70%+ natija: “Mutolaa” va “Ibrat Academy” ilovalari uchun 50% chegirma;

Ishtirok etish uchun @kitobxontestbot orqali ro‘yxatdan o‘ting va hozirdan tayyorgarlikni boshlang!

⚡️Bilimdon yoshlar uchun ajoyib yangiligimiz bor!

Endi chet tillari, kitobxonlik, zakovat, shaxmat, zamonaviy kasb va fanlar yuzasidan @kitobxontestbot manzilida katta tanlovlar tashkil etmoqchimiz. G‘oliblarga pul mukofotlari, yuzlab “Mutolaa premium”, bepul “Super start” obunasi sovg‘a qilinadi!

Kechroq batafsil e’lon qilaman, ungacha sizlardan faol bo'lib, ushbu yangilikni bilimdon do‘stlaringizga yetkazishingizni so‘rab qolaman. Albatta, izoh hamda munosabatingiz tanlovni yuqori darajada o‘tkazishimiz uchun juda muhim!

Ayni vaqtda Prezident Shavkat Mirziyoyev raisligida korrupsiyaning oldini olish bo‘yicha ishlar natijadorligi va kelgusidagi ustuvor vazifalarga bag‘ishlangan kengaytirilgan yig‘ilish bo‘lib o‘tmoqda.

Yig‘ilishda yangi xodimlarni lavozimga qo‘yishda qaysi oliygohni bitirgani yoki qayerda ishlagani emas, qanday bilim-tajribaga egaligi va ko‘rsatgan natijalari asosiy mezon bo‘lishi ta’kidlandi.

Bundan buyon mahallada odamlar bilan ishlagan, ularning muammosini o‘z ko‘zi bilan ko‘rib, hal qilgan yoshlar orasidan rahbar kadrlar tanlab olinishi kerakligi qayd etildi.

Ishga qabul qilishni ochiq va shaffof o‘tkazish, davlat xizmatchilari reestrini belgilash, kadrlarni korrupsiyaga moyilligini o‘rganish bo‘yicha farmon loyihasini kiritishni vazifa qilib topshirdi - Yurtboshimiz

@alisher_sadullaev

⚡️”Bek va Lola” orqali yana bir muhim mavzuga qo‘l urdik. Bu safar yo‘l harakati qoidalarini asosiy mavzu sifatida olib chiqdik.

Farzandlarimiz hayoti xavfsizligi uchun kichik bo‘lsa ham hissa qo‘sha olsak, biz bundan olam-olam faxr olamiz.

Sizlardan katta madad, shu xabarni hech bo‘lmasa tanish ota-onalaringizga, yaqin do‘stlaringiz hamda tanish ota-onalar guruhlariga jo‘natsangiz, ularning ham farzandlariga yetib borar edik.

https://youtu.be/If-I1ZSnTRk?feature=shared

⚡️Mahliyo O‘roqova bilim va kitobga bo‘lgan ishtiyoqi bilan hayotini o‘zgartira oldi. U 15 yoshida kitob o‘qib otasiga avtomobil sovg‘a qilgan! Bu uning tirishqoqligi va matonatining yorqin isbotidir.

Ayni damda kitobxonimiz O‘zbekistondagi eng katta mobil kutubxona “Mutolaa” jamoasida mehnat qilmoqda.

Jamoamiz nomidan Mahliyoga yanada yuksak zafarlar tilaymiz!

#prezident #yoshlar

@alisher_sadullaev

🇺🇿Azizbek Turdimurodov — Sirdaryo tuman hokimi lavozimiga tayinlandi

Davlat rahbari tomonidan yoshlarga berilayotgan yuksak ishonchning yana bir yaqqol namunasi. Yoshlar ishlari agentligi Sirdaryo viloyati boshqarmasi boshlig‘i lavozimida ishlab kelgan Azizbek Turdimurodov Sirdaryo tuman hokimi lavozimiga tayinlandi.

Yoshlar ishlari agentligi jamoasi nomidan Azizbek Turdimurodovni ushbu masʼuliyatli lavozim bilan tabriklab, uning yangi islohot va tashabbuslari sirdaryolik yoshlar uchun manfaatli bo‘lishiga tilakdoshmiz!

@alisher_sadullaev

O‘zbekiston Respublikasi Prezidenti Shavkat Mirziyoyev va Pokiston Islom Respublikasi Bosh vaziri Shahboz Sharif ko‘p qirrali O‘zbekiston-Pokiston hamkorligini yanada rivojlantirish va mustahkamlashga qaratilgan Qo‘shma deklaratsiya hamda ikki tomonlama Oliy darajadagi strategik sheriklik kengashini tuzish to‘g‘risidagi bayonnomani imzoladilar.

Ikki mamlakat yetakchilari huzurida tashrif davomida bir qator hujjatlar almashildi. Xususan, Yoshlarga oid siyosat sohasidagi hamkorlik to‘g‘risida bitim ham imzolandi.

@alisher_sadullaev

Qiziq taklif!

Prezidentimizning yoshlar bilan muloqotidan keyin ko‘p tashabbuslar ilgari surildi.

Shu tashabbuslardan qaysi birining atrofida samimiy suhbat tashkil qilsak bo‘ladi? Qaysi imkoniyatni tezroq amalga oshishini kutayapsiz?

Marhamat, izohlarda belgilab, tashabbuslardan birini batafsil yozing.

P.S. Eng faol obunachilarga til o‘rganishlari uchun vaucherlar, ibrat super start, mutolaa premium va ko‘plab sovg‘alarimiz bor.

🔥Hozirgina U-20 yoshlar futbol jamoamiz Janubiy Koreyalik yoshlarga o'yinning oxirigacha 3:1 hisobida imkoniyatni boy berayotgan edilar.

Yigitlarimizning irodasi evaziga deyarli so'nggi 4 daqiqa ichida 2ta gol urdik. Hisob tenglashdi 3:3. Oldinda olovli 2ta ekstra taymlar.

Omad yigitlar! Jahon chempionatiga bir qadam qoldi!

UPD. Penaltilar seriyasida yutkazdik. Hali hammasi oldinda, omad yigitlar!

⚡️Sirdaryolik Kamola 24 yoshida transport vaziriga yordamchi bo‘ldi

Kamola o‘z oldiga katta marralar qo‘ygan. Ayol-qizlarimizning yo‘l qurilishi sohasida ham munosib o‘rinlariga ega bo‘lishlari uning eng asosiy maqsadlaridan biri.

Jamoamiz nomidan Kamola Irisqulovaga omad va muvaffaqiyatlar tilab qolamiz!

#prezident #yoshlar

@alisher_sadullaev

⚡️18 yoshlik Parviz SAT imtihonidan 100% natija, 1600 ball oldi

Parviz ota-onasining mehri, qo'llab-quvvatlashi va yordami bilan katta natijalarga erishdi. Endi uni katta marralar oldinda kutmoqda.

Parviz kelgusidagi o'qish va rejalaringizda omad tilayman!

@alisher_sadullaev

🇺🇿Azizbekning muvaffaqiyatli qadami har bir o'zbekistonlik yosh uchun katta motivatsiya!

Azizbek kelgusidagi o'qish va ishlaringizda omad.

Ma'lumot o'rnida, Azizbek 4 yil ta'lim uchun Garvarddan jami 360 ming dollar grant yutib oldi 🔥


@alisher_sadullaev

⚡️Jahongirmirzo Marg'ilonda ilm-fan, muhandislik hamda 3D bo'yicha global dunyo uchun kontent tayyorlaydi.

Ayni vaqta barcha ijtimoiy tarmoqlarda (YouTube, Instagram) 750 mingdan ortiq obunachilari bor.

Prezidentimiz Jahongirmirzoning loyihasini yuqori baholab, u bilan faxrlanishlarini aytib o'tdilar. Aynan shu kabi foydali kontentlarni boshlash uchun Yoshlar ishlari agentligi 100 million so'mgacha grantlar berishini e'lon qildilar.

Yana shunday foydali kontent yaratayotgan yoshlardan kimlarni bilasiz?

@alisher_sadullaev

🇺🇿⚡️Ular bunga qanday erishdi?

Kimlarga havas qildingiz? Kimlarni bu davrada ko'rishni xohlar edingiz?

#prezident #yoshlar #uzbekpower

Президент Шавкат Мирзиёев ёшлар билан самимий мулоқот ўтказиб, уларни янги марралар сари руҳлантирди

Prezident.uz|Facebook|Instagram|YouTube|X

⚡️Bugungi Prezidentimiz bilan bo'lib o'tgan uchrashuvdan qisqacha taassurotlar!

Bu xabarni har bir yosh eshitishi kerak! Marrani baland olib, oldinga harakatlanishdan to'xtamang aziz yoshlar 🇺🇿

So‘ng Prezidentimiz faol yoshlar bilan muloqot qildi.

Turli hududlardagi oliy ta’lim muassasalari va nodavlat o‘quv markazlari, korxona va fermer xo‘jaliklari vakillari, yosh olim va sportchilarning fikr-mulohazalari tinglandi, takliflari ko‘rib chiqildi.

“Bugungi kunda Vatanimiz o‘z taraqqiyotining yangi bir tarixiy bosqichiga qadam qo‘ymoqda. Bu davrda oldimizda ilgari duch kelmagan murakkab vazifalar, g‘ov va to‘siqlar paydo bo‘lishi tabiiy, albatta. Lekin qanchalik qiyin bo‘lmasin, biz oldimizga qo‘ygan ulkan maqsadlarga albatta yetamiz.

Chunki bizning olis va yaqin tarixda ne-ne sinovlardan o‘tgan, donishmand xalqimiz bor, bugun barcha soha va tarmoqlarda maydonga dadil chiqayotgan g‘ayrat-shijoatli yoshlarimiz bor.

Sizlar bilan maslahat va muloqotni o‘z faoliyatimizda asosiy mezonlardan biri, deb bilamiz.

Sizlar ham bunday yuksak ishonchga munosib bo‘lib, jonajon Vatanimizni har tomonlama rivojlangan, go‘zal va farovon mamlakatga, Uchinchi Renessans diyoriga aylantirishda oldingi saflarda bo‘lasiz, deb ishonaman”,
- dedi Prezident so‘zining yakunida.

@alisher_sadullaev

Yoshlar masalasi parlament va mahalliy Kengash deputatlari faoliyatida ham muhim yo‘nalish sifatida qaralishi lozimligi ta’kidlandi.

Yoshlarga daxldor qonun loyihalarini Yoshlar parlamenti a’zolari bilan birga muhokama qilish va yalpi majlisda loyiha bo‘yicha yoshlar vakillarining fikrini ham eshitish maqsadga muvofiq ekani ko‘rsatib o‘tildi.

Shuningdek, mahalliy kengash sessiyalarida yoshlar masalalari bo‘yicha mas’ul organlar rahbarlarining axborotini eshitish, barcha mahalliy kengashlar huzurida yoshlar guruhlarini tashkil etish tashabbuslari ilgari surildi.

Mahallalarda yoshlar yetakchilari tizimi yo‘lga qo‘yilganidan keyin yoshlar siyosati tubdan o‘zgarib, mutlaqo yangi bosqichga ko‘tarilgani e’tirof qilindi.

Lavozimga kirishayotgan yoshlar yetakchilarining kasbiy ko‘nikmalarini shakllantirish maqsadida ularni tizimli ravishda o‘qitishni yo‘lga qo‘yish zarurligi qayd etildi.

@alisher_sadullaev

Yoshlarimizda vatanparvarlik ruhini kuchaytirish bo‘yicha 10-11-sinf o‘quvchilari o‘rtasida boshlangan “Vatan tayanchi” harakati kasb-hunar maktabi, texnikum va xususiy ta’lim tashkilotlarida ham yo‘lga qo‘yilishi belgilandi.

“Vatan tayanchi” otryadlari o‘rtasida “maktab – tuman – viloyat – respublika” darajasida sport musobaqalari va ijodiy tanlovlar tashkil etiladi.

Shu kabi har bir mahallada yoshlar o‘rtasida “mahalla – sektor – tuman – viloyat – respublika” darajasida “Shijoat va g‘ayrat” sport o‘yinlari o‘tkaziladi. G‘olib mahallalarga sport inshooti qurib beriladi, zarur anjomlar bilan ta’minlanadi.

“Vatan tayanchi” hamda “Shijoat va g‘ayrat” musobaqalari g‘oliblariga harbiy oliygohlarga kirishi uchun tavsiya beriladi.

@alisher_sadullaev

Tarbiyasi og‘ir yoshlar bilan ishlash bo‘yicha tizim yaratilgani natijasida salkam 1 million ushbu toifadagi yoshlarning ijtimoiy, iqtisodiy va maishiy muammolari hal qilindi.

Joriy yilda ham 150 mingga yaqin yoshlar vazirlik va hududdagi rahbarlarga nomma-nom biriktiriladi. Bu rahbarlar yoshlarning hayotda o‘z o‘rnini topishi, kasbga va xorijiy tillarga o‘rgatish, ishga joylashtirish, tadbirkorlik qilishi uchun yordam ko‘rsatishga mas’ul bo‘ladi.

Yoshlar ishlari agentligining tuman bo‘limlari yoshlar yetakchilari bilan birga o‘z harakat dasturini ishlab chiqadi.

Hokimlar esa yoshlar muammolarini hal qilish, bandligini ta’minlash bo‘yicha har oy ular bilan uchrashish tizimini joriy qiladi.

@alisher_sadullaev

Bugungi kunda mafkuraviy xavf-xatarlar allaqachon kibermakonga ko‘chib o‘tgani qayd etildi.

Shu munosabat bilan yoshlarimizda internetdan foydalanish madaniyatini yanada yuksaltirish, ular yolg‘on ma’lumotlar qurboniga aylanishi, dunyoqarashi salbiy g‘oyalar ta’sirida shakllanishini oldini olish muhimligi ko‘rsatib o‘tildi.

Farzandlarimizning ma’naviy tarbiyasi va mafkuraviy immunitetini kuchaytirish, ularni yot g‘oyalardan asrash har birimizning vazifamizga aylanishi shartligi ta’kidlandi.

Shu bois mutasaddilarga yoshlarning mafkuraviy xavfsizligini ta’minlash, ularni dardiga malham bo‘lib, muammosini hal qilib, turli g‘oyaviy xurujlardan asrash, zararli axborotlardan himoya qilish ishlarini kuchaytirish topshirildi.

Ilm-fan va ta’lim yo‘nalishidagi foydali mahalliy internet resurslari reyestri shakllantirilib, ulardan bepul internet tarmog‘i orqali foydalanish yo‘lga qo‘yiladi.

Nuroniylarimiz ishtirokida “Ajdodlar merosiga munosib avlod” g‘oyasi ostida yoshlarni birlashtirish bo‘yicha yangi tizim joriy etiladi. Shuningdek, yoshlarda vatanparvarlik hissini oshirish maqsadida “Men buyuk el farzandiman” umummilliy harakatini yo‘lga qo‘yish bo‘yicha yoshlarning tashabbusi qo‘llab-quvvatlandi.

Yoshlar ma’naviyatini yuksaltirishda badiiy adabiyotning roli juda katta ekani ta’kidlandi. Bundan qirq yil oldin ustoz shoir Erkin Vohidov tashkil etgan “Yoshlik” jurnali faoliyatini kuchaytirib, uni yana yoshlarimiz sevib o‘qiydigan jurnalga aylantirish muhimligi ta’kidlandi.

@alisher_sadullaev

Bugungi kunda fizika, kimyo, biologiya, texnologiya, muhandislik, matematika, bir so‘z bilan aytganda, STEM fanlarining ahamiyati tobora ortib bormoqda.

Olmazor tumanida 10 ta maktabda muhandislik laboratoriyalari tashkil qilindi. Bugun ushbu laboratoriyalarda 2 ming o‘quvchi robototexnika va ilg‘or texnologiyalarni o‘rganmoqda.

Barcha tumanlar hokimlariga bu tajribani o‘rganib, ommalashtirish, o‘z hududida 5 tadan maktabni shunday laboratoriyalar bilan jihozlash topshirildi.

Toshkent davlat texnika, axborot texnologiyalari, kimyo-texnologiya, Turin, Inxa kabi 36 ta texnika oliygohi rektorlari sun’iy intellekt, robototexnika, dron, kiberxavfsizlik kabi ixtirochilik yo‘nalishlarida “Oliygoh kubogi”ni e’lon qiladi. Eng yaxshi startap loyihalari tijoratlashtiriladi.

Kelgusi o‘quv yilidan boshlab o‘quvchilar o‘rtasida muhandislik olimpiadalari va tanlovlarini o‘tkazish yo‘lga qo‘yiladi. G‘olib bo‘lgan bitiruvchi yoshlar texnika oliygohlariga grant asosida o‘qishga kiradi.

@alisher_sadullaev

Energetika, transport, urbanizatsiya, zamonaviy arxitektura, tibbiyot yo‘nalishlarida “El-yurt umidi” jamg‘armasi kvotalari ko‘paytiriladi.

Bundan tashqari, dunyoning nufuzli ”Top-100” oliygohlarida ilmiy daraja olgan 35 yoshgacha bo‘lgan yosh olimlarga uy-joy uchun 10-yil muddatga 800 million so‘mgacha foizsiz ssuda ajratiladi.

Nufuzli xalqaro fan olimpiadalarida g‘olib va sovrindor bo‘lganlar uchun bir martalik pul mukofoti miqdori 5 karra oshiriladi.

Harbiy oliygohlarning namunali tinglovchilari uchun “Oliy bosh qo‘mondon”davlat stipendiyasi joriy etiladi.

Yoshlarni ilmga qiziqtiruvchi media kontentlar, eng yaxshi intellektual shoular yaratishga Yoshlar agentligi tomonidan 100 million so‘mgacha grantlar ajratiladi.

Yoshlarda tabiatga mehrni oshirish, atrof-muhitni muhofaza qilishga qaratilgan loyihalarini qo‘llab-quvvatlash uchun ”Yashil tashabbuslarni qo‘llab-quvvatlash jamg‘armasi” tashkil qilinadi.

@alisher_sadullaev

Muloqotda kambag‘allikni qisqartirishning eng samarali yechimi ta’lim ekani ta’kidlandi.

Shuning uchun kam ta’minlangan oilada hech bo‘lmaganda bitta farzand oliy ma’lumotli bo‘lishi uchun zarur sharoitlar yaratiladi.

Endilikda kambag‘al oilaning farzandiga ta’lim krediti foizsiz beriladi, qo‘shimcha grant ajratiladi, kontrakt to‘lovining bir qismi qoplab beriladi.

Yana bir yangilik – iqtidorli, bilimga chanqoq, lekin og‘ir oilaviy sharoiti sababli o‘qish imkoniyatiga ega bo‘lmagan yoshlarni xorijda o‘qitish bo‘yicha yangi tizim – “Yorqin iste’dod” loyihasi joriy etiladi.

Bunda har bir mahalladan ijtimoiy himoyaga muhtoj, bilimga chanqoq yoshlar saralab olinib, iqtidori aniqlanadi. Ularning salohiyatiga mos xorijiy oliygoh tanlanib, tayyorgarlik kurslarida o‘qitiladi.

Xorijda ta’lim olib qaytgan yoshlar Milliy kadrlar zaxirasiga to‘g‘ridan to‘g‘ri kiritiladi, ular davlat organlariga tanlovsiz ishga olinadi.

Har yili saralashdan o‘tgan 1 ming nafar yoshlar dunyoning “Top-100” oliygohlariga yuborilib, o‘qish va yashash xarajatlari qoplab beriladi.

@alisher_sadullaev

Joriy yil IT sohasi eksportini 1 milliard dollarga yetkazish maqsad qilingan. Bunda asosiy kuch, albatta, yoshlar ekani ta’kidlandi.

“Bir million dasturchi” loyihasiga qo‘shimcha 300 ming yoshlar jalb etiladi. “Coursera” platformasida 3 mingdan ortiq kurslarda sun’iy intellekt yordamida yoshlar uchun o‘zbek tilida ta’lim olish imkoniyati yo‘lga qo‘yiladi.

Bu yil “Muhammad Xorazmiy vorislari” loyihasi Qoraqalpog‘istonda ham joriy etilib, yana 1 ming nafar yoshlar qamrab olinadi.

Birlashgan Arab Amirliklari bilan O‘zbekistonda bir million sun’iy intellekt muhandislarini tayyorlash loyihasini amalga oshirishga kelishilgan. Raqamli texnologiyalar vazirligiga bu boradagi ishlarni boshlash topshirildi.

O‘tgan yili 25 ming nafar qizlar IT bo‘yicha bepul o‘qitildi. Bu yil dasturchi qizlar soni 2 barobar oshirilishi reja qilindi. 1 ming nafar iqtidorli qizlar IT oromgohlarida xalqaro olimpiadalarga tayyorlanadi.

Yoshlarning qiziqish va ehtiyojlarini barvaqt aniqlashda sun’iy intellekt texnologiyalaridan foydalanish, salohiyatini monetizatsiya qilish, ijtimoiy ahamiyatga molik loyihalarga jalb etish muhimligi ta’kidlandi. Mutasaddilarga raqamli ijtimoiy ekotizimni joriy etish bo‘yicha uzoq muddatli strategiyani ishlab chiqish topshirildi.

@alisher_sadullaev

Inson uchun ona tili bilan birga xorijiy tillarni bilish dunyoga chiqishda juda muhim. Ayniqsa, tijoratda buning o‘rni beqiyos.

Endi, xorijiy tillardan “C1” darajasiga ega bo‘lgan yoshlar tashabbus ko‘rsatib, olis va chekka hududlarda chet tillariga ixtisoslashgan o‘quv markazlarini ochsa, ularga 120 million so‘mgacha foizsiz ssuda beriladi.

Shuningdek, mehnat bozoriga til biladigan yoshlar kirib kelishini rag‘batlantirish uchun xususiy o‘quv markazlarida xorijiy tillarni o‘rganadigan yoshlarga xarajatlari “2+6” shaklida qoplab beriladi. Bunda o‘quv xarajatlarining dastlabki 2 oyi o‘quvchilarning o‘z mablag‘idan, qolgan 6 oyi davlat hisobidan to‘lab beriladi.

@alisher_sadullaev

Yurtimizda kreativ iqtisodiyot jadal rivojlanmoqda. Sohada faoliyat ko‘rsatayotganlarning 98 foizi yoshlar.

O‘tgan yili kreativ iqtisodiyotni rivojlantirish bo‘yicha alohida qonun qabul qilinib, huquqiy asoslari belgilandi.

Toshkent shahridagi "Yoshlar ijod saroyi"da namunaviy “Kreativ park” tashkil qilindi.

Endi, kreativ industriya parklari hududlarda ham barpo etiladi. Ular zarur resurs va infratuzilma bilan ta’minlanadi.

Kreativ industriya parki rezidentlariga 2030-yil yakunigacha imtiyozli soliq rejimi joriy etiladi. Bunda ijtimoiy va daromad soliq stavkalari 50 foizga kamaytiriladi, rezidentlar tovarlarni realizatsiya qilish hajmidan qat’i nazar aylanmadan olinadigan soliq to‘lovchilar bo‘ladi.

Parklar negizida kreativ soha vakillarini o‘qitadigan biznes maktablari tashkil qilinadi. Ushbu maktablarda yoshlar yangi va zamonaviy biznes yuritish hamda elektron tijorat kabi xizmat ko‘rsatishning innovatsion usullarini o‘rganadi.

@alisher_sadullaev

Servis sohasida ham yoshlar uchun imkoniyatlar kengaytiriladi.

Tadbirkorlar yosh xodimlarni ishga olib, kamida 3 million so‘m oylik to‘lasa, ijtimoiy soliq 1 foiz bo‘ladi.

Bu imtiyoz 3-yil amal qiladi. Bu orqali tadbirkor ham manfaat ko‘radi, yoshlar rasmiy ishlab, daromadi oshadi.

Umuman, "Yoshlar daftari" tizimini ham yangilash, transformatsiya qilish vaqti kelgani ta’kidlandi.

Mutasaddilarga yoshlarga ko‘rsatilayotgan barcha turdagi ijtimoiy paketlarni to‘liq xatlovdan o‘tkazib, ularni maqbullashtirish va natijadorligini oshirish bo‘yicha taklif kiritish topshirildi.

@alisher_sadullaev

Texnologik jarayonlarni boshqarishda strategik qarorlar qabul qiladigan yoshlarni tayyorlash uchun texnika oliygohlari qoshida 8 ta ilg‘or muhandislik maktabi faoliyat boshladi. Bu yil yana 17 ta shunday maktab ochiladi.

O‘tgan yili 56 ming gektar yer yoshlarga ajratildi. Bu o‘z samarasini berib, hozirda 153 ming nafar yoshlar dehqonchilik bilan shug‘ullanyapti.

Bu yil Qoraqalpog‘istonda, Andijon, Jizzax, Farg‘ona va Toshkent viloyatlarida bo‘sh turgan 3 ming 300 gektar yer yangicha tartibda ijaraga beriladi. Endi ilgari ajratilgan yerga mahsulot ekib, kamida 100 million so‘m daromad olgan yoshlarga ham ushbu tartib asosida bu yerlardan beriladi.

Yoshlar kooperatsiyalari tashkil qilinib, yoshlar qishloq xo‘jaligida bilim va ko‘nikma oshirishiga yordam beriladi.

Yoshlar sanoat zonalarida sanoat ipotekasi orqali bino olayotgan tadbirkorlarga uskuna xaridi uchun 500 ming dollargacha kredit ajratiladi. Sodda qilib aytganda, tayyor ishlab chiqarish maydonini olgan yosh tadbirkorga imtiyozli shartlarda uskunalar ham olib beriladi.

@alisher_sadullaev

2025-yilda O‘zbekistonda yoshlar ishsizligiga barham berish ishlari yangi bosqichga ko‘tarilishi ta’kidlandi.

Rahbarlar yoshlar ishsizligining salbiy oqibatlaridan, o‘z vaqtida band bo‘lmagan yoshlar bilib-bilmay nomaqbul ishlarga qo‘l urishi, diniy radikalizm ta’siriga tushib qolishi, jinoyat ko‘chasiga kirishi mumkinligidan ogohlantirildi.

Yunusobod, Asaka, Sharof Rashidov, Chiroqchi, Pastdarg‘om tumanlari, Olmaliq va Buxoro shaharlarida bu boradagi ishlar qoniqarsizligi ko‘rsatib o‘tildi.

Yoshlarni kasb va tilga o‘qitib, yuqori daromadli ishlarga joylashtirish maqsadida bu yil bandlik bo‘yicha katta dastur qabul qilindi. Buning uchun jami 126 trillion so‘m yo‘naltirilmoqda.

Unga ko‘ra, mahallalarda 378 mingta mikroloyiha amalga oshiriladi, mahalla bankirlari yangi kredit mahsulotlari hisobiga 250 ming nafar odamni daromadli qiladi.

@alisher_sadullaev

🇺🇿Prezident bugun yoshlar tadbirkorligida mutlaqo yangi davrni boshlab beradigan 3 ta katta hujjatga imzo chekkanini e’lon qildi.

Birinchi hujjatga muvofiq, Yoshlar agentligi huzurida Yoshlar tadbirkorligini rivojlantirish jamg‘armasi tashkil etilib, unga 100 million dollar mablag‘ ajratildi.

Endi tadbirkor yoshlarga 2,5 milliard so‘mgacha imtiyozli kreditlar beriladi, tashabbuskor yoshlarning startap loyihalariga 2 milliard so‘mgacha investitsiya kiritiladi.

Bugungi kunda oliygohlarni tugatayotgan 90 ming yoshlar mutaxassisligi bo‘yicha ish topishda qiynalmoqda.

Shu bois, ikkinchi qaror bilan oliygoh bitiruvchilari bandligini ta’minlash bo‘yicha yangi tizim yaratilmoqda. Buning uchun Milliy bankga 100 million dollar resurs beriladi.

Bank Oliy ta’lim vazirligi va Savdo-sanoat palatasi bilan birgalikda oliygoh bitiruvchilarining tashabbus va g‘oyalarini loyihaga aylantirish bo‘yicha yangi bank xizmatlari paketlarini joriy etadi.

Shuningdek, bitiruvchilarni ish bilan ta’minlash bo‘yicha hokimlar, bank va korxona rahbarlaridan iborat komissiya tuziladi. Komissiya ish o‘rinlarini yaratish, kadrlarga ehtiyoj, bo‘sh o‘rinlarga yoshlarni joylashtirish masalalarini hal etadi.

@alisher_sadullaev

Ilmiy darajali yosh olimlarimiz soni 2 karra oshib, 4 ming 357 nafarga yetdi. Ayniqsa, farzandlarimiz orasida chet tillarni o‘rganishga qiziqish keskin kuchaydi.

Ana shu imkoniyatlardan foydalanib, yaqinda bilimdon va intiluvchan Parviz Tuksanov SAT imtihonidan eng yuqori – 1 ming 600 ball to‘pladi. Prezidentimiz uni ushbu natija bilan qizg‘in tabriklab, ota-onasi va o‘qituvchilariga minnatdorlik bildirdi.

Yana bir ibratli misol – “Kitobsevar millat” g‘oyasi asosida yoshlarda mutolaa madaniyatini shakllantirish umummilliy harakatga aylandi. An’anaviy tarzda o‘tkazilayotgan “Yosh kitobxon” tanlovidagi ishtirokchilar soni 6 karra oshib, 3 million nafarga yetdi.

Bir guruh faol yoshlar tomonidan yaratilgan “Mutolaa” loyihasi orqali 1 milliondan ortiq yoshlar kitobxonlar qatoriga kirdi.

Hozirgi tezkor axborot almashinuvi davrida yosh avlod, ayniqsa, bolajonlarimiz uchun milliy kontentlarni yaratish dolzarb vazifadir. Bunday kontentni bog‘cha va maktabdagi ta’lim jarayonlarida namoyish etish orqali yanada ommalashtirish zarurligi ta’kidlandi.

@alisher_sadullaev

Ilgari oliy ta’limda 1 ta o‘rin uchun kamida 10 nafar yigit-qiz kurash olib borar edi. Qisqa davrda oliygohlar soni 3 barobar oshirildi. Tizimda qamrov 42 foizga yetdi.

Xotin-qizlarga kontrakti davlat tomonidan qoplab berilayotgani hisobiga talaba qizlar soni 11 karra ko‘paydi.

”Men bir hayotiy fikrni takrorlashdan charchamayman: bitta qizni o‘qitsak, butun oilani o‘qitgan bo‘lamiz. Oila bilimli, ma’rifatli bo‘lsa, butun jamiyat bilimli, ma’rifatli bo‘ladi. Bu boradagi ishlarni yanada jadal davom ettiramiz”,
- dedi Prezident.

O‘tgan 25-yil ichida davlat hisobidan 800 nafar yoshlar xorijga o‘qishga yuborilgan bo‘lsa, birgina "El-yurt umidi" jamg‘armasi orqali so‘nggi 7-yilda 3 barobar ko‘p o‘g‘il-qizlarimiz bunday imkoniyatga ega bo‘ldi.

Endi, Yoshlar agentligi xorijda o‘qiyotgan har bir talabaga bosh-qosh bo‘lib, ehtiyojlarini aniqlashi, Vatanga qaytib, o‘z o‘rnini topishi, muvaffaqiyatli karera qilishi kabi masalalarda Davlat xizmatini rivojlantirish agentligi bilan teng mas’ul bo‘lishi belgilandi.

@alisher_sadullaev

Har yili mehnat bozoriga 600 mingdan ortiq yoshlar kirib kelmoqda. 2030-yilga borib bu ko‘rsatkich 1 million nafarga yetadi.

Bu davlat va jamiyat zimmasiga katta mas’uliyat yuklashi ta’kidlandi.

Bu borada yoshlarni qo‘llab-quvvatlash tizimi yaratildi. Birgina “Yoshlar daftari” orqali o‘tgan yili 180 ming nafar yoshlarga 345 milliard so‘mlik yordam ko‘rsatildi.

O‘tgan 8-yilda yosh tadbirkorlar soni 3 karra ko‘payib, bugun biznes vakillarining salkam 40 foizini yoshlar tashkil etmoqda.

Ishsiz yoshlar 2 karra kamaydi. Ishsizlikdan xoli mahallalar soni 1 ming 889 taga yetdi.

Shu bilan birga, Sho‘rchi, Buvayda, Furqat, Kasbi, Forish tumanlarida ishsiz yoshlar ko‘pligi u yerdagi rahbarlarning mas’uliyatsizligidan dalolatligi ko‘rsatib o‘tildi.

@alisher_sadullaev

Yoshlarimiz turli sohalardagi yutuqlari bilan tengdoshlariga o‘rnak bo‘layotgani ta’kidlandi.

Hozirgi vaqtda dunyodagi “top” oliygohlarda 1,5 mingdan ziyod talabalarimiz tahsil olmoqda. Bu O‘zbekiston uchun tarixda kuzatilmagan voqelik.

Yaqinda Birlashgan Arab Amirliklarida o‘tgan katta forumda Toshkent shahridagi Prezident maktabi global darajada eng nufuzli nominatsiyada g‘olib deb topildi.

“Buning bosh omili nimada, deb so‘rasangiz, men avvalo yoshlarga munosabat davlat miqyosida butunlay o‘zgarganida, deb javob bergan bo‘lardim. O‘g‘il-qizlarimiz yoshlar masalasi davlat siyosatining ustuvor yo‘nalishiga aylanganini sezib, o‘zlariga beqiyos kuch olmoqda”,
- dedi Prezident.

Bundan besh yil oldin Senat va Qonunchilik palatasida Yoshlar parlamenti tashkil etilgan edi. U yerda yoshlar siyosiy yetakchilik, demokratiya maktabi, parlamentarizm maktabi qanday bo‘lishini amalda ko‘rdi. Oxirgi saylovda ana shu yoshlarimizdan ikki nafari Qonunchilik palatasiga, 250 nafari kengashlarga deputat bo‘lib saylandi.

“Endi barcha tizimdagi rahbarlar yoshlarning baralla ovozini eshitishga majbur. Yoshlar buyuk kelajagimizning asosiy bo‘g‘ini ekanligini tushunmagan rahbar bizning safimizda bo‘lishga haqqi yo‘q”,
- dedi Prezident.

@alisher_sadullaev

Prezident Shavkat Mirziyoyev yoshlar bilan muloqot qilmoqda.

Davlatimiz rahbari so‘zining avvalida azm-u shijoatli, navqiron yoshlar bilan uchrashib turganidan mamnunligini bildirib, ularning timsolida Yangi O‘zbekistonning bugungi va ertangi bunyodkorlarini ko‘rayotganini ta’kidladi.

“Buyuk shoirimiz Erkin Vohidov aytganidek, yoshlik – bu qalbning oltin sozi. Bunga qo‘shimcha qilib, yoshlar – xalqimizning, Vatanimizning oltin fondi, desak to‘g‘ri bo‘ladi.

Aholimizning 60 foizini aynan yoshlar tashkil etishi ham bu fikrni tasdiqlaydi.

Bugungi kunda biz mard va matonatli xalqimizga, serg‘ayrat yoshlarimizga ishonganimiz uchun o‘z oldimizga katta-katta maqsadlar qo‘ymoqdamiz, marrani baland olmoqdamiz.

Kelgusida Uchinchi Renessans poydevorini yaratadigan yangi Xorazmiylar, Beruniylar, Ibn Sinolar, Mirzo Ulug‘bek va Alisher Navoiylar qayerdan paydo bo‘ladi? Bu ulkan vazifalarni kim bajaradi?

Men qayta-qayta takrorlashdan charchamayman. Albatta, bu ezgu g‘oyalarni sizlar – bugungi Yangi O‘zbekiston yoshlari amalga oshirasizlar”,
- dedi Prezident.

@alisher_sadullaev

Birozdan so‘ng Ko‘ksaroy qarorgohida Prezident Shavkat Mirziyoyevning mamlakatimiz yoshlari bilan muloqoti boshlanadi. Uchrashuvda yoshlar bilan ishlash natijadorligini yanada oshirish, ularga yanada keng imkoniyatlar yaratish chora-tadbirlari muhokama qilinadi, faol yoshlarning takliflari eshitiladi.

@alisher_sadullaev

⚡️Bugun qanday kun?

⚡️Javohir Sindarov shaxmatning freestyle yo'nalishida amerikalik super grossmeyster Hikaru Nakamura ustidan ishonchli g'alabaga erishdi.

Javohir, barakalla! Yarim finalda ham omad yor bo'lsin.

https://www.youtube.com/live/mJftDnIHfhQ?si=Y4BgJT3-Efe6L8C9

⚡️Qoyil, Abduqodir Husanov (hujumkor himoyachi) hozirgina City tarkibida gol urdi 🇺🇿🇺🇿🇺🇿

Barakalla, qoyil-e. Hammasini shunday qoldirmadi-ye!


UPD: Abduqodirning Lansda urgan golini shu tarzda haqiqiy egasiga qaytarib berishdiyov)

🇺🇿Bugungi kunda yoshlar faqat tomoshabin emas – ular qarorlar qabul qilinadigan joyda bo‘lishi kerak!

Oliy Majlis Senati huzuridagi Yoshlar parlamentining birinchi yig‘ilishi bo‘lib o‘tdi. Unda Oliy Majlis Senati Raisi Narbayeva Tanzila Kamalovna ham ishtirok etdilar. Uchrashuvda Yoshlar parlamentining yangi tarkibi tasdiqlandi va unga Laylo Aslonova parlament raisi etib, bir ovozdan saylandi. Shuningdek, Ibrohimjon Jo‘raboyev hamda Azizbek Ochilboyev Yoshlar parlamenti raisi o‘rinbosarlari etib tasdiqlandi.

Yangi tarkib 100 nafardan iborat bo‘lib, uning 95 foizini oliy ma’lumotli yoshlar, 30 foizini esa xotin-qizlar tashkil etadi. Bu esa yoshlarning Senat faoliyatida bevosita ishtirok etishi, o‘z fikrini bildirish va yangi marralarni zabt etishi uchun katta imkoniyat yaratadi.

Davlatimiz rahbarining bugungi kunda olib borayotgan islohotlari yoshlarning parlament hayotidagi o‘rni qanchalik muhim ekanligini yaqqol namoyon etmoqda. Zero, qonunlar qabul qilinayotganda yoshlarning manfaatlarini inobatga olish juda muhim, chunki aynan ular kelajak avlod hayotiga bevosita ta’sir qila oladi.

✊Yoshlar parlamenti a’zolariga ulkan zafarlar va yangi yutuqlar tilayman!

@alisher_sadullaev

Yig'ilishda masofaviy xizmatlar eksportini yangi bosqichga olib chiqish vaqti kelgani taʼkidlandi.

Faqat texnik xizmat ko‘rsatish bilan cheklanmay, buxgalteriya, konsalting, sug‘urta, yuridik va boshqa professional xizmatlar eksportini yo‘lga qo‘yish kerakligi qayd etildi.

Mutasaddilarga xorijiy davlatlarning xizmatlar importini va talablarini tahlil qilib, o‘quv dasturlarini shunga moslash va tegishli mutaxassislarni tayyorlash topshirildi. Bu yil kreativ iqtisodiyotdagi startap loyihalar uchun 50 million dollar ajratildi.

Misol uchun, “Amazon”da ishlab, Nukusga qaytib kelgan Beknazar Abdukamolov startap loyihasiga “Facebook”dan 3 million dollar jalb qilgani uchun bugungi kunda aktivlari 15 million dollarga baholanmoqda.

Hozirda dunyoning yirik IT kompaniyalarida ishlayotgan bunday yuzlab yoshlarimiz bor. Raqamli texnologiyalar vazirligiga eng avvalo shunday yoshlar bilan birgalikda startap loyihalarini amalga oshirish lozimligi ko‘rsatib o‘tildi.

Umuman, 2025-yilda IT xizmatlari hajmini 30 foizga o‘stirib, 80 trillion so‘mdan, eksportini 1 milliard dollardan oshirish zarurligi taʼkidlandi.

@alisher_sadullaev

Ayni vaqtda Prezident Shavkat Mirziyoyev raisligida xizmatlar sohasini rivojlantirish bo‘yicha 2024-yilda amalga oshirilgan ishlar va 2025-yil uchun asosiy vazifalar yuzasidan videoselektor yig‘ilishi bo‘lib o‘tmoqda.

Yig‘ilishda kreativ sohalar – IT, turizm, loyiha, dizayn, injiniring kabi xizmatlarni rivojlantirish bo‘yicha aniq ish va natija kerakligi qayd etildi.

Yangi farmonga ko‘ra, 1 martdan 6 oy davomida sotilmagan 10 ming kvadratgacha bo‘lgan davlat obyektlari tadbirkorlarga 10 yilga to‘g‘ridan-to‘g‘ri ijaraga beriladi hamda 4 yil davomida ijara vaqtida to‘lansa, bu joy tadbirkorga xususiylashtirib beriladi.

Yoshlarni IT va chet tiliga o‘qitib, xalqaro tan olingan sertifikat beradigan tadbirkorlar birinchi yil ijara to‘lamasligi, buning hisobiga bu yil har bir viloyatda 5 tadan davlat obyektini tadbirkorlarga ijaraga berib, kamida 100 ming yoshlarni IT va chet tiliga o‘qitish zarurligi ta’kidlandi.

@alisher_sadullaev

⚡️Aksariyat hamkasblarim, davlat xizmatchilari til o'rganishga vaqt yetishmasligini aytishardi.

Vanihoyat o'zbek tilida sun'iy intellekt yordami bilan ingliz tili darslarini oson va tez o'rganish mumkin.

Omad! Sinab ko'ringlar, natijalarni, taassurotlarni izohlarda yozib qoldiring. Jamoamiz a'zolari loyihani rivojlantirishda davom etishadi!

Yuklab olish: Google play | App store


@alisher_sadullaev

⚡️"Ibrat Academy"dan navbatdagi katta yangilikni kutib oling!

Endi "Super Start" bilan ingliz tilini 0 dan o'rganish har doimgidan osonroq va tezroq bo'ldi. Sun'iy intellekt yordamida yaratilgan darslarimiz kreativ amaliyotga boy darslari bilan boshqa uslublardan mutlaqo farq qiladi. Ishingiz tufayli endi vaqt hamda amaliyot yetishmasligi muammo emas. “Super Start” aynan Siz uchun ishlab chiqilgan.

✅ Asosiy grammatika va so‘z boyligini mustahkamlang
✅ Interaktiv darslar va mashqlar orqali o‘rganing
✅Dastlabki kunlardanoq natija

Hoziroq "Ibrat Academy" ilovasidan "Super Start" darslarini boshlang!

Google play | App store

⚡️Bilimdon yoshlar, kanalimiz obunachilari!

Sizlar uchun foydali bo‘lgan tanlovimiz g’oliblari aniqlandi.

G’olib bo’lganlarga tez orada “Mutolaa Premium” telegram shaxsiy sahifalariga promokodlar yuboramiz, hamda g’oliblarga “Telegram Premium” ham avtomatik yuboriladi.

Qadrli obunachilarimiz uchun yanvar oyi o’tkazilgan tanlovdan so’ng fevral oyida ham tanlov tashkil etmoqchimiz. Telegram kanalimizni kuzatib borishni tavsiya qilamiz.

👏Barcha g’oliblarni tabriklaymiz!

@alisher_sadullaev

Hurmatli obunachilar, eslatib o‘tmoqchiman, telegramdagi tanlov g‘oliblari 19:00 da e'lon qilinadi.

Telegram sahifamda sizlar uchun eng qiziqarli xabarlarni yanada mazmunli va interaktiv qilish maqsadida storislar joylab borishni o‘ylab qoldim. Buning uchun Sizlarning yordamingiz kerak!

Buning uchun Premium obunachilarimiz ushbu havola orqali ovoz berishlari mumkin.

https://t.me/boost/alisher_sadullaev

Hurmatli obunachilar, eslatib o‘tmoqchiman, telegramdagi tanlov g‘oliblari 19:00 da e'lon qilinadi.

Telegram sahifamda sizlar uchun eng qiziqarli xabarlarni yanada mazmunli va interaktiv qilish maqsadida storislar joylab borishni o‘ylab qoldim. Buning uchun Sizlarning yordamingiz kerak!

Buning uchun Premium obunachilarimiz ushbu havola orqali ovoz berishlari mumkin.

https://t.me/boost/alisher_sadullaev