⚡️Францияда Екінші дүниежүзілік соғыс кезінде қаза тапқан қазақстандық жауынгерлердің рухына тағзым етілді

Еске алу шарасы О-де-Франс аймағындағы Нуайе-Сан-Мартен зиратында өтті.

Бұл - кеңес әскері жауынгерлеріне арналған Франциядағы ең үлкен қорым. Жеңістің 80 жылдығына орай ұйымдастырылған рәсімге Қазақстан, Ресей, Әзербайжан, Беларусь, Армения және Тәжікстанның дипломаттары қатысты. Олар ескерткіштерге гүл шоқтарын қойып, бір минут үнсіздік жарияланды.

⚡️Үндістанда 18 әуежай жұмысын уақытша тоқтатты

Үндістанның солтүстік-батысында 18 әуежай жұмысын уақытша тоқтатты. Бұған Пәкістандағы қарулы операцияның басталуы түрткі болған.
Қазір 200-ден аса ұшақ көкке көтерілген жоқ. Бұл шектеу 10 мамырға дейін енгізіліп отыр.

Әуе тасымалдаушы компаниялар жолаушыларға билетті тегін ауыстыруға немесе құнын толық қайтарып беруге әзір.

⚡️ТЖМ құтқарушылары 4 жыланды ұстады

Шымкент қ. жеке үйдің тұрғындары 112 пультіне үйлерінде бауырымен жорғалаушылардың жүргені туралы хабарлады.

Құтқарушылар шақырту орындарына жедел жетіп, арнайы құралдың көмегімен 4 рептилияны ұстады.

⚡️ТЖМ құтқарушылары 4 жыланды ұстады

Шымкент қ. жеке үйдің тұрғындары 112 пультіне үйлерінде бауырымен жорғалаушылардың жүргені туралы хабарлады.

Құтқарушылар шақырту орындарына жедел жетіп, арнайы құралдың көмегімен 4 рептилияны ұстап алып, ыдысқа салып, азаматтарға қауіп төндірмеу үшін оларды елді мекеннен қауіпсіз жерге жіберді.

⚡️Алматылық оқушылардың робототехникаға қызығушылығы артып келеді

Олардың алды халықаралық жарыстарда жүлделі орыннан көрініп жүр. Жуырда Алматыдағы химия-биология бағытындағы Назарбаев зияткерлік мектебінің PID жас инженерлер командасы АҚШ-та өткен FIRST CHAMPIONSHIP 2025 әлемдік чемпионатында жеңіске жетіп, бір алтын, бір күміс олжалады.

Дарынды оқушылардың жасаған мұхит түбін тазалауға бағытталған роботтары қазылар алқасының жоғары бағасын алды.

⚡️Елордалық құтқарушылар жүк көлігіндегі өртті сөндірді

Бүгін Байқоңыр ауданында Алаш көшесінде жол бойында жүк көлігінің кабинасы жанды.

ТЖМ қызметкерлері өртті жедел түрде сөндірді. Зардап шеккендер жоқ, себебі анықталуда.

⚡️Ұлытау облысында Кеңгір су қоймасының жағалауы тазаланды

Жезқазғандықтар жаз бойы осы жасанды көлде демалады. Сондықтан мұнда шашылған тұрмыстық қалдық көп. Тазалық шарасына 100-ге жуық адам, 5 ауыр жүк техникасы мен 3 қайық жұмылдырылды.

Табиғат жанашырлары облыстағы өзге де өзен-көлдерді аралап, заңсыз құрылған ауларды жинап шығады.

⚡️Атыраудан Астрахан бағытындағы тасжолда жаңғырту жұмыстары басталды

Республикалық маңызы бар жолдың 272 шақырымы былтыр қолданысқа берілген. Бірақ Атырауға кіреберіс 5 шақырымы жүргізушілер тарапынан сынға ұшырап, шағымдар жиі түсетін. Енді үшінші санаттағы күрежол бірінші санатқа ауыстырылады. Қазір құрылысқа 15 техника мен 25 адам жұмылдырылды. Жұмыстар жыл соғына дейін аяқталады деп жоспарланған.

⚡️Ұлы Жеңістің 80 жылдығына арналған ауқымды әскери шеруді елордалықтар бірнеше алаңда тікелей эфирде тамашалады

Батырлық пен ерліктің символы сипатталған салтанатты шараны көруге келген қауымның қарасы қалың.

Айбынды қазақ әскерінің әлеуетін паш еткен парадқа 200-ден аса әскери қару-жарақ пен техника, 66 әскери авиация ұшағы мен тікұшақ әкелінген. Мерекеде көптің көңілінен шыққан думанға біздің түсірілім тобы да қатысып қайтты.

⚡️Ауғанстанда 45 жылдан кейін жалпыұлттық халық санағы жүргізіледі

Премьер-министрі Мохаммад Хасан Ахуандтың айтуынша, санақ елдің нақты демографиялық бейнесін анықтау және әлеуметтік-экономикалық жоспарлауды құру үшін қажет.

Десе де науқанның өтетін күні әзірге белгісіз.

⚡️Парадқа 4 мыңнан аса әскери қызметкер қатысты

Жеңістің 80 жылдығына арналған парад майдангерлердің ерлігіне тағзым етуді, Тәуелсіз Қазақстан армиясының бүгінгі күш-айбынын көрсетуді көздейді.

Парадқа Қазақстан Қарулы күштерінің барлық түрінен 4 мыңнан аса әскери қызметкер қатысып отыр. Сондай-ақ арнайы 200-ден аса әскери қару-жарақ пен техника, 66 әскери авиация ұшағы мен тікұшақ әкелінген.

✉️ Қасым-Жомарт Тоқаев Фридрих Мерцті Германияның Федералдық Канцлері болып сайлануымен құттықтады

🇰🇿🇩🇪 Мемлекет басшысы Германияның Федералдық Канцлері сайлауында жеңіске жеткен Фридрих Мерцке құттықтау жеделхатын жолдады.

Президент екі ел арасындағы стратегиялық серіктестіктің ауқымы кеңейіп келе жатқанын ризашылықпен атап өтіп, қазақ-герман ынтымақтастығының жоғары қарқынын сақтау үшін бірлесіп жұмыс істеуге дайын екенін растады.

🌷 Қызғалдақтар - даламыздың символы

Кеше Қаратау қорығы аумағындағы «Қаратау қызғалдақтары» тақырыбында шығармашылық сурет байқауы өтті.

Шара «Таза Қазақстан» экологиялық тұжырымдамасы аясында ұйымдастырылды. Байқаудың мақсаты - қоршаған ортаны сүюге баулу.

Естеріңізге сала кетейік, әлемде қызғалдақтың 3 мыңнан астам түрі бар. Біздің елімізде 35 түрі кездеседі, оның 18-і Қазақстанның Қызыл кітабына енгізілген.

🇻🇳 Вьетнам Коммунистік партиясы Орталық комитетінің Бас хатшысы То Лам «Этноауылда» cәбидің тұсауын кесіп, оның өмірлік жолы ашық болуына тілектестік білдірді

🇰🇿🇻🇳 Қасым-Жомарт Тоқаев пен То Лам «Этноауыл» көрмесін аралады

Астанаға мемлекеттік сапармен келген Вьетнам Коммунистік партиясы Орталық комитетінің Бас хатшысы То Лам қазақ халқының мәдени мұрасын таныстыратын «Этноауыл» көрмесіне барды.

Мәртебелі меймандар төл тарихымызды танытатын, соның ішінде ұлтымыздың киім үлгілері, қолөнері, әдет-ғұрпы мен саятшылық дәстүрі, музыкалық аспаптары, кескіндемесі және халық ойындары көрсетілген бірнеше тақырыптық аймақты тамашалады. Экспозицияның әр бөлігі дала өркениетінің ерекшеліктерін паш етеді.

⚡Израиль Газадағы босқындар лагерін атқылап, 20 адам қаза тапты

Тағы ондаған палестиналық зардап шекті. Израиль қарулы күштерінің айтуынша, ХАМАС бейбіт халықты «тірі қалқан» ретінде пайдаланып отыр. Өйткені тұрғындар қоныстанған шатырдың астында палестиналық топтың қару-жарақ қоймасы мен командалық орталығы болған.

Өткен аптада Израиль Газадағы әскери операциясын кеңейтіп, ХАМАС пен олардың әскери инфрақұрылымын толық жоюды көздеп отырғанын мәлімдеді.

Еврей елі билігінің айтуынша, қазір аймақта 59 израильдік тұтқын бар, бірақ олардың тек 24-і тірі.

Пәкістан Үндістанның соққысына қатысты мәлімдеме жасады

Үндістанның Пәкістанға бүгін түнде жасаған шабуылы – соғыстың алғашқы қадамы. Сол себепті Исламабад соққыға қарсы қарымта қайтаруға толық құқылы. Пәкістанның премьер-министрі Шахбаз Шариф осылай деп мәлімдеді.

Исламабад Кашмирдегі шекара сызығында орналасқан әскери бекетті атқылап, Нью-Делидің әрекетіне осылай жауап берді. Сондай-ақ жағдайдың ушығуына байланысты әуе кеңістігін 2 тәулікке жапты. Үндістан әзірге ресми мәлімдеме жасаған жоқ.

⚡Үндістан Пәкістанды зымыранмен атқылады

26 адам қаза тауып, тағы 50-ге жуығы зардап шекті. Бұл туралы Пәкістанның БАҚ хабарлады.

Оқиғаға байланысты Исламабад әуе кеңістігін 2 тәулікке жапты. Ал Үндістан тарапы даулы Кашмир аймағының Пәкістан бақылауындағы бөлігіне соққы бергенін мәлімдеді.

Қасым-Жомарт Тоқаев парадқа қатысқан әскери қолбасшылармен суретке түсті

Әскери парадқа бір топ ардагер арнайы қатысты. Бүгінгі мерекеде майдангерлерге ерекше құрмет көрсетілді.

Әскери парад барысын терезеден видеоға түсірмек болған астаналық күтпеген «ескерту» алды

20-қабатта тұрған тұрғынның терезесіне дрон ұшып келді.

⚡️ЖЕҢІСТІҢ 80 ЖЫЛДЫҒЫНА АРНАЛҒАН ӘСКЕРИ ПАРАД АЯҚТАЛДЫ

⚡️ЖЕҢІСТІҢ 80 ЖЫЛДЫҒЫНА АРНАЛҒАН ӘСКЕРИ ПАРАД АЯҚТАЛДЫ

Жеңістің 80 жылдығына арналған парад майдангерлердің ерлігіне тағзым етуді, Тәуелсіз Қазақстан армиясының бүгінгі күш-айбынын көрсетуді көздейді

Парадқа Қазақстан Қарулы күштерінің барлық түрінен 4 мыңнан аса әскери қызметкер қатысып отыр. Сондай-ақ арнайы 200-ден аса әскери қару-жарақ пен техника, 66 әскери авиация ұшағы мен тікұшақ әкелінген.

Алғаш рет механикаландырылған колонналардың сапын «Бук», «Тор» зенитті-ракета кешендері, «Барыс», «Алан», «Айбар», «Таймас», «Террекс» дөңгелекті ұрыс машиналары, минаны залалсыздандыратын роботтары бар арнаулы автокөліктер толықтырып отыр.

Сонымен қатар отандық қорғаныс өнеркәсібі кешенінің кәсіпорындары шығаруды жоспарлап отырған ұрыс машиналары, роботтандырылған қайық және ұшқышсыз басқарылатын ұшу қондырғылары таныстырылады.

Әуе кеңістігінен А-400 әскери-көлік ұшағы, L-410 жолаушылар ұшағы және Би-300 патруль ұшағы ұшып өтеді.

Әскери парадтағы ту ұстаушылар тобы

500-ден аса отандасымыз Кеңес Одағының Батыры атағын алды

Тәуелсіздіктің алғашқы жылдарында бекітілген «Халық қаһарманы» атағымен 12 соғыс ардагері наградталды.

Былтыр Президент Қасым-Жомарт Тоқаев «Айбын» орденінің үш дәрежесіне халқымыздың біртуар батырлары – Сағадат Нұрмағамбетов, Бауыржан Момышұлы және Рақымжан Қошқарбаевтың есімдерін беру туралы заңға қол қойды. Бұл – ерліктің символына айналған батырлар есімін ұлықтаудың жарқын мысалы.

110 қазақстандық «Даңқ» орденінің толық кавалері атанды.

1941-1945 жылдардағы алапат соғысқа 1 миллион 200 мыңнан аса отандасымыз қатысты

Республиканың әрбір төртінші тұрғыны әскерге аттанды. Майдан даласында атылған әрбір тоғызыншы оқ Қазақстанда құйылды.

Қазақстанға 220-дан астам фабрика мен зауыт көшірілді.

Мемлекет басшысының сөзі аяқталды

⚡️Қасым-Жомарт Тоқаев:

«Рухымыз мықты, мемлекеттілігіміз мәңгі болсын! Көк Туымыз биікте желбіресін! Қадірлі Отандастар! Ұлы Жеңістің 80 жылдығы құтты болсын!»

⚡️Мемлекет басшысы:

«Еліміздің қорғаныс қабілетін арттыру – аса маңызды міндет. Біз Қарулы Күштерімізді жаңғырта бастадық, армиямызды күшейту үшін нақты жұмыс жүргізіп жатырмыз. Осы өте маңызды мәселе бойынша Парламент заң қабылдады. Мемлекет әскери қызметшілерге, арнаулы мекемелер мен азаматтық қорғаныс саласының қызметкерлеріне әрдайым қолдау көрсетеді. Армиямыздың күш-қуаты жауынгерлік рух пен темірдей тәртіпке тікелей байланысты. Сіздердің мінсіз қызметтеріңіз – елдегі қауіпсіздік пен тыныштық кепілі. Біз озық ойлы ұлт ретінде заң мен тәртіпті бәрінен биік қоятын болдық. Әр азаматтың бойында Отанға деген адалдық пен әділдік болуға тиіс».

⚡️Қасым-Жомарт Тоқаев:

«Жұртымыздың ерлік дәстүрі ғасырлар бойы ұрпақтан ұрпаққа мирас болып келеді. Алтын Орда, Қазақ хандығы кезіндегі баһадүр бабаларымыз кең байтақ жерімізді қорғап, кейінгі буынға аманат етті. Олардың бүгінгі ізбасарлары қазақтың мемлекеттілігін қас қақпай күзетіп тұр. Айбынды армия – Тәуелсіздігіміздің қорғаны».

⚡️Президент: 500-ге жуық көшеге Қазақстан қаһармандарының есімі беріледі

«Біз Жеңістің 80 жылдығын атап өтуге баса назар аудардық, еліміз бойынша мыңдаған маңызды, ауқымы кең іс-шара өткізіліп жатыр. 500-ге жуық көшеге Қазақстан қаһармандарының есімі берілетін болды. Елімізде қазақстандық майдангерлерге арналған «Батырларға тағзым» атты шеру өтеді. Адамзат тарихындағы ең сұрапыл соғысқа қатысушылардың ұрпағы аталарының суреттерін көшелермен алып жүреді».

⚡️Мемлекет басшысы: 500-ден астам жауынгеріміз Кеңес Одағының Батыры атанды

«Халқымыз Ұлы Жеңіске өлшеусіз үлес қосты. Ұлы Отан соғысы жылдарында майданға 1 миллион 200 мыңнан астам қазақстандық аттанды. Олардың тең жартысы ерлікпен қаза тапты.

Қазақстаннан майданға бір жарым мың вагон киім-кешек пен азық-түлік жіберілді. Елімізге жүздеген кәсіпорын көшірілді, көптеген жаңа өндіріс салынды. Олар өте қысқа мерзім ішінде майданға қажет өнімдер шығара бастады. Жұртымыз жұдырықтай жұмылып, күні-түні жұмыс істеп, қару-жарақ пен оқ-дәрі дайындады, әскери киім тікті. Соғыстағы он оқтың тоғызы Қазақстанда жасалды».

⚡️Қасым-Жомарт Тоқаев:

«Ұлы Отан соғысы бүкіл адамзат үшін өте қиын сынақ болды. Оның зардабы көптеген елге ауыр тиді, солардың ішінде Қазақстан да бар. Қаһарлы күндер соғыстың тек қасірет әкелетінін көрсетті. Бейбітшіліктің баға жетпес байлық екенін ұғындырды. Ұлы Жеңіс – тарихымыздың ажырамас бөлігі және күллі әлем үшін үлкен сабақ. Біз осы ақиқатты әрдайым есте сақтауымыз керек.»

Мемлекет басшысы – Қазақстан Қарулы Күштері Жоғарғы Бас қолбасшысы Қасым-Жомарт Тоқаевтың Ұлы Жеңістің 80 жылдығына арналған әскери парадтағы сөзі басталды

Қазақстан Республикасы Мемлекеттік күзет қызметінің ту ұстаушылар тобы Мемлекеттік туды және Жеңіс туын алаңға алып келді

Жеңістің Қызыл туы – осыдан 80 жыл бұрын әйгілі отандасымыз Рақымжан Қошқарбаев пен оның майдандасы Григорий Булатов Рейхстагқа тіккен тудың көшірмесі.

Сұрапыл соғыс жылдары қазақстандық сарбаздар майданның алдыңғы шебінде, ең қанқұйлы шайқастарда ерліктің ерен үлгісін көрсетті.

1945 жылы 30 сәуірде қазақ батыры Рақымжан Қошқарбаев Берлиндегі Рейхстагқа жеңіс туын тікті. Осынау даңқты ерлігі үшін Қошқарбаев сол кезде «Жауынгерлік Қызыл Ту» орденімен марапатталды. Ал 1999 жылы 7 мамырда Рақымжан Қошқарбаевқа «Халық қаһарманы» атағы берілді.

Әскери парадты Қазақстан Республикасы Қарулы Күштері Құрлық әскерлерінің Бас қолбасшысы генерал-майор Мереке Көшекбаев басқарады

⚡️ЖЕҢІСТІҢ 80 ЖЫЛДЫҒЫНА АРНАЛҒАН ӘСКЕРИ ПАРАД БАСТАЛДЫ

🔗Тікелей көрсетілімді біздің YouTube арнадан көре аласыздар

⚡️Әскери парад алдындағы көрініс

🔗Тікелей көрсетілімді біздің YouTube арнадан көре аласыздар

⚡️ЖЕҢІСТІҢ 80 ЖЫЛДЫҒЫНА АРНАЛҒАН ӘСКЕРИ ПАРАД

🔗Тікелей көрсетілімді біздің YouTube арнадан көре аласыздар

«ӘЛІ БАЛАМЫН ҒОЙ, 102-ДЕ»

Ұлы Отан соғысының ардагерлері әскери парадқа келді

✨ Астананың кішкентай тұрғындары мен қонақтары әскери парадқа дайын

⭐️ Алматыда әскери қызметшілер Бибігүл Төлегенованы Жеңістің 80 жылдығымен құттықтады

Әскери қызметшілер әншіге гүл шоқтары мен аты аңызға айналған батыр Бауыржан Момышұлы туралы кітапты сыйға тартты.

Бостандық ауданының қорғаныс істері жөніндегі басқармасының бастығы полковник Арман Тұрғанбаев әншіге алғысын білдірді. 

«Сіз таңғажайып ерік-жігер мен өміршеңдіктің жарқын мысалысыз. Сізге зор денсаулық, ұзақ өмір, шығармашылық табыс тілейміз», – деді Тұрғанбаев.

Бүгін Астанадағы «Қазақ елі» алаңында Ұлы Жеңістің 80 жылдығына арналған Әскери парад өтеді

Салтанатты іс-шараға елімізге мемлекеттік сапармен келген Вьетнам Коммунистік партиясы Орталық комитетінің Бас хатшысы То Лам қатысады.

Әскери шеру сағат 10.45-тен бастап елордада және барлық облыс орталығында LED-экрандар мен республикалық телеарналардан, сондай-ақ Facebook, YouTube, Telegram әлеуметтік желілеріндегі Ақорданың ресми парақшаларынан тікелей эфирде көрсетіледі.

Дауылды ескерту

⛈ «Қазгидромет» РМК деректері бойынша еліміздің басым бөлігінде қатты жаңбыр, найзағай, бұршақ, тұман, желдің екпіні, жоғары температуралық фон және шаңды дауыл сияқты қауіпті гидрометеорологиялық құбылыстар күтілуде.

✨ 7 мамыр - Отан қорғаушы күні

Бұл - ерлік пен батылдықтың, патриотизмнің мерекесі.

Отанды қорғау - абыройлы әрі маңызды миссия. Бүгінде азаматтар Қарулы Күштер қатарында адал қызмет етіп, ұлттық қауіпсіздікті қамтамасыз етіп, заң мен тәртіпті сақтап, БҰҰ-ның бітімгершілік миссияларына қатысып жүр.

⚡️7 мамырда Қазақстанның батыс және солтүстік өңірлерінде жаңбыр, найзағай және бұршақ күтілуде.

Елдің басқа бөліктерінде жауын-шашын болмайды.

Желдің күшеюі, оңтүстікте шаңды дауыл, батыста тұман болжануда.

🇪🇺 Бүгін УЕФА Чемпиондар лигасының жартылай финалы өтеді

⚽️Алаңда Интер - Барселона командалары ойнайды

📌2025/2026 оқу жылынан бастап Өзбекстанда сырттай оқу формасына қабылдау тоқтатылады

Оның орнына баламалы білім беру дамытылатын болады, бірақ оған қабылдау күндізгі бөлімге қабылданғандардың 50%-ынан аспауы тиіс.

Белгіленген квотадан асу — өрескел заңбұзушылық болып саналып, оқу орнының лицензиясынан айырылуына әкелуі мүмкін.

🇰🇿 Қарағандылық 12 жастағы Тимофей Муравьев әлемнің үздік 16 дрон-ұшқышының қатарына кірді.

Ол Алматыда өткен іріктеуде жеңіске жетіп, Қазақстан бойынша №1 атанды. Сауд Арабиясындағы чемпионатта көптеген ересектерден озып шыққан.

🌁«Бозоқ» музей-қорығында Кемел Ақышевтің өмірі мен шығармашылығына арналған «Уақытпен үндескен өмір» атты көрме ашылды.

Экспозиция ғалымның жеке заттарын қамтиды, олар оның ғылыми қызметін, дүниетанымын, эстетикалық талғамын және күнделікті өмір салтын көрсетеді.

Бұл жәдігерлер Кемел Ақышевті тек ғалым ретінде ғана емес, сонымен қатар өз дәуірінің мәдениеті мен дәстүріне терең бойлаған, зиялы қауымының өкілі ретінде де танытады.

🇰🇿🇻🇳Қасым-Жомарт Тоқаев пен То Лам Қазақстандағы Вьетнам мәдениеті күндері аясында ұйымдастырылған концертті тамашалады

«Астана Опера» театрының сахнасында мәртебелі қонақтар мен елорда жұртшылығына Ханой филармония оркестрі, «Астана Балет» театрының симфониялық оркестрі, «Астана Опера» Мемлекеттік опера және балет театрының хоры, сондай-ақ қазақ және вьетнам халықтарының белгілі мәдениет қайраткерлері өнер көрсетті.

⚡️Қазақ десантшылары Мәскеуде өтетін Жеңістің 80 жылдығына арналған әскери шеруге дайындалуда.

⚡️АҚШ-та Қазақстан елшілігінде ашық есік күні өтті

АҚШ-тағы Қазақстан елшілігінде өткен ашық есік күні америкалықтар мен туристерді қазақтың салт-дәстүрімен таныстырды.

Қонақтар ұлттық аспаптарды тыңдап, беташар рәсіміне куә болды. Ұлттық киімдер мен бұйымдарға қызыққан меймандар көп болды. Балалар ұлттық биді көрсетіп, шеберлік сағатын өткізді.

📌9–11 мамыр аралығында Астанада дзюдодан Qazaqstan Barysy Grand Slam турнирі өтеді.

Жарысқа әлемнің әр түкпірінен Олимпиада жүлдегерлері қатысады.

Турнирдің басты жаңалығы – 2024 жылғы Олимпиадада қола медаль жеңіп алған Ғұсман Қырғызбаевтың татамиге қайта оралуы.

⚖️ ШЕРЗАТ ІСІ БОЙЫНША КЕЛЕСІ СОТ ОТЫРЫСЫ 15-16 МАМЫР 10:00-ге ЖОСПАРЛАНДЫ

Тікелей эфирді Khabar News YouTube арнасынан көріңіздер🔗

🚧Астанада Жаңақоныс көшесінің бір бөлігі жөндеуге жабылады

📍8–9 мамыр күндері Жаңақоныс көшесінің Бабатайұлы көшесінен А. Кенжин даңғылына дейінгі бөлігі толықтай жабылады.

🛣️Көлік қозғалысы көршілес көшелер арқылы ұйымдастырылады.

Жүргізушілер мен жаяу жүргіншілерге қозғалыс сызбасындағы өзгерістерді ескере отырып, бағыттарын алдын ала жоспарлау ұсынылады.

⚖️ ШЕРЗАТ ІСІ БОЙЫНША СОТ: "Қамажай" дүкенінің алдында болған жағдайдың бейнежазбасы көрсетілуде

Тікелей эфирді Khabar News YouTube арнасынан көріңіздер🔗

⚡️ЖЕҢІСТІҢ 80 ЖЫЛДЫҒЫНА АРНАЛҒАН ӘСКЕРИ ПАРАД

📡 Тікелей көрсетілім
📆 7 мамыр
📌 10:40

⚡️ЖЕҢІСТІҢ 80 ЖЫЛДЫҒЫНА АРНАЛҒАН ӘСКЕРИ ПАРАД


📡 Тікелей көрсетілім
📆 7 мамыр
📌 10:40

⚡Шерзат ісі бойынша сот отырысында 20 минуттық үзіліс

🇰🇿🇻🇳 Қасым-Жомарт Тоқаев Вьетнам Коммунистік партиясы Орталық комитетінің Бас хатшысы То Ламға және әйеліне шапан кигізді