🍋 “Лимон Гули Сайли”да баҳор нафаси! 🍃

26 апрель куни “Туронбанк” АТБ ташаббуси билан Фарғона вилояти, Учкўприк туманининг “Боғибустон” маҳалласида баҳорнинг энг рангли ва илиқ тадбирларидан бири — “Лимон Гули Сайли” бўлиб ўтди!

Тадбирни Фарғона вилояти ҳокими биринчи ўринбосари, Учкўприк тумани ҳокими ва “Туронбанк” АТБ Бошқарув Раиси очиб бердилар.

Сайл давомида меҳмонлар:
✨ Лимончиликдаги замонавий ёндашувлар билан танишиш;
✨ Янги дастурлар ва инновацион лойиҳалар тақдимотларини томоша қилиш;
✨ Лимон асосида тайёрланган мазали таомлардан татиб кўриш;
✨ Иссиқхоналар, лимон боғлари ва экспорт учун мўлжалланган қутилар ишлаб чиқариш корхонасига саёҳат қилиш;
✨ “Тожик”, “Катта Қашқар” ва “Қурбон Қашқар” маҳаллаларидаги намунали иссиқхоналар фаолияти билан яқиндан танишиш;
✨ Энг асосийси — ўзаро тажриба ва ғоялар алмашиш имкониятига эга бўлишди.

Манба

👉 @bankirkundaligi 👈

ҲОКИМЛИКДАН ОЛАМАН

Тарих мобайнида ёзилган энг қисқа ва балоғатли мактуб:

"Умар ибн Хаттобдан Миср ҳокими Амр ибн Осга:

- Менга етиб келишича, ҳукм мажлисларида сен суяниб ўтирар экансан. Эй Оснинг ўғли, тавозели ўтир! Акс ҳолда ҳокимликдан оламан!".

👉 @bankirkundaligi 👈

Асакабанк фақат молиявий хизмат кўрсатиш билан чекланиб қолмай, жойларга чиққан ҳолда, мамлакатимиз ривожи учун ҳақиқий ташаббус кўрсатмоқда!

Хусусан, Хоразм вилоятида амалга оширилаётган фармацевтика лойиҳаларини шахсан ўрганиш учун банк раҳбарияти жойига чиққан ҳолда ўрганишлар ўтказмоқда. Ташрифлар давомида ҳар бир лойиҳа атрофлича таҳлил қилинди, муаммолар ўрганилиб, уларни бартараф этиш бўйича тегишли чоралар кўрилди. Энг муҳими – аниқланган масалалар ҳудудий ва республика даражасидаги мутасадди идораларга етказилиб, назоратга олинган!

Асакабанк ўз фаолияти орқали маҳаллий ишлаб чиқаришни ривожлантириш, янги иш ўринлари яратиш ва иқтисодиёт тармоқларини диверсификация қилишдек улкан мақсадларга хизмат қиляпти.

Албатта, муаммоларни жойига чиқиб ўрганиш, амалдаги вазият билан яқиндан танишиш — олиб борилаётган ислоҳотлар самарадорлигини ошириши шубҳасиз.

👉 @bankirkundaligi 👈

⚡️⚡️⚡️Ҳар ҳафтанинг шанба куни иқтисодий комплекс ташкилотлари (Жумладан банклар ҳам) йиғилишга айтилишда давом этмоқда.

Бугун ҳам 16:00 га барча иқтисодий комплекс ташкилотлари чақиртирилган.

1 март - шанба кунги хабар
15 март - шанба кунги хабар
29 март - шанба кунги хабар
12 апрел - шанба кунги хабар
19 апрел - шанба кунги хабар.

Меҳнат кодексига риоя этилишини назорат қилувчилар ҳам ҳали ҳамон ўша йиғилишда.

Бу ҳафталик йиғилиш 1-чорак якунига бағишланади.

👉 @bankirkundaligi 👈

ОИЛАВИЙ ТАДБИРКОРЛИК КРЕДИТЛАРИ ШАРТЛАРИ ҚАНДАЙ?

Хабарингиз бор, ўтган ҳафтада оилавий тадбиркорлик кредитлари шартларига бир қатор ўзгартиришлар киритилди.

Хусусан,
▪️Кредитлар учта дафтардаги фуқароларга ажратилганда, ёшлар ишлари бўлимлари, шунингдек, маҳалла фуқаролар йиғини раислари мониторинг қилиши;

▪️Ушбу кредитларни ажратишда ҳоким ёрдамчисининг тавсиясини ўзи етарли эмас, энди "Маҳалла банкири" ҳам жараёнга қўшилди;

▪️Оилавий тадбиркорлик кредитларида камбағал оилалар реестрига киритилганларга нақд пулда ажратиладиган йўналишлар кўпайди.

Ушбу постлардан кейин оилавий тадбиркорлик кредитлари ҳақида саволлар кўплаб берилгани боис ушбу масалани кенгайтириброқ ёритиб ўтамиз.

КРЕДИТ МИҚДОРИ
Дастурлар доирасида кредитлар ўзини ўзи банд қилган жисмоний шахсларга (асосий иш жойига эга шахслар бундан мустасно):

▪️33 миллион сўмгача, бир йилдан сўнг ушбу қарз олувчининг тадбиркорлик фаолияти самарадорлиги, қарзнинг мақсадли ишлатилганлиги ҳамда заруратга қараб гуруҳ кафиллиги (камида 3 нафар фуқаро) билан қўшимча 50 млн сўмгача револьвер асосида;

▪️ушбу кредитлардан томорқани ривожлантиришнинг бир нечта йўналишларида (паррандачилик, қуёнчилик, чорвачилик, асаларичилик, балиқчилик ва ихчам иссиқхона) фойдаланиши учун;

▪️ер майдони 10 сотихдан ортиқ бўлган томорқа ер эгаларига ва ижарачиларга 50 млн сўмгача гаровсиз;

▪️10 сотихли ихчам иссиқхоналарни барпо этиш ва балиқчилик фаолиятини ташкил этиш учун 100 млн сўмгача гаровсиз ажратилади.

КРЕДИТ МУДДАТИ
▪️ўзини ўзи банд қилган шахсларга (асосий иш жойига эга шахслар бундан мустасно) ҳамда тадбиркорлик субъектларига 6 ойдан 1 йилгача бўлган имтиёзли давр билан 3 йилдан 4 йилгача муддатга;

▪️чорвачилик (қорамол, қўй, эчки), балиқчилик ва паррандачилик (тухум йўналиши) учун — 1 йилгача имтиёзли давр билан 3 йилдан 4 йилгача муддатга;

▪️боғдорчилик (кўчатчилик), узумчилик (ток сўриси) ва лимончиликни ташкил этиш, иссиқхона қуриш, қишлоқ хўжалиги техникаси ва асбоб-ускуналарини харид қилиш ҳамда уларни жойлаштириш учун бино ва иншоотлар қуриш, артезиан қудуқларини қазиш учун — 3 йилгача имтиёзли давр билан 7 йилгача муддатга;

▪️оилавий меҳмон уйлари, хостеллар, ўтов лагерлари мажмуаси, автокемпинглар, экоуйлар мажмуаси, контейнер шаҳарчалар ва чодирли лагерлар ташкил этиш ва уларни таъмирлаш учун — 1 йилгача имтиёзли давр билан 5 йилгача муддатга;

▪️«Ҳунарманд» уюшмаси аъзоларига ишлаб чиқариш эҳтиёжлари учун асбоб-ускуна, эҳтиёт қисмлар ва хомашё материалларини харид қилиш, ҳунармандчиликни ривожлантириш марказлари, «уста-шогирд» мактабларини ташкил этиш, уй-музейлар ва устахоналар қуриш ёки шу мақсадларда бино ва иншоотлар сотиб олиш учун — 3 йилдан 4 йилгача муддатга ҳамда айланма маблағларини тўлдириш учун 18 ойгача муддатга ажратилади.

👉 @bankirkundaligi 👈

"Rivoj Moliya" — янги микромолия ташкилоти фаолияти бошланди

📗 "Агробанк" экотизимида яна бир янги лойиҳа — "Rivoj Moliya" микромолия ташкилоти Жиззах шаҳрида фаолиятини бошлади.

Ташкилот асосан якка тартибдаги тадбиркорлар, ўзини ўзи банд қилган фуқаролар ва кичик бизнес субъектларини микромолиявий хизматлар билан таъминлаш йўналишида иш олиб боради.

🔹 Жисмоний шахслар учун: 100 млн сўмгача микроқарзлар
🔹 Тадбиркорлар учун: 300 млн сўмгача микрокредитлар, шунингдек, факторинг ва лизинг хизматлари

📌 Молиявий хизматлардан фойдаланиш имкониятларини кенгайтириш мақсадида, "Rivoj Moliya" микромолия ташкилотининг филиаллари сонини 2025 йил охиригача 6 тага етказиш режалаштирилган.

📍 Манзил: Жиззах шаҳри, Кимёгар МФЙ, А. Навоий кўчаси, 24А-уй, 315-нотурар жой

👉 @bankirkundaligi 👈

🏦 Бизнесни ривожлантириш банки раҳбарияти иккита ҳудудда тадбиркорлар билан учрашди

"Бизнесни ривожлантириш банки" АТБ Бошқаруви раҳбарияти Қорақалпоғистон Республикаси ҳамда Хоразм вилоятида кичик бизнес вакиллари билан учрашувлар ўтказди.

Нукус ва Урганч шаҳарларида, Беруний туманида бўлиб ўтган мулоқотларда "Кичик бизнесни узлуксиз қўллаб-қувватлаш" комплекс дастурига мувофиқ жорий қилинган молиявий инструментлар асосида бизнес лойиҳаларни молиялаштириш бўйича фикр алмашилди.

👉 @bankirkundaligi 👈

КОРРУПЦИЯГА ҚАРШИ КУРАШИШ

Жиззах вилоятида Республика Ишчи гуруҳи томонидан ўрганиш ўтказилмоқда.

Унда Миллий банк, Микрокредитбанк, Асакабанк, Агробанк ва Халқ банкининг ҳудудий филиалларидаги ўрганишларида банк хизматлари, хусусан, имтиёзли кредит маблағлари ажратиш жараёнида инсон омилининг устуворлиги ва рақамлаштиришнинг тўлиқ жорий этилмагани коррупциявий хавфларни ошириши қайд этилди.

👉 @bankirkundaligi 👈

2024 йил якунлари бўйича Очиқлик индекси эълон қилинди.

Давлат банклари ичида энг яхши кўрсаткич Ўзсаноатқурилишбанк ва Халқ банкига ва энг паст кўрсаткич эса Асакабанк ва Ўзмиллийбанкка тегишли.

👉 @bankirkundaligi 👈

⚡️⚡️⚡️ЁШЛАР ЕТАКЧИСИ

Бухоро вилояти, Когон туманида маҳалла ёшлар етакчиси ўнлаб фуқаронинг номига кредит расмийлаштириб олгани овоза қилинмоқда.

Аввалроқ, ёшлар учун кредит берилаётгани автобусда юриб карнай-сурнай қилиб овоза қилинаётгани хабар берилган эди.

👉 @bankirkundaligi 👈

🏦 Туронбанк раҳбарияти Хоразм вилоятида лимончилик йўналишида фаолият юритаётган тадбиркорлар билан учрашув ўтказди

“Туронбанк” АТБ Бошқарув Раиси Хоразм вилоятида лимончилик соҳаси вакиллари ҳамда маҳаллий тадбиркорлар билан учрашув ўтказди. Учрашув давомида мазкур соҳани ривожлантириш, мавжуд имкониятлардан самарали фойдаланиш ва молиявий кўмак масалалари муҳокама қилинди.

Суҳбат жараёнида тадбиркорлар томонидан соҳадаги долзарб муаммолар ва уларни бартараф этиш бўйича амалий таклифлар билдирилди. Жумладан, "Шокир ўғли Абдулазиз" МЧЖ раҳбари Ш.Худойберганов томонидан лимонзор майдонларини кенгайтириш, лимон сақлаш омборларини барпо этиш ҳамда агротуризм йўналишида лойиҳа амалга ошириш ташаббуслари илгари сурилди.

Тадбир якунида ушбу ташаббусларни амалга ошириш бўйича аниқ чора-тадбирлар белгилаб олинди ва банк томонидан қўллаб-қувватлаш юзасидан келишувларга эришилди.

Туронбанк ўз мижозлари ва мамлакат агросаноат соҳаси ривожи учун амалий ёрдам кўрсатишда давом этади.

👉 @bankirkundaligi 👈

Халқ банкида “Тадбиркор аёллар” платформасини жорий этиш бўйича ҳамкорлик учрашуви

Президентимизнинг 2025 йил 14 мартдаги “Оила ва хотин-қизларни қўллаб-қувватлаш тизимини янада такомиллаштириш чора-тадбирлари тўғрисида”ги ПҚ-103-сонли Қарори ижроси доирасида, Халқ банки бош офисида тегишли ташкилотлар билан ҳамкорлик учрашуви ташкил этилди.

Учрашувда Давлат солиқ қўмитаси, Миллий статистика қўмитаси, Савдо-саноат палатаси, “Realsoft” МЧЖ вакиллари иштирок этди.

▪️Мулоқот давомида Халқ банки ва Савдо-саноат палатаси ҳамкорлигида “Лойиҳалар фабрикаси” негизида янги “Тадбиркор аёллар” платформасини ишга тушириш бўйича вазифалар белгилаб олинди.

☝🏻Ушбу ташаббус хотин-қизларнинг тадбиркорликдаги иштирокини қўллаб-қувватлаш, уларга зарур ахборот ва технологик ёрдам кўрсатишга хизмат қилади.

👉 @bankirkundaligi 👈

Mastercard World Elite – танловингизга арзигулик Premium карта!

У билан ҳар бир кунингиз қулай, харидларингиз эса янада фойдали бўлади. Премиум даражани ҳозироқ танланг.

Картага буюртма бериш

👉 @bankirkundaligi 👈

МАНА ШУНДАЙ КУНЛАРГА ҲАМ ЕТИБ КЕЛДИК

Автобусда карнай-сурнайлар билан кредит берилаётгани эълон қилинмоқда.

Ёшлар ўтаверасизлар...

👉 @bankirkundaligi 👈

Бизнесни ривожлантириш банки иккита инновацион иловани тақдимот қилди

Банк томонидан “Менинг бизнесим” ва “Менинг буюртмам” лойиҳалари кенг жамоатчилик вакиллари учун тақдимот қилинди.

➖“Менинг бизнесим” – бу ўзини ўзи банд қилган фуқароларни қўллаб-қувватлаш учун яратилган ноёб рақамли платформадир.ундан ташқари, барча мобил иловалар каби кунлик эҳтиёжларни қондириш учун барча хизматлар мавжуд.
➖“Менинг буюртмам” – бу мижозлар ва ўзини ўзи банд қилган хизмат кўрсатувчилар ўртасидаги қулай рақамли воситачидир. Бу иловада касблар ва соҳалар бўйича хизматлар каталоги мавжуд ва ундан 24/7 режимида фойдаланиш мумкин.

Тақдимот маросимида спикерлар томонидан “Бизнесни ривожлантириш банки” АТБнинг истиқболдаги режалари ва татбиқ этилиши мўлжалланаётган янги инновацион лойиҳалар ҳақида ҳам маълумот  берилди.

Батафсил.

👉 @bankirkundaligi 👈

МАРКАЗИЙ БАНК ШАРҲИ

“Банкларга ўрнатиладиган макропруденциал нормативлар ҳамда улар томонидан бериладиган кредитлар (микроқарзлар) бўйича тўловларнинг энг юқори қийматларига доир талаблар тўғрисида”ги низом бўйича шарҳ

Ушбу қарори Адлия вазирлигида 2025 йил 22 апрелда 3618-сон билан давлат рўйхатидан ўтказилди.

Мазкур низомда банкларга ўрнатиладиган макропруденциал нормативлар, шу жумладан қарз юки кўрсаткичи (DSTI), кредитнинг гаровга нисбати кўрсаткичи (LTV), кредитлар (микроқарзлар) кесимида тўпланиш (концентрация) коэффициентлари, шунингдек банклар томонидан бериладиган кредитлар (микроқарзлар) бўйича тўловларнинг энг юқори қийматларига доир талаблар белгиланган.

▪️Хусусан, ушбу ҳужжат билан қарз юки кўрсаткичининг энг юқори даражаси белгиланмоқда, шунингдек қарз юки ҳисоб-китобида қарз олувчининг ўртача ойлик тўловлари ва ўртача ойлик даромадларини аниқлашга доир талаблар халқаро тажриба асосида такомиллаштирилмоқда.


▪️Бундан ташқари, автомобиль сотиб олиш учун кредит ва ипотека кредитлари бўйича кредитнинг гаровга нисбати кўрсаткичига (LTV) қўйиладиган талаблар, шу жумладан кредитнинг гаровга нисбати кўрсаткичининг энг юқори даражалари, мазкур кўрсаткичлар ҳисоб-китобида кредит суммаси ва гаров қийматига доир талаблар белгиланмоқда.

▪️Бундан ташқари, кредитлар (микроқарзлар) кесимида тўпланиш (концентрация) коэффициентлари, шу жумладан микроқарзлар, кредит карталари (овердрафтлар) ҳамда автокредитларнинг банкнинг жами кредит портфелидаги энг юқори улишларига доир талаблар белгиланмоқда.

Шунингдек, мазкур низомда банкларда қарз юки ўсишини чеклаш меъёрига доир талаблар ўз аксини топган.

▪️Шу билан биргаликда, Марказий банк бошқарувининг “Қарз олувчи жисмоний шахсларнинг қарз юкини тартибга солиш тўғрисидаги низомни тасдиқлаш ҳақида”ги қарорга ўзгартириш ва қўшимчалар киритиш тўғрисида”ги қарори Адлия вазирлигида 2025 йил 21 апрелда 3205-4-сон билан давлат рўйхатидан ўтказилди. Бунда, мазкур низом талаблари микромолия ташкилоти ва ломбардларга нисбатан татбиқ этилиши белгиланди.

☝🏻Мазкур ҳужжатларнинг қабул қилиниши Марказий банкнинг макропруденциал воситаларини самарали қўллаш ҳамда банк тизими барқарорлигини таъминлашга хизмат қилади.

👉 @bankirkundaligi 👈

📣Ucell abonentlari uchun muhim xabar. Biz yangi tariflar tizimini joriy etdik!

“Bor” TTga ulaning va Sizda hamisha quyidagilar bo‘ladi:

✅45 GBdan 350 GBgacha internet-trafik;
✅Tarifga kiritilgan “Yandex Plus” hamda “Ucell TV” obunalari;
✅Dam olish kunlari (shanba, yakshanba) hamda tunda cheksiz internet!
✅O‘zbekiston bo‘ylab cheksiz daqiqalar;
✅500 MBdan 2 GBgacha rouming.

Batafsil
- - -
📣Важное сообщение для абонентов Ucell. Мы запустили новую линейку тарифов!

Подключайте ТЛ «Bor» и у Вас всегда будет:

✅От 45 ГБ до 350 ГБ интернет-трафика;
✅Включенные подписки на Yandex Plus и Ucell ТV;
✅Безлимитный интернет по выходным (суббота, воскресенье) и ночью!
✅Безлимитные звонки по Узбекистану;
✅От 500 МБ до 2 ГБ на роуминг.

Подробно

АСОСИЙ СТАВКА ЎЗГАРМАДИ, 14 ФОИЗ

Марказий банк Бошқарувининг 2025 йил 24 апрелда асосий ставкани йиллик 14 фоиз даражасида ўзгаришсиз қолдириш тўғрисидаги қарори қабул қилинди.

Пресс-релиз.

Навбатдаги йиғилиши 2025 йил 12 июнь кунига белгиланган.

👉 @bankirkundaligi 👈

⚡️ЯНГИ БОҒЛАРНИ БАРПО ЭТИШНИ МОЛИЯЛАШТИРИШ ТАРТИБИ БЕЛГИЛАНДИ

Ҳукумат қарори (255-сон, 23.04.2025 й.) билан “Республикада янги боғларни барпо этишни Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги ҳузуридаги Агросаноатни ривожлантириш ва қўллаб-қувватлаш давлат мақсадли жамғармаси кредит ресурслари ҳисобидан тижорат банклари орқали молиялаштириш тўғрисида” ги низом тасдиланди.

☑️Низомга кўра, лойиҳаларни амалга оширувчи тадбиркорларга тижорат банки томонидан кредит маблағлари Марказий банкининг асосий ставкасидан 4 фоизлик пункт юқори ставкада миллий валютада 3 йиллик имтиёзли давр билан 7 йил муддатга ажратилади.

☑️Кредит маблағлари кредит олувчига қуйидаги миқдорларда ажратилади:

▪️1 босқичда – ер майдонини экишга тайёрлаш учун имтиёзли кредитнинг 10 фоизигача;

▪️2 босқичда – кўчат сотиб олиш ва экиш харажатларига имтиёзли кредитнинг 40 фоизигача;

▪️3 босқичда – суғориш тизимларини ўрнатиш харажатларига имтиёзли кредитнинг 30 фоизигача;

▪️4 босқичда – боғ ҳосилга киргунга қадар 3 йил парваришлаш харажатларига имтиёзли кредитнинг 20 фоизи.

☝️🏻Бунда янги боғ ва узумзорларни барпо этиш ҳамда мева ва узум маҳсулотларини замонавий саралаш, қадоқлаш ва қайта ишлашни ташкил этиш бўйича лойиҳанинг техник-иқтисодий асосида кўзда тутилган ер майдонига мутаносиб равишда, аммо 1 гектарга кўпи билан БҲМнинг 500 бараваридан ошмаган миқдорда имтиёзли кредитлар ажратилади.

👉 @bankirkundaligi 👈

Oʻzbekistonga qulay pul o'tkazmalari

KWIKPAY mobil ilovasi orqali O'zbekistonga pul o'tkazing!

❤️Komissiya 0% (❗️KWIKPAY tizimi komissiya umuman olmaydi, komissiyani kartani chiqargan bank olishi mumkin)
❤️Naqd, karta yoki telefon raqami orqali o'tkazmalar
❤️Mablag'lar bir zumda o'tadi!

KWIKPAY o'tkazmalarini Milliy bank (NBU), Mikrokreditbank (MKBank), Hamkorbank, Universalbank, Poytaxt bank, Asaka bank va Garant bank ofislaridan olishingiz mumkin.

Yangiliklardan xabardor bo'lish uchun KWIKPAY kanaliga obuna bo'ling!

👉 @bankirkundaligi 👈

ОИЛАВИЙ ТАДБИРКОРЛИК КРЕДИТЛАРИ АВВАЛ ФАҚАТ ЧОРВАГА НАҚД БЕРИЛГАН БЎЛСА, ЭНДИ ПАРРАНДА, ҚУЁН, ИССИҚХОНАГА ҲАМ НАҚД ПУЛДА ОЛИШ МУМКИН

☑️Президентимизнинг 2025 йил 15 апрелдаги ПҚ-142-сонли қарорига кўра, тегишли қонун ҳужжатларига қуйидаги кўринишда ўзгаришлар киритилди:

▪️аҳоли томорқасида бизнесни йўлга қўйиш учун ўзларининг ички имкониятларидан фойдаланган ҳолда тадбиркорлик қилишни истаган Камбағал оилалар реестри ва Ижтимоий ҳимоя ягона реестрига киритилган оилаларга иссиқхона қуриш, чорва моллари боқиш, паррандачилик, қуёнчилик, томорқага мавсумий экинлар экиш учун кредитлар нақд пулда берилиши мумкин.

☝🏻Аввал фақат чорва моллари боқиш, томорқага мавсумий экинлар экиш учун кредитлар нақд пулда берилган холос. Бундан ташқари аввал ушбу нақд пулдаги кредитни олиш учун бириктирилган банк ва ҳоким ёрдамчисининг ушбу тадбирлар амалга оширилиши борасидаги кафиллиги тақдим этилиши лозим энди. Энди бу талаб бекор қилинди.

Асосий ўзгариш! Аввал нақд пулдаги кредитларни барча фуқаролар олиши мумкин эди. Энди фақатгина Камбағал оилалар реестри ва Ижтимоий ҳимоя ягона реестрига киритилган оилаларга ажратилади холос!

Оилавий тадбиркорлик кредитларини ким мониторинг қилиши ҳақидаги ўзгариш ҳақида 👉мана бу ерда👈 тўхталиб ўтганмиз.

👉 @bankirkundaligi 👈

МУРОЖААТ ҲАЛ ЭТИЛДИ

Жорий йил 18 апрел куни каналимизда эълон қилинган мурожаат юзасидан Марказий банкнинг Андижон вилояти Бош бошқармаси боғланиб, кўтарилган масалаҳал этилгани юзасидан маълумот берди.

Мурожаатчининг пластик картасидан ечиб олинган маблағ, қайтарилибди.

👉 @bankirkundaligi 👈

#Бизга_ёзишмоқда

БАНК ХАТОСИ УЧУН МЕН ЖАРБЛАНМОҚДАМАН

Мен Ипотека банк Қашқадарё вилояти филиалидан микроқарз олганман. Микроқарзни 2023 йил октябр ойида тўлиқ узганман. Лекин банк мени анкетамни 8 ой давомида ёпмаган. Бу ҳолат мени кредит тарихимни салбий бўлишига асос бўлди.

Бу ҳолат бўйича 2024 йил 27 июнда мен “Банкир кундалиги” каналингизга мурожаат қилганимдан кейин, мурожаатим каналингизда берилди.

Мурожаатим эълон қилинганидан 1 кун ўтиб банк мени анкетамни 2023 йил 2 ноябр куни санаси билан (8 ой олдинги давр билан) ёпиб берди. Лекин 2024 йил 28 июнда ёпилди. КАТМ маълумотномасида 2023 йил 2 ноябрда ёпилган деб кўрсатилди. Лекин анкетам Сизга 2024 йил 27 июндаги мурожаатимдан кейин ёпилди. Мурожаатимдан бир кун олдин КАТМ маълумотномасида “Списанные” бўлимининг ёпиқ балансида қарздорлик “0” кўрсатилган, анкетамни 8 ойдан кейин ёпганидан кейин шу бўлимда 655 755 сўм кўрсатиб ўтилган. 

Қандай қилиб 8 ой ёпилмаган анкетамни 1 кунда олдинги сана билан ёпиш мумкин, қандай қилиб 655 755 сўм зарар кўрсатиши мумкин.

Бу ҳолат бўйича мени кредит тарихим салбий бўлиб колмоқда, чунки Ипотека банк мени анкетамни 8 ой ёпмасдан қолдирган. Ипотека банк ўзини қилган айби учун КАТМ га тушунтириш хати бериб, мени кредит тарихимни ижобий қилишга ёрдам берсин.

2024 йил 26 июндаги ва 2024 йил 29 июндаги маълумотномаларни илова қиламан.

P.S.: Мурожаатчи шахсий маълумотлари ва КАТМ маълумотномалари банк расмийларига тақдим этилади.

Ҳа айтганча, Андижондаги Миллий банк бўйича мурожаат беэътибор қолиб кетди. Марказий банкда мурожаатларни назорат қилувчиларга ташлаб беринглар. Андижонда ҳам Марказий банк борми?

👉 @bankirkundaligi 👈

ХИТОЙ

Хитой олтинни эритиб, унинг оғирлиги ва пробасини 3 дақиқада аниқлайдиган, сўнгра ҳисобрақамга пулини ўтказадиган олтин банкоматларни ўрнатишни бошлабди.

Бутун жараён тахминан 30 дақиқа давом этади.

Бизда шундай банкоматлар ўрнатилса нима бўлади? Фикрингиз қандай?

👉 @bankirkundaligi 👈

Octobank халқаро рейтингда “Барқарор” мақомини олди

S&P Global Ratings халқаро рейтинг агентлиги Octobank’нинг миллий ва хорижий валютадаги мажбуриятларини узоқ муддатли “B-” ва қисқа муддатли “B” даражасида баҳолади. Рейтинг прогнози — “Барқарор”.

Ушбу баҳолаш банкнинг иқтисодий ўзгаришларга нисбатан барқарор ва мажбуриятларини ўз вақтида бажара оладиган молиявий ҳолатини акс эттиради. Агентлик томонидан активлар ўсиши, даромадлилик ва капитал етарлилиги ижобий баҳоланган.

Octobank 2024 йилни 3,2 трлн сўм актив, 150,7 млрд сўм соф фойда ва 755 млрд сўмлик хусусий капитал билан якунлади. 2025 йилнинг биринчи чорагида эса 108,5 млрд сўм соф фойда қайд этилди — бу ўтган йилнинг мос даврига нисбатан қарийб тўрт баробар юқори.

Рейтингдаги “Барқарор” прогнози банкнинг фаолиятидаги мувозанат ва стратегик бошқарувнинг самарадорлигини тасдиқлайди.

👉 @bankirkundaligi 👈

2024 ЙИЛ ЎЗСАНОАТҚУРИЛИШБАНК УЧУН УЛКАН МАРРАЛАР ВА ЯНГИ ИМКОНИЯТЛАР ДАВРИ БЎЛДИ

▪️Банк активлари 17,4% га ўсиб, 87,6 трлн сўмга етди.
▪️Кредит портфели 14,7% га ошиб, 65,5 трлн сўмни ташкил қилди.
▪️Чакана кредитлар ҳажми 26% га ортиб, 9,9 трлн сўмга етди.
▪️Депозит базаси 1,5 бараварга, аҳоли омонатлари эса 1,6 бараварга ошди.
▪️Капитал рентабеллиги (ROE) ва активлар рентабеллиги (ROA) бўйича давлат банклари орасида энг юқори кўрсаткичларга эришди.
▪️Соф фойда ва даромадлари ҳажми бўйича ҳам соҳада пешқадамликни сақлаб қолди.
▪️Муаммоли қарздорликлар билан ишлашда NPL кўрсаткичи энг паст натижани қайд этди.
▪️Лондон фонд биржасида Reg S ва 144А форматларида халқаро облигациялар жойлаштирилди.
 
☑️Рақамли трансформация ва инновациялар

▪️50 дан ортиқ бизнес жараёнлар автоматлаштирилди.
▪️“SQB Mobile” фойдаланувчилари сони 70 фоизга, “SQB Business” фойдаланувчилар сони эса, 5,3 баробарга ортди.

☑️Экология ва ижтимоий масъулият

🌱“Яшил” кредит портфели 122% га ошди.
🌱 ESG рейтинги қўлга киритилди.
🌱 Банк инфратузилмаси EDGE стандарти бўйича аудит текширувидан ўтказилиб, халқаро сертификатга эга бўлди.
 
☑️Кадрлар салоҳиятини ривожлантириш

▪️318 нафар ходим хорижий тажрибалар асосида ўқитилди.
▪️100 нафар аёл “Лидер аёллар” дастурида иштирок этди.
 
☑️Мижозлар учун қулай шарт-шароитлар

▪️35 трлн. сўмдан ортиқ кредитлар аҳоли ва тадбиркорликни қўллаб-қувватлаш мақсадида ажратилди.
▪️Корпоратив ва премиум мижозлар учун алоҳида марказлар фаолияти йўлга қўйилди.

Эслатиб ўтамиз, жорий йил феврал ойида каналимизда ўтказилган сўровномада банк бошқаруви раиси А.Акбаржонов энг кўп эътирофга лойиқ деб топилган эди.

☑️БАНК БИЛАН ЯҚИНРОҚ ТАНИШИНГ
▪️Банк тарихи
▪️Банк миссияси
▪️Банк стратегияси
▪️Бизнес йўналиши учун
▪️Жисмоний шахслар учун
▪️Корпоратив мижозлар учун
▪️Боғланиш реквизитлари

👉 @bankirkundaligi 👈

​​Ҳафталик дайжест.
Банк тизими ҳафталик (14 - 20 апрел) янгиликлари.

☑️Халқбанки чорвачилик учун кредит таклиф этди. Фоизи 17%, миқдори 1 млн Евро (сўмдаги эквиваленти)гача. Муддати 05.04.2032 йилгача. Шунингдек банк расмий даромадга эга фуқаролар учун 20 йил муддатга ипотека кредит таклиф этди. Бошланғич тўлов 15%дан бошлаб, фоизи 17,5%дан бошлаб.

☑️Ўзсаноатқурилишбанк 60 ойгача муддатга автокредит таклиф этди. Миқдори 600 млн сўмгача, фоизи 25%. Шунингдек, банк, аёллар тадбиркорлиги учун "Ҳамроҳ" кредитини таклиф этди. Миқдори 200 млн сўмгача, муддати 84 ойгача, фоизи 21%дан бошлаб. Тел.: 1180.

☑️Ориент финанс банк 420 млн сўмгача ипотека кредит таклиф этди. Муддати 240 ой, фоизи 20%. 420 млн сўмдан ошган тақдирда яна 400 млн сўмгача, 120 ойга ипотека ажратиши мумкин. Уни фоизи 24% бўлади.

☑️Асакабанк юридик шахсларга 2 млрд сўмгача автокредит таклиф этди. Муддати 5 йилгача, бошланғич тўлов 20%.

☑️Ўзмиллийбанк 2025 йил 21 апрелдан 24 апрелгача Тошкент вилояти Бош бошқармасига қарашли банкоматлар профилактика ўтказилиши муносабати билан вақтинча ишламаслигини маълум қилиб, ноқулайлик учун узр сўради.

☑️Трастбанк 100 млн сўмгача микроқарз таклиф этди. Муддати 60 ойгача, фоизи 25%дан бошлаб. Тел.: 1287. Шунингдек, банк хизматлари марказига ўйинчоқ тўппонча билан ҳужум қилганлик ҳолати бўйича расмий муносабат билдирди. Банк ходимлари ва мижозларига, кассадаги мавжуд пул маблағларига ҳеч қандай зиён етмаган.

☑️Тенге Банк Tenge Business’ иловасида уйдан чиқмасдан 5 дақиқада бизнес учун ҳисобрақам очиш мумкинлигини маълум қилди.

☑️Гарантбанк "Антиқа" валюта омонатини таклиф этди. Миқдори 10 минг АҚШ доллари, фоизи 7%, муддати 40 ой. Муддатидан олдин ёпилган тақдирда ҳам ҳисобланган фоизлар сақланиб қолади.

☑️Пойтахтбанк Chevrolet Onix, Tracker, Captiva, Malibu ва Traverse автомобиллари учун автокредит таклиф этди. Фоизи 5,99%дан бошланади. Бошланғич тўлов 30%дан, муддати 48 ойгача.

☑️Давр банк онлайн депозит таклиф этди. Фоизи 23%. Тел.: 1284.

☑️АлоқаБанк ёш тадбиркорлар учун 500 млн сўмгача (2 нафар янги иш ўрин яратиш шарти билан) ва 1,5 млрд сўмгача (3 нафар янги иш ўрин яратиш шарти билан) кредит таклиф этди. Муддати 7 йилгача, фоизи 18%.

☑️Анор банк бизнес учун "Универсал кредит" таклиф этди. Муддати 60 ойгача, фоизи 20%дан бошланади, имтиёзли давр 4 ойгача. Тел.: 1290.

☑️ИнфинБанк "Настарин" омонатини таклиф этди. Фоизи 22%, муддати 24 ой, энг кам миқдори 1 млн сўм.

☑️Янги банк тадбиркорлар ва ҳунармандлар билан учрашув ўтказди.

☑️Азия аллианс банк савдо-сотиыни автоматлаштиришга ёрдам берувчи "BILLZ" технологик платформаси билан ҳамкорлик меморандумини имзолаганини маълум қилди. Энди ушбу платформадан фойдаланувчи чакана савдо дўконлари эгалари банкдан 1,6 млрд сўмгача гаровсиз, онлайн кредит олиши мумкин. Кредит муддати 36 ойгача. Тел.: +998712316000.

☑️Туронбанк бизнесни ривожлантириш учун 3 млрд сўмгача кредит таклиф этди. 12 ой муддатгача 23%, 18 ой муддатгача 24%.

☑️Смартбанк маблағларни картада эмас, банкнинг мобил иловасидаги жамғарма ҳисобрақамларда сақлашни таклиф этди. Ушбу ҳисобрақамларни очиш бепул ва пулни истаган вақтда ечиб олиш мумкин.

☑️ТБС Банк "Салом кард" олишга дўстингизни таклиф этсангиз, иккалангиз учун 100 минг сўм беради.

☑️Ипак йўли Банк бирламчи ва иккиламчи бозор учун ипотека кредит таклиф этди. фоизи 27%дан бошлаб, муддати 7 йилгача, миқдори 80 млн сўмдан 800 млн сўмгача.

☑️Ипотека-банк "Осон" ипотека кредитининг фоизи 17,5%гача туширилганини маълум қилди. Муддати 20 йилгача. Бу кредит ўзини ўзи банд қилганларга ҳам ажратилади. Тел.: 1233.

☑️Қуйидаги банклар ишга таклиф этди:
▪️NBU;
▪️Анор Банк.

☑️Ҳафта давомида энг кўп ўқилган пост.

☑️Айни кунда мавжуд ипотека кредитлари шартларини 👉мана бу ерда👈 эълон қилдик.

☑️Камбағал оилаларга 120 млн сўмгача ипотека кредитлари ажратилиши ҳақида 👉Мана бу ерда👈 тўхталиб ўтдик.

☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.

Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.

👉 @bankirkundaligi 👈

ҲАР БИР ВИЛОЯТДА БИТТА ДАВЛАТ БАНКИ МАСЪУЛ БЎЛИШИ ҲАҚИДА

Ҳақиқатан ҳам ўтган ҳафта бўлиб ўтган йиғилишда Марказий банк раиси ушбу масала ҳақида тўхталиб ўтган экан.

Бошқарувни қулайроқ бўлиши учун шундай таклиф берилган.

Лекин бунинг натижасида қуйидаги саволларга жавоб топиш керак бўлади:

1. Битта банк битта ҳудудга масъул бўлса, шу кунгача ушбу ҳудудларда бошқа банкларда ишга олинган мутахассислар тақдири нима бўлади? Ҳар қанақасига ҳам бир неча юзлаб янги ишга кирган банкирлар ишсиз қолиши мумкин. Чунки, бир банкнинг талаби, бошқасиникига тўғри келмаслиги аниқ. Қолаверса, ишга олишда, унинг олдинги жойидан суриштиришлар ёки раҳбарларнинг коррупциясиз шунча ишчини қабул қилиши, кўплаб шубҳаларни пайдо қилади.

2. Тасаввур қилайлик, бу топшириқ амалга ошса, Қашқадарё Алоқабанкда 828 та ёки Самарқанд Агро банкда 1126 та қўшимча штат бирлиги очилади. Биргина вилоят банки 828 та ёки 1126 та ходимни эплай оладими? Банкларнинг Бош офисида ҳам бунча ходим ишламайдику!

3. Бир ёлғонни беркитиш учун бошқасини ишлатишга мажбур бўлмаяпмизми? Ёки ўзимизни ипимизга ўзимиз ўралашиб кетмаяпмизми?

4. Маҳалла даражасида юришлардан биз кутган эффект бўляптими ўзи? 9400 дан ортиқ МФЙда ишга олинганлар бир ойда жами қанча ойлик маош олмоқда? Бераётган эффекти шунга ярашами?

Бу услубни бошида турганлар ушбу жиҳатларини инобатга олган деган яхши гумондамиз.

👉 @bankirkundaligi 👈

⚡️⚡️⚡️БАНКНИ ЎЙИНЧОҚ ПИСТОЛЕТ БИЛАН ЎМАРМОҚЧИ БЎЛДИ

Кеча, 2025 йил 18 апрель куни соат 16:37 да Тошкент шаҳар Қўриқлаш бошқармасига Юнусобод туманидаги банк хизматлари марказидан ташвиш хабари келиб тушган. Хабар асосида тезкор ҳаракатланувчи гуруҳ ходимлари воқеа жойига борганда номаълум фуқаро кўринишидан тўппончага ўхшаган буюм билан марказ ишчисидан пул талаб қилаётганини гувоҳи бўлишган.

Ҳуқуқбузар ходимларни кўриб марказ ойнасини синдириб қочиб кетаётган вақтда кўрилган тезкор чоралар натижасида фуқаро қўлга олинган.

Дастлабки ўрганишлар жараёнида ушбу фуқаро Қибрай туманида истиқомат қилувчи фуқаро М.М. эканлиги, унинг қўлидаги ўйинчоқ тўппончалиги аниқланган.

Ҳолат бўйича воқеа жойига ИИО ходимлари чақиртирилиб, фуқаро ўрнатилган тартибда Юнусобод тумани ИИО ФМБ га топширилган.

Ҳозирда ИИО томонидан терговга қадар текширув ишлари олиб борилмоқда.

👉 @bankirkundaligi 👈

Туронбанк интеллектуал ўйинлари – 2025 йилги мавсумига START берилди!

Илк босқич Хоразм вилоятида бўлиб ўтди. Унда Хоразм, Қорақалпоғистон Республикаси, Навоий ва Бухоро ҳудудий банк хизматлари марказлари жамоалари ўз билими, мантиқий тафаккури ва жамоавий ишлаш салоҳиятини синовдан ўтказишмоқда.

Туронбанк томонидан анъанавий тарзда ташкил этилаётган интеллектуал ўйинлар – ходимлар орасида илмий салоҳиятни ошириш, эркин фикрлашни ривожлантириш, жамоавий муҳитни мустаҳкамлаш ва албатта интеллектуал беллашув маданиятини шакллантиришга хизмат қилмоқда.

Ўйинлар ҳар доимгидек Абдурасул Абдуллаев бошчилигидаги "Заковат" клуби экспертлари томонидан бошқариб борилмоқда. Ғолиб жамоаларни олдинда – финал ва қимматбаҳо совғалар кутмоқда!

👉 @bankirkundaligi 👈

⚡️⚡️⚡️Ҳар ҳафтанинг шанба куни иқтисодий комплекс ташкилотлари (Жумладан банклар ҳам) йиғилишга айтилишда давом этмоқда.

Бугун ҳам 15:30 га барча иқтисодий комплекс ташкилотлари чақиртирилган.

1 март - шанба кунги хабар
15 март - шанба кунги хабар
29 март - шанба кунги хабар
12 апрел - шанба кунги хабар.

Меҳнат кодексига риоя этилишини назорат қилувчилар ҳам ҳали ҳамон ўша йиғилишда.

Бу хабарлардан фойда йўқ!

👉 @bankirkundaligi 👈

🏦 Асакабанкда янгиланган Кузатув Кенгашининг илк йиғилиши

2025 йил 17 апрель куни “Асакабанк” акциядорлик жамияти Кузатув Кенгашининг навбатдаги йиғилиши бўлиб ўтибди.

Йиғилишда янгиланган таркибдаги Кенгаш аъзолари, жумладан мустақил аъзолар иштирок этди. Кун тартибидан банк фаолиятини трансформация қилиш, стратегик ривожланишга оид устувор йўналишлар ва операцион самарадорликни ошириш масалалари ўрин олди.

Йиғилишда банк фаолиятини янада трансформация қилиш, стратегик ривожланишнинг устувор йўналишлари ҳамда операцион самарадорликни оширишга қаратилган ташаббуслар муҳокама қилинди. Шу билан бирга, банкнинг таркибий тузилмалари ўзларининг фаолиятлари тўғрисидаги батафсил маълумотларни тақдим қилди.

🏦 Асакабанк мижозлар эҳтиёжларига мос равишда сифатли молиявий хизматларни тақдим этиш, инновацион ечимлар жорий этиш ва бозорда ўзининг мустаҳкам позициясини янада кучайтиришни мақсад қилган — дейди Асакабанк Матбуот котиби Азизхон Анвархонов.

👉 @bankirkundaligi 👈

НАМАНГАН ҲОКИМИГА ЯНГИ 1-ЎРИНБОСАР ТАЙИНЛАНДИ

Бахриддинов Зухриддин Бахриддин ўғли Наманган вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – вилоят иқтисодиёт ва молия бош бошқармаси бошлиғи этиб тайинланди.

З.Бахриддинов 1985 йилда Тўрақўрғон туманида туғилган. Маълумоти олий. Мутахассислиги - молия, давлат молиясини бошқариш. 2006 йилда Андижон муҳандислик иқтисодиёт институти, 2008 йилда Тошкент Давлат иқтисодиёт университетини, 2020 йилда Ўзбекистон Республикаси Президенти ҳузуридаги Давлат бошқаруви академиясини тамомлаган. 

Меҳнат фаолиятини 2007 йили Ўзбекистон Республикаси Халқ таълими вазирлиги молиялаштириш, бухгалтерия ҳисоби ва ҳисоботи бошқармаси мутахассислигидан бошлаган. 2008-2020 йилларда Наманган вилояти молия бошқармасида турли вазифаларда фаолият кўрсатган. 2020-2024 йилларда Наманган вилояти ҳокимлиги молия бош бошқармаси бошлиғи лавозимида ишлаган.

Тайинловга қадар Ўзбекистон Республикаси Иқтисодиёт ва молия вазирлиги Ҳудудларни комплекс иқтисодий ривожлантириш департаменти директори бўлиб ишлаб келаётган эди.

👉 @bankirkundaligi 👈

ОИЛАВИЙ ТАДБИРКОРЛИК КРЕДИТЛАРИ ФАҚАТ ҲОКИМ ЁРДАМЧИСИ ТАВСИЯСИ БИЛАН АЖРАТИЛМАЙДИ. ЖАРАЁНГА МАҲАЛЛА БАНКИРИ ҚЎШИЛДИ.

☑️Президентимизнинг 2025 йил 15 апрелдаги ПҚ-142-сонли қарорига кўра, тегишли қонун ҳужжатларига қуйидаги кўринишда ўзгаришлар киритилди:

▪️Оилавий тадбиркорлик кредитлари маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокими ёрдамчисининг ўзига бириктирилган маҳаллада истиқомат қилаётган (жойлашган) қарз олувчига берадиган тавсияси асосида шунингдек, маҳсулот етказиб берилганлиги (хизмат кўрсатилганлиги) маҳалла банкири томонидан тасдиқлангандан сўнг ажратилади.

Оилавий кредитларни ким мониторинг қилиши ҳақидаги ўзгариш ҳақида 👉мана бу ерда👈 тўхталиб ўтганмиз.

👉 @bankirkundaligi 👈

#Бизга_ёзишмоқда (@bankirmanbot)

ОЛМАГАН КРЕДИТИМ УЧУН КАРТАМДАН ЕЧИБ ҚОЛИШМОҚДА

Мен Х.Г.И. Андижон вилояти Пахтаобод туманида яшайман. Мен 2017 йил кредит олиш учун Миллий Банк Пахтаобод филиалига ҳужжат топширган эдим.

Менга кредит йўқ дейишди, лекин мени номимга 2018 йил кредит чиққанлигини билдим.

Ўша банк ходими ўз манфаати йўлида ишлатиб юборган экан. Судга бердим ва ходим қамалиб кетти. Қўлимда суднинг қарори ва ҳукм бор.

Тўлов менга қаратилмаган. Ҳозирги кунда иш ҳақи пластигимдан пул ушлаб қолиняпти. Пластигимни тармоқдан узиб қўйиш учун амалий ёрдам сўрайман. Имкони бор эканку.

P.S.: Мурожаатчи шахсий маълумотлари ва суд ҳужжатлари Марказий банк ёки Ўзмиллийбанк бош офиси расмийларига тақдим этилади. Масалани ўрганиб кўриб, тасдиқланса, амалий ёрдам кўрсатишса мақсадга мувофиқ бўлар эди.

👉 @bankirkundaligi 👈

УЧТА ДАФТАРДАГИ ФУҚАРОЛАР КРЕДИТЛАРИ БЎЙИЧА МАСЪУЛИЯТ МФЙ РАИСЛАРИ ВА ЁШЛАР ИШЛАРИ БЎЛИМЛАРИГА ЮКЛАНДИ

☑️Президентимизнинг 2025 йил 15 апрелдаги ПҚ-142-сонли қарорига кўра, тегишли қонун ҳужжатларига қуйидаги кўринишда ўзгаришлар киритилди:

▪️«Аёллар дафтари», «Ёшлар дафтари» ва «Темир дафтар»га киритилган фуқароларга ажратилган кредитларнинг мақсадли ишлатилишини мониторинг қилиш масъулияти тижорат банклари билан бирга мос равишда Ўзбекистон маҳаллалари уюшмасининг туман (шаҳар) бўлимлари, туман (шаҳар) ёшлар ишлари бўлимлари, шунингдек, маҳалла фуқаролар йиғини раислари зиммасига юклатилади.

Аввалги тартибда сектор раҳбарлари ҳам масъул эди. Шунингдек, ушбу қарорда ҳоким ёрдамчилари кўрсатилмаган. Ҳоким ёрдамчилари учун ПҚ-55-сонли қарорнинг 2-бандидаги қуйидаги бандни келтирамиз:

▪️ҳоким ёрдамчилари ўзига бириктирилган маҳаллаларда дастурлар доирасида ажратилган кредитлардан мақсадли фойдаланилишини ва уларнинг самарадорлигини мониторинг қилиб боради ҳамда кредитларнинг ўз вақтида қайтарилиши бўйича тижорат банклари билан биргаликда тегишли чораларни кўради.

Яъни нафақат мониторинг балки, қайтарилиши бўйича умумий жавобгарлик барибир ҳоким ёрдамчиларида қолади. Учта дафтардаги фуқаролар кредитлари бўйича МФЙ раислари ва Ёшлар етакчилари қўшимча масъул.

👉 @bankirkundaligi 👈

2025 йил 15 апрель куни "InfinBANK" Акциядорлик жамиятининг Кузатув кенгаши таркибида Банк фаолиятининг шаффофлигини ошириш ва корпоратив бошқарувни кучайтиришга қаратилган ўзгаришлар амалга оширилди.

Корпоратив бошқарувни мустаҳкамлаш ва уни халқаро стандартларга мослаштириш доирасида Кузатув кенгаши таркибига халқаро тажрибага эга мустақил аъзо — Фируза Исхақова қабул қилинди. У илгари Европа Тикланиш ва Тараққиёт Банкида (ЕТТБ) фаолият юритган. Меҳнат фаолияти давомида у бир қатор йирик тижорат банкларининг Кузатув кенгашларига раислик қилган.

Шунингдек, ўзгаришлар доирасида Банкнинг асосий акциядори Фарҳод Мамажонов Кузатув кенгаши раиси лавозимини тарк этди. Мазкур лавозимга Банк соҳасида катта тажрибага эга Зикирилло Абдуллаев тайинланди.

InfinBANK янгиланган Кузатув кенгаши таркиби ва мустақил экспертнинг жалб этилиши назорат тизимини мустаҳкамлаш, стратегик қарорлар қабул қилиш самарадорлигини ошириш ҳамда корпоратив бошқарувни энг яхши халқаро амалиётларга яқинлаштиришга хизмат қилишига ишонч билдирмоқда.

👉 @bankirkundaligi 👈

Фонд биржаларининг фаолиятини тартибга солиш Истиқболли лойиҳалар миллий агентлигининг зиммасига юклатилади

Капитал бозорида юзага келаётган ислоҳотлар хусусий мулкни ҳимоя қилиш ва бизнес муҳитини яхшилашга қаратилган янги босқич дейиш мумкин. Президент томонидан имзоланган янги қонун бу борадаги жиддий ёндашувни билдиради.

Қонун асосида акциядорлар дивидендлар бўйича ўз ҳақ-ҳуқуқини очиқ ва шаффоф равишда талаб қилиш имконига эга бўлади. Ишчи-ходимларга акцияларни имтиёзли шартларда сотиб олиш ҳуқуқи берилиши эса ички инвестициявий муҳитни мустаҳкамлайди.

Акциядорлик жамиятларига веб-сайтга эга бўлиш мажбурияти ва ахборот ошкор қилиш талабларининг енгиллаштирилиши, шубҳасиз, тезкорлик ва очиқликни таъминлайди.

Эътиборли жиҳати эса фонд биржаларининг фаолиятини тартибга солиш вазифаси Истиқболли лойиҳалар миллий агентлигига топширилгани. Демак, фонд бозорида ҳам янги босқич бошланмоқда.

👉 @bankirkundaligi 👈

МАРКАЗИЙ БАНК ТОШКЕНТ ШАҲАР БОШ БОШҚАРМАСИ БОШЛИҒИ ДАВРОН РАХИМДЖОНОВИЧ ИСМАТОВ ВА УНИНГ ФАОЛИЯТИ

Каналимиз кўпчилик обуначилари фикрига кўра, ушбу раҳбар фаолияти энг самарали деб эътироф этилган.

Д.Р.Исматов 2018 йил июнь ойидан 2024 йил февраль ойигача Марказий банк Тошкент шаҳар бош бошқармаси бошлиғи ўринбосари лавозимида ишлади.

2024 йил февраль ойидан Марказий банк Тошкент шаҳар бош бошқармаси бошлиғи лавозимида меҳнат қилиб келмоқда.

Ўз фаолияти давомида замон талабларига мос илғор ғояларни соҳага тадбиқ этиш ва банк соҳасини янада ривожлантириш бўйича инновацион услублардан унумли фойдаланган ҳолда, Марказий банк Тошкент шаҳар бош бошқармасининг ҳудудда самарали фаолият кўрсатишига муносиб ҳиссасини қўшиб келмоқда.

Батафсил.

👉 @bankirkundaligi 👈

LEAPMOTORГА ЎРНАТИЛГАН ЧЕКЛОВ 2 ҲАФТАДА ОЛИБ ТАШЛАНДИ

Жорий йил 28 мартда "Регламент талабларига номувофиқ" деб топилган Leapmotor автомобиллари 2 ҳафтадан кейин БМТнинг 10-сон қоидаси талабларига мувофиқ топилди.

Ушбу хатдан кўринадики, кейинги текширув компания вакили иштирокида ўтказилган. Ушбу 2 ҳафтада рсепубликада шундай ташкилотлар борлигини кўпчилик билиб олди.

Ҳудди шундай Хитой ҳам...

👉 @bankirkundaligi 👈

💸 Har oyda 50 mln so‘mgacha — komissiyasiz o‘tkazmalar!

Agar OQ abonenti bo‘lsangiz va kartangiz OQ raqamingizga ulangan bo‘lsa — endi ilova orqali komissiyasiz pul o‘tkazishingiz mumkin.
🚀 Tez, qulay va ortiqcha xarajatlarsiz.

📲 OQ ilovasini yuklab ol va hoziroq foydalana boshlang!

👉 @bankirkundaligi 👈

Zamonaviy texnologiyalar xarid qilish haqidagi tasavvurimizni o‘zgartirmoqda. Endi mahsulot yoki xizmatlar uchun to‘lovni amalga oshirishda atigi bir necha soniya kifoya.

😊 QR-kodni skanerlang va o`tkazmani darhol amalga oshiring.
Yoki shunchaki NFC qo‘llab-quvvatlovchi smartfonni terminalga yaqinlashtiring va to‘lovni bir teginishda amalga oshiring.

Naqd pulsiz. PIN kod kiritmasdan. Ortiqcha kechikishlarsiz.

Kontaktsiz to‘lov butun mamlakat bo‘ylab do‘konlar, kafelar, transport va boshqa xizmatlarda mavjud.

Kontaktsiz to‘lov tez, qulay va xavfsiz.

Finlit.uz bilan moliya olamini o‘rganing

Президентимиз Ш.Мирзиёев Андижонда Алоқабанк раиси К.Ирисбекова билан.

👉 @bankirkundaligi 👈

Бизнесни ривожлантириш банкида 174 та жараённинг 104 таси тўлиқ рақамлаштирилган

Бу ҳақда Ахборот ва оммавий коммуникациялар агентлигида ўтказилган брифингда банк Ахборот хизмати раҳбари Шуҳрат Орипов хабар берди.

Брифингда “Бизнесни ривожлантириш банки” АТБ яқин келажакда ўз олдига мамлакатдаги энг илғор замонавий инновацион банк бўлишни мақсад қилиб қўйгани таъкидланди.

Банкнинг 2024-2026 йилларга мўлжалланган Стратегиясида белгиланган 250 та ташаббуснинг қарийб 72 таси бевосита ахборот технологиялари ва рақамлаштиришга доир ташаббуслар  ҳисобланади.

Банкда жисмоний шахслар учун, яъни чакана банк хизматлари бўйича жами 53 та жараён мавжуд бўлиб, улардан 44 таси рақамлаштирилган. Айни вақтда юридик шахслар учун, яъни корпоратив банк хизматлари бўйича мавжуд 40 та жараённи рақамлаштириш бўйича фаол чора-тадбирлар амалга оширилмоқда.

👉 @bankirkundaligi 👈

⚡️⚡️⚡️БУГУН АНДИЖОН ВИЛОЯТИГА ТАШРИФ

Президент Шавкат Мирзиёев бугун Андижон вилоятига ташриф буюради.

Ташриф давомида янги корхоналар фаолияти, саноат, энергетика, шаҳарсозлик ва бошқа соҳаларда амалга оширилаётган ишлар билан танишиш, жойлардаги қурилиш ва бунёдкорликни кўздан кечириш режалаштирилган.

Шунингдек, давлатимиз раҳбари ҳудудни комплекс ривожлантириш бўйича устувор вазифалар юзасидан йиғилиш ўтказади.

👉 @bankirkundaligi 👈

​​Ҳафталик дайжест.
Банк тизими ҳафталик (7 - 13 апрел) янгиликлари.

☑️Халқбанки чорвачилик учун кредит таклиф этди. Муддати 180 ойгача, фоизи 17%, энг кўп миқдори 3 млн АҚШ долларининг сўмдаги эквивалентича.

☑️Ўзсаноатқурилишбанк тадбиркорлар учун "Бизнес ипотека" таклиф этди. Бошланғич тўлов 20%дан бошлаб, муддати 7 йилгача. Банк шунингдек таълим кредитини ҳам таклиф этди. Миқдори 100 млн сўмгача, фоизи 14%, муддати 11 йилгача.

☑️Ориент финанс банк «Platinum» микроқарзини таклиф этди. Миқдори 50 млн сўмгача, фоизи 25%, муддати 12 ойгача.

☑️Асакабанк 100 млн сўмгача микроқарз таклиф этди.

☑️Ўзмиллийбанк 100 млн сўмгача микроқарз таклиф этди. Муддати 24 ой, фоизи 29%.

☑️Трастбанк тадбиркорларга гаров талаб қилмайдиган кредит таклиф этди. Миқдори 500 млн сўмгача, муддати 24 ойгача, фоизи 25 фоиздан бошлаб.

☑️Тенге Банк бошқаруви раиси Умут Шаяхметова Президентлар Қ.Тоқаев ва Ш.Мирзиёевга банкка оид рақамлар билан бўлишди.

☑️Hamkorbank "Ҳамкорлар" кредитини таклиф этди. Миқдори ҳам бир ҳамкор учун 100 млн сўмгача, муддати 30 ойгача, фоизи 26%дан бошлаб.

☑️Бизнесни ривожлантириш банки 420 млн сўмгача янги хонадон учун ипотека кредит таклиф этди. Дастлабки тўлов 15%дан бошланади, муддати 20 йилгача, фоизи 17,5 фоиздан бошланади.

☑️Агробанк саёҳат учун 100 млн сўмгача кредит карта таклиф этди. Муддати 4 йилгача, фоизи 27%дагн бошлаб. Банк шунингдек, янги автомобиллар учун автокредит таклиф этди. Бошланғич тўлов 25%, муддати 5 йилгача.

☑️Универсалбанк "Бизнесга биринчи қадам - Эконом" кредитини таклиф этди. Миқдори 10 млн сўмгача, фоизи 32%, муддати 12 ойгача.

☑️Гарантбанк "Импорт" автокредитини таклиф этди. Фоизи 26%дан бошлаб, муддати 60 ойгача.

☑️Пойтахтбанк йўловчи ва юк ташувчи транспорт воситалари харид қилиш учун кредит таклиф этди. Фоизи 25,9 фоиздан бошлаб, муддати 36 ойгача, миқдори шартномага асосан.

☑️Давр банк Бухоро вилояти Ғиждувон туманида янги Банк хизматлари маркази иш бошлаганини маълум қилди.

☑️АлоқаБанк ёшлар бизнеси учун кредит таклиф этди. Миқдори 100 млн сўмгача, фоизи 18%, муддати 7 йил. Кредит ўз-ўзини банд қилганларга ажратилади.

☑️Анор банк 100 млн сўмгача кредит фоизи пастлаганини маълум қилди. Энди фоиз ставка 27%дан 41%гача, муддати 36 ойгача.

☑️AVO bank кредит картасида 1 AVO бонус 1 сўмга айланишини маълум қилди. AVO platinum картасида биринчи харид учун 100% кешбэк тақдим этилишини маълум қилди.

☑️ИнфинБанк "NRG Янги бахт" лойиҳасида бир хонали (38,95 м²) хонадонни 36 ой муддатга кредитга олганда, ойлик тўлови 15,3 млн сўмдан тўғри келишини маълум қилди. Ушбу хонадонни расмий даромадсиз ҳам олиш мумкин.

☑️Янги банк Кузатув кенгашига Хусаинов Азамат Гусенович раис этиб тайинланганини маълум қилди.

☑️Капиталбанк ўзининг 24 йиллигини нишонлади. Табриклаймиз.

☑️Азия аллианс банк Inha университети билан ҳамкорлик меморандуми имзолаганини маълум қилди.

☑️Қуйидаги банклар ишга таклиф этди:
▪️NBU;
▪️МКБанк;
▪️Капиталбанк.

☑️Ҳафта давомида энг кўп ўқилган пост.

☑️Айни кунда мавжуд ипотека кредитлари шартларини 👉мана бу ерда👈 эълон қилдик.

☑️Камбағал оилаларга 120 млн сўмгача ипотека кредитлари ажратилиши ҳақида 👉Мана бу ерда👈 тўхталиб ўтдик.

☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.

Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.

👉 @bankirkundaligi 👈

⚡️⚡️⚡️Ҳар ҳафтанинг шанба куни иқтисодий комплекс ташкилотлари (Жумладан банклар ҳам) йиғилишга айтилишда давом этмоқда.

Бугун ҳам бўлиб ўтмоқда!

1 март - шанба кунги хабар
15 март - шанба кунги хабар
29 март - шанба кунги хабар.

Меҳнат кодексига риоя этилишини назорат қилувчилар ҳам ҳали ҳамон ўша йиғилишда.

Йиғилишлар қай даражада самара бериши мумкин? Бу масала бизга қоронғу. Балки шу йиғилишлар ривожланишимизга туртки бўлар, камчиликка йўл қўяётганларни кўзи очилар.

Нима бўлганда ушбу каби йиғилишлар иш вақтида ўтказилиши мақсадга мувофиқ бўлар эди. Йиғилишда ўтирганларни ҳам оиласи, бола-чақаси билан дам олишга ҳақи бор эди.

Қайсидир давлатлар ҳафтасига 4 кунлик иш кунига ўтишни, ишчилар кун тартибининг 40 фоизгача қисмини онлайн тарзда, уйидан туриб ишлаши кабилар жорий этилаётган вақтда, бизда ҳафтасига 5 кун ишдан кейин олтинчи куни йиғилишга чақирилсая. Балки раҳбарларимиз "Яхши дам - меҳнатга ҳамдам" - деган мақолни яна бир ўйлаб кўришар.

👉 @bankirkundaligi 👈

ОМОНАТЛАР ҲАҚИДА КЎП БЕРИЛАДИГАН САВОЛЛАР

Омонат бўйича фоизли даромадни олдиндан (аванс шаклида) олиш мумкинми?

Омонат бўйича фоиз кўринишидаги даромад омонатнинг тури ва шартларига қараб тўланади. Агар омонат шартномаси шартларида омонат бўйича фоизларни олдиндан олиш имконияти назарда тутилган бўлса, омонат фоизларини олдиндан олиш мумкин, акс ҳолда фоизлар шартнома бўйича белгиланган тартибда тўланади.

Омонат бўйича фоизли даромадни олдиндан (аванс шаклида) олиш мумкинми?

Омонат бўйича фоиз кўринишидаги даромад омонатнинг тури ва шартларига қараб тўланади. Агар омонат шартномаси шартларида омонат бўйича фоизларни олдиндан олиш имконияти назарда тутилган бўлса, омонат фоизларини олдиндан олиш мумкин, акс ҳолда фоизлар шартнома бўйича белгиланган тартибда тўланади.

Вояга етмаган фарзанд учун унга вояга етганда фойдаланиш имкониятини берувчи омонат турини қандай қилиб очиш мумкин?

Тижорат банкида вояга етмаган бола учун ота ёки онасининг шахсини тасдиқловчи ҳужжати (паспорт/ идентификация ID-картаси/ янги намунадаги ҳайдовчилик гувоҳномаси/ ҳарбий билет) ва боланинг туғилганлик ҳақидаги гувоҳномасини тақдим этиш орқали унинг номига омонат очиш мумкин. Масалан, боланинг туғилган пайтидан бошлаб 16 ёшгача амал қиладиган "Навқирон" омонат турини очиш мумкин. Шуни ёдда тутиш керакки, омонат шартлари банкларда фарқ қилиши мумкин.

Ўзимнинг номимга омонат сони қанча миқдоргача очилиши мумкин?

Омонатларнинг сони бўйича ҳеч қандай чекловлар мавжуд эмас. Бундан ташқари, банкнинг мобил иловаси ёрдамида исталганча онлайн омонатни очиш мумкин.

Фоизлар капитализацияси нимани англатади?

Фоизлар капитализацияси – бу маълум муддатда депозит бўйича ҳисобланган фоизлар омонатнинг асосий суммасига қўшилиши ва кейинги фоизлар янги ҳосил бўлган сумма бўйича ҳисобланиши. Бошқача сўз билан – фоизларга ҳам фоиз тўланиши.

Расмийлаштирилган омонат суммасига қўшимча маблағ киритиш мумкинми?

Онлайн шаклида очилган омонатларга банкнинг мобил иловаси ёрдамида исталган вақтда қўшимича маблағ киритилиши мумкин. Агар омонат банкка бориб очилган ва шартнома шартларига кўра уни тўлдириш имконияти мавжуд бўлса, у ҳолда Сиз банкка келиб қўшимча маблағларни киритишингиз мумкин бўлади. Баъзи банклар фақат бошланғич 3-6-ойлар учун бундай имкониятни тақдим этиши мумкин.

Омонат маблағларини муддатидан олдин ечиб олсамда, фоизли даромадларни сақлаб қолишим мумкинми?

Агар Сиз омонат маблағларингизни муддатдан олдин ечиб олсангиз, ҳар доим ҳам омонатингиз бўйича ҳисоблаб келинган фойдани сақлаб қололмайсиз. Чунки барча омонат турлари ҳам бундай шартларни назарда тутмайди. Ушбу имкониятни таклиф этувчи омонатлар одатда паст фоизда бўлади. Бундан ташқари, агар шартномада бошқа шарт кўзда тутилмаган бўлса, маблағларни муддатдан олдин ечиб олсангиз тўлмаган ой учун ҳисобланган фоизлар куяди.

Мазкур маълумотлар Ўзбекистон Республикаси Марказий банкининг молиявий саводхонлик бўйича ахборот-таълим веб-сайти маълумотлари асосида тайёрланди.

Ушбу портал Доимо долзарб ва тўлиқ маълумотлар базаси сифатида ўзининг афзаллигини қайд этади. Лекин, биргина юқоридаги постда бир нечта банкларнинг омонатлари ҳақидаги маълумотлари ҳақиқатга тўғри келмаслигини кўрдик (Янги банк, Туронбанк ва Универсал банк). Долзарб ва тўлиқ маълумот, албатта айни пайтда актуал ҳам бўлиши зарур. Барча учун бирдек фойдали бўлиб бораётган портал мутасаддиларидан тижорат банкларидаги маълумотлардаги янгиланишлар юзасидан тезкорликни сўраб қоламиз холос.

👉 @bankirkundaligi 👈

ЭНГ ЮҚОРИ ФОИЗЛИ ОМОНАТЛАР
(Тижорат банкларининг жисмоний шахслар учун мўлжалланган молиявий хизматлари ҳақидаги ахборот порталидан 2025 йил 11 апрел кунги олинган маълумотлар асосида тайёрланди)

▪️ANOR BANK
Номи Байрамона
Фоиз ставкаси 26%
Энг кам миқдори 1 млн сўм
Муддати 6 ой

▪️Универсал банк
Номи Yubiley
Фоиз ставкаси 22%
Энг кам миқдори 500000 сўм
Муддати 22 ой

▪️Пойтахт банк
Номи Биргаликда
Фоиз ставкаси 25%
Энг кам миқдори 1 000 000 сўм
Муддати 24 ой

▪️Бизнесни ривожлантириш банки
Номи Конструктор
Фоиз ставкаси 21%-24%
Энг кам миқдори 100 000 сўм
Муддати 1096 кунгача

▪️Туронбанк
Номи Максимум
Фоиз ставкаси 21 %
Энг кам миқдори 100000 сўм
Муддати 18 ой

▪️Ипотека-банк
Номи Konstruktor
Фоиз ставкаси 23,5 %
Энг кам миқдори 500 000 сўм
Муддати 3 ойдан 24 ойга

▪️TBC Bank
Номи Муддатли омонат
Фоиз ставкаси 23%
Энг кам миқдори 100 000 сўм
Муддати 13 ой

▪️Tenge Bank
Номи Фойдали
Фоиз ставкаси 23%
Энг кам миқдори 100 000 000 сўм
Муддати 13 ой

▪️Трастбанк
Номи Онлайн-Траст Имкон
Фоиз ставкаси 22%
Энг кам миқдори 500 000 сўм
Муддати 24 ой

▪️Ипак Йўли банк
Номи Универсал
Фоиз ставкаси 22%
Энг кам миқдори 1 000 000 сўм
Муддати 24 ой

▪️InFinBank
Номи Infin Nastarin
Фоиз ставкаси 22%
Энг кам миқдори 1 000 000 сўм
Муддати 24 ой

▪️Алоқабанк
Номи Яшил макон
Фоиз ставкаси 22%
Энг кам миқдори 100 000сўм
Муддати 36 ой

▪️ASIA ALLIANCE BANK
Номи Стандарт онлайн
Фоиз ставкаси 22%
Энг кам миқдори 1 000 000 сўм
Муддати 24 ой

▪️Асака банк
Номи Максимал фойда
Фоиз ставкаси 22%
Энг кам миқдори 100 000 сўм
Муддати 24 ой

▪️Агробанк
Номи Сандиқ
Фоиз ставкаси 21%
Энг кам миқдори 100000-1000000 сўм
Муддати 18 ой

▪️Ўзсаноатқурилишбанк
Номи Грин Депозит
Фоиз ставкаси 21%
Энг кам миқдори 100000 сўм
Муддати 13 oй

▪️Халқ банки
Номи Standart
Фоиз ставкаси 21%
Энг кам миқдори 100 000 сўм
Муддати 24 ой

Хусусий банклар омонатлари фоизи юқорилиги яққол кўриниб турибди. Рўйҳатдагилардан қайси банкнинг омонат шартлари сизга кўпроқ маъқул келди?

👉 @bankirkundaligi 👈

ҲАРБИЙЛАРГА ТУРАР-ЖОЙ ИЖАРАСИ ВА ИПОТЕКА БЎЙИЧА ИМТИЁЗЛАР ОШИРИЛДИ

☑️Бу борада 2025 йил 9 апрелда Ҳукумат қарори қабул қилинди(214-сон). Унга кўра ҳарбий хизматчиларга турар-жойни ижарага олганлик учун ойлик пул компенсацияси 20% га оширилди:

▪️Тошкент шаҳрида — БҲМнинг 4,8 бараваригача;
▪️Нукус ва вилоят марказларида — БҲМнинг 3,6 бараваригача;
▪️Бошқа ҳудудларда — БҲМнинг 2 бараваригача.

☑️2025 йил 1 июндан 10 йилдан ортиқ хизмат қилган ҳарбийларга уй-жой сотиб олиш/қуриш учун ипотека кредитига ажратиладиган дастлабки бадал уйнинг 35% этиб белгиланди (илгари 25% эди).

▪️Ҳалок бўлган ҳарбийлар оиласи ва ногирон ҳарбийлар давлат томонидан турар-жой билан биринчи навбатда таъминланади. Агар улар ипотека билан уй олган бўлса, қайтарилмаган қарз ва фоизлар давлат бюджети ҳисобидан тўлаб берилади.

👉 @bankirkundaligi 👈

Eng yaxshi suratni tanlash endi juda oson! 📸🔥

HUAWEI nova 13 seriyasidagi “Eng yaxshi mimikani tanlang” AI funksiyasi bilan har bir suratda ideal ifodani toping! Kamera bir necha kadrni suratga oladi va sun’iy intellekt siz uchun eng muvaffaqiyatli yuz ifodasini tanlab beradi.

Ko‘z yumib qolish yoki noqulay ifodalar? Endi bunday muammo yo‘q! Har bir surat – mukammal!

📱✨ HUAWEI nova 13 Seriyasi bilan suratlaringiz doim a’lo darajada!

ИШТИРОКИНГИЗСИЗ ЁКИ СИЗНИ ХАБАРИНГИЗ БЎЛМАСДАН КРЕДИТ РАСМИЙЛАШТИРИШНИНГ ОЛДИНИ ОЛИШИНГИЗ МУМКИН БЎЛДИ. ЭНДИ НОМИНГИЗГА КРЕДИТ РАСМИЙЛАШТИРИШНИ ТАЪҚИҚЛАБ ҚЎЙСАНГИЗ БЎЛАДИ.

"Кредит ахбороти алмашинуви тўғрисида" ги Ўзбекистон Республикаси қонунига кредит соҳасидаги муносабатларни янада такомиллаштиришга қаратилган ўзгартириш ва қўшимчалар киритилди.

☑️Унга кўра, жисмоний шахс ўзининг иштирокисиз ёки хабарисиз кредит битими расмийлаштирилишининг олдини олиш учун ўзи билан кредит битимини тузишни кредит бюросига ариза киритиш орқали тақиқлаши мумкин.

▪️Кредит битимини тузишни тақиқлаш ёки бундай тақиқни олиб ташлаш тўғрисидаги ариза Ўзбекистон Республикаси Ягона интерактив давлат хизматлари портали орқали электрон шаклда, давлат хизматлари марказлари ёки кредит бюролари орқали ёзма ёки электрон шаклда мурожаат қилиш асосида берилади.

▪️Кредит битимини тузишни тақиқлаш ёки бундай тақиқни олиб ташлаш тўғрисидаги ариза олинган пайтдан эътиборан кредит бюроси томонидан дарҳол кредит битими тузиши тақиқланган шахслар реестрига киритилади.

▪️Кредит битимини тузишни тақиқлаш ёки бундай тақиқни олиб ташлаш ихтиёрий равишда амалга оширилади. Бунда мазкур хизматлар Ўзбекистон Республикаси Вазирлар Маҳкамаси томонидан белгиланган тартибда бепул асосда кўрсатилади.

☝🏻Бу 2025 йил 6 июндан кучга киради.

Фирибгарлардан эҳтиёт бўлишини истаган танишларингизга юбориб қўйинг.

👉 @bankirkundaligi 👈

БАНКЛАР ХОРИЖДАН ЖАЛБ ҚИЛГАН МАБЛАҒИГА ҲОКИМЛАР ТАДБИРКОРЛАРНИ ТОПАДИ

Банклар биринчи чоракда хориждан 1,2 миллиард доллар ресурс жалб қилди. Бунинг ярмидан кўпи 4 та банкка тўғри келмоқда. Қолган банклар ҳам бу борадаги ишини фаоллаштириши муҳим экани таъкидланди.

Андижон, Тошкент вилояти ва Тошкент шаҳрида тадбиркорлар билан фаол ишлангани учун ушбу маблағларнинг кўпи шу ҳудуддаги лойиҳаларга тўғри келаяпти.

“Нима учун қолган ҳокимлар сифатли лойиҳа қилиб, тайёр пулни ишлатмайди?”, - дея савол қўйди Президент 2025 йил 9 апрел кунги йиғилишда.

Эндиликда банклар четдан маблағ жалб қилиши билан уни қандай лойиҳаларга, қанча муддатга ва қайси шартда бериши ҳақида ҳокимларни хабардор қилади. Ҳокимлар эса тадбиркорлар ишлаб чиққан тайёр лойиҳаларни тўплаб, банкларга тақдим этади.

👉 @bankirkundaligi 👈

⚡️1 МАЙДАН 201 КВТ СОАТДАН 500 КВТ СОАТГАЧА ЭЛЕКТР ЭНЕРГИЯСИГА 900 СЎМДАН ЭМАС, 800 СЎМДАН ТЎЛАНАДИ

Ўзбекистон Республикаси Вазирлар Маҳкамасининг “Ёқилғи-энергетика ресурслари истеъмолчиларини қўллаб-қувватлаш мақсадида 2024-2025 йилларда ёқилғи-энергетика ресурслари нархларининг босқичма-босқич ўзгариш графигига ўзгартишлар ва қўшимча киритиш ҳақида” 194-сон қарори қабул қилинди.

☑️Унга кўра,

▪️Ёқилғи-энергетика ресурслари нархларининг ошиши муддати 1 апрелдан 1 май санасига кўчирилди.

Қолаверса, 201 кВт соатдан 1000 кВт соатгача бўлган дифференциаллашган тариф бўйича истеъмол миқдори орасига янги миқдор киритилмоқда. Яъни 2025 йил 1 майдан эътиборан аҳоли истеъмолчилари 201 кВт·соатдан 500 кВт соатгача бўлган янги миқдор оралиғида ҳар бир киловатт соат учун 800 сўмдан тўлайди (шу пайтгача 201 кВт соатдан 1000 кВт соатгача бўлган қисми учун 900 сўмдан ҳақ тўланган).

Айтиш жоизки, бир ойда ўртача 500 кВт соат миқдорида электр энергияси сарфлайдиган хонадон вакиллари бунинг учун 2025 йилнинг 1 май санасига қадар 360 минг сўм тўлашарди (200 кВт соат базавий норма учун 90 минг сўм, 201 кВт соатдан 500 кВт соат учун 270 минг сўм). Тариф ўзгаришларидан сўнг бир ойда ўртача 500 кВт соат ток ишлатадиган хонадон бунинг учун... 360 минг сўм тўлайди (200 кВт соат базавий норма учун 120 минг сўм, 201 кВт соатдан 500 кВт соат учун 240 минг сўм). Яъни улар учун нарх ошаётгани йўқ.

▪️Бундан ташқари, қарор билан электр энергияси ва табиий газ нархлари ҳар йили 1 майдан бир маротаба йиллик инфляция даражасидан келиб чиққан ҳолда 10 фоиздан юқори бўлмаган миқдорда индексация қилиб борилиши белгиланмоқда.

👉 @bankirkundaligi 👈

⚡️ISSF 2025 – ИСЛОМ МОЛИЯСИ БЎЙИЧА 20-ХАЛҚАРО ШАРИАТ ОЛИМЛАРИ ФОРУМИДА ИШТИРОК ЭТИНГ

Бу тарихий анжуман 2025 йилнинг 16–18 сентябр кунлари, Ўзбекистоннинг қадимий ва замонавий пойтахти — Тошкент шаҳрида бўлиб ўтади.

ISSF 2025 – ислом молияси соҳасида дунё бўйлаб тан олинган шариат уламолари, соҳа етакчилари ва давлат сиёсатчиларини бирлаштириб, ислом молиясига оид илмий фикр, амалиёт ва сиёсат юзасидан мулоқот ва ҳамкорликни ривожлантиришга хизмат қилади.

Марказий Осиё манзарасида ўтадиган ушбу форум шариат тафаккури, илмий тадқиқот ва инновацияларни илгари суришдаги бой анъанани давом эттиради.

📅Сана: 16–18 сентябр 2025
📍Манзил: Ўзбекистон, Тошкент шаҳри

🎟2025 йил 30 апрелга қадар рўйхатдан ўтинг ва чегирма нархдан фойдаланинг:
ISSF2025 - 20th International Shari'ah Scholars Forum 👇🏻
https://issf.inceif.edu.my/

Қўшимча маълумот учун:
▪️@AlMuamalat_contact
▪️info@al-muamalat.uz
▪️@almuamalatuz канали

👉 @bankirkundaligi 👈

​​ИПОТЕКА КРЕДИТЛАРИ
(Бизнинг канал билан беғараз ҳамкорлик қилиб келаётган тижорат банклари Бош офислари масъулларидан жорий йил 4-8 апрел кунлари олинган маълумотлар асосида тайёрланди)

☑️Ўзсаноатқурилишбанк
▪️Янги уй-жой учун
Муддати 20 йилгача
Фоизи 17%дан
Бошланғич тўлов 15%дан
Батафсил

▪️Иккиламчи бозор учун - Исталган уй-жой учун ипотека
Муддати 15 йилгача
Фоизи 26%дан
Бошланғич тўлов 20%дан
Батафсил

▪️Якка тартибдаги уй-жой қуриш ва реконструкция учун
Муддати 10 йилгача
Фоизи 31%дан
Бошланғич тўлов 0%
Батафсил

☑️Халқ банки
▪️Янги уй-жой учун
Муддати 20 йилгача
Фоизи 17.5 % бошлаб
Бошланғич тўлов 15 % бошлаб
Батафсил:

▪️Иккиламчи бозор учун
Иш ҳақи учун
Муддати 15 йилгача
Фоизи 24 %
Бошланғич тўлов 26%
Батафсил

☑️Асакабанк
▪️Уй-жойни таъмирлаш учун
Фоизи 26%
Муддати 10 йил
Бошланғич тўлов талаб этилмайди
Миқдори 170 млн сўмгача
Батафсил

▪️Ипотека универсал (Бирламчи ва иккиламчи)
Фоизи 26%
Муддати 10 йил
Бошланғич тўлов 25%
Миқдори 800 млн сўмгача
Батафсил

Ипотека (Бирламчи)
Фоизи 17.5%
Муддати 20 йилгача
Миқдори 420 млн сўмгача
Батафсил

☑️Ипак йўли банки
▪️Янги уй-жой учун
Муддати 7 йилгача
Фоизи 27% дан бошлаб
Бошланғич тўлов 25%
Батафсил

▪️Иккиламчи бозор учун
Муддати 7 йилгача
Фоизи 27% дан бошлаб
Бошланғич тўлов 25%
Батафсил

☑️МКБАНК
▪️Янги уй-жой учун
Муддати 20 йилгача
Фоизи 18%
Бошланғич тўлов 15%
Батафсил

▪️Иккиламчи бозор учун
Муддати 15 йилгача
Фоизи 24%
Бошланғич тўлов 25%
Батафсил

☑️Агробанк
Янги уй-жой учун
Муддати 20 йилгача
Фоизи 17,5% бошлаб
Бошланғич тўлов 15% бошлаб
Батафсил

Иккиламчи бозор учун
Муддати 10 йилгача
Фоизи 25%
Бошланғич тўлов 25%
Батафсил

Якка тартибдаги уй-жой қуриш ва реконструкция учун
Муддати 10 йилгача
Фоизи 22%
Батафсил

☑️Трастбанк
▪️Янги уй-жой учун
Муддати 20 йилгача
Фоизи 17,5%
Бошланғич тўлов 15% (доимий даромадга эга бўлганларга)
Батафсил

▪️Иккиламчи бозор учун
Муддати 120 ойгача
Фоизи 27%
Бошланғич тўлов 25 % (доимий даромадга эга бўлган шахсларга)
Батафсил

☑️Туронбанк
▪️Янги уй-жой учун
Муддати 20 йилгача
Фоизи 18%
Бошланғич тўлов 15%
Батафсил

▪️Иккиламчи бозор учун
Муддати 10 йилгача
Фоизи 25%
Бошланғич тўлов 26%
Батафсил

▪️Якка тартибдаги уй-жой қуриш ва реконструкция учун
Муддати 20 йилгача
Фоизи 20%
Бошланғич тўлов 26%
Батафсил

Рўйҳатдаги кредитларнинг қолган шартлари билан танишиш учун рўйҳатдаги «Батафсил» деган сўзлар устига босинг.

Ипотека кредитини расмийлаштириш учун зарур ҳужжатлар рўйҳатини 👉мана бу ерда 👈 кўрсатиб ўтганмиз.

👉 @bankirkundaligi 👈

​​Ҳафталик дайжест.
Банк тизими ҳафталик (31 март - 6 апрел) янгиликлари.

☑️Халқбанкидаги коррупцион ҳолатга гувоҳ бўлсангиз Tezkor xabar иловаси ва komplayens@xb.uz почта манзили орқали 24/7 режимда маълумотларни юбориш мумкинлигини маълум қилди.

☑️Ўзсаноатқурилишбанк бизнес учун 300 млн сўмгача "BIZNES START-UP" кредитини таклиф этди. Муддати 36 ойгача, фоизи 25 фоиздан бошлаб.

☑️Туронбанк 3 хил турдаги автокредитларни таклиф этди. Батафсил.

☑️Ориент финанс банк Россиянинг "Кредит Европа банки"да рублда вакиллик ҳисобрақамини очганини маълум қилди. Банк шунингдек пойтахтнинг Сергели туманида янги БХО очганини маълум қилди.

☑️Асакабанк янги уй сотиб олиш учун 18 фоизлик ипотека кредити таклиф этди. Муддати 20 йилгача, бошланғич тўлов 15 фоиздан.

☑️Ўзмиллийбанк профилактика сабабли жорий йил 7 апрелдан 10 апрелгача банкнинг Қорақалпоғистон Республикаси Бош бошқармасининг банкоматлари вақтинча ишламаслигини маълум қилди.

☑️Трастбанк "Траст имкон" ва "Онлайн-Траст имкон" омонатларини таклиф этди. Фоизи 22%, муддати 24 ой.

☑️МКБанк Европа Инвестиция Банки билан қиймати 40 млн Евро бўлган меморандум имзолаганини маълум қилди.

☑️Тенге Банк қулай банк хизматлари яратиш мақсадида сўровнома ўтказмоқда. 3 дақиқа вақтингиз бўлса, ўз фикрингизни қолдиришингиз мумкин.

☑️Hamkorbank бизнес учун терминал орқали доимий тушуми мавжуд тадбиркорларга "Савдогар кредити"ни таклиф этди. Миқдори 1,2 млрд сўмгача, муддати 36 ойгача, фоизи 24 фоиздан бошланади.

☑️Октобанк Moody's халқаро рейтинг агентлигининг халқаро кредит рейтингига эга бўлди. Батафсил.

☑️Бизнесни ривожлантириш банки KIA ва Chery автомобиллари учун автокредит таклиф этди. Дастлабки тўлов 25 фоиздан бошланади, фоизи 1 фоиздан бошлаб, муддати 5 йилгача.

☑️Агробанк 100 млн сўмгача онлайн микроқарз таклиф этди. Муддати 2 йил, фоизи 32%.

☑️Универсалбанк "Юбилей" омонатини таклиф этди. Муддати 22 ой, фоизи 22%, энг кам миқдори 500 минг сўм.

☑️Гарантбанк юридик шахслар учун мақсадсиз кредит таклиф этди. Миқдори 6 млрд сўмгача, муддати 36 ойгача, фоизи 28%.

☑️Пойтахтбанк "Комфорт",  “Smart Start”, "Ниҳол" ва “Kids Capital” омонатларини таклиф этди. Батафсил.

☑️Давр банк иккиламчи бозордан уй сотиб олиш учун ипотека кредит таклиф этди. Бошланғич тўлов 20 фоиздан, кредит фоизи 28,99 фоиздан, миқдори 1,5 млрд сўмгача, муддати 7 йилгача.

☑️Смартбанк 50 млн сўмгача бўлган муддатли тўлов орқали қайси маркетплейс ва дўконларда харид қилиш мумкинлигини маълум қилди. Булар SmartBazar, Asaxiy, idea, Open Shop, Mediapark, E-one, Kiwi Store, Mister Gold, Telefonchi.

☑️АлоқаБанк Беҳзод Ҳошимоқ билан биргаликда жонли учрашув ўтказиб, "Ёшлар тадбиркорлиги ва стартаплар" мавзусида суҳбат уюштирди.

☑️Анор банк юридик шахслар учун "Smart Business" депозитини таклиф этди. Фоизи 18%.

☑️AVO bank миллий ёки хорижий валютада омонат очиш - қайси бири фойдалироқ деган масалага ойдинлик киритиб, миллий валютадаги деган фикрга келди.

☑️ИнфинБанк "Корпоратив бошқарувда комплаенснинг ўрни" мавзусидаги давра суҳбатида иштирок этди. Батафсил.

☑️Ипак йўли банк "Имкониятлар картаси"ни таклиф этди. Кредит карта 55 кунгача фоизсиз, миқдори 50 млн сўмгача.

☑️ТБС Банк "Катта мақсадлар кичик одатлардан бошланади" деб, омонат шакллантириш одатини шакллантиришга чақирди.

☑️Янги банк қайта тикланадиган факторинг линиясини таклиф этди. Хизмат гаровсиз тақдим этилади, миқдори 10 млрд сўмгача.

☑️Қуйидаги банклар ишга таклиф этди:
▪️Бизнесни ривожлантириш банки;
▪️Анорбанк;
▪️Капиталбанк.

☑️Ҳафта давомида энг кўп ўқилган пост.

☑️Айни кунда мавжуд ипотека кредитлари шартларини 👉мана бу ерда👈 эълон қилдик.

☑️Камбағал оилаларга 120 млн сўмгача ипотека кредитлари ажратилиши ҳақида 👉Мана бу ерда👈 тўхталиб ўтдик.

☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.

Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.

👉 @bankirkundaligi 👈

​​«ЁШЛАР ДАФТАРИ»ГА КИРИТИЛГАН ЁШЛАРГА ТЎЛОВ-КОНТРАКТ СУММАСИНИНГ БИР ҚИСМИ ТЎЛАБ БЕРИЛАДИ

Ушбу масала ВМ-312-сонли қарорда белгиланган.

Республикамиздаги профессионал таълим ташкилотларида таълим олаётган, шунингдек, Ўзбекистон Республикасида фаолият кўрсатаётган барча олий таълим ташкилотларида (давлат, нодавлат олий таълим ташкилотлари, Ўзбекистон Республикаси ҳудудидаги хорижий олий таълим ташкилотлари ва хорижий олий таълим ташкилотларининг филиалларида) бакалавриатнинг кундузги, сиртқи ва кечки шаклида, магистратуранинг кундузги йўналишида таълим олаётган ўқувчи-талабаларга тўлов-контракт асосида ўқиш бўйича йиллик харажатларининг бир қисми қоплаб берилади.

Ушбу харажатларни тўлаб бериш ёшлар етакчисининг ижобий тавсияси асосида «Ёшлар дафтари» жамғармаси маблағлари ҳисобидан тўлов-контракт суммасининг 50 фоизигача, бироқ БҲМнинг 50 бараваридан ошмаган миқдорда ушбу Низомга 8-иловада келтирилган схемага мувофиқ амалга оширилади (иккинчи ва ундан кейинги мутахассислик, қўшма таълим дастурлари бўйича, табақалаштирилган тўлов-контракт асосида таълим олаётганлар бундан мустасно).

Ўқувчи-талабалар тўлов-контракт харажатларининг бир қисмини тўлаб беришни сўраб Васийлик кенгашига тўлов-контракт асосида ўқиш ҳақида белгиланган тартибда расмийлаштирилган шартнома (контракт) нусхасини тақдим этиши лозим.

Ҳужжатлар тақдим этилгандан сўнг Васийлик кенгаши уч иш куни ичида мурожаатни унга илова қилинган ҳужжатлар билан бирга ариза берувчи яшаб келаётган маҳалладаги ёшлар етакчисига кўриб чиқиш учун юборади.

Маҳалладаги ёшлар етакчиси беш иш куни ичида тўлов-контракт харажатларини қоплаш ҳақидаги тавсиянома ёки рад этиш тўғрисидаги хабарномани Васийлик кенгашига юборади.

Агар маҳалладаги ёшлар етакчиси мурожаатни унга тушган пайтдан бошлаб беш иш куни ичида кўриб чиқмаса ёки субсидия ажратишни асоссиз рад этиш ҳақида хабарнома берса, ариза берувчининг мурожаати ушбу параграф талабларига мувофиқ бўлганда Васийлик кенгаши унинг мурожаатини қаноатлантириш ҳуқуқига эга бўлади.

Мурожаатни ўрганиш натижалари бўйича Васийлик кенгаши томонидан тўлов-контракт харажатларини қоплаш ҳақида қарор қабул қилингандан сўнг уч иш куни ичида белгиланган миқдордаги тўлов-контракт маблағлари профессионал таълим ёки олий таълим ташкилотининг ҳисоб рақамига ўтказиб берилади.

Таълим кредитлари ҳақида 👉мана бу ерда👈 тўхталиб ўтганмиз.

Маҳалла группаларига ташлаб қўйинг. Контрактини тўлашда қийналиб юрган ёшларга фойдангиз тегиб қолади.

👉 @bankirkundaligi 👈

🏦 InfinBANK "Корпоратив бошқарувда комплаенснинг ўрни" мавзусидаги давра суҳбатида иштирок этди

InfinBANK бошқаруви раисининг биринчи ўринбосари Равшан Кадиров KPMG ҳамда Америка Савдо Палатаси (AmCham) билан ҳамкорликда ташкил этилган "Корпоратив бошқарув: комплаенс ва ички аудитнинг долзарб масалалари" мавзусидаги давра суҳбатида қатнашди.

Тадбирда йирик халқаро компаниялар, банк сектори ва бошқа ташкилотларнинг мутахассислари ҳамда вакилларини ички назорат, хатарларни бошқариш ва меъёрий талабларга риоя этиш соҳасидаги замонавий муаммоларни муҳокама қилдилар.

Шунингдек, иштирокчилар корпоратив бошқарувнинг шаффофлиги ва самарадорлигини оширишга қаратилган тажриба ва амалиётлари борасида ўзаро фикр алмашдилар.

👉 @bankirkundaligi 👈

⚡️⚡️11,25 МЛН СЎМДАН ЮҚОРИ ПУЛ ЎТКАЗМАЛАРИ ҚАТЪИЙ НАЗОРАТДА БЎЛАДИ

2025 йил 2 июлдан тўлов тизимлари, электрон пуллар ва тўлов ташкилотлари устидан назорат кучайтирилади.

☑️Янги тартибга кўра:

▪️Жисмоний шахслар аккаунт очишда ёки E-POS орқали фаолият бошлашда текширилади.

▪️187,5 млн сўмдан юқори операциялар аккаунтсиз амалга оширилмайди.

▪️11,25 млн сўмдан юқори ўтказмаларда жўнатувчи ва қабул қилувчи ҳақида тўлиқ маълумотлар талаб қилинади.

☑️Мажбурий маълумотлар:

▪️Жисмоний шахслар – паспорт/ID-карта рақами, туғилган сана ва жойи.

▪️Юридик шахслар – ташкилот номи ва СТИР.

Ҳар бир операция хавф даражасига қараб баҳоланади ва маълумотлар алоҳида сақланади.

👉 @bankirkundaligi 👈

✨ HUAWEI nova 13 seriyasi – bu uslub, qudrat va zamonaviy texnologiyalar birlashgan smartfon! 🚀

📸 Kameralar: Sun’iy intellektga ega 50 MP asosiy kamera va 60 MP selfi kamerasi – mukammal suratlar uchun!
🌈 Displey: Yorqin OLED 120 Hz – ravonlik va boy ranglar!
⚡️ Quvvatlash: 100 Vt – atigi 10 daqiqada 50% zaryadlanish, har doim faol hayot uchun!

Goʻzallik, aqllilik va tezlik – nova 13 bilan hammasi bir joyda! 💫💙

APEX INSURANCE: 2024-йилги фактлар ва натижалар

2024 йил якунига кўра, APEX INSURANCE асосий йўналишларнинг барчасида барқарор ўсишни намоён этди. Фойда, капитал ва активлар кўрсаткичлари ўсди. Шу билан бирга, суғурта мукофотлари бўйича тушумлар ва тўловлар ҳажми ҳам ортиб борди. Қаноатлантирилган суғурта даъволарининг даражаси етарлича юқори шаклланди.

Компания ўзининг ҳудудий тармоғини кенгайтиришни ва мижозлар базасини оширишни давом эттирди — бу ҳам чакана, ҳам корпоратив сегментларда кузатилди.

Кучли операцион ва молиявий натижалар рейтинг агентликлари томонидан ҳам тасдиқланди. "Ahbor-Reyting" ва "SNS RATINGS" компанияни “Барқарор” прогнози билан миллий шкала бўйича энг юқори рейтинглар билан эътироф этди. Шунингдек, халқаро рейтинг агентлиги S&P Global Ratings компания рейтингини мамлакатнинг суверен даражасигача оширди — бундай даража ҳозирча фақат саноқли суғурта компанияларда мавжуд.

Ушбу натижалар компания томонидан танланган стратегиянинг самарали эканлигини ва унинг суғурта бозорида мустаҳкам мавқега эгалигини тасдиқлайди.

Янада батафсил — ҳаволада.

👉 @bankirkundaligi 👈

‼️ТАДБИРКОРЛАР УЧУН МАХСУС ХАЛҚАРО КЎРГАЗМА ЎТКАЗИЛАДИ

16-18 апрель кунлари Banks & Business Expo 2025 тадбири бўлиб ўтади.

Кўргазмада молиявий сектор вакиллари ҳам иштирок этади. Улардан кичик бизнес субектлари учун таклиф этилаётган хизмат ва маҳсулотлар ҳақида маълумот олишингиз мумкин.

🪙Тадбир давомида арзон кредитлар, фойдали омонатлар ва катта кешбекли карталар ҳам тақдим этилади.

📌 Кириш бепул

Электрон чипта олиш учун 👉 https://global-expo.uz/registration

👉 @bankirkundaligi 👈

Бугун Халқ банки бошқаруви раиси Шуҳрат Атабаевнинг туғилган куни (1978 йил).

У Тошкент молия институти (2000 й), Япония Сиёсий фанлар Миллий институти (2005 й) ва Президент ҳузуридаги давлат ва жамият қурилиши академиясини (2010 й) тамомлаган.

У меҳнат фаолиятини 1995 йил Навоий вилоятидаги 14-ўрта мактабда инглиз тили ўқитувчилигидан бошлаган. 1998 йилдан бошлаб Тошкент давлат техника университети, 2001-2012 йилларда Ўзбекистон Марказий банки (турли лавозимларда), 2015-2017 йилларда Халқ банки бошқаруви раиси ўринбосари, 2017 йил июнидан 2018 йил 14 ноябрига қадар Марказий банк раиси ўринбосари, 2018 йил 14 ноябрда Ипотека банк раиси, 2021 йил февралдан Ўзбекистон Республикаси Президенти маслаҳатчиси ўринбосари ва 2021 йил июл ойидан Халқ банки бошқаруви раиси лавозимида ишлаб келмоқда.

Шухрат Холдоровични ушбу таваллуд куни билан самимий табриклаймиз.

👉 @bankirkundaligi 👈

OCTOBANK ЕТАКЧИ ХАЛҚАРО РЕЙТИНГ АГЕНТЛИКЛАРИДАН БИРИ — MOODY’S ХАЛҚАРО КРЕДИТ РЕЙТИНГИГА САЗОВОР БЎЛДИ

Moody’s баҳолашига кўра, Octobank 2024-йил якунида юқори молиявий кўрсаткичларга эришган: соф фойда 144 миллиард сўмни ташкил этди, активлар рентабеллиги — 4,8%, активларнинг қарийб 80 % эса ликвид маблағлардан иборат.

Банкнинг капитал даражаси юқори: биринчи даражали капиталнинг етарлилик коеффициенти — 38%, умумий капиталнинг етарлилик коеффициенти — 48,3 %, бу тартибга солиш талабларидан деярли икки баравар юқори ва юзага келиши мумкин бўлган иқтисодий муаммоларга бардошлиликни таъминлайди.

Келгуси 12-18 ой ичида банкнинг молиявий ҳолати барқарор қолиши тахмин қилинмоқда. Янги маҳсулотларни ишга тушириш, мижозлар базасини кенгайтириш ва жорий кўрсаткичларни сақлаб қолиш эвазига Octobank рейтинги ошиши мумкин.

👉 @bankirkundaligi 👈

ТУРОНБАНК ТОМОНИДАН ТАКЛИФ ЭТИЛАЁТГАН АВТОКРЕДИТЛАР 🚙

✅ "Imkoniyat 2.0" автокредити ("UzAuto Motors", "Astana Motors", "ADMJizzax", "Roodell Service" ишлаб чиқарилган автотранспортларни бирламчи ва иккиламчи бозордан сотиб олиш учун)
💠Фоизи - 25 %
💠Муддати – 60 ойгача;
💠Бошланғич бадал:
Расмий даромад манбаига эга фуқаролар учун – 25%
Ўзини ўзи банд қилган фуқаролар учун – 30%
💠Кредит миқдори – БҲМнинг 2000 баробаригача

Батафсил маълумот.

✅ "Green Avto" автокредити (Импорт қилинган автотранспорт воситаларини бирламчи (электромобиль, гибрид, бензинли) ва иккиламчи (бензинли) бозордан сотиб олиш учун)
💠Фоизи - 25 %
💠Муддати – 60 ойгача;
💠Бошланғич бадал:
Расмий даромад манбаига эга фуқаролар учун – 25%
Ўзини ўзи банд қилган фуқаролар учун – 30%
💠Кредит миқдори – БҲМнинг 2000 баробаригача

Батафсил маълумот.

✅ "AvtoSelf 2.0" автокредити йўловчи ва юк ташиш учун мўлжалланган оғирлиги 5 тоннадан ошмайдиган автотранспорт воситаларини бирламчи ва иккиламчи бозордан сотиб олиш учун)
💠Фоизи - 25,99 %
💠Муддати – 60 ойгача;
💠Бошланғич бадал:
Ўзини ўзи банд қилган фуқаролар учун – 25% дан
💠Кредит миқдори – БҲМнинг 1200 баробаригача

Батафсил маълумот.

👉 @bankirkundaligi 👈

​​Ҳафталик дайжест.
Банк тизими ҳафталик (24 - 30 март) янгиликлари.

☑️Халқбанки чарм саноати тадбиркорлари учун хорижий валютада кредит таклиф этди. Фоизи 5%, муддати 10 йилгача. Банк шунингдек, ипотека кредити ҳам таклиф этди. Батафсил.

☑️Ўзсаноатқурилишбанк бирламчи ва иккиламчи бозор учун 600 млн сўмгача автокредит таклиф этди. Фоизи 25%дан бошланади, муддати 12-60 ойгача. Шунингдек, банк 20 йилгача ипотека кредити ҳам таклиф этди. Миқдори 1,5 млрд сўмгача, фоизи 16,5%дан бошлаб.

☑️Туронбанк 418 та маҳаллага 63 минг лимон кўчатларини бепул тарқатганини маълум қилди. Батафсил.

☑️Ориент финанс банк "Қулай ҳамён" овердрафтини таклиф этди. Миқдори 50 млн сўмгача, фоизи 24%, муддати 24 ойгача.

☑️Асакабанк БХМларида RIA пул ўтказмаларини йўлга қўйганини маълум қилди. Комиссия 0,65%дан бошланади, 200 дан ортиқ давлатларга пул юбориш ёки қабул қилиш мумкин. Банк шунингдек, коррупцияга қарши тадбир ўтказди. Батафсил.

☑️Ўзмиллийбанк Visa ва Mastercard эгалари энди @NBUCard_bot орқали қўшимча қулайликлардан фойдаланишлари мумкинлигини маълум қилди.

☑️Трастбанк ипотека кредит таклиф этди. Доимий даромадга эга мижозлар учун бошланғич тўлов 25%, ўзини ўзи банд қилганларга 35%, муддати 120 ой, фоизи 27%.

☑️Азия аллианс банк ўзини ўзи банд қилганлар учун кредит таклиф этди. Бизнес учун биринчи қадам. Фоизи 27,99%, муддати 12 ой, миқдори 5 млн сўмгача.

☑️МКБанк The Bank of New York Mellon банкида АҚШ долларида корреспондентлик ҳисобрақам очганини маълум қилди. Банк шунингдек, хотин-қизлар учун кредитлар фоизларини туширганини маълум қилди. Батафсил.

☑️Тенге Банк Captiva 5, Traverse, Onix ва Tracker 2 автомобиллари учун йиллик 5%ли автокредит таклиф этди. Тел.: 1245.

☑️Hamkorbank расмий иш ҳақи бўлган мижозлар учун 50 млн сўмгача онлайн кредит таклиф этди. Муддати 36 ойгача.

☑️Октобанк онлайн-нашрларда ёритилиш бўйича ТОП-5 хусусий банк қаторига кирганини маълум қилди. Бунда ижтимоий тармоқлар ва телеграм инобатга олинмаган. Шунингек, Time журнали ҳам банк фаолиятини эътироф этди. Батафсил.

☑️Бизнесни ривожлантириш банки тендерларда иштирок этувчи қурилиш ташкилотларига банк кафолатини таклиф этди. Миқдори 100 млрд сўмгача, муддати тендер савдолари муддати доирасида, комиссия миқдори БҲМнинг 3 баравари.

☑️Инфин банк 6 фоизли валюта омонатини таклиф этди. Минимал миқдори 500$, муддати 18 ой.

☑️Ипотека-банк давлат хизматчилари учун микроқарз таклиф этди. Фоизи 24%дан бошланади, муддати 5 йилгача, миқдори 100 млн сўмгача.

☑️Агробанк янги мижозлар учун "Zero" тарифини таклиф этди. Ҳисоб очиш ва хизмат кўрсатиш бепул. Тариф 180 кун амал қилади.

☑️Универсалбанк уй-жойни таъмирлаш учун "Comfort House" кредитини таклиф этди. Фоизи 36%, муддати 36 ойгача, миқдори БҲМнинг 300 бараваригача. Тел.: 1335.

☑️Гарантбанк ЯТТлар учун "Ишонч" кредитини таклиф этди. Фоизи 28%, муддати 36 ойгача, миқдори 500 млн сўмгача.

☑️Пойтахтбанк янги хонадон харид қилиш учун ипотека кредит таклиф этди. Муддати 240 ойгача, фоизи 17%, бошланғич бадал 21%.

☑️Ҳаёт Банк 24 фоизлик омонатларга маблағ лар вақтинчалик қабул қилинмаслигини маълум қилди.

☑️Давр банк мобил иловасида ойига 3,5 млн сўмгача картадан картага комиссиясиз пул зтказиш мумкинлигини маълум қилди.

☑️Узум Банк Uzum karta на таклиф этди. Мобил илова орқали буюртма бериб, 140 та Узум маркет топшириш пунктларидан олиш мумкин.

☑️Қуйидаги банклар ишга таклиф этди:
▪️Гарантбанк;
▪️Ўзмиллийбанк;
▪️Асакабанк;
▪️Анорбанк.

☑️Ҳафта давомида энг кўп ўқилган пост.

☑️Айни кунда мавжуд ипотека кредитлари шартларини 👉мана бу ерда👈 эълон қилдик.

☑️Камбағал оилаларга 120 млн сўмгача ипотека кредитлари ажратилиши ҳақида 👉Мана бу ерда👈 тўхталиб ўтдик.

☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.

Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.

👉 @bankirkundaligi 👈

⚡️БУГУН БАРЧА УЧУН ДАМ ОЛИШ КУНИ

5 кунликлар учун ҳам, 6 кунликлар учун ҳам бугун 31 март душанба дам олиш куни бўлади.

Меҳнат кодексининг 208-моддасига биноан, агар байрам кунлари дам олиш кунига тўғри келиб қолса, унда дам олиш куни байрамдан кейинги иш кунига кўчирилади.

Жорий йилда Рамазон ҳайитининг биринчи куни 30 март, якшанба кунга тўғри келди. Шунга асосан, Президент қарори билан барча учун дам олиш куни 31 март, душанбага кўчирилди.

👉 @bankirkundaligi 👈

Биз ўзимизга нимани раво кўрсак, сизларга ҳам шуни раво кўрамиз.

Телеграмда сифатли контент топиш сомон ичида игна излашдек мушкул. Биз эса сиз учун бу ишни осонлаштирдик — энг сара блогларни жамладик!

Бир-бирини такрорламайдиган, хабарлари билан чарчатмайдиган ва фойдали маълумот берувчи блоглар рўйхати сиз учун тайёр.

Биз энг яхшиларини сизга илиндик — сиз эса яқинларингизга улашинг!👇👇👇

👉 https://t.me/addlist/uavg5tjM_vJiYzgy 👈

⚡️ТОМОРҚАГА ЭКИН ЭКМАГАНГА ЕР СОЛИҒИ УЧ КАРРА ОШИРИЛАДИ

Ўзбекистон Республикаси Вазирлар Маҳкамасининг «Аҳоли томорқалари ва деҳқон хўжаликлари ер майдонларидан самарали фойдаланишнинг қўшимча чора-тадбирлари тўғрисида»ги қарори (28.03.2025, 191-сон) қабул қилинди.

☑️«Маҳалла еттилиги» хулосаси асосида аҳоли томорқаси ва ижара ердан самарали фойдаланмаётган ёки экин экмаганларга қуйидаги чоралар кўрилади:

▪️томорқа ер эгалари ва деҳқон хўжаликларига давлат дастурлари доирасида имтиёзли кредитлар ажратилмайди;

▪️«Ижтимоий ҳимоя ягона реестри»га киритилган фуқаролар учун назарда тутилган имтиёзлар тўхтатилади;

▪️Экин экилмаганлиги аниқланган йил учун ер солиғи ставкаси уч карра миқдорда ҳисобланади.

Маҳалла группаларига тарқатиб, хабардор қилиб қўйинг.

👉 @bankirkundaligi 👈

🏃‍♂️ Ugam River — bu shunchaki chiroyli joy emas, balki yangi turmush tarzi:

✔️ Daryo bo‘yida yugurishlar
✔️ Tabiatda yoga mashg‘ulotlari
✔️ Veloyo‘llar va sayr yo‘lakchalari
✔️ Sportzal va basseyn — o‘z hududida
✔️ Bolalar maydonchalari va piknik zonalari

🌿 Tabiatning hayotbaxsh quvvatini his qiling
📍 “Bochka”dan atigi 15 daqiqa uzoqlikda

👉 @bankirkundaligi 👈

✨Энг яқин инсонимга.

◽️Рамазон ҳайити муборак бўлсин, тутган рўзаларингизни Аллоҳ қабул қилсин. Уйингиз файз-баракага тўлсин. Келгуси Рамазонда ҳам бир-биримизни мана шундай табриклаш насиб этсин.

▫️Сизга ва оилангизга соғлик тилайман. Она юртимиз тинч бўлсин!

👉 @bankirkundaligi 👈

ДАМ ОЛИШ КУНЛАРИ ҚАЙСИ БАНКДА ВАЛЮТА АЙИРБОШЛАШ ЁКИ ПУЛ ЎТКАЗМАЛАРИДАН ФОЙДАЛАНИШ МУМКИН?

☑️Байрам ва дам олиш кунлари айрим қуйидаги банклар томонидан аҳолига қулайлик яратиш мақсадида валюта айирбошлаш ва пул ўтказмалари шохобчалари фаолияти йўлга қўйилди:

▪️Аgrobank
▪️Аloqabank
▪️Аnorbank
▪️Аpexbank
▪️Аsakabank
▪️BRB
▪️Garant bank
▪️Davrbank
▪️InFin bank
▪️Ipak Yoʼli banki
▪️Ipoteka-bank
▪️Milliy bank
▪️Orient Finans bank
▪️Poytaxt bank
▪️Sanoatqurilishbank
▪️Saderat bank
▪️Tenge bank
▪️Trastbank
▪️Turon bank
▪️Universalbank
▪️Xalq banki
▪️Hamkorbank.

Бу дегани рўйҳатдаги банкларнинг барча филиалларида ишлайди дегани эмас. Рўйҳатдан банк номи устига боссангиз, банк сайтида айнан қайси манзилдаги бўлинмада ишлаши кўрсатилган. Яхшироқ танишиб олиш тавсия этилади.

👉 @bankirkundaligi 👈

⚡️⚡️⚡️Ҳар ҳафтанинг шанба куни иқтисодий комплекс ташкилотлари (Жумладан банклар ҳам) йиғилишга айтилишда давом этмоқда.

Бугун ҳам бўлиб ўтиши кутилмоқда (14:00 да бошланадиган бўлиб турибди)!

1 март - шанба кунги хабар.
15 март - шанба кунги хабар.

Меҳнат кодексига риоя этилишини назорат қилувчилар ҳам ҳали ҳамон ўша йиғилишда.

☝🏻Эслатиб ўтамиз, Президентимизнинг ПФ-347-сонли қарори билан, Камбағалликни қисқартириш ва бандлик вазирлиги фаолиятининг асосий йўналишларидан бири сифатида:

- муносиб меҳнат шароитларини яратиш, меҳнат меъёрларига риоя этилишини ўрганиш, меҳнат ҳуқуқини таъминлаш ҳамда меҳнатни муҳофаза қилиш — муносиб меҳнат тамойиллари ва халқаро стандартларни жорий этиш, меҳнат муносабатларини тартибга солишнинг самарали механизмларини ишлаб чиқиш, меҳнат ҳуқуқларини ҳимоя қилиш, шунингдек, меҳнат хавфсизлиги ва гигиенаси ҳамда муносиб меҳнат шароитларини таъминлаш этиб белгиланган.

👉 @bankirkundaligi 👈

⚡️ЭЛЕКТР ВА ГАЗ ТАРИФЛАРИ ОШИРИЛИШИ 1 МАЙГАЧА КЕЧИКТИРИЛДИ

Аҳоли ва тадбиркорларни қўллаб-қувватлаш мақсадида президент Шавкат Мирзиёев ҳукуматга электр энергияси ва газ тарифларининг оширилишини бир ойга кечиктириш бўйича топшириқ берди. Янги тарифлар 1 апрелдан эмас, 1 майдан кучга киради.

Эслатиб ўтамиз, 1 апрелдан бошлаб электр энергияси учун базавий тариф (ойига 200 кВт/соат доирасида) яна 33,3 фоизга — 450 сўмдан 600 сўмга, газ учун эса 650 сўмдан 1000 сўмгача (+53,8 фоиз) ошади.

👉 @bankirkundaligi 👈

🏦 Туронбанкдан 418 маҳаллага 63 минг лимон кўчати – тадбиркорга амалий ёрдам!

Ўзбекистон Республикаси Президентининг 2024 йил 30 декабрдаги ПҚ-465-сонли қарорига мувофиқ, мамлакатимизда лимон етиштириш йўналишига алоҳида эътибор қаратилаётгани барчамизга маълум.

Шу мақсадда, “Туронбанк” АТБ томонидан юртимиздаги 418 та маҳаллада жойлашган иссиқхоналар учун жами 63 минг дона лимон кўчатлари бепул тарқатилди.

Бу лойиҳа ҳудудларда иссиқхона хўжаликларини ривожлантириш, аҳоли бандлигини таъминлаш ҳамда маҳаллий тадбиркорлик салоҳиятини оширишга хизмат қилади.

🏦 “Туронбанк” ҳар доим тадбиркорликни қўллаб-қувватлаш, аҳоли фаровонлигини ошириш ва иқтисодий тараққиётга ҳисса қўшишга тайёр!

👉 @bankirkundaligi 👈

Octobank Ўзбекистонда энг кўп ёритилган 5 та банк қаторидан жой олди

Index маркетинг агентлиги 1 январдан 15 мартгача Ўзбекистон интернет ОАВларида банк фаолияти бўйича эълон қилинган мақолаларни таҳлил қилди. Тадқиқот натижаларига кўра, Octobank барча хусусий банклар орасида ОАВдаги нашрларда энг кўп ёритилган 5 та банкдан бири бўлди. Банк ҳақида интернет нашрларда жами 107 та мақола чоп этилган.

Octobank Ижро аппарати раҳбари Комилжон Саидов бу натижани шундай изоҳлади:
«Биз учун ОАВ ларда эслатиб ўтилган маҳсулотлар мижозлар учун қанчалик қизиқарли ва фойдали эканлигининг кўрсаткичидир. Бу рейтинг бизга етакчилар, мамлакат бизнес ландшафтини шакллантирганлар орасидаги ўрнимизни баҳолашга ва улар орасида қаерда туришимизни тушунишга ёрдам беради. Биз мижозларимизнинг ҳаётини янада қулайлаштирадиган банк яратмоқдамиз ҳамда биз ҳақимизда интернет маконида қайдлар ошиб борган сари, одамлар биз ва маҳсулотларимиз ҳақида шунчалик кўп маълумотга эга бўлишади».

Octobank — технологик банк бўлиб, 20 йилдан зиёд вақт мобайнида мижозларга қулай ва сифатли сервис тақдим этиб келмоқда. Бугунги кунда банкнинг мижозлар базаси 3 миллиондан ортиқ жисмоний шахслар ва 2500 дан ортиқ корпоратив мижозларни ўз ичига олади.

👉 @bankirkundaligi 👈

⚡️Айтишларича, бугун Президентимиз Ш.Мирзиёев раҳбарлигида видеоселектор йиғилиши ўтказилиши кутилмоқда.

Кун тартиби: "Давлат мулкини хусусийлаштириш бўйича 2025 йил учун устувор вазифалар" тўғрисида.

Йиғилишда ҳокимлар, уларнинг барча ўринбосарлари, прокурорлар, ички ишлар, солиқ (Собиқ сектор раҳбарлари), божхона, Давлат активларини бошқариш, Иқтисодиёт ва молия, бандлик, маданият, соғлиқни сақлаш бошқармалари бошлиқлари, Савдо-саноат палатаси ва Бизнес-омбудсман ҳудуди вакиллари, Марказий банк ва тижорат банклари раҳбарлари иштирок этади.

Жумладан шаҳар ва туман тижорат банклари раҳбарлари ва юқоридаги бошқармаларнинг шаҳар ва туман бўлим бошлиқлари иштирок этади.

👉 @bankirkundaligi 👈

⚡️30 МАРТ - ЯКШАНБА РАМАЗОН ҲАЙИТИ. ДУШАНБА ЭСА БАРЧА УЧУН ДАМ ОЛИШ КУНИ

Бу борада Президентнинг қарори қабул қилинди. Унга кўра, мамлакатимизда 2025 йил 30 март куни Рамазон ҳайити байрами сифатида кенг нишонланади.

Меҳнат кодексининг 208-моддасига мувофиқ:

- ишланмайдиган байрам куни ҳисобланувчи Рамазон ҳайитининг биринчи куни 2025 йилда якшанба – дам олиш кунига тўғри келиши муносабати билан ушбу дам олиш куни 31 март – душанба кунига кўчирилди.

👉 @bankirkundaligi 👈

⚡️TIME ЖУРНАЛИ OCTOBANKНИ МОЛИЯВИЙ ИННОВАЦИЯ ЕТАКЧИСИ ДЕБ АТАДИ

Дунёдаги нуфузли нашрлардан бири TIME журнали Octobankни молия соҳасидаги инновациялар ва замонавий банк хизматлари соҳасидаги етакчи деб атади. Журналда чоп этилган "Octobank – The Future Face of Finance" мақоласида банк жорий этаётган янги рақамли стандартлар ҳақида ёзилган.

«Octobank шунчаки банк эмас. У молия ва ижтимоий масъулиятнинг келажагига бўлган нигоҳдир. Илғор технологияларни инклюзивлик, шаффофликка бўлган садоқат билан уйғунлаштирган ҳолда, Octobank рақамли даврда банк бўлиш нимани англатишини қайта идрок этди.

Молиявий муҳит ривожланишда давом этаётган бир пайтда, Octobank банк хизмати ҳам инновацион, ҳам инсон томонга йўналтирилган бўлиши мумкинлигини исботлаб, етакчиликка тайёр», деб таъкидланади мақолада.

⭐️TIME'нинг бундай юқори баҳоси Octobank ва бутун Марказий Осиё молиявий бозори учун халқаро миқёсдаги мавқени мустаҳкамлашга хизмат қилиши мумкин.

👉 @bankirkundaligi 👈