Фақат рақам эмас – минглаб тақдирлар! 2648 та ҳуқуқий ёрдам, 3,6 млрд сўм маош ундирилди, юртдошлар ватанга қайтарилди!

2025 йилнинг 1 чорагида Миграция агентлиги томонидан:

▪️ 2648 нафар фуқарога ҳуқуқий ёрдам берилди;
▪️512 та ҳолатда 3,6 млрд сўм маош ва компенсация иш берувчилардан ундириб берилди;
▪️81 нафар ҳамюртимизнинг паспорт ва ҳужжатлари иш берувчи ўртакашлардан қайтарилди;
▪️764 нафар хорижда ишсиз қолган фуқаро вақтинча иш билан таъминланди;
▪️134 нафар оғир молиявий аҳволдаги фуқаролар ватанга қайтарилди;
▪️52 нафарга моддий ёрдам кўрсатилди;
▪️16 нафар хорижда ишлаш вақтида яшаш жойисиз қолган юртдошимиз вақтинчалик яшаш жойларига жойлаштирилди;
Бу ишлар Миграция агентлиги жамғармаси маблағлари ҳисобидан амалга оширилди.

Видеода ана шундай ҳайрли ишлардан бирига гувоҳ бўласиз: Татаристонда оғир касалликка чалинган мурожаатчининг шифокор назоратида Ўзбекистонга қайтарилиш жараёни.

Бизни кузатиб боринг – ҳақ-ҳуқуқингиз кафолатли!

@uzmigration

ЯПОНИЯДА ИШЛАШ ИМКОНИ — “JPC CORPORATION” БИЛАН ЯНГИ ҲАМКОРЛИК!

Миграция агентлиги раҳбарияти Япониянинг йирик компанияларидан бири — JPC Corporation билан учрашув ўтказди. Унда Японияга ишга юбориладиган ўзбекистонлик фуқароларни саралаш, иш берувчилар талабларидан келиб чиқиб касбга тайёрлаш ва ишга жойлаштириш бўйича келишувга эришилди.
JPC Corporation — 2003 йилда ташкил топган, асосий фаолияти автомобиллар, эҳтиёт қисмлар ва транспорт воситаларини экспорт қилишдан иборат. Ҳозирда компания қурилиш, автомобил механикаси, юк ташиш ва темир йўл соҳаларига хорижлик ишчиларни жалб қилмоқда.

Японияда ишлашга қизиқишингиз бўлса биринчи қадам тил ўрганишдан бошланади. Япон тилини иш берувчиларнинг талаб даражасида ўргатадиган ҳамкор марказларимизни сизга таклиф қиламиз.
🎁Ҳа айтганча, бонус ҳам бор! Миграция агентлиги хорижда ишлаш истагидаги фуқароларни хавфсиз, қонуний, ташкиллаштирилган тартибда кетишларини қўллаб-қувватлайди. Чет тиллари ҳамда касбий малака имтиҳонларини муваффақиятли топширганлар учун БҲМнинг 3 бараваригача харажатларни қоплаб беради!
Биринчи қадам сиздан, таянч биздан!

@uzmigration

Пайвандлаш соҳасида халқаро сертификат — юқори даромадли иш кафолати!

Энди Ўзбекистонда пайвандлаш соҳасида халқаро ISO 9606 сертификатини олиш имконияти бор!

Ушбу халқаро эътироф этилган ҳужжат нафақат касбий малакангизни баҳолаш, балки Европа Иттифоқи давлатлари ва бошқа ривожланган мамлакатларда ҳам юқори малакали мутахассис сифатида ишлаш ва яхши даромад қилиш имконини беради!

⏳Ўқиш муддати: 1 ой (144 соат);
📚Ўқув дастури: 70% амалий ва 30% назарий
📗 Қўшимча: Инглиз тили.

Миграция агентлиги ва Ўрта Чирчиқ туман ҳокимлиги ҳамкорлигида ташкил қилинган марказда малакали устозлар билан замонавий ускуналар ёрдамида нафақат назарий билимга, балки реал ишлаб чиқариш муҳитида амалий тажрибага эга бўласиз! Ўқишни муваффақиятли тамомлаганларга хорижий иш берувчилардан таклифлар ҳам тайёр!

📲 Мурожаат учун: +998908077585; +998335515168
📍Ўқитиш манзили: Тошкент вилояти, Ўрта Чирчиқ тумани, Янги Ҳаёт МФЙ 2-сон политехникуми.

Рўйхатдан ўтиш учун: ҲАВОЛА

@uzmigration

#Live
Маxсус тест: E-9 визасидан иккинчи имконият!

4 йилу 10 ой давомида Корея меҳнат қонунчилиги ва иш берувчи талабларига қатъий риоя қилиб, меҳнат шартномасини муваффақиятли тамомлаб қайтган юртдошларимиз учун айни кунларда Миграция агентлиги ва Ўзбекистондаги EPS маркази ҳамкорлигида махсус тест жараёнлари бўлиб ўтмоқда.

E-9 аслида малака талаб этмайдиган виза тури бўлсада, ушбу тест жараёнларида қатнашиш учун рўйхатдан ўтган номзодларни ҳеч иккиланмай корейс тили, маданияти, меҳнат қонунчилиги, иш берувчи талабларига амал қилиш борасида мутахассис деб эътироф этиш мумкин.
Уларда энди Кореяга қайта бориб ишлашлари учун етарлича билим, малака, энг асосийси ҳаётий тажриба бор.

@uzmigration

#янги_қарор

Хорижий давлатларда вақтинча меҳнат фаолиятини олиб бораётган фуқароларни моддий ва ижтимоий қўллаб-қувватлаш кучайтирилмоқда.

📈 Эндиликда, меҳнат миграциясида бўлган даврда мураккаб молиявий вазиятда қолган фуқароларга ажратиладиган бир марталик моддий ёрдам пули миқдори, базавий ҳисоблаш миқдорининг 2 баробаридан, 5 баробаригача;

✅ шунингдек, вақтинчалик яшаш жойсиз қолган фуқароларнинг вақтинчалик яшаш жойлари (хостел)га жойлаштириш билан боғлиқ харажатлар 300 АҚШ долларидан, 500 АҚШ долларгача;

✅ хорижий давлатларга ташкилий тарзда вақтинчалик меҳнат фаолиятини амалга ошириш мақсадида кетаётган фуқароларнинг ҳаёти, соғлиғи ва бошқа таваккалчиликларини суғурталаш бўйича суғурта мукофотини ўрни қоплаш 300 минг сўмгача;

✅ оғир турдаги касалликларга чалинган ва бахтсиз ҳодисаларга учраган фуқароларни даволаниш билан боғлиқ харажатлари 1000 АҚШ долларидан, 1500 АҚШ долларгача оширилади;

✅ мураккаб молиявий вазиятда қолган барча хотин қизлар ва уларнинг вояга етмаган фарзандлари беғараз тарзда Ватанга қайтарилади;

“Ўзбекистон Республикаси фуқароларини хорижда ташкиллаштирилган тартибда ишга жойлаштириш тизимини янада такомиллаштириш чора-тадбирлари тўғрисида”ги Ҳукумат қарори (252-сон, 22.04.2025 й.)

@uzmigration

Элчихоналар билан мулоқот: Хорижда қонуний ва муносиб меҳнат фаолиятини олиб бориш имкониятини янада яхшилаш муҳокама қилинди

Вазирлар Маҳкамаси ҳузуридаги Миграция агентлиги директори Беҳзод Мусаев, Ташқи ишлар вазири ўринбосари Олимжон Абдуллаев ва Ўзбекистоннинг чет мамлакатлардаги элчихоналари, Дипломатик ваколатхона ҳамда консуллик муассасалар раҳбарлари ўртасида онлайн учрашув бўлиб ўтди.

Унда, хорижий давлатларда ишлаётган юртдошларимизни ҳуқуқий ва ижтимоий ҳимоясини таъминлаш, ривожланган мамлакатлар билан миграция ва мобиллик борасида Ҳукуматлараро битим лойиҳаларини имзолаш масалалари кўриб чиқилди.

Мулоқотда, элчиларнинг Канада, АҚШ, Буюк Британия, Словакия, Хорватия, Польша каби мамлакатлар билан ҳам ҳамкорликни йўлга қўйиш юзасидан таклифлари эшитилди.
Учрашув якунида - ишчи визасини олиб, хорижий давлатларда вақтинчалик ишлаётган ҳамюртларимиз тўғрисидаги ахборотларни мунтазам алмашиш, янги меҳнат бозорларига кириб бориш борасида ўзаро ҳамкорликни жадаллаштиришга келишилди.

@uzmigration

#янги_қарор

Меҳнат миграциясида бўлган фуқароларга субсидия ва кредитлар ажратиш тартиби белгиланди

🔰 "Хорижга ишга тайёрлаш маркази" ташкил этилади ва унда "Ягона дарча" тамойили асосида меҳнат миграциясига доир хизматлар кўрсатилади.

▪️ “Хорижда меҳнат фаолиятини амалга ошириш учун кетаётган ҳамда меҳнат миграциясида бўлган фуқароларга субсидия, компенсация ва кредитлар ажратиш тартиби тўғрисида” ги Низом тасдиқланди.

▪️"Xorijda ish" меҳнат миграцияси электрон дастурий мажмуасида рўйхатдан ўтган ва ташкиллаштирилган ҳолда меҳнат миграциясига кетаётган фуқароларга қуйидаги харажатларни қоплаш бўйича субсидия ва компенсациялар ажратилади:

▪️чет тиллари ва (ёки) касб бўйича малака имтиҳонларини топшириш харажатларини қоплаш учун, улар муваффақиятли топширилганда ва сертификат олинганда – БҲМ нинг 3 бараваригача;

▪️хорижда меҳнат фаолиятини амалга оширишга "ишчи виза"ни расмийлаштириш харажатларини қоплаш учун - БҲМнинг 5 бараваригача;

▪️йўл чиптасини харид қилиш билан боғлиқ харажатларни қоплаш учун - БҲМнинг 2 бараваригача;

▪️немис, инглиз, япон ва корейс тиллари бўйича камида B1 ёки унга тенглаштирилган даражадаги халқаро сертификат олган битирувчилари энг кўп бўлган 50 нафаргача ўқитувчига - 50 миллион сўм миқдорида.

🧮 Вақтинча меҳнат фаолиятини амалга ошириш учун ташкиллаштирилган ҳолда ривожланган мамлакатларга чикиб кетаётган фуқароларга тижорат банклари томонидан 10 миллион сўмгача Марказий банкнинг асосий ставкасидан 4 фоиз бандга юқори ставкада 2 йил муддатга микрокредитлар ажратилади.

“Ўзбекистон Республикаси фуқароларини хорижда ташкиллаштирилган тартибда ишга жойлаштириш тизимини янада такомиллаштириш чора-тадбирлари тўғрисида”ги Ҳукумат қарори (252-сон, 22.04.2025 й.)

@uzmigration

#янги_қарор

Миграция соҳасида қандай ўзгаришлар бор?

Эндиликда, йўловчи автобуслар сонини кўпайтириш орқали хорижга вақтинча меҳнат фаолиятини амалга ошириш учун кетаётган ва қайтаётган фуқароларни ташишда арзон ва тартибли транспорт қатнови йўлга қўйилади.

Ўзбекистон Республикаси Вазирлар Маҳкамасининг 252-сон Қарори, 22.04. 2025 йил.

@uzmigration

Жонли эфирда – Кореяга йўл, саволларга жавоб!

Айни дамда бир гуруҳ юртдошларимиз ишлаб чиқариш соҳасида вақтинча меҳнат фаолиятини олиб бориш учун Жанубий Кореяга йўл олишмоқда!

Жараённи реал вақтда кузатмоқчимисиз?
Унда Миграция агентлигининг Instagram саҳифасидаги жонли эфирни ўтказиб юборманг!
Эфирда:
▪️ Кореяда ишлаш бўйича энг кўп сўраладиган саволларга жавоблар
▪️Танлов жараёнлари ҳақида тўлиқ маълумот
▪️Мутахассислар билан очиқ мулоқот

Instagramга ўтиш

#МиграцияАгентлиги #ЖанубийКорея

@uzmigration

“Hyundai” эшиклари очилди — калит эса Фарғонада!

“Фарғонада “Hyundai” учун мутахассислар тайёрлаш маркази очилди”,- дейиш осон. Лекин бу лойиҳа ортида ойлаб давом этган музокаралар, юзлаб ҳужжатлар, ҳар бир тафсилотга эътибор, энг муҳими — Ўзбекистон ёшларининг келажаги учун жавобгарлик бор эди.

Бу—Миграция агентлиги ва Жанубий Кореянинг Улсан шаҳар ҳокимлиги ўртасида тузилган келишув асосида амалга ошган йирик ва тарихий ҳамкорликдир. Лойиҳа тўғрисида Корея матбуотида ҳам кенг ёритилди.

Сараланган ёшлар шунчаки курсда эмас — келажакда “Hyundai Heavy Industries”, “Samsung” каби дунё гигантларида ишлаш учун йўлга чиқадилар.
Уларнинг ҳар бири юртимиз элчиси, маҳорати ва интилиши билан Ўзбекистон ишчи кучи қандай бўлишини намоён этади. Жараёнлар ҳақида видеода ўзларидан эшитамиз.

Хорижий тилларни ўрганинг, ўз устингизда ишланг, лойиҳаларимизни кузатиб боринг. Миграция агентлиги дунёнинг энг ривожланган меҳнат бозорлари эшикларини очишда давом этади.

@uzmigration

#огоҳлантирувчи_пост

Алданган фуқаро – қайтарилган пул! Миграция агентлиги чора кўрди.

Фуқаро лицензиясиз фаолият олиб борган “WorldVisa” МЧЖнинг хорижга ишга юбориш ваъдасига учиб пул берган. Бироқ…

Мурожаат асосида Миграция агентлиги томонидан расмий текширув ўтказилганда, Ўзбекистон Республикасининг “Лицензиялаш, рухсат бериш ва хабардор қилиш тартиб-таомиллари тўғрисида”ги ҳамда “Хусусий бандлик агентликлари тўғрисида”ги қонунлар талабларини бузганлик ҳолати аниқланди.

Мазкур жамиятга нисбатан жарима қўлланилди ва мурожаатчининг пули қонуний тартибда ундириб берилди.

Видеода ҳамюртимиз ўз тажрибасини ўзи гапиряпти — КЎРИНГ ВА УЛАШИНГ!

Шубҳали таклифларга учраган бўлсангиз, дарҳол мурожаат қилинг:
📞(71) 202 33 55 қисқа рақам 1282

@uzmigration

#фирибгарлик_қурбони_бўлманг

Ҳурматли юртдошлар!
Сўнгги пайтларда хорижда ишга жойлаштириб қўямиз деб, ваколатсиз ташкилотлар томонидан амалга оширилаётган фирибгарлик ҳолатлари кўпаймоқда!

❌ Ваколати бўлмаган шахс “консалтинг” ва "агентликлар"га ишонманг!
❌ Ҳеч қандай расмий кафолатсиз шартномаларга имзо қўйманг!
❌ Пул тўлашдан аввал албатта текширинг!

❗️Эслатма:
Ўзбекистон Республикаси фуқароларини хорижда ишга жойлаштиришга кўмаклашиш қонун билан тартибга солинган хизмат тури бўлиб, ушбу хизмат билан Вазирлар Маҳкамаси ҳузуридаги Миграция агентлиги ҳамда лицензия асосида фаолият юритувчи Хусусий бандлик агентликлари (ХБА) шуғулланишга ҳақли.

19.04.2025 ҳолатига кўра — Ўзбекистонда 23 та ХБА фаолият юритмоқда.
➡️ Лицензига эга ХБА рўйхати

Янги иш ўринлари бўйича эълонларни агентликнинг XORIJDA ISH телеграм каналидан кузатиб боришингиз мумкин.

@uzmigration

📌📌📌📌📌

Россиядаги юртимиз фуқаролари учун муҳим эслатма!

⏱️ 2025 йил 30 апрель — Россия Федерацияси Президентининг 2024 йил 30 декабрдаги 1126-сон Фармонида белгиланган имтиёзли муддат якунланади! Бу Фармон орқали Россия ҳудудида қонуний мақомини йўқотган хорижий фуқароларга ҳуқуқий мақомини тиклаш учун имконият берилган.

Россиялик таниқли ҳуқуқшунос Вадим Коженов ушбу жараён ҳақида Youtube-каналида тўлиқ тушунтириш берди. У ўз видео мурожаатида айниқса, Ўзбекистон фуқароларига қимматли маслаҳатлар бериб ўтди.

Кимга ва қаерга мурожаат қилиш керак?
Ҳаммаси видеода — танишларингизга юбориб қўйинг!

Батафсил кўриш

@uzmigration

Бизнинг кадрлар — жаҳон стандартларига мос!

Миграция агентлиги орқали стажёр визаси асосида Японияга жўнаб кетган юртдошларимиз бугунги кунда турли йўналишларда фаолият юритиб, салоҳиятини намоён қилмоқда.

Улар — янги муҳитда ўз ўрнини топган, масъулият билан ишлаётган ҳақиқий мутахассислар.
Бу лойиҳа нафақат иш билан таъминлаш, балки глобал меҳнат бозорида ўзбекистонлик кадрларнинг имиджини шакллантиришга хизмат қиляпти. Асосий талаб меҳнат шартномасни бузмаслик!

Қаҳрамонларимиз нима дейишмоқда? Видеони кўриб, сиз ҳам ишонч ва ҳаракатингиз билан келажакни яратиш мумкинлигини амин бўласиз.

Ҳа айтганча, Миграция Агентлиги ва JICA ҳамкорлигидаги Japan Career Portal ҳақида биласиз-а?
Платформа орқали иш визалари, Япониядаги ўқиш ва кундалик ҳаётга тайёргарлик, юртдошларимизнинг шахсий тажриба ва маслаҳатлари, қандай қилиб Япония сари биринчи қадамни қўйиш бўйича тўлиқ маълумот оласиз.

Лойиҳаларимизда фаол бўлинг, имконият сизни кутяпти уни тушуниш учун тилни билиш кифоя! Япон тилини ўрганиш учун бу постга ўтинг.

манбаа

@uzmigration

#live

Айни дамда АОКАда Вазирлар Маҳкамаси ҳузуридаги Миграция агентлиги директори ўринбосари Азимжон Ҳусанов иштирокида брифинг бошланди.

Мавзу: Хорижга кетиш истагида бўлган фуқароларни мақсадли тайёрлаш йўналишида амалга оширилган маҳаллий ва халқаро таълим лойиҳалари.

Қуйидаги ҳавола орқали жонли эфирда томоша қилишингиз мумкин.

💬Жонли эфир

@uzmigration

#live

Айни дамда АОКАда Вазирлар Маҳкамаси ҳузуридаги Миграция агентлиги директори ўринбосари Азимжон Ҳусанов иштирокида брифинг бошланди.

Мавзу: Хорижга кетиш истагида бўлган фуқароларни мақсадли тайёрлаш йўналишида амалга оширилган маҳаллий ва халқаро таълим лойиҳалари.

Қуйидаги ҳавола орқали жонли эфирда томоша қилишингиз мумкин.

💬Жонли эфир

@uzmigration

Ўзбекистонлик қиз — Европа тиббиётида ўз ўрнини топди

Миграция агентлиги орқали Германияга йўл олган Муниса бугун профессионал ҳамшира сифатида фаолият юритмоқда. У юртимиз аёлларининг билимли, сабрли ва кучли эканини дунёга намоён қилган фидойи мутахассислардан бири.

Мунисанинг сўзлари — ҳар бир орзу қилувчи ёш учун мотивация:
“Аввал ўқидим, тилни ўргандим, синовлардан ўтдим… Энди эса орзу қилган ишимдаман.”

Орзу керак, лекин ҳаракат ундан-да муҳим!

Сизнинг навбатингиз ҳам келади, ҳозироқ тил ўрганишга киришинг!

Ҳамширалар учун Германиядаги бўш иш ўринлари ➡️бу ерда.
Миграция агентлигинг 1282 қисқа рақамларига телефон қилинг немис тилини ўрганиш имкониятлари билан ўзимиз таништирамиз!

@uzmigration

#брифинг

Бугун АОКАда Вазирлар Маҳкамаси ҳузуридаги Миграция агентлиги директори ўринбосари Азимжон Ҳусанов иштирокида брифинг ўтказилади.

▪️Мавзу: Хорижга кетиш истагида бўлган фуқароларни мақсадли тайёрлаш йўналишида амалга оширилган маҳаллий ва халқаро таълим лойиҳалари.

▪️Вақти: 12:00

@uzmigration

#Live

Чет элда ишлаш — тасодиф эмас, тайёргарлик!

Миграция агентлигида фуқароларни қабул қилиш жараёнлари очиқ ва шаффоф тарзда олиб борилмоқда. Ҳар бир қадамда — маслаҳат, ёрдам ва самимий муносабат! Биз билан чет элдаги орзуйингизга қадам қўйиш осон!

LIVE видеомизда реал жараённи кўринг!

#МиграцияБиланИшончли #ЧетЭлИш

@uzmigration

ХОРВАТИЯДА ЙТҲГА УЧРАГАН ЮРТДОШИМИЗ ВАТАНГА ОЛИБ КЕЛИНДИ

2024 йил 29 ноябр куни Хорватиянинг Загреб шаҳрида юз берган йўл-транспорт ҳодисаси оқибатида оғир жароҳат олган Сирдарёлик фуқаромиз Ўзбекистонга — Республика шошилинч тиббий ёрдам марказига олиб келинди.

Беморга саломатлик тилаган ҳолда, хорижда меҳнат қилаётган барча юртдошларимизга шундай мурожаат қиламиз:

Сиз бегона юртдасиз — ҳар бир қадам, ҳар бир ҳаракат масъулиятли бўлиши шарт.

Муаммога дуч келсангиз, ёлғиз эмассиз. Миграция агентлиги ҳар доим сизнинг ёнингизда:
▪️ моддий ёрдам,
▪️ҳуқуқий ҳимоя,
▪️психологик ва ижтимоий кўмак.

📞Мурожаат учун: (71) 202 33 55 қисқа рақам 1282
24/7 режимида хориждан бепул қўнғироқ қилиш учун рақамлар ➡️бу ерда⬅️

@uzmigration

Бу хатони кўпчилик қилади… Кейин эса афсус

Японияга вақтинча ишлаш учун кетдингизми ёки энди кетмоқчимисиз? Унда бу видеони кўришингиз шарт!

Ҳа айтганча, биз ҳам тренддан қолмасликка ҳаракат қиляпмиз. Ролик сунъий интеллект ёрдамида яратилди баҳо берарсиз😊
Чет элдаги ҳаётингизда ҳар бир қарор муҳим! Шунинг учун фақат расмий каналлардан янгиликларни кузатинг ишончли, тезкор ва аниқ ⬇️
@uzmigration

Илк бор тиббиёт йўналишида хусусий шерикликдаги хорижий техникум Ўзбекистонда!

Ўзингизни Европада тасаввур қилиб кўринг: замонавий клиника, юқори маош ва тан олинган мутахассислик! Энди бу орзу эмас — ҳақиқатга айланмоқда!

Миграция агентлиги ҳамда Ўзбекистон-Германия “Абу Али ибн Сино ва Хайнрих Шиппергес номидаги Самарқанд халқаро саломатлик фанлари олий мактаби” Германия Федератив Республикасининг Соғлиқни сақлаш вазирлиги ва Халқаро ҳамкорлик ташкилоти (GIZ) билан биргаликда ўрта тиббиёт ходимларини тайёрлаш учун янги таълим ва иш имкониятларини очмоқда.

Лойиҳанинг биринчи босқичда, Ўзбекистондаги тиббиёт техникумларни тамомлаган мутахассислар учун касбга оид немис тили, бирламчи тиббий-санитария, тиббий-ижтимоий ёрдам кўрсатиш соҳалари бўйича 9 ойлик малака ошириш ва мослаштириш курслари ташкил этилади. Иккинчи босқичда, Самарқанд, Нукус, Наманган ва Тошкент шаҳарларида Миграция агентлиги билан ҳамкорликда 3 йиллик дуал тизимига асосланган тиббиёт профессионал таълим ташкил этилади. Учинчи босқичда, тўрт йиллик бакалавриат ҳамда икки йиллик магистратурада ўқитиш йўлга қўйилади.

Энг муҳими — таълим жараёнлари Германия мутахассислари билан биргаликда ушбу давлат ўқув дастурлари асосида олиб борилиши Германияда ишлаш ҳуқуқини беради! Миграция агентлиги ўқишни тугатганларга немис клиникаларида ишлашни ташкиллаштиради. Имкониятдан фойдаланинг — дунёнинг марказидаги тиббиёт карьерангизни бугундан бошланг!

Манзил: Самарқанд шаҳри, Саттепа мавзеси, Туркистон кўчаси, 12-уй
📍Локация
📞Мурожат учун телефон:
(95) 708 22 28,
(94) 5496696

🌐@uzmigration

Тўғри ишлаган яна қайтди, сиз ҳам орзуингизга яқинсиз!

Кореяга вақтинча ишлашга кетаётган юртдошларимиз сафида шартнома шартларига риоя қилган, сидқидилдан ишлаган ва иккинчи марта қайтиб кетаётганлар ҳам бор!

Миграция агентлиги орқали ишга юборилган ҳар бир фуқаро — қонуний ҳимояланган, кафолатли меҳнат шароитига эга, ва энг муҳими келажагига ишонч билан қарайди.

Бу видеода юртдошларимиз тимсолида ҳақиқий мисоллар. Улар оддий одамлар эди. Аммо масъулият, меҳнат ва ҳалоллик билан ўз йўлини топди!

Сиз ҳам шундай бўлишингиз мумкин. Фақат тўғри йўлни танланг.

@uzmigration

🇰🇷 Janubiy Koreyada ishlab, O‘zbekistonga qaytgan fuqarolar diqqatiga!

Janubiy Koreya Respublikasida mehnat faoliyatini muvaffaqiyatli tugatib, O‘zbekistonga qaytgan fuqarolar EPS-Topik testida ishtirok etish maqsadida 2025-yil 17-24-mart kunlari 1006 nafar nomzod ro`yxatdan o'tgan edi.

🗓Ushbu nomzodlar uchun EPS-Topik testi joriy yil 21-26-aprel kunlari 2 xil manzilda o'tkazilishi rejalashtirilmoqda.

21-24 aprel kunlari uchun👇

📍Imtihon manzili: Toshkent shahri Mirobod tumani Tolimarjon ko‘chasi 3-uy.

👉 Lokatsiya

📝 Nomzodlar ro'yxati


26-aprel shanba kuni👇

📍Imtihon manzili: Toshkent shahri Yakkasaroy tumani Shota Rustaveli ko'chasi 156, (Kimyo Universiteti)

👉 Lokatsiya

📝 Nomzodlar ro'yxati

Imtihonga kirishda talab etiladigan hujjatlar va maʼlumotlar:
1. xorijga chiqish pasporti;
2. 3,5 x 4,5 hajmdagi oq fonda, sifatli va rangli surat (2 dona).

❗️Imtihon ishtirokchilari uchun muhim ma'lumotlar:

1. Belgilangan vaqtdan 1 soat oldin ko‘rsatilgan manzilga yetib kelish va ro‘yxatdan o‘tish lozim;
2. Xorijga chiqish pasportini olib kelmagan, belgilangan sana va vaqtdan kech qolgan fuqarolar imtihonga kiritilmaydi;
3. HRD shartlariga ko‘ra, takror yoki qayta apellyatsiya maxsus testi o‘tkazilmaydi.
4. Imtihonda elektron vositalaridan (mobil telefon, elektron soat, shpargalka va h.k.) foydalanish qat'iyan man etiladi;
5. HRD talablariga muvofiq, imtihon qoidalarini buzgan nomzodning natijalari bekor qilinadi va keyingi testlarda qatnashishi uchun 4 yil muddatga cheklov qo‘yiladi.

❗️Migratsiya agentligi imtihondan muvaffaqiyatli o'tgan fuqarolarni Koreya Respublikasida mehnat faoliyatini amalga oshirishini kafolatlamaydi.

📞 Murojaat uchun: 71 202-33-55 yoki 1282 qisqa raqami

Rasmiy manbalar — ishonchli ma’lumot, xavfsiz kelajak! 👇 👇

🌐 "xorijda ish" e’lonlar kanali
🌐@uzmigration

Бу йўл осон бўлмади… Ҳар бир инсонда бир имконият бўлади. Мақсадга етиш учун — қадам ташлашдан қўрқманг”, — Амантай, Қорақалпоғистонлик дўстимиз Германияга йўл олди.

Кечагина улар орзуси бор, лекин қайси томонга юришни билмайдиган оддий ёшлар эдилар. Бугун эса — қўлларида B2 сертификати, қалбларида ишонч, олдиларида Германия клиникалари.

Бу муваффақият тасодиф эмас, 10 ойлик меҳнат, интизом ва шижоат самараси.
Танлаган йўлингиз қийин бўлиши мумкин, лекин натижаси ҳар қандай қийинчиликка арзийди. Ташаббусни қўлга олганларгина мақсадга етади. Германия — фақат иш жойи эмас, балки ўзингизни қайта кашф этиш майдони!

Сиз ҳам хоҳлайсизми?

Xorijda ish платформасида Германиядаги тиббиёт соҳасидаги ваканциялар билан танишинг ва рўйхатдан ўтинг!

@uzmigration— биринчи қадам шу ердан бошланади.

Бу фақат меморандум эмас – фуқаролар манфаати йўлидаги қатъий қадам!

Миграция агентлиги директори Беҳзод Мусаев ва Халқаро Миграция Ташкилоти (ХМТ)нинг Ўзбекистондаги миссияси раҳбари Andrew Gray ўртасида учрашув бўлиб ўтди.

Томонлар миграция соҳасидаги стратегияларни ишлаб чиқиш, хориждаги фуқароларимизнинг ҳимояланганлик даражасини ошириш, Ватанга қайтгандан кейинги мослашуви, хавфсиз, ташкилий миграцияни рағбатлантириш ҳамда жараёнларни рақамлаштириш масалаларни муҳокама қилди.

Шунингдек, Миграция агентлиги ва ХМТ ўртасида расман Ҳамкорлик тўғрисидаги Меморандум имзоланди.

Ҳужжатга кўра, миграция масалаларида қўшма тадқиқотлар, таълим дастурлари ва ҳуқуқий ҳимояни мустаҳкамлаш борасидаги стратегик ҳамкорлик янада мустаҳкамланади. Қолаверса, шу йил Тошкентда халқаро меҳнат форумини ташкил қилиш ва бу орқали мамлакатимизнинг миграция соҳасидаги потенциалини дунё меҳнат бозоридаги йирик иш берувчиларга намойиш қилишга келишилди.

ХМТ - 1951 йилда Женевада ташкил этилган ва бугунги кунда 170 дан ортиқ давлат ушбу ташкилот аъзоси ҳисобланади.

@uzmigration — расмий маълумот манбаи!

Япон тилини ўрганиш ва “Tokutei Ginou” визасини олиш учун янги имконият!

Миграция агентлиги ва Япониянинг “Office Wise” таълим ташкилоти ўртасида имзоланган ҳамкорлик меморандуми асосида, эндиликда юртдошларимиз Японияда энг талаб юқори бўлган соҳалар бўйича япон тилини ўрганиш имкониятига эга!

Дастурнинг афзалликлари:
▪️ Япон тилини 6 ойда N4 даражагача ўрганиш
▪️10 йиллик амал қилиш муддатига эга сертификат
▪️“Tokutei Ginou” (махсус малакали ишчи) визасига тайёргарлик
▪️ Японияда талаб юқори соҳаларга йўналтирилган таълим

Ўқув марказлари:
▪️ Ҳозирча: Тошкент шаҳри
▪️Яқин кунларда: Андижон, Наманган, Самарқанд

Манзил:
📍Тошкент шаҳри, Яккасарой тумани, Абдулла Қаҳҳор кўчаси, 9-уй (локация)
➡️Рўйхатдан ўтиш учун ҳаволага босинг
📞 +998 (93) 184-81-11

Хорижий тиллар-имкониятлар калити!

@uzmigration

🇯🇵Юртдошларимиз “Shimizu Corporation” компаниясида иш бошлаш учун Хоккайдо сари йўл олишди

Ўзбекистонлик ишчи кучига бўлган талаб ортиб бораётган Японияда, ҳамюртларимиз қурилиш соҳасида энг муносиб меҳнат шароитларида фаолият олиб боришади. Ойлик 1 000 АҚШ долларидан бошланади ва ошиб боради. Қўшимча иш учун устама берилади.

Сизга ҳам қизиқми?

Миграция агентлигига мурожаат қилинг имкониятлар кўп – тайёргарлик муҳим!
Кейинги постларимизда Япон тилини қаерларда самарали ўрганиш мумкинлигини ҳам ёритиб борамиз.

Мурожаат учун: Миграция агентлиги 1282, 71 202-33-55

Migratsiya agentligining "xorijda ish" e’lonlar kanali
@uzmigration

🇺🇿🇰🇷 Кореяга ишга юбориш масалалари муҳокама қилинди

Миграция агентлиги директори Беҳзод Мусаев Жанубий Кореянинг Ўзбекистондаги Фавқулодда ва Мухтор Элчиси Won Do Yeon билан учрашув ўтказди.

Мулоқотда, ўзбекистонликларни Кореяда иш билан таъминлаш ва бу борадаги фуқароларимизни мурожаатларини биргаликда ҳал қилиш, EPS-TOPIK имтиҳонларини вилоятларда ҳам ташкил қилиш, Кореяга профессионал ва мавсумий визалар билан ҳам ишга юбориш, Кореяда нолегал ишлашдек салбий вазиятни олдини олиш масалалари кўриб чиқилди, шунингдек, бу мамлакатга кетадиган номзодларга иш берувчилар талаби асосида корейс тилини ўқитишни кучайтириш зарурлигига катта эътибор қаратилди.

Элчи жаноблари SPAS электрон базасига киритилган, аммо иш берувчи томонидан танланмаётганларнинг мурожаатларидан ташвишда эканлигини билдириб, масалани ижобий ҳал қилишда бор имкониятини ишга солишини айтиб ўтди. Шунингдек, Корея иш берувчилари ўзбекистонликларни кўпроқ танлашлари учун ишлашга бораётганлар меҳнат шартномасига қатъий амал қилишларини таъминлаш муҳимлигини таъкидлади.

Учрашув якунида, икки давлат ўртасидаги миграция жараёнларини қонуний ва хавфсиз амалга ошириш, имкониятларни янада кенгайтиришга келишилди.

Маълумот учун: Ўзбекистон 2007 йилдан буён Кореянинг Employment Permit System (EPS) дастурида иштирок этади ва ўтган даврда 48 минг ҳамюртимиз ишга юборилган бўлиб, 2024 йилинг ўзида мамлакатимизга 534 миллион АҚШ доллари пул ўтказмалари амалга оширилган.

@uzmigration

📣Юртдошларимиз диққатига!

Рўйхатда келтирилган давлатларда вақтинча меҳнат фаолиятингизни олиб боряпсиз, лекин муаммоли вазиятдамисиз? Ўйланиб ўтирманг, биз ёнингиздамиз!

Ўзбекистон Республикаси Вазирлар Маҳкамаси ҳузуридаги Миграция агентлигига 24/7 режимида бепул қўнғироқ қилинг, мутахассислар сиз билан боғланишга тайёр!

❗️Ҳуқуқий маслаҳат учун - @huquqiy_yordam_uzbot

@uzmigration

🇺🇿🇯🇵Япония илк бор ўзбек ҳайдовчилари учун меҳнат бозори эшикларини очмоқда

Миграция агентлиги масъуллари Япониянинг "Shimizu Corporation" компанияси билан учрашув ўтказди.

Shimizu Corporation - 1804 йилда ташкил этилган Япониянинг машҳур қурилиш компанияларидан бири бўлиб, йиллик айланмаси 15 млрд АҚШ долларига тенг. Унинг асосий фаолияти қурилиш, архитектура, муҳандислик ва лойиҳалаштиришни ўз ичига олади.

Айни кунда ушбу ташкилотда 150 нафар юртдошларимиз қурилиш, ишлаб чиқариш соҳаларида вақтинча меҳнат фаолиятини олиб бормоқда.

Мулоқотда, ўзбекистонликларни бутун Япония ҳудуди бўйлаб ишга жалб қилиш лойиҳасини янада кенгайтириш ва қабул қилиш сонини кўпайтиришга келишилди, шунингдек, ҳамкорлик меморандуми имзоланди.

@uzmigration

Ҳар бир йўл бир қарор билан бошланади.

Йигитларимиз тўғри танлов қилди — улар ташкиллаштирилган миграция орқали хавфсиз ва қонуний ишлашни афзал кўришди.
Кореяга ишлаш учун йўл олган юртдошларимизга омад ва зўр натижалар тилаймиз!

Корейс тилини қаерда, қанча вақтда ўрганишди, нималарни мақсад қилишди барчасини видеода ўзларидан эшитамиз.

@uzmigration

📌📌📌📌📌

⏱️ 2025 йил 30 апрель куни Россия Федерацияси Президентининг 2024 йил 30 декабрдаги 1126-сон Фармони билан берилган имкониятлар муддати тугайди. Ушбу фармон хорижий фуқаролар ва фуқаролиги бўлмаган шахсларга Россия ҳудудида қонуний қолиш асосларини йўқотган тақдирда, ўз ҳуқуқий мақомини тартибга солиш имкониятини тақдим этади.

Бундай имкониятдан фойдаланиш учун қаерга мурожаат қилиш керак?

🔼 Россия ИИВнинг ҳудудий органларига;
🔼 Россия ИИВ ФГУП «ПВС» филиалларига;
🔼 Москва шаҳридаги ГБУ ММЦ «Сахарово»га.

✅ Барча қонуний тартиб-таомиллардан ўтгандан сўнг, Россия ҳудудида қонуний қолиш ҳуқуқини берувчи тегишли рухсатнома ҳужжатлари тақдим этилади.

❗️Шунингдек, қонунбузарликка йўл қўйган ва ҳуқуқий мақомини тартибга солишни истамаган хорижлик фуқаролар Россия Федерациясини мустақил равишда тарк этиши учун ҳам атиги 4 ҳафтадан кам вақт қолганлигини эслатиб ўтамиз.

⚠️ 2025 йил 1 майдан бошлаб, ҳуқуқий мақомини тартибга солмаган шахсларга нисбатан чиқариб юбориш ва келажакда Россияга киришни тақиқлаш каби чоралар қўлланилади.

Муҳим ҳаволалар:

⏺Ҳужжатларни қабул қилувчи миграция марказлари манзиллари ва масъул шахсларнинг телефон рақамлари
⏺ Қонуний мақомда бўлиш учун 7 қадам
⏺ Рус тили ва қонунчилиги бўйича имтиҳондан ўтиш
⏺Патент расмийлаштириш, ҳужжатларни топшириб ишлаш учун рухсат олиш босқичлари
⏺30/30/30 акцияси ҳақида маълумот
⏺Ҳуқуқий маслаҳат
@uzmigration

1️⃣2️⃣3️⃣4️⃣5️⃣

Ташкиллаштирилган ва ташкиллаштирилмаган меҳнат миграцияси ўртасидаги фарқ нима?

Бу видеоролик орқали сиз:

▪️Хорижда қонуний ва хавфсиз ишлаш учун қайси йўлни танлаш кераклигини
▪️Ташкиллаштирилган миграция қандай имкониятлар яратишини
▪️Ташкиллаштирилмаган миграция қандай хавф ва муаммоларга олиб келишини билиб оласиз.

Чет элга ишлашга чиқишдан аввал албатта тўғри қарор қабул қилинг!

#миграция #хавфсизлик #Ўзбекистон #ишлаш

@uzmigration

#ishga_taklif

🇰🇷Корея, 🇯🇵Япония, 🇷🇺Россия ва 🇰🇿Қозоғистонда бизнинг вакилимиз бўлиб ишлашга нима дейсиз?

💼 Вазирлар Маҳкамаси ҳузуридаги Миграция агентлигининг Кореядаги ваколатхонасига ўзига ишонган, ватанпарвар, музокаралар олиб бора оладиган, дунёқараши кенг, инглиз, корейс ва рус тилларида бемалол гаплаша оладиган раҳбар ва мутахассислар керак.

🤝Юқоридаги сифатларга эга бўлиб рус ва инглиз тилини яхши билсангиз Россия Федерацияси, Қозоғистон давлатларидаги, рус, инглиз тили билан бир қаторда япон тилида ҳам бемалол суҳбатлаша олсангиз Япониядаги ваколатхоналаримиз эшиклари сизга очиқ.

🇩🇪Шунингдек, Германия иш берувчилари билан музокаралар олиб бориш учун немис тилида мулоқот қила оладиган мутахассислар ҳам зарур.

📩Халқаро муносабатлар, юриспруденция, иқтисодиёт, молия шу каби йўналишларни битирган бўлсангиз ҳозироқ пастдаги ҳавола орқали маълумотларингизни бизга юборинг.

Қўлингиздан нималар келишини эса cover letterга ёзинг.

Ушбу ҳавола орқали рўйхатдан ўтинг, талабларга мос келсангиз сиз билан албатта боғланамиз!
@uzmigration

Миграция агентлиги Ўзбекистонлик ҳамшираларни АҚШда ҳам ишлашлари учун янги лойиҳа бошлади

Батафсил “Ўзбекистон 24” лавҳасида

@uzmigration

Миграция агентлигидан ажойиб дастур!

🇷🇺Россия Федерациясида вақтинча меҳнат фаолиятини олиб бориш учун рухсатнома (патент) шартларидан бири бу - тил сертификати.

Рус тили, Россия тарихи ва қонунчилигига оид тестлардан муваффақиятли ўтишингиз учун Миграция агентлиги томонидан яратилган платформа сизга кўмаклашади!

Ушбу ҳаволадаги манзилга ўтинг ва намунавий тест синовларини бажариб, ўз билимингизни синаб кўринг!

https://test.xorijdaish.uz/

@uzmigration

Ҳурматли юртдошлар!

Вазирлар Маҳкамаси ҳузуридаги Миграция агентлиги тизимида коррупциявий ҳуқуқбузарликлар тўғрисидаги хабарларни тезкор қабул қилиш учун махсус алоқа тармоқлари ишга туширилганини маълум қилади.

Агар сиз соҳада қонунбузарлик ёки коррупциявий хатти-ҳаракатларга гувоҳ бўлсангиз, @anticor_migrationbot телеграм боти, anticorruption@migration.uz электрон почтаси орқали бизга хабар беринг.

❗️Мурожаатингиз ўз вақтида кўриб чиқилиши ва шахсингиз сир тутилишини кафолатлаймиз.

Шунингдек, 71-202-44-11 ишонч телефонига (иш кунларида 9-00 дан 18-00 гача) қўнғироқ қилишингиз мумкин.

@uzmigration

🇩🇪Миграция Агентлиги Европанинг ривожланган давлатларида ишлаш учун катта имкониятларни тақдим этади.

Германия Федерал бандлик агентлиги ва Ҳунармандлар уюшмаси билан ҳамкорликдаги “Германияда иқлим бизнеси учун келажак истеъдодлари” қўшма дастури ҳақида эълон берган эдик.

Ушбу видеода дастурда қатнашиш истагини билдирган 55 нафар номзод учун бўлиб ўтган 1-босқич танлов жараёнларини кўришингиз мумкин.

Иш берувчи талабига кўра лойиҳа яна давом этади. Бизни кузатиб боринг ва сиз ҳам иштирок этинг, немис тилини эса ўзимиз ўргатамиз!

@uzmigration

Хорижга бориб ишлаш - бу энг аввало, янги билим, кўникма ва тажриба орттириш учун имконият!

Чет элда ишлаб, маълум миқдорда маблағ йиғиб, иш ўрганиб, Ўзбекистонда тадбиркорлик бошлаётган ҳамюртларимиз жуда кўп.

Жиззахлик Достонжон Оқмирзаев ҳам хорижда мавсумий ишларда фаолият юритиб қайтгач, ўзининг кичик бўлсада хизмат кўрсатиш тармоғини йўлга қўйди.

@uzmigration

📌📌📌📌📌

⏱️ 2025 йил 30 апрель куни Россия Федерацияси Президентининг 2024 йил 30 декабрдаги 1126-сон Фармони билан берилган имкониятлар муддати тугайди. Ушбу фармон хорижий фуқаролар ва фуқаролиги бўлмаган шахсларга Россия ҳудудида қонуний қолиш асосларини йўқотган тақдирда, ўз ҳуқуқий мақомини тартибга солиш имкониятини тақдим этади.

Бундай имкониятдан фойдаланиш учун қаерга мурожаат қилиш керак?

🔼 Россия ИИВнинг ҳудудий органларига;
🔼 Россия ИИВ ФГУП «ПВС» филиалларига;
🔼 Москва шаҳридаги ГБУ ММЦ «Сахарово»га.

✅ Барча қонуний тартиб-таомиллардан ўтгандан сўнг, Россия ҳудудида қонуний қолиш ҳуқуқини берувчи тегишли рухсатнома ҳужжатлари тақдим этилади.

❗️Шунингдек, қонунбузарликка йўл қўйган ва ҳуқуқий мақомини тартибга солишни истамаган хорижлик фуқаролар Россия Федерациясини мустақил равишда тарк этиши учун ҳам атиги 5 ҳафтага яқин вақт қолганлигини эслатиб ўтамиз.

⚠️ 2025 йил 1 майдан бошлаб, ҳуқуқий мақомини тартибга солмаган шахсларга нисбатан чиқариб юбориш ва келажакда Россияга киришни тақиқлаш каби чоралар қўлланилади.

Муҳим ҳаволалар:

⏺Ҳужжатларни қабул қилувчи миграция марказлари манзиллари ва масъул шахсларнинг телефон рақамлари
⏺ Қонуний мақомда бўлиш учун 7 қадам
⏺ Рус тили ва қонунчилиги бўйича имтиҳондан ўтиш
⏺Патент расмийлаштириш, ҳужжатларни топшириб ишлаш учун рухсат олиш босқичлари
⏺30/30/30 акцияси ҳақида маълумот
⏺Ҳуқуқий маслаҳат
@uzmigration

🇸🇰“Volkswagen”, “Peugeot”, “Volvo” ҳамда “Jaguar Slovakia”каби Словакиядаги автозаводларга ишчи кучи етказиб берадиган дунёнинг йирик рекрутинг компанияси билан Миграция агентлиги келишувга қўл қўйди

Миграция агентлиги директори Беҳзод Мусаев “Manpower Group” Slovakia рекрутинг компанияси бош директори Zuzuna Rumiz хоним билан учрашув ўтказди.

“Manpower Group Slovakia” кенг кўламли хизматларга эга халқаро компания бўлиб, Словакиянинг йирик корхоналари, жумладан, Ўзбекистондан кўплаб мутахассислар ишлаётган “Volkswagen”, “Peugeot”, “Volvo” ҳамда “Jaguar Slovakia” каби автомобиль заводлари билан ҳамкорлик қилади.

🇺🇸”Manpower Group” 1948 йилда АҚШда ташкил топган. Дунё бўйлаб 80 дан ортиқ мамлакат ва ҳудудларда 2700 дан ортиқ офислари мавжуд. Компания 30 мингдан ортиқ тўлиқ ставкали ходимларга ега бўлиб, 600 мингдан ортиқ ишчиларни бошқаради.

Имзоланган Ҳамкорлик меморандумига кўра, Ўзбекистон фуқароларини логистика, ишлаб чиқариш, хизмат кўрсатиш ва бошқа муҳим соҳаларга жалб қилиш янада кенгаяди.

Мулоқотда Rumiz хоним ўзбекистонликлар меҳнатсеварлиги, масъулияти ва юқори малакаси билан танилгани, бу эса уларни турли соҳалар учун қимматли кадрлар сифатида тавсия қилишда муҳим ўрин тутишини таъкидлади.

@uzmigration

🇸🇰Словакия билан миграция оқимини рақамлаштириш устида биргаликда ишланади

Ўзбекистон делегацияси Словакия Республикасининг қатор расмий идоралари, хусусан, Ички ишлар, Ташқи ишлар, Меҳнат, ижтимоий масалалар ва оила вазирликлари мутасаддилари билан музокаралар ўтказди.

Асосий эътибор, қонуний миграцияни қўллаб-қувватлаш, Словакиядаги бўш иш ўринларига Ўзбекистондан мутахассисларни жалб қилиш, ишчи визаларининг чиқиш муддатларини қисқартириш каби масалаларга қаратилди.

Словакия томони, ўтган йили Марказий Осиё мамлакатлари фуқаролари учун жами 3000 та квота ажратилгани, бироқ, тез орада кўпчилиги Словакияни тарк этиб, Европа Иттифоқининг бошқа мамлакатларига ўтиб кетганини алоҳида таъкидлашди. Бу ноқонуний миграцияга ҳисса қўшиши билдирилди.

Шу каби масалаларга ечим сифатида миграция оқимини рақамлаштириш устида биргаликда ишлашга, Ўзбекистон учун квоталарни алоҳида белгилашга келишиб олинди. Шунингдек, икки давлат ўртасида миграция жараёнларини тартибга солишга қаратилган Ҳукуматлараро битим лойиҳаси ишлаб чиқилиши ва тез орада ижобий қарорлар қабул қилинишига ишонч билдирилди.

@uzmigration

🇦🇹Миграция сиёсатини ривожлантириш халқаро маркази билан ҳамкорлик ўрнатилди

Бу ҳақда Миграция агентлиги, Ташқи ва Ички ишлар вазирликлари мутасаддиларининг Миграция сиёсатини ривожлантириш халқаро маркази (ICMPD) бош директори Michael Spindelegger билан учрашувида сўз борди.

“Таҳлилларга асосланадиган бўлсак, яқин келажакда Европа Иттифоқи мамлакатларида ишчи кучига бўлган эҳтиёж кескин ошади. Ўзбекистонда эса иқтидорли ёшлар кўп ва уларни хорижий тилларга, талаб юқори касбларга ўргатиш тизими жуда яхши йўлга қуйилмокда",
- дея таъкидлади Австриянинг собиқ Ташқи ишлар вазири, ICMPD бош директори жаноб Spindelegger.

Учрашувда Миграция агентлиги ва мазкур Халқаро марказ ўртасида Ҳамкорлик меморандуми имзоланди.

Унга кўра, Марказ Миграция агентлиги билан биргаликда маҳаллий аҳолига Европа Иттифоқи мамлакатларида қонуний ишлаш бўйича маслаҳатлар беради, миграцияга кетмоқчи бўлган фуқаролар учун сафар олди ўқув курсларини ташкил қилади ва салоҳиятли иш берувчиларни жалб қилади.

@uzmigration

🇦🇹Германия ва Франция ортидан Австрия ҳам битим имзолашга тайёр

Вазирлар Маҳкамаси ҳузуридаги Миграция агентлиги, Ташқи ишлар ҳамда Ички ишлар вазирликлари масъулларидан иборат делегация Австриянинг қатор расмий идоралари билан учрашувлар ўтказмоқда.

Хусусан, Австрия Ташқи ишлар, Ички ишлар, Меҳнат ва иқтисодиёт, Таълим, фан ва тадқиқотлар Федерал вазирликлари ҳамда Австрия Бизнес агентлиги мутасаддилари билан бўлиб ўтган учрашувларда меҳнат миграцияси соҳасида ҳамкорликни ривожлантириш масалалари муҳокама қилинди.

Ўзбекистон фуқароларини ташкилий тартибда Австрияга юқори маошли ишларга жойлаштириш, миграция соҳасида қўшма лойиҳаларни яратиш, шунингдек, Ўзбекистон Ҳукумати ва Австрия Ҳукумати ўртасида миграция соҳасида Ҳукуматлараро Битим лойиҳасини ишлаб чиқишга келишиб олинди.

Федерал Савдо-саноат палатаси директори ўринбосари Astrid Fixl-Pummer хоним билан бўлиб ўтган мулоқотда Ўзбекистондан мутахассисларни Австрия корхоналарига жалб қилиш имкониятларига алоҳида эътибор қаратилди.

Ушбу Палата жорий йилнинг апрель ойида Ўзбекистонда ваколатхона очадиган бўлди. Очилиш маросимига Австриядан йирик иш берувчиларни таклиф қилган ҳолда "Меҳнат форуми"ни ҳам Тошкентда ташкил қилишга келишиб олинди.

@uzmigration

❗️Хорижда ишлайдиганлар йўл қўядиган 7 та хато ва 7 та ечим!

Видеода чет элда ишлаш жараёнида йўл қўйиладиган 7 та асосий хато ва уларнинг 7 та ечими ҳақида маълумотлар келтирилган.

Муаммоларга доим ечим бор - ҳаракат сиздан, қўллаб-қувватлаш биздан!

Миграция агентлиги билан боғланиш: 71 202 33 55, (1282 қисқа рақам)
Хориждан боғланиш учун 24/7 режимида бепул ишлайдиган телефон рақамлар бу ерда ⬅️

Agentlikning e’lonlar kanali
@uzmigration

🇰🇷Корея Республикасида меҳнат фаолиятини амалга ошириш истагида бўлган ва имтиҳонлардан муваффақиятли ўтган ҳамюртларимиз Миграция агентлигига, ўзларининг иш берувчилар томонидан танланмаётгани, кечикиш кузатилаётгани билан боғлиқ мурожаатлар қолдиришган.

Бугун, яъни 25 март соат 18:00 да Агентликнинг youtube, telegram ва instagram саҳифаларида мутахассис иштирокида жонли эфир ташкил қилинмоқда. Унда Кореяда меҳнат фаолиятини амалга ошириш билан боғлиқ саволларингизга жавоблар олишингиз мумкин.

LIVE 25.03.2025 йил 18:00 *

Исм-фамилянгизни кўрсатган ҳолда саволларингизни олдиндан @Migratsiyaagentligibot га ҳам йўллашингиз мумкин.

*Эфир вақти бироз сурилаётганини маълум қиламиз!

Мулоқотни жонли кузатиш:

🌐Youtube
🌐@uzmigration
🌐Instagram

🇷🇺 Россияда ишлашни режалаштиряпсиз, лекин рус тилида сўзлашишга қийналяпсизми? Энди бу муаммо эмас!

Миграция Агентлиги ва "Отлично" ўқув маркази ҳамкорлигида бепул рус тили видео дарсликлари яратилди!

1. Жами 35 та қизиқарли ва содда видео дарслар!

2. Патент имтиҳонига тайёрланиш учун энг муносиб манба!

3. Барча дарслар қисқа, тушунарли ва самарали!

Дарсларни қаердан кузатамиз?
Ҳозироқ Агентликнинг YouTube саҳифасига ўтинг ва дарслардан фойдаланинг!

🤝Имтиҳонларда муваффақият тилаймиз!

@uzmigration

🇷🇺 Россияда ишлашни режалаштиряпсиз, лекин рус тилида сўзлашишга қийналяпсизми? Энди бу муаммо эмас!

Миграция Агентлиги ва "Отлично" ўқув маркази ҳамкорлигида бепул рус тили видео дарсликлари яратилди!

1. Жами 35 та қизиқарли ва содда видео дарслар!

2. Патент имтиҳонига тайёрланиш учун энг муносиб манба!

3. Барча дарслар қисқа, тушунарли ва самарали!

Дарсларни қаердан кузатамиз?
Ҳозироқ Агентликнинг YouTube саҳифасига ўтинг ва дарслардан фойдаланинг!

🤝Имтиҳонларда муваффақият тилаймиз!

@uzmigration

🇰🇷🛥Фарғонада кемачилар тайёрланади

Тўғри ўқидингиз, Миграция агентлиги ва Жанубий Кореянинг Улсан шаҳри ҳокимлиги ўртасида имзоланган келишувга асосан ўзбекистонлик мутахассислар йирик кемалар қурилишида иштирок этади.

Фарғонада очилган “Улсан шаҳрига малакали кадрлар тайёрлаш маркази”да кимлар ўқийди?

Саралаш жараёнларида EPS-Topik имтиҳонларидан муваффақиятли ўтган, юқори бални қўлга киритган ёки Қирол Сежонг ўқув марказининг сертификатига эга бўлган, энг асосийси SPAS электрон базасида кемасозлик ва ишлаб чиқариш йўналишлари бўйича иш изловчи сифатида рўйхатда бўлган номзодлар иштирок этди. 365 нафар номзод имтиҳонларда қатнашди ва 202 нафари саралашдан муваффақиятли ўтди. Шундан 105 нафари ўқишни бошлади.

Фарғона Кореяга мутахассислар тайёрлайдиган хабга айланади!

Ушбу янги очилган Марказда, нафақат Фарғона водийси - Фарғона, Андижон ва Наманган вилоятларидан ташқари, Жиззахдан 14 нафар, Сурхондарёдан 10 нафар, Самарқанддан 8 нафар, Қорақалпоғистон, Бухоро, Навоий - бир сўз билан айтганда барча ҳудудлардан ўқувчилар бор. Бу келажакда янада кенгаяди.

Ўқувчилар 3 ой давомида корейс тили ва маданияти, кема қурилиши учун леса териш, бўёқчилик, металга қайта ишлов бериш, электрик ва изоляция йўналишларини ўрганади.

Ўқийди, ўрганади бўлдими?

Йўқ, бу ҳаммаси эмас! Энг асосийси 3 ой давомида яхши ўқиса, тил ва касбни қунт билан ўрганса Улсан шаҳри ҳокимлиги тўғридан-тўғри ишчи визасини беради, “Hyundai” кемасозлик заводи эса кафолатган юқори маош билан ишга олади. Бу Корея миграцияси тарихида биринчи ҳолат бўлади. Ҳозирда ишчи визаси Адлия вазирлиги томонидан берилади.

Хулоса шуки, корейс тилини ўрганиш керак! Сиз учун дунёнинг энг бой ва машҳур “Hyundai”, “LG Chemicals”, “Samsung Heavy Industries” каби ишлаб чиқариш компанияларининг эшиклари очилади.

@uzmigration

🇺🇸Ўзбекистонлик ҳамширалар АҚШда ҳам ишлаши мумкин

Бу ҳақда Миграция агентлиги директори ўринбосари Азимжон Ҳусанов ва “New Future Success Academy” халқаро ҳамшираларни тайёрлаш ўқув марказининг Ўзбекистондаги бошқарувчи менежери Фозилбек Хонхўжаев ўртасидаги учрашувда маълум қилинди.

Унда, Америка стандартлари бўйича ҳамшираларни тест синовларига тайёрлаш марказини мамлакатимиз ҳудудида очиш ва имтиҳон марказини ташкил қилиш, (МДҲ ва қўшни давлатларда ягона марказ бўлади) муваффақиятли ўтган номзодларни АҚШда бандлигини таъминлаш масаласи муҳокама қилинди.

2030 йилгача АҚШда 1 миллиондан ортиқ ҳамшираларга талаб мавжуд. Олий малакали ҳамшираларга йилига 44 мингта қонуний ишчи виза ажратилади.

Учрашув якунида, “New Future Success Academy” компанияси ва Миграция агентлиги ўртасида тиббиёт соҳасида номзодларни тайёрлаш бўйича меморандум имзоланди.

Agentlikning e’lonlar kanali
@uzmigration

🇰🇷 SPAS базасига киритилди дегани ишлаш учун танланишни кафолатламайди!

Вазирлар Маҳкамаси ҳузуридаги Миграция агентлиги директори Беҳзод Мусаев ва Корея Республикаси Инсон ресурсларини ривожлантириш хизматининг Ўзбекистондаги “EPS” маркази раҳбари Kim Hyun Sung ўртасида учрашув бўлиб ўтди.

Мулоқотда, Жанубий Кореяда ишлаш мақсадида имтиҳонлардан муваффақиятли ўтган, аммо иш берувчи томонидан танланмаётган фуқароларнинг норозиликларини келтириб чиқараётган сабаблар муҳокама қилинди.

Бугунги кунда EPS-TOPIK тестидан ўтиб, SPAS электрон базасига киритилган ўзбекистонликлар сони 15 минга яқин. Эътибор бериш керак, имтиҳондан ўтди ва SPAS базасига киритилди дегани ишлаш учун танланишни кафолатламайди!

Жараёнларни енгиллаштириш, кадрларни шаффоф тарзда танлаш, коррупцияга йўл қўймаслик, кадрлар салоҳиятини ривожлантириш, тил кўникмаларини мустаҳкамлаш юзасидан Миграция агентлиги раҳбарияти Корея томонига аниқ таклифлар берди ҳамда талаб этиладиган барча шароитларни яратиб беришга тайёр эканлигини билдирди.

Якунда, Кореянинг Инсон ресурсларини ривожлантириш хизмати (HRD Koreya) президенти билан учрашув ташкил қилиш ва мавжуд муаммоларга ечим бўладиган механизм ишлаб чиқишга келишилди.

@uzmigration

🇷🇺Имтиҳонлардан ўтиш ҳар томонлама қулай бўлиши керак!

Маълумки, Россия Федерацияси ҳудудида ишлаш ҳуқуқини берувчи патент расмийлаштириш учун рус тили, Россия тарихи ва қонунчилиги бўйича имтиҳонлардан ўтганлик ҳақида сертификат талаб этилади.

Миграция агентлиги директори Беҳзод Мусаев ҳамда Россия Халқлар дўстлиги университетининг (РУДН) Ўзбекистондаги ваколатхонаси раҳбари Андрей Колесников ўртасида бўлиб ўтган учрашувда имтиҳондан ўтиш билан боғлиқ масалалар муҳокама қилинди.

Сертификатни олишни истаган номзодларга ҳар томонлама қулай бўлиши, қайсидир вилоятдан Тошкентга келиб эмас, номзод ўзи яшаб турган ҳудудда имтиҳонлардан ўтиши учун имконият яратилиши кераклиги алоҳида таъкидланди.

Агентлик томонидан ишлаб чиқилган рус тили, Россия тарихи ва қонунчилигига оид тестларни ечишга кўмаклашувчи платформани ҳамкорликда такомиллаштириш, онлайн ўтилаётган дарсларнинг самарадорлигини ошириш бўйича ҳам биргаликда ишлашга келишиб олинди.

@uzmigration

“Hyundai” га Фарғонада мутахассис тайёрланади

“Улсан шаҳрига малакали мутахассисларни тайёрлаш маркази” нинг расман очилиш маросими бўлиб ўтди. 3 ой давомида бу ерда таҳсил олган ўқувчилар тўғридан-тўғри Кореянинг Улсан шаҳрига кемасозлик йўналишига ишга жалб этилади.

Тадбирда Улсан шаҳар ҳокими ҳамда “Hyundai Heavy Industries” компанияси расмийлари шахсан иштирок этди.

Agentlikning e’lonlar kanali
@uzmigration

#Live

Айни дамда Фарғона шаҳридаги KOICA касб ҳунарга ўқитиш марказида “Улсан касб-ҳунарга ўқитиш маркази”нинг очилиш маросими бўлиб ўтмоқда.

Унда, Фарғона вилояти ҳокими Хайрулло Бозаров, Миграция агентлиги директори Беҳзод Мусаев, Жанубий Кореянинг Улсан шаҳар ҳокими Ким Ду Гём бошчилигидаги делегация ва тегишли ташкилотлар раҳбарлари иштирок этмоқда.

Ушбу ўқув марказ - Миграция агентлиги, Улсан шаҳри ҳокимлиги ҳамда "Hyundai" кемасозлик компанияси ҳамкорлигида "Hyundai" учун юқори малакали ишчиларни тайёрлаш мақсадида ташкил этилди.

Agentlikning e’lonlar kanali
@uzmigration

🇩🇪Германияга ҳамширалар тайёрлайдиган марказлар кўпаймоқда

Миграция агентлиги директори ўринбосари Азимжон Ҳусанов Германиянинг “KlettEDU” GmbH рекрутинг компанияси вакили Ferdinand Ayen билан учрашув ўтказди.

Унда, Абу Али ибн Сино тиббиёт техникумлари негизида немис тили курсларини ташкил қилиш, ўқитувчиларни немис тиббий-таълим дастурлари асосида малакасини ошириш ҳамда ўқув курсларини муваффақиятли тамомлаган ҳамшираларни Германия клиникаларига ишга жойлаштириш масалалари кўриб чиқилди.

Бугунги кунда, Самарқанд, Қашқадарё, Бухоро вилоятлари ва Олмалиқ шаҳрида ушбу компаниянинг ўқув марказлари ташкил қилинган бўлиб, 250 га яқин ҳамшира таҳсил олмоқда.

Учрашувда “KlettEDU” GmbH компанияси Миграция агентлиги билан ҳамкорликда Тошкент вилоятининг Янгийўл, Андижон вилоятининг Пахтаобод туманларида ҳам шундай марказларни ташкил қилиш, тингловчиларга қулай шароитларни яратишга доир англашув Меморандуми имзоланди.

Agentlikning e’lonlar kanali
@uzmigration

🇨🇭Швейцариянинг Ўзбекистондаги фавқулодда ва мухтор элчиси жиддий огоҳлантириш билан чиқмоқда!!!

❗️Шу кунларда Швейцариянинг Ўзбекистондаги элчихонасига ушбу давлатга сохта ишга таклиф қилиш ва қалбаки ишлаш рухсатномалари билан боғлиқ мурожаатлар кўпайган. Бу ҳақда элчихона ва Миграция агентлиги фуқароларимизни огоҳлантиришга қарор қилди!

"Хонимлар ва жаноблар, биз Швейцариянинг Тошкентдаги элчихонасида фирибгарликлар, жумладан, Швейцарияга ёлғон иш таклифлари ва “у ерда ишлашга”, деб берилаётган сохта ишлаш рухсатномалари ҳақида тез-тез эшитаяпмиз. Шундай экан, Ўзбекистонда яшаб, Швейцарияда иш қидираётган бўлсангиз, фирибгарлик қурбони бўлиб қолишдан ўзингизни ҳимоя қилинг.

Агар сизга иш таклифи келиб тушса, жуда эҳтиёт бўлинг ва унинг чиндан ҳам ҳақиқийлигини текширинг. Иш таклифининг ҳақиқийлигини текшириш учун Швейцариядаги потенциал иш берувчи билан бевосита алоқада эканлигизга ишонч ҳосил қилинг.

Эътибор беринг, фирибгарлар ўзларини компания вакили сифатида кўрсатишади ва компания ёки ҳатто, Швейцария расмийлари номидан сохта ҳужжатлар ясайди. Шунинг учун, Швейцарияда ишга олмоқчи бўлган компания билан тўғидан-тўғри мулоқот қилаётганингизни турли манбалардан фойдаланиб текширинг.

Жуда муҳим: ҳеч қандай шароитда пул тўламанг ёки ўтказманг! Агар иш таклифи ҳақиқий бўлса, ишлаш учун рухсатнома олиш иш берувчининг зиммасида бўлади. Иш визасини олиш учун Швейцариянинг Москвадаги элчихонасида жойлашган Минтақавий консуллик марказига шахсан ариза топширишингиз керак бўлади. Тошкентдаги элчихонага эмас!

Агар сиз ўзингизни бундай жиноят қурбони ёки фирибгарлар билан алоқада бўлдим, деб ҳисобласангиз, бу ҳақда маҳаллий ички ишлар органига хабар беришингизни тавсия қиламиз",
- дейди Швейцариянинг Ўзбекистондаги фавқулодда ва мухтор элчиси Константин Оболенский.

✅ Хорижда қонуний ва хавфсиз ишлашни мақсад қилганлар Миграция агентлиги ва унинг ҳудудий филиалларига ёки лицензияга эга Хусусий бандлик агентликларига мурожаат қилиши мумкин.

Agentlikning e’lonlar kanali
@uzmigration

Татаристондаги ҳамкорлар сони янада ошди

Хабар берганимиздек, Миграция агентлиги раҳбарияти Татаристонда бир қатор янги ҳамкорлар билан шартномалар имзолади.

Хусусан, Татарстон Республикаси Қурилиш, архитектура ва коммунал хўжалиги вазирлигида ташкил қилинган учрашувга ҳудуддаги энг йирик қурилиш компаниялари раҳбарлари таклиф қилинди ва шу ернинг ўзида манфаатли келишувларга эришилди.

Татаристон Савдо-саноат палатасида ўтган учрашувга ҳам 30 га яқин тадбиркорлар таклиф қилинди. Мулоқот жуда самарали кечди. Шартномалар имзоланди.

Умуман олганда, “Апгрейд стафф”, “Казанский ДСК”, “Пассажирское автотранспортное предприятие №2”, “ППТ Алабуга”, ПАО “КАМАЗ”, “Артекс Строй Проект” ва “КЗТМ” каби қурилиш, логистика, автомобилсозлик, ҳайдовчилик, ишлаб чиқариш соҳаларига доир 7 та келишув имзоланди ва 11 мингта иш ўрни аниқланди.

@uzmigration