☢️ Сёння — 26 красавіка — гадавіна са дня чарнобыльскай катастрофы.

39 гадоў таму выбух на Чарнобыльскай АЭС стаў адной з самых страшных трагедый XX стагоддзя. На Беларусь выпала 70% радыяцыйных ападкаў. Забрудзіліся лясы, рэкі, зямля. Тысячы людзей страцілі свае дамы, здароўе і жыццё. Цэлыя рэгіёны сталі зонай бяды.

І сёння беларусы ўсё яшчэ жывуць з наступствамі той катастрофы. Радыяцыя ўплывае на здароўе новых пакаленняў. А цяпер дадаўся яшчэ адзін выклік: праз размяшчэнне расійскіх войскаў і зброі на тэрыторыі Беларусі павялічылася рызыка новых экалагічных катастроф.

Разумець наступствы замоўчвання праблем, памятаць пра той страшны дзень, — значыць змагацца за жыццё, за чыстую зямлю, за свабодную і бяспечную Беларусь.

Нельга маўчаць пакуль праўда за кратамі!

Народная амбасада Беларусі ў Аўстрыі зладзіла акцыю “Stop Business with Dictator“ каля мэблевай крамы XXXLutz у Вене.

Гэта быў перфоманс пра боль, страх, несправядлівасць – і надзею...

Беларусы і беларускі Аўстрыі распавялі мінакам, што ў Беларусі больш за 1200 палітвязняў. Сярод іх блогеры, прадпрымальнікі, члены агітацыйных груп, простыя людзі — іх «злачынствам» было выказваць сваё меркаванне і мірна пратэставаць. Гэтых людзей катуюць, ізалююць, адрываюць ад сем'яў. Іх прымушаюць працаваць пры мінусовай тэмпературы, без сродкаў абароны — за 5-7 еўра ў месяц. Гэтая праца ёсць не што іншае, як рабства.

А хто купляе прадукты гэтай прымусовай працы?

“Адной з такіх кампаній з'яўляецца XXXLutz. Такая мэбля можа стаяць у вашай кватэры. Вы сапраўды хочаце сядзець на крэсле, зробленым праз катаванні?“

Вядзенне бізнесу з рэжымам лукашэнкі азначае падтрымку дыктатуры, гвалту, вайны і смерці.

Але гэта яшчэ не ўсё: беларускія лясы высякаюцца пад выраб мэблі — у тым ліку ў запаведніках і нацыянальных парках. Гэта экалагічная катастрофа, якая закране ўсю Еўропу.

Сёння народ Беларусі ўжо не мае права голасу. Той, хто адкрывае рот, трапляе ў турму.
Таму мы аддаём ім свае галасы. Лісты з турмы, галасы за кратамі.

Нельга маўчаць пакуль праўда за кратамі!

#палітвязні

Народныя амбасады | Ананімны зварот | Падтрымаць нас

🎉Новы прэцэдэнт: яшчэ адзін беларус атрымаў пашпарт замежніка (documento di viaggio per stranieri)!

Мы таксама ўдзельнічалі ў гэтай справе — гэта былі кансультацыі і дакументальнае суправаджэнне.

Як атрымаць пашпарт замежніка ў Італіі?

Звычайна такі дакумент выдаецца толькі тым, хто мае статус уцекача або міжнародную абарону. Але мы раім звяртацца нават тым, хто не мае статусу: калі вы пацвярдзіце немагчымасць атрымаць нацыянальны пашпарт і патрапіце на чалавека, які разумее сітуацыю, то гэты дакумент магчыма атрымаць.

Што трэба рабіць?

🔺 запісацца на прыём да квестара або кіраўніка іміграцыйнага офіса (capo ufficio Immigrazione);

🔺 расказаць пра сваю сітуацыю і становішча ў краіне, адзначыць немагчымасць атрымаць нацыянальны пашпарт. Асноўны аргумент — указ Лукашэнкі, што забараняе выдачу пашпартоў беларусам за мяжой. Таксама асвятліць вядомыя выпадкі, калі людзі праз вяртанне ў Беларусь дзеля дакументаў траплялі пад рэпрэсіі;

🔺 выкарыстаць гатовыя матэрыялы: пераклад указа Лукашэнкі і дакумент пра рэпрэсаваных пасля вяртання ў Беларусь

‼️Гэтыя дакументы ўжо падрыхтаваныя да таго, каб вы іх выкарысталі. Пераходзьце па спасылцы. Мы гатовыя падзяліцца імі і падтрымаць вас.

🧑‍🏫👨🏼‍🏫 Школа народнай дыпламатыі

Паважаныя сябры і сяброўкі!
Народныя амбасады Беларусі працягваюць цыкл лекцый у школе народнай дыпламатыі.

У сераду, 30 красавіка, а 20:00 па Менску (20:00 па Вільні ці 19:00 па Варшаве), нам прачытае лекцыю доктар эканамічных навук Леў Львоўскі.

Тэма лекцыі: «Гандлёвыя Войны».

Эксплуатацыя дзіцячай працы з найбедных краін, харчовая бяспека і, нарэшце, найбуйная гандлёвая вайна апошняга часу, ініцыяваная Дональдам Трампам. Пра тое навошта нам патрэбен міжнародны гандаль і ў якіх выпадках разумна яго абмяжоўваць.

Падчас лекцыі мы абмяркуем і паспрачаемся на такія тэмы як
1. Чым адрозніваецца міжнародны гандаль ад гандлю ўнутры краін;
2. Гісторыя і трэнды сусветнага гандлю;
3. Тарыфы, санкцыі і гандлёвыя войны — хто і навошта іх пачынае, выйграе і прайграе?

Таксама будзе блок адказаў, дзе вы можаце задаць пытанні.

Для ўдзелу неабходна прайсці па спасылцы👇
https://us06web.zoom.us/j/85045125822?pwd=ef0Hl2dCiQCd9FomefVAxlYmG11z3a.1

Чакаем вас!

#НА_адукацыя

Народныя амбасады | Ананімны зварот | Падтрымаць нас

Вы думаеце, што ад вас нічога не залежыць? Што палітыка - гэта толькі для «тых, хто ва ўладзе»? Мы пакажам, што нават адзін голас, адно меркаванне ці дзеянне маюць значэнне.

Прыходзьце на БЯСПЛАТНЫ анлайн-курс "Публічная палітыка для пачаткоўцаў" ад Нацыі Лідараў, на якім вы:

🔅 разбярэцеся, як уладкована дзяржаўная палітыка ў Беларусі і іншых краінах
🔅 навучыцеся аналізаваць дзеянні ўлады і іх наступствы
🔅 даведаецеся, хто яшчэ ўплывае на палітычныя працэсы, акрамя чыноўнікаў
🔅 зразумееце, як можна ўдзельнічаць у жыцці грамадства - і чаму гэта важна
🔅 убачыце, што палітыка - гэта не толькі пра выбары, але і пра паўсядзённую рэальнасць

🎯 Старт навучання: 28 красавіка
🕒 Працягласць: 5 тыдняў

Курс уключае відэалекцыі, вэбінары з экспертам, а таксама фінальнае эсэ.

👉 Рэгіструйцеся да 27 красавіка ўключна па спасылцы

❗️ Медыярэсурсы Нацыі Лідараў уключаны ў пералік арганізацый, якія маюць дачыненне да экстрэмісцкай дзейнасці

#НА_адукацыя

Народныя амбасады | Ананімны зварот | Падтрымаць нас

Хрыстос Уваскрос!
Няхай светлыя велікодныя дні прынясуць мір, надзею і радасць у вашы сэрцы і дамы.

📢 Беларусы — не цяжар для Еўропы, а неймаверны рэсурс!

Сёння на кангрэсе CISL Firenze-Prato мы нагадалі: беларуская прысутнасць у Італіі расце, і гэта варта ўспрымаць як магчымасць для краіны.

Падчас кангрэсу ў Пізе шмат гаварылася пра fuga dei cervelli — “уцечку мазгоў”. Разумныя, перспектыўныя беларусы вымушаныя з’язджаць са сваёй краіны. Італія можа і мусіць бачыць у гэтым патэнцыял для свайго развіцця.

Беларусь — частка Еўропы.
І мы просім:
— дапамагаць беларусам інтэгравацца;
— падтрымліваць працу ініцыятыў;
— не забывацца на барацьбу беларускага народа за дэмакратыю.

Дзякуем Regione Toscana, Publiacqua, CISL, усім арганізацыям і людзям, хто побач.

Разам мы можам больш!

🇨🇾 Напярэдадні гадавіны Чарнобыльскай трагедыі старшыня Камітэта замежных і еўрапейскіх справаў Парламента Кіпра Харыс Геаргіядэс і першы намеснік амбасадара Польшчы на Кіпры Аркадыюш Клэмбек па запрашэнні Народнай амбасады Беларусі на Кіпры наведалі тэатральную пастаноўку “Voices from Chernobyl”, створаную паводле кнігі Нобелеўскай лаўрэаткі Святланы Алексіевіч

Спектакль праходзіў на грэцкай мове, а ўстаўкі на беларускай, агучаныя Уладзімірам Цэслерам, надалі яму асаблівую атмасферу. Госці адзначылі, што гэта было вельмі кранальна і зачапіла на эмоцыях.

«Прысутнасць такіх гасцей — важны знак салідарнасці і падтрымкі беларусаў. Для нас вельмі важна адчуваць, што трагедыя Чарнобыля, як і лёсы беларусаў, не застаюцца без увагі. Шчыра дзякуем за ваш удзел, чалавечнасць і падтрымку», — адзначыла Алеся Пархоменка, прадстаўніца Народнай амбасады Беларусі на Кіпры.

Народныя амбасады | Ананімны зварот | Падтрымаць нас

Фолоўап удзелу дэлегацыі дэмакратычных сіл Беларусі ў ПАРЭ падчас сесіі 7-11 красавіка 2025г.

У сесіі прынялі удзел 5 прадстаўнікоў дэлегацыі: Аляксандра Мамаева, Павел Латушка, Павел Церашковіч, Маргарыта Ворыхава і Валеры Мацкевіч.

Падчас сесіі праца дэлегацыі вялася па некалькіх накірунках.
1. Камітэты і рэзалюцыі
• Удзел у працы над рэзалюцыяй “Russian war of aggression against Ukraine: the need for accountability, avoiding impunity” (Юрыдычны камітэт): ініцыявана папраўка пра адказнасць рэжыму Лукашэнкі. Рэзалюцыя прынята 9 красавіка.
• Удзел у абмеркаванні рэзалюцыі “Fighting back against transnational repression”: інфармацыя аб сістэмным экстэрытарыяльным переследу грамадзян Беларусі ў краінах-членах Савета Еўропы, дамоўленасць з дакладчыкам аб прадстаўленні дакументаў і магчымасці ўдзелу ў слуханнях.
• Удзел у слуханнях па рэзалюцыі “Situation of human rights defenders and whistleblowers in Europe”, ініцыяванай Эмануэлісам Зінгарысам.
• Падрыхтоўка прапаноў да рэзалюцыі “The challenges and needs of public and private actors involved in migration management” (Міграцыйны камітэт).
• Дамоўленасць аб дасылцы матэрыялаў пра працу Народных амбасадаў і дыяспары ў рамках рэзалюцыі “The role of diasporas and migrants in building social cohesion and progress”.
• Брыфінг на паседжанні юрыдычнага камітэта пра семінар па адмену смяротнага пакарання ў Беларусі і наступныя дзеянні дэмакратычных сіл.

2. Нацыянальныя дэлегацыі
• Сустрэчы з нацыянальнымі дэлегацыямі Нарвегіі, Люксембурга, Нідэрландаў, Італіі, Ірландыі, Германіі і Украіны.
• Абмеркаванне супрацоўніцтва на палях ПАРЭ, сітуацыі ў Беларусі ў сферы правоў чалавека, медыя і адукацыі, неабходнасці ўзмацнення санкцыйнай палітыкі і прыцягнення рэжыму да адказнасці.
• Прадстаўленне інфармацыі аб ваенных злачынствах Лукашэнкі, агрэссіі супраць Украіны і незаконным перамяшчэнні ўкраінскіх дзязей у Беларусь.
• Рассылка брыфа па сітуацыі са знікненнем Анжалікі Мельнікавай.
• Узняццё пытанняў становішча беларусаў у гэтых краінах — праблемы з пашпартамі і дакумантамі, атрыманнем статусам уцекача. Заклік да нацыянальных дэлегацый садзейнічаць вырашэнню гэтых пытанняў у сваіх краінах, кантактаў з дыяспарай і рэалізацыі Люксембургскіх рашэнняў.


3. Спецдакладчыкі ПАРЭ
• Сустрэчы з Генеральнымі дакладчыкамі ПАРЭ: Джордж Папандрэу (пра дэмакратыі), Ээрык-Нійлес Крос (па расійскім дэмсілам), Рышард Петру (па Беларусі), Азадэ Рожган (па палітвязнях), Эмануэліс Зінгарыс (па праваабаронцах), Валянціна Грыппа (медыя).
• Дамоўленасць аб перадачы інфармацыі, прапаноў і матэрыялаў да дакладаў і рэзалюцый.
• Абмеркаванне магчымасці правядзення сумесных сайд-івэнтаў у рамках ПАРЭ.

4. Палітычныя групы
• Далучэнне чальцоў дэлегацыі да трох найбуйнейшых палітычных груп ПАРЭ: EPP/CD, ALDE і SOC у якасці пастаянных гасцей.
• Сустрэчы з кіраўнікамі груп.
• Дамоўленасць аб рэгулярных брыфінгах па Беларусі і магчымасці выступаў па тэматыцы павесткі ПАРЭ.

“Быць мужным, каб удзельнічаць”

Сёння Юлія Юхно, прадстаўніца Народнай амбасады Беларусі ў Італіі выступіла на абласным кангрэсе FAI CISL Toscana і CISL Venezia.

У сваім выступе яна расказала, як за тры гады ініцыятыва пераўтварылася ў шырокую сетку культурніцкіх, гуманітарных і грамадзянскіх праектаў. Яна падкрэсліла важнасць партнёрства з італьянскімі прафсаюзамі і мясцовымі супольнасцямі. Менавіта праз іх удалося рэалізаваць дзясяткі ініцыятыў.

Разам з тым яна падзялілася цяжкасцямі, з якімі сутыкаюцца беларусы ў выгнанні. Юлія заклікала не раскапусціць крылы і ўдзельнічаць у актыўнасцях, падтрымліваць адно аднаго і заставацца бачнымі.

23-25 траўня ў Варшаве пройдзе IV Канферэнцыя беларусаў і беларусак свету!

У Варшаве ў траўні адбудзецца ўжо чацвёртая Канферэнцыя беларусаў і беларусак свету. Гэта магчымасць для прадстаўнікоў арганізацыяў, ініцыятываў і дыяспары, якія знаходзяцца за межамі краіны, сустрэцца афлайн, абмеркаваць актуальныя пытанні і разам будаваць будучыню.

Ваш голас важны! Каб улічыць вашыя патрэбы і прыярытэты, просім запоўніць анкету па фармаванні праграмы. Гэта зойме ўсяго 5 хвілінаў, але дапаможа зрабіць канферэнцыю максімальна карыснай і змястоўнай.

Хутка адкрыецца рэгістрацыя – сачыце за навінамі!

Аляксандра Мамаева з добрымі навінамі ад Народнай Амбасады ў Славеніі!

Прадстаўніца Народнай Амбасады Беларусі ў Славеніі Аляксандра Мамаева паведаміла пра добрыя навіны для беларускай дыяспары:

1️⃣ Сталі вядомыя выпадкі, калі дзяржаўныя органы Славеніі не патрабавалі ад беларусаў апастылі, якія немагчыма атрымаць. Афіцыйная пазіцыя Міністэрства ўнутраных справаў рэкамендуе не патрабаваць ад беларусаў даведак аб несудзімасці і шлюбе, а заменіць іх старымі даведкамі і заявай аб немагчымасці атрымаць гэтыя дакументы бяспечным шляхам.
2️⃣ Часовы від на жыхарства пачалі выдаваць без неабходнасці падаваць даведку аб несудзімасці.
3️⃣ Трэці кейс атрымання пашпарта замежніка.
4️⃣ Стала вядома пра тое, што сваякам беларускіх актывістаў у Славеніі выдаюцца доўгатэрміновыя шэнгенскія візы.

Гэтыя змены адбыліся дзякуючы намаганням грамадзянскай супольнасці і дэмакратычных сілаў Беларусі, якія актыўна супрацоўнічаюць з Народнай Амбасадай.

Падрабязней – у відэа!

Калі ў вас узнікаюць пытанні ў той ці іншай краіне, можна звярнуцца да Народных Амбасадаў:
➖Чат-бот для зваротнай сувязі: @PEofBelarus_bot
➖E-Mail: help@belarusabroad.org

⚡Сёння Юлія Юхно, прадстаўніца Народнай амбасады Беларусі ў Італіі, выступіла на абласным кангрэсе прафсаюза FNP CISL Toscana.

Яна расказала пра актуальную сітуацыю ў Беларусі, пра дзейнасць асацыяцыі "Талака" і Народнай амбасады Беларусі ў Італіі, а таксама пра рэалізаваныя праекты і новыя ініцыятывы.

У сваім выступе яна заклікала далучацца да падтрымкі беларусаў у іх змаганні за свабоду і правы чалавека.

🧑‍🏫👨🏼‍🏫 Школа народнай дыпламатыі

Паважаныя сябры і сяброўкі!
Народныя амбасады Беларусі працягваюць цыкл лекцый у школе народнай дыпламатыі.

У чацвер, 3 красавіка ў 20:00 па Менску (20:00 па Вільні ці 19:00 па Варшаве), нам прачытае лекцыю кандыдат гістарычных навук, дацэнт Роза Турарбекава.

Тэма лекцыі: «Канфлікты і іх урэгуляванне».

У сучасным ўсё больш няўстойлівым свеце расце запыт на разуменне таго, як узнікаюць канфлікты, развіваюцца і з дапамогай чаго яны рэгулююцца.
У час лекцыі, спадарыня Розы высветле такія пытанні як:
1. Тэорыя канфлікту аб прычынах яго ўзнікнення;
2. Класіфікацыі канфліктаў;
3. Міжнародныя канфлікты;
4. Структура канфлікту;
5. Палітычнае ўрэгуляванне канфліктаў.

Таксама будзе блок адказаў, дзе вы можаце задаць пытанні.

Для ўдзелу неабходна прайсці па спасылцы👇
❗https://us06web.zoom.us/j/86543701974?pwd=i62TvboTSZC5yzeTwZnoHuW76Hhoac.1

Чакаем вас!

#НА_адукацыя

Народныя амбасады | Ананімны зварот | Падтрымаць нас

🇨🇾 25 сакавіка, у Дзень Волі, прадстаўнікі і прадстаўніцы беларускай дыяспары на Кіпры сабраліся ў Rialto Theatre ў Лімасоле на адкрыцці тэатральнага фестывалю і прэм’еры спектакля «Voices from Chernobyl», пастаўленага паводле кнігі Святланы Алексіевіч

На мерапрыемстве прысутнічаў амбасадар Польшчы на Кіпры Марэк Шчэпановскі, які павіншаваў беларускую супольнасць з нагоды свята.

«Мы шчыра ўдзячныя спадару Амбасадару за падтрымку і ўдзел. У знак удзячнасці яму быў перададзены беларускі нацыянальны сцяг. Было прыемна бачыць, што шмат беларусаў прыйшлі на мерапрыемства — з нацыянальнай сімволікай, з цікавасцю да спектакля і гатоўнасцю быць разам у такі дзень», — адзначыла Алеся Пархоменка, прадстаўніца Народнай Амбасады Беларусі на Кіпры.

#ДзеньВолі

Народныя амбасады | Ананімны зварот | Падтрымаць нас

107 год 🤍❤️🤍

Прага да Волi ёсьць ў кожным.

107 год таму беларусы адчулі сваё. І нягледзячы на тое, што сваё хутка зрабілася небяспечным, яно глыбока пусціла карані ў душы і сэрцы.

Нас цешаць цёплыя ўспаміны пра ўсмешкі мінакоў і пачуццё еднасьці-2020 пад святочнымі бела-чырвона-белымі колерамі, лунаючымі над вуліцамі і ў вокнах дамоў.

Так, нашая памяць утрымлівае і іншыя моманты - горкія і балючыя сябрамі і роднымі, што пакутуюць за кратамі. Мабыць, гэта з таго з намі здарылася, што ня ўцямілі мы з часоў Кастуся Каліноўскага і Эміліі Плятэр: каты не разумеюць мову кветак. Нажаль, часы такія цяпер, што Воля - не падарунак Нябёсаў, мусім яе здабываць.

Але ж мы вольныя абіраць сябе. Калі мы баронім і будуем дабрабыт са сваёй сям’ёй - мы становімся мацнейшымі, а значыць, здольнымі дапамагаць і іншым беларусам. Значыць, гадаваць Беларусь там, дзе мы ёсьць. На тым і трымаемся, даражэнькія. Адолеем.

Са сьвятам!
Жыве Вольная Беларусь!
🤍❤️🤍

25 сакавіка – Дзень Волі, сімвал змагання беларусаў за дэмакратыю і годнасць. І ў выгнанні мы працягваем супраціў і барацьбу за свабодную будучыню.

Жыве Беларусь🤍❤️🤍#StandWithBelarus

У Таліне адкрыты Офіс дэмакратычных сілаў Беларусі

Святлана Ціханоўская наведала з працоўным візітам Талін. Ранкам яна ўзяла ўдзел ва ўрачыстым адкрыцці новага Офіса дэмакратычных сілаў Беларусі, кіраўніком якога будзе Віталь Малчанаў – прадстаўнік Святланы Ціханоўскай у Эстоніі і Латвіі. Падчас мерапрыемства з прамовамі выступілі эстонскія і беларускія палітыкі. Таксама адбылася цырымонія ўзнагароджання Марка Коплімаа – спецыяльнага прадстаўніка Эстоніі па справах дэмакратычных сілаў Беларусі.

На адкрыцці прысутнічалі ўплывовыя палітыкі і дыпламаты, у тым ліку – міністр замежных справаў Эстоніі Урмас Рэйнсалу,, старшыня Талінскага гарадскога савета Тоомас Круусімягі, генеральны сакратар МЗС Эстоніі Ёнатан Всевіаў, спецпасланнік Эстоніі па Беларусі Марка Коплімаа, прадстаўнікі МЗС Эстоніі Рыйна Кальюранд, Эрыка Элламаа-Оц, Кярт Юхасоо-Лаўрэнс, Дырэктарка офіса Паўночнай Рады Міністраў у Эстоніі Марыя Грацшэу, прадстаўнікі гарадскога ўраду, амбасадары Фінляндыі, Ірландыі, Швецыі, Нідэрландаў, Нарвегіі, Італіі, Малдовы, а таксама прадстаўнікі Латвіі, Францыі, ЗША, Румыніі, Канады, Украіны і іншых краінаў.

Беларуская лідарка ў сваім слове падзякавала Міністэрству замежных справаў Эстоніі за падтрымку і нагадала пра гістарычную сувязь паміж Беларуссю і Эстоніяй, а таксама – пра агульную барацьбу за свабоду і еўрапейскія каштоўнасці:

«На жаль, эстонцы добра ведаюць, што такое акупацыя. Вы разумееце, што адбываецца сёння на акупаваных тэрыторыях Украіны, і што адбываецца ў Беларусі – і хто за ўсім гэтым стаіць.

Менавіта таму мы – беларусы, эстонцы, украінцы, літоўцы, латышы, грузіны, малдаване – павінны быць разам. Мы павінны зрабіць усё магчымае, каб перашкодзіць Пуціну аднавіць Расійскую імперыю – турму народаў.

Сёння Эстонія дапамагае беларусам і ўкраінцам змагацца з расійскім імперыялізмам. Пасля гвалтоўнага захопу ўлады Лукашэнкам у 2020 годзе Эстонія прыняла сотні беларускіх палітычных уцекачоў. Шмат хто з іх застаўся ў Эстоніі і робіць унёсак у эканоміку, грамадства і дэмакратыю краіны. Мы вельмі ўдзячныя вам за тое, што падаеце нам руку дапамогі ў гэты няпросты час.

Я ўпэўненая, што адкрыццё нашай місіі ў Таліне дасць практычныя вынікі».

🏴󠁧󠁢󠁳󠁣󠁴󠁿 Прадстаўніца Народнага консульства Беларусі ў Шатландыі прыняла ўдзел у першых стратэгічных кансультацыях дэмакратычных сілаў Беларусі з брытанскім урадам

Сустрэча адбылася ў Лондане 21 сакавіка. Брытанскі бок узначальваў дырэктар дэпартаменту Форын офісу па Усходняй Еўропе і Цэнтральнай Азіі Крыс Алан, беларускі бок – дарадца Святланы Ціханоўскай па дыпламатычных пытаннях Дзяніс Кучынскі.

Прадстаўніца Народнага консульства Беларусі ў Шатландыі Ірына Маклейн падняла шэраг важных пытанняў, якія датычацца праблем, з якімі сутыкаюцца беларусы не толькі ў Вялікабрытаніі, але і па ўсім свеце.

“Я расказала пра тое, што беларуская дыяспара нясе ў сабе вялізны патэнцыял, што сярод нас шмат экспертаў і прафесіяналаў і гэтым трэба карыстацца. Таксама казала аб патрэбах дыяспары. А каб іх зразумець і ацаніць трэба правесці перапіс беларусаў і беларусак замежжа, улічваючы той факт, якая вялізная колькасць людзей выехала з краіны пасля выбараў 2020 і дакладная колькасць нікому не вядома. Таксама нам патрэбна падтрымка і ментарства, магчыма, ад іншых дыяспар і, вядома, інстытуалізацыя дыяспаральных арганізацый, таму што ідзе чаканы спад актыўнасці і валанцёрам і валанцёркам вельмі цяжка трымацца на плаве.“

Падрабязней пра мэты, узнятыя пытанні і вынікі кансультацый па спасылцы.

Народныя амбасады | Ананімны зварот | Падтрымаць нас

🇨🇾 Па запрашэнні Марэка Шчэпаноўскага, амбасадара Польшчы на Кіпры, Алеся Пархоменка, прадстаўніца Народнай Амбасады Беларусі на Кіпры, наведала тэатральную пастаноўку  Sticky Fingers Club, якая адбылася 21 сакавіка ў Rialto Theatre ў Лімасоле

"Я шчыра ўдзячная спадару Амбасадару за запрашэнне наведаць гэтую заўважную культурную падзею. Было карысна таксама абмяняцца меркаваннямі па бягучым парадку дня, у тым ліку па падзеях культурнага жыцця беларускай супольнасці на Кіпры. Такія сустрэчы — не толькі знак салідарнасці, але і прастора для дыялогу, і магчымасць абмеркаваць новыя супольныя дзеянні", - паведаміла Алеся.

Народныя амбасады | Ананімны зварот | Падтрымаць нас

❤️ Адсвяткуем Дзень Волі разам!

25 сакавіка – адно з галоўных святаў нашай краіны, нашай незалежнасці. У гэты дзень, 107 год таму, была заснавана Беларуская Народная Рэспубліка. Для беларусаў сёння Дзень Волі - гэта дзень супраціву дыктатуры і барацьбы за дэмакратыю.

Беларусы і беларускі замежжа, далучайцеся да святкавання!

Як гэта можна зрабіць?

🗣 Распавядайце пра Дзень Волі ў сваіх сацыяльных сетках, дзеліцеся навінамі;
🤍❤️🤍 Выкарыстоўвайце бел-чырвона-белую сімволіку ды адзенне;
📅 Арганізоўвайце і наведвайце акцыі, імпрэзы, культурніцкія мерапрыемства ў вашых гарадах;
✍️ Пішіце лісты палітвязням!

Расклад і спіс мерапрыемстваў па ўсім свеце па спасылцы. Спампаваць матэрыялы для друку і публікацый можна тут.

Беларусы і беларускі замежжа, распаўсюджвайце інфармацыю аб мерапрыемствах па чатах вашых дыяспар — гэта ўжо будзе вялікі ўклад у нашую агульную справу! 

Верым, што абавязкова настане той час, калі мы ўсе разам пройдзем у гэты дзень маршам па нашых гарадах і ў Роднай Новай Беларусі!

Захаваем гэты дзень, Дзень Волі, як сімвал нашай барацьбы і свабоды!
Жыве Беларусь! ❤️

#ДзеньВолі

Народныя амбасады | Ананімны зварот | Падтрымаць нас

🇨🇾 5 сакавіка падчас форуму "ЗША-Кіпр: умацаванне гандлёва-эканамічных сувязей" адбылася сустрэча прадстаўніцы Народнай амбасады Беларусі на Кіпры з амбасадаркай ЗША на Кіпры Джулі С. Дэвіс (Д. Фішэр)

«Мы шчыра дзякуем амбасадарке Дэвіс за падтрымку беларускіх дэмакратычных сіл і дыяспары, а таксама за адданасць вырашэнню праблем, з якімі сутыкаюцца беларусы на Кіпры і ва ўсім свеце» - паведаміла Народная амбасада Беларусі на Кіпры.

Народныя амбасады | Ананімны зварот | Падтрымаць нас

🇮🇹 6 і 7 сакавіка ў Рыме адбылася другая сустрэча Альянсу парламенцкіх групаў «За дэмакратычную Беларусь»

Галоўнай тэмай стала абмеркаванне ўзаемадзеяння нацыянальных парламентаў у пытаннях правоў і аўтарытарызму на прыкладзе Беларусі. У межах мерапрыемства былі ўзняты ключавыя пытанні:
🔹 Падтрымка дэмакратыі і роля нацыянальных парламентаў у лічбавую эпоху;
🔹 Абарона правоў чалавека і асноўныя механізмы падтрымцы;
🔹 Культурная ідэнтычнасць і грамадзянская супольнасць;
🔹 Прававыя і адміністрацыйныя выклікі.

Панэль “Прававыя і адміністрацыйныя выклікі” мадэравала Аляксандра Мамаева. На сустрэчы яна прадстаўляла як Народную амбасаду Беларусі ў Славеніі, так і Міжнародную камісію Каардынацыйнай Рады, якую яна ўзначальвае.

«З улікам цяперашняй геапалітычнай сітуацыі і змены балансу сіл у свеце, сустрэча таксама стала пляцоўкай для абмеркавання будучыні Еўропы і новага сусветнага парадку. Гучалі заклікі, падтрыманыя ўдзельнікамі, што Еўрапейскі Саюз павінен узмацніць сваю ролю і кампенсаваць аслабленне ўплыву ЗША, у тым ліку скарачэнне міжнароднай фінансавай падтрымкі, якая раней ажыццяўлялася праз USAID.

Беларусь у гэтым кантэксце разглядалася як неад’емная частка еўрапейскай прасторы. Гучалі заявы пра тое, што будучыня Еўропы залежыць ад яе здольнасці ўзмацняць свае пазіцыі, развіваць уласныя ўзброеныя сілы і пашырацца, інтэгруючы краіны Усходняга партнёрства – Беларусь, Украіну, Малдову і Грузію», - паведаміла Аляксандра.

Па выніках форуму 30 сенатараў і парламентароў розных краінаў падпісалі «Рымскі мемарандум».

Адной з арганізатарак сустрэчы і мадэратаркай панелі «Культурная ідэнтычнасць і грамадзянская супольнасць» была Юлія Юхно, прадстаўніца Народнай амбасады Беларусі ў Італіі.

Гэтая сустрэча Альянсу стала важным крокам у падтрымцы Беларусі, а таксама пляцоўкай для абмену практычнымі рашэннямі і ідэямі аб тым, як сумеснымі намаганнямі дасягнуць незалежнай, дэмакратычнай і еўрапейскай Беларусі.

Народныя амбасады | Ананімны зварот | Падтрымаць нас

«Калі мы страцім праўду – страцім дэмакратыю»

Падчас працоўнага візіту ў Італію Святлана Ціханоўская узяла ўдзел у важным івэнце, прысвечаным прэміі Сахарава. Мерапрыемства было ў Мілане, яго арганізаваў Еўрапейскі парламента і падтрымалі Народная амбасада Беларусі ў Італіі і рэгіён Ламбардыя.

У івэнце ўдзельнічалі:

🔸Маурыцыа Малінары, прэс-сакратар Еўрапарламента ў Італіі;
🔸Піна Пічерно і Антонела Сберна, віцэ-прэзідэнты Еўрапарламента;
🔸 Юлія Юхно, прадстаўніца Народнай амбасады Беларусі ў Італіі.

Святлана Ціханоўская падкрэсліла, што сёння Беларусь і яе народ маюць права быць пачутымі, і што свабодная Беларусь не будзе пагрозай для Еўропы. Значэнне прэміі Сахарава яна адзначыла як знак міжнароднай салідарнасці  і падтрымкі дэмакратыі.

✨Падчас мерапрыемства распачалася выстава мастачкі Ксішы Ангелавай, прысвечаная гісторыі прэміі Сахарава, яе пераможцам, а таксама беларускім палітвязням. Святлана Ціханоўская адзначыла важнасць такіх ініцыятыў для павышэння дасведчанасці пра рэпрэсіі ў Беларусі.

Святлана Ціханоўская ў Балонні: вынікі візіту

🔺У Балонні Святлана Ціханоўская сустрэлася з мэрам горада Матэа Лепарэ, дзе абмяркоўвалася падтрымка беларускай дыяспары, культурніцкія і адукацыйныя ініцыятывы, а таксама магчымасці рэабілітацыі беларусаў, якія пацярпелі ад рэпрэсій.

🔺Святлане Ціханоўскай прысвоілі статус ганаровай грамадзянкі Балонні – гэта важны знак салідарнасці з беларускім народам.

🔺Лідарка наведала могілкі польскіх жаўнераў Арміі Андэрса, дзе былі ўшанаваныя беларусы, якія ўдзельнічалі ў вызваленні горада падчас Другой сусветнай вайны.

🔺Вечарам была сустрэча з беларускай дыяспарай BelarusBo і прэзентацыя кнігі «Беларусь жывая паміж дыктатурай і супрацівам». Удзельнікі абмеркавалі новыя ініцыятывы, накіраваныя на падтрымку палітвязняў, дапамогу ваярам палка Каліноўскага і развіццё супрацоўніцтва з мясцовымі ўладамі.

Народная амбасада Беларусі дзякуе ўсім, хто далучыўся да мерапрыемстваў!

5 сакавіка ў Варшаве адбыўся семінар Рады Еўропы па адмене смяротнага пакарання ў Беларусі – палітычнае вымярэнне

Мерапрыемства было прысвечана абмеркаванню палітычнага вымярэння адмены смяротнага пакарання і сабрала прадстаўнікоў ОСЦ, АПК, Каардынацыйнай рады, праваабаронцаў, адвакатаў і іншых экспертаў.

Падчас семінара разглядалася не толькі бягучая сітуацыя ў Беларусі, але і канкрэтныя крокі, якія могуць зрабіць дэмакратычныя сілы Беларусі і Рада Еўропы.

Як адзначыла прадстаўніца Народнай амбасады Беларусі ў Славеніі Аляксандра Мамаева, якая таксама ўдзельнічала ў мерапрыемстве:

«Важным вынікам стаў палітычны кансэнсус усіх удзельнікаў. Прадстаўнікі Каардынацыйнай рады прапанавалі правесці слуханні па гэтым пытанні, а таксама распрацаваць рэзалюцыю аб неабходнасці адмены смяротнага пакарання ў Беларусі. Яна можа стаць асновай для агульнай пазіцыі ўсіх дэмакратычных сіл і першым крокам да ўступлення Беларусі ў Раду Еўропы».

Фота: ПЦ «Вясна»

Народныя амбасады | Ананімны зварот | Падтрымаць нас

🌍 «Правовая инициатива» запустила полезный инструмент для беларусов в миграции — “Навигатор безопасных перемещений”.

🗺 Он охватывает 193 страны ООН + 8 частично признанных территорий. С помощью “Навигатора” можно оценить, куда безопаснее переезжать и в какие страны можно путешествовать, не опасаясь за свою жизнь.

⚖️ Мы учли множество факторов: от отношений стран с Лукашенко до случаев экстрадиции и общей ситуации с правами человека.

✅ Пользоваться им очень просто и удобно - вы просто выбираете страну и сразу видите всю информацию, касающуюся вашей безопасности пребывания.

Саму интерактивную карту вы можете найти на нашем сайте.

📌 Поддержать работу Правовой Инициативы:
PATREON | PAYPAL | BUY ME A COFFEE | BITCOIN: bc1qwh8zku6lfdqs8cpuuayz6zmdp8ee676tq64m7w

🇬🇧 Беларусы і беларускі Лондана далучыліся да акцыі з нагоды трэцяй гадавіны поўнамаштабнага ўварвання Расеі ва Украіну

Крыніца: Народная амбасада Беларусі ў Велікабрытаніі

Беларусы Замежжа | Даслаць навіну

🇸🇪 Учора, 24 лютага, у Стакгольме адбылася акцыя з нагоды трэцяй гадавіны поўнамаштабнай агрэсіі Расеі супраць Украіны

Разам са шведскімі і замежнымі дыпламатамі ўдзел у мерапрыемстве таксама прыняла Народная амбасада Беларусі ў Швецыі.

«Наша пазіцыя ясная: свабода, дэмакратыя і нацыянальны суверэнітэт не павінны быць абмежаваныя «сферамі ўплыву», навязанымі імперыямі. Незалежнасць і тэрытарыяльная цэласнасць Украіны не падлягаюць абмеркаванню».

Жыве Беларусь! ✊ 
Слава Україні!  🇺🇦

Народныя амбасады | Ананімны зварот | Падтрымаць нас

Учора Юлія Юхно, прадстаўніца Народнай амбасады Беларусі ў Італіі, наведала паказ фільма “LUDZIE (GENTE)” па запрашэнні пасла Польшчы пры Ватыкане.

Мерапрыемства арганізавалі амбасадары Украіны і Польшчы пры Святым Пасадзе. Яго прымеркавалі да трэцяй гадавіны пачатку поўнамаштабнага ўварвання Расіі ва Украіну.

Паказ быў у Рыме, у ім брала ўдзел здымачная група, якую ўзначальваў рэжысёр Maciej Ślesicki.

Пасля паказа была кароткая сустрэча з амбасадарамі, дзе абмеркавалі сумесныя планы на будучыню.

Святлана Ціханоўская – з нагоды трэцяй гадавіны пачатку поўнамаштабнай вайны

«Абмяркоўваць вайну няпроста. Часам здаецца, што сказаць нешта новае ўжо немагчыма. З самага дзяцінства нас вучаць, што вайна – гэта трагедыя, і няма нічога, што можа апраўдаць жорсткае кровапраліцце, зруйнаваныя гарады і бясконцыя смерці. У школах і ўніверсітэтах нам распавядаюць пра каштоўнасць чалавечага жыцця. Як жа атрымалася, што ўжо тры гады працягваецца поўнамаштабная вайна ва Украіне?

Расія пазбягае слова «вайна». Мы не пачуем ад пуцінскага рэжыму пра разбурэнні і смерці. Не даведаемся пра больш за 600 забітых дзяцей і сотні людзей, сталых і маладзёнаў, якія гінуць штодня. Замест гэтага прапаганда расказвае пра «подзвігі» і «мужнасць». Мы зноў і зноў чуем байкі пра «абароненасць» і «стабільнасць». Але давайце паглядзім праўдзе ў вочы. Раней мы думалі: «абы не было вайны». Тым не менш, яна ўжо ідзе – і Расія з кожным днём памнажае яе жахі. Мы можам не заўважаць бамбардзіроўкі жылых дамоў, ігнараваць гвалт у Бучы і Ірпені, пазбягаць навінаў, спрабаваць жыць, як звычайна, і абстрагавацца ад рэчаіснасці. Але людзі не перастануць паміраць.

Расія ўпілася каранямі ў нашую краіну і зрабіла саўдзельнікамі гэтай вайны. Але беларусы не жадаюць такога «паплечніка»: ні ў якасці «старэйшага брата», ні ў якасці крэдытора, ні ў якасці палітычнага партнёра. Мы, беларусы, – самадастатковая нацыя. Мы супраць вайны і імкнёмся выхоўваць дзяцей, якія шануюць мір і волю, а не адгароджваюцца ад іншых калючым дротам.

Таму я звяртаюся да вас з заклікам: не дайце шанцу «рускаму міру» прарасці ў вас. Не верце ніводнаму слову пра «неабходныя страты» і «дэнацыфікацыю». Цяпер, калі на гарызонце віднеецца магчымасць перамоваў, мы ўсе спадзяёмся, што хутка ва Украіне настане мір. Але важна памятаць, хто развязаў гэтую вайну і на кім ляжыць адказнасць за сотні тысяч бессэнсоўных смерцяў».

Фота: David Parry/PA

❤️🇺🇦 Беларусы Італіі разам з Украінай

23 лютага беларусы выйшлі разам з украінцамі на вуліцы італьянскіх гарадоў і далучыліся да мітынгаў з нагоды поўнамаштабнага ўварвання Расеі ва Украіну.

На акцыі ў Фларэнцыі, разам з дэпутатам Еўрапарламента, выступіла прадстаўніца Народнай амбасады Беларусі ў Італіі Юлія Юхно:

«Мы падтрымліваем Украіну і змагаемся супраць агульнага ворага. Наша салідарнасць — гэта не проста маральны абавязак, гэта частка нашай уласнай барацьбы.
Беларусы — на баку Украіны, і ў гэтым няма сумневаў».

Жыве Беларусь! Слава Україні!

Народныя амбасады | Ананімны зварот | Падтрымаць нас

🇦🇹 Беларусы і беларускі Аўстрыі далучыліся да боскай літургіі за перамогу над ворагам і справядлівы мір, якая адбылася ва ўкраінскай царкве ў Клагенфурце

Прадстаўніца Народнай амбасады Беларусі ў Аўстрыі перадала спісы беларускіх дабраахвотнікаў, якія аддалі сваё жыццё за мір ва Украіне. Гэты крок сімвалізуе салідарнасць і падтрымку паміж народамі, якія змагаюцца за агульныя каштоўнасці – незалежнасць і будучыню. 

Імёны герояў прагучаць у малітвах, ушаноўваючы іх подзвіг і адвагу. Гэта важны знак памяці, які нагадвае пра цану свабоды і смеласць тых, хто не пабаяўся стаць на абарону праўды.

Беларусы працягваюць падтрымліваць украінскі народ, шануючы памяць тых, хто пайшоў у вечнасць дзеля будучыні без прыгнёту і вайны.

Народныя амбасады | Ананімны зварот | Падтрымаць нас

⚡Учора ў Брэшыі адкрылася выстава «Bielorussia: 30 anni di regime in 30 manifesti» дызайнера Артура Вакарава

Гэта ўвасабленне трыццаці гадоў дыктатуры, рэпрэсій і супраціву беларусаў.

На адкрыцці з прамовай выступіла Юлія Юхно, прадстаўніца Народнай амбасады Беларусі ў Італіі. Яна падзякавала арганізатарам і партнёрам за іх увагу да Беларусі.

Мы ўдзячныя Federico Manzoni, Giovanni Rocchi, Francesca Bazoli, Filippo Perrini і Giulia De Florio за падтрымку і салідарнасць.

Калі праўда гучыць – дыктатура робіцца больш слабай. Дзякуй усім, хто нас чуе і дае магчымасць гаварыць!

❤️ Тут гучаць радкі з верша Ларысы Геніюш «Мова мая» на беларускай і італьянскай мовах

Па ўсім свеце сёння адзначаюць дзень роднай мовы.

Размаўляйце на ёй, вывучайце яе. А можна адразу з дзвюма мовамі знаёміцца — напрыклад, праз нашу рубрыку «Моўная хвілінка». Уводзьце ў пошук, альбо шукайце ў хайлайтсах (Bella mova) інстаграма "Талакі"❤️

Заява Аб’яднанага Пераходнага Кабінета Беларусі адносна месца і будучыні Беларусі ў архітэктуры рэгіянальнай бяспекі ў Еўропе

На пасяджэнні Аб’яднанага Пераходнага Кабінета 19 лютага 2025 года прынятая заява адносна месца і будучыні Беларусі ў архітэктуры рэгіянальнай бяспекі ў Еўропе.

Аб’яднаны Пераходны Кабінет Беларусі заяўляе наступнае:

Кабінет лічыць стратэгічна важнай і цалкам падзяляе пазіцыю Прэзідэнта Украіны Уладзіміра Зяленскага, агучаную падчас Мюнхенскай канферэнцыі па пытаннях бяспекі, у якой падкрэслена, што «ўсходняя мяжа Украіны, усходняя мяжа Беларусі, усходнія межы краін Балтыі, усходняя мяжа Фінляндыі – гэта самая моцная лінія бяспекі для ўсіх нас у Еўропе таму, што гэта рыса міжнароднага права».

Кабінет адзначае, што рэгіянальная бяспека можа быць рэальна гарантавана толькі пры ўмове існавання незалежнай дэмакратычнай і еўрапейскай Беларусі.

Падкрэсліваем неабходнасць правядзеня перамоў пра будучыню рэгіянальнай бяспекі ў Еўропе з улікам інтарэсаў беларускага народу, Украіны і Еўрапейскага саюзу.

Кабінет упэўнены, што беларускі народ можа стаць донарам сістэмы рэгіянальнай бяспекі пры ажыццяўленні дэмакратычных змен у Беларусі, і будзе рабіць усё магчымае, каб беларусы занялі сваё годнае месца ў еўрапейскай сям’і народаў.

Варшава, Вільнюс
19 лютага 2025 года

@CabinetBelarus

🇫🇷 Пра лёс беларусаў у эміграцыі і жаданне жыць па-беларуску, а не па-мясцоваму

Ці ёсць у нас беларускасць?
Беларусамі становяцца?
Ці сфармаваліся беларусы як нацыя?
Чаму беларусы адмовіліся ад сваёй гісторыі, культуры, мовы?
Якая мы нацыя і якую гісторыю пішам?
А ці патрэбна нам нацыянальная ідэя?
Што такое французская нацыянальная ідэя?
Дзе беларусы хаваліся раней?
Нашыя надзеі разбіліся?
Чаго мы хочам і куды мы ідзём?

Адказы на гэтыя і іншыя пытанні ад прадстаўніцы Народнай амбасады Беларусі ў Францыі Алісы Саракваш глядзіце ў новым выпуску Еўрарадыё «Ідэя Х».

https://youtu.be/QzKQ9NeyKKQ?si=Xhi3UoTeehzJO-Aw

Народныя амбасады | Ананімны зварот | Падтрымаць нас

💫 Народныя амбасады Беларусі прынялі ўдзел у Форуме Касцюшкі ў Гданьску

Мерапрыемства стала важнай пляцоўкай для абмеркавання беларускага пытання на высокім палітычным узроўні як у Польшчы, так і сярод міжнародных партнёраў.

Гэта таксама і магчымасць сустрэцца з прадстаўнікамі і прадстаўніцамі беларускіх дэмакратычных сілаў, абмеркаваць пытанні нацыянальнага адраджэння, актывізму і адукацыі.

У дыскусіі «Круглага стала» на тэму актывізму прыняла ўдзел прадстаўніца Народнай амбасады Беларусі ў Славеніі Аляксандра Мамаева. Адным з ключавых пытанняў было тое, як актывізм у Беларусі сёння звязаны з палітыкай.

«Насамрэч, ва ўмовах сучаснай Беларусі актывізм сам па сабе стаў палітыкай. Сёння існуе шмат ініцыятываў, якія злучаюць грамадзянскую супольнасць з дэмакратычнымі цэнтрамі. Народныя амбасады Беларусі – адзін з такіх праектаў, які служыць мостам паміж дэмакратычнымі сіламі Беларусі і палітыкамі, дыпламатамі краін, дзе дзейнічаюць Народныя амбасады, а таксама з’яўляецца кропкай уваходу для беларусаў і беларусак у гэтых краінах», — паведаміла Аляксандра.

Другім важным пытаннем стала тое, што натхняе актывістаў і актывістак працягваць сваю дзейнасць ужо пяты год. Адзін з фактараў – гэта самаарганізацыя людзей, якія аб’ядналіся вакол агульнай ідэі. Падобныя структуры, што ўзніклі ў 2020 годзе, працягваюць працаваць і сёння. Іх удзел у палітычным жыцці добра ілюструе паспяховае супрацоўніцтва з Парламенцкай асамблеяй Рады Еўропы па прыняцці спецыяльных рэзалюцый, якія тычацца праблем беларусаў і беларусак у выгнанні.

«У гэтай працы задзейнічаны беларускія эксперты, была арганізавана канферэнцыя «Люксембургскія рашэнні», а таксама выдадзены дапаможнік з канкрэтнымі рэкамендацыямі для парламентаў. Гэта сведчыць пра тое, наколькі эфектыўна экспертная супольнасць і грамадзянская супольнасць могуць працаваць разам з палітычнымі цэнтрамі для прасоўвання важных пытанняў», — дапаўняе Аляксандра.

Народныя амбасады | Ананімны зварот | Падтрымаць нас

"Цяпер, як ніколі, нам важна быць разам. Такія сустрэчы – гэта не проста мерапрыемствы: гэта наша сіла, падтрымка і салідарнасць"

Гэтыя словы сёння прамовіла Юлія Юхно, прадстаўніца Народнай амбасады Беларусі ў Італіі. Яна наведала мітынг «Свабодныя народы супраць расійскай дыктатуры», што праходзіў у Рыме.

У Беларусі сёння як мінімум 1230 палітвязняў. Гэта тыя, хто не скарыўся дыктатуры. Нашы людзі працягваюць змагацца за свабоду, нягледзячы на рэпрэсіі. Марыя Зайцава і іншыя беларусы аддалі свае жыцці за перамогу Украіны і свабоду Беларусі. І сёння на перадавой нашыя землякі працягваюць адстойваць права на свабоду абедзвюх краін.

Беларусь не скарылася! Наш супраціў не спыніўся і не спыніцца! Мы працягваем барацьбу разам – з украінцамі, грузінамі і ўсімі, хто супрацьстаіць дыктатуры і імперыялізму.

Жыве Беларусь! 🤍❤️🤍 ✊

❤️ Шрэдар-пол — вынікі акцыі «Лукашэнка ў шрэдар» ад Народных амбасадаў Беларусі

Падчас выбараў звычайна праводзіцца exit poll — апытанне на выхадзе з выбарчых участкаў пасля галасавання. Але ж той фарс, які адбываўся ў Беларусі 26 студзеня, немагчыма назваць выбарамі. Таму мы вырашылі зрабіць shredder poll — апытанне на уваходзе бюлетэняў у шрэдар у працэсе галасавання.

У межах акцыі ўсім ахвотным прапанавалася выбраць з 6 бюлетэняў — супраць якога Лукашэнка яны хочуць прагаласаваць, і апусціць адзін альбо некалькі з іх у шрэдар:

1⃣Прыхільнік гітлера
У 1995 годзе Лукашэнка заявіў, што бачыць нацысцкую Германію ў якасці ўзору для прэзідэнцкай рэспублікі ў Беларусі;

2⃣Тыран
У 1996 годзе Лукашэнка пры падтрымцы Расіі арганізаваў дзяржаўны пераварот, распусціў парламент і атрымаў неабмежаваную ўладу;

3⃣Забойца
У 1999 годзе Лукашэнка загадаў выкрасць і забіць сваіх асноўных палітычных апанентаў. Іх целы да гэтага часу не знойдзеныя;

4⃣Тэрарыст
У 2010 годзе Лукашэнка загадаў арыштаваць усіх кандыдатаў, якія хацелі балатавацца супраць яго на прэзідэнцкіх выбарах, і жорстка падавіць пратэсты супраць фальсіфікацыі выбараў;

5⃣Злачынца супраць чалавечнасці
З 2020 года ў выніку гвалтоўнага падаўлення прадемакратычнага руху было арыштавана і падвергнута катаванням больш за 60 000 беларусаў, больш за паўмільёна былі вымушаны з'ехаць у выгнанне. Паводле дадзеных ААН, узровень і цяжар катаванняў могуць кваліфікавацца як злачынствы супраць чалавецтва;

6⃣Ваенны злачынца
У 2022 годзе Лукашэнка дазволіў расійскім войскам-акупантам пачаць агрэсіўную вайну супраць Украіны з тэрыторыі Беларусі і выкарыстоўваць беларускую зямлю для лагістычнай падтрымкі гэтай агрэсіі і абстрэлаў украінскай тэрыторыі.

Вынікі наступныя:

🇸🇮 У Любляне два кандыдаты "ваенны злачынца" (нумар6⃣у выбарчым спісе) і "злачынца супраць чалавечнасці" (нумар5⃣) набралі аднолькавую колькасць галасоў — другі тур не спатрэбіўся;

🇵🇱 У Варшаве (галасаванне таксама праходзіла падчас паседжання Каардынацыйнай Рады і маршу) першае месца атрымаў нумар5⃣у выбарчым спісе — "злачынца супраць чалавечнасці";

🇫🇷 У Ніцы з мінімальнай перавагай "перамог" Лукашэнка-тэрарыст, нумар4⃣у выбарчым спісе;

🇮🇱 У Тэль-Авіве большасць прагаласавала за супраць1⃣нумара ў выбарчым спісе — "прыхільніка Гітлера";

У 🇮🇹 Балонні не атрымалася вызначыць "пераможцу". Больш таго, кожны з 6 "кандыдатаў" набраў прыкладна па 20% — гэта магчыма, бо зрабіць выбар было насамрэч цяжка і людзі апускалі ў шрэдар некалькі бюлетэняў;

🇪🇪 У Таліне першае месца за нумарам4⃣у выбарчым спісе - "тэрарыст";

🇸🇪 У Стакгольме "перамогу" атрымаў "ваенны злачынца", нумар6⃣у выбарчым спісе;

🇦🇹 У Аўстрыі была магчымасць прагаласаваць ажно ў трох гарадах: Вене, Грацы і Клагенфурце. У выніку "перамог" нумар2⃣у выбарчым спісе - "тыран";

У 🇺🇸 Сакрамэнта, 🇩🇪 Кёльне, 🇬🇧 Лондане і 🇺🇸 Шарлат не атрымалася вызначыцца, якога Лукашэнка людзі ненавідзяць больш, таму ўсе "кандыдаты" набралі прыкладна аднолькавую колькасць галасоў.

Але нельга проста так узяць і перастаць апускаць Лукашенка ў шрэдар — зараз гэтая магчымасць ёсць ва ўсіх наведвальнікаў Офісу дэмакратычнай Беларусі ПАРЭ ў Страсбургу.

Таксама шрэдар і бюлетэні будуць перададзены ў Музей Вольнай Беларусі ў Варшаве.

Жыве Беларусь! ❤️

#бязвыбары2025

Народныя амбасады | Ананімны зварот | Падтрымаць нас

Прадстаўніца Народнай амбасады Беларусі ў Італіі Юлія Юхно правяла сустрэчы ў Міністэрстве замежных спраў і Міністэрстве ўнутраных спраў Італіі

На сустрэчах узнялі ключавыя пытанні, важныя для беларусаў за мяжой:

🔹 візавая падтрымка беларусаў і працэсы легалізацыі ў Італіі;
🔹 супольныя праекты і дапамога беларускім уцекачам;
🔹 распаўсюджванне інфармацыі пра сітуацыю ў Беларусі;
🔹 інфармаванне паліцыі і тэрытарыяльных камісій аб рэпрэсіях у Беларусі.

Беларусы пазбаўленыя многіх звычайных механізмаў падтрымкі, што даступныя іншым народам. Таму надзвычай важна рэгулярна праводзіць такія сустрэчы, каб даносіць актуальную інфармацыю, наладжваць супрацоўніцтва і знаходзіць новыя шляхі для падтрымкі нашых людзей.

Спадзяёмся на разуменне таго, што адбываецца ў нашым рэгіёне,  на доўгатэрміновае партнёрства і вырашэнне ключавых праблем.

🎞️ На фота дыпламатычны саветнік міністра ўнутраных спраў Марко Віллані і Юлія Юхно.

🌍 Акцыі беларусаў замежжа з нагоды бязвыбараў у Беларусі

26 студзеня 2025 года ў Беларусі прайшлі так званыя прэзідэнцкія выбары, падчас якіх Лукашэнка чарговы раз незаконна ўзурпаваў уладу. Выбарчыя камісіі складаліся толькі з прыхільнікаў рэжыму, незалежнае назіранне было забаронена — вынікі такіх «выбараў» былі ўсім вядомы загадзя.

Каля 2 мільёнаў беларусаў і беларусак замежжа пазбавілі права голасу. Каб прыняць удзел у галасаванні нам прапанавалі прыехаць у Беларусь.

У адказ на гэтае ў шматлікіх гарадах і краінах свету адбыліся мерапрыемства супраць бязвыбараў.

Акцыі «Лукашэнка ў шрэдар» ад Народных амбасадаў Беларусі прайшлі ў Любляне, Варшаве, Ніцы, Тэль-Авіве, Сакрамэнта, Таліне , Балонні, Кёльне, Стакгольме, Аўстрыі (Вене, Грацы, Клагенфурце), Лондане, Шарлат. Да акцыі таксама далучыліся чальцы і чаліні Каардынацыйнай Рады.

Розныя бюлетэні з выявамі Лукашэнка з задавальненнем апускалі ў шрэдар і ў Вільні, Брусэлі, Філадэльфіі.

У Варшаве падчас маршу беларусы пранеслі па вуліцах горада вялізарны бел-чырвона-белы сцяг даўжынёй 330 метраў.

Акцыі і мерапрыемствы таксама адбыліся ў Кіеве, Вільні, Чыкага, Празе, Уроцлаве, Клайпедзе, Беластоку, Рызе, Швейцарыі, Любліне, Берліне і інш. гарадах і краінах свету.

Дзякуючы ўсім вам, кожнаму і кожнай, хто не здаецца і не перастае змагацца - галасы беларусаў замежжа чутныя!
Чутныя і ўсяляюць упэўненасць у дэмакратычных краінах, чутныя і грэюць веру вольных духам беларусаў і беларусак у Беларусі, а гэтак жа прымушаюць баяцца няўхільнасці кары за злачынствы дыктатарскага рэжыму і яго паслугачоў.

Пахне Чабор!
Жыве Беларусь!
🤍❤️🤍

Беларусы Замежжа | Даслаць навіну

⚡ВАЖНА!

Адміністратары telegram-канала "Беларусі Гаюн" паведамілі пра тое, што іхні бот хтосьці ўзламаў.

Беларусы, якія адпраўлялі туды паведамленні, фота і відэа, мелі акаунт на беларускім нумары, апынуліся пад пагрозай.

За сувязь з "Беларускім Гаюном" пагражае крымінальная адказнасць. Калі вам трэба:

📌эвакуацыя з Беларусі — звяртайцеся ў службу эвакуацыі BySol — @help_bysol;

🔸для таго, каб "пачысціць" гаджэты і даведацца нюансы ў лічбавай бяспецы, ацаніць асабістыя рызыкі —  пішыце ў @tech_rescuer1 (служба тэхнічнай падтрымкі фонда "Краіна для Жыцця");

🔸каб паведаміць пра рэпрэсіі ў дачыненні да сябе ці блізкіх — пішыце праваабаронцам у @ViasnaSOS. Дзеля бяспекі рабіце гэта праз родных і знаёмых за мяжой.

Будзьце пільнымі!

🇺🇸 26 студзеня да акцыі «Лукашенка ў шрэдар» ад Народных амбасадаў Беларусі таксама далучыліся і Беларусы Шарлат

Мерапрыемства было заарганізавана суполкай «Беларускія сцежкі Караліны», сябрамi АБА.

Народныя амбасады | Ананімны зварот | Падтрымаць нас

✊Народная Амбасада Беларусі ў Італіі падтрымлівае Украіну ў яе змаганні за свабоду.

Таму разам з Нацыянальным саюзам журналістаў Украіны, Беларускай асацыяцыяй журналістаў і Нацыянальнай скаўцкай арганізацыяй Украіны «Пласт» мы арганізуем міжнародны праект «Паняволеныя галасы Беларусі і Украіны».

Гэта выстава, прысвечаная беларускім, украінскім і крымскататарскім журналістам, якія знаходзяцца ў турмах Беларусі ці ў палоне ў Расіі. Мы хочам расказаць праўду пра штодзённыя рэпрэсіі і няспыннае змаганне за свабоду.

Праект пачнецца ў Італіі – цяпер мы працуем над яго рэалізацыяй.