☢️ 26 красавіка а 13 гадзіне запрашаем на  Мітынг-рэквіем памяці Чарнобыльскай трагедыі .

📍Месца: Плошча ля Нацыянальнага Музэя Тэхналогіі Варшавы.

Амаль 40 гадоў таму адбылася страшная экалагічная катастрофа. Беларусь пацярпела ад яе больш, чым іншыя краіны. Маўклівая вайна сцягнула жыцці мільёнаў людзей.

30 красавіка 1989 людзі выйшлі ў свой першы "Чарнобыльскі шлях", а 26 красавіка адбылася "гадзіна смутку і маўчання". Людзі не хацелі забываць, людзі хацелі - помніць!

Сёння ў нас яшчэ больш нагодаў: выходзіць, прамаўляць і не маўчаць!
Супраць волі людзей пабудавалі новую АЭС, супраць волі людзей завезлі ў краіну чужую ядравую зброю...
✊Мы выходзім, каб выказаць НЕ гэтаму сцэнару.

Рэквіем - гэта музыка жалобы і памяці.
Не забыць, каб зло не паўтарылася - гэта наш абавязак.
==========
"Не толькі нашая зямля "забруджаная", але і нашая свядомасць. І таксама на шмат гадоў".
З кнігі "Чарнобыльская малітва"

🗓 26 красавіка
🕑 а 13.00 гадзіне
📍 Нацыянальны Музэй Тэхналогіі Варшавы

Жыве Беларусь!
🤍❤️🤍

20 красавіка ў гэтым годзе -  Вялікдзень і для католікаў, і для праваслаўных, свята для хрысціянаў па ўсім свеце...
І толькі ў Беларусі ксяндзы-экстрэмісты і святары-тэрарысты мусяць прымаць пакуты за сумленнасць як у біблейскія часы.
Прысуды бязглуздыя і здзеклівыя:
каталіцкі святар Генрых Акаловіч адбывае 11 гадоў - "здрада дзяржаве";
прапаведнік Мікалай Хіла асуджаны на 4 гады - "экстрэміст";
ксёндз Анджэй Юхневіч - чакае суда з цяжкімі абвінавачваннямі;
праваслаўны святар Аляксандр Кухта - "удзельнік экстрэмісцага фармавання"...

Пераслед і рэлігійныя  рэпрэсіі да нелаяльных - яшчэ  адзін клопат захапіўшых уладу.
У краіне "роўнасці і братэрства" стаўленне і да святара і да прыхаджанаў аднолькавае -  як да быдла.  Усіх яднае артыкул 342.

У свята Вялікадня - уваскрэсенне збаўцы -  мы выходзім, бо хочам збаўлення свайму народу.
Хай набліжаецца наш Вялікі дзень -  вызвалення ад зла!

🗓 20 красавіка
🕑 а 14.00 гадзіне
📍 Помнік Каперніка

Жыве Беларусь!
🤍❤️🤍

Вясна - гэта не толькі час, калі пасля зімы прыходзіць адліга. Вясна - гэта таксама час, калі мы ўзгадваем злачынствы сталінскага рэжыму СССР.
Вясной нашыя суседзі - палякі - ушаноўваюць памяць ахвяраў Катынскага растрэлу.
Cярод тых ахвяр былі і этнічныя беларусы.

Сёння, як і шмат гадоў таму, акупацыйныя лукашэнкаўскія ўлады праводзяць мэтанакіраваную палітыку вынішчэння найбольш  адданых сыноў і дачок нашай Бацькаўшчыны. Зрэшты, тыя людзі, што ўжо загінулі ў турмах, дастатковы аргумент, каб казаць, што лукашэнка - годны вучань Сталіна.

Шалёная сумесь фашызму і камунізму - вось што ўяўляе сабою сённяшняя антынародная ўлада, а ў існасці акупацыйны рэжым Беларусі.

У гэткай сітуацыі мы мусім рабіць усё, каб прыцягнуць увагу да тых злачынстваў, што здзяйсняе лукашэнкаўская хунта супраць беларусаў.

Менавіта таму штонядзелю мы выходзім ізноў ды ізноў, каб як мага больш людзей даведалася пра тое, што адбываецца у Беларусі.

🗓 13 красавіка
🕑 а 14.00 гадзіне
📍 Помнік Каперніка

Жыве Беларусь!
🤍❤️🤍

Ёсць дні гонару, а ёсць дні ганьбы...
У беларускай гісторыі нямала велічных датаў і ўсе яны, так ці іначай, звязаныя з барацьбой нашага народа за незалежнасць, з слыннымі  ўчынкамі нашых герояў.
...8 верасня, 22 студзеня, 25 сакавіка і нават 9 жніўня ў найноўшай гісторыі.
А што мы адзначаем 2 красавіка?
02.04.1996 была падпісаная дамова аб утварэнні Аб’яднання Беларусі і расіі. Пачалася так званая інтэграцыя: законнае паглынанне вялікай імперыяй свайго меншага суседа.

Але ніколі беларусы не хацелі таго аб'яднання! Ніколі яно не было нам патрэбнае! Быць новай губерняй расеі? Браць удзел у яе вайсковых набегах на суседзяў, забіваць у чужой  вайне сваіх братоў?!..

Яшчэ ў снежні 2019 года беларусы выходзілі на пратэсты супраць інтэграцыі, але цяпер так званыя ўлады адзначаюць паглынанне як свята!

Мы супраць таго, каб нас аб'ядноўвалі!
Мы ніколі не былі і не будзем братамі з імперцамі і людажэрамі!
Беларусь ня ёсць часткай расеі!

🗓 06 красавіка
🕑 а 14.00 гадзіне
📍 Помнік Каперніка

Жыве Беларусь!
✊🤍❤️🤍

Аперацыя "Каранацыя".
Палац Незалежнасці атачоны вайскоўцамі і сілавікамі, сагнаныя ўздоўж дарогі "прыгонныя" бюджэтнікі са сцяжкамі, і ўрэшце словы пра тое, што "вы не павінны баяцца", звернутыя да сваіх прыхільнікаў... - гэтае прадстаўленне саманазваны прызначыў на 25 сакавіка.

Ён хацеў паздзекавацца з дня Волі. Толькі не атрымалася!
Дзень Волі беларусы адзначалі ў: Беластоку, Берліне, Бостане, Варшаве, Вене, Вільні, Гданьску, Даўгаўпілсе, Катовіцах, Каўнасе, Кракаве, Любліне, Мюнхене, Нью Джэрсі, Нью-Ёрку, Стакгольме, Таліне, Тэль-Авіве, Уроцлаве, Філадэльфіі, Шчэціне і шмат дзе яшчэ!
Але ня толькі за межамі, а і ў Беларусі людзі адзначалі Дзень Волі, а не выродлівы абрад ягонай "каранацыі".

Кожны сапраўдны беларус ведае, што прыйдзе час, калі мы будзем адзначаць свае святы, сапраўдныя святы, дома, разам з сябрамі, сваякамі, на сваёй зямлі... Так будзе!

І мы не перагарнулі старонку!
Ніколі не даруем!

🗓 30 сакавіка
🕑 а 14.00 гадзіне
📍 Помнік Каперніка

Жыве Беларусь!
✊🤍❤️🤍

Запрашаем далучыцца да святкавання Дня Волі ў Варшаве!

23 сакавіка, у нядзелю, а 13-й гадзіне, мы збярэмся на плошчы Трох Крыжоў, а затым, несучы вялізны бела-чырвона-белы сцяг, накіруемся да Замкавай плошчы.

На лакацыях вас будуць чакаць выступленні палітычных і грамадскіх дзеячаў, а таксама музычныя нумары.

Вы таксама можаце падтрымаць арганізацыю свята сваім унёскам у збор на BYSOL.

Суарганізатары падзеі: «Беларусы Варшавы», Аб’яднаны Пераходны Кабінет Беларусі, Офіс Святланы Ціханоўскай, Народнае Антыкрызіснае Упраўленне, Беларускае Аб’яднанне Палітвязняў «Да волі», Музей Вольнай Беларусі, Рух Салідарнасці «Разам». Пры падтрымцы фонду Паўла Латушкі.

Інфармацыйныя партнёры: Беларускае Радыё Рацыя, Euroradio, BELSAT, Беларускі Моладзевы Хаб.

🗓 23 сакавіка
🕑 а 13.00 гадзіне
📍 Płac Trzy Krzyża


Жыве Беларусь ✊🤍❤️🤍

А дзе пра Беларусь?!

Увесь свет сочыць за перамовамі аб спыненні вайны.
Беларусь згубілася ня толькі ў сусветнай, але, здаецца, і ва  ўласнай павестцы.

А між тым, на чарговым паклоне ў пуціна саманазваны заявіў, што на апошніх выбарах народ абіраў ня толькі  яго, але і цэлы напрамак!  "Мы з расеяй альбо недзе там"(с).

Не, мы не з расеяй! Мы недзе там: у будучым вольным дэмакратычным свеце! Наколькі ўсё тое, што адбываецца сёння ў Беларусі, супярэчыць праўдзе і існаму стану рэчаў, мы ведаем па сабе, бо мы таксама спазналі рэпрэсіі і пераслед.

Менавіта таму мы выходзім у гэтую нядзелю, каб выказаць сваю салідарнасць з усімі, хто зараз спазнае ціск унутры Беларусі. Мы маем голас, мы маем магчымасць свабодна казаць пра ўсе тыя жахі, што адбываюцца цяпер на нашай Радзіме, і таму мы не будзем маўчаць!

Мы кажам НЕ - рэпрэсіям!
Мы кажам  НЕ - расейскай акупацыі!
Мы кажам НЕ - вяртанню ў савецкі кацёл!

🗓 16 сакавіка
🕑 а 14.00 гадзіне
📍 Помнік Каперніка

Жыве Беларусь!
✊🤍❤️🤍

Са святам, паважаныя жанчыны. 🤍❤️🤍

Жанчына пяшчота і прыгажосць…
Каму яна каханая, каму - маці, дачка, каму - натхненне...

Але за кратамі жанчына - кветка без вады.
Жанчынам за кратамі пагражаюць гвалтам, страшаць здзекамі з уласных дзяцей; за кратамі жанчына фарбуе вочы апалкам запалкі, сушыць сукенку на сабе, і разгружае фуры з цяжкімі мяхамі…

Здаецца, падобныя ўмовы былі ў фашысцкіх канцлагерах.
Паводле інфармацыі праваабаронцаў сёння за кратамі знаходзіцца 150 жанчын. А колькі яшчэ тых, каго не прызналі палітзняволенымі?
А колькі жанчын мусілі ўцякаць з краіны, пакінуўшы сваіх родных і блізкіх?

8 сакавіка - Міжнародны дзень Жанчын.
Але ці змогуць адзначыць яго ў калёніі беларускія палітвязанкі? Напэўна, не.
Турма - не месца для жанчын. Вайна - не час для жанчын.

Таму мы ў чарговы раз выходзім, каб звярнуць увагу на рэпрэсіі ўнутры Беларусі і прыцягнуць увагу да зняволеных жанчын, на якіх знаходжанне за кратамі ўплывае значна цяжэй, чым на мужчынаў.
Выходзім разам!

🗓 9 сакавіка
🕑 а 14.00 гадзіне
📍 Помнік Каперніка

Жыве Беларусь 🤍❤️🤍

❣️Дапамога Ігару Банцеру❣️

Як можна дапамагчы Ігару, прапануем два варыянты:

1️⃣ На рахунак ДА ВОЛІ перавесці данат.

З сабраных сродкаў будзе набыта харчовая перадача, а частка грошай пераведзена на рахунак СІЗА для Ігара. У выпадку спазнення грашовых пераводаў або калі сродкі застануцца пасля вызвалення Ігара, яны будуць пераведзены непасрэдна Ігару.

BLIK +48451211525
🟥Darowizna na potrzeby działalności statutowej. Igor Bancer


Рахунак:
ASSOCIATION OF BELARUSIAN POLITICAL PRISONERS
Aleje Jerozolimskie 89 / 43, 02-001 Warszawa, Polska
KRS 0001110553, NIP 7011212005

Для Польшчы PLN
Pl86102049000000880236937995

Для Еўразвязу €
Pl18102049000000850236938008
Для астатніх краін $
Pl82102049000000870236938019

🟥МЭТА ПЕРАВОДУ:
Darowizna na potrzeby działalności statutowej. Igor Bancer

🔻Будзьце пільны з замежных пераводаў магчымы дадатковыя выдаткі!

2️⃣ Для тых каму ДА ВОЛІ "гнилая организацыя" прапануем перавесці грошы непасрэдна на рахунак СІЗА для Ігара самастойна.

NBP 0/0 Warszawa
501010 10100401 10139120 0000
Odbiorca:
Areszt Śledczy, ul. Kłobucka 5, 02-699 Warszawa.
Dyrektor jednostki penitencjarnej (nie zapomnij podać kodu pocztowego).
Nadawca:
(Imię i nazwisko twoje).
(Adres twój).
Tytuł przelewu:
Dla Ihara Bancera, syna Romana.

🔻Rekomendacje:
Zalecam dokonywanie wpłat za pomocą przekazu pocztowego (przelew bankowy również jest możliwy, ale pieniądze są księgowane dłużej).

Дзякуем за вашу дапамогу!

У панядзелак, 24 лютага, беларусы Варшавы выйшлі разам з украінскай дыяспарай, каб выказацца супраць вайны, якую пачала расейская ўлада.
На жаль, нашая дзяржава выступае на адным баку з расеяй у гэтай вайне.
Мы чуем шмат навінаў, шмат абяцанняў па сканчэнні вайны, па змірэнні.
На гэтым фоне пайшлі таксама і размовы аб тым, што ЗША пачнуць перамовы аб вызваленні палітзняволеных.
Але пакуль мы бачым толькі, як нейкія лукашысты ездзяць у Эўропу, каб паказаць, што цяпер у Беларусі ўсё добра, шчыруюць з адной надзеяй - каб Эўропа прызнала нелегітымнага.

Што далей? Чаго нам чакаць? Зноў маўчаць?

Таму мы ў чарговы раз выходзім, каб сказаць:
Мы супраць вайны!
Свабоду Ўкраіне!💛💙
Мы супраць дыктатуры!
Свабоду палітвязням!
Жыве Беларусь! ✊ 🤍 ❤️ 🤍

🗓 2 сакавіка
🕑 а 14.00 гадзіне
📍 Помнік Каперніка

Вайна не скончылася.

Тры гады таму 24 лютага пачалося з абстрэлаў Кіева. Поўнамаштабнае ўварванне.
Ва Ўкраіне, у Беларусі, у выгнанні - тры гады мы жывем ва ўмовах вайны.

Што далей? Вайна ў Эўропе? Перамовы, у выніку якіх нашая краіна будзе трафеем для расеі?
Таму мы выходзім у чарговы раз у цэнтр Варшавы, каб выказаць сваю салідарнасць з Украінай, з нашымі добраахвотнікамі на франтах, з усімі тымі беларусамі, што вымушаныя трываць пад гнётам дыктатарскага рэжыму, не маючы права голасу.

Мы - голас вольнай Беларусі.
Мы - голас усіх тых, хто маўчыць пад ціскам рэпрэсій, але не пагаджаецца з тым, што цяпер адбываецца ў краіне!

🗓 23 лютага
🕑 а 14.00 гадзіне
📍 Помнік Каперніка

Слава Украіне!🇺🇦
Жыве Беларусь!✊🤍❤️🤍

"У шырокім сэнсе ўсе мы палітзняволеныя " (с)

Дні ідуць. Рэпрэсіі не спыняюцца, нягледзячы на "прагнозы", якія мы чулі апошнім часам.
Паліна Шарэнда-Панасюк на сваёй прэс-канферэнцыі сказала: чаму няма санкцый па палітзняволеным? Якія могуць быць перамовы з тэрарыстамі?

... Карная псіхіятрыя, лісты аб памілаванні, вярбоўка ў стукачы, этапы, ператрусы, ШІЗА, ПКТ...адмова ў перадачах і рэжым інкамунікада...
Той, хто захапіў уладу ў нашай краіне, адной рукой "адпускае" палітвязняў, а другой затрымлівае, пагатоў затрымлівае ў разы больш. За адзін толькі студзень былі схопленыя больш за 500 чалавек.

Тое, што нам расказваюць палітзняволеныя, якія цяпер на волі, узрушвае і абурае.
Але страху няма. Страх гэта тое, што мы пакідаем катам і вылюдкам. Вольныя, моцныя людзі не павінны баяцца гаварыць праўду - і гэтаму прыклад Паліна.
…

Трэба яшчэ больш ціснуць на незаконныя ўлады Беларусі!
Свабоду палітвязням!

🗓 16 лютага
🕑 а 14.00 гадзіне
📍 Помнік Каперніка

Жыве Беларусь!
✊🤍❤️🤍

На гэтым тыдні нашую беларускую дыяспару скаланула навіна пра чарговы зліў інфармацыі ў рукі лукашэнкаўскіх рэжымнікаў. Чатыры гады на ўсіх інтэрнэтпрасторах публікуюцца пасты пра лічбавую бяспеку, але мы ўсё адно трапляем у гэтую пастку. Жывучы па-за межамі Беларусі мы разнявольваемся і забываемся аб патрэбе клапаціцца пра бяспеку як для сябе, так і для тых, хто знаходзіцца ў канцлагеры пад назвай Беларусь.
Заклікаем вас прыходзіць на нашую акцыю, каб разам абмеркаваць гэтае і іншыя пытанні. Паспрабаваць разам знайсці шляхі вырашэння агульных праблем і паказаць хаўруснікам дыктатара, што іх спробы нас раз’яднаць ня вартыя нічога.
🗓 9 лютага
🕑 а 14.00 гадзіне
📍 Помнік Каперніка

Жыве Беларусь!
✊🤍❤️🤍

Паважаныя сябры!
У мінулую нядзелю мы паказалі сілу нашага адзінства. Мы выказалі  "Не" самавыбарам дыктатара так, што яго апрычнікі не паспяваюць адкрываць новыя крымінальныя  справы!

Але самадурства як пустазелле прарастае, дзе толькі можна!

У падтрымку беларусаў 26 з 27 краінаў Эўразьвязу падрыхтавалі заяву аб там, што выбары лукашэнкі не прызнаны і ўлада яго не легітымная! Але прэм’ер-міністар Угоршчыны Віктар Орбан не падтрымаў звароту, такім чынам заблакаваўшы рашэнне астатніх.

У нядзелю мы збіраемся ля Вугорскай амбасады, каб нагадаць кіраўніку яе краіны, што сумленне - не тавар на продаж, а на чужым горы свайго шчасця не пастроіць.

Ганьба для тых, хто ідзе ўпоперак праўды, пільнуючы свае інтарэсы!

Беларусь ў Еўропу! Орбана ў... Растоў-на-Доне!

🗓 2 лютага
🕑 а 14.00 гадзіне
📍 Амбасада Вугоршчыны
Księdza Ignacego Jana Skorupki 5, 00-546 Warszawa

Жыве Беларусь ✊🤍❤️🤍