Сярод тых, каго праваабаронцы прызналі палітычнымі зняволенымі на мінулым тыдні – яшчэ адна жанчына, зняволеная ў жаночай калоніі № 4 ў Гомелі.

Наталля Сяргееўна Белакурская была абвінавачана па частцы 1 артыкула 368 (абраза прэзідэнта) і артыкулу 369 (абраза прадстаўніка ўлады) Крымінальнага кодэкса. У Беларусі зараз гэта масава ўжываныя абвінавачанні супраць грамадзян, якія выказалі сваё негатыўнае стаўленне да правячага рэжыму. ✅Чытаць тут

🤷‍♀️ У цэнтры Гомеля замежнікі зладзілі бойку. Але так званыя сілавікі пагражаюць усё адно інтэрнаўтам

У інтэрнэце з'явілася відэа, знятае на гомельскай плошчы Леніна каля ўваходу ў парк: на ім некалькі чалавек бʼюцца паміж сабою, а яшчэ адзін ляжыць на асфальце без прытомнасці. Напрыканцы відэа ў кадры зʼяўляюцца супрацоўнікі міліцыі, якія спрабуюць разняць удзельнікаў бойкі, а таксама падыходзяць да чалавека на асфальце.

Карыстальнікі інтэрнэту ў каментарах бурна абмяркоўваюць здарэнне і яго ўдзельнікаў: тыя ўсходняй знешнасці і размаўляюць не па-беларуску ці расейску.

Адзін з прапагандысцкіх каналаў пракаментаваў бойку і распавёў, што ў ёй бралі ўдзел студэнты-мараканцы, а прычынаю «разборак» стала дзяўчына. Пры гэтым прапагандысты замест таго, каб супакоіць беларусаў і распавесці, што стала з удзельнікамі бойкі, сталі ім пагражаць за каментары ў інтэрнэце. Такая вось свабода слова.

Вось, што мужчына распавёў пра свае праблемы са здароўем:

– Мне зрабілі аперацыю, аднавілі барабанную перапонку, праблемы нібыта зніклі. Але ўзровень слыху застаўся нізкі. Знаёмы доктар, з якім давялося шчыра паразмаўляць, мяркуе, што шнары на слыхавых нервах засталіся з дзяцінства, з юнацтва, праз няправільнае лячэнне. То бок, няправільна з пункту гледжання сучаснай медыцыны. Я часта хварэў на атыт, а якія дактары ў сельскай мясцовасці ў Казахстане былі? Як маглі, чым маглі, так і лячылі, – кажа Андрэй Ліпскі. – Пасля чарговага прыёму ларынголаг мяне накіравала ў спецыялізаваную фірму, там мне падабралі слыхавы апарат. Паспрабаваў – гучнасць моцная, спецыялістка працягвае гаварыць і адначасова дастае слыхавы апарат, – і тут мяне нібыта коўдрай накрылі. Чытанне па губах, да якога я ў Беларусі больш-менш налаўчыўся, не спрацоўвае ў Польшчы: каб чытаць па губах, трэба разумець артыкуляцыю, трэба мець досыць высокі ўзровень валодання польскай мовай, – патлумачыў Андрэй Ліпскі.

❤️ Былому журналісту светлагорскага «Ранку» сабралі на слыхавы апарат

Андрэй Ліпскі перанёс аперацыю на барабаннай перапонцы, але цалкам аднавіць слых гэта не дапамагло.

Зборам сродкаў на слыхавы апарат займаўся фонд BYSOL.

Нагадаем, зазнаўшы палітычна матываваны пераслед, Андрэй Ліпскі вырашыў з'ехаць з радзімы. Ён атрымаў статус уцекача ў Польшчы.

✊Падорым дзецям палітвязняў летнія вакацыі!

Калі адзін з бацькоў апынаецца за кратамі, а другі вымушаны ратавацца за мяжой, пакутуюць у першую чаргу дзеці. Сёння сотні сем'яў палітвязняў жывуць у эміграцыі, сутыкаючыся з фінансавымі і побытавымі праблемамі. Іх дзеці пазбаўленыя свайго дому, сувязяў і часцяком самага неабходнага.

BYSOL адкрывае традыцыйны збор у падтрымку такіх дзяцей. Гэта не абстрактная дабрачыннасць, а канкрэтная дапамога дзецям, якія проста цяпер маюць патрэбу ў нашай салідарнасці.

На кожнае дзіця да 16 гадоў будзе выплачана па 100 еўра. Заяўкі на атрыманне дапамогі будуць прымацца да 18 траўня ўключна.

Падтрымаць збор па спасылцы

Пацверджаная інфармацыя пра вызваленне палітвязня з Чачэрска

Стала вядома, што 19 сакавіка на волю выйшаў палітзняволены з Чачэрска Аляксандр Капылец. Яго рэпрэсавалі 19 сакавіка 2024 года.

🤔 За што судзілі мужчыну — чытайце ў нашым матэрыяле.

🥳 Судовыя выканаўцы падарылі даўжнікам пасачкі на Вялікдзень на Гомельшчыне. Але не ўсім

А толькі тым, хто паспеў закрыць даўгі перад святамі.

Так у Рагачове, мяркуючы па фотаздымках, пасачкі атрымалі два чалавекі: у адным выпадку быў аплочаны доўг па аліментах, а ў другім – па ЖКГ.

А ў Аддзеле прымусовага выканання ў гомельскім Чыгуначным раёне велікоднай выпечкаю пачаставалі пенсіянерку, якая аплочвае доўг за дачку.

👍 Крута ці 💩крынж?

♦️Чытайма на "Гомельскай Вясне". Галоўнае за мінулы тыдзень:

▪️Праваабаронцы “Вясны” звярнуліся да МЗС Вялікай Брытаніі з просьбай спрыяць вызваленню Алеся Бяляцкага.

▪️У Рагачове звольнены за “распаўсюд экстрэмізму” дырэктар школы вярнуўся ў сваю школу, але ўжо не дырэктарам.

▪️Цяпер на спатканні да зняволеных у калоніі будуць пускаць цывільных сужэнцаў. Але наконт палітычных - гэта недакладна.

▪️Сем гадоў змагання на шляху да перамогі. Беларусы дамагліся справядлівасці на ўзроўні ААН.

▪️Праваабаронцы даведаліся дзе ўлады трымаюць палітвязня Аляксадра Рыбалку.

▪️Вялікае інтэрв'ю экс-актывіста каманды Святланы Ціханоўскай з Мазыра і палітвязня Руслана Парфёнава пра затрыманне перад выбарамі 2020-га, суд, стаўленне ў вязніцах і вызваленне.

▪️Стаў вядомы палітычна матываваны прысуд жыхару Рагачоўскага раёна.

🪺 Шаноўныя нашыя чытачы, віншуем вас з Вялікаднем!

Дзякуй, што застаецеся з намі нават у самых няпростых умовах!

♦️Стаў вядомы палітычна матываваны прысуд жыхару Рагачоўскага раёна.

Пра тое, што прысуд звязаны з пазбаўленнем волі, праваабаронцы ведалі раней. Але невядомым заставаўся тэрмін, на які Пакроўская зняволіла Дзмітрыя Іванчыкава, бо імітацыю судовага разбіральніцтва яна рабіла схавана, загадзя абвясціўшы свае пасяджэнні менавіта ў гэтай справе закрытымі.

✅ Тэрмін зняволення за думкі пра Лукашэнку - ТУТ👈

🔸Была хірургам – стала “тэрарысткай”

Сярод людзей, якіх праваабаронцы прызналі палітычнымі зняволенымі ў сакавіку – хірург з Мінска, якая аб’яўлена “экстрэмісткай” і “тэрарысткай” і зняволена ў калонію ў Гомелі.

✅ Чытаць болей.

15 красавіка 2025 года ў Кракаве пры трагічных і пакуль не да канца высветленых абставінах загінуў беларускі грамадзянскі актывіст з горада Рэчыца — Сяргей Дубінін. Яму было 50 гадоў.
Сяргей быў вядомым у сваім рэгіёне грамадскім дзеячам: удзельнічаў у дэмакратычным руху, быў незалежным назіральнікам падчас выбараў, збіраў подпісы за альтэрнатыўнага кандыдата. Пасля падзей 2020 года ён быў вымушаны пакінуць Беларусь і пераехаць у Польшчу.

На дадзены момант блізкія Сяргея апынуліся ў складанай сітуацыі. Неабходна арганізаваць перавоз цела з Польшчы ў Беларусь, аплаціць усе звязаныя з гэтым выдаткі, а таксама дапамагчы яго сям’і.

✔️На просьбу праваабаронцы Леаніда Судаленкі фондам BYSol распачаты дабрачынны збор сродкаў.

✅ Дапамагчы сваякам можна за спасылкаю.

♦️Пра тое, як у 2020 годзе распраўляліся з актывістамі каманды Святланы Ціханоўскай, як адбываўся суд, што робіцца ў калоніях і хто збіваў Віктара Бабарыку.

Экс-актывіст каманды Ціханоўскай з Мазыра і палітвязень Руслан Парфёнаў: “Я не змірыўся і пацярпеў, але маё сумленне чыстае”

✅ Чытаць аповед цалкам

☝️ Праваабаронцам стала вядома, дзе адбывае пакаранне гомельскі палітвязень Аляксандр Рыбалка

Нагадаем, 16 студзеня 2024 года Аляксандра асудзілі па ч. 1 арт. 361-4 КК РБ (садзейнічанне экстрэмісцкай дзейнасці). Суддзя Гомельскага абласнога суду Салоўскі Сяргей вынес прыгавор – 2 гады пазбаўлення волі ва ўмовах агульнага рэжыму.

22 сакавіка ў Вярхоўным Судзе адбыўся разгляд апеляцыйнай скаргі, якую разглядаў суддзя Хлышчанкоў Аляксей. Вынік абскарджання – высвятляецца.

5 красавіка МУС РБ дадаў Аляксандра ў спіс «асоб, датычных да экстрэмісцкай дзейнасці».

Днямі стала вядома, што Аляксандр Рыбалка адбывае пакаранне ў ПК № 1 г. Наваполацка.

Падтрымаць мужчыну можна лістамі і паштоўкамі па адрасе: Рыбалка Аляксандру Іванавічу, ПК № 1, вул. Тэхнічная, 8, г. Наваполацк, Віцебская вобл. 211445.

⚡️ Міжнародны воркшоп супраць смяротнага пакарання ў Страсбургу

З 2 па 7 чэрвеня 2025 года ў Страсбургу (Францыя) адбудзецца міжнародны воркшоп «Death is not justice – youth advocacy and campaigning for the abolition of the death penalty», арганізаваны Радай Еўропы сумесна з арганізацыямі ECPM і GCADP. Мэта мерапрыемства — падрыхтоўка і падтрымка маладых амбасадараў і амбасадак, якія будуць змагацца за ўсеагульную адмену смяротнага пакарання.

▪️ Хто можа падаць заяўку:
- маладыя людзі ва ўзросце ад 18 да 30 гадоў;
- грамадзяне або жыхары краін-членаў Рады Еўропы;
- студэнты/кі або актывісты/кі, зацікаўленыя ў правах чалавека;
- тыя, хто валодае англійскай або французскай мовай.

▪️Што прапануецца:
- паглыбленае вывучэнне гісторыі і сучаснага стану пытання смяротнага пакарання;
- навыкі вядзення інфармацыйных кампаній і адвакатыі;
- супрацоўніцтва з іншымі маладымі лідарамі і лідаркамі з Еўропы;
- удзел у стварэнні сеткі маладых амбасадараў і амбасадарак супраць смяротнага пакарання.

Арганізатары пакрываюць выдаткі на праезд, пражыванне і харчаванне, прыём заявак адкрыты да 22 красавіка 2025 года.

🔗 Падрабязнасці і форма рэгістрацыі па спасылцы.

❗️❗️❗️Беларусы дамагліся справядлівасці на ўзроўні ААН

♦️Рашэнне, прынятае ў Жэневе, абавязвае Рэспубліку Беларусь кампенсаваць 17 грамадзянам Беларусі штрафы і судовыя выдаткі, панесеныя ў сувязі з незаконным абмежаваннем іх правоў і прывесці нацыянальнае заканадаўства ў адпаведнасць з міжнароднымі стандартамі ў галіне правоў чалавека.

✅ Больш дэталёва ТУТ ⬅️

🔸Яшчэ адзін наш зямляк вызнаны палітычным зняволеным.

Улады рэпрэсавалі яго за рэалізацыю права на свабоду выказвання меркаванняў, гарантаванага артыкулам 19 Усеагульнай дэкларацыі правоў чалавека.

✅ Чытаць падрабязней.

♦️Палітвязняў, якіх улады трымаюць на Гомельшчыне, цягам месяца стала болей.

У якіх карных установах колькі людзей зняволена з палітычных матываў...

✅...у матэрыяле Гомельскай Вясны.

⚖️Каб абскардзіць адміністрацыйны прысуд, запрасіце ў суда матывіровачную частку, і звяртайцеся па дапамогу да юрыстаў «Вясны»

Вы можаце зрабіць гэта незалежна ад таго, быў у вас штраф ці арышт.

❓Навошта гэта патрэбна?

- Дае шанец на адмену пастановы;
- Дазволіць адцягнуць час, пакуль пастанова не ўвойдзе ў сілу;
- Дае магчымасць дакументальна пацвердзіць факт палітычнага пераследу.

📍Калі ласка, запрашвайце матывіровачную частку сваёй пастановы ў судзе — гэта вельмі важна!

🔹Звярнуцца па дапамогу па юрыдычных пытаннях, а таксама абскардзіць дзеянні дзяржаўных органаў:
Telegram: @zvarot96 | Email: zvarot@spring96.org

♦️Палітычным зняволеным вызнаны жыхар Буда-Кашалёва.

Генадзь Іванчыкаў зазнаў крымінальны пераслед за рэалізацыю права на свабоду выказвання меркаванняў, гарантаванага кожнаму артыкулам 19 Усеагульнай дэкларацыі правоў чалавека.

✅ Падрабязней.

❗️ Цяпер на спатканні да зняволеных у калоніі будуць пускаць цывільных мужоў і жонак

Гэта датычыцца і кароткатэрміновых, і доўгатэрміновых спатканняў. Каб атрымаць такое права – трэба звярнуцца да ўчастковага з заявай аб выдачы пацверджання аб сумесным пражыванні людзей, не распісаных у ЗАГСе.

Пасля гэтага міліцыянт павінен наведаць месца жыхарства і пацвердзіць факт сужыцця. Напрыклад, у пары ёсць агульныя дзеці. Пасля гэтага даведку, падпісаную ўчастковым, высылаюць на адрас начальніка калоніі, а зняволен_ая піша хадайніцтва, каб «цывільн_ую жонку/мужа» унеслі ў асабістую справу вязня.

Раней права на спатканне мелі толькі сваякі зняволеных, унесеныя ў асабістую справу зняволенага. Для гэтага яны абавязаны былі адправіць у калонію копіі дакументаў, якія пацвярджаюць сваяцтва.

Ці будзе гэтае правіла працаваць у выпадку палітычных зняволеных – невядома.

У Буда-Кашалёўскім раёне загінуў 300-гадовы дуб

Пра гібель помніка прыроды рэспубліканскага значэння стала вядома з пастановы Міністэрства прыродных рэсурсаў і аховы навакольнага асяроддзя аб ліквідацыі статусу ў сувязі са стратай каштоўнага прыроднага аб’екта.

Дуб чарэшчаты меў назву «Буда-Кашалёўскі-2», рос каля вёскі Патапаўка Буда-Кашалёўскага раёна і быў 31,7 метраў у вышыню, з акружнасцю ствала – 4,6 метра.

Чаму загінуў дуб – невядома.

Як паказваюць падзеі, пасля прэзідэнцкіх выбараў у Беларусі 2020 г., вынікамі якіх сталі масавыя рэпрэсіі і парушэнні правоў чалавека ў краіне, кіроўны ў Беларусі рэжым, помсцячы краінам ЕС за ўведзеныя санкцыі, не робіць захадаў для належнага супрацьдзеяння незаконнай міграцыяй і кантрабандзе праз Беларусь у ЕС.

🔸Рэдкія жывёлы незаконна ўвозіліся праз Беларусь для продажу ў ЕС – расследаванне іспанскіх уладаў

✅Чытаць болей.

❗️«Гэта не прыкмета адлігі», — праваабаронцы «Вясны» пра тое, як рэжым знішчае доказы сваіх злачынстваў

«Вясна» распавядае, чаму ўлады чарговы раз схавалі даныя пра рэпрэсіі і чаму гэта не сведчыць пра паляпшэнне сітуацыі з правамі чалавека ў Беларусі. Праваабаронцы Павел Сапелка і Наталля Сацункевіч аналізуюць актуальнае становішча і заклікаюць неабыякавых беларусаў дапамагаць у распаўсюджванні праўдзівай інфармацыі.

«Скарачэнне вядомай колькасці крымінальных і адміністрацыйных асуджэнняў — гэта не прыкмета адлігі, гэта ў першую чаргу вынік адсутнасці інфармацыі. Мэта такога актыўнага замарожвання інфармацыйнага поля відавочная: гэта імітацыя вяртання да становішча нацыянальнай згоды ў знешнепалітычных мэтах, спроба ўвесці ў зман знешнюю аўдыторыю».

Чытаць па спасылцы 👉 https://spring96.org/be/news/117709

🌿Паведамляйце праваабаронцам пра факты палітычнага пераследу — @ViasnaSOS | @SOSViasna | @Viasnainfo

🔸Як стала вядома праваабаронцам, не так даўно Аляксандр Лейкін вярнуўся на працу ў сярэднюю школу № 4. Праўда, дырэктарства яму, як палітычна ненадзейнаму, ужо не даверылі.

✔️У Рагачове звольнены за “распаўсюд экстрэмізму” дырэктар школы вярнуўся ў сваю школу, але ўжо не дырэктарам.

✅ Чытаць падрабязней

А як жа айчынныя МАЗы? Гомельаблаўтатранс фактычна перайшоў на кітайскі аўтапрам

Ябацяк у Менск дастаўлялі 9 кітайскіх і адзін беларускі аўтобус, якія належаць гомельскаму аўтобуснаму парку. Відэа з пацверджаннем заўважыў у сацыяльных сетках паблік «Флагшток».

Апынулася, што з 2019 года Гомельаблаўтатранс не закупляў новыя міжгароднія аўтобусы беларускай вытворчасці.

🦮🐈 У Гомелі пабудуць прытулак для жывёлаў

Ён будзе разлічаны на 330 жывёлаў. Акрамя таго, там будзе дыягнастычны кабінет, санітарны блок, аперацыйная і перавязачная, крэматорый і калумбарый. Жывёлаў будуць утрымліваць у клетках з выхадам у закрыты вальер для выгулу.

Размяшчацца прытулак будзе па адрасе Барыкіна, 309. А пабудаваць яго абяцаюць у 2025 – 2026 гадах.

Уладальнікі хатніх гадаванцаў змогуць атрымаць там у тым ліку і платныя паслугі.

У гэтай навіне, безумоўна, усё добра... Але як лічыце, колькі дзён спатрэбіцца, каб у прытулку скончылася месца? Што будуць рабіць з жывёламі, якім месца не хопіць? Вядома ж, гэтыя пытанні рытарычныя. Таму, што для таго, каб бадзяжных жывёлаў не станавілася болей – варта было б пачаць са стэрылізацыі бадзяжных жывёлаў.

♦️Праваабаронцы “Вясны” звярнуліся да МЗС Вялікай Брытаніі з просьбай спрыяць вызваленню Алеся Бяляцкага.

Асноўная мэта візіту – нагадаць брытанскаму знешнепалітычнаму ведамству пра тое, што ў Беларусі ўлады ўтрымліваюць у жудасных умовах зняволення лаўрэата Нобелеўскай прэміі міру, заснавальніка і кіраўніка ПЦ “Вясна” Алеся Бяляцкага.

Зараз Алеся Бяляцкага ўлады Беларусі трымаюць у калоніі № 9 у горадзе Горкі Магілёўскай вобласці. Умовы ўтрымання вязняў, якіх зняволілі з палітычных матываў, у месцах несвабоды ў Беларусі асабліва жорсткія. Беларускія праваабаронцы папрасілі брытанскіх дыпламатаў не забывацца пра зняволенага лаўрэата Нобелеўскай прэміі. Сёння гэта адзіны ў свеце лаўрэат Нобеля, які знаходзіцца ў вязніцы праз сваю праваабарончую дзейнасць.
❗️Праваабарнцы перадалі ў брытанскую амбасаду зварот да міністра замежных справаў Вялікай Брытаніі Дэвіда Лэмі, ды папрасілі дыпламата паспрыяць таму, каб імя Алеся Бяляцкага гучала падчас перамоваў, дзе фігуруе беларуская тэматыка.

✅ Больш дэталёва ТУТ

“
Гісторыя з Мельнікавай – гэта яшчэ адно пацвярджэнне страшнай рэчаіснасці: дзяржаўныя інстытуты ў Беларусі перасталі выконваць свае юрыдычныя і маральныя абавязкі перад грамадзянамі. Прынамсі перад тымі, якія не падтрымліваюць дыктатуру”.

♦️Леанід Судаленка: рэакцыя Лукашэнкі на знікненне Мельнікавай – гэта пагарда і чалавекам, і Канстытуцыяй

✅ Каментар праваабаронцы пра заявы дыктатара

Дапамога былой палітзняволенай Ганне Пышнік, асуджанай за відэа расійскіх верталётаў

Ганна была затрымана 22 сакавіка 2022 года ў Мазыры. Паводле версіі абвінавачвання, яна «зняла відэа з перамяшчэннем верталётаў для ангажаванага дэструктыўнага рэсурсу». Пазней яе асудзілі да 3 гадоў калоніі.

Жанчына цалкам адбыла тэрмін і ў лістападзе 2024 году выйшла на волю.

Пасля вызвалення Ганна была вымушана пакінуць Беларусь пад пагрозай далейшага пераследу. Цяпер ёй з дачкой патрэбна дапамога, каб пачаць жыццё ў новай краіне.

Падтрымаць Ганну на pomagam

✊Amnesty International збірае подпісы ў падтрымку Насты Лойка

Нагадаем, у чэрвені 2023-га году ў Мінскім гарадскім судзе палітзняволенай прызначылі 7 гадоў калоніі за падрыхтоўку даклада «Пераслед анархістаў, антыфашыстаў, левых і сацыяльных актывістаў у Беларусі» (2017-жнівень 2018 года). У ім нібыта даецца крытычная ацэнка дзейнасці супрацоўнікаў міліцыі.

Суд праходзіў у закрытым рэжыме, таму падрабязнасці і пазіцыя самой Насты невядомыя.

Amnesty International Polska збірае подпісы ў падтрымку Насты — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне.

Падпісаць петыцыю па спасылцы

⁉️Што рабіць, калі арыштоўваюць маёмасць? Інструкцыя ад Юрыдычнай службы «Вясны»

У апошнія гады арышт маёмасці стаў не толькі інструментам крымінальнага і адміністрацыйнага пераследу, але і спосабам ціску на рэпрэсаваных ды іх сваякоў. Ці магчыма аспрэчыць арышт, як мінімізаваць рызыкі і абараніць сваю ўласнасць? Калі маёмасць становіцца аб'ектам пераследу, важна ведаць, якія захады можна распачаць.

Юрыстка «Вясны» Святлана Галаўнёва распавядае, як дзейнічаць у розных сітуацыях.

Чытаць па спасылцы 👉 https://spring96.org/be/news/117711

📝Звярнуцца па дапамогу па юрыдычных пытаннях, а таксама абскардзіць дзеянні дзяржаўных органаў: @zvarot96 | zvarot@spring96.org

❗️У Рагачове, імаверна, завялі новыя крымінальныя справы супраць былой палітзняволенай.

♦️ Былая палітзняволеная Юлія Касцючэнка, найхутчэй, у зняволенні са студзеня. Тады яе два разы запар судзілі за нібыта "распаўсюд экстрэмізму". Потым рагачоўская раёнка паведаміла пра крыміналку за абразу Лукашэнкі супраць неназванай 30-гадовай жанчыны, а 3 красавіка КДБ вызнаў "экстрэмісцкім фармаваннем" суполку ў Х на 47 чытачоў, датычнай да якой названая менавіта Юлія Касцючэнка.

✅ Больш дэталёва ТУТ ⬅️

Здзіўляе тое, што столькі гадоў ягоны імпэт Лукашэнка не заўважаў, калі многія ягоныя калегі ў такіх жа палітычных рэпрэсіях паспелі ўжо даўно пайсці і ў абласны, і, нават, у вярхоўны суды. Відаць, Кармановіча так доўга трымалі шэраговым раённым суддзём, прыгадваючы ягоную “забыўчывасць” падчас суду над Уладзіславам Наважылавым – насіць мантыю і не забывацца хаду працэса падчас гучных справаў з прысутнасцю СМІ варта таму, хто атрымлівае свае пасады непасрэдна ад Лукашэнкі.

♦️ Пра яшчэ аднаго "суддзю" 👨🏻‍🎓, які атрымаў павышэнне ад Лукашэнкі за актыўнасць у палітычных рэпрэсіях, ягоны імпэт і забыўчывасць -

✅ У НАШЫМ МАТЭРЫЯЛЕ. 👈

Абсерваторыя абароны праваабаронцаў рашуча асуджае працяг крымінальнага пераследу Леаніда Судаленкі і заклікае ўлады Беларусі неадкладна зняць з яго ўсе абвінавачванні. Абсерваторыя таксама рашуча асуджае працяглы пераслед сваякоў Леаніда Судаленкі, у тым ліку яго састарэлай маці, з боку ўладаў Беларусі, які чыніцца з мэтай запалохвання і прычынення ім дадатковых фізічных і псіхалагічных пакутаў.

Арганізацыя заклікае прадстаўнікоў сусветнага грамадства напісаць звароты да Аляксандра Лукашэнкі, а таксама да генпракурора, старшыні Следчага камітэта, міністра юстыцыі, міністра ўнутраных справаў, мясцовых чыноўнікаў сілавых ведамстваў, а таксама да прадстаўніцтва Беларусі пры ААН і амбасадаў Беларусі ў іншых краінах з патрабаваннямі спынення пераследу Леаніда Судаленкі і ціску на ягоных родных.

♦️Абсерваторыя абароны праваабаронцаў запатрабавала спыніць крымінальны пераслед праваабаронцы з Гомеля Леаніда Судаленкі.

✅ Падрабязнасці ТУТ

♦️ Студэнтаў універсітэта імя Францыска Скарыны звадзілі ў кантору, якая адбірае маёмасць у ахвяраў палітычных рэпрэсіяў.

✔️Студэнтаў юрфаку ГДУ імя Францыска Скарыны завялі ў так званы “Аддзел прымусовага выканання Гомельскага раёна”. Гэта дзяржаўная кантора, якая выконвае ў тым ліку і палітычна матываваныя выракі, вынесеныя прызначанымі Лукашэнкам на пасады суддзяў асобамі. Напрыклад, летась у снежні стала вядома, што якраз супрацоўнікі гэтай установы забралі ровар з дому вядомага праваабаронцы Леаніда Судаленкі, каб такім чынам спагнаць з яго прызначаны ў палітычнай справе штраф.

Будучых юрыстаў з ГДУ падчас экскурсіі агітавалі таксама ісці працаваць афіцыйнымі рэкетырамі 🥷🏼ад імя групоўкі Лукашэнкі, якая нелегальна ўтрымлівае ўладу ў Беларусі.

❗️Зняволеныя паводле “наркатычнага” артыкула могуць паспрабаваць зменшыць тэрмін зняволення.

♦️ Улады вырашылі панізіць тэрмін зняволення паводле часткі 4 артыкула 328 Крымінальнага кодэкса. Праз гэта могуць быць перагледжаныя прысуды, якія былі прызначаныя раней.

✅ Пасля 3 сакавіка тыя, каго зняволілі з такой падставы, могуць звярнуцца ў суд першай інстанцыі, які выносіў вырак, з хадайніцтвам аб змякчэнні пакарання. Тыя, хто ўжо адседзеў прызначаныя тэрміны паводле гэтай падставы, могуць звярнуцца для памяншэння тэрміну зняцця судзімасці.

❗️Відавочна, галоўная прычына забароны на карыстанне беларусамі гэтымі рэсурсамі – адрозненне рэтранслюемых праз іх поглядаў, ад наратываў дзяржаўнай прапаганды кіроўнага ў Беларусі рэжыму.

🔸 Суд у Гомелі вызнаў “экстрэмісцкімі матэрыяламі” канал армянскага палітолага у Telegram ды старонку Беларускага моладзевага хабу ў Facebook, а суд на Віцебшчыне паклапаціўся пра “экстрэмісцкасць” групы пра Гомель, заблакаванай у “Одноклассниках”.

✅ Чытаць больш дэталёва

📍Міжнародны дзень рома адзначаецца 8 красавіка

8 красавіка адзначаецца Міжнародны дзень рома. Менавіта ў гэты дзень у 1971 годзе ў Лондане прайшоў Першы Сусветны ромскі кангрэс, на якім прысутнічалі ромскія дэлегаты з 30 дзяржаў. У тым жа годзе быў створаны Міжнародны саюз цыганоў. Адным з вынікаў кангрэса стала прыняцце нацыянальных сімвалаў — сцяга і гімна.

Якая сітуацыя з правамі рома ў Беларусі? Гэтая тэма, сярод іншага, уздымалася на 3 095 пасяджэнні Камітэта аб ліквідацыі ўсіх формаў расавай дыскрымінацыі, падчас прэзентацыі справаздачы Беларуссю як дзяржавы-ўдзельніцы Канвенцыі аб ліквідацыі ўсіх формаў расавай дыскрымінацыі.

Тады судакладчык Камітэта закрануў пытанні супольнасці рома ў Беларусі: адукацыя, працаўладкаванне, сацыяльныя паслугі, ахова здароўя ды іх прафіляванне.

«Рома па-ранейшаму сутыкаюцца з маргіналізацыяй, дыскрымінацыяй, высокім узроўнем беспрацоўя, нізкім узроўнем адукацыі ды адсутнасцю доступу да сацыяльных паслугаў».

Чытаць па спасылцы 👉 https://spring96.org/be/news/117759

Amnesty International: Беларусь у ліку 46 краін, што выносілі смяротныя прысуды ў 2024 годзе

Па ўсім свеце праваабаронцы налічылі сама меней 2075 вынесеных смяротных выракаў і не менш за 1508 пакаранняў смерцю. Адсутнасць даных па шэрагу краін, вядомых сваёй практыкай прымянення вышэйшай меры пакарання, паказвае на тое, што маштабы могуць быць значна большымі.

Amnesty International канстатавала, што Беларусь — адзіная краіна ў Еўропе, дзе прымяняецца смяротнае пакаранне. Зафіксаваны летась прысуд — па справе нямецкаму грамадзяніну Рыка Крыгеру, асуджанаму за «акт тэрарызму» паводле некалькіх крымінальных артыкулаў у рамках працэсу, што праходзіў у закрытым рэжыме.

Крыгер, нагадала арганізацыя, быў памілаваны і перададзены Германіі ў рамках шырокага абмену зняволенымі паміж Расіяй і краінамі Захаду.

Падрабязнасці 👉 dp.spring96.org/be/news/117753

🎓 Школа па палітыцы, лідарству і адвакацыі ў Варшаве

Як моладзь можа змяняць палітыку і ўплываць на рашэнні? Дзе вучыцца пра дэмакратыю, лідарства і правы чалавека з тымі, хто сапраўды мае досвед?

З 2 па 6 чэрвеня ў Варшаве пройдзе Школа па палітыцы, лідарстве і адвокацыі, арганізаваная БДІПЧ (ОБСЕ) і фондам Фрыдрыха Эберта. Праграма збярэ 25 удзельн_іц з розных краін Усходняга партнёрства і Балкан.

📌 Каго шукаюць?
— парламентары_ек або тых, хто ўжо ўдзельнічаў у выбарах
— сябраў палітычных партый
— маладзёвых актывіст_ак, што працуюць з тэмамі дэмакратыі і правоў чалавека
Узрост: 18–35 гадоў
🌍 Краіны: Беларусь, Украіна, Малдова, Грузія, Арменія, Азербайджан, Косава*, краіны Заходніх Балканаў

📚 Што ў праграме?
— практычныя сесіі па лідарстве, адвокацыі, перамовах і палітычнай камунікацыі
— трэнінгі, ролявыя гульні, сустрэчы з эксперт_камі
— падтрымка і абмен досведам з іншымі ўдзельн_іцамі

Удзел бясплатны — праезд і пражыванне аплочваюцца арганізатарамі
📅 Дэдлайн падачы заявак: 13 красавіка 2025
📨 Форма падачы заявак і дадатковая інфармацыя тут!

Траіх жанчын-палітзняволеных улады працягваюць утрымліваць у калоніі № 24 у г.п. Зарэчча каля Рэчыцы.

✅ Спіс палітзняволеных у калоніі № 24 у г. п. Зарэчча Рэчыцкага раёна (красавік)

Праз апошнія прызначэнні на пасады суддзяў робіцца відавочным, што актыўны ўдзел у палітычных рэпрэсіях дапамог многім маладым асобам, якім Лукашэнка даверыў быць суддзямі, зрабіць някепскую кар’еру ў судовай сістэме дзейнага ў Беларусі рэжыму.

♦️Лукашэнка падвысіў актыўную выканаўцу палітычных рэпрэсіяў з Мазыра да намесніцы старшыні суда ў Каленкавічы.

✅ Больш пра тое, за што яе павысілі, ТУТ ⬅️

💢7 красавіка — Сусветны дзень здароўя. Па стане на 7 красавіка 2025 году праваабаронцам вядома не менш чым пра 203 палітвязні, якія знаходзяцца за кратамі ў асаблівай рызыцы...

https://shorturl.at/6z47k

Тэнэсі – адзін з 27 штатаў ЗША, дзе смяротнае пакаранне дагэтуль з’яўляецца легальным захадам пакарання. Аднак у васьмі штатах на яго накладзеныя рознага кшталту мараторыі. У федэральным заканадаўстве мараторый на смяротнае пакаранне дзейнічае з 2021 года. Аднак пасля вяртання на пасаду прэзідэнта ЗША Дональд Трамп заявіў пра тое, што ён адменіць мараторый і верне практыку выканання смяротнага пакарання ва ўсёй краіне.

♦️Амерыканскі штат Тэнэсі выдаткаваў амаль 600 тысяч даляраў на набыццё прэпаратаў для смяротнага пакарання.

✅ Чытаць падрабязней.

🔸У Мазырскім раёне ўлады Беларусі ўтрымліваюць 18 чалавек, якіх беларуская праваабарончая супольнасць вызнала палітычнымі зняволенымі.

✅ Спіс палітзняволеных у калоніі № 20 у Міхалкаўскім сельсавеце Мазырскага раёна на 1 красавіка 2025 года.

✅ Спіс палітзняволеных у карнай установе ПУАТ № 21 у Мазыры.

🇪🇺Еўрапарламент прыняў рэзалюцыю аб пераследзе беларусаў за мяжой

За рэзалюцыю прагаласавалі 535 дэпутатаў, 55 устрымаліся, 19 — выказаліся супраць.

У дакуменце разглядаецца «пераслед грамадзян Беларусі за іх мірную дэмакратычную дзейнасць за мяжой, як наўпроставае парушэнне тэрытарыяльнага суверэнітэту дзяржаў-чальцоў ЕС», а таксама «заклікае да агульнаеўрапейскай прававой падтрымкі і абароны беларусаў у выгнанні», у тым ліку тых, хто не мае магчымасці абнавіць дакументы, што сведчаць пра асобу, і супраць якіх ужываецца экстэрытарыяльны пераслед.

Дэпутаты Еўрапарламента заклікаюць Міжнародны крымінальны суд «паскорыць разгляд злачынстваў супраць чалавечнасці, учыненых рэжымам Лукашэнкі».

Чытаць па спасылцы 👉 https://spring96.org/be/news/117725

♦️Чарговае беспадстаўнае абмежаванне права на свабоду пошуку, атрымання і распаўсюду інфармацыі, гарантаванага кожнаму артыкулам 19 Усеагульнай дэкларацыі правоў чалавека.

У Нароўлі мясцовы суд 👨🏻‍🎓стурбаваўся чатам расійскага блогера-падарожніка на 298 удзельнікаў і абвясціў яго “экстрэмісцкім матэрыялам”.

✅ Больш дэталёва ТУТ 👈

🤬 Да пажылой маці праваабаронцы Леаніда Судаленкі прыходзілі сілавікі

Былы палітзняволены праваабаронца, які выехаў за мяжу пасля выхаду з турмы, каб мець магчымасць працягваць сваю працу, лічыць, што гэты візіт не выпадковы:

«Прымусілі 87-гадовую жанчыну падпісаць пратакол пра маю адсутнасць у доме, які я пакінуў яшчэ ў часы СССР. Яны ведаюць, дзе я – і ўсё роўна прыйшлі! Ім абыякавы яе ўзрост, здароўе, сэрца. Яны прыйшлі, каб зламаць. Каб учыніць боль. Каб сказаць: «Твой сын – злачынец. Ён у вышуку», – напісаў Леанід Судаленка на сваёй старонцы ў сацсетцы.

Нават знаходзячыся за кратамі праваабаронца бярог маці:

«Казаў, што працую за мяжой. Бераг яе здароўе. Пасля вызвалення паспеў развітацца з ёю назаўсёды. Але і тады не сказаў праўду – проста паўтарыў: «Паехаў працаваць за мяжу». А нядаўна, віншуючы з днём нараджэння, пачуў: «Сынок, калі ты да мяне прыедзеш?» Я не змог яе раніць. Адказаў: «Восенню, мама. Абавязкова прыеду». Хоць дакладна ведаю – хутчэй за ўсё, не атрымаецца...» – распавёў Леанід.

У СІЗА № 3 у Гомелі станам на 1 красавіка 2025 года ўлады ўтрымліваюць 21 чалавека, вызнанага праваабарончай супольнасцю Беларусі палітычнымі зняволенымі.

🟩 Спіс палітзняволеных у СІЗА № 3 ў Гомелі (сакавік)

🔺Улады працягваюць абвяшчаць усё больш беларусаў “экстрэмістамі”: яшчэ трое жыхароў Гомельшчыны папоўнілі спіс.

🟩 Чытаць болей

❗️Чацвярых палітычных зняволеных трымаюць улады ў так званай "папраўчай" установе адкрытага тыпу № 17 у Гомелі станам на 1 красавіка 2025 года.

✅Спіс палітзняволеных у ПУАТ № 17 у Гомелі (красавік).

📚 Часам адна кніга можа зрабіць больш, чым сто лекцый.

Яна застаецца з табой, вучыць суперажываць, бачыць несправядлівасць і не прамаўчаць там, дзе трэба гаварыць.

Мы сабралі 9 кніг, якія дапамагаюць сфармаваць тое самае праваабарончае мысленне.
Кнігі, пасля якіх ты ўжо не зможаш быць абыякавым! А якую кнігу вы бы прапанавалі дадаць у падборку?

Захоўвай і чытай! 🧡

І падпісвайся на наш Instagram каб першым/ай знаходзіць цікавосткі пра правы чалавека 🤗

Дапамога Антаніне Канавалавай: рэабілітацыя пасля 4,5 гадоў зняволення

За кратамі ў жанчыны вельмі пагоршыўся зрок. Яна атрымала інваліднасць. Для аднаўлення Антаніне патрэбная тэрміновая дыягностыка і аперацыя.

Нагадаем, давераную асобу Святланы Ціханоўскай Антаніну Канавалаву асудзілі паводле арт. 293 КК (масавыя беспарадкі) на 5,5 гадоў калоніі. Жанчына правяла з няволі 4,5 гады і выйшла па памілаванні. Увесь гэты час на волі яе чакалі двое непаўнагадовых дзяцей.

Падтрымаць жанчыну на BYSOL

❗️Вікторыю Кульшу чакае чацвёрты суд за «злоснае непадпарадкаванне адміністрацыі калоніі»

Палітзняволеная Вікторыя Кульша мусіла выйсці на волю ў красавіку 2025 года па заканчэнні тэрміну. Але днямі яе перавялі ў гомельскі СІЗА-3 у межах чацвёртай крымінальнай справы паводле ч. 1 арт. 411 КК (злоснае непадпарадкаванне законным патрабаванням адміністрацыі калоніі), піша @dissidentBY.

Раней ёй ужо тройчы прызначалі пазбаўленне волі па гэтым артыкуле. Агульны тэрмін Вікторыі цяпер складае пяць гадоў і шэсць месяцаў зняволення.

Увесь час у зняволенні на жанчыну аказваецца ціск. Яе неаднаразова змяшчалі ў штрыфны ізалятар і ПКТ. Па інфармацыі праваабаронцаў, у зарэчанскай калоніі № 24 адзін з наглядчыкаў душыў Вікторыю локцем, стоячы ззаду, а таксама цягаў яе па камеры. Праз галадоўкі ў яе двойчы здараўся сардэчны прыступ.

Чытаць па спасылцы 👉 https://spring96.org/be/news/117721

✊Amnesty International збірае подпісы ў падтрымку Марфы Рабковай

Каардынатарка Валанцёрскай службы «Вясны» была затрымана 17 верасня 2020 года. Пазней праваабаронцу абвінавацілі па шэрагу артыкулаў Крымінальнага кодэкса за падзеі 2016-2020 гадоў і асудзілі да 15 гадоў зняволення і велізарнага штрафу.

Па выніках апеляцыі Марфе скарацілі тэрмін на тры месяцы. Прысуд уступіў у сілу і Рабкову этапавалі ў гомельскую калонію.

Amnesty International Polska збірае подпісы ў падтрымку Марфы — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне.

Падпісаць петыцыю па спасылцы

❗️ Палітзняволеная Вікторыя Кульша не выйдзе на волю. За некалькі дзён да вызвалення яе перавялі ў СІЗА

На Вікторыя завялі чацвёртую запар крымінальную справу па артыкуле 411.

Нагадаем, Вікторыя Кульша была адміністратаркай чату «Кіроўцы 97%», яе затрымалі і асудзілі на 2,5 года пазбаўлення волі. Пазней на жанчыну штораз заводзілі крымінальныя справы за злоснае непадпарадкаванне законным патрабаванням адміністрацыі папраўчай установы.

Вікторыя правяла 70 сутак ШІЗА і 6 месяцаў у ПКТ падчас зняволення. За кратамі жанчына ўвесь час спазнае маральны і фізічны гвалт.

✊Amnesty International: Марфа Рабкова павінна быць вызваленая

Арганізацыя збірае подпісы пад адмысловай петыцыяй, каб пазней перадаць кіраўніку МЗС Польшчы, якога заклікаюць узнімаць пытанне вызвалення беларускай палітзняволенай на міжнароднай арэне.

Нагадаем, каардынатарку Валанцёрскай службы «Вясны» затрымалі ў верасні 2020 года, а потым асудзілі да 15 гадоў зняволення і велізарнага штрафу.

Марфа адбывае пакаранне ў гомельскай жаночай калоніі.

Падпісаць петыцыю можна тут.

☝️ У Мазыры анансавалі дні цвярозасці: у дні апошніх званкоў і выпускных

Мазырскі райвыканкам рашэннем №400 ад 21 сакавіка пастанавіў не прадаваць алкаголь у тыя ж даты: з 8 раніцы 24 мая па 8 раніцы 25 мая, а таксама з 8 раніцы 13 чэрвеня да 8 раніцы 14 чэрвеня.

Але ёсць выключэнне: ва ўстановах грамадскага харчавання ў разліў.

🤔Вельмі дзіўныя справы з турэмнымі крамамі: гомельскае СІЗА цяпер абслугоўвае аўталаўка

Адразу дзве стацыянарныя крамы, якія знаходзяцца ў СІЗА № 3 у Гомелі (адна для падследных, другая – для наведнікаў) перасталі працаваць з 25 сакавіка.

Кантралёры абяцалі сваякам падследных, што права на куплю прадуктаў харчавання і тавараў першай неабходнасці, прапісанае ў КВК будзе захавана. Для гэтага ў СІЗА-3 цяпер будзе прыязджаць аўталаўка. А падследным нібыта ўсё роўна адкуль будуць брацца тавары. Праўда, яны прызналі, што сам графік зменіцца і не ў выгадны бок для вязняў.

‼️ Станам на 1 красавіка 2025 года ў так званай “папраўчай” калоніі № 4 ў Гомелі ўлады ўтрымліваюць 107 жанчын-палітзняволеных.

Спіс палітзняволеных у калоніі № 4 ў Гомелі (красавік)
✅ Чытаць тут

❗️«Гэта не прыкмета адлігі», — праваабаронцы «Вясны» пра тое, як рэжым знішчае доказы сваіх злачынстваў

«Вясна» распавядае, чаму ўлады чарговы раз схавалі даныя пра рэпрэсіі і чаму гэта не сведчыць пра паляпшэнне сітуацыі з правамі чалавека ў Беларусі. Праваабаронцы Павел Сапелка і Наталля Сацункевіч аналізуюць актуальнае становішча і заклікаюць неабыякавых беларусаў дапамагаць у распаўсюджванні праўдзівай інфармацыі.

«Скарачэнне вядомай колькасці крымінальных і адміністрацыйных асуджэнняў — гэта не прыкмета адлігі, гэта ў першую чаргу вынік адсутнасці інфармацыі. Мэта такога актыўнага замарожвання інфармацыйнага поля відавочная: гэта імітацыя вяртання да становішча нацыянальнай згоды ў знешнепалітычных мэтах, спроба ўвесці ў зман знешнюю аўдыторыю».

Чытаць па спасылцы 👉 https://spring96.org/be/news/117709

🌿Паведамляйце праваабаронцам пра факты палітычнага пераследу — @ViasnaSOS | @SOSViasna | @Viasnainfo

📝 Летняя школа журналістыкі Journey 2025 у Празе — адкрыты прыём заявак!

Калі вы марыце стаць журналіст_кай міжнароднага ўзроўню, любіце пісаць і хочаце паглыбіць свае навыкі ў сучаснай медыяпрасторы — гэтая праграма для вас.

Дзе: Прага, Чэхія 🇨🇿
Калі: 26 ліпеня – 4 жніўня 2025

Дэдлайн падачы заявак: 6 красавіка 2025

🟠 Для каго?
— студэнты/кі журналістыкі і медыя (пасля 2 семестраў навучання);
— студэнты/кі іншых спецыяльнасцяў з досведам або матывацыяй працаваць у журналістыцы;
— свабоднае валоданне ангельскай мовай.
— удзельнікі/цы з Беларусі, Украіны, Грузіі, Польшчы, Чэхіі, Балгарыі, Румыніі, Венгрыі, Славакіі, Молдовы, краін Заходніх Балкан, ЗША і Вялікабрытаніі.

🟠 Што вас чакае?
— інтэнсіўныя заняткі з журналіст_камі з CNN, The New Yorker, Bloomberg, Reuters, AP;
— праца над вялікімі матэрыяламі з візуальнымі кампанентамі;
— навыкі фактчэкінгу, рэпартажаў у рэальным часе, праверкі інфармацыі з сацсетак;
— практыка пад кіраўніцтвам Пулітцэраўскіх лаўрэатаў.

*Удзел у праграме бясплатны, прадастаўляецца пражыванне і харчаванне, магчымае частковае пакрыццё транспартных выдаткаў.

👉 Падрабязнасці і анкета тут!

❗️"Спроба прыхаваць рэпрэсіі", — праваабаронца Судаленка пра змены на сайце Вярхоўнага Суда. "Сайт часова недасяжны, вядуцца рэглямэнтныя працы". Такую аб’яву з 5 сакавіка можна ўбачыць на сайце Вярхоўнага Суда Беларусі, калі паспрабаваць адкрыць раздзел "Расклад пасяджэнняў". ✅Чытаць болей

Яшчэ двое жыхароў Гомельшчыны вызнаныя палітзняволенымі

31 сакавіка праваабарончая супольнасць Беларусі мусіла прыняць чарговую заяву аб прызнанні палітычнымі зняволенымі яшчэ 11 чалавек, якіх кіроўны ў краіне рэжым з палітычных матываў трымае за кратамі.

✅ Хто гэтыя людзі?

У Гомелі з'явіліся пяць новых тралейбусаў

Гэта новыя МАЗы, у якіх ёсць кандыцыянеры і USB-разеткі для зарадкі мабільных прылад падчас паездкі, сістэмы відэаназірання.

Спадзяемся, яны не загарацца, бо менавіта гэтым праславіліся ў Беларусі і за мяжою МАЗы.

❗️Стала вядома, што 18 красавіка ў Гомельскім абласным судзе пачнецца разгляд крымінальнай справы ў межах спецыяльнай вытворчасці ў адносінах да праваабаронцы і заснавальніка фонда BYSOL Андрэя Стрыжака. 😱 Яго абвінавачваюць па 15 артыкулах Крымінальнага кодэкса: ч. 1 и 2 арт. 361-1, ч 1 и 2 арт. 342, ч. 2 арт. 361-2, ч. 3 арт. 361, арт. 369, ч. 3 арт. 130, ч. 2 арт. 367, арт. 369-1, ч. 2 арт. 368, арт. 370, ч. 2 арт. 361-4, ч. 2 арт. 361-3, ч. 5 арт. 16, ч. 1 арт. 356, ч. 2 арт. 290-1, ч. 1 арт. 289-1. ✅Чытаць болей

Што здарылася ў Гомелі за тыдзень?

📌 У дзень "інагурацыі" Лукашэнкі гомельскія праўладныя інтэрнэт-рэсурсы былі недасяжныя з-за мяжы

📌 Знішчаная расейскім беспілотнікам арка над Чарнобыльскай АЭС не выконвае ахоўную функцыю. Гэта блізка да нашага гораду і можа быць небяспечным

📌 Грамадзяніна Ізраіля катавалі ў Гомелі

📌 Супраць праваабаронцы Судаленкі распачалі новую крымінальную справу

📌 Праваабаронца са Светлагорска заявіла ў міжнародную інстанцыю пра адвольнае пазбаўленне свабоды

📌 Еўрапейскі Саюз увёў абмежаванні да сямі юрыдычных і 25 фізічных асоб з Беларусі, адна з іх – з Гомельскай вобласці

📌 “Гомельская Вясна” паразмаўляла з Дзмітрыем Стагурскім, які прайшоў катаванні за актыўнасць брата

⁉️Што рабіць, калі ўзбудзілі крымінальную справу і апісваюць маёмасць?

Калі супраць вас узбудзілі крымінальную справу, у тым ліку завочна, паводле арт. 361-1 КК (стварэнне экстрэмісцкага фармавання або ўдзел у ім), і следчыя апісваюць маёмасць, то юрысты звяртаюць увану, што падчас ператрусу вельмі важна атрымаць дакумент пра ператрус. Важна ведаць, у які орган потым звяртацца.

Юрыстам пры працы з такімі зваротамі трэба разабрацца ў падставах адабрання маёмасці: гэта рашэнне суда аб канфіскацыі, арышт у межах прымусовага спагнання грашовай суммы, ці асобнае рашэнне з удзелам КДБ.

У межах канфіскацыі па рашэння суда ці арышту маёмасці ў межах прымусовага выканання ёсць свае правілы, якая маёмасць можа быць вынятай, а якая не — у дадзеным выпадку будзе працаваць абскарджанне арышту маёмасці.

Чытаць па спасылцы 👉 https://spring96.org/be/news/117689

✍️Калі вы сутыкнуліся з парушэннямі з боку дзяржавы, звяртайцеся па дапамогу з абскарджаннем да Юрыдычнай службы «Вясны»: @zvarot96 | zvarot@spring96.org

Палітычны зняволены Аляксей Драб з Мінска, які знаходзіцца ў “папраўчай” калоніі № 20 у Міхалкаўскім сельсавеце Мазырскага раёна, у чарговы раз сустрэне свой дзень народзінаў за кратамі.

Яму споўніцца 39 гадоў.

💌 Зняволенаму можна даслаць паштоўку, ліст альбо тэлеграму, і такім чынам маральна падтрымаць.

✅ Чытаць болей
https://gomelspring.org/be/news/11262

“Першы допыт у мяне быў праз сем дзён. Пыталі, ці ведаю я яшчэ кагосьці, хто бярэ ўдзел у нейкіх палітычных актыўнасцях, альбо падпісаны на тыя “экстрэмісцкія рэсурсы”, альбо хадзілі на мітынгі. Прыкладна такі ж быў і другі допыт. На ім мне ўжо пагражалі, што вывязуць мяне ў лес, нешта там са мной зробяць, зламаюць маю хворую нагу альбо падкінуць мне нешта і “закрыюць” на тры гады. Яны патрабавалі нейкую інфармацыю пра брата, якой у мяне папросту не было. Я ім распавядаў толькі пра сваю вучобу”

🔸“Адносіліся як да быдла”. Жыхар Гомельскага раёна, арыштаваны дзеля помсты брату за ўдзел у акцыі ў Ізраілі, распавёў, што з ім адбылося

“Гомельская Вясна” паразмаўляла з Дзмітрыем Стагурскім, які прайшоў катаванні за актыўнасць брата.

✅ Чытаць гутарку цалкам

“Першы допыт у мяне быў праз сем дзён. Пыталі, ці ведаю я яшчэ кагосьці, хто бярэ ўдзел у нейкіх палітычных актыўнасцях, альбо падпісаны на тыя “экстрэмісцкія рэсурсы”, альбо хадзілі на мітынгі. Прыкладна такі ж быў і другі допыт. На ім мне ўжо пагражалі, што вывязуць мяне ў лес, нешта там са мной зробяць, зламаюць маю хворую нагу альбо падкінуць мне нешта і “закрыюць” на тры гады. Яны патрабавалі нейкую інфармацыю пра брата, якой у мяне папросту не было. Я ім распавядаў толькі пра сваю вучобу”,

🔸“Адносіліся як да быдла”. Жыхар Гомельскага раёна, арыштаваны дзеля помсты брату за ўдзел у акцыі ў Ізраілі, распавёў, што з ім адбылося

“Гомельская Вясна” паразмаўляла з Дзмітрыем Стагурскім, які прайшоў катаванні за актыўнасць брата.

✅ Чытаь

☝️ Маленькая гамяльчанка стала срэбнай прызёркаю на Нацыянальным чэмпіянаце Ізраіля сярод каманд па мастацкай гімнастыцы

Марта Барадзіна – дачка палітуцекача Алега Барадзіна, выступала ў асноўным складзе каманды «Сэхлавім Ашдод».

«Гэты ўражлівы вынік – плод цяжкай працы, самаадданых трэніровак і прафесійнай падрыхтоўкі пад кіраўніцтвам трэнера, інструктараў і бацькоў цягам усяго года. Маленькая беларуска на п’едэсталах спартыўнага Алімпу Ізраілю. Яна паказала высокі ўзровень выканання, уражлівыя здольнасці і ўменне трымацца пад ціскам. Гэта вялікі гонар» – напісаў тата Марты на сваёй старонцы ў Facebook.

Цяпер Марта рыхтуецца да міжнародных турніраў. Гомельская вясна зычыць маленькай зямлячцы перамог!

❗️❗️Еўрапейскі Саюз увёў абмежаванні да сямі юрыдычных і 25 фізічных асоб з Беларусі, адна з іх – з Гомельскай вобласці. 27 сакавіка Еўрапейскі Саюз уключыў у спіс асоб, у адносінах якіх ужываюцца абмежавальныя меры, яшчэ 25 фізічных і 7 юрыдычных асоб, якія звязаны з кіроўным у Беларусі рэжымам.

У рашэнні Рады ЕС гаворыцца, што абмежаванні адносна іх уводзяцца ў сувязі з так званымі прэзідэнцкімі выбарамі і за падтрымку рэпрэсіўнага рэжыму, за садзейнічанне рэпрэсіям, парушэнням правоў чалавека, а таксама ваеннаму супрацоўніцтву з Расіяй у падтрымку вайны супраць Украіны. ✅Чытаць болей

⁉️Каго пераследуюць за «стварэнне або ўдзел у экстрэмісцкім фармаванні»?

Паводле інфармацыі «Вясны», за «стварэнне экстрэмісцкага фармавання або ўдзел у ім» (арт. 361-КК) асуджаныя мінімум 258 чалавек. Па гэтым артыкуле былі асуджаныя мінімум 22 журналісты і 11 блогераў, шэсць юрыстаў і адвакатаў, 24 актывіста, 10 былых сілавікоў, 31 палітыка, 19 дзеячаў культуры.

Сярод асуджаных — 41 жанчына. 36 чалавек асуджаныя за «ўдзел у экстрэмісцкім фармаванні» за падтрымку Украіны ў вайне. 58 чалавек асудзілі завочна.

Паводле арт. 361-1 КК у спалучэнні з іншымі артыкуламі КК судзілі пяць замежнікаў: Зянковіча Юрыя, які мае амерыканскае грамадзянства, грамадзяніна Украіны Катовіча Аляксандра, немца Крыгер Рыка, грамадзянінаў Расійскай Федэрацыі Паднябеннага Андрэя і Сычова Алега.

Чытаць па спасылцы 👉 https://spring96.org/be/news/117689

💳Падтрымаць «Вясну» на Patreon | Аднаразовым данатам

⚡ 60 афганскіх бежанак могуць дэпартаваць у Афганістан, дзе ім пагражае смяротнае пакаранне

31 сакавіка Пакістан плануе масавую дэпартацыю афганскіх бежанцаў, у тым ліку 60 жанчын-актывістак. Калі іх вышлюць, ім пагражаюць катаванні, турма або смяротнае пакаранне за праваабарончую дзейнасць.

Праваабаронца з Нідэрландаў Надзя Мюлер запусціла петыцыю, якую ўжо падпісалі 140 тысяч чалавек, заклікаючы трэція краіны прыняць бежанак. Але пакуль Бразілія і Нідэрланды адмовіліся, а ў Пакістане афганцаў масава высяляюць і пераследуюць.

Пакістан актыўна выкарыстоўвае смяротнае пакаранне, і з 2014 года там было пакараныя больш за 500 чалавек. Пакаранне часта выносяць пасля несправядлівых судовых працэсаў, у тым ліку на падставе прызнанняў, атрыманых праз катаванні.

🔗 Падрабязней па спасылцы.

У Веткаўскім музеі загукаюць вясну

29 сакавіка а 12:00 музей запрашае ў Ветку ўсіх, хто хацеў бы паўдзельнічаць у архаічным беларускім абрадзе «Гуканне вясны» на ўзбярэжжы ракі.

Будуць спевы, гульні, танцы, карагоды і цікавыя абрады. Будзе весела. Таксама можна ўзяць старыя непатрэбныя рэчы, каб спаліць іх – прывітаць вясну і развітацца з зімою.

🤬 Трэнера з Гомеля, якога абвінавацілі ў абразе Лукашэнкі, МУС абвясціў “экстрэмістам”. У так званы “Спіс асобаў, датычных да экстрэмісцкай дзейнасці” карнікі сёння дадалі імёны яшчэ 15 чалавек. ✅ Чытаць болей

У красавіку – дні нараджэння ў двух палітзняволеных у гомельскім СІЗА

Падаем звесткі пра іх і адрас, на які ім можна адаслаць паштоўку, ліст альбо тэлеграму.

✅ Чытаць болей

☝️ Праваабаронца са Светлагорска заяўляе ў міжнародную інстанцыю пра адвольнае пазбаўленне свабоды

Вынесены ўвосень мінулага года завочны прысуд, на думку жанчыны, з’яўляецца адвольным затрыманнем і парушае шэраг яе неад’емных правоў.

✅ Чытаць болей