"Tandir Fest" festivali turizm shaydolarini Boysunga chorlaydi

Joriy yilning 2-4-may kunlari Surxondaryo viloyatining go‘zal va maftunkor tog‘lar qo‘ynidagi Boysun tumanida "Tandir Fest" festivali bo‘lib o‘tadi.

Batafsil: https://uza.uz/posts/713680

Surxondaryo.uz | Telegram | Facebook | Instagram | YouTube | X

Prezident topshiriqlari ijrosi: Surxondaryoning barcha hududlarida “Yoshlar va turizm” ko‘chalari tashkil etilmoqda

Video: Termiz shahrida tashkil etilgan 24/7 rejimda ish yurituvchi “Yoshar va turizm” ko‘chasining kechki faoliyati.

Surxondaryo.uz | Telegram | Facebook | Instagram | YouTube | X

Bandixon va Termiz tumanlari hamda Termiz shahrida loyihalar va vazifalar ijrosi o‘rganildi

Surxondaryo.uz | Telegram | Facebook | Instagram | YouTube | X

Surxondaryo viloyatida shahar va qishloqlar, mahalla va guzarlar obodligiga, ko‘chalar ko‘rkamligi hamda ozodaligiga alohida e’tibor qaratilib kelinmoqda.

Bugun Surxondaryo viloyati hokimi Ulug‘bek Qosimov Termiz shahrining markaziy ko‘chalari, Termiz tumanidagi xalqaro va davlat ahamiyatidagi yo‘llarda obodonlashtirish va ko‘kalamzorlashtirish ishlarining borishi, avvalgi tashriflarda berilgan topshiriqlar ijrosi bilan tanishdi.

Shuningdek, Termiz tumanida boshlangan yirik loyihalarning amalga oshirilishi, qurilish ta’mirlash, daryo bo‘yi mintaqasini mustahkamlash ishlari ko‘zdan kechirildi.

Mutasaddilarga obodonlashtirish ishlariga mas’uliyat bilan yondashish, yashil hududlar parvarishi, ko‘cha va yo‘llar ozodaligini ta’minlash, yirik loyihalarni muddatida va sifatli amalga oshirish yuzasidan vazifalar yuklandi.

Surxondaryo.uz | Telegram | Facebook | Instagram | YouTube | X

Surxondaryoda ilk bor o‘tkaziladigan – "Tandir Fest" festivaliga marhamat!

Aziz vohadoshlar va viloyatimiz mehmonlarini joriy yil 2-3-4-may kunlari Surxondaryo viloyatining go‘zal va betakror maskani — Boysun tumanidagi "Boysun bahori" turizm majmuasida birinchi marta tashkil etilayotgan "Tandir Fest" festivaliga taklif etamiz!

Bu festival – milliy qadriyatlarimizni, boy oshpazlik an’analarimizni, xalq amaliy san’ati va madaniy merosimizni keng targ‘ib etishga qaratilgan noyob madaniy tadbirdir.

Festival dasturidan:
➖hududlardan kelgan oshpazlar ishtirokida "Tandiri go‘shti"ni tayyorlash bo‘yicha mahorat darslari;
➖milliy an’analar va xalq amaliy san’ati ko‘rgazmalari;
➖madaniy-hunarmandchilik yarmarkalari;
➖havo sharlari uchirish tadbirlari;
➖jonli kuy-qo‘shiqlar, folklor jamoalar chiqishlari hamda milliy raqslar namoyishi;
➖shuningdek, festivalning yopilish marosimida taniqli san’atkorlar ishtirokidagi galakonsert tomoshalari o‘rin olgan.

Keling, marhamat qiling, oilaviy va do‘stlaringiz bilan birgalikda xotiralarga boy, mazmunli dam oling!

⛳️Manzil: Surxondaryo viloyati, Boysun tumani, "Boysun bahori" turizm majmuasi;
📆Sana: 2025-yil 2-4-may kunlari;
📍Joylashuv: Lokatsiya ochish.

Surxondaryo.uz | Telegram | Facebook | Instagram | YouTube | X

Surxondaryo viloyati hokimligi Axborot xizmatining faoliyati bu yil ham yuqori darajada baholandi

Axborot va ommaviy kommunikatsiyalar agentligi tomonidan respublika darajasidagi davlat organlari va tashkilotlari, mahalliy davlat hokimiyati organlarining 150 nafar matbuot kotibi ish samaradorligi baholandi.

Ochiqlik indeksining birinchi indikatori hisoblangan mazkur reytingda Surxondaryo viloyati hokimligi Axborot xizmati faoliyati 86,9 ball bilan baholanib, yuqori darajada qayd etildi.

2024-yil yakunlari bo‘yicha baholangan jami 150 ta tashkilot va idoraning:
➖ 45 nafar matbuot kotibi (30%) ish natijalari yuqori;

➖ 59 nafari (39,4%) o‘rta;

➖ 38 nafari (25,4%) qoniqarli;

➖ 8 nafari (5,2%)ning faoliyati past darajada deb baholangan.

👉 Batafsil

Surxondaryo.uz | Telegram | Facebook | Instagram | YouTube | X

Prezidentimizning irrigatsiya tarmoqlarini modernizatsiya qilish, suv resurslaridan samarali foydalanish hamda zamonaviy texnologiyalarni joriy etishga oid qaror va topshiriqlariga muvofiq, Surxondaryo viloyatida qator yirik loyihalar amalga oshirilmoqda.

Bugun viloyat hokimi Ulug‘bek Qosimov Bandixon tumaniga tashrif buyurib, mazkur topshiriqlar doirasida "Do‘stlik" kanalini betonlash orqali rekonstruksiya qilish ishlari bilan tanishdi.

Tashrif doirasida qishloq xo‘jaligi sohasi va fermer xo‘jaliklari rahbarlari bilan uchrashuv o‘tkazildi. Uchrashuvda suv resurslaridan oqilona foydalanish, "kam xarajat – ko‘p hosil" tamoyili asosida ish yuritish, shuningdek, ilmiy yondashuvlarni qo‘llash masalalari muhokama qilindi.

Bundan tashqari, g‘alla va paxta parvarishi ishlarining borishi tahlil qilinib, kelgusida amalga oshirilishi lozim bo‘lgan ustuvor vazifalar belgilab olindi.

Surxondaryo.uz | Telegram | Facebook | Instagram | YouTube | X

O’zbekiston vaqti bilan | Sayrobning ming yillik chinorlari

Surxondaryo.uz | Telegram | Facebook | Instagram | YouTube | X

Surxondaryo viloyat qo‘g‘irchoq teatri Turkiyada xalqaro festivalda ishtirok etdi

Turkiya davlatida joriy yil 19-25-aprel kunlari tashkil etilgan “I Xalqaro bolalar teatri festivali”da Surxondaryo viloyati qo‘g‘irchoq teatri ijodiy jamoasi muvaffaqiyatli ishtirok etdi.

Festival doirasida teatr jamoasi “Bremen musiqachilari” spektaklini namoyish qilib, xalqaro tomoshabinlar e’tiborini qozondi va yosh tomoshabinlarda iliq taassurot qoldirdi.

Mazkur ishtirok Surxondaryo san’ati rivoji yo‘lida muhim qadam bo‘lib, mahalliy ijodkorlarning xalqaro miqyosdagi ijodiy faoliyatini namoyon etadi.

#teatr #xalqarofestival #madaniyat #bolalarteatri #bremenmusiqachilari

Surxondaryo.uz | Telegram | Facebook | Instagram | YouTube | X

Investorlar bilan uchrashuv, yangi tashabbuslarning taqdimoti va hududlarda loyihalar ijrosi o‘rganildi

Surxondaryo.uz | Telegram | Facebook | Instagram | YouTube | X

Aholi turmush darajasini oshirish, infratuzilmani rivojlantirish, shuningdek, yangi investitsion loyihalarni amalga oshirish bo‘yicha belgilangan vazifalarning ijrosini o‘rganish ishlari Sho‘rchi tumanida davom etdi.

Viloyat hokimi tashrifini "Qora ariq" mahallasidan boshlab, hududning infratuzilma holati, aholi turmush sharoiti, tomorqalardan foydalanish va qishloq xo‘jaligi faoliyati bilan yaqindan tanishdi.

Tashrif doirasida "Best-Faxr-Mebel" MCHJ tomonidan amalga oshirilayotgan mebel ishlab chiqarish loyihasi faoliyati ham o‘rganildi.
Shuningdek, mahallada yangidan qurilgan umumta’lim maktabi binosi ko‘zdan kechirilib, mavjud kamchiliklarni bartaraf etish yuzasidan tegishli ko‘rsatmalar berildi.

Shundan so‘ng, viloyat rahbari "Bo‘ston" mahallasida "Mega-Stroy-Star" MCHJ tashabbusi bilan tashkil etilayotgan xususiy klinika hamda "Oqkamar" mahalasida joylashgan "Navoiy" innovatsiyalar instituti tomonidan amalga oshirilayotgan tibbiyot klasterini tashkil etish loyihalari bilan tanishdi.

Tashrif davomida viloyat hokimi mazkur loyihalarning ahamiyati, yaratilayotgan zamonaviy sharoitlar, aholiga sifatli tibbiy xizmat ko‘rsatish va malakali kadrlar tayyorlash masalalari bo‘yicha zarur tavsiya va topshiriqlar berdi.

Surxondaryo.uz | Telegram | Facebook | Instagram | YouTube | X

📸 Sariosiyo tumani Yuqori To‘palang milliy tabiat bog‘i manzaralari

Surxondaryo.uz | Telegram | Facebook | Instagram | YouTube | X

Surxondaryo viloyatini ijtimoiy-iqtisodiy rivojlantirish, istiqbolli loyihalarni amalga oshirish va aholi bandligini ta’minlashda investitsiyalarning o‘rni beqiyos. Shu maqsadda, bugun viloyat hokimi Ulug‘bek Qosimov Termiz shahrida amalga oshirilayotgan investitsiya va eksport yo‘nalishidagi ishlar holati bilan tanishdi.

Dastlab, shaharning Yangi O‘zbekiston, Islom Karimov va Ibn Sino ko‘chalarida piyodalar hamda velosiped yo‘laklarini barpo etish bo‘yicha loyihalar taqdimoti ko‘rib chiqildi.

Shundan so‘ng, "Asl Don 2024" MCHJ hududida xorijiy investorlar bilan uchrashuv tashkil etildi. Uchrashuvda ko‘p qavatli turar joylar, savdo va maishiy xizmat ko‘rsatish nuqtalari, biznes markazlar barpo etish kabi yo‘nalishlardagi loyihalar muhokama qilindi. Demografik o‘sish va urbanizatsiya tendensiyalarini hisobga olgan holda loyihalarni "Hi-Tech" uslubida takomillashtirish bo‘yicha tavsiyalar berildi.

Shuningdek, korxona majlislar zalida eksport ko‘rsatkichlari, eksport qiluvchi korxonalarga qo‘shilgan qiymat solig‘ini (QQS) qaytarish masalalari hamda investitsiya yo‘nalishidagi vazifalarning ijrosi muhokama qilindi. Yo‘l qo‘yilgan kamchiliklar sanab o‘tilib, bartaraf etish bo‘yicha mutasaddi rahbarlarga aniq vazifalar yuklatildi.

Surxondaryo.uz | Telegram | Facebook | Instagram | YouTube | X

UzA | Viloyat hokimi yangi tashabbus va g‘oyalarni tingladi

Surxondaryo viloyat hokimi Ulug‘bek Qosimov vohani har tomonlama rivojlantirish, aholi farovonligini oshirish, yangi tashabbus va g‘oyalarni joriy etishda turli sohalarda xizmat qilayotgan ilg‘or tajriba hamda bilim egalari, nuroniylar hamda yoshlarning fikr-mulohazalarini tingladi.

Ochiq muloqotda viloyatning ijtimoiy-iqtisodiy salohiyatini yuksaltirish, aholining turmush darajasini oshirishga qaratilgan qator muhim taklif va tashabbuslar ilgari surildi. Mazmunli va samarali uchrashuv yakunida viloyat taraqqiyoti uchun ustuvor bo‘lgan beshta yo‘nalish aniqlab olindi.

Batafsil: https://uza.uz/posts/712718

Surxondaryo.uz | Telegram | Facebook | Instagram | YouTube | X

O‘zbekiston va Turkiya o‘rtasidagi strategik hamkorlik nafaqat iqtisodiy yoki siyosiy, balki ta’lim sohasida ham mustahkamlanib bormoqda.

Mazkur hamkorlik doirasida Termiz iqtisodiyot va servis universiteti tibbiyot fakulteti talabalari va o‘qituvchilari Turkiyaning Istanbul shahrida joylashgan nufuzli Istanbul Medipol universitetida o‘quv amaliy mashg‘ulotlarda ishtirok etishdi.

Amaliy mashg‘ulotlar jarayonida talabalar zamonaviy klinik bazalarda tajribali mutaxassislar rahbarligida nazariy bilimlarini mustahkamlash, amaliy ko‘nikmalarni oshirish hamda tibbiyot sohasidagi ilg‘or tajribalar bilan tanishish imkoniyatiga ega bo‘ldilar.

Istanbul Medipol universiteti klinikalari yuqori texnologiyali tibbiy uskunalar, sifatli xizmat va professional mutaxassislari bilan ajralib turadi. Bu esa talabalar uchun kasbiy va shaxsiy rivojlanish, turli madaniyat va xalqaro muhitda faoliyat yuritish qobiliyatini shakllantirishda muhim omil bo‘ldi.

Surxondaryo.uz | Telegram | Facebook | Instagram | YouTube | X

Viloyat hokimining bir kunlik faoliyati

23.04.2025 yil:
➖ Intellektual faollar va nuroniylar bilan viloyatni rivojlantirish loyihalari muhokama qilindi;

➖Surxondaryo viloyatida giyohvandlikka qarshi kurash ishlari muhokama qilindi;

➖Jarqo‘rg‘on tumanida yoshlar bandligi va ijtimoiy sohadagi ishlar o‘rganildi;

➖Surxondaryoda zamonaviy futbol akademiyalari barpo etilmoqda.

Surxondaryo.uz | Telegram | Facebook | Instagram | YouTube | X

Futbol – butun dunyoda millionlab insonlarni birlashtiradigan va ommaboplik jihatidan yetakchi o‘yinlardan biri hisoblanadi. Yurtimizda ham Prezidentimiz tashabbuslari va topshiriqlari asosida futbolni rivojlantirishga qaratilgan keng qamrovli islohotlar va loyihalar izchil amalga oshirilmoqda.

Viloyat hokimi Ulug‘bek Qosimov Jarqo‘rg‘on tumaniga tashrifi chog‘ida "Nurli diyor" mahallasida joylashgan Surxondaryo futbol maktabi faoliyati va unda yaratilgan shart-sharoitlar bilan tanishdi. Ayni maktab maydoni "Tashabbusli byudjet" loyihasi doirasida zamonaviy uslubda ta’mirlanib, yosh futbolchilar uchun munosib sharoitlar yaratilgan.

Viloyat rahbari maktab sharoitlari bilan tanishgandan so‘ng, sportchi yoshlar bilan ochiq muloqot o‘tkazdi. Ularning erishgan yutuqlari alohida e’tirof etildi va pul mukofotlari, shuningdek, rag‘batlantiruvchi vaucherlar topshirildi.

Tashrif doirasida hokim Termiz tumanida Eldor Shomurodov nomidagi futbol akademiyasi qurilishi bilan ham tanishdi. Unda 154 o‘rinli o‘quv binosi, yopiq va ochiq stadionlar, yotoqxona, oshxona hamda qo‘shimcha yordamchi inshootlar qurilayotgani qayd etildi. Mutasaddilarga loyihani yuqori sifatda va belgilangan muddatda yakunlash yuzasidan ko‘rsatmalar berildi.

Surxondaryo.uz | Telegram | Facebook | Instagram | YouTube | X

Yoshlarni ish bilan ta’minlash – davlat siyosatining ustuvor yo‘nalishlaridan biri sifatida doimiy e’tiborda bo‘lib kelmoqda. Shu munosabat bilan, Surxondaryo viloyati hokimi Ulug‘bek Qosimov bugun Jarqo‘rg‘on tumaniga tashrif buyurib, ushbu yo‘nalishdagi ishlar holati bilan yaqindan tanishdi.

Xususan, viloyat o‘rmon xo‘jaligining Jarqo‘rg‘on tumani uchastkasida yoshlar bilan uchrashuv o‘tkazildi. Unda og‘ir toifadagi yoshlarni ish bilan ta’minlashga qaratilgan drayver loyihalar taqdimoti namoyish etildi. Shuningdek, shahar va tumanlar studiyalari bilan videokonferensaloqa orqali ham loyihalar taqdim qilindi.

Tashrif doirasida 10-sonli maktabgacha ta’lim muassasasida tashkil etilgan inklyuziv guruh faoliyati, 63-sonli umumta’lim maktabini "qizil" toifadan chiqarishga qaratilgan chora-tadbirlar, shuningdek, "Oltintepa" mahallasida joylashgan 30-son oilaviy poliklinika filialida aholi salomatligini mustahkamlash borasidagi ishlar ham o‘rganildi.

Viloyat hokimi tashrif davomida ijtimoiy sohada amalga oshirilayotgan ishlar va kelgusidagi vazifalar yuzasidan mutasaddilarga tegishli ko‘rsatma va topshiriqlar berdi.

Surxondaryo.uz | Telegram | Facebook | Instagram | YouTube | X

Mamlakatimizda giyohvandlik va psixotrop moddalarning noqonuniy tarqalishiga qarshi keskin va tizimli kurash olib borilmoqda. Bu borada profilaktik chora-tadbirlarni kuchaytirish, huquqbuzarliklarning oldini olish, aholining huquqiy ongi va madaniyatini oshirish – davlat siyosatining ustuvor yo‘nalishlaridan biri hisoblanadi.

Shu maqsadda, Surxondaryo viloyati hokimi Ulug‘bek Qosimov rahbarligida Giyohvandlik vositalari va psixotrop moddalar ustidan nazoratni ta’minlash bo‘yicha viloyat komissiyasining yig‘ilishi bo‘lib o‘tdi. Yig‘ilishda shahar va tuman komissiyalari a’zolari, tegishli sohalar va idoralar mutasaddilari, huquqni muhofaza qiluvchi organlar vakillari hamda jamoatchilik faollari ishtirok etdi.

Yig‘ilishda 2025-yilning birinchi choragi davomida ushbu yo‘nalishda amalga oshirilgan ishlar yuzasidan hisobotlar tinglandi, erishilgan natijalar tahlil qilinib, mavjud kamchiliklar tanqidiy ruhda muhokama etildi. Shuningdek, kelgusida amalga oshirilishi lozim bo‘lgan ustuvor vazifalar, profilaktik va targ‘ibot ishlarini yanada samarali tashkil etish bo‘yicha aniq chora-tadbirlar belgilab olindi.

Komissiya yig‘ilishi yakunida sport federatsiyalarining viloyat bo‘limlari faoliyatiga oid taqdimotlar ko‘rib chiqildi. Unda sport turlarini rivojlantirish, olimpiada harakatini jonlantirish va sog‘lom turmush tarzini targ‘ib etish masalalari yuzasidan muhim vazifalar belgilandi.

Surxondaryo.uz | Telegram | Facebook | Instagram | YouTube | X