ANATOMIYA VA GISTOLOGIYA BOʻYICHA II XALQARO OLIMPIADA BOʻLIB OʻTADI

Joriy yilning 28-29-aprel kunlari Andijon davlat tibbiyot institutining 70 yilligiga bag’ishlangan Anatomiya va Gistologiya bo’yicha II Xalqaro olimpiada, “Morfologiya bayrami” boʻlib oʻtadi.

Olimpiadaga Rossiya Federatsiyasi, Qozogʼiston, Qirg’iziston Respublikasidan va O’zbekistondagi tibbiy OTMlaridan umumiy hisobda 10 ta jamoa ishtirok etadi.

Olimpiada rus va ingliz tilida bo’lib, unda institutizmizning xorijiy talabalaridan iborat jamoa ham qatnashadi.

Xorijiy mamlakatlardan Olimpiada uchun 14 nafar yetakchi morfologlar xay’at a’zolari sifatida ishtirok etishadi.

#OAVda_biz

TALABALAR BILAN BIR KUN

Andijon davlat tibbiyot instituti rektori Madamin Madazimov Talabalar turar joyida boʻlib, yoshlar bilan samimiy muloqot oʻtkazdi, sport va koʻngilochar tadbirlarda ishtirok etdi.

Mazkur tadbir "Andijon" telekanalining "Axborot" informatsion dasturida yoritildi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#videorolik
#Muhammad_Yusuf
#71_yillik

Andijon davlat tibbiyot institutida O'zbekiston xalq shoiri Muhammad Yusuf tavalludining 71 yilligi munosabati bilan tadnir o'tkazildi. jarayonlar videolavhada.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#fotojamlanma

O‘zbekiston xalq shoiri Muhammad Yusuf tavalludining 71 yilligi munosabati bilan “Mehr qolur, muhabbat qolur” mavzusida o‘tkazilgan tadbirdan fotolavhalar.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

“MEHR QOLUR, MUHABBAT QOLUR”

Bugun, 26-aprel kuni Andijon davlat tibbiyot institutida O‘zbekiston xalq shoiri Muhammad Yusuf tavalludining 71 yilligi munosabati bilan “Mehr qolur, muhabbat qolur” mavzusida tadbir o‘tkazildi.

Unda Yoshlar masalalari va ma’naviy-ma’rifiy ishlar bo‘yicha birinchi prorektor S.Salohiddinov, O‘zbekiston yozuvchilar uyushmasi Andijon viloyati bo‘limi rahbari, shoira Xurshidabonu Vaxobjon qizi, institut rektorining Xotin-qizlar masalalari bo‘yicha maslahatchisi G.Xolmatova, O‘zbekiston Yozuvchilar uyushmasi a’zosi, yozuvchi Vosit Ahmad ishtirok etdi.

Tadbirda so‘z olganlar o‘zbek xalqining erka shoiri Muhammad Yusuf she’riyatining faqatgina badiiy jihatdan emas, balki ma’naviy va ijtimoiy jihatdan ham xalqimizning ongida katta iz qoldirgani, shuningdek, shoirning ijodi, uning she’riyatidagi Vatan madhi, insoniy qadriyatlar va muhabbat kabi mavzularning yoshlar tarbiyasida muhim o‘rin tutishini ta'kidlb o‘tdi.

Shoir Muhammad Yusufning o‘zgacha iste'dodi va uning she’riyati orqali xalqimizning ma'naviy olamiga qo‘shgan ulkan hissasini alohida ta’kidladi, uning ijodi insoniyat uchun qadrli bo‘lib, uning so‘zlari xalqimizning yuragiga chuqur kirib borishini, yoshlar uchun ilhom manbai bo‘lishi qayd etildi.

Tadbirning badiiy qismida shoirning hayoti va ijodiga bag‘ishlangan sahna ko‘rinishlari O‘zbekiston Yoshlar ittifoqi institut boshlang‘ich tashkiloti faollari tomonidan sahna ko‘rinishlari namoyish etildi. Shundan so'ng, iqtidorli talabalar ijrosida Muhammad Yusufning eng sara she’rlaridan namunalar, she'riy asarlaridan parchalar tinglanib, diltortar kuy-qo'shiqlar yangradi. o'zbekiston filarmoniyasi Andijon bo'linmasi honandalari tomonidan ijro etilgan qo'shiqlar barchani raqsga chorladi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

“Ertangi moliyaviy imkoniyatlaringiz bugungi qarorlaringizdan boshlanadi” mavzusida amaliy mahg‘ulot o‘tkazildi

Oʻzbekiston Respublikasi Markaziy banki tomonidan Oliy taʼlim, fan va innovatsiyalar vazirligi koʻmagida oliy taʼlim tashkilotlari bilan hamkorlikda 2020-yildan boshlab anʼanaviy tarzda “Global Money Week” (“Umumjahon pul haftaligi”) xalqaro taʼlim kompaniyasi doirasida talabalar uchun moliyaviy savodxonlikni oshirish boʻyicha oʻquv tadbirlari va loyihalar oʻtkazib kelinmoqda.

Bugun, 26-aprel kuni mazkur tadbir Andijon davlat tibbiyot instituti talaba-yoshlari ishtirokida o‘tkazildi.

Unda institutning Yoshlar masalalari va ma’naviy-ma’rifiy ishlar bo‘yicha birinchi prorektor S.Salohiddinov, iqtisodiy yoʻnalishda tahsil olayotgan ko‘ngilli-talabalar spiker yoshlar ishtirok etdi.

Amaliy trening “Ertangi moliyaviy imkoniyatlaringiz bugungi qarorlaringizdan boshlanadi” (Think before you follow, wise money tomorrow) mavzusida oʻtkazildi. Spikerlar tomonidan mavzu doirasida batafsil ma’lumotlar berildi. Talabalar o‘zlarini qiziqtirgan savollarga batafsil javob oldi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#fakultetlarda_bugun

➡️Andijon davlat tibbiyot instituti Ijtimoiy gigiyena va sog‘liqni saqlashni boshqarish kafedrasi Oliy hamshiralik ishi yo‘nalishi talabalari bilan O‘zbekiston xalq shoiri Muhammad Yusuf tavalludiga bag‘ishlangan tadbir o‘tkazildi.

Unda shoirning dilga yaqin ijod namunalaridan o‘qildi. Videoroliklar namoyish etildi.

➡️Stomatologiya fakulteti jamaosi Muhammad Yusuf nomidagi ijod maktabida bo‘lib maktab o'quvchilari bilan ijodiy suhbat o'tkazdi.

➡️Stomatologiya va Pediatriya fakulteti talabalari o‘rtasida “Vatan kelajagi uchun barchamiz daxldormiz” shiori ostida debat va davra suhbatlari o‘tkazildi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#chellenj

Andijon davlat tibbiyot instituti Stomatologiya fakulteti talabasi tomonidan O'zbekiston xalq shoiri Muhammad Yusuf tavalludining 71 yilligi munosabati bilan tayyorlangan chellenj.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

SEMEY DAVLAT TIBBIYOT UNIVERSITETI VAKILI INSTITUTIMIZDA

Andijon davlat tibbiyot instituti rektori M.Madazimov, Xalqaro hamkorlik bo‘yicha prorektor F.Rasulov Qozogʻistonlik olim Naj hamda Respublikaning nufuzli tibbiyot oliy taʼlim muassasasi Semey davlat tibbiyot universiteti Yuqumli kasalliklar kafedrasi dotsenti, t.f.n. Small E.M. bilan uchrashdilar.

Uchrashuv davomida ikki oliy ta'lim muassasalari o'rtasida ilmiy va pedagogik aloqalarni mustahkamlash, ikki tomonlama imzolangan memorandum asosida kelgusida belgilab olingan vazifalar va chora-tadbirlarni yanada jadallashtirishga kelishib olindi.

Shuningdek, Qozogʻistonlik vakillar ishtirokida Andijon davlat tibbiyot instituti Yuqumli kasalliklar kafedrasida "Infeksion kasalliklarni tashxislash va davolashga zamonaviy yondashuvlar" mavzusida xalqaro ilmiy-amaliy anjumani oʻtkazildi.

Onlayn va offlayn tarzda boʻlib oʻtgan anjumanda infeksion kasalliklar, jumladan, gijja kasalliklari, nafas va ichak yoʻllari kasalliklari diagnostikasi va davolash muammolariga bagʻishlangan maʼruzalar olib borildi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

“KELAJAKKA QADAM” LOYIHASI YOSHLARGA TANISHTIRILMOQDA

Ma’lumki, joriy yilning 14-fevral kuni O'zbekiston Respublikasi Prezidenti Shavkat Mirziyoyev raisligida Yoshlar bilan ishlash natijadorligini yanada oshirish chora-tadbirlari yuzasidan videoselektor yig'ilishida berilgan vazifa va topshiriqlar ijrosini ta'minlash bo'yicha Andijon viloyati hokimi tomonidan belgilangan chora-tadbirlar rejasining 7-bandiga asosan Andijondagi OTM va “O‘zmilliybank” AJ “Kelajakka qadam” markazi o‘rtasida hamkorlik shartnomalari imzolangan.

Bu borada respublika oliy ta'lim tashkilotlarida "Kelajakka qadam" markazininng hududiy bo'linmalarni tashkil etish orqali bitiruvchi talabalarni o'zini - o'zi band qilishi va ishga joylashishga ko'maklashish maqsadida Andijon davlat tibbiyot institutida ham bir qator ishlar olib borilmoqda.

Bugun, 26-aprel kuni "Kelajakka qadam" loyihasi doirasida ochiq muloqot o'tkazildi. Unda Andijon davlat tibbiyot instituti rektori M.Madazimov, “O'zmilliybank” AJ bosh boshqarmasi bosh mutaxassisi A.Dadaboyev, Davlat dasturlarini moliyalashtirish bo'limi boshlig'i Z.Dadajonov, Andijon davlat tibbiyot instituti Karyera markazi boshlig'i A.Soliyev, fakultet dekanlari va bitiruvchi yoshlar ishtirok etdi.

Dastavval institut rektori M.Madazimov yurtimizga barcha sohalarda yoshlarga berilayotgan imkoniyatlar, bitiruvchilar uchun yaratilgan imtiyozlar va moliyaviy qo‘llab-quvvatlash mexanizmlari, yoshlar bandligini ta’minlash va ularning tadbirkorlik tashabbuslarini qo‘llab-quvvatlash borasida amalga oshirilayotgan ishlarga to‘xtalib o‘tdi.

Shundan so‘ng “O'zmilliybank” AJ bosh boshqarmasi mutaxassislari tomonidan "Kelajakka qadam" loyihasi, bitiruvchilar bandligini ta’minlash, ularni o'zini - o'zi band qilishi va ishga joylashishga ko'maklashish, yoshlarni mehnat bozoriga muvaffaqiyatli integratsiyasini ta’minlash, startap loyihalar hamda biznes tashabbuslarini qo‘llab-quvvatlash yo‘nalishlarida amalga oshirilayotgan ishlar borasida ma’lumot berib o‘tdilar.

Ochiq muloqot davomida talabalarning o‘z startap loyihalari va tadbirkorlikni rivojlantirish borasidagi takliflari va fikr-mulohazalari tinglandi, savollariga batafsil javob berildi. Ularning takliflari asosida yangi biznes tashabbuslarini qo‘llab-quvvatlash, samarali hamkorlikni yo‘lga qo‘yish va yoshlar uchun maxsus dasturlarni tashkil etish masalalari ko‘rib chiqildi.

Aziz, talaba-yoshlar, Siz ham kelajakda xususiy tadbirkorlikni yo‘lga qo‘yish, kasbiy ta’lim dasturlarida ishtirok etish hamda chet el oliy ta’lim tashkilotlarida qisqa muddatli o‘quv kurslarida qatnashish istagida bo‘lsangiz haftaning dushanbadan shanba kunigacha soat 10:00 dan 14:00 ga qadar institutning Karyera markazida faoliyat olib borayotgan mutaxassisga murojaat qilishingiz mumkin. Mutaxassis sizga xizmat ko‘rsatish, servis sohasi, xususiy tadbirkorlikni yo‘lga qo‘yish borasidagi taklif va mulohazalaringizni amalga oshirishga yo‘naltiradi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#Muhammaf_Yusuf_tavalludi

Andijon davlat tibbiyot instituti Xorijiy fakultet xodimlari va talabalari tomonidan O‘zbekiston xalq shoiri, milliy adabiyotimizning yuksak siymolaridan biri Muhammad Yusuf tavalludining 71 yilligi munosabati bilan videorolik tayyorlandi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

26 aprel – O‘zbekiston xalq shoiri Muhammad Yusuf tavallud topgan kun

Andijon shahridagi Muhammad Yusuf maydonida el suygan ijodkor, O‘zbekiston xalq shoiri Muhammad Yusuf tavalludining 71 yilligiga bag‘ishlanib, “Inson aziz, xotirasi muqaddas” deb nomlangan adabiy-madaniy tadbir bo‘lib o‘tdi.

Unda viloyat hokimligi, O‘zbekiston Yozuvchilar uyushmasi viloyat bo‘limi hamkorligida tashkil etilgan tadbirda shoir va yozuvchilar, adabiyot muxlislari, umumta’lim maktablari, oliy o‘quv yurtlari o‘qituvchi, o‘quvchi va talabalari, keng jamoatchilik vakillari, ijodkor yoshlar ishtirok etdi.

Tadbir avvalida ishtirokchilar tomonidan Muhammad Yusuf byusti poyiga gulchambarlar qo‘yilib, marhum shoirga yuksak ehtirom ko‘rsatildi.

Muhammad Yusuf o‘z ona xalqining yuksak orzu-intilishlari, armonlari, ertangi kunga bo‘lgan umid va ishonchini o‘z ovozi, o‘z sozi bilan jo‘shib kuylagan. U shu xalq bilan kuldi, shu xalq bilan yig‘ladi, u bilan yondi, faqat unga topindi. Bir jo‘mard o‘g‘lidan e’zoz topgan ona yurt ham uni boshiga ko‘tardi, bag‘rida ardoqladi, yozganlarini vatanparvarlik va millatsevarlik yo‘lida bayroq qildi.

Tadbirda so‘z olgan viloyat hokimi Shuhratbek Abdurahmonov shoir hayoti va ijodi, ayniqsa, uning yurtni, yuksak insoniy fazilatlarni ulug‘lovchi betakror satrlari xalqimiz qalbidan mustahkam joy olganligi, shoir she’rlari xalqimiz, yoshlarimiz qalbida vatanparvarlik, yurtga fidoyilik tuyg‘ularini yanada mustahkamlashga xizmat qilishini ta’kidladi.

Mahoratli aktyor va aktrisalar tomonidan shoir hayotidagi yodda qolarli voqealar gavdalantirildi.

Tadbir haqiqiy adabiyot, she’riyat bayramiga aylanib ketdi.

Unda Andijon davlat tibbiyot instituti rektori M.Madazimov boshchiligida institut jamoasi faol qatnashdi.

Tadbirda ijodkor va havaskor yoshlar shoir she’rlaridan namunalar, shuningdek, shoirga atab yozilgan she’rlar o‘qildi, san’atkorlar tomonidan shoir she’rlari bilan aytiladigan qo‘shiqlar yangradi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#MuhammadYusuf
#71yillik

✏️Muhammad Yusuf, O‘zbekiston xalq shoiri

Muhammad Yusuf 1954-yil 26-aprelda Andijon viloyati Marhamat tumanining Qovunchi qishlog‘ida dehqon oilasida dunyoga keldi. O‘rta maktabdan so‘ng Rus tili va adabiyoti institutiga kirib, uni 1978-yili tamomladi. 1978-1980-yillarda respublika Kitobsevarlar jamiyatida, 1980-1986-yillarda "Toshkent oqshomi" gazetasida, 1986-1992-yillarda G‘afur G‘ulom nomidagi Adabiyot va san’at nashriyotida, "O‘zbekiston ovozi" gazetasida ishladi. Umrining so‘nggi yillarida O‘zbekiston Yozuvchilar uyushmasining kotibi vazifasini bajardi.

U o‘nga yaqin she’riy to‘plam, ko‘plab qo‘shiqlarning muallifi sifatida keng kitobxonlar qalbiga kirib ulgurdi. Shoirning dastlabki she’rlari "O‘zbekiston adabiyoti va san’ati" gazetasida 1976-yili e’lon qilindi. So‘ngra "Tanish teraklar" (1985), "Bulbulga bir gapim bor" (1987), "Iltijo" (1988), "Uyqudagi qiz" (1989), "Halima enam allalari" (1989), "Ishq kemasi" (1990), "Ko‘nglimda bir yor" (1991), "Bevafo ko‘p ekan" (1991), "Erka kiyik" (1992), "Yolg‘onchi yor" (1994) kabi she’riy to‘plamlari, saylanmalari nashr etildi.1989 yilda esa "Uyqudagi qiz" nomli she’riy to‘plami uchun unga respublika Yoshlar tashkilotining mukofoti berildi. 1998 yili Muhammad Yusufga "O‘zbekiston xalq shoiri" degan yuksak unvon berildi.

Shoir 2001-yilning 1-avgust kuni 47 yoshida olamdan o‘tdi. Agar u hayot bo‘lganida bugun 71 yoshni qarshi olar edi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#qutlov

🎉Abduxalimov Abduraxmon Abdumo‘minovichning tarix fanlari doktori (DSc) dissertatsiya ishini muvaffaqiyatli himoya qildi

Abduxalimov Abduraxmon Abdumo‘minovich O‘zbekiston tarixi ixtisosligi bo‘yicha “O‘zbekistonda sog‘liqni saqlash tizimining modernizatsiyasi (Farg‘ona vodiysi misolida, 1991-2023-yillar)” mavzusidagi tarix fanlari doktori (DSc) ilmiy darajasini olish uchun yozilgan dissertatsiya ishi himoyasi Andijon davlat universiteti huzuridagi DSc.03/31.12.2020.Tar.60.01 raqamli Ilmiy kengashning 2025 -yil 25-aprel kuni muvaffaqiyatli himoya qildi.

💐Jamoamiz nomidan A.Abduxalimovni ushbu ilmiy yutuq bilan samimiy qutlab, mustahkam sog‘lik, ilm yo‘lida muvaffaqiyat tilaymiz!

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#ertalabki_badantarbiya

Jismoniy faollik organizmning kasalliklarga qarshi kurashuvchanligini oshiradi, yurak va nafas olish tizimini mustahkamlab, ichak va buyrak faoliyatini yaxshilaydi. Suyak va boʻgʻimlarning toʻgʻri shakllanishi hamda mustahkamlanishiga yordam beradi. Tana vaznini meʼyorda ushlab, fikrlash va bilim olish qobiliyatini kuchaytiradi.

Erta tongdan qilingan badantarbiya ham inson salomatligiga juda katta foyda keltirishi shubhasiz.

Pediatriya fakultetining xodimlari, professor-o‘qituvchilari hamda talabalari Bobur shahrida sport mashg‘ulotlarini bajarib, ishni va darsni katta energiya bilan boshladilar.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

"SOG‘LOM OILA UCHUN BIRLASHAYLIK" SHIORI OSTIDA MUSOBAQA O‘TKAZILDI

Bugun, 25-aprel kuni Andijon davlat tibbiyot instituti Xotin-qizlar bilan ishlash bo'limi tomonidan "Sog‘lom oila uchun birlashaylik" shiori ostida estafeta va sport musobaqalari o‘tkazildi.

Unda Davolash fakulteti dekanining Xotin-qizlar masalalari bo'yicha maslahatchisi D.Ziyayeva, tyutorlar va talabalar ishtirok etdi.

Sport tadbirlari tanani musobaqaga tayyorlovchi mashqlar bilan boshlandi. Quvnoq startlar bellashuvlari, voleybol sport turi bo‘yicha o‘tkazilgan musobaqalarda talaba-qizlar epchil va chaqqonliklarini namoyish etdi.

Shuningdek, murabbiy talabalarni sport anjomlaridan to‘g‘ri foydalanish qoidalari bilan ham tanishtirib o‘tdi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#festival

Joriy yilning 21–25-aprel kunlari Andijon viloyatida 2025-yil — “Atrof-muhitni muhofaza qilish va “yashil” iqtisodiyot yili”ga bag‘ishlab xalqaro an’anaviy Tasviriy va amaliy san’at festivali yuqori saviyada tashkil etildi.

Festival doirasida qator ijodiy ko‘rgazmalar tashkil etildi. Mazkur ko‘rgazma yoshlarning san’atga bo‘lgan qiziqishi, estetik didi va ijodiy tafakkurini namoyon etuvchi muhim tadbirlardan biri bo‘lib, unda 300 dan ortiq ijodiy ishlar — tasviriy san’at asarlari, amaliy san’at namunalari va boshqa badiiy ishlanmalar keng jamoatchilik e’tiboriga taqdim etildi.

Mazkur tadbirda Andijon davlat tibbiyot institutining talabalari ham ishtirok etib, ko‘rgazmadan o‘rin olgan betakror ijod namunalaridan bahramand bo‘ldi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#Muhammaf_Yusuf_tavalludi

Andijon davlat tibbiyot instituti Xorijiy fakultet xodimlari va talabalari Marhamat tumanidagi Qovunchi qishlogʻida shoir Muhammad Yusuf xonadonida boʻldilar.

O‘zbekiston xalq shoiri, milliy adabiyotimizning yuksak siymolaridan biri Muhammad Yusuf tavalludining 71 yilligi munosabati bilan xodimlar va talabalar shoirning uy muzeyida boʻlib, uning hayoti va faoliyati, ijodi bilan yaqindan tanishishdi.

Bu tadbir xorijlik talabalarimizda katta qiziqish uygʻotdi. Xalq bilan hamnafas ijod qilgan shoirning sheʼrlaridagi samimiylik va uygʻunlikni xis qilgan yoshlar asarlaridan yod olishdi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#dual_talim

QOʻRGʻONTEPADA OMMAVIY SAYYOR QABUL DOIRASIDA TIBBIY KO‘RIK O‘TKAZILDI

O‘zbekiston Respublikasi Vazirlar Mahkamasining 2021-yil 29-martdagi qarori bilan Professional ta’lim tizimida dual ta’limni tashkil etish tartibi to‘g‘risidagi nizom tasdiqlandi. Nizomga muvofiq Andijon davlat tibbiyot institutida talabalar nazariy olgan bilimlarini tibbiyot muassasalarida amaliyot jarayonlarida mustahkamoqdalar.

Qoʻrgʻontepa tuman Ijtimoyat oilaviy shifokorlik punktida dual ta’lim tizimi asosida faoliyat olib borayotgan talabalarning ish jarayoni o‘rganildi. Mazkur bo‘limda institutning 1 nafar talabasi dual ta’lim asosida amaliyot o‘tamoqda. Ustozlar tomonidan talabalarga nazariy bilimlar amaliyotga bog'langan holda boyitib borilmoqda.

Shuningdek, Andijon davlat tibbiyot instituti mas’ullari tomonidan aholi vakillari ishtirokida ommaviy sayyor qabul doirasida Andijon davlat tibbiyot institutining Davolash (amaliyot) ishlari bo‘yicha prorektori B.Mirzakarimov boshchiligidagi 16 xil yetakchi mutaxasislaridan iborat professor-o‘qituvchilar tomonidan tibbiy ko‘rik o‘tkazildi. Unda 300 nafardan ziyod aholi vakillari ishtirok etdi. ko‘rik natijalariga ko‘ra, davolanishga muxtoj fuqarolarga tibbiyot birlashmalariga yo‘llanmalar berildi. Dori-darmonlar tarqatildi.

Shuningdek, koʻriklat davomida aholiga sogʻlom turmush tarzi va tibbiy madaniyat borasida maʼlumotlar berildi.

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter

#iftixor

5 NAFAR TALABALARIMIZ XALQARO FAN OLIMPIADASIDA FAXRLI OʻRINLARNI QAYD ETISHDI

Xabaringiz bor, joriy yilning 25-26-aprel kunlari Xorazm viloyatining Urganch shahrida joylashgan Toshkent tibbiyot akademiyasining Urganch filialida “Urganch-2030” nomli tibbiyot oliy ta'lim muassasalari talabalari uchun II xalqaro fan olimpiadasi bo‘lib o‘tdi.

Unda Andijon davlat tibbiyot institutining 5 nafar iqtidorli talabalari munosib ishtirok etishdi.

Mazkur xalqaro olimpiadada
MDH davlatlaridan 30 ga yaqin oliy taʼlim muassasalaridan 300 nafardan ziyod talabalar qatnashdi.

Quvonarlisi, xirurgik kasalliklar va stomatologiya fanlaridan talabalarimizning bergan javoblari hayʼat aʼzolarini lol qoldirdi.

Yakuniy natijalarga koʻra, bizning jamoadan 1 ta 1-oʻrin, 2 ta 2-oʻrin, 2 ta 3-oʻrin qayd etildi.

Gʻolib talabalarimizni institutimiz nomidan muborakbod etib, oʻqishlarida ulkan zafarlar tilaymiz!

❇️Andijon davlat tibbiyot institutining rasmiy sahifalari👇

🌎sayt | ✈️Telegram |📷 Instagram | 🔵Facebook |🎬You Tube |🐤 Twitter