🇫🇷 Жордан Барделла 2027 йилги Франция президентлиги сайловларида қатнашишга тайёрлигини эълон қилди — ОАВ

Франциянинг ўта ўнг “Миллий бирлашув” партияси етакчиси Жордан Барделла, агар Марин Ле Пен 2027 йилги президентлик сайловларида иштирок эта олмаса, ўз номзодини илгари суришга тайёр эканини билдирди.

"Ҳозир энг муҳими — бирдамликни сақлаб қолишдир. Марин Ле Пен менинг номзодим эканлигига ишончим комил. Агар эртага унга сайловда қатнашиш имконияти берилмаса, мен президентликка ўз номзодимни қўйишимни эълон қилмоқчиман", — деди сиёсатчи.

Эслатиб ўтамиз, Франциянинг ўта ўнг “Миллий бирлашув” партияси етакчиларидан бири ҳисобланувчи Марин Ле Пен ва ушбу партиянинг яна саккиз нафар аъзоси Европарламент депутатларига ажратилган маблағларни сохта ёрдамчиларни ёллаш орқали суиистеъмол қилганликда айбдор деб топилганди.

Париж суди қарорига кўра, Ле Пенга тўрт йил озодликдан маҳрум этиш жазоси берилди. Бундан ташқари, унга беш йил давомида сайловларда иштирок этиш тақиқланган.

🔥 @burchakostida

🇷🇺🇺🇸🇺🇦 Россия АҚШдан Запороже АЭС бошқарувини топшириш бўйича ҳеч қандай таклиф олмаган – Сергей Лавров

Россия Ташқи ишлар вазири бу ҳақда CBS News телеканалига берган интервюсида айтиб ўтди.

Интервюда Лавров томонидан билдирилган бошқа фикрлар:

◾️ Агар керак бўлса, Россия Қўшма Штатларга Запороже АЭСи ишончли қўлларда эканлигини ва унинг назорати ўзгариши мумкин эмаслигини тушунтиради;

◾️ Москва Вашингтондан санкцияларни бекор қилиш бўйича таклифлар олмади, аммо АҚШ бизнесни биргаликда юритишдан манфаатдор;

◾️ Россия Украина бўйича ҳеч қандай ён беришга тайёр эмас, шу билан бирга, манфаатлар мувозанатини излашга тайёр;

◾️ Трамп Қрим кимга тегишлилиги ҳақида ҳақиқатни айтди, у Россия ўз ҳудудининг яхлитлиги бўйича музокаралар олиб бормаётганини тушунади;

◾️ Европалик сиёсатчилар ва Зеленский Трампнинг тинчлик ташаббусини Украинани кучайтириш воситасига айлантирмоқчи, бу АҚШ президенти хоҳлаётган нарса эмас.

🔥 @burchakostida

🇨🇿🇺🇦 Чехиянинг снарядлар бўйича ташаббуси доирасида Украина 2025 йилда аллақачон 400 минг дона йирик калибрли снарядларни олди — Чехия Мудофаа вазирлиги

Шу билан бирга, вазирлик ташаббус доирасида йиғилган маблағлар жорий йилнинг кузигача снарядлар сотиб олишга етарли бўлишини билдирди.

🔥 @burchakostida

🇺🇸 АҚШ президентининг рейтинги пасайиб бормоқда

YouGov социологлари томонидан CBS News телеканали буюртмаси билан ўтказилган сўровнома натижаларига кўра, Доналд Трампнинг фаолиятини қўллаб-қувватлаш даражаси уни иккинчи муддатининг дастлабки 100 кунлигида 45 фоизни ташкил этган, 55 фоиз америкаликлар эса унинг фаолиятини салбий баҳоламоқда. Феврал ойида Трампнинг рейтинги 53 фоизни ташкил этган эди.

Америкаликлар мамлакатдаги иқтисодий ҳолатдан ҳам норози: сўровномада иштирок этганларнинг 53 фоизи иқтисодий вазият ёмонлашганини айтган, 28 фоизи яхшиланганини билдирган, 19 фоизи эса ўзгариш бўлмаганини таъкидлаган.

Сўровномада иштирок этганларнинг 48 фоизи Трампнинг сиёсати америкаликларнинг молиявий аҳволига салбий таъсир кўрсатганини қайд этган, 33 фоизи ҳеч қандай ўзгариш сезмаганини, 19 фоизи эса Трамп даврида шахсий молиявий ҳолати яхшиланганини билдирган.

🔥 @burchakostida

🇺🇸🇺🇦🇷🇺 Трамп Украинадаги урушни тинч йўл билан ҳал қилиш бўйича музокараларни тезлаштириш мақсадида Рим папасининг дафн маросимида Зеленский билан шахсан учрашишни талаб қилган — The Telegraph

Нашр бу ҳақда АҚШ президентининг миллий хавфсизлик бўйича маслаҳатчиси Майк Уолцга таяниб хабар бермоқда.

🔥 @burchakostida

🇩🇪🇦🇹 DW: Германия Ички ишлар вазири суриялик қочқинларни ватанига қайтариш бўйича музокаралар олиб бормоқда

"Бизнинг асосий вазифамиз — жиноятчилар ва радикалларни имкон қадар тезроқ депортация қилишни таъминлаш. Бу вазифа Суриядаги вазият имкон берган заҳоти бажарилиши зарур", — деди Нэнси Фезер Дамашққа ташрифи чоғида.

Фезер Сурияга Австрия Ички ишлар вазири Герхард Карнер билан биргаликда ташриф буюрди. Улар Суриянинг ўтиш даври ҳукумати ички ишлар вазири Анас Хаттоб билан учрашув ўтказишни режалаштиришган. Музокаралар мавзуси — Суриядаги хавфсизлик ҳолати, мамлакатнинг янада барқарорлашуви ва суриялик қочқинларнинг ватанига қайтиш истиқболлари.

"Германия фуқаролар уруши ва Асад режимидан қочган тахминан бир миллион сурияликни қабул қилган. Иш топган, тил ўрганиб, янги ҳаёт қурганлар учун Германияда қолиш имконияти бўлиши керак. Бошқалар эса, тинчлик умиди ҳақиқатга айланганида ватанига қайтади", — дея қўшимча қилди Германия ИИВ раҳбари.

🔥 @burchakostida

🇺🇸🇰🇵 Трамп маъмурияти КХДР билан мулоқотни қайта бошлаш имконияти юзасидан мутахассислар билан маслаҳатлашувлар олиб бормоқда — Ахios.

🔥 @burchakostida

🇮🇷 Эроннинг Шаҳид-Ражаи портидаги портлаш қурбонлари сони 36 кишига етди — Эрон парламентининг тиббий комиссияси аъзоси Муҳаммад Жамолиён.

🔥 @burchakostida

🇬🇱🇩🇰🇺🇸 Гренландиянинг янг бош вазири Йенс-Фредерик Нильсен орол АҚШ билан ҳамкорликка тайёр эканини маълум қилди

Бу ҳақда Даниянинг ТV2 телеканали хабар берди.

"Биз Қўшма Штатлар билан ҳар томонлама ҳамкорлик ва муносабатларни ривожлантиришга тайёрмиз. Аммо биз ўзаро ҳурмат ҳамда тенгликни хоҳлаймиз", — дея таъкидлади Нильсен.

🔥 @burchakostida

🇺🇦🇷🇺 Курск вилоятида ҳарбий ҳаракатлар давом этмоқда — Украина президенти

Володимир Зеленский Украина Қуролли кучлари Бош қўмондони Олександр Сирскийнинг фронтдаги вазият ҳақидаги ҳисоботини тинглаганини маълум қилди. Унинг сўзларига кўра, фронтнинг кўплаб йўналишларида вазият "мураккаблигича қолмоқда".

"Бизнинг ҳарбийларимиз Курск ва Белгород вилоятларининг маълум ҳудудларида фаол мудофаа ҳаракатларини давом эттирмоқда", – дея ёзди Украина етакчиси Теlegram-каналида.

Шу тариқа, Зеленский Владимир Путиннинг куни кеча берган баёнотини амалда рад этди. Россия Бош штаби раҳбари Валерий Герасимов Путинга Курск вилояти КХДР ҳарбий хизматчиларининг "сезиларли ёрдами" туфайли "озод қилингани"ни маълум қилган эди.

🔥 @burchakostida

🇺🇸 NBC News: Трамп Ҳегсетнинг хотини ва укаси билан чатда ҳусийларга ҳужумни муҳокама қилганини "болаларча хатти-ҳаракат" деб атади ва "курашни давом эттиришга" ундади 

"АҚШ президенти Доналд Трамп яқинда Пентагон раҳбари Пит Ҳегсет билан телефон орқали суҳбатлашганда, вазирнинг Signal мессенжери чатида рафиқаси, укаси ва адвокатига Яман ҳусийларига қарши зарба бериш ҳақидаги маълумотни юборганини маъқулламаслигини билдирган", дея хабар қилмоқда телеканал манбаларига таяниб.

Манбаларнинг маълум қилишича, Трамп Ҳегсетнинг бу ишини "болаларча хатти-ҳаракат" деб атаган, аммо суҳбат якунида унга "курашни давом эттиришни" маслаҳат берган.

Қайд этилишича, Пентагон раҳбари президент уни “фаол жангчи” сифатида кўришини истайди, шу боис у оммавий чиқишларга, хусусан телевидениедаги кўрсатувларга кўпроқ эътибор қарата бошлаган.

Исмини ошкор этмаган америкалик амалдорларга кўра, Пентагондан ахборот сизиб чиқиши билан боғлиқ можаролар туфайли Ҳегсет "кутилмаган хатти-ҳаракатлар" қилмоқда, Трамп маъмуриятидаги айрим раcмийлар эса унинг фаолияти ҳамда лавозимига нисбатан "ишончсизлик" билдирмоқда.

Тhe New York Times маълумотига кўра, Пит Ҳегсет ўз рафиқаси, укаси ва адвокати иштирок этган Signal мессенжеридаги гуруҳ чатига Ямандаги ҳусийларнинг позицияларига берилган зарбалар ҳақидаги батафсил маълумотларни юборган. Нашрнинг таъкидлашича, бу маълумотлар The Atlantic бош муҳаррири Жеффри Голдберг тасодифан қўшилиб қолган бошқа чатда алмашилган маълумотлар билан деярли бир хил бўлган.

National public radio манбаларининг хабар беришича, aпрел ойи ўрталарида Трамп маъмурияти янги мудофаа вазирини излашни бошлаган. Оқ уй матбуот котиби Кэролайн Ливитт эса бу маълумотни "сохта хабар" деб атаган.

🔥 @burchakostida

🇨🇳🇵🇦🇺🇸 Reuters: Хитой Панама каналидаги денгиз портлари сотувини текширишни талаб қилмоқда

Агентликнинг хабар беришича, Хитой Бозорни тартибга солиш давлат бошқармаси (SАMR) бир қатор денгиз портлари, жумладан, Панама каналидаги портларнинг сотилишини ҳар томонлама текширувдан ўтказишни қатъий равишда талаб қилмоқда.

"Корхоналарни бирлаштириш жараёни рухсациз амалга оширилиши мумкин эмас, акс ҳолда ҳуқуқий жавобгарлик юзага келади", дея таъкидланди SAMR баёнотида.

Март ойи бошида АҚШ президенти Доналд Трампнинг босими туфайли Гонконгнинг Hutchinson Holdings компаниялар гуруҳи Панама каналининг икки томонидаги Балбоа ва Кристобал портларини сотишга қарор қилгани маълум бўлган эди. Акцияларнинг 90 фоизи Қўшма Штатларнинг Blackrock компанияси бошчилигидаги консорциумга ўтиши кутилмоқда. Турли баҳоларга кўра, битим қиймати 19-23 миллиард долларни ташкил этади.

"Пекин Панама канали орқали савдо айланмасининг чекланишидан хавотирда бўлиб, бу битимга нисбатан танқидий муносабат билдирмоқда", деб ёзади Reuters.

Трамп энг юқори давлат лавозимига қайтишидан олдин ҳам Панама канали раҳбариятига қарши фаол равишда фикр билдира бошлаган эди. Сиёсатчи Хитойга қарамликни камайтириш ва Қўшма Штатлар билан кўпроқ ҳамкорлик қилишни талаб қилди.

🔥 @burchakostida

🇺🇸🇺🇦🇷🇺 Келгуси ҳафта Украинадаги урушни тўхтатиш бўйича музокараларда ҳал қилувчи аҳамият касб этади — АҚШ Давлат котиби

Марко Рубионинг айтишича, Вашингтон яқин бир ҳафта ичида тинчлик жараёнидаги ҳаракатларни баҳолаб, музокараларда иштирокни давом эттириш масаласини ҳал қилади.

Давлат департаменти раҳбарининг сўзларига кўра, ҳозирда Қўшма Штатларнинг Украина бўйича ҳам умид учун асослари, ҳам хавотирланишга сабаблари мавжуд.

Шунингдек, у АҚШ Россияга қарши янги санкциялар жорий этишни режалаштирмаётганини, чунки бу тинчлик музокаралари жараёнига тўсқинлик қилиши мумкинлигини қўшимча қилди.

🔥 @burchakostida

🇮🇷 Эроннинг Шаҳид-Ражаи портида содир бўлган кучли портлашдан кейин юзага келган ёнғинни ўчириш ишлари ҳали ҳам давом этмоқда

Сўнгги маълумотларга кўра, портлаш оқибатида камида 28 киши ҳалок бўлган, 6 киши бедарак йўқолган, 1100 дан ортиқ одам жароҳатланган.

Эрон ҳукумати 28 апрелни миллий мотам куни деб эълон қилди.

🔥 @burchakostida

🇷🇺🇺🇦 Россиялик генерал Москаликни ўлдиришда гумон қилинган шахсга террорчилик бўйича айблов қўйилди

Россия Тергов қўмитасининг маълум қилишича, генералнинг қотиллигида гумонланиб қўлга олинган Игнат Кузинга шунингдек портловчи моддаларни ноқонуний фойдаланиш бўйича ҳам айблов эълон қилинган.

"Кузин ўз айбини тўлиқ тан олди ва уни Украина хавфсизлик хизмати ходимлари қандай қилиб ёллаганини батафсил сўзлаб берди. Генерал Москаликни ўлдириш режаси 2024 йил сентябр ойидан бери тайёрланган. Генерални ўлдиргани учун Кузинга 18 минг АҚШ доллари ваъда қилинган", дейилади Тергов қўмитаси баёнотида.

Генерал-лейтенант Ярослав Москалик 2025 йил 25 апрел куни Москва вилоятидаги Балашиха шаҳрида автомобилнинг портлаши натижасида ҳалок бўлган эди. У Россия Украинага бостириб кирганидан сўнг ҳалок бўлган ўнинчи россиялик генерал бўлди. Украина Москалликнинг ўлими юзасидан изоҳ бермаган.

🔥 @burchakostida

🇮🇸🇪🇺🇺🇸 Исландия АҚШнинг амалдаги маъмурияти ҳаракатлари фонида ўз мудофаа салоҳиятини мустаҳкамлаш ва Европа Иттифоқига аъзо бўлиш бўйича музокараларни қайта бошлаш имкониятини кўриб чиқмоқда — The Wall Street Journal.

🔥 @burchakostida

🇮🇳🇵🇰 Ҳиндистон Покистон билан кескинлик кучайиб бораётган бир пайтда кемага қарши ракета синовларини ўтказди

Ҳиндистон Ҳарбий-денгиз кучлари бу машғулотлар "платформалар, тизимлар ва узоқ масофаларга юқори аниқликдаги ҳужум зарбаларини беришга тайёрликни тасдиқлаш ва намойиш этиш" мақсадида амалга оширилганини маълум қилди.

🔥 @burchakostida

🇺🇸 Оқ уй Трамп президентлигининг иккинчи 100 кунлиги учун режа тайёрламоқда — Reuters

"Кейинги ҳафтада Доналд Трамп иккинчи президентлик муддатига киришганига 100 кун тўлади. Трамп жамоаси аллақачон навбатдаги 100 кун учун режа тайёрламоқда", дея хабар беради агентлик Оқ уй расмийларига таяниб.

Қайд этилишича, Трамп маъмурияти кейинги 100 кун ичида савдо келишувлари ва тинчлик музокараларига алоҳида эътибор қаратади.

🔥 @burchakostida

🇬🇧 BBC: Британия Тенглик ва инсон ҳуқуқлари комиссияси янги тавсиялар эълон қилди. Ээндиликда “жинс” тушунчаси фақат биологик жинс асосида талқин қилинади

"Бу трансшахслар аёллар ёки эркаклар алоҳида фойдаланиши учун мўлжалланган жойлардан масалан, ҳожатхоналар ва кийиниш хоналаридан фойдалана олмаслигини англатади. Бироқ улар учун шундай мақсадга хизмат қилувчи алоҳида жойлар ажратилиши зарур", дейилади ҳужжатда.

Ҳозирча дастлабки шаклда тақдим этилган бу тавсиялар асосан касалхоналар, дўконлар ва ресторанлар каби муассасаларга қаратилган.

Қайд этилишича, трансаёлларга (биологик эркакларга) аёллар учун ажратилган жойлардан фойдаланишга рухсат берилмаслиги керак.

16 апрел куни Буюк Британия Олий суди жинс тушунчаси мамлакат қонунчилигида фақат биологик жинсни англатишини расман эълон қилган эди. Шунга қарамай, Олий суд шахснинг ўз жинсини белгилаши мустақил равишда ҳимояланган хусусият ҳисобланиши ва трансшахслар камситишга дуч келмаслигини кераклигини билдирган.

"Олий суднинг мазкур қарори Буюк Британия Тенглик ва инсон ҳуқуқлари комиссиясини 2010 йилда қабул қилинган “Тенглик тўғрисидаги” қонуннинг амалиётига оид тавсияларни янгилашга мажбур этди. Янги тавсиялар орасида бир жинсга мўлжалланган жойларга оид қоидалар биринчи қадам бўлиб, келгусида спорт мусобақаларига оид алоҳида кўрсатмалар ҳам эълон қилиниши кутилмоқда", дея хабар бермоқда BBC.

🔥 @burchakostida

🇵🇰🇷🇺🇨🇳🇮🇳 Россия ва Хитой Кашмирда содир этилган террорчилик ҳужуми бўюча халқаро суриштирувда иштирок этиши мумкин — Покистон Мудофаа вазири

Хаважа Асифнинг таъкидлашича, Покистон халқаро тергов ўтказилиши тарафдори ва ўзига қарши қаратилган айбловларни асоссиз деб ҳисоблайди.

🔥 @burchakostida

🇨🇦 Ванкувер полицияси фестивал пайтида оломон устига автомобилда бостириб борилиши ҳали “террорчилик ҳужуми” сифатида баҳоланмаганини хабар берди

Шунингдек, полиция фожиа айбдори қўлга олинганинини ва у 30 ёшли маҳаллий фуқаро эканлигини маълум қилди.

Сўнгги маълумотларга кўра, ҳодиса оқибатида камида 9 киши ҳалок бўлган, бир неча киши жароҳатланган.

🔥 @burchakostida

🇮🇷🇺🇸 Эрон ва Қўшма Штатлар ўртасидаги музокараларнинг тўртинчи раунди яқин икки ҳафта ичида Европада бўлиб ўтади — The New York Times.

🔥 @burchakostida

🇺🇿🇮🇷 Ўзбекистон Республикаси президенти Шавкат Мирзиёев Эроннинг Бандар-Аббос шаҳридаги Шаҳид-Ражаи порти ҳудудида рўй берган портлаш оқибатида кўплаб инсонлар ҳалок бўлгани ва жиддий жароҳат олгани, катта талафотлар кўрилгани муносабати билан Эрон Ислом Республикаси президент Масъуд Пизишкиёнга таъзия мактуби йўллади.

🔥 @burchakostida

🇨🇳🇵🇭 Хитой Жанубий Хитой денгизида Филиппин ҳарбий базаси яқинида жойлашган баҳсли рифни эгаллаб олди — Financial Times

Нашр бу ҳақда Хитой Марказий телевидениясига (CCТV) таяниб хабар бермоқда.

Хабарга кўра, Хитой соҳил қўриқлаш хизмати “денгиз назорати”ни амалга ошириб, Сэнди-Кей оролида суверен юрисдикцияни ўрнатган, яъни, у ерга Хитой байроғи ўрнатилган.

"Бу сўнгги йиллар ичида Пекин Жанубий Хитой денгизига даъво қилаётган ва илгари эгалланмаган ҳудудга расмий равишда ўз байроғини ўрнатган биринчи ҳолат бўлди. Мазкур ҳаракат Филиппин ва АҚШ ўртасидаги ҳарбий машғулотлар бошланиши арафасида содир бўлди. Машғулотлар кейинги ҳафтада бошланиши режалаштирилган", деб ёзади FT.

Хитой эгаллаган оролчанинг майдони атиги 200 квадрат метрдан бироз ошиқ бўлса-да, халқаро денгиз ҳуқуқига кўра, Пекин ушбу орол атрофидаги 12 денгиз мили (тахминан 22 километр) радиусдаги ҳудуд устидан ҳам назорат ҳуқуқини қўлга киритиши мумкин. Бу эса Филиппин Хитой ҳаракатларини кузатиш учун фойдаланадиган Титу оролининг суверен ҳудуди билан кешишишини англатади.
Ҳозирча Сэнди-Кейда Хитойнинг доимий оккупацияcи ёки қурилиш ишларини бошлаганига оид белгилар йўқ. Филиппин томони эса хитойлик соҳил қўриқчилари байроқ ўрнатгандан сўнг ҳудудни тарк этганини маълум қилди.

🔥 @burchakostida

🇵🇰🇮🇳 Покистон ҳарбийлари 27 апрелга ўтар кечаси Ҳиндистон билан чегарада ўт очди — PTI агентлиги

Маълумотларга кўра, чегарадаги отишмалар Тутмари-Гали ва Рампур ҳудудларида қайд этилган.

"Бугун кечаси Ҳиндистон ва Покистон ўртасида Кашмирнинг турли секторларида яна кучли отишмалар юз берди. Ўт очишларнинг интенсивлиги олдинги кунлардагига нисбатан юқорироқ бўлди, ҳавода ҳам фаол ҳаракатлар кузатилди. Ҳар икки томон энди чегаралар бўйлаб оғир артиллерия ва ракета тизимларини жойлаштирган", дейилади хабарда.

🔥 @burchakostida

🇮🇷 Эроннинг Шаҳид-Ражаи портида содир бўлган портлаш қурбонлари сони 25 кишига етди

Бу ҳақда Меhr ахборот агентлиги мамлакат расмийларига таяниб хабар бермоқда.

🔥 @burchakostida

🇺🇸 Маск DOGE'дан “узоқлашгани” сабабли Трамп ҳукумат амалдорлари устидан назоратни кучайтирди — Тhe Wall Street Journal

"Президент маъмуриятининг кадрлар бўлими янги федерал лавозимларни тасдиқламоқда ва ходимларни “Трампнинг сиёсатига садоқат” мезони асосида баҳолаб, ишдан бўшатмоқда", деб ёзади нашр.

Таъкидланишича, АҚШ ҳукуматида ишга қабул қилишга мораторий июл ойи ўрталаригача узайтирилган.

🔥 @burchakostida

🇮🇳 Террорчилар тинчликка қайтаётган ва ривожланаётган Ҳиндистон Кашмирини яна вайрон қилмоқчи — Ҳиндистон бош вазири

Нарендра Моди бу ҳақда анъанавий якшанба кунги радио мурожаатида баён қилди. У Ҳиндистоннинг Жамму ва Кашмир ҳудудидаги Паҳалгам сайёҳлик шаҳрида содир этилган ҳужумга муносабат билдирди ва бу ҳодиса оқибатида унда 26 киши ҳалок бўлганини айтди.

"Паҳалгамдаги теракт терроризмга ҳомийлик қилувчиларнинг умидсизлик ва қўрқоқлигини кўрсатади. Кашмирда тинчлик тикланаётган, мактаб ва коллежлар фаолият юритаётган, демократия мустаҳкамланаётган, туризм ривожланаётган ва ёшлар учун янги имкониятлар яратилаётган бир вақтда, Жамму ва Кашмир ҳамда бутун мамлакат душманларига бу ҳолат ёқмади. Террорчилар Кашмирни яна вайрон қилишни истамоқда", — дея фикр билдирди Моди.

🔥 @burchakostida

🇨🇦 Канада оммавий ахборот воситаларининг хабар беришича, Ванкуверда автомобилнинг оломон устига бориб урилиши оқибатида камида 8 киши, жумладан бир бола ҳалок бўлган ва 6 киши жароҳатланган.

🔥 @burchakostida

🇮🇷 Эрон портидаги портлаш кимёвий моддаларни нотўғри сақлаш оқибатида юзага келган бўлиши мумкин — The New York Times

Газетанинг Эрон Ислом инқилоби қўриқчилари корпуси билан алоқадор манбасининг маълум қилишича, Бандaр-Аббос шаҳри яқинидаги Шаҳид-Ражаи портида натрий перхлорат сақланган контейнерлар портлаган. Бу модда қаттиқ ракета ёқилғиси ишлаб чиқаришда қўлланилади.

Аввалроқ Эроннинг давлат ахборот агентлиги расмийларга таяниб, портда кимёвий моддалар сақланган контейнерлар портлагани ҳақида хабар берган, бироқ гап қайси модда ҳақида кетаётганига аниқлик киритмаганди.

"Аmbrey хусусий хавфсизлик компанияси маълумотларига кўра, март ойида Шаҳид-Ражаи портига Хитойдан "натрий перхлорат асосидаги ракета ёқилғиси" етказиб берилган.

Financial Times январ ойида бу ёқилғининг Ғазо секторидаги ҲАМАС билан уруш чоғида Исроилга қарши бевосита ҳужумлар натижасида тугаб қолган Эрон ракета захираларини тўлдириш учун мўлжаллангани ҳақида хабар берган эди.

Ҳодиса АҚШ ва Эрон ўртасида Теҳроннинг ядро дастури бўйича музокараларнинг учинчи раунди ўтказилган куни юз берди. Эрон расмийлари портлашни “ҳужум ҳаракати” деб бевосита тасдиқламади, бироқ Эрон ташқи ишлар вазири Аббос Ароқчининг сўзларига кўра, мамлакат хавфсизлик хизматлари "юқори тайёргарлик ҳолатида" турибди.

Расмий маълумотларга кўра, портлаш оқибатида камида 18 киши ҳалок бўлган, яна 1139 киши жароҳат олган.

🔥 @burchakostida

🇷🇺🇰🇵🇺🇦 Россия ТИВ вакили КХДР билан "жанговар биродарлик" ҳақида гапирди

Россия Ташқи ишлар вазири расмий вакили Мария Захарова Курск вилоятининг “озод қилиниши” муносабати билан баёнот берди. Унинг нутқида Шимолий Корея қўшинларининг Украинага қарши урушдаги иштирокига алоҳида ўрин ажратилди.

"Россия ва КХДР халқларининг жанговар биродарлиги шонли тарихига янги саҳифа қўшилди. Корея Халқ Армияси жангчилари Россия ва Шимолий Корея ўртасида 2024 йил 4 декабрда кучга кирган “Ҳар томонлама стратегик шериклик” шартномаси асосида Курск вилоятида бизнинг аскар ва зобитларимиз билан елкама-елка жанг қилдилар ҳамда рус ерларини душман босқинчиларидан озод этишда муҳим ҳисса қўшдилар", — дея таъкидлади Захарова.

Украина Қуролли Кучлари эса Курск вилоятининг маълум бир ҳудудларида ҳали ҳам фаол жанговар ҳаракатлар давом этаётгани ва украин қўшинлари позицияларни назорат остида ушлаб тургани ҳақида хабар берганди.

Шимолий Корея қўшинларининг урушдаги иштироки ҳақидаги маълумотлар 4 декабр санасидан бир неча ой олдин Жанубий Корея, АҚШ ва Украина расмийлари ҳамда разведкалари томонидан тарқатилган эди. Москва ва Пхенян шимолий кореяликларнинг фронтга юборилганини узоқ вақтдавомида расмий равишда тан олмаган. Бу ҳақдаги биринчи расмий тасдиқ 26 апрел куни Россия Бош штаби томонидан эълон қилинган баёнотда қайд этилди.

🔥 @burchakostida

🇨🇦 Канаданинг Ванкувер шаҳрида кўча фестивали вақтида автомобил оломон устига бориб урилди — CBS телеканали

Телеканалнинг маҳаллий полицияга таяниб хабар беришича, воқеа оқибатида қурбон бўлган ва яраланганлар бор. Автомобил ҳайдовчиси қўлга олинган.

🔥 @burchakostida

🇵🇰🇮🇳 Покистон армияси агар вазият кескинлашмаса, Ҳиндистонга қарши ҳарбий ҳаракатларни бошлашни режалаштирмаяпти, бироқ ҳужумга учраган тақдирда "мутаносиб" жавоб беришга тайёр — Покистон мудофаа вазири Хаважа Асиф.

🔥 @burchakostida

🇺🇸🇵🇦🇪🇬 Қўшма Штатларнинг ҳарбий ва тижорат кемалари Панама ҳамда Сувайш каналларидан фойдаланишда бож тўловларидан озод этилиши керак, мен Давлат котиби Рубиога бу масала билан шуғулланишини буюрдим — АҚШ президенти Доналд Трамп.

🔥 @burchakostida

Исроил армияси Ямандан Исроил ҳудуди томон ракета учирилганини аниқлади, ҳаво ҳужумидан мудофаа тизими ракета Исроил ҳудудига кириб келмасдан олдин йўқ қилди — ЦАХАЛ матбуот хизмати.

🔥 @burchakostida

🇮🇷 Эроннинг Шаҳид-Ражаи портида янги портлашлар қайд этилди, ҳудудда ёнғин бўлмоқда

Эрон Ички ишлар вазирлигининг маълум қилишича, ҳозирда ёнғинни ўчириш учун мамлакатнинг барча кучлари сафарбар қилинган.

Эслатиб ўтамиз, 26 апрел  куни кундузи айни шу портда кучли портлаш содир бўлган эди. Сўнгги маълумотларга кўра, ҳодиса оқибатида камида 14 киши ҳалок бўлган, 750 киши яраланган.

🔥 @burchakostida

🇺🇸🇷🇺 Россиянинг коинотдаги ядровий қуролланиш дастурига алоқадор махфий сунъий йўлдош назоратдан чиқиб кетди – Reuters

"Махфий “Космос-2553” суний йўлдоши катта эҳтимолик билан ишдан чиққан. У ядровий компонентли янги турдаги коинот қуролларини яратиш дастурига боғлиқ бўлган", дея хабар бермоқда агентлик таҳлилий маълумотларга асосланиб.

Россия “Космос-2553”ни 2022 йил февралда, Украинага кенг кўламли босқин бошланишидан сал олдин орбитага чиқарган эди.

АҚШ ҳукумати вакиллари, бу сунъий йўлдош Россиянинг коинотга Қўшма Штатлар сунъий йўлдошларини йўқ қила оладиган ядро қуролини жойлаштириш режалари билан боғлиқ, деб ҳисоблайди. Кремл эса бу айбловларни рад этмоқда.

“Космос-2553”нинг ноодатий ҳаракатларини дастлаб 2024 йил ноябрда LeoLabs компанияси радари қайд этган эди. Декабрда ўтказилган қўшимча кузатувлар сунъий йўлдошнинг назоратдан чиқиб кетгани ҳақида "юқори ишонч билан" хулоса чиқаришга имкон берди.

"Бу кузатув сунъий йўлдошнинг энди ишламаётганини ишончли тарзда кўрсатмоқда", дея маълум қилди Вашингтондаги Стратегик ва халқаро тадқиқотлар маркази LeoLabs маълумотларини шарҳлаш чоғида.

🔥 @burchakostida

🇷🇺🇺🇦 Россия ФХХ генерал Москаликни ўлдиришда гумонланган шахсни қўлга олганини маълум қилди

Россия Федерал хавфсизлик хизмати Москва вилоятида Россия Қуролли кучлари Бош штаби бош оператив бошқармаси бошлиғи ўринбосари генерал-лейтенант Ярослав Москаликнинг ўлимига алоқадор “Украина махсус хизматлари агенти” қўлга олинганини эълон қилди.

Баёнотда қайд этилишича, ҳибсга олинган шахснинг исми Игнат Кузин бўлиб, у 1983 йилда туғилган ва Украинада яшаш гувоҳномасига эга.

Тергов версиясига кўра, у дастлаб қўлбола портловчи қурилмани сотиб олган ва кейинчалик генерал Москалик яшайдиган Балашихадаги уй ёнида турган Volkswagen Golf русумли автомобил остига ўрнатган.

Хабар берилишича, Кузин портловчи моддалар учун компонентларни Москва вилоятидаги Украина махсус хизматлари вакилларидан олган.

Қўлга олинган шахс Россия Тергов қўмитасига сўроқ қилиш учун олиб келинган. У теракт (ЖК 205-моддаси 2-қисми) ва портловчи моддани ноқонуний сақлаш (ЖК 222.1-моддаси 1-қисми) бўйича жиноят ишида гумонланувчи сифатида кўрилмоқда.

🔥 @burchakostida

🇺🇸🇴🇲🇮🇷 DW:  АҚШ ва Эрон ядро дастури бўйича музокараларнинг учинчи босқичини ўтказди

Ушбу учрашув 26 апрел куни Уммонда бўлиб ўтди. Музокарларнинг учинчи босқичида АҚШ делегациясига Трампнинг махсус вакили Стив Уиткофф, Эрон томонига эса мамлакат ташқи ишлар вазири Аббос Ароқчи раҳбарлик қилди. Бундан ташқари, ҳар икки делегация таркибига махсус экспертлар ҳам киритилган. Тўғридан-тўғри бўлмаган мулоқотнинг учинчи босқичи натижалари ҳозирча номаълум.

Уммон Ташқи ишлар вазири Бадр ал-Бусайдийнинг маълум қилишича, Вашингтон ва Теҳрон ўртасидаги музокаралар май ойи бошида давом этади. У 26 апрел кунги маслаҳатлашувлар барча иштирокчиларнинг "ўзаро ҳурматга асосланган келишувга эришиш" истагини намоён этганини қўшимча қилди.

"Музокараларнинг мақсади Эронга ядро қуролини яратишига йўл қўймаслик ва Қўшма Штатларнинг Теҳронга қарши санкцияларини бекор қилиш эвазига ядровий дастур бўйича янги келишув тузишдан иборат", деб ёзади DW.

🔥 @burchakostida

🇫🇷🇺🇦🇷🇺 Макрон Римда Зеленский билан "жуда ижобий" фикр алмашганини маълум қилди

Франция президентининг сўзларига кўра, Украина етакчиси Киев ҳеч қандай шартларсиз ўт очишни тўхтатишга тайёрлигини билдирган.

🔥 @burchakostida

🇮🇷 Эроннинг Шаҳид-Ражаи портида юз берган портлаш қурбонлари сони 5 кишига, яраланганлар сони эса 700 нафарга етди — Таsnim агентлиги.

🔥 @burchakostida

🇺🇸 NBC: Республикачилар Трамп ва унинг тарафдорларини ғазаблантирмаслик учун 2028 йилги президентлик сайлови учун мақсадларини эълон қилмаяпти

Сиёсатчилар Трамп АҚШ Конституцияга зид равишда яна давлат раҳбари бўлиши мумкинлигини очиқчасига тан олмоқда.

Президентнинг учинчи муддат ҳақидаги мулоҳазалари, айниқса, Жей Ди Вэнс, Рон Десантис ва Трампнинг марҳаматига сазовор бўлишни истаган бошқаларга таъсир кўрсатмоқда.

Арканзас штатининг собиқ губернатори Аса Хатчинсоннинг сўзларига кўра, улар "Доналд Трамп бунга розилик бермагунча ва ўзи номзодини қўймаслигини айтмагунча, четда туриш кераклигини" билишади.

NBC манбасининг қайд этишича, Республикачилар партияси Трампдан яқин орада аниқ жавоб кутмаяпти. У жавоб беришни қанчалик узоқ вақт кечиктирса, шунчалик кўп эътиборни ўзига жалб қилади.

🔥 @burchakostida

🇺🇳 БМТнинг Нью-Йоркдаги бош штаб-квартирасида Суриянинг янги байроғи кўтарилди — ОАВ

Хабар берилишича, ушбу маросимда Сурия Ташқи ишлар вазири Асад ал-Шибоний ҳам иштирок этди.

🔥 @burchakostida

🇾🇪🇸🇴 Яман соҳиллари яқинида Сомалига тегишли кема ағдарилиб кетди — ОАВ

Маҳаллий матбуотнинг хабар беришича, кема қўйларни ташиётган бўлган. Балиқчилар ўз қайиқларида экипаж аъзолари ва қўйларни қутқаришга ёрдам берган.

🔥 @burchakostida

🇬🇧🇺🇦🇷🇺 Кир Стармер Украинадаги можарони ҳал қилиш бўйича музокараларда муваффақиятга эришилганини қайд этди

Бу ҳақда Буюк Британия бош вазири идораси Стармернинг Зеленский билан Римда ўтказилган учрашуви якунлари бўйича баёнотида маълум қилди.

🔥 @burchakostida

🇺🇸🇺🇦🇷🇺 Трамп Россиянинг Украинага ракета ҳужумларини қоралади ва яна бир бор Кремлга санкциялар билан таҳдид қилди

"Сўнгги кунларда Путин тинч аҳоли яшовчи ҳудудлар, шаҳарлар ва қишлоқларга ракеталар учирди, бунинг учун ҳеч қандай сабаб йўқ эди. Бу менда “эҳтимол, у урушни тўхтатишни истамаётгандир, шунчаки мени алдаётгандир”, деган фикрни юзага келтирмоқда. Балки унга бошқача муносабатда бўлиш керакдир, “банк санкциялари” ёки “иккиламчи санкциялар” орқали? Жуда кўп одамлар ҳалок бўляпти!!!" — деб ёзди АҚШ президенти Truth Social ижтимоий ижтимоий тармоғидаги саҳифасида.

🔥 @burchakostida

🇨🇳🇺🇸 Хитой АҚШдан импорт қилинадиган айрим маҳсулотлар учун 125 фоизлик бож тўловини норасмий тарзда бекор қилмоқда — Тhe Wall Street Journal

Нашрга кўра, гап ярим ўтказгичлар, чип ишлаб чиқариш ускуналари, тиббий препаратлар, авиация эҳтиёт қисмлари, саноат кимёвий моддалари, кварц, этан ва бошқа маҳсулотлар ҳақида бормоқда

WSJ манбаларининг тушунтиришича, Пекин ишлаб чиқарувчилардан қайси соҳаларда Қўшма Штатлардан етказиб беришга муқобил манбалар йўқлигини ва қаерда Хитой миллий манфаатларини ҳимоя қилиш учун божларни бекор қилиш кераклигини аниқлаштирмоқда.

Уларнинг айтишича, Хитой буни расмий равишда эълон қилмоқчи эмас, чунки бу унинг заиф томонларини ошкор қилиши ва келажакдаги музокаралар учун имконият қолдириши мумкин.

Аввалроқ АҚШ Хитойда ишлаб чиқарилган смартфонлар, ноутбуклар ва бошқа электроника маҳсулотларини божхона тўловларидан озод қилганди. Қўшма Штатлар бу орқали ушбу маҳсулотлар бўйича Хитойдан импортга қарамлигини тан олган эди.

🔥 @burchakostida

🇺🇸🇺🇦 АҚШ Украинага киберхавфсизлик соҳасидаги ёрдамини қисқартирди — Bloomberg

Агентлик маълумотларига кўра, киберхавфсизлик соҳасида фаолият юритаётган ўнлаб украиналик ва америкалик мутахассислар билан тузилган шартномалар бекор қилинган ёки тўхтатиб қўйилган. Бу Украинани киберҳужумлардан ҳимоя қилишни молиялаштирган АҚШ Халқаро тараққиёт агентлиги (USAID) фаолиятига ажратилган маблағларнинг қисқартирилиши билан боғлиқ.

Шунингдек, нашр мухбирларига маълум қилинишича, Украина инфратузилмасини ҳимоялаш учун мўлжалланган компютер ускуналари ва дастурий таъминотнинг режалаштирилган етказиб берилиши ҳам амалга оширилмаган.

Вашингтон маблағлари Киев учун киберхавфсизликни таъминлашда энг йирик молиявий манба бўлиб келган. Bloomberg манбаларига кўра, сўнгги беш йил ичида USAID бу мақсадда 200 миллион доллардан ортиқ маблағ ажратган.

Феврал ойида Доналд Трамп маъмурияти USAID шартномаларининг 90 фоизини бекор қилиш ниятида эканлигини маълум қилганди. Ушбу қарор натижасида Қўшма Штатларнинг бутун дунё бўйлаб кўрсатадиган ёрдами 60 миллиард долларга камаяди. Март ойида эса Давлат котиби Марко Рубио агентлик дастурларининг 83 фоизи ёпилишини эълон қилган эди.

🔥 @burchakostida

🇷🇺🇺🇸🇺🇦 Путин Москванинг "олдиндан ҳеч қандай шартсиз" Киев билан музокараларга тайёрлигини тасдиқлади — Россия президенти матбуот котиби

"Кеча АҚШ президентининг махсус вакили Стив Уиткофф билан бўлиб ўтган мулоқот чоғида Россия президенти Владимир Путин Москва томони Киев билан музокара жараёнини ҳеч қандай олдиндан илгари сурилувчи шартларсиз тиклашга тайёрлигини яна бир бор тасдиқлади", — дея маълум қилди Дмитрий Песков.

Шу билан бирга, Кремл вскили Путиннинг бу ҳақда илгари ҳам бир неча бор гапирганини айтиб ўтди.

🔥 @burchakostida

🇮🇷 Шаҳид-Ражаий портидаги портлашда камида 4 киши ҳалок бўлди — Эрон Қутқарув хизмати раҳбари Бабак Маҳмудий.

🔥 @burchakostida

🇺🇳🇺🇸🇺🇦🇷🇺 Reuters: БМТ Қочқинлар ишлари бўйича бошқармаси Украинадаги янги кўчирилган шахсларга кўрсатилаётган ёрдамни қисқартирди

"Бундай қарор АҚШ томонидан ёрдамнинг тўхтатилгани ва донорларнинг камайиши туфайли қабул қилинган", — дея маълум қилди БМТ Қочқинлар ишлари бўйича Олий комиссари бошқармасининг Украинадаги вакили Каролина Линдҳолм Биллинг.

Гап психосоциал ёрдам, вақтинча турар-жой қурилиши учун материаллар тақдим этиш ва пул кўринишидаги ёрдам кўрсатиш кабилар ҳақида кетмоқда.

БМТ Қочқинлар агентлиги бу каби гуманитар ёрдамнинг энг йирик етказиб берувчиси бўлиб, Россиянинг кенг кўламли босқини бошланганидан буён 450 мингга яқин кишига ёрдам кўрсатган. 2024 йилда ташкилот ўз маблағларининг 40 фоизини АҚШдан олган эди.

Украинада жорий йил январидан бери бўлиб ўтган кучли бомбардимонлардан сўнг Павлоград ва Сумидаги БМТ қочқинлар агентлигининг транзит марказлари орқали деярли 7 700 киши кийим-кечак, гигиена воситалари, шунингдек, ҳуқуқий ва психосоциал ёрдам олган.

"Улар деярли ҳеч қандай нарсасиз ва чуқур руҳий жароҳат билан келишмоқда", — деди Биллинг.

Бошқарманинг қайд этишича, ташкилот ва унинг ҳамкорлари зарур молиявий кўмак тақдим этилса, самарали фаолият юритиш учун етарли салоҳият ва имкониятларга эга бўлади.

🔥 @burchakostida

🇺🇦🇺🇸🇻🇦Зеленский Трамп билан Ватикандаги учрашувини "яхши ва рамзий мулоқот" деб атади

Хабарларга кўра, президентлар Ватикан ҳудудида Рим папаси Францискнинг дафн маросими бошланишидан аввал 15 дақиқа суҳбатлашган.

"Яхши учрашув бўлди. Юзма-юз кўплаб масалаларни муҳокама қилишга улгурдик. Натижага умид қиламиз. Халқимиз ҳаётини ҳимоя қилиш, ўт очишни тўлиқ ва сўзсиз тўхтатиш, уруш такрорланишининг олдини оладиган ишончли ва узоқ муддатли тинчлик ҳақида гаплашдик. Жуда рамзий учрашув бўлди, агар умумий натижаларга эришсак, у тарихий воқеа бўлиши мумкин. Раҳмат, Президент Доналд Трамп!", — деб ёзди Украина президенти ўзининг Телеграм-каналида.

Аввалроқ Оқ уй ушбу суҳбатни "жудаям самарали" деб атаган эди.

Дастлаб Трамп ва Зеленский шанба куни музокараларни давом эттиришга келишиб олган эди. Аммо АҚШ президенти аллақачон Римни тарк этди.

Зеленскийнинг матбуот котиби Сергей Никифоров Ватиканда АҚШ ва Украина етакчиларининг иккинчи учрашув бўлиб ўтмаганини тасдиқлади.

🔥 @burchakostida

🇺🇦🇷🇺 Украина Қуролли кучлари Россиянинг Курск вилоятида ҳарбий ҳаракатлар якунлангани ҳақидаги баёнотини рад этди

"Операция Курск вилоятининг айрим ҳудудларида давом этмоқда. Бизнинг бўлинмаларимиз позицияларни ушлаб турибди ва белгиланган вазифаларни бажаришда давом этмоқда", дейилади Украина Қуролли кучлари Бош штаби баёнотида.

🔥 @burchakostida

🇷🇺🇰🇵🇺🇦 Путин Курск вилояти тўлиқ озод қилинганини эълон қилди

"Россия армияси Курск чегарасида душманни тўлиқ тор-мор қилди", — деб баёнот берди Россия президенти Владимир Путин, РФ Қуролли кучлари Бош штаби раҳбари Валерий Герасимовнинг ҳисоботидан сўнг.

Путиннинг сўзларига кўра, Украина армияси Курск вилоятида "катта йўқотишларга учраган".

Герасимов эса Курск вилоятини озод қилишда КХДР ҳарбийлари "юқори профессионаллик" кўрсатганини таъкидлади. Бу Россия раcмийларининг биринчи марта Шимолий Корея қўшинлари Курск вилояти учун олиб борилган жангларда иштирок этганини расман тан олиши ҳисобланади.

🔥 @burchakostida

🇮🇷 Эрон жанубидаги Шаҳид-Ражаий портида содир бўлган портлаш натижасида жароҳат олганлар сони 516 нафарга етди — Fars агентлиги

Маълум қилинишича, ҳодисага ёнилғи сақланадиган резервуарнинг ёниб кетиши сабаб бўлган. Ҳозирда шаҳар устида ҳаво қатнови вақтинча тўхтатилган.

🔥 @burchakostida

🇺🇦🇫🇷 Папа Францискнинг дафн маросимидан кейин Украина президенти Володимир Зеленский Франция президенти Эммануэл Макрон билан учрашди.

🔥 @burchakostida

🇮🇷 Эроннинг Шаҳид-Ражаий портида содир бўлган portlash оқибатида камида 80 киши жароҳат олди — Fars агентлиги

Ижтимоий тармоқларда портлаш ва унинг порт инфратузилмасига етказган зарарини акс эттирувчи видеолар тарқалмоқда. Таsnim агентлиги маълумотига кўра, портлашга ёқилғи сақланадиган резервуар ёниб кетгани сабаб бўлган.

🔥 @burchakostida

🇺🇸🇺🇦🇻🇦Оқ уй Зеленский ва Трампнинг суҳбатини "жуда самарали" деб атади ва кейинроқ батафсил маълумот берилишини маълум қилди.

"Зеленский ва Трамп Авлиё Пётр Базиликасида учрашишди, улар ўртасидаги мулоқот тахминан 15 дақиқа давом этди. Етакчилар бугун музокараларни давом эттиришга келишиб олишди. Жамоалар учрашувни давом эттиришни ташкил этиш устида ишлаяпти", — дея изоҳ берди Украина президенти матбуот котиби Сергей Никифоров.

🔥 @burchakostida

🇻🇦Рим папасининг дафн маросимида тахминан 200 минг киши иштирок этмоқда — Ватикан.

🔥 @burchakostida

🇮🇷 Эрон жанубидаги Бандар-Аббос шаҳри яқинидаги Шаҳид-Ражаий портида кучли портлаш юз берди — Tasnim агентлиги

Портлашга нима сабаб бўлгани, ҳодиса оқибатида жабрланганлар ва талафотлар ҳақида ҳозирча расмий маълумот берилмади.

🔥 @burchakostida

ҲАМАС Исроил билан 5 йиллик тинчлик шартномасини имзолашга тайёрлигини билдирди — АFP

Ҳаракат барча исроиллик асирларни дарҳол озод қилиш ва Исроил билан беш йиллик сулҳ тузишга тайёр эканини 26 апрел куни Қоҳирада бўлиб ўтадиган музокаралар арафасида маълум қилди.

АFP'нинг хабар беришича, ҲАМАС сулҳ шартномаси урушнинг тугашини, Исроил ҳарбийларининг Ғазо секторидан тўлиқ чиқиб кетишини, асирлар алмашинувини ва зудлик билан етарли ҳажмда гуманитар ёрдам етказилишини ўз ичига олишини талаб қилмоқда.

Исроил эса, ўз навбатида, барча гаровдагиларни қайтариб беришни ҳамда ҲАМАС ва Ғазо секторидаги бошқа қуролланган гуруҳларнинг қуролсизланишини талаб қилмоқда.

Исроил армияси маълумотларига кўра, айни пайтда ҲАМАС асирлигида 24 нафар тирик исроиллик ва 34 нафар ҳалок бўлган асирнинг жасади сақланмоқда.

🔥 @burchakostida

🇺🇸🇺🇦🇻🇦Трамп ва Зеленский Римда қисқа икки томонлама учрашув ўтказишди

Бу ҳақда Украина президенти матбуот котиби Сергей Никифоров хабар берди.

Sky News хабарига кўра, АҚШ ва Украина президентлари папа Францискнинг дафн маросимидан кейин қўшимча музокаралар ўтказишга келишиб олишган.

Ҳар икки етакчи Римга Папа Францискнинг дафн маросимида иштирок этиш учун келган эди. Айни пайтда Трамп ва Зеленский Ватиканидаги Авлиё Пётр майдонида, понтификнинг дафн маросими давом этаётган жойда ҳозир бўлиб туришибди.

🔥 @burchakostida

Европа Трампни “Мюнхен келишуви” хатосини такрорламасликка чақирди

Европанинг етти мамлакати парламенти вакиллари АҚШ раҳбариятига мурожаат қилиб, "Кремл томонидан босим ва алдовларга берилмаслик" ҳамда "Россиядан келаётган глобал таҳдид қаршисида ҳақиқий лидерликни намойиш этиш"га чақиришди.

Болтиқбўйи давлатлари, Франция, Чехия, Буюк Британия ва Украина парламентлари депутатлари шунингдек, Украинани Европа Иттифоқи ва NATО'га тезроқ қабул қилиш, Россиянинг музлатилган активларини Киев фойдасига мусодара қилишни ва Владимир Путин ҳамда "унинг барча шерикларини" ҳарбий жиноятлар учун жавобгарликка тортишни талаб қилишди.

"Биз 1938 йил Мюнхенда йўл қўйилган хатоларни такрорламаслигимиз керак. Ҳарбий жиноятчи Путин билан музокаралар ўтказиш самарасиз. Унинг асосий мақсади — бизнинг иттифоқчимиз, Қўшма Штатларни заифлаштириш ва таҳқирлаш", дейилади ҳужжатда.

Маълумот учун, 1938 йил 30 сентябрда Мюнхенда Буюк Британия Бош вазири Невилл Чемберлен, Франция бош вазири Эдуард Даладъе, Бенито Муссолини ва Адолф Гитлер Судет минтақасини Германияга қўшиб бериш тўғрисида келишув имзолашган эди. Чехословакия расмийлари бу маросимга таклиф этилмаган эди. Ғарб тарихчиларининг кўпчилиги фикрича, ўшанда Буюк Британия ва Франция сиёсатчилари бутун Европани қамраб олиши мумкин бўлган урушдан қўрқиб, “юмшатиш сиёсати”ни олиб борган ва Гитлер Чехословакиянинг бир қисмини олгач, тинчланади деб умид қилишган.

🔥 @burchakostida

🇻🇦BBC: Рим папаси Францискнинг дафн маросимида дунёнинг кўплаб етакчилари иштирок этмоқда, улар орасида Зеленский ва Трамп ҳам бор

Ватиканга, шунингдек, Қўшма Штатларнинг сўбиқ президенти Жо Байден ва унинг рафиқаси Жилл Байденни ҳам ташриф буюрган.

Ватикан маълумотига кўра, маросимга 130 дан ортиқ хорижий делегациялар, жумладан 50 нафар давлат раҳбари ва 10 нафар монарх келиши кутилмоқда.

Хабар берилишича, папа Францискнинг дафн маросими ўтказиладиган Авлиё Пётр майдони одамлар билан тўлиб-тошган.

Понтифик билан видолашув маросими 26 апрел куни маҳаллий вақт билан соат 10:00 да (Тошкент вақти билан 13:00 да) бошланади.

🔥 @burchakostida

🇷🇺🇺🇸🇺🇦 Россия Украина бўйича АҚШ билан музокаралар якунланмагунча унинг тафсилотларини оммага ошкор қилишни режалаштирмаяпти — Россия Ташқи ишлар вазири Сергей Лавров.

🔥 @burchakostida

🇵🇰🇮🇳 Икки кундан буён Кашмирдаги чегара назорат чизиғида Ҳиндистон ва Покистон ўртасида отишмалар кузатилмоқда — Reuters.

🔥 @burchakostida

🇺🇦🇮🇹🇻🇦Зеленский папа Францискнинг дафн маросимида иштирок этиш учун Римга етиб келди

Бу ҳақда Украина президенти матбуот котиби Сергей Никифоров маълум қилди.

"Президент Володимир Зеленский, биринчи хоним Eлена Зеленская ва Украина делегацияси Рим папаси Франциск билан видолашув маросимида иштирок этади", — дея аниқлик киритди Никифоров.

🔥 @burchakostida

🇺🇸🇺🇦Трамп Украинани фойдали қазилмалар бўйича келишувни "зудлик билан" имзолашга чақирди

"Президент Володимир Зеленский бошчилигидаги Украина Қўшма Штатлар билан нодир ер ресурслари бўйича жуда муҳим битимнинг якуний ҳужжатларини ҳали имзоламади. Бу камида уч ҳафтага кечикди. Умид қиламанки, мазкур ҳужжат зудлик билан имзоланади", — деб ёзди АҚШ президенти Truth Social ижтимоий тармоғидаги саҳифасида.

Шу билан бирга, Трамп Россия ва Украина ўртасидаги тинчлик келишуви устида иш "муваффақиятли давом этмоқда" деб қўшимча қилди.

🔥 @burchakostida

🇵🇰🇮🇳 Покистон Сенати бир овоздан Кашмир ҳудудида содир этилган терактда Исломободнинг ролини инкор қилувчи резолюцияни қабул қилди — Dawn портали

"Покистон ўз номини Паҳалгам шаҳридаги ҳужум билан асоссиз боғлаш бўйича барча уринишларни тан олмайди. Ҳиндистон ҳукуматининг Покистонни ёмон кўрсатишга қаратилган манипуляция кампаниясини қоралаймиз. Исломобод Нью-Деҳли терроризм масаласидан ўз манфаатлари йўлида фойдаланмоқда деб ҳисоблайди", дейилади ҳужжатда.

Резолюцияда, шунингдек, “Ҳинд сувларидан биргаликда фойдаланиш” тўғрисидаги шартноманинг ноқонуний ва бир томонлама тўхтатилиши ҳам қораланган.

Бундан ташқари, Покистон Сенати ўз суверенитети ва ҳудудий яхлитлигини ҳимоя қилишини таъкидлади.

🔥 @burchakostida

🇺🇦🇷🇺 Украина Хавфсизлик хизмати (УХХ) Қора денгизда Россиянинг “соядаги флоти” таркибига кирувчи чет эл юк ташиш кемасини ҳибсга олди

Хабар қилинишича, кема ва экипажни ушлаш ишлари УХХ ва Чегара хизматининг махсус операцияси доирасида, Қора денгиз акваториясининг ички сувларида ўтказилган. Кема айнан қачон ҳибсга олинганига аниқлик киритилмаган.

Тергов маълумотларига кўра, 2024 йил охирларида кема Севастопол портидан Украина жанубидаги босиб олинган ҳудудлардан ўғирланган 5 минг тонна буғдойни олиб чиққан. Ушбу кема Осиё давлатларидан бирининг байроғи остида ноқонуний тарзда сузган.

"Кемада ўтказилган тинтув давомида рус босқинчилари томонидан Украина қишлоқ хўжалиги маҳсулотларини ўғирлаш фактларини исботловчи ҳужжатлар, навиация қурилмалари ва бошқа далилий ашёлар топилди", дейилади Украина Хавфсизлик хизмат баёнотида.

🔥 @burchakostida

🇺🇸🇺🇦🇷🇺🇮🇹🇻🇦 Россия ва Украина расмийлари билан музокаралар ҳамда учрашувлар учун яхши кун — Доналд Трамп

"Улар келишувга эришишга жуда яқин турибди, энди эса ҳар иккала томон энг юқори даражада учрашув ўтказиб, ишни охирига етказиши зарур. Асосий ва муҳим бандларнинг аксарияти аллақачон келишилган. Қон тўкилишини дарҳол тўхтатинг. Биз бу шафқатсиз ва маъносиз урушни тугатишга ёрдам бериш учун қаерда керак бўлса, ўша ерда бўламиз", — деб ёзди АҚШ президенти Truth Social ижтимоий тармоғидаги саҳифасида.

🔥 @burchakostida

🇺🇸🇮🇹🇻🇦АҚШ президенти Доналд Трамп рафиқаси Мелания билан бирга Римга келди — ОАВ

Қўшма Штатлар президенти Рим папаси Францискнинг дафн маросимида иштирок этиш учун ташриф буюрди. Бу Трампнинг АҚШ президенти лавозимига қайтганидан кейинги биринчи хорижий сафари ҳисобланади.

Понтифик билан видолашув маросими 26 апрел куни маҳаллий вақт билан соат 10:00 да (Тошкент вақти билан 13:00 да) бошланади.

🔥 @burchakostida

🇺🇿🇰🇬 Ўзбекистон ва Қирғизистон “Чашма” булоғидан биргаликда фойдаланишга келишиб олдилар

Тошкентда Ўзбекистон бош вазири Абдулла Арипов ва Қирғизистон Вазирлар Маҳкамаси раисининг ўринбосари, Давлат миллий хавфсизлик қўмитаси раиси Қамчибек Тaшиев раислигида ўзбек-қирғиз Давлат чегарасини делимитация ва демаркация қилиш масалалари бўйича ҳукуматлар делегацияларининг навбатдаги қўшма йиғилиши бўлиб ўтди.

Музокаралар давомида Ўзбекистон-Қирғизистон Давлат чегараси лойиҳа чизиғининг чегаранинг охирги тартибга солинмаган участкасидан ўтиши тўғрисидаги Баённома ҳамда Ўзбекистон Республикаси Ҳукумати ва Қирғиз Республикаси Вазирлар Маҳкамаси ўртасидаги “Чашма” булоғидан биргаликда фойдаланиш тўғрисидаги Битим лойиҳасининг асосий шартлари тасдиқланди.

Томонлар “Чашма” булоғи Ўзбекистон Республикаси ва Қирғиз Республикаси халқларининг умумий бойлиги эканини алоҳида таъкидлади. Ўзбекистон Республикаси фуқароларининг ушбу булоқдан эркин ва тўсиқсиз фойдаланиши, ўзбек томони булоқнинг учдан икки қисмидан фойдаланишини таъминлаш ҳамда манбанинг сув ресурслари ҳажми ва сифатига таъсир кўрсатиши мумкин бўлган ҳар қандай хатти-ҳаракатларни ўзбек томони билан мувофиқлаштириш тўғрисида келишувларга эришилди.

🔥 @burchakostida

🇺🇦🇺🇸🇷🇺 Reuters АҚШ томонидан илгари сурилган “тинчлик режаси”га Украина ва Европанинг жавобини эълон қилди

Жавоб таклифлари қуйидагилардан иборат:

◾️ Ҳавода, қурқликда ва денгизда ўт очишни тўлиқ ва доимий тарзда тўхтатиш;

◾️ Украина ва Россия томони АҚШ ҳамда Европа давлатлари иштирокида музокараларни техник амалга оширишга киришади. Шу билан бирга, тўлиқ тинчлик келишувига эришиш учун кун тартиби ва шартларни тайёрлаш амалга оширилади;

◾️ Ўт отишни тўхтатиш устидан назорат жараёнини АҚШ бошқаради ва уни учинчи мамлакатлар қўллаб-қувватлайди;

◾️ Россия барча депортация қилинган ва ноқонуний кўчирилган украналик болаларни ҳеч қандай шартларсиз қайтариши зарур;

◾️ Ҳарбий асирларни “ҳаммасини ҳаммасига” тамойили асосида алмашиш лозим;

◾️ Россия барча фуқаролик маҳбусларини озод қилиши керак;

◾️ Украина АҚШ томонидан NATО низомининг 5-моддасига ўхшаш ишончли хавфсизлик кафолатларини олади. Ушбу кафолатлар Украина алянсга аъзо бўлиш бўйича иттифоқчилар келишувга эришмагунга қадар амал қилади;

◾️ Украина Мудофаа Кучларининг фаолиятига ҳеч қандай чекловлар қўйилмайди;

◾️ Тинчлик жараёни кафолатчилари сифатида Европа давлатлари ва Европадан ташқаридаги хоҳлаган мамлакатлар қатнашиши мумкин;

◾️ Украина ҳудудида дўст давлатлар қуролли кучлари иштирокидаги фаолият, жумладан, қурол-яроғлардан фойдаланиш ва операцияларга ҳеч қандай чекловлар қўйилмайди;

◾️ Украина Европа Иттифоқига аъзо бўлишга ҳаракат қилиши мумкин;

◾️ Барча ҳудудий масалалар ўт очиш тўлиқ ва барқарор тарзда тўхтатилганидан сўнг муҳокама қилинади ва ҳал этилади;

◾️ Ҳудудлар бўйича музокаралар амалдаги фронт чизиғи асосида бошланади;

◾️ Украина АҚШ иштирокида Запороже АЭСини қайтариб олади;

◾️ Украина Каховка ГЭСи устидан назоратни тиклайди;

◾️ Украина Днепр дарёси бўйлаб (Херсон ва Запороже вилоятларидаги тўқнашув чизиқлари ҳудудида) эркин ҳаракатланиш имкониятини қўлга киритади;

◾️ Украина Кинбурн ҳудудини ўз назоратига қайтаради;

◾️ АҚШ ва Украина табиий ресурслардан фойдаланиш келишуви доирасида иқтисодий ҳамкорликни амалга оширади;

◾️ Украина тўлиқ тикланади ва молиявий компенсация олади. Бу, жумладан, Россиянинг музлатилган активлари ҳисобига амалга оширилади. Ушбу активлар Украинага етказилган зарар тўлиқ қопланмагунча музлатилган ҳолда қолади;

◾️ 2014 йилда Россияга қўйилган санкциялар барқарор тинчликка эришилгандан сўнг босқичма-босқич енгиллаштирилиши мумкин. Аммо тинчлик келишуви бузилса, санкциялар қайта жорий этилади;

◾️ АҚШ ва Россия энергетика ҳамда бошқа ишлаб чиқариш соҳаларида ҳамкорлик қилади.

🔥 @burchakostida

🇹🇷 Истанбулда 4,3 магнитудали янги зилзила содир бўлди — Туркия Табиий офатларни бошқариш бошқармаси.

🔥 @burchakostida

🇺🇸 Президентликнинг илк 100 кунида Трампнинг рейтинги 44 фоизни ташкил этди — Fox News

Телеканал маълумотларига кўра, бу кўрсаткич Қўшма Штатларнинг сўнгги президентлари орасида энг паст даражадагиси ҳисобланади.

🔥 @burchakostida

🇺🇸🇴🇲🇮🇷АҚШ президентининг махсус вакили Стив Уиткофф Владимир Путин билан учрашувдан сўнг Эрон ядровий келишуви бўйича музокаралар учун Уммонга жўнаб кетди — Ахios.

🔥 @burchakostida

🇷🇺🇺🇸🇺🇦 Уиткофф Москвага Трампнинг Путин учун йўллаган хабарлари билан келди ва Россия етакчисидан АҚШ президенти учун мўлжалланган хабарлар билан қайтди — Песков

"Россия ҳушёр бўлиши, ҳатто тинчлик музокаралари олиб борилаётган бўлса ҳам Киев режимининг мақсадларини тушуниб туриши керак" — дея қўшимча қилди Россия президенти матбуот котиби.

🔥 @burchakostida

🇷🇺🇺🇦 Россия ТИВ мамлакат Бош штаби Бош оператив бошқармаси бошлиғи ўринбосари Ярослав Москаликнинг ўлдирилишида Украинани айблади

Россия Ташқи ишлар вазирлиги вакили Мария Захарованинг сўзларига кўра, генерал-лейтенант Москаликнинг ўлдирилишига Украина махсус хизматлари алоқадорлигини тахмин қилишга асослар мавжуд.

🔥 @burchakostida

🇺🇸🇺🇦🇷🇺 Трамп АҚШ Украинадаги тинчлик музокаралари бўйича ҳеч қандай “якуний муддат” белгиланмаганини айтди

"Ҳеч қандай “якуний муддат” йўқ. Мен шунчаки Украинада тинчлик келишуви имкон қадар тезроқ имзоланишига эришмоқчиман" – дея аниқлик киритди Трамп.

Президент, шунингдек, 26 апрелда бўлиб ўтадиган Папа Францискнинг дафн маросими чоғида Зеленский билан учрашиши мумкинлигини қўшимча қилди.

🔥 @burchakostida

🇷🇺🇺🇸 Путин ва Уиткофф ўртасидаги Кремлдаги учрашув уч соат давом этди

Россия президенти ёрдамчиси Юрий Ушаковнинг маълум қилишича, учрашувда, хусусан, Россия ва Украина ўртасида урушни якунлаш бўйича бевосита музокараларни қайта бошлаш имконияти муҳокама қилинган. Кремл бу музокараларни "конструктив ва жуда фойдали" деб атади.

"Учрашув Россия ва Қўшма Штатларнинг нафақат Украина, балки бир қатор бошқа халқаро масалалар бўйича ҳам позицияларини яқинлаштиришга имкон берди", — дея қўшимча қилди Ушаков.

Оқ уй ушбу учрашув юзасидан ҳозирча изоҳ бермаган.

🔥 @burchakostida

#бурчакдамаълумот

Ҳукуматлар ўз фуқароларидан чет элда қонун-қоидаларга тўлиқ амал қилишини сўраб мурожаат қилиши кўп учрайдиган ҳолат ҳисобланади

🇺🇸 Жумладан, АҚШ Давлат департаменти хорижга чиқаётган фуқароларига маҳаллий қонунларга риоя қилишни ва анъаналарни ҳурмат қилишни тавсия этади. Расмий сайт орқали ҳар бир мамлакат бўйича батафсил маълумот олиш мумкин.

🇯🇵 Дунёнинг энг кучли паспортига эга японияликлар ҳам саёҳат қилишдан олдин огоҳлантирилади. Япония Миллий туризм ташкилоти саёҳатчиларга одоб-ахлоқ қоидаларига риоя қилишни тавсия этади, жумладан, жамоат транспортида баланд овозда гапирмаслик, телефонни овозсиз режимга ўтказиш ва маҳаллий аҳолини ҳурмат қилиш уқтирилади.

🇨🇳 Хитой ҳукумати эса «Маданиятли саёҳат» ташаббусини бошлаган, бу орқали фуқароларга чет элда маданиятли бўлиш ва қонун-қоидаларга ҳурмат билан ёндашиш тушунтирилади.

🇮🇳 Ҳиндистон ҳукумати саёҳатчиларга маҳаллий одатларга ҳурмат билан қарашни, айниқса диний жойларда кийиниш қоидаларига қатъий риоя қилишни тавсия этади.

🔥 @burchakostida

🇺🇿🇦🇪 Ўзбекистон фуқаролари Дубайда катта жанжал чиқарган, энди визасиз режим сўроқ остида қолмоқда

20 апрел куни Дубайда Ўзбекистоннинг ўнлаб фуқаролари иштирокида пичоқбозлик содир бўлгани ҳақида видеолар тарқалди. БАА томони ушбу иш доирасида 15 нафар Ўзбекистон фуқароси қўлга олинганини билдирди.

Ташқи ишлар вазирлиги сўнгги вақтларда Ўзбекистон фуқаролари содир этаётган қонунбузарлик ҳолатлари кўпаяётгани визасиз тартибга таъсир кўрсатиши мумкинлигидан огоҳлантирди.

«Ўзбекистон фуқароларини хорижда юртдошларимиз шаънига доғ туширувчи ҳаракатлардан тийилишга чақирамиз», деб ёзади вазирлик вакили.

🔥 @burchakostida

🇺🇸🇨🇳 Трамп "Си Жинпин менга қўнғироқ қилди", деб баёнот берди, Хитой эса АҚШ билан алоқаларни рад этмоқда

Доналд Трамп Тime журналига берган интервюсида Хитой раҳбари Си Жинпин унга қўнғироқ қилганини айтди. "Бу унинг заифлик белгиси деб ўйламайман", — деди АҚШ президенти. У ушбу қўнғироқ қачон бўлиб ўтганини ва унда нималар муҳокама қилинганига аниқлик киритмади.

"Ҳозирда Хитой ва Қўшма Штатлар ўртасида ҳеч қандай иқтисодий ёки савдо музокаралари олиб борилмаяпти", — дея баёнот берди Хитой Савдо вазирлиги расмийси Хе Ядун.

10 апрел куни Трамп Хитойдан олиб кириладиган маҳсулотларга 145 фоизгача оширилган янги тарифлар жорий этди. Бунга жавобан Пекин АҚШ маҳсулотларига 125 фоизлик божлар белгилади. 17 апрел куни Трамп Оқ уйда берган баёнотида, Вашингтон Пекин билан савдо тарифлари бўйича музокаралар олиб бораётганини билдирган ва Хитой билан битим тузиш мумкинлигига ишонишини қўшимча қилган эди.

🔥 @burchakostida

🇮🇳🇵🇰 Ҳиндистон разведкаси Покистон билан муносабатлар ёмонлашган бир пайтда, Жамму ва Кашмирда янги терактлар содир этилиши эҳтимоли ҳақида огоҳлантирди.

🔥@burchakostida