19.99 ming izdosh

6 oy ilgari @fikrlog dagi maqolalarimdan reel tayyorlab instagramda bo'lisha boshlagandik.

Bugun 20k bo'lish arafasida turibdi.

Buni katta maqsadlar uchun yetgan kichik marra deb aytsak bo'ladi. Sizning hissangiz bilangina videolar sifatli chiqyapti.

instagram.com/azim_pulat

Hissiyotlarga ishonmang.

- Og’ir mashq qilganda, nimjon his qilasiz.

- Qiyin mavzuni o’rganib, axmoqdek his qilasiz.

- Sarmoya qilib, kambag’aldek his qilasiz.

- Qo’rqinchli ishlarni qilib, qo’rqoqdek his qilasiz.

Aslida-chi?

Hissiyotlar aldaydi.
Amal gapiradi.

Qo’rqoqlar farzandimiz.

Axmoqlik va dovyuraklik o’rtasida ko’p farq yo’q. Ular ko’p joyda kesishadi.

Qo’rqmaslik = Axmoqlik.
Aqli joyida inson xatarni hisobga oladi — tabiiyki qancha aqlli bo’lsa shuncha qo’rqoqroq bo’ladi.

O’ylab qarang. Qo’rquv bizni qancha xalokatlardan saqlaydi. Ovda quyondan qo’rqib ketgan, sherga yem bo’lganidan yaxshi-ku.

Qo’rqoqlar yashaydi, dovyuraklar o’lib ketadi. Avlodlar almashadi va bugungi kunga kelib oddiygina ishdan ketishga ham qo’rqib qolganmiz.

Xullas, bugun Googledan ishdan ketish jarayonini yakunlashim kerak edi. O’rniga 4 oylik ta’tilga chiqishga kelishdim. Ozgina dovyurakroq axmoqroq bo’lsam edi, ortga qarab eng dovyurak qilgan ishim deb ayta olar edim.

4 oy muddat.
Maqsad aniq.
Otlandik ovga!

Yevropada bir mebel magazini bor - nomi Ikea.

Ulardan mebel xarid qilib, 1 yilgacha istalgan payt qaytarib pulingizni olsangiz bo'ladi. Ammo odamlar bunday qilmaydi - chunki mahsulotga mehri tushib qolgan bo'ladi.

Ikeadan mebel olsangiz - uni uyga olib borib, o'zingiz yig'asiz. Bu jarayonda o'z qo'lingiz bilan "qurgan" mahsulotga mehr uyg'onar ekan. Bu psixologiyada "Ikea Effekti" nomi bilan tanilgan.

Xuddi shunday @qirikki offisini ham o'z qo'llarim bilan "quryapman". Avvaliga "tom"ni o'zim yopdim, tozaladim, hamma narsani liftsiz 6-qavatga tashiyapmiz, nima ish bo'lsa yo'q demay o'zim qilishga harakat qilyapman.

Mahsulotlarni iloji boricha ishlab chiqaruvchiga yaqinroq joydan xarid qilish uchun shahardan tashqariga chiqib kelyapman. Hozircha 20ta stul, stol kerakdir - kim biladi balki kuni kelib minglab olarmiz.

Jarayon muhim!

Ha va Yo'q.

"Yo'q"ni qilish oson, "Ha"ni aytish oson.
"Yo'q" - bitta narsaga yo'q. "Ha" - ming narsaga yo'q.

"Yo'q" - aniq.
"Ha" - umumiy.

"Yo'q" - tinch, lekin qiyin.
"Ha" - oson, lekin shovqin.

"Yo'q" - bu aniq asbob, jarroh skalpeli, bir nuqtaga qaratilgan lazer nuri.
"Ha" - hamma narsani beg'araz ushlaydigan to'mtoq, baliqchi to'ri.

Nimaga "yo'q" deb javob berishni bilish, nimaga "ha" deb javob berishni bilishdan muhimroq.

"Yo'q"ni biling. - @ Jason Fried

Ilm haqida hadislar

Eski kitoblarim orasidan anchadan beri ko’zim tushmagan kitobni qayta topib oldim - 106ta hadis jamlanmasi.

O’qib chiqib ilm olishga va ulashishga xohishim 106 karra oshdi.

9-yil keyin bo’lsa ham ulashib qo’yay dedim. O’sha payt ham qaror qilish haqiga gapirgan ekanman.

Notiqlik san’ati musobaqasida qatnashib, 1-o’rinni oldim 🎉

9 yil kech bo’lsa ham ilinay dedim. O’sha payt ham “qaror qilish” haqida gapirgan ekanman.

javob bergan hammaga rahmat

Toshkentda daraxt ekish uchun qandaydir fond bormi?

"Yashil Toshkent" yoki shunga o'xshash fondlarga qanday qilib pul yuborsa bo'ladi? Yuborganlar bormi?

5 yil Varshavada yashab, Toshkentga kelsam

Bazilar:
- "Varshava Toshkentdan 5-10 yil olinda bo'lsa kerak-a?" deb so'rashadi.

Men ularga:
- "Yo'q, Toshkent oldinda" deyman.

Toshkent 3 soat oldinda Varshavadan.

Nega taksiga chiqmayman?

Ilgari qo’l ko’tarib taksi chaqirardik, endi bu usul ishlamayapti - tekshirib ko’rdim.

Taksi onlayn chaqirish kerak.
Onlayn uchun internet kerak.
Internet uchun sim karta kerak.

3 oy oldin olgan sim kartam o’chib ketibdi. Yangi sim kartani telefonim o’qimadi.
UzIMEI 🤬

UzIMEI da registratsiya qilishim uchun muddat o’tibdi.

Endi eski telefonimni tannarxini hisoblatib, bojxonaga to’lov qilishim kerak ekan.

Shuning uchun metroda yuribman deb o’ylasangiz adashasiz.

Metroda yurish baxt.

Aytgandi, “ehtiyot bo’ling” deb…

Hayit ayyomi muborak!

Ehtiyot bo'ling, eshiklar yopiladi.
Keyingi bekat: Toshkent ✈️

Baku, Ozarbayjon haqida men bilmagan 3 “Sh”

Kaspiy dengiz, hamyonbop narxlar, go'zal arxitektura va yana ko'p boshqa abzalliklari bo'lishiga qaramay - shu 3 "Sh" meni bu yerda ko'proq qolmasligimga sabab bo'ldi.

- Shamol
Baku shamol shahri deb 2 yil ilgari aytgandim. Bu shamol faqat yozda mayin ekan, bahorda 10 °C ob-havoni -2 °C dek izg'irin qilib qo'yarkan. Shamollab qoldim.

- Shovqin
~20ta davlatda bo'lib, bunchalar ko'p musiqa eshitadiganlarni ko'rmagandim. O'zi eshitsa ham mayli, baland qilib hammaga eshittiradi. Ko'chada ham, kafeda ham, taksida ham baland musiqa.

- Shia
75-85% aholisi Shia mazhabiga ergashar ekan, ~15% esa Sunni. Ko'p masjidlar ham aynan Shia mazhabidagilar uchun - Ramazonda nega bu yerga keldim deb ozgina siqildim, keyin Turklarni masjidini topdim.

Shunday qilib, ijod qilish uchun menga Baku to'g'ri kelmas ekan.

Tungi soat 2. Bakudaman.

Aeroport avtobusi soat 6dan yurarkan, taksi chaqirishga to’g’ri keldi.

Taksist aka zerikkanimdan taksi qilyapman, o’zi taniqli qo’shiqchiman dedi. Ramazonda to’ylar juda kam — uyda o’tiraverib zerikdim dedi.

Taksist: Nima ish qilasan?
Men: Dasturchi-muhandisman

T: Ko’p pul topsang kerak.
M: Soliq katta.

T: Uying bormi?
M: Yo’q

T: Mashinang bormi?
M: Yo’q

T: Xotining bormi?
M: Yo’q

T: Unda nimang bor?
M: Iymonim bor

Aka azoblash xizmatida ham ishlasa kerak, zerikkanidan.

O’ldirish.

Qaror qilish ingliz tilida “decide” degani.

Boshqa “-cide” bilan tugadigan so’zlarni eslang:
- suicide (sui: o’zi, cide: o’ldirish)
- genocide (geno: irq, cide - o’ldirish)
- homocide (homo: odam, cide: o’ldirish)

Nimadirni qaror qildingizmi — undan boshqasi siz uchun o’lgan. Qaror qilish — o’ldirish demakdir.

Qaror qilish erkinlik - qaytib yana bu masalaga/muammoga qaytmaysiz. Hayolingiz, ko’nglingiz taskin topadi.

Kasb - ishsizlikni o’ldiradi
Uylanish - bo’ydoqlikni o’ldiradi
Maqsad - maqsadsizlikni o’ldiradi

O’ldiring, o’z qo’llaringiz bilan.
O’ldirmasangiz - sizni o’ldiradi.

Kimning qarorini yashayapsiz?

18 yoshimda inhadan o'qishdan ketganman - o'z qarorim bilan. Yaxshi qaror bo'lganmi, yomon qaror bo'lganmi - muhimi mening qarorim bo'lgan.

25 yoshimda googledan ishdan ketyapman - o'z qarorim bilan. Yaxshi qarormi, yomon qarormi - muhimi mening qarorim.

O'zgalar siz uchun eng zo'r qarorni qilib bermasin, unga sodiq bo'lmasangiz - u qaror bilan uzoqqa bormaysiz. U sizniki bo'lmasa, qanday unga sodiq bo'lasiz?

Baxtsiz bo'lish oson - o'zgalarni ayblang, vaziyatni ayblang, maslahat bergan insonni ayblang.

O'zingnizni ayblang - baxtga yaqinroq bo'lasiz. Qarorlarni o'zingiz qiling - u bilan yashaysiz.

Qaror qila olmayapsizmi? Istixora o'qing.

Google’ga ishga kirishdan ko’ra, ishdan ketish qiyinroq.

Ketmoqchilgim haqida menejerimga aytdim. Menejerim sen bizga keraksan, qancha uzoq qola olsang shuncha yaxshi dedi.

Yengilroq ishlashing uchun imkoniyat qilib beramiz, ketib qolma - yangi kelganlarga bilganlaringni o'rgat, tajribangni qadrlaymiz dedi.

2024-yilda Google’da qo’shgan hissam uchun yillik maoshim ustiga $40k qo'shdi. Mart oyi bonus oyi, oylik oshadigan oy.

Qarorim qat'iy ekanligini aytdim. Unda ham yana imkoniyat - qiziqqan boshqa jamoa, boshqa google mahsuloti va istalgan boshqa davlatga ko'chish. Yana oila bilan! Uylantirib qo'yamiz demadi xolos.

Qanchalik zo'r imkoniyatlar. Lekin...
Qarorim qat'iy.

Ilgari “ulg’ayish - mas’uliyat bilan keladi” deb aytgandim.

Bu fikrga qo’shimcha qilib:
mehr va muhabbat — mas’uliyatni majburiyatdan farqlaydi.

Ulg'aygan kunim.

Bu kun sho'x, erkatoy, qaysar Azimjon – mehribon, mas’uliyatli insonga o'zgargan kun, ulg'aygan kun.

Bugun singlimni tug'ilgan kuni.
Tug'ilgan kuning bilan 💕

🌙️️

Bugun qalam sizniki.

Shuncha payt men yozdim, siz o’qidingiz.
Bugun siz yozing, men o’qiyman.

Qisqa hikoya, kuzatuvlaringiz va hayot bergan saboqlar bilan bo’lishing.

EDIT: yozmalari bilan bo'lishgan hammaga rahmat.

O'quvchilar orasida yozuvchilar ham ko'pligini bilardim va bugun bunga 165 karra amin bo'ldim.

Nima maslahat berasiz: X qilaymi yoki Y?

ijtimoiy tarmoqlarda mendan eng ko'p so'raladigan savol shu. Tanlov ko'p bo'lganida, qaror qilish qiyin bo'ladi - tanlov paradoksi.

Odamlar tanlov paytida optimizatsiya qilishga (eng yaxshisini topishga) harakat qiladi. Vaholangki eng yaxshisi bo'lganida, tez qaror qila olgan bo'lardi.

Dasturchi bo'lishim, Google yoki universitetga kirish yoki ketishim qarori yaxshi/yomon bo'lgan deb aytishim yoki boshqalarga bunday maslahat bershim axmoqlik bo'lardi. Gap qarorlarda emas.

Aslida eng muhimi:
Qaroringizdan keyin nima qilasiz?
Qilgan qaroringiz ustida qancha ter to'kasiz?

Adashib dasturchi bo'lib qolgan insondan, dasturlashni qaysi sohasini o'rganay deb savol so'ravermang. Qarorda adashib ketib, zo'r arxitektor bo'lib ketsangiz ham, adashib doktor bo'lsangiz ham yomon bo'lmaydi.

Demak qaysi qaror bo'lmasin, muhimi unga qanchalik sodiqsiz?

2022-yilgi podkastdan: Sizni kutyapti?

Yozda Londonda Facebookda amaliyot o'tayman. Keyin Varshavaga o'qishni bitirish uchun qaytaman. So'ngra eng katta texnologik kompaniyaga ishga kirmoqchiman (Google va Amazon) va u yerda 1-2 yil ishlayman.

Ishdan ketib, o'z kompaniyamni quraman - ta'lim sohasida. Ta'lim orqali insonlar o'z orzu-maqsadlariga yetishiga va o'zlarining eng yaxshi versiyasini qurishga yordam bermoqchiman.

youtu.be/BPhX9lXIvfw?&t=2214

Google’dagi Azimjon, bog’chadagi Azimjondan ko’p farq qilmaydi. Ikkisi ham erkinlik uchun kurashadi.

5 yoshda 7 kun bog'chada
25 yoshda 7 yil ishda o'tdi.

Google’da ishlash qiyin va men qiyinchilikni sevaman. Katta muammolar, aqlli yechimlar meni bu yergacha olib keldi. Aqlli insonlar bilan birga ishladim, ko'p narsa o'rgandim, ozmi-ko'pmi pul topdim. Endi esa qolishim uchun eng muhim narsa yetishmayapti: mazmun va maqsad.

Kuni kecha anchadan buyon xohlab yurgan ishni qildim: -7 ºC da muzlagan ko’lga tushdim - mazza qildim. Endi o’ylab ko’ring: kimdir meni shu sovuqda ko’lga itarib yuborsa qanchalik razil inson bo’lardi. Sizni siz ko’tara oladigan qiyinchiliklarga majburlay oluvchi yagona inson - o’zingiz. O’sish qiyinchiliksiz bo’lmaydi.

Men ustida ishlaydigan loyihalarning maqsad & mazmuni va eng muhimi ularning taqdiri menga bog’liq bo’lishini, o’zimni qay darajada o’stira olishimni haqiqatda bilmoqchiman. Google bilan xayrlashish vaqti keldi va Google men uchun so’ngi ish beruvchi bo'lganidan xursandman.

Katakli ko'ylakni yechdim.
employee → entrepreneur

Bog’cha.

Bog'chaga tahminan 1 hafta borganimni eslayman. Tarbiyalanuvchi sifatida.

Hozirgidek, o'sha paytlarda ham uyquga ketishim qiyin bo'lgan - soatlab uyqu kelmasdi. Ximchalanayotganlar ovozini eshitib ko'zimni qattiq yumib, o'zimni uxlaganga so'lardim.

Uyda buvam bilan o'tirib Mustang (o'sha yovvoyi ot) haqidagi multfilmni qayta-qayta ko'rardik. Bog'cha aynan shu tutqinlikdek ko'ringan. Ertalab bo'lishi bilan buvamni qo'yniga kirib olardim, ayam meni bog'chaga obormasin deb. Taktika ishlagan.

Buvam olamdan o'tib qolganlaridan keyin endi panoh yo'q. Shunda 5 yosh bo'lsam ham, ayam meni eshitgan. Bog'chaga oborgan, faqat endi ishga - bog'chada hamshira bo'lib ishlardi. Soat 2gacha oldilarida o'tirib, keyin birga uyga qaytardik.

O'zim so'rab, 6 yoshda maktabga chiqdim. 1-kundan keyin afsuslanib kelganimda, ayam o'zing xohlading - "endi ortga yo'l yo'q" deb ma'suliyatni o'zimga topshirgan. Maktab yodlatishini hisobga olmasak (90%), aql ishlatish kerakligi (10%) ancha yoqqan.

Bugun bog’chada google’da “Goldberg Mashina”si qurdik.

Jamoalar aro kelishib ishlash, ish taqsimoti, test qilish va integratsiyalashni o’rgandik.

Google ofislari bog'chani eslatib yuboradi.

Hamma joy rang-barang, 3 mahal ovqatlantiradi, tushlikdan keyin mizg'ib olsangiz ham bo'ladi.

Eng muhimi ba'zi insonlar bog'chadagi bolalardek beg'ubor: archilgan xom sabzini tishlab yeb yurganini ko'rib qolaman. Zerikkanda rasm chizishadi, musiqa chalishadi, badan tarbiya bilan shug'ullanadi. Ee xullas bog'chada. Yaxshi ma'noda.

Qachon @maytab ga chiqaman deb yuribman.

Kimligingizni bilmoqchimisiz?
- Xarajatlaringizga boqing.

2005-yil bir olis tumanga to’yga bordik. Sevinch Mo’minova kelgan - rosa qimmatga, aniq eslay olmayman - aytaylik hozirgi $10,000.

Soat 2. O’yin-kulgu, bo’kkuncha yeyish va qittak-qittak oxiriga yetgan. Hamma uxlashga ketdi, qornim og’rib qoldi. Uy yaqinida hojatxona yo’q. Hovlining boshqa bir burchagida, qo’yxona ichida pahsali xonaga bordik. Kesak olib kir deyishdi…

Xullas o’zingizga qilgan eng yaxshi xarajat - bu hayotingiz sifatini oshirish uchun qilingan xarajat. Maqtanish uchun yoki kayfu-safo uchun qilingan xarajat emas.

1. Ta’lim
2. Sog’lom hayot tarzi
3. Bo’sh vaqtingizni oshirish

uchun qilingan har qanday xarajat aslida xarajat emas balki o’zingizga bo’lgan investitsiyadir.

Ta’lim > To’y

L & P.

L (luxury ya’ni hashamat)ga intiluvchilarga ko'p misol keltirishim shart emas. Ularni ko'p ko'rgansiz, balki ulardan biridirsiz. Balki hovli buzib, qasr qurish bilan banddirsiz. Balki gelik olish orzuyingizdir.

P (pleasure ya’ni rohat)ga intiluvchilarni ashaddiylarini Londonga borganimda ko'rganman. Reysim kechikib kechgi soat 2da Trafalgar maydoni atrofidagi giyohvand insonlarni ko'rib jirkanib, ertasi kuniyoq uyga qaytib ketgim kelgandi.

Juda ko’p potensiali yuqori insonlar bor. Jamiyatga, ummatga katta hissa qo’sha oladi - lekin aynan L & P sabab bu yo’ldan ozadi.

L ham, P ham nafsdan.
Nafs chegarani bilmaydi.
Nafsni yengmoqchimisiz?

Bizning “psixologlar” bu taklifga ijobiy qarashmadi.

Bu shunchaki bir dasturchining ko’rgan-kechirganlari xolos. Ilmiy ko’rinishga olib kelish uchun ustida ko’p ishlash kerak, qo’shilaman.

Ha, P & L piramida ichida ham bor, ammo ularning ehtiyojdan ortig’i sizni yo’ldan ozdiradi. Shuning uchun ham o’z nomi bilan “ehtiyoj” piramidasida.

Hayotda ko’p potensiali yuqori insonlarni ko’rdim. Shu piramida cho’qqisiga chiqa oladi, jamiyatga, ummatga katta hissa qo’sha oladi - ammo negadir yo’ldan ozadi (L yoki P sabab).

@Fikrlog subyektiv, xulosa o’zingizdan.

Masloning ehtiyojlar piramidasi haqida bilsangiz kerak. Bilmasangiz — mana maqola.

Shu nazariyaga qo’shimcha qilmoqchiman. Balki psixologlar fikrimga qo’shilar, balki fanda “Azimjon Kubi” deb nom olar.

Endi Maslo piramidasini kub ichida faraz qiling. Ehtimollar kubi. Kubda barcha ehtiyojlaringiz va hayotingizni qanday o’tkazayotganingiz mumkinligi aks etgan.

Demak kub ichida qanchalik balandlikka chiqa olishingiz bu — potensialingiz. Kub ichida qancha yuqorida bo’lsangiz, shunchalar piramidadan tashqarida bo’lasiz. Piramidadan tashqariga chiqishni — asl ehtiyojingizni unutishga qiyoslash mumkin.

Xo’sh piramidadan tashqarida nima bor? Hozircha 2ta zonaga bo’ldim.

P zonasi — “pleasure” (rohat).
Oddiy kunlik bekorchiliklar, bekorchi va pron videolar ko’rish, chekish, ichish, zino va hatto narkotiklargacha. G’arbda.

L zonasi — “luxury” (hashamat)
Katta to’y, qimmat mashina, hashamatli uy va hk. Sharqda.

Piramida ichi - o’zingizni topish (qiyin), tashqarisi - aldash (oson).

Yana tush ko'rdim.

@fikrlog ni "Azimjon Tushlari" deb nomlamasaydik hali.

Bu gal tushim nafs haqida ma'ruza – nafsga taslim bo'lganlar (misollar) va nafsini yengish haqida bo'ldi.

Nafsingni yengmoqchimisan?
Unda ... "pursue Allah" ya'ni Allohga ergashing
- deyildi (ha, inglizcha tush ko'raman).

Nafs hamma uchun har xil sinov. Kim uchundir mol-dunyo, kim uchundir mansab. Men uchun nafs sinovi... xirs (shu yillarda).

5 yil Polshada yolg'iz yashash oson bo'lmadi. Nafsga taslim bo'lishga yaqin qolgan paytlar bo'lgan – ko'p ma'noda. Alhamdulillah, yengilganim yo'q. Nafsga yengilmaslik uchun Allohdan kuch so'rayman.

Yana tush ko

Tush ko'rdim.

Tushdan faqat 3ta so'z esimda qoldi.

Yaxshilik ham omonatdir.

Bir qarashda bu so'zlar siz uchun qilingan yaxshiliklar ham aslida omonat, qaytarishingiz kerakligi anglatadi. Onangiz, otaningiz va yaqinlaringiz siz uchun qilgan yaxshiliklarini ularni tirikliklarida qaytarishga urinishiz kerakligini anglatsa...

Ikkinchi tarafdan siz qilgan yaxshiliklaringiz ham bir omonat ekani va bir kuni buning ham ajri borligini anglatar...

Lekin men uchun bu gap yanada kattaroq ma'noga ega bo'ldi. Aynan o'sha tush oldidan Allohdan yaxshilik so'rab duo qilganim va uning yaxshiligiga muhtoj ekanligimni his qilganim bo'ldi.

Hozirgi yaxshiliklarni o'zini sanab sanog'iga yetmadim. Yaxshilik ham aslida omonat ekanligi va omonatning o'zi ham javobgarlik bilan kelishini his qilib...

Uyg'ondim.

#5Yil #Challenge #Tashkent

5 yildagi o'zgarish.

So’ngi 5 yil ichida Toshkentga 5 marta borgan bo’lsam, 5 martasida ham kasal bo’ldim. Yozda borganda ham, qishda borganda ham.

Oxirigi martasida, ya’ni 2024 dekabrda kasal bo’lganim, yanvar tugayapti - hali ham men bilan.

Nega ko’p kasal bo’lamiz. Nega dorixonalarimiz bunchalar ko’p. Kapitalizm?

Kecha sinus’larim og’rishni boshladi. Litseyda trigonometriya o’qib yurgan paytlarim esimga tushib ketdi. O’sha paytlar o’tkir frontit bo’lib, 18 yoshga to’lishimga 2 oy qolganida bolalar shifoxonasida 1 oyga yaqin yotgandim. Yaxshi qarashgandi, tuzalib chiqqandim.

19 yoshimda qayta frontit bilan chalinganimda bu gal katta bollar yotadigan Ibn Sino nomidagi 1-shahar shifoxonasiga tushib qolib, 3-4 kun yotib yaxshi bo’lmaganim uchun boshingni yoramiz degandi (qosh tarafdan). Bu eski usul, ommaviy-zamonaviy usullarni ishlating deganimda shifokor “menga aql o’rgatma” deb aytgan. O’lib qolsam davoyim yo’q deb yozib berib kasalxonadan chiqib ketganman.

Xullas shu kunlar yana qaytgandek bo’ldi. Shifokor ko’rigidan qaytyapman, yana o’sha qadrdon bo’lib qolgan sinupret yozib berdi.

Kasal bo’lmang.