Олий Мажлис депутати оилавий тадбиркорлар хонадонида бўлди

Олий Мажлис депутати С.Ш. Утемуратова Нукус шаҳрида фаолият юритаётган оилавий тадбиркорлардан бирининг хонадонига ташриф буюрди.

Мазкур оила аъзолари бедана боқиш ва унинг тухумини етиштириш билан шуғулланиб, мазкур фаолият орқали нафақат ўз оиласи даромадини оширмоқда, балки маҳаллий бозорда соғлом маҳсулотлар таклифини ҳам кенгайтирмоқда.

Ташриф чоғида депутат оилавий тадбиркорликни ривожлантириш, кичик бизнес ва хусусий ташаббусларни қўллаб-қувватлаш, шунингдек, қишлоқ жойларда аҳолининг даромадини оширишга доир масалалар юзасидан фикр алмашди.

🕊Telegram  📱Instagram  📱Facebook

Олий Мажлис депутати С. Утемуратова Нукус шаҳри халқ депутатлари кенгаши аъзолари билан учрашди
Олий Мажлис Қонунчилик палатаси депутати С.Ш. Утемуратова Нукус шаҳри халқ депутатлари кенгаши аъзолари билан учрашув ўтказди.

Учрашувда Олий Мажлис томонидан қабул қилинаётган қонунлар, коррупцияга қарши кураш масалалари, шунингдек аҳолидан депутатларга келаётган мурожаатлар билан ишлаш тизими муҳокама қилинди.

Мулоқот давомида депутат С. Утемуратова жойлардаги муаммоларни ўрганиш, фуқароларнинг ҳуқуқ ва манфаатларини таъминлашда ҳамкорликни кучайтириш муҳим эканлигини таъкидлади.

🕊Telegram  📱Instagram  📱Facebook

Нукус шаҳридаги “Мурувват” аёллар интернат уйига ташриф уюштирилди

Олий Мажлис депутати С.Ш. Утемуратова ҳамда Қорақалпоғистон Республикаси Жўқорғи Кенгеси депутати А.Юсупова Нукус шаҳрида жойлашган “Мурувват” аёллар интернат уйига ташриф буюрдилар.

Ушбу интернат уйи давлат таъминотида бўлиб, руҳий саломатлигида жиддий муаммоларга эга, 18 ёшдан ошган 1 ва 2 гуруҳ ногиронлиги бўлган аёлларга тиббий ва ижтимоий хизматлар кўрсатилади.

Интернат уйи 2017–2018 йилларда инвестиция дастури доирасида 250 ўринга мўлжалланган ҳолда янги бинода қурилган бўлиб, ҳозирда замонавий шароитларда фаолият юритиб келмоқда.

Ташриф давомида депутатлар муассасанинг шароитлари, тиббий хизмат кўрсатиш тизими ва тарбияланувчилар учун яратилган имкониятлар билан танишдилар ҳамда фуқароларнинг ҳуқуқ ва манфаатларини таъминлаш юзасидан таклиф ва тавсияларини билдирдилар.

🕊Telegram  📱Instagram  📱Facebook

XALQ DEPUTATLARI VILOYAT KENGASHINING VIII SESSIYASI

21.04.2025 ✅

📲DASTURNING HD versiyasi👇

🎥 YouTube

📺 OnlineTV
📻 Online Radio

Telegram | Instagram | YouTube

Bizning barcha manzillarimiz
https://lnk.bio/Xorazmtelekanal

Oliy Majlis vakillari Xorazm viloyatida

Oliy Majlisdan tashrif buyurgan vakillar Xorazm viloyati perinatal markazida bo‘lib, muassasa faoliyati bilan yaqindan tanishdilar.

🔍 Ular markazda amalga oshirilayotgan tibbiy xizmatlar, tug‘ruq jarayonlarini tashkil etish, ona va bola salomatligini muhofaza qilish borasidagi ishlarni ko‘zdan kechirdilar.

🏃‍♀️ Shuningdek, markaz xodimlari uchun yaratilgan jismoniy faollik bilan shug‘ullanish sharoitlari va yaratilgan imkoniyatlar ham alohida e’tiborga olindi.

🤝 Tashrif davomida fuqarolarning murojaatlari ham tinglanib, ularning muammolari joyida ko‘rib chiqildi.

🕊Telegram  📱Instagram  📱Facebook

🏆Xorazmda sog‘lom turmush tarzini shakllantirish yo‘lida tizimli va keng ko‘lamli ishlar amalga oshirilmoqda!

2024-yil davomida viloyat sog‘liqni saqlash boshqarmasi tomonidan sog‘lom ovqatlanish, jismoniy tarbiya va sportni targ‘ib qilishga qaratilgan 28 512 ta turli tadbirlar o'tkazildi. Har hafta “Sog‘lom ovqatlanish yarmarkasi”,  “Salomatlik kunlari” o‘tkazilib, aholining sog‘lom hayotga bo‘lgan e’tiborini oshirishga xizmat qildi.
Sog‘lom turmush tarzi bo‘yicha xabardorligini oshirish maqsadida Xorazm televideniyesi orqali “Salomat bo‘ling” dasturi efirga uzatilmoqda. Bu orqali sog‘liqni saqlash madaniyatini oshirishga xizmat qilinmoqda.
Yoshlar o‘rtasida ommaviy sportni rivojlantirish va sog‘lom turmush tarzini qaror toptirishga alohida e’tibor qaratildi. “Besh tashabbus olimpiadasi” doirasida 623 ming nafar yoshlar qamrab olinib, 2 290 nafar iqtidorli yosh sport maktablariga tanlab olindi. Imkoniyati cheklangan 2 300 nafar yosh ham musobaqalarda faol ishtirok etdi.

🕊Telegram  📱Instagram  📱Facebook

Sog‘lom turmush tarzini qaror toptirish yo‘lida muhim qadamlar!

2024-yil 20-noyabr kuni Prezidentimiz sog‘lom turmush tarzini ommalashtirish, to‘g‘ri ovqatlanish madaniyatini shakllantirish va sportni rivojlantirish masalalariga alohida e’tibor qaratdi. 🌱🤸🥗
Ushbu yo‘nalishdagi tashabbuslarni amalga oshirish maqsadida Oliy Majlis tomonidan hududiy kengashlarga tavsiyalar yuborildi. 2025-yil 21-aprelda Xorazm viloyat Kengashi sessiyasida ushbu masalalar muhokama qilindi.
Sessiyada Senatning Agrar, suv xo‘jaligi masalalari va ekologiya qo‘mitasi raisi o‘rinbosari S.S. Abdikarimova, shuningdek, Qonunchilik palatasining Tadbirkorlik, raqobatni rivojlantirish va sanoat masalalari qo‘mitasi raisi o‘rinbosari S.Sh. Utemuratova ishtirok etdi.
👉 Sog‘lom jamiyat – barqaror taraqqiyot asosi. Endi sog‘lom hayot tarzini har bir hududda ommalashtirish, yoshlarimizni sportga jalb etish va to‘g‘ri ovqatlanish madaniyatini keng yoyish barchamizning ustuvor vazifamizga aylanishi lozim!

🕊Telegram  📱Instagram  📱Facebook

#Fraksiya_yigilishi

Tazyiq va zo‘ravonlikdan jabr ko‘rgan xotin-qizlar va ularning voyaga yetmagan farzandlarini davlat tomonidan himoya qilishning huquqiy asoslari yaratilmoqda

Oliy Majlis Qonunchilik palatasidagi O‘zbekiston Ekologik partiyasi fraksiyasining bugungi yig‘ilishida tazyiq va zo‘ravonlikdan jabr ko‘rgan xotin-qizlar va ularning voyaga yetmagan farzandlarining huquqlari va qonuniy manfaatlarini davlat tomonidan himoya qilishning huquqiy asoslariga oid qonun loyihasi muhokama qilindi.

Loyihaga ko‘ra, tazyiq va zo‘ravonlikdan jabr ko‘rgan xotin-qizlar va ularning voyaga yetmagan farzandlarining ijtimoiy himoyasi ta’minlanadi.

Shuningdek, tazyiq va zo‘ravonlikdan jabr ko‘rgan xotin-qizlar va ularning voyaga yetmagan farzandlarining huquqlari va qonuniy manfaatlarini davlat tomonidan himoya qilishning huquqiy asoslari yaratiladi.

Mazkur qonun loyihasi bilan O‘zbekiston Respublikasining Ma’muriy javobgarlik to‘g‘risidagi kodeksi, Fuqarolik kodeksi, Fuqarolik protsessual kodekslariga o‘zgartirish va qo‘shimchalar kiritilmoqda.

✅Telegram|✅Facebook | 🌐Instagram |🌐 Web site | 📹You Tube

⚡️Yuridika fakultetinde "Ekozakovat" intellektual oyını ótkerildi

15-aprel - "Xalıqaralıq ekologiyalıq bilimler kúni" múnásibetine baǵıshlanıp Ózbekstan ekologiyalıq partiyası Qaraqalpaqstan atqarıw komiteti, Ekologiya, qorshaǵan ortalıqtı qorǵaw hám ıqlım ózgeriwi ministrligi "Jas ekologlar háreketi" baslaması menen "Ziyrek jaslar" keń tarmaqlı klubı tárepinen fakultet student-jasları arasında "Ekozakovat" intellektual oyını bolıp ótti.

Oyın dawamında ekologiya, ekologiyalıq huqıq, qorshaǵan ortalıqtı qorǵaw, klimat ózgeriwleri hám turaqlı rawajlanıw sıyaqlı aktual temalar boyınsha sorawlarǵa juwap berip, ózleriniń usı baǵdardaǵı bilim hám kónlikpelerin, logikalıq oylaw dárejesin sınnan ótkerdi.

Oyın juwmaǵında jeńimpazlar hám belsene qatnasıwshılar shólkemlestiriwshiler hám qáwender "Lider books Nukus" kitaplar dúkanı tárepinen diplom, estelik sawǵaları menen sıylıqlandı.

⚡️Yuridika fakultetida "Ekozakovat" intellektual o‘yini o‘tkazildi

15-aprel - "Xalqaro ekologik bilimlar kuni" munosabati bilan O‘zbekiston Ekologik partiyasi Qoraqalpog‘iston ijroiya qo‘mitasi, Ekologiya, atrof-muhitni muhofaza qilish va iqlim o‘zgarishi vazirligi "Yosh ekologlar harakati" tashabbusi bilan "Ziyrek jaslar" keng tarmoqli klubi tomonidan fakultet talaba-yoshlari o‘rtasida "Ekozakovat" intellektual o‘yini bo‘lib o‘tdi.

O‘yin davomida ekologiya, ekologik huquq, atrof-muhitni muhofaza qilish, iqlim o‘zgarishlari va barqaror rivojlanish kabi dolzarb mavzular bo‘yicha savollarga javob berib, o‘zlarining shu yo‘nalishdagi bilim va ko‘nikmalarini, mantiqiy fikrlash darajasini sinovdan o‘tkazdi.

O‘yin yakunida g‘oliblar va faol ishtirokchilar tashkilotchilar va homiy "Lider books Nukus" kitoblar do‘koni tomonidan diplom, esdalik sovg‘alari bilan taqdirlandi.

✍️Yurisprudenciya tálim baǵdarı 309-topar studenti Azada Tengelbaeva

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook

МУНОСАБАТ

🌏Глобал иқтисодий таҳдидлар  миллий иқтисодиёт барқарорлигини таъминлаш устувор йўналиш сифатида

Жаҳон иқтисодиётидаги беқарорлик шароитида миллий иқтисодиёт барқарорлигини сақлаш ва ташқи таҳдидларга қарши самарали чоралар кўриш – бугунги куннинг энг долзарб вазифаларидан биридир.

Шу муносабат билан, Президент Шавкат Мирзиёев раҳбарлигида 2025 йил 18 апрель куни ўтказилган видеоселектор йиғилиши миллий иқтисодиётни ташқи шоклардан ҳимоя қилиш, ислоҳотларни чуқурлаштириш ва ривожланишнинг янги босқичини белгилашда муҳим аҳамият касб этди.
Йиғилишда стандартлаштириш ва сертификатлаштириш тизимини тубдан ислоҳ қилиш, экспорт-импорт жараёнларини соддалаштириш, маҳаллий ишлаб чиқарувчиларни қўллаб-қувватлаш ва ички ресурслардан самарали фойдаланиш устувор вазифалар сифатида белгиланди.
Мазкур йиғилиш иқтисодий суверенитетни мустаҳкамлаш, ички бозор барқарорлигини таъминлаш ва Ўзбекистоннинг халқаро рақобатбардошлигини оширишга қаратилган муҳим қадам бўлди.

🕊Telegram  📱Instagram  📱Facebook

No comment: Андижон вилоятининг саноат ярмаркасига ташриф.

Facebook|Instagram|X

Президент Шавкат Мирзиёев Янги Андижон шаҳридаги "Янги Ўзбекистон" боғида ўтаётган халқ сайлида сўзга чиқиб, бетакрор илмий ва ижодий мероси билан миллатимиз, халқимизни бутун дунёга тараннум этган буюк аждодимиз – Заҳириддин Муҳаммад Бобур хотирасини абадийлаштириш мақсадида Янги Андижон шаҳарчасига Бобур шаҳри деб ном беришни таклиф қилди.

"Ишончим комил, бу ташаббус ҳар томонлама халқимизнинг кўнглидаги иш бўлади. Нега деганда, ҳазрати Бобур – жаҳон тарихида камдан-кам учрайдиган шундай беназир, улуғ зотки, унинг шарафига нафақат кўча ва майдонлар, боғу роғлар, балки алоҳида шаҳар бунёд этсак, албатта арзийди.

Нега деганда, Бобур Мирзо – Темурийлар Ренессансининг муносиб давомчиси, илм-фан, маданият, санъат ва адабиёт, истеъдод ҳомийси бўлган буюк шахсдир.

Унинг ёшлик пайтларидан юртда тинчлик ва адолат ўрнатиш учун олиб борган курашлари, бу йўлда кўрсатган мардлик ва жасорати фидойилик ва ватанпарварлик мактабидир.

Ҳеч шубҳасиз, қомусий билим ва тафаккур эгаси бўлган бу мумтоз аждодимизнинг биргина “Бобурнома” асари учун ҳам унинг шарафига мана шундай гўзал шаҳарчани бунёд этсак арзийди",
- деди Президент.

Ушбу ташаббус юртдошларимиз томонидан қизғин қўллаб-қувватланди.

Facebook|Instagram|X

No comment: “WBM Fabrics” корхонаси билан танишув.

Facebook|Instagram|X

No comment: Президент Андижон халқаро аэропортида

Facebook|Instagram|X

#Ekopartiya
#Fraksiya

Bugun Oliy Majlis Qonunchilik palatasidagi partiyamiz fraksiyasining navbatdagi yig‘ilishida huquqbuzarlik sodir etgan shaxsni profilaktik hisobga olish asoslarini qayta ko‘rib chiqib, ularni optimallashtirish, zamon talablaridan kelib chiqqan holda profilaktik hisobga qo‘yish faoliyatini takomillashtirish maqsadida ishlab chiqilgan “Huquqbuzarliklar profilaktikasi to‘g‘risida”gi O‘zbekiston Respublikasi Qonuniga qo‘shimcha va o‘zgartirishlar kiritish haqida”gi qonun loyihasi ikkinchi o‘qishda muhokama etildi.

Mazkur qonun loyihasi bilan sodir etilgan ma’muriy huquqbuzarlik uchun sud tomonidan muayyan muddatga transport vositalarini boshqarish huquqidan mahrum etilgan shaxslarni profilaktik hisobga olish ko‘zda tutilmoqda.

Fraksiya a’zosi Javlonbek Abdullayev profilaktik tadbirlarini tashkil etish borasida qonunchilikda aniq normalar mavjud emasligi, ushbu norma kelgusida turli tushunmovchiliklarni keltirib chiqarishi mumkinligini bildirdi.

Deputat Sapargul Utemuratova esa ushbu turdagi shaxslarni profilaktik hisobga olish kelgusida ularning ba’zi huquqlari cheklanishiga olib kelishi mumkinligini ta’kidladi.

✅Telegram|✅Facebook | 🌐Instagram |🌐 Web site | 📹You Tube

🏢Fraksiya a’zolari qonun loyihasi bo‘yicha qanday savollarni ko‘tardi?

Oliy Majlis Qonunchilik palatasidagi O‘zbekiston Ekologik partiyasi fraksiyasi yig‘ilishida “Huquqbuzarliklar profilaktikasi to‘g‘risida”gi O‘zbekiston Respublikasi Qonuniga qo‘shimcha va o‘zgartirishlar kiritish haqida”gi qonun loyihasi muhokama etildi.

🔴BATAFSIL

🏢 Veb-sayt 📱 Telegram 📱 Facebook 📱 YouTube 📱 Instagram📱  X  🔴ParlamentTV_RADIO

#munosabat

🇺🇿Ўзбекистонда туризм ва инвестиция фаолиятини ривожлантиришнинг янги босқичи

⚜️9 апрель куни ўтказилган йиғилиш — Ўзбекистоннинг туризм ва инвестиция соҳасидаги янги йўналишларини белгилаб берди. Мамлакатда хорижий сайёҳлар сони ва экспорт ҳажми ортиб, 10 миллионлик маррадан ўтилгани, 6,5 миллиард долларлик сармоя жалб қилингани, ҳамда янги меҳмонхона ва туризм объектлари қурилаётгани — иктисодиётга янги суръат бахш этмоқда.
🖊Президент томонидан белгиланган вазифалар орқали туризмнинг барча йўналишлари (қишки, зиёрат, экстремал, тиббий ва агротуризм) қамраб олиниб, янги бозорларга чиқиш ва маркетинг имкониятлари кенгайтирилади. Шунингдек, виза тартибининг соддалашуви, электрон платформалар жорий қилиниши, транспорт инфратузилмасининг янгиланиши ва таълимга қаратилаётган эътибор соҳага замонавий ёндашувни таъминлайди.
🔸Туризм ва инвестициянинг бу каби уйғунлашган ривожи нафақат иқтисодий ўсишни, балки Ўзбекистоннинг халқаро имижини мустаҳкамлашга хизмат қилади.

🕊Telegram 📱Instagram 📱Facebook

#munosabat

🇺🇿Ўзбекистонда туризм ва инвестиция фаолиятини ривожлантиришнинг янги босқичи

⚜️9 апрель куни ўтказилган йиғилиш — Ўзбекистоннинг туризм ва инвестиция соҳасидаги янги йўналишларини белгилаб берди. Мамлакатда хорижий сайёҳлар сони ва экспорт ҳажми ортиб, 10 миллионлик маррадан ўтилгани, 6,5 миллиард долларлик сармоя жалб қилингани, ҳамда янги меҳмонхона ва туризм объектлари қурилаётгани — иктисодиётга янги суръат бахш этмоқда.
🖊Президент томонидан белгиланган вазифалар орқали туризмнинг барча йўналишлари (қишки, зиёрат, экстремал, тиббий ва агротуризм) қамраб олиниб, янги бозорларга чиқиш ва маркетинг имкониятлари кенгайтирилади. Шунингдек, виза тартибининг соддалашуви, электрон платформалар жорий қилиниши, транспорт инфратузилмасининг янгиланиши ва таълимга қаратилаётган эътибор соҳага замонавий ёндашувни таъминлайди.
🔸Туризм ва инвестициянинг бу каби уйғунлашган ривожи нафақат иқтисодий ўсишни, балки Ўзбекистоннинг халқаро имижини мустаҳкамлашга хизмат қилади.

🕊Telegram 📱Instagram 📱Facebook

Президент Шавкат Мирзиёев раислигида ҳудудларнинг туризм салоҳиятини янада ошириш ҳамда хорижий ҳамкорлар билан амалга оширилаётган инвестиция лойиҳаларини жадаллаштириш чора-тадбирлари юзасидан видеоселектор йиғилишида белгиланган асосий вазифалар.

Батафсил — юқоридаги #инфографикада

🔍Veb sayt | 🌐Telegram | 📱Instagram | 🛜Facebook | 🎥YouTube

O‘zbekiston — Xitoy: parlamentlararo hamkorlik yanada rivojlanadi

2025-yil 9-aprel kuni Oliy Majlis Qonunchilik palatasi Spikeri Nuriddin Ismoilov Butunxitoy xalq vakillari kengashi Doimiy qo‘mitasi raisining o‘rinbosari Luosang Jiangsun boshchiligidagi delegatsiya bilan uchrashdi.

🔴 BATAFSIL

Veb-sayt| Telegram |Facebook |  YouTube| Instagram| X| ParlamentTV_RADIO

Ўзбекистон Республикаси Президенти Шавкат Мирзиёевнинг Парламентлараро иттифоқнинг 150-Ассамблеясидаги нутқидан иқтибослар

Prezident.uz|Facebook|Instagram|YouTube|X

#150_yubiley_assambleya

Bugun Prezident Shavkat Mirziyoyev Parlamentlararo Ittifoqning 150-yubiley Assambleyasi yalpi majlisida nutq so‘zlamoqda.

Tadbirda Parlamentlararo Ittifoqning, dunyoning bir qator parlamentlari, nufuzli xalqaro tashkilotlar rahbarlari va vakillari, shuningdek, Oliy Majlis Qonunchilik palatasi deputatlari va senatorlar ishtirok etmoqda.

🔴 Bizni kuzatishda davom eting!

🌐 matbuot_kotibi_uz
🌐 press_secretary_parliament
✅ press secretary parliament

Бугун Нукусда ҳар 18 ойда бир марта ўтказилиши режалаштирилган Орол маданияти саммити ўз ишини бошлади.

Рута Милуте: Тошкент ассамблеяси жуда самарали кечмоқда ва биз юртингиздан энг яхши қарорларни олиб кетамиз (+видео)

Тошкентда Парламентлараро Иттифоқнинг 150-юбилей ассамблеяси давом этмоқда. Унда иштирок этаётган Литва парламенти аъзоси, делегация раҳбари Рута Милуте билан суҳбатлашдик:

📽 https://youtu.be/fx16nJm0KQk

Батафсил: https://uza.uz/posts/705776

Тelegram | Facebook | Instagram | YouTubе

#150_yubiley_assambleya

🔴 Toshkent shahrida Parlamentlararo ittifoqning 150-yubiley assambleyasi doirasida Parlament ayol a’zolari forumining 39-sessiyasi o‘z ishini davom ettirmoqda.

📌 Forumda 200 dan ortiq parlament a’zolari, ayol-yetakchilar va ekspertlar ishtirok etmoqda.

📌 Forum kun tartibidan gender tenglik, ayollarning siyosiy yetakchiligi va inson huquqlari bilan bog‘liq eng muhim masalalar o‘rin olgan.

📌 Parlament ayol a’zolari forumi 40 yillik faoliyati davomida ayollarning siyosiy jarayondagi ishtirokini kengaytirish hamda gender tenglikni ilgari surishga xizmat qilib kelmoqda.

🚫 Eslatib o'tamiz, davlatimiz rahbarining tashabbusi bilan joriy yilning 5–9-aprel kunlari Toshkent Parlamentlararo Ittifoqning 150-yubiley Assambleyasiga mezbonlik qiladi.

🔴 Bizni kuzatishda davom eting!

🌐 matbuot_kotibi_uz
🌐 press_secretary_parliament
✅ press secretary parliament

Нукусда биринчи Орол маданият саммити ўз ишини бошлади

Саида Мирзиёева бу Ўзбекистон ва, айниқса, Қорақалпоғистон учун улкан аҳамиятга эга воқеа эканлигини маълум қилди.

Батафсил — https://daryo.uz/k/g2rsNvgG

👉 Обуна бўлинг - @daryo_kirill

🌱Ekologik barqarorlikni ta’minlashda xalqaro hamkorlikning muhimligi

🇺🇿Samarqand shahrida bo‘lib o‘tgan xalqaro iqlim forumida hurmatli Prezidentimiz Shavkat Mirziyoyev Orol dengizi qurishi bilan bog‘liq ekologik muammolarga alohida e’tibor qaratdi. Davlatimiz rahbari o‘z nutqida suv tanqisligi, iqlim o‘zgarishi va qayta tiklanuvchi energiya manbalari masalalarini dolzarb muammolar sifatida tilga oldi.

🔰Tahlillarga ko‘ra, Amudaryo va Sirdaryo daryolarida suv oqimi kamayishi natijasida 2040-yilga borib, Markaziy Osiyo mamlakatlari yuqori darajadagi suv taqchilligiga duch kelishi mumkin. Bu esa mintaqaning oziq-ovqat xavfsizligi, iqtisodiy barqarorligi va aholi turmush sifatiga jiddiy tahdid soladi.

✅Bugungi kunda Orolbo‘yi mintaqasi dunyodagi eng yirik ekologik fojialardan biri – Orol dengizi qurishi oqibatlarini his qilmoqda. Bu fojia nafaqat tabiiy muhitga, balki inson hayoti, sog‘lig‘i va ijtimoiy sharoitlarga ham jiddiy ta’sir ko‘rsatmoqda.

✅Mazkur tahdidlarga qarshi davlatimizda amaliy choralar ko‘rilmoqda. Xususan, suvni tejaydigan texnologiyalar joriy etilmoqda, irrigatsiya tarmoqlari modernizatsiya qilinmoqda va qishloq xo‘jaligining samaradorligini oshirishga qaratilgan innovatsion loyihalar amalga oshirilmoqda.

✅Davlatimiz rahbari mazkur tashabbuslarni mintaqaviy darajada birlashtirish zarurligini ta’kidlab, Markaziy Osiyoda suvni tejaydigan texnologiyalarni keng joriy etish va maxsus mintaqaviy dasturni ishga tushirishga chaqirdi.

✅Mazkur tashabbuslarni mutaxassislar ishtirokida chuqur muhokama qilish maqsadida Orolbo‘yi mintaqasida xalqaro forum o‘tkazish rejalashtirilgan. Shuningdek, 5-aprel kuni Nukus shahrida ekologik muammolarga san’at sohasidagi loyihalar orqali e’tiborni jalb qilishga qaratilgan Orol madaniyat sammiti start oldi.

🔰Umuman olganda, atrof-muhitni asrab-avaylash va barqaror rivojlanishni ta’minlashda Yevropa Ittifoqi va Markaziy Osiyo davlatlarining hamkorligi muhim ahamiyat kasb etadi. O‘zaro hamkorlik ekologik muammolarga qarshi kurashish, iqlim o‘zgarishining salbiy ta’sirini kamaytirish va qayta tiklanuvchi energiya manbalarini keng joriy etishda samarali natijalarga olib kelishi mumkin.
                                        
    S.Sh.Utemuratova Oliy Majlis deputati  

🕊 Telegram 📱Instagram 📱Facebook

#150_yubiley_assambleya

🔴 Litvaning Seym deputati Ruta Mizlyuti boshchiligidagi delegatsiya Toshkentga yetib keldi! 🛬

🏢 Ularga Oliy Majlis Qonunchilik palatasi deputati, O‘zbekiston Ekologik partiyasi fraksiyasi a’zosi Sapargul Utemuratova hamrohlik qiladi.

🚫 Eslatib o'tamiz, davlatimiz rahbarining tashabbusi bilan joriy yilning 5–9-aprel kunlari Toshkent Parlamentlararo Ittifoqning 150-yubiley Assambleyasiga mezbonlik qiladi.

🔴 Bizni kuzatishda davom eting!

🌐 matbuot_kotibi_uz
🌐 press_secretary_parliament
✅ press secretary parliament

🌍 Parlamentlararo Ittifoq: Toshkentda yangi tarixiy qadam 🌍

Toshkentda Parlamentlararo Ittifoqning 150-Yubiley Assambleyasi ilk bor o‘tkazilmoqda! 🎉

Bu tarixiy voqea doirasida turli davlatlardan kelgan delegatsiyalar so‘nggi kunlarda shodlik va hamjihatlik bildirishmoqda.

🇱🇹 Litva delegatsiyasi ham shu kunlarda Toshkentda. Delegatsiya rahbari, Litva Parlamenti a’zosi Ruta Miliute, deputat S. Utemuratova tomonidan kutib olindi. Delegatsiya tarkibida Arminas Lydeka va Asta Skirmantiyenelar ham bor, ular tashrifdan xursandligini bildirishdi.

💬 "Ayni kunlarda ushbu ajoyib o‘lkaga tashrif buyurishdan xursandmiz", – deb aytib o‘tdilar delegatsiya a’zolari.

✨ Ishtirokchi delegatsiyalarni kutib olish jarayoni davom etmoqda.

🕊Telegram 📱Instagram 📱Facebook

Самарқанддаги "Марказий Осиё - Европа Иттифоқи" саммитининг биринчи куни учрашувларга бой ва сермаҳсул бўлди.
—
Первый день саммита "Центральная Азия - Европейский Союз" прошел насыщенно и плодотворно.

Prezident.uz|Facebook|Instagram|YouTube|X

🇺🇿🇺🇿🇺🇿

#IPU150

Joriy yilning 5-9-aprel kunlari mamlakatimiz poytaxti parlamentarizm olamidagi eng muhim voqea – Parlamentlararo ittifoqning 150-yubiley assambleyasi uchun muhim muloqot maydoniga aylanadi
___________
с 5 по 9 апреля текущего года столица нашей страны станет важной площадкой диалога для самого важного события в мире парламентаризма – 150-й юбилейной Ассамблеи Межпарламентского союза

Senat.uz | Facebook | Instagram | Youtube | Virtual murojaat | Mediateka | Yoshlar parlamenti

Еки рет радиода берилипти. Биреўи қысқа Хабар бағдарламасында. Мынаў екиншиси Дәўир нәпеси деген есситириўде толық варианты

Олий Мажлис Нызамшылық палатасы депутаты С.Утемуратованың «Қарақалпақстан радиоканалы»да «Парламентлер аралық аўқам ассамблеясы: жаңа дәўир, жаңа имканиятлар» темасындағы шығып сөйлеўи


🕊Telegram 📱Instagram

🌏🍀Орол маданият саммити: Экологик ва маданий барқарорлик йўлидаги янги қадам

2025 йилдан бошлаб ҳар ўн саккиз ойда — баҳор ёки куз фаслларида Орол маданият саммити ўтказилади. Бу муҳим тадбирнинг биринчи очилиши 4-6 апрель кунлари Самарқанд ва Нукус шаҳарларида бўлиб ўтади. Саммит Оролбўйи ва дунё миқёсидаги экологик муаммоларни муҳокама қилиш ва уларга амалий, барқарор ечимлар топиш учун глобал платформа яратишга қаратилган.
Мазкур саммит доирасида бир қатор муҳим ва ижобий ташаббуслар илгари сурилади.
Улар орасида Оролбўйи муаммоларини ҳал этишда фанлараро ёндашувни ривожлантириш, барқарор ечимлар ва стратегиялар яратишга қаратилган таълим дастури асосида Орол мактабини ташкил этиш, замонавий технологиялар ва анъанавий меъморчилик асосида Нукус шаҳридаги “Истиқлол” маданият ва истироҳат боғи, болалар кутубхонасини қайта барпо этиш каби лойиҳалар бор.
Шу билан бирга, Оролбўйи минтақасидаги сув ва тупроқ тадқиқотлари, қишлоқ хўжалиги экинларини ўрганишга қаратилган лаборатория платформалари яратиш ва бу тадқиқотларни амалий майдонга айлантириш режалаштирилган. Бу ташаббуслар саммитнинг аниқ мақсади — минтақа учун янги, инновацион ва амалиётда ишлаши мумкин бўлган ечимларни яратишга хизмат қилади.
Саммитда Оролбўйи ҳудудининг асрлар давомида шаклланган ноёб маданият ва анъаналарни сақлаш, ҳимоя қилиш ва кенг оммалаштириш масалаларига ҳам алоҳида эътибор қаратилган.
Шунингдек, халқаро миқёсда мунтазам мулоқотлар, амалиётлар, семинарлар ва тадқиқот дастурларини ташкил этиш орқали минтақадаги экологик ва маданий муаммоларга ечим топиш мақсад қилинади.

🕊Telegram 📱Instagram

Suv manbalarini boshqarishda nafaqat milliy manfaatlarni, balki mintaqaviy darajadagi manfaatlarni ham hisobga olish zarur.

Sapargul Utemuratova,
Oliy Majlis Qonunchilik palatasi deputati,
O‘zbekiston Ekologik partiyasi fraksiyasi a’zosi

✅Telegram|✅Facebook | 🌐Instagram |🌐 Web site | 📹You Tube

Олмаотадаги Ўзбекистон-Қозоғистон саммити қардош халқларимиз дўстлиги ва ҳамкорлигини мустаҳкамлашга қатъий интилиш ифодаси бўлди.
—
Узбекско-казахстанский саммит в Алматы стал воплощением неуклонного стремления к укреплению дружбы и сотрудничества между нашими братскими народами.

Prezident.uz|Facebook|Instagram|YouTube|X

ПАРЛАМЕНТЛАРАРО ИТТИФОҚ АССАМБЛЕЯСИ: ЯНГИ ДАВР, ЯНГИ ИМКОНИЯТЛАР

Парламентлараро Иттифоқ (Inter-Parliamentary Union) – дунёдаги миллий парламентларни бирлаштирувчи нуфузли халқаро ташкилотлардан бири бўлиб, у 1889 йили Уильям Рандал Кример ва Фредерик Пасси томонидан ташкил этилган. Бу ташкилот сиёсий муҳокамалар учун хизмат қиладиган илк халқаро парламент платформаси ҳисобланади.
Штаб-квартираси дастлаб Берн шаҳрида жойлашган бўлиб, кейинчалик Брюссель, Осло ва Женевага кўчирилган. Ҳозирги кунда ташкилот Женевада фаолият юритиб келмоқда. Дастлаб алоҳида депутатлар аъзо бўлган бўлса, кейинчалик аъзолик бутун парламентларга берила бошлади. Ҳозирда Парламентлараро Иттифоқ 180 дан ортиқ давлатнинг парламентларини бирлаштиради.
Ўзбекистон 1992 йили ушбу ташкилотга аъзо бўлган ва 2017 йил 13 октябрда ўз аъзолигини қайта тиклаган.
Парламентлараро Иттифоқнинг энг муҳим органи Ассамблея ҳисобланади. У йилига икки марта – баҳор ва куз фаслларида аъзо давлатлардан бирининг пойтахтида ўтказилади.
2025 йили Ўзбекистон Парламентлараро Иттифоқнинг 150-юбилей Ассамблеясига мезбонлик қилади. Бу ташаббус Ўзбекистон Республикаси Президенти Шавкат Мирзиёев томонидан илгари сурилган бўлиб, 2025 йилда Тошкент шаҳрида мазкур анжуман ўтказилиши ҳақида келишув Швейцариянинг Женева шаҳрида имзоланди.
5-9 апрель кунлари Тошкент шаҳрида Марказий Осиё тарихида илк бор Парламентлараро Иттифоқнинг юбилей Ассамблеяси ўтказилади.
Ҳозирги мураккаб геосиёсий шароитда миллий манфаатларни халқаро майдонда самарали илгари суриш муҳим аҳамиятга эга. Ўзбекистоннинг фаол ташқи сиёсати мамлакатни халқаро парламент мулоқоти марказларидан бирига айлантирмоқда. Парламентлараро Иттифоқ Ассамблеясининг илк бор Марказий Осиёда – Ўзбекистонда ўтказилиши демократик ислоҳотлар ва парламентаризм ривожини халқаро ҳамжамият томонидан эътироф этилаётганидан далолатдир.
Анжуманда 180 давлат, 15 та кузатувчи давлат ва 25 дан ортиқ халқаро ва парламентлараро ташкилотлардан 2000 га яқин делегат иштирок этиши кутилмоқда.
2025 йилги юбилей Ассамблеяси "Ижтимоий тараққиёт ва адолат учун парламент ҳаракати" мавзусида ўтказилади.
Иштирокчилар қатор йўналишларда муҳокамалар олиб борадилар. Хусусан, аҳолини ижтимоий ҳимоя қилиш ва камбағалликни қисқартириш; қонун устуворлигини таъминлаш; инсон ҳуқуқларини ҳимоя қилиш; гендер тенгликни таъминлаш; илм-фан, технологияни ривожлантириш ва ёшларни қўллаб-қувватлаш каби долзарб масалар кўриб чиқилиши назарда тутилган.
Ассамблея якунида Парламентлараро Иттифоқнинг резолюциялари ва Тошкент декларацияси қабул қилинади.
Жаҳон парламентларининг энг нуфузли ташкилоти бўлмиш Парламентлараро Иттифоқ Ассамблеясининг Ўзбекистонда ўтказилиши янги даврда мамлакатимиз учун муҳим сиёсий ва дипломатик имкониятларни яратади. Бу воқеа Олий Мажлиснинг халқаро обрўсини оширишда катта аҳамият касб этиб, миллий қонун ижодкорлиги тажрибасининг жаҳон ҳамжамияти томонидан ўрганилиши ва парламент дипломатиясининг амалий ҳаракатга айланганини кўрсатади.
Тошкент шаҳрида Парламентлараро Иттифоқнинг 150-юбилей Ассамблеясини ўтказиш нафақат Ўзбекистон парламентининг халқаро миқёсда эътироф этилиши, балки минтақавий ва глобал миқёсда сиёсий мулоқотни кучайтиришга хизмат қилади.

С.Ш.Утемуратова Олий Мажлис Қонунчилик палатаси депутати

📱Telegram 📱Instagram 📱facebook

⚡️XALQARO PRESS KLUBNING “MARKAZIY OSIYO EKOLOGIK VAZIYAT: MINTAQAVIY BIRDAMLIKNI MUSTAHKAMLASH” MAVZUSIDAGI KO‘RSATUVI

✍️Rezolyutsiyaning O‘zbekistonga, qolaversa, mintaqa uchun qanday ahamiyati bor?

✍️Mintaqaviy hamkorlikni mustahkamlash Markaziy Osiyo va Orolbo‘yi hududidagi ekologik muammolarni hal etishda qay darajada muhim?

✍️Markaziy Osiyoda cho‘llanish, qurg‘oqchilik va qum-chang bo‘ronlariga qarshi kurash bo'yicha qanday loyihalar ilgari surilmoqda?

❓Barcha savollarga javob bizning ko'rsatuvda!

📞Bugun, 28-mart kuni, soat 17:20 da "O'zbekiston 24" telekanalida tomosha qiling!

📱Kanalga ulanish: https://t.me/IPCUzbekistan

📱pressklub.uz|📱Instagram| 📱YouTube| 📱 Facebook

Оролбўйи минтақасида экологик вазиятни яхшилаш ва ўрмонзорларни кенгайтириш

🔰Ўзбекистон Республикаси Олий Мажлиси Қонунчилик палатаси томонидан Оролнинг қуриб қолган қисми экотизимини яхшилаш мақсадида ҳар йили “Парламентнинг Оролга нигоҳи” ва “Оролга мадaд” экологик акциялари ўтказилмоқда.
Жорий йилнинг 26-март куни Қорақалпоғистон Республикаси Мўйноқ туманида “Орол – Парламент нигоҳида” мавзусида экологик акция ўтказилди. Унда Олий Мажлис Қонунчилик палатаси депутатлари иштирок этди.

➡️Акция давомида Орол денгизининг қуриган тубига 100 қоп қандим, қорабурақ, черкез ҳамда саксовул уруғлари экилди. Бундай ўсимликлар чанг ва тузларнинг ҳавога кўтарилишини олдини олиб, экологик ҳолатни яхшилашга хизмат қилади.
“Ўзбекистон — 2030” стратегиясини “Атроф-муҳитни асраш ва яшил иқтисодиёт” йили доирасида амалга оширишга оид давлат дастурининг 69-мақсадига мувофиқ, Оролбўйи минтақасида экологик вазиятни барқарорлаштириш ва ўрмонзорлар майдонини 2,1 миллион гектарга етказиш
белгиланган.

🔹Мен ҳам ушбу тадбирда иштирок этганимдан хурсандман ва бу саъй-ҳаракатлар экологик барқарорликка катта ҳисса қўшишини ишонч билан таъкидлайман.

🕊Telegram 📱Instagram

Ўзбекистонда Парламентлараро Иттифоқнинг 150-юбилей ассамблеяси: Ҳалқаро парламент дипломатиясининг янги босқичи

Мазкур тадбир, Марказий Осиёда илк маротаба бўлиб, мамлакатимизнинг халқаро саҳнадаги обрўсини янада мустаҳкамлайди. Ассамблея жаҳон парламентлари ўртасидаги ҳамкорликни кучайтириш ва умумий ижтимоий, иқтисодий, сиёсий муаммоларга ечим топишга қаратилган муҳим платформа бўлиб хизмат қилади.

Ўзбекистоннинг 2030 йилгача бўлган стратегик дастурлари асосида, ушбу тадбир халқаро ҳамжамиятга мамлакатимиздаги изчил ислоҳотлар ва ижобий тажрибаларни намойиш этиш имконини беради. Президентимизнинг етакчилигида олиб борилаётган туб ўзгаришлар, мамлакатимизнинг парламент дипломатиясидаги муваффақиятларнинг амалий натижаси сифатида, ушбу тадбирда кенг муҳокама қилиниши кутилмоқда.

Шунингдек, ассамблея Ўзбекистон парламентининг халқаро обрўсини мустаҳкамлашга хизмат қилади ва дунё парламентарийларига юртимиздаги сиёсий тизим, қонун ижодкорлиги ва парламент назорати соҳасидаги улкан тажриба билан танишиш имкониятини яратади.

Тадбирнинг ўтказилиши, мамлакатимизнинг туристик салоҳиятини кенг танитиш учун ҳам ажойиб имконият ҳисобланади. Юртимиздаги бой маданий мерос ва замонавий тараққиёт кўрсатилса, хорижий меҳмонларнинг Ўзбекистонга бўлган қизиқиши янада ошади.

Маълумот ўрнида: Штаб квартираси Женева шаҳрида жойлашган мазкур Иттифоқ 181 давлат парламентини ўз ичига олади. Шунингдек, ташкилот таркибида 15 та минтақавий парламент бирлашмалари уюшган аъзо сифатида қатнашади.

🕊Telegram 📱Instagram

Ўзбекистонда Парламентлараро Иттифоқнинг 150-юбилей ассамблеяси: Ҳалқаро парламент дипломатиясининг янги босқичи

Бу тадбир, Марказий Осиёда илк маротаба бўлиб, мамлакатимизнинг халқаро саҳнадаги обрўсини янада мустаҳкамлайди. Ассамблея жаҳон парламентлари ўртасидаги ҳамкорликни кучайтириш ва умумий ижтимоий, иқтисодий, сиёсий муаммоларга ечим топишга қаратилган муҳим платформа бўлиб хизмат қилади.

Ўзбекистоннинг 2030 йилгача бўлган стратегик дастурлари асосида, ушбу тадбир халқаро ҳамжамиятга мамлакатимиздаги изчил ислоҳотлар ва ижобий тажрибаларни намойиш этиш имконини беради. Президентимизнинг етакчилигида олиб борилаётган туб ўзгаришлар, мамлакатимизнинг парламент дипломатиясидаги муваффақиятларнинг амалий натижаси сифатида, ушбу тадбирда кенг муҳокама қилиниши кутилмоқда.

Шунингдек, ассамблея Ўзбекистон парламентининг халқаро обрўсини мустаҳкамлашга хизмат қилади ва дунё парламентарийларига юртимиздаги сиёсий тизим, қонун ижодкорлиги ва парламент назорати соҳасидаги улкан тажриба билан танишиш имкониятини яратади.

Тадбирнинг ўтказилиши, мамлакатимизнинг туристик салоҳиятини кенг танитиш учун ҳам ажойиб имконият ҳисобланади. Юртимиздаги бой маданий мерос ва замонавий тараққиёт кўрсатилса, хорижий меҳмонларнинг Ўзбекистонга бўлган қизиқиши янада ошади.

Маълумот ўрнида: Штаб квартираси Женева шаҳрида жойлашган мазкур Иттифоқ 181 давлат парламентини ўз ичига олади. Шунингдек, ташкилот таркибида 15 та минтақавий парламент бирлашмалари уюшган аъзо сифатида қатнашади.

🕊Telegram  📱Instagram