⚡️ 1 майдан бошлаб ҳужжатсиз мигрантлар Россиядан чиқариб юборилади

Миграция агентлиги Россияда патент олмаган фуқароларимизни ҳуқуқий мақомни тиклаш учун кам вақт қолгани ҳақида огоҳлантирди.

Хабарга кўра, 2025 йил 30 апрель куни Россия Федерацияси Президентининг 2024 йил 30 декабрдаги 1126-сон Фармони билан берилган имкониятлар, ҳуқуқий мақомга эга бўлиш учун берилган муддат тугайди.

2025 йил 1 майдан бошлаб, ҳуқуқий мақомини тартибга солмаган шахсларга нисбатан чиқариб юбориш ва келажакда Россияга киришни тақиқлаш каби чоралар қўлланилади.

Россия ҳудудида қонуний қолиш ҳуқуқини берувчи тегишли рухсатнома ҳужжатларини олиш учун Россия ИИВнинг ҳудудий органларига, Россия ИИВ ФГУП «ПВС» филиалларига ёки Москва шаҳридаги ГБУ ММЦ «Сахарово»га мурожаат қилиш сўралади.

Аввалроқ, 2025 йил 1 январдан 30 апрелгача бўлган даврда "назорат қилинадиган шахслар" реестрига киритилган мигрантлар ҳуқуқий мақомларини ҳал қилишмаса, Россия ҳудудидан чиқариб юборилиши ҳақида хабар қилинган эди.

@yurist_madina ⚖️

⚡️Aliment mavzusida eng ko’p keladigan va doimiy takrorlanuvchi 7 savolga javob.

⚡️Shar’iy nikoh asosida tug’ilgan farzandlar ham otalik tan olinganda yoki sud tomonidan belgilanganda aliment olish huquqiga

⚡️Hurmatli ota-onalar, qo’shimcha ravishda eslatib o’taman, aliment to’lash majburiyati vaziyatdan kelib chiqib faqat otada emas onada ham bo’lishi mumkin.

@yurist_madina ⚖️

⚡️Ohirigacha eshiting!

⚡️ Bu siz uchun foydali!

@yurist_madina ⚖️

📌ЁШЛАРГА 7 ЙИЛ МУДДАТГА ВА 100 МЛН СЎМГАЧА ИМТИЁЗЛИ КРЕДИТЛАР БЕРИЛАДИ

Президентнинг 14.02.2025 йил кунги ПҚ-62-сон “Ёшлар тадбиркорлигини ривожлантириш ва бандлигини таъминлашга доир қўшимча чора-тадбирлар тўғрисида”ги қарорига асосан,

🖇️2025–2027 йилларда “Ёшлар бизнеси” дастури амалга оширилади:

▫️Мазкур дастур доирасида жумладан, “Бизнесга биринчи қадам” лойиҳасига мувофиқ 18 ёшга тўлган ва 30 ёшдан ошмаган ижтимоий солиқ тўлаган ўзини ўзи банд қилган жисмоний шахсларга онлайн шаклда имтиёзли давр билан 7 йилгача муддатга 100 млн сўмгача кредитлар имтиёзли микроқарз сифатида ажратилади.

▫️ “Ёшлар учун иш ўринлари” лойиҳаси асосида ЯТТ сифатида фаолият юритувчи ёш фуқароларга, шунингдек, таъсисчилари ёш фуқаролар бўлган юридик шахс ташкил этган ҳолда фаолият юритувчи кичик тадбиркорларнинг камида 20 та иш ўрни яратишни назарда тутувчи лойиҳаларига имтиёзли давр билан 7 йилгача муддатга 5 млрд сўмгача маблағлар ажратилади.

@yurist_madina ⚖️

https://youtube.com/watch?v=maXzzd-RumY&si=u4dszwjeway0h5FV

❗️Birovning haqqi birovga yuqmaydi.

⚡️“Lafz” deb nomlangan ushbu filmda do’sti bilan tuzilgan shartnomani buzib kamiga do’stini qiyin ahvolga tushib qolishiga sababchi bo’lgan va qozini pora evaziga og’dirib olib jazodan qutulib qolgan, biroq jazosi baribir Alloh tomonidan, lekin eng shirin joyi - farzandi orqali berilgan inson holati juda tasirli aks ettirilgan.

⚡️Filmni ko’rish uchun ketgan vaqtimga achinmadim!

⚡️Ayniqsa SUD JARAYONINI!!!

⚡️Sizga ham bugun yakshanba ekanidan foydalanib filmni ko’rishni tavsiya etaman!

@yurist_madina ⚖️

⚡️Bir obunachimizdan kelgan murojaat!

❗️Ushbu murojaat ogohlikka chorlovchi mazmunda bo’lgani uchun uni e’tibordan chetda qoldirmadim.

❗️Sizlarni ham OGOHLIKKA chorlash maqsadida kanalga joylashni lozim topdim.

❗️Quyida hozir men joylaydigan video aynan shu jabrlangan obunachimiz tomonidan tayyorlangan.

❗️Online savdo jarayonida judayam ehtiyotkor bo’lishingizni eslatib o'tamiz.

@yurist_madina ⚖️

⚡️O’zbekiston Respublikasi Jinoyat kodeksi 10-bobida ko’rsatilgan “O’zgalar mulkini talon-taroj qilish” bilan bog’liq jinoyat turlarini farqlashga qiynalib turli savollar bilan murojaat qilgan obunachilarimizga tushunarli bo’lishi uchun sodda tilda misol orqali tushuntirishga harakat qildim.

@yurist_madina ⚖️

⚡️⚡️⚡️Hisobli do’st ayrilmas 🤝

@yurist_madina ⚖

⚡️Firibgar - pulni qaytarmaslikni oldindan reja qiladi.

⚡️Qarzdor - imkoniyati bo'lmaganligi sababli pulni kelishilgan vaqtda qaytarolmaydi.

⚡️Qarz berishdan oldin videoda aytilgan xavfsizlik qoidalariga amal qilishingizni tavsiya qilamiz!

@yurist_madina ⚖️ 👇👇👇

Терговчилар жиноят ишини очиш ва айбдорни аниқлаш учун турли усуллардан фойдаланади. Айрим ҳолларда улар шундай “ўйинлар”ни ишга соладики, шахс ўз ҳуқуқларини билмаса, ўзини хато йўлга бошлаши мумкин.

▫️“Дўстона” ёндашув
Терговчи Сизни дўстона кутиб олиб, меҳрибон муомалада бўлиши мумкин. У Сизга ишонаётганини ва ҳеч қандай муаммо йўқлигини таъкидлаб, “оддий саволлар” беради. Бунинг мақсади – Сиздан ҳимояни йўқотиш ва тезроқ маълумот олиш.

▫️“Ёмон ва яхши полициячи” тактикаси
Бу усулда икки терговчи бўлиб, бири қаттиққўллик билан Сизга босим ўтказса, иккинчиси юмшоқ, тушунадиган ва ёрдамчи ролини ўйнайди. Иккинчи терговчи Сизга “чиқиш йўли”ни таклиф қилиши мумкин, лекин бу ҳам Сизнинг маълумот бериб қўйишингиз учун қўлланади.

▫️“Мен хаммасини биламан” техникаси
Терговчи Сиз ҳақингизда “ҳамма нарсани биламан” деб ишонтиришга уриниши мумкин. “Бизда далил бор”, “гувоҳлар кўрсатма берди” каби иборалар билан Сиздан тан олишни кутади. Лекин бу гапларнинг барчаси ҳақиқатга тўғри келмаслиги мумкин.

▫️ “Шеригинг менга хаммасини айтди” техникаси
Терговчи бошқа шахс Сиз ҳақингизда кўрсатма берганини ва Сиз ҳам тан олсангиз, енгилроқ жазо олишингизни айтса, эҳтиёт бўлинг. Бундай усул кўпинча одамларни чалғитиш учун қўлланилади.

❗️Бундай вазиятларда адвокат иштирокисиз ҳеч қандай изох бермасликка одатланинг.

@yurist_madina ⚖️

❗Терговчининг “ўйинлари”: Сўроқ давомида нималарни билишингиз керак? 👇

❗️ЭРКАКЛАР ҲАМ АЁЛЛАР ХАМ МУДДАТИДАН ИККИ ЙИЛ ОЛДИН ЁШГА ДОИР ПЕНСИЯГА ЧИҚИШИ МУМКИНЛИГИДАН ҲАБАРДОРМИСИЗ?

📃 "Фуқароларнинг давлат пенсия таъминоти тўғрисида"ги қонуннинг 14-моддасига кўра,

▪️ технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган шахслар:

➖ Эркаклар — 58 ёшга тўлганда ва иш стажи камида 25 йил бўлган тақдирда;

➖ Аёллар — 53 ёшга тўлганда ва иш стажи камида 20 йил бўлган тақдирда пенсия олиш ҳуқуқига эга бўладилар деб белгиланган.

@yurist_madina ⚖️

⚡️DIQQAT TARQATING⚡️

“Soxta ichki ishlar xodimi” niqobi ostida kiber firibgarlarning navbatdagi tuzog’i❗️

Ogoh bo’ling va yaqinlaringizni ham bundan ogohlantiring❗️

@yurist_madina ⚖️

⚡ Ҳозир замонавий технологиялардан фойдаланиб, (сунъий интеллектга асосланган дастур ёрдамида қайта ишлов берилиб, аудиоёзувларни сохталаштириш йўли орқали) фирибгарлик содир этиш янгилик эмас. Бу ҳақда тинимсиз огоҳлантирилмоқда. Шунга қарамай фирибгарлар тузоғига тушиб қолаётганлар сони камаяётгани йўқ.

❗Унутманг! Фирибгарларнинг мақсади Сизнинг пул маблағларингизни ўзлаштириш!

@yurist_madina ⚖

Kiber firibgarlarning eng ko’p qo’llaydigan usullari❗️

Ogoh bo’lamiz va xavfsizlik qoidalariga amal qilamiz❗️

@yurist_madina ⚖️

❗️Telegram kanalga ham ushbu 3 ta videoni takroran kanalning yangi obunachilari uchun joylayman.

@yurist_madina ⚖️

❗️Kiber firibgarlar tomonidan shu kabi raqamlaridan fuqarolarga tinimsiz qo’ng’iroqlar kelib tushayotgani aytilmoqda.

❗️Ogoh bo’ling. Bu kabi raqamlarga javob bermasligingizni tavsiya qilamiz.

@yurist_madina ⚖️

❗️Ўзбекистонда сунъий интеллект ёрдамида шахсга доир маълумотларга ноқонуний ишлов берганлик учун жавобгарлик жорий этилади

Қонун лойиҳасига кўра, сунъий интеллект орқали шахсга доир маълумотларга ноқонуний ишлов бериш ва уларни ОАВ ёки Интернетда тарқатиш учун жавобгарлик белгиланиши режалаштирилмоқда.

@yurist_madina ⚖️

❗️Ҳомиладор аёл билан ажрашиш мумкинми?

Оила кодекси 39-моддасига биноан хотинининг ҳомиладорлик вақтида ва бола туғилганидан кейин бир йил мобайнида эр хотинининг розилигисиз никоҳдан ажратиш тўғрисида иш қўзғатишга ҳақли эмас.

Шунингдек, Олий суди Пленумининг 2011 йил 20 июлдаги 06-сонли «Судлар томонидан никоҳдан ажратишга оид ишлар бўйича қонунчиликни қўллаш амалиёти тўғрисида»ги қарорининг 6-бандига кўра юқоридаги қоида бола ўлик туғилган ёки бир ёшга тўлмай вафот этган ҳолларга ҳам татбиқ этилади.

@yurist_madina ⚖️

🚫Қонунчиликка кўра, маъмурий қамоққа олиш чораси қуйидагиларга нисбатан қўлланилиши мумкин эмас.

➖ҳомиладор аёлларга;

➖3 ёшгача боласи бўлган аёлларга;

➖14 ёшгача бўлган боласини якка ўзи тарбиялаётган шахсларга;

➖18 ёшга тўлмаган шахсларга;

➖I ва II гуруҳ ногиронлиги бўлган шахсларга.

@yurist_madina ⚖️

📄 26.12.2018 йил кунги ПҚ-4079-сон Президент қарорига асосан,

❗️Қуйидагилар хорижга чиқиш биометрик паспортини бериш бўйича давлат хизматини кўрсатишни рад этилишига сабаб бўлади:

▫️биометрик паспортни олиш учун талаб этилувчи ҳужжатлар тақдим этилмаганда;

▫️агар шахс ўзи тўғрисида била туриб сохта ёки нотўғри маълумотларни тақдим этган бўлса;

▫️қўл бармоқларининг изларини олиш тартиб-таомилидан бош тортилган ва кўзойнак тақиб ёки бош кийим, ташқи кўринишга таъсир қилувчи ашёлар билан суратга тушиш истаги қатъий билдирилган бўлса;

▫️агар шахсга нисбатан хорижга чиқишига тўсқинлик қиладиган шартнома, контракт мажбуриятлари амал қилаётган бўлса, ушбу мажбуриятларнинг амал қилиш муддати тамом бўлгунига қадар;

▫️агар шахсга нисбатан жиноят иши қўзғатилган бўлса — иш юзасидан узил-кесил суд қарори ёки бошқа қарор қабул қилингунга қадар;

▫️агар шахс ички ишлар органларининг маъмурий назоратида бўлса — назорат тўхтатилгунгача

▫️агар шахсга нисбатан озодликдан маҳрум қилиш билан боғлиқ бўлмаган жазо ва шартли ҳукм қўлланилган бўлса — жазони ўтаб бўлгунигача ёки жазодан ва шартли ҳукмдан озод қилингунга қадар;

▫️агар шахсда суд томонидан юкланган ижро этилмаган мажбуриятлар бўлса — мажбуриятлар ижро этилгунга қадар (вояга етмаган болаларни таъминлаш учун алиментлар олдиндан тўланганлиги Бош прокуратура ҳузуридаги Мажбурий ижро бюросининг маълумотномалари билан тасдиқланган ҳолатлар бундан мустасно);

▫️агар шахсга нисбатан ваколатли органларнинг мазкур шахс хорижга чиқиши мақсадга мувофиқ эмаслигини кўрсатувчи ахбороти мавжуд бўлса;

❗️Хорижга чиқиш биометрик паспортини бериш бўйича давлат хизматини кўрсатишни юқорида санаб ўтилганлардан бошқа асослар бўйича рад этишга йўл қўйилмайди.

@yurist_madina ⚖️

ҚАНДАЙ ҲОЛЛАРДА ХОРИЖГА ЧИҚИШ БИОМЕТРИК ПАСПОРТИНИ БЕРИШ РАД ЭТИЛИШИ МУМКИН ? ⬇️

Anchadan buyon tanish-bilish xatto begonalardan ham tinimsiz kelayotgan bu savolga bugun javob bermoqchiman. 

Ichki ishlar organlari safida sal kam 13 yil xizmat o’tadim va bu o’tgan davr uchun aslo achinmayman. Chunki bu davrda men uchun eng yaqin bo’lgan insonim, farzandlarimning otasi bilan shu tizimda tanishdim. Bundan tashqari tizimda xizmat o'tash jarayonida orttirgan hayot saboqlarimni so’z bilan tariflay olmayman. Ayol xodima bo’lishimga qaramasdan ko’p sonli tezkor tadbirlarni muvofaqiyatli amalga oshirganimni meni taniydigan va men bilan bir safda xizmat o’tagan barcha xodimlar tasdiqlaydi. Viloyat va respublika miqyosidagi ko’plab ko’rik tanlovlarda g’oliblikni qo’lga kiritdim. Bularning xech biri oson kechmagan va men bir zum ham ortga chekinishni hayolimga ham keltirmagan edim. Yana bir narsani ta’kidlab o’tmoqchiman, bu tizimga men kimningdir “QIZI” bo’lganim uchun adashib kelib qolganim yokida kimningdir “ERKATOYI” bo’lganim uchun emas, aksincha hammasiga o’z bilimim va irodam bilan erishganimdan hamda xizmatimning eng so’nggi kuniga qadar G’URURIM bilan xizmat o’taganimdan FAXRLANAMAN!
Ammo xizmat jarayonimda bevosita guvohi bo’lgan ayrim holatlarim meni jamiyatdagi pozitsiyamni o’zgartirishga undadi.

Ha…men ichki ishlar organlari safidan O’Z HOXISHIM BILAN KETDIM va ushbu qarorimdan juda ham xursandman. Bu qarorga kelishimga sabab oylik maosh kamligi yoki ish vaqti chegaralanmaganligida emas albatta, yuqorida aytganimday faqatgina o’z pozitsiyamni o’zgartirishni hoxladim xolos.

Bugun men mamnuniyat bilan yo’nalishimni fuqarolarning huquqlarini hamda qonuniy manfaatlarini himoya qiluvchi hamda SHAXSLARGA VA ULARNING KAYFIYATIGA QARAB EMAS FAQATGINA DAVLATIMIZ QONUNLARIGA bo’ysunib ishlovchi ADVOKATLIK faoliyatiga o’zgartirganimni ma’lum qilaman!

Post so’ngida shuni aytmoqchimanki, kimning topshirig’i bo’lishiga va qaysi lavozimda ishlashimizga qaramasdan biz barchamiz qilgan harakatlarimiz uchun Alloh va qonun oldida o’zimiz javob beramiz. O’z hoxishimiz va vijdonimizga qarshi borishga majbur emasmiz. Tizimda xizmat olib borayotgan barcha sobiq hamkasblarimga esa mashaqqatli kasblarida sog’lik-salomatlik hamda sabr tilab qolaman va doimo ularga nisbatan hurmatdaman!

Bundan 13 yil oldin qabul qilgan qasamyodimga sodiq qolgan holda O’zbekiston Respublikasiga sadoqat bilan xizmat qilishda davom etaman…

@yurist_madina ⚖️

Bugun savolingizga javob berishga qaror qildim!

@yurist_madina ⚖️

Ўзбекистон Республикасининг Жиноят кодекси телеграмда

09.04.2025 йил куни янгиланган

❗️АЛИМЕНТ ТЎЛАШ ҚАЧОН ТЎХТАТИЛАДИ ?

Оила кодексининг 147-моддасига асосан, суд тартибида ундириладиган алимент тўлаш:

▫️бола вояга етганда ёки вояга етмасдан туриб тўла муомала лаёқатига эга бўлганда;

▫️фойдасига алимент ундирилаётган бола фарзандликка олинганда;

▫️суд алимент олувчининг меҳнатга лаёқати тикланган ёки уни ёрдамга муҳтож бўлмай қолган деб топганда;

▫️меҳнатга лаёқатсиз, ёрдамга муҳтож алимент олувчи собиқ эр ёки хотин янги никоҳга кирганда;

▫️алимент олувчи ёки алимент тўлаши шарт бўлган шахс вафот этганда тугатилади.

@yurist_madina ⚖️

Ҳадя қилинган уйни таъмирласа нима бўлади?

Оила кодексининг 25-моддасига асосан эр ва хотиннинг никоҳга қадар ўзига тегишли бўлган мол-мулки, шунингдек улардан ҳар бирининг никоҳ давомида ҳадя, мерос тариқасида ёки бошқа бепул битимлар асосида олган мол-мулки улардан ҳар бирининг ўз мулки ҳисобланади.

Диққат қилинг. Никоҳ давомида эр-хотиннинг умумий мулки ёки улардан ҳар бирининг мол-мулки ёхуд эр ва хотиндан бирининг меҳнати ҳисобига мол-мулкнинг қиймати анча ошишига олиб келган маблағлар (капитал таъмирлаш, қайта қуриш, қайта жиҳозлаш ва бошқалар) қўшилгани аниқланса, эр ёки хотиндан ҳар бирининг мол-мулки уларнинг биргаликдаги мулки деб топилиши мумкин.

@yurist_madina ⚖

❗️Кам таъминланган оилаларга электр ва газ учун компенсация берилади

📃 Президентнинг тегишли қарорига мувофиқ, 2025 йил 1 майдан 2027 йил 1 апрелгача ижтимоий ҳимоя реестрига киритилган ва кам таъминланган деб топилган оилаларга электр ва газ тўловларида давлат томонидан компенсация ажратилади.

❗️Компенсация қуйидагича бўлади:

✅ Электр энергияси — ойига 150 кВт соатгача меъёрдан ортиқ фойдаланилган қисми учун нарх фарқи қоплаб берилади;

✅ Газ — иситиш мавсумида 250 куб метргача, бошқа даврларда 150 куб метргача меъёрдан ортиқ фойдалангани учун нарх фарқи давлат томонидан қопланади.

@yurist_madina ⚖️

Ўзбекистонда мавжуд барча вазирликларнинг ишонч рақамлари янгиланди:

🔷 Мактабгача ва мактаб таълими вазирлиги +99871 202-09-09
🔷 Экология вазирлиги +99871 207-11-07
🔷 Бандлик вазирлиги +99871 203-01-41
🔷 Ички ишлар вазирлиги 1102
🔷 Қурилиш вазирлиги 1298
🔷 Сув хўжалиги вазирлиги +99871 202-47-00
🔷 Ёшлар сиёсати ва спорт вазирлиги +99871 239-24-52
🔷 Ташқи ишлар вазирлиги +99871 233-28-28
🔷 Қишлоқ хўжалиги вазирлиги 1243
🔷 Фавқулодда вазиятлар вазирлиги 1101
🔷 Соғлиқни сақлаш вазирлиги 1003
🔷 Энергетика вазирлиги +99871 231-81-18
🔷 Мудофаа вазирлиги +99871 269-81-72
🔷 Олий таълим, фан ва инновациялар вазирлиги 1006
🔷 Иқтисодиёт ва молия вазирлиги 01115
🔷 Транспорт вазирлиги 1167
🔷 Адлия вазирлиги 1008
🔷 Рақамли технологиялар вазирлиги 1199
🔷 Маданият вазирлиги +99855 502-33-75
🔷 Тоғ-кон саноати ва геология вазирлиги +99871 256-52-90
🔷 Инвестициялар, саноат ва савдо вазирлиги +99871 238-50-05

@yurist_madina ⚖️

МАЪМУРИЙ ЖАЗОНИНГ ҚАНДАЙ ТУРЛАРИ БОР ?

❗️Маъмурий ҳуқуқбузарлик содир этганлик учун қуйидаги маъмурий жазо чоралари қўлланилиши мумкин:

▫️жарима;

▫️маъмурий ҳуқуқбузарликни содир этиш қуроли ҳисобланган ёки бевосита шундай нарса бўлган ашёни ҳақини тўлаш шарти билан олиб қўйиш;

▫️маъмурий ҳуқуқбузарликни содир этиш қуроли ҳисобланган ёки бевосита шундай нарса бўлган ашёни мусодара қилиш;

▫️муайян шахсни унга берилган махсус ҳуқуқдан (транспорт воситасини бошқариш ҳуқуқидан, ов қилиш ҳуқуқидан) маҳрум этиш;

▫️ҳақ тўланадиган жамоат ишларига мажбурий равишда жалб этиш;

▫️маъмурий қамоққа олиш;

▫️чет эл фуқароларини ва фуқаролиги бўлмаган шахсларни Ўзбекистон Республикаси ҳудудидан маъмурий тарзда чиқариб юбориш.

Aсос: MЖтК 23-модда

@yurist_madina ⚖️

❗️Ushbu kichik maslahatlarni boshqa ota-onalarga ham yetkazing.

▫️Kichik ko’ringani bilan bu qoidalarga amal qilmaslik og’ir va salbiy oqibatlarga olib kelishi mumkin.

▫️Biz farzandlarimizga turli vaziyatlarda o’zini qanday to’g’ri tutishi kerakligini kichikligidan tushuntirib borishimiz lozim.

▫️Bu qoidalarni tushuntirish davomida farzandingiz yoshini inobatga olib to’g’ri so’zlarni tanlab tushuntirishga alohida e’tibor qarating.

▫️Farzandlarimiz sog’ligi va xavfzisligi hamma narsadan muhim!

@yurist_madina ⚖️

⚡️Bola puliga online ariza berish tartibi.

⚡️Bu uchun atiga 1 daqiqa vaqtingiz ketadi.

⚡️Ariza berish uchun sayt nomi My.gov.uz

@yurist_madina ⚖️

⚡️Bugungi JUMA AYYOMI barchaga muborak bo’lsin!

⚡️Qonunlarni tushunib-tushunmay keragidan ortiq bo’rttirib talqin qilishga SHOSHILMANG!!!

@yurist_madina ⚖️

❗️Бу ўқув йилида 1-синфга 2018 йил 31 декабрга қадар туғилган болалар қабул қилинади

Қонунчиликка кўра, мактабларнинг 1-синфига болалар улар 7 ёшга тўладиган йилда қабул қилинади. Шунга кўра, 2025/2026-ўқув йилида 1-синфга 2018 йил 31 декабрга қадар туғилган болалар қабул қилинади. Шунингдек, 6 ёшдан 7 ёшгача бўлган болалар бошланғич таълимга бир йиллик мажбурий тайёрланади.

@yurist_madina ⚖️

⚡️Ваниҳоят уй-жойларга ҳуқуқларни эътироф этиш бошланди

Давлат Раҳбарининг топшириқларига асосан “Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги Қонун қабул қилинган эди.

✔️ Мазкур тарихий аҳамиятга эга Қонун ижросининг илк натижалари кўрина бошлади.

@yurist_madina ⚖️

КЕЛИНЛИК УЙИМГА “ПРОПИСКА”ГА ҚЎЙИЛМАГАНМАН, МЕНИ УЙДАН ЧИҚАРИБ ЮБОРИШМОҚЧИ

❗️Жавоб:
Бу уйдан ҳеч ким чиқариб юбора олмайди сизни. Пропискада бўлмасангиз ҳам.

Сабаби, Уй-жой кодексининг 32-моддасига асосан уй, квартира мулкдорининг оила аъзолари, шунингдек у билан доимий яшаётган фуқаролар, агар уларни кўчириб келган пайтда ёзма равишда бошқа ҳол қайд этилган бўлмаса, уйдаги, квартирадаги хоналардан мулкдор билан тенг фойдаланишга ҳақлидирлар. Улар мулкдор берган турар жойга ўзларининг вояга етмаган фарзандларини кўчириб киритишга ҳақлидирлар, оиланинг бошқа аъзоларини эса, уй, квартира мулкдорининг розилиги билангина кўчириб киритишлари мумкин. Бу шахслар уй, квартиранинг мулкдори билан оилавий муносабатларни тугатган тақдирда ҳам уларда турар жойдан фойдаланиш ҳуқуқи сақланиб қолади. Уй, квартиранинг мулкдори билан унинг собиқ оила аъзолари, шунингдек у билан доимий яшаётган фуқаролар ўртасида турар жойдан фойдаланиш тартиби тарафлар келишуви билан белгиланади.

Агар сизни уйдан чиқармоқчи бўлишса, судга уйдан мажбурий тартибда чиқартириш тўғрисида мурожаат қилишлари лозим.

@yurist_madina ⚖️

Эрим билан ажрашиш арафасида турибмиз. Келинлик уйимга пропискага қўйилмаганман. Эрим, қайнонам мени ҳар куни “чиқиб кет уйдан, бўлмаса ўзимиз чиқариб юборамиз”, деб қўрқитади. Мен ажрашганимиздан кейин кетаман деяпман. Бу холатда нима қилишим керар?

👇 👇 👇

⚡️LIRIK CHEKINISH⚡️

Afsuski ushbu kinodan olingan parchadagi holat hozirgi kunda hamma tashkilot va korxonalarda uchrab turibdi.

“Zuhra Hoshimova”larga o’xshagan xodimlar esa hamma tashkilotlarda borga o’xshaydi.

Oddiy xodimlarga zulm qiluvchi yoki o’z jig’ildonini hamma narsadan ustun qo’yuvchi ayrim rahbarlar esa rahbarlik kursisini o’zi bilan qabrgacha olib borish niyatida shekilli.

❗️ESINGIZDAN CHIQARMANG, sizdan faqatgina o’z xaqqini talab qiluvchi halol xodimlar risqini SIZ emas Alloh beradi.

Yuqoridagilar @yurist_madina ning shaxsiy fikrlari edi xolos. Siz qanday fikrdasiz hurmatli ODDIY XODIMLAR va RAHBARLAR❓

@yurist_madina ⚖️

Судланганликнинг олиб ташланиши

Агар шахс озодликдан маҳрум қилиш жазосини ўтаб бўлганидан кейин унга нисбатан маъмурий жазо ёки интизомий таъсир чоралари қўлланилмаган бўлса, жамоат бирлашмаси, фуқароларнинг ўзини-ўзи бошқариш органи, жамоа ёки жазони ўтаб чиққан шахснинг ўзи берган илтимосномасига кўра суд

◽ ушбу Кодекснинг 78-моддасида назарда тутилган муддатларнинг камида ярми ўтганидан кейин;

◽Ушбу Кодекснинг 178 — 184, 185 — 185-2, 189 — 192-моддаларида назарда тутилган жиноятларни содир этганлик учун ҳукм қилинган шахсларнинг судланганлиги улар давлатга жуда кўп зарар етказмаганда, ушбу Кодекснинг 78-моддасида назарда тутилган муддатларнинг камида тўртдан бир қисми ўтганидан кейин;

◽Ўн беш йил ва ундан ортиқ муддатга озодликдан маҳрум қилиш жазосини ўтаб чиққан шахслар ҳамда ўта хавфли рецидивистлар, агар улар жазони ўтаб чиққанидан кейин ўн беш йил мобайнида янги жиноят содир этмасалар;

◽Судланганлик афв этиш ёки амнистия акти асосида ҳам олиб ташланиши мумкин.
Асос: ЖК 79-модда

@yurist_madina ⚖

Судланганлик ҳолатининг тугалланиши

Жиноят кодексининг 78-моддасига асосан шахснинг судланганлик ҳолати қуйидаги пайтларда тугалланади:

а) шартли ҳукм қилинганларга нисбатан — синов муддати тугаган кундан бошлаб;

б) мажбурий жамоат ишлари, хизмат бўйича чеклаш ёки интизомий қисмга жўнатиш тарзидаги жазоларини ўтаб чиққач;

в) жарима жазоси ижро этилган кундан кейин, шунингдек муайян ҳуқуқдан маҳрум қилиш ёки ахлоқ тузатиш ишлари жазолари ўталганидан кейин бир йил ўтгач;

г) озодликни чеклаш жазоси ўталганидан кейин — икки йил ўтгач;

д) беш йилдан кўп бўлмаган муддатга озодликдан маҳрум қилиш жазоси ўталганидан кейин — тўрт йил ўтгач;

е) беш йилдан ортиқ, лекин ўн йилдан кўп бўлмаган муддатга озодликдан маҳрум қилиш жазоси ўталганидан кейин — етти йил ўтгач;

ж) ўн йилдан ортиқ, лекин ўн беш йилдан кўп бўлмаган муддатга озодликдан маҳрум қилиш жазоси ўталганидан кейин — ўн йил ўтгач.

@yurist_madina ⚖️

Кўчмас мулкни давлат рўйхатидан ўтказишда билишингиз керак бўлган қоидалар

Биринчи қоида, "Кўчмас мулкка бўлган ҳуқуқларни давлат рўйхатидан ўтказиш тўғрисида"ги қонунининг 11-моддасига асосан биноларга, иншоотларга, шунингдек қурилиши тугалланмаган объектларга бўлган ҳуқуқларни давлат рўйхатидан ўтказиш ушбу кўчмас мулк жойлашган ер участкасига бўлган ҳуқуқлар давлат рўйхатидан ўтказилмагунига қадар амалга оширилмайди.

Яъни сиз мазкур мулкнинг ер учаскасини аввал давлат рўйхатидан ўтказиб олишингиз лозим.

Иккинчи қоида, бинонинг бир қисмига (квартираларга, хоналарга) бўлган ҳуқуқларни давлат рўйхатидан ўтказиш улар жойлашган бинога бўлган ҳуқуқ давлат рўйхатидан ўтказилмагунига қадар амалга оширилмайди.

Масалан, сиз янги қурилаган квартирадан сотиб олмоқчисиз аммо квартира жойлашган бутун бино ҳали давлат рўйхатидан ўтказилмаган бўлса, сиз квартирага нисбатан кадастр хужжатини расмийлаштира олмайсиз.

@yurist_madina ⚖️

@yurist_madina ✨

❗️DIQQAT. MAKSIMAL DARAJADA TARQATING VA YAQINLARINGIZNI OGOHLANTIRING❗️

⚡️Men diniy bilimga ega emasman va diniy yo’nalishda faoliyat olib boruvchilarning ma’ruzalariga baho yokida sharx bera olmayman❗️

⚡️Men faqatgina “Terrorizmga qarshi kurashish boshqarmasi”da xizmat olib borgan xodim va yurist sifatida respublikamiz qonunlaridan hamda ekspert va soha mutaxassislari xulosasidan kelib chiqqan holda bu savolga javob berdim❗️

⚡️Savolning javobini internet orali ommaga olib chiqishimdan maqsad esa xizmat faoliyatim jarayonida “jinoiy javobgar” degan tamg’a unga bosilishi uchun nima qilib qo’yganini ayrim hollarda xali anglashga ham ulgurmagan va bitta “ma’ruza” yokida “nashida” uchun javobgar bo’lgan fuqarolarimizni ko’rganman❗️

⚡️Bu kabi vaziyatlarda barcha e’tibor faqat “FAKT”larga qaratiladi. O’zingizni va oila a’zolaringizni ASRANG! Yodingizda bo’lsin: “QONUNNI BILMASLIK JAVOBGARLIKDAN OZOD QILMAYDI”❗️

@yurist_madina ⚖️

❗️Ҳаракатсизлик орқали содир қилинган қилмиш учун жиноий жавобгарлик - шахснинг ўзи бажариши шарт бўлган вазифаларини реал иконияти бўла туриб бажармаса, лозим даражада бажармаса ва бунинг натижасида жиноят қонуни билан қўриқланадиган объектларга зарар етса ёки зарар етишининг реал хавфи вужудга келса келиб чиқади.

📗Масалан: ЖК 116-моддасида Касб юзасидан ўз вазифаларини лозим даражада бажармаганлик учун жавобгарлик белгиланган. Унга кўра Шахснинг ўз касбига нисбатан бепарволиги ёки инсофсизлик билан муносабатда бўлиши туфайли касб юзасидан ўз вазифаларини бажармаганлиги ёки лозим даражада бажармаганлиги баданга ўртача оғир ёки оғир шикаст етказилишига сабаб бўлса жавобгарлик келиб чиқади.

❗️Ҳаракатсизлик орқали содир этилган жиноятларда оқибат келиб чиқмаса шахсни жиноий жавобгарликка тортиб бўлмайди.

📗Масалан: Юқоридаги моддада айтилганидек шахс ўз вазифаларини бажармаса ёки лозим даражада бажармаса ҳам баданга ўртача оғир ёки оғир шикаст етказилмаса жиноий жавобгарлик келиб чиқмайди.

@yurist_madina ⚖️

❗️Тонировка бўйича янги қонун лойиҳаси муҳокамага қўйилди

Ички ишлар вазирлиги томонидан муҳокамага қўйилган қонун лойиҳасига кўра, Маъмурий жавобгарлик тўғрисидаги кодекс 126-1-модда билан тўлдирилиб, рухсатномада кўрсатилган талабларни бузган ҳолда ойналарни қорайтирган ҳайдовчиларга БҲМнинг 1 баравари (375 000 сўм) миқдорида жарима белгиланиши таклиф қилинмоқда.

Бу таклиф, тонировкага рухсатномаси бор ва йўқ ҳайдовчиларнинг бир хил жазоланиши муаммосини ҳал этишга қаратилган. Ҳозирда лойиҳа жамоатчилик муҳокамасида бўлиб, фуқаролар ўз фикр ва таклифларини билдиришлари мумкин.

@yurist_madina ⚖

Жиноят кодексининг 244-моддасига оммавий тартибсизликлар содир этиш мақсадида ўқувдан ўтганлик ҳамда ушбу фаолиятни молиялаштирганлик учун жавобгарликни белгиловчи ўзгартириш киритилди.

Унга кўра, шахснинг оммавий тартибсизликлар содир этиш мақсадида ўқувдан ўтиши, шу жумладан оммавий тартибсизликларни содир этиш билимини, амалий маҳоратини ва кўникмаларини эгаллаши, ўқув чоғида қурол-яроғ, портлатиш қурилмалари, портловчи, заҳарловчи, атрофдагилар учун хавф туғдирадиган бошқа моддалар ва буюмлар билан муомала қилиш усулларини ўрганиши - БҲМнинг 300 бараваридан 600 бараваригача миқдорда жарима ёки 3 йилгача ахлоқ тузатиш ишлари ёхуд 5 йилдан 7 йилгача озодликдан маҳрум қилиш билан жазоланади.

Шунингдек, ушбу жиноятни содир этган шахс, агар у ўқувдан ўтганлиги тўғрисида ҳокимият органларига ихтиёрий равишда хабар қилса, содир этилган жиноятни фош қилишга ёки бундай ўқувдан ўтган, ўқувни амалга оширган, ташкил этган ёхуд молиялаштирган бошқа шахсларни, шунингдек ўқув ўтказилган жойни аниқлашга фаол кўмаклашса ва агар унинг ҳаракатларида жиноятнинг бошқа таркиби мавжуд бўлмаса, жиноий жавобгарликдан озод қилиниши белгиланди.

@yurist_madina ⚖️

❗Yurist hamkasbimiz tomonidan aytilgan "Shirkat" yokida "Jek" mavzusida siz bilishingiz kerak bo'lgan MA'LUMOT.

❗Videoni ohiragacha ko'rishingizni maslahat beraman.

@yurist_madina ⚖

❗️”Shirkat” yokida “Jek”dan HISOB SO’RASH VAQTI KELDI.

Honadoningizga qarzdorligingiz borligi va uni to’lashga majbur ekanligingizni aytib ushbu turdagi MCHJ xodimlari “TAQILLATIB” kelmoqdami❓

“SHIRKATLARGA PUL TO’LASH O’ZI ROSTDAN HAM MAJBURIYMI?” degan savollar ko’plab kelmoqda.

Agar ushbu MCHJ qonunda belgilangan tartibda va fuqarolar tanloviga asosan tanlangan va o’zining 16 turdagi majburiyatlarini doimiy bajarib kelayotgan bo’lsa “HA”

Agar buning aksi bo’lsachi????
Hurmatli fuqarolar, “SHIRKAT” sizdan qilmagan ishlari uchun ham pul talab qilayotgan bir vaqtda sizning ham uning bu xatti-haralatlari ustidan “SHIKOYAT” qilish huquqingiz borligini va HISOB talab qilishga ham xaqqingiz borligini UNUTMANG❗️

@yurist_madina ⚖️

❗️“112” ягона диспетчерлик хизмати ишга тушди

Президент Шавкат Мирзиёев топшириғига мувофиқ, “112” ягона диспетчерлик хизмати босқичма-босқич ишга туширилди.

2024 йил 1 июндан Тошкент шаҳри ва вилоятида.
Йилнинг биринчи ярмида Андижон, Наманган ва Фарғона вилоятларида, 2024 йил якунига қадар эса Қорақалпоғистон ва қолган вилоятларда жорий қилинди.

Рақамли технологиялар вазирлигига кўра, ҳозирда бу тизим республика бўйлаб тўлиқ ишламоқда.

@yurist_madina ⚖️

❗️Энди сув, «свет» ёки газ ҳисоблагичлари даврий қиёслашдан ўтказиш таъминотчи корхоналар зиммасига юкланди

🔹 Аҳоли ва тадбиркорлар электр, газ ва сув ҳисоблагичларини қиёслаш учун мурожаат қилиш талабидан озод қилинди.
🔹 Ҳисоблагичларни даврий қиёслаш ваколатли органлар томонидан (проактив шаклда) амалга оширилади.

Бу ўзгариш Вазирлар Маҳкамасининг 847-сон қарори (12.12.2024) асосида жорий этилди.

Проактив давлат хизмати – мурожаат талаб қилинмайди, ҳисоблагичлар автоматик тарзда қиёслашдан ўтказилади.

@yurist_madina ⚖️

❗️Болаларни зўравонликдан ҳимоя қилиш қонунчилиги кучайтирилмоқда

Олий Мажлис Қонунчилик палатасида болаларни зўравонлик ва жинсий тазйиқдан ҳимоя қилиш бўйича қонун муҳокама қилинди.

Ушбу қонунда қуйидагилар назарда тутилмоқда:
▫️16 ёшга тўлмаган болаларга нисбатан интернет орқали уятсиз ҳаракатлар қилганлар учун жазо кучайтирилади;
▫️Вояга етмаганлар акс этган порнографик материалларни такроран сақлаган шахслар жиноий жавобгарликка тортилади;
▫️Алимент тўламаган шахслар устидан жамоатчилик назорати ўрнатилиши ҳам назарда тутилмоқда.

Ушбу қонун лойиҳаси болаларни жинсий эркинлик ва бола савдосига қарши ҳимоя қилиш чораларини кучайтиради.

@yurist_madina ⚖️

⚡️Ўзбекистон Республикаси Вазирлар Маҳкамасининг 2022 йил 20-сентябрдаги 515-сон қарори билан тасдиқланган низомга кўра, давлат ижтимоий суғуртаси бўйича ҳомиладорлик ва туғиш нафақасини тайинлаш ҳамда тўлаш тартиби қуйидагича белгиланган:​

Нафақа тайинлаш:

▫️Бюджет ташкилотларидан ташқари барча юридик шахсларда охирги олти ой давомида узлуксиз иш стажига эга бўлган аёлларга ҳомиладорлик ва туғиш нафақаси давлат бюджети ҳисобидан тўланади.

▫️Нафақа миқдори ходимнинг фарзанди туғилгунга қадар минимал истеъмол харажатларининг 4 баравари миқдорида белгиланади.

▫️Меҳнатга лаёқатсизлик варақаси нафақани тайинлаш ва тўлаш учун асос бўлиб хизмат қилади.

Нафақа тўлаш:

▪️Меҳнатга лаёқатсизлик варақаси расмийлаштирилгандан кейин 5 иш куни ичида масъул тиббиёт ходими томонидан "Тиббиёт" ахборот тизимига киритилади ва маълумотлар "Ягона реестр" тизимига юборилади.

▪️ "Ягона реестр" тизими томонидан нафақа тайинлаш ёки рад этиш ҳақида қарор қабул қилиниб, асослантирилган ҳолда нафақа олувчининг телефонига СМС-хабар юборилади.​

▪️Нафақа ойнинг 10-санасигача нафақа олувчининг пластик картасига ўтказиб берилади. Агар пластик карта мавжуд бўлмаса, ойнинг 27-санасигача нақд кўринишда берилади.

Изоҳ: Бугунги ҳолатга минимал истеъмол харажатларининг 4 баравари 2 676 000 сўмни ташкил қилади

@yurist_madina ⚖️

​⚡️Хусусий ташкилот ходималарига ҳомиладорлик нафақаси олиш тартиби👇

👩🏻‍🎓Mutaxassisligi bo’yicha 5 yil ish stajiga ega xotin-qizlar OTMga kirish uchun imtiyoz olish tartibi👇

❗️Энди йўлларни шлагбаум билан ёпганлар жазоланади

Ноқонуний тўсиқлар ўрнатиш ва йўлни тўсиб қўйиш учун жарима жорий этилмоқда.

Маъмурий жавобгарлик тўғрисидаги кодекснинг 147-моддасига киритилаётган ўзгартиришларга мувофиқ, бундай қоидабузарлик учун фуқароларга БҲМнинг 5 баравари (1 млн 875 минг сўм), мансабдор шахсларга БҲМнинг 20 баравари (7,5 млн сўм) миқдорида жарима кўзда тутилган.

@yurist_madina ⚖

⚡Ҳайдовчилар учун белгиланган тезликни ошириш ҳолатларида жарима баллари қуйидагича белгиланади:

▪️ Тезликни 20 км/соатгача оширган — 0,5 балл
▪️ 20–40 км/соатгача оширган — 1 балл
▪️ 40–60 км/соатгача оширган — 1,5 балл
▪️ 60–80 км/соатгача оширган — 2 балл

📗Эслатма: Ушбу баллар ҳайдовчининг йил давомида йўл қўйган қоидабузарликлари асосида ҳисобланади. 12 балл йиғилганда ҳайдовчилик гувоҳномаси вақтинча олиб қўйилади.

@yurist_madina ⚖

❗Жарима баллари фақат ЙҲХХ ходимлари томонидан расмийлаштирилган баённомалар асосида ҳисобланади.

▫️ Баллар “E-jarimaball” модули орқали автоматлаштирилган тартибда юритилади.

▫️12 ой қоидабузарлик қилмаган ҳайдовчиларнинг биринчи жарима бали ҳисобланмайди.

▫️6 ой давомида янги қоидабузарлик қилмаса, 2 балл камайтирилади.

▫️ Баллар 2 тадан кам бўлса, тўлиқ ўчирилади ва ҳисоблаш қайта бошланади.

@yurist_madina ⚖

Oila - muqaddas! 🤍

Vaqtinchalik qiyinchiliklar esa har bir oila boshida bor. Qiyinchiliklar davrida tezroq ajralishni emas, bu davrdan qanday qilib to’g’ri o’tib ketishni birgalikda hal qila olgan oilalar esa albatta BAXTga erishadi! Farzandlar esa ham ota, ham ona mehridan to’yib ulg’ayadi!

Shu sababli oilamizni eng boshidan ASRAYLIK!!!

@yurist_madina ⚖️

❗️Истанбул Бош консулхонаси ўзбекистонликларни огоҳлантирмоқда

Истанбул Бош консулхонаси ўзбекистонликларни ҳар қандай норозилик намойишлари ва оммавий йиғинлардан узоқроқ бўлиш, ижтимоий тармоқларда эҳтиёткорлик билан ҳаракат қилиш ва провокацион хабарлар жойлаштирмаслик ҳамда фавқулодда ҳолатларда консулхона билан боғланишга чорламоқда.

Маълум бўлишича, Туркия ҳуқуқ-тартибот идоралари ижтимоий тармоқларда «провокацион постлар» жойлаштирган 261 кишини аниқлаб, 37 кишини ҳибсга олган.

Шу сабабли, консулхона ижтимоий тармоқларда ҳар қандай хабар ёки фикр билдиришда жуда эҳтиёт бўлишга чақирмоқда.

@yurist_madina ⚖️

Kayfiyat uchun! 😉

Bu trendni faqat ichki ishlar xodimlarigina tushunadi!

O’z kasbiga vijdonan yondashuvchi xodimlarga RESPECT👍 va albatta mashaqqatli kasblarida Sabr…��

@yurist_madina ⚖️

Ижарада турган шахсни уй-жойдан зудлик билан чиқариб юбориш мумкинми?

📗Фуқаролик кодексининг 615-моддасига кўра, уй-жойни ижарага бериш шартномаси тарафларнинг келишуви билан бекор қилинади.

📌Уй-жойни ижарага бериш шартномаси:

▫️агар шартномада узоқроқ муддат белгиланган бўлмаса, ижарага олувчи томонидан уй-жой учун 6 ой мобайнида, қисқа муддатли ижарада эса шартномада белгиланган ҳақ тўлаш муддати ўтганидан кейин 2 мартадан кўпроқ ҳақ тўланмаган бўлса;

▫️ижарага олувчи ёки хатти-ҳаракатлари учун ижарага олувчи жавобгар бўлган бошқа фуқаролар томонидан уй-жой вайрон қилинса ёки унга путур етказилса;

▫️уй-жойдан ғайриҳуқуқий қилмишларни содир этиш учун фойдаланилган бўлса, ижарага берувчининг талабига биноан суд тартибида бекор қилиниши мумкин.

❗️Ижарага берувчининг ижарага турган шахсни уй-жойдан чиқиб кетишга оид талаблари устидан фуқаролик ишлар бўйича судларга мурожаат қилиш мумкин.

@yurist_madina ⚖️

💻 Энди никоҳдан ўтиш учун масофадан туриб ариза бериш мумкин

Тегишли маълумотлар тўлдирилгандан сўнг ариза ФҲДЁ бўлимига юборилгач бир иш куни ичида тиббий кўрикдан ўтиш учун йўлланма олинади, бир ойдан сўнг эса никоҳни қайд этиш учун ФҲДЁ бўлимига борилади.

Масофадан туриб никоҳдан ўтиш тартиби:
1️⃣ Ягона интерактив давлат хизматлари порталида рўйхатдан ўтиш;
2️⃣ ФҲДЁ органига никоҳни қайд этиш учун ариза юбориш;
3️⃣ Шахсий маълумотларни киритиш ва инвойс рақамини олиш;
4️⃣ Иккинчи тараф инвойс рақамини киритиб, аризани тасдиқлайди;
5️⃣ ФҲДЁ бўлими ва никоҳ маросими тартибини танлаш.

Барча жараён онлайн тарзда амалга оширилади, бу эса қулайлик яратади.

@yurist_madina ⚖️

❗️«Бундан буён тадбиркорликка энди қадам қўйганлар учун “биринчи имконият” тамойили жорий этилади. Яъни илк бор маъмурий ҳуқуқбузарлик қилган тадбиркор жавобгарликдан озод қилиниб, камчиликни бартараф этиш учун имконият берилади.

Бир сўз билан айтганда, янги иш бошлаган тадбиркорлар биринчи хато учун “жавобгарликдан суғурталанган” бўлади» - деди Президент.

@yurist_madina ⚖

❗️Сенатда ИИВ расмийсига қийноқлар ҳақида савол берилди

Сенат раиси Танзила Норбоева ИИВ Тергов департаменти бошқарма бошлиғига қийноқлар оқибатида вафот этиш ҳолатлари бўйича қанча ариза тушганини сўраган. Аммо расмий бу саволга аниқ жавоб бермасдан, мавзуни бошқа тарафга бурди.

@yurist_madina ⚖

❗️Qonunchilikka ko‘ra, quyidagi dori vositalarini reklama qilish taqiqlanadi:

❌faqat shifokorning retsepti bo‘yicha tarqatiladigan dori vositalarini;

❌tarkibida giyohvandlik vositalari yoki psixotrop va kuchli ta’sir qiluvchi moddalar mavjud bo‘lgan dori vositalarini;

❌O‘zbekiston tibbiyotida qo‘llanish uchun ruxsat etilmagan dori vositalarini;

❌Sog‘liqni saqlash vazirligida davlat ro‘yxatdan o‘tkazilmagan dori vositalarini.

@yurist_madina ⚖️

TEMU Ўзбекистонда юридик шахс сифатида рўйхатдан ўтди

Аввал ушбу маркетплейсга кириш 20 мартдан чекланиши эълон қилинганди. 

@yurist_madina ⚖️

Da’vo arizasi namunasi

@yurist_madina ⚖️

Kafil bo’lganingiz uchun bank sizdan undirgan pullarni REGRESS tartibida siz ham kredit olgan shaxsdan qaytib undirishingiz mumkin.

Asos: Fuqarolik kodeski 1001-modda


@yurist_madina ⚖️