Француз адабиётларида айтиладиган ойнабанд хонада ўтираман. Орқамда одамларнинг ўтган-қайтгани кўриниб туради. Лекин яқинда компюьтеримга ёруғ тушаверганига пардани ёпиб қўйгандим. Иш билан бўлиб, ёмғир ёққанини ўтказиб юборибман. Бир хафа бўлдим-бир хафа бўлдим.

Энди ҳақиқий француз вайбини ҳис қилиш учун ҳаммаси шай: француз классик мусиқалари, ҳаво, ёруғлик... Фақат ёмғир ёғиб берса бўлди.

@Kashmirov

Журналист бўлишдан осони бор эканми: бир-иккита имловий қоидаларни билсанг, сўзларни тўғри ёзсанг, тамом, ўзингни журналист атайвер. Шунақалар кўп-ку, ахир.

@Kashmirov

Ўзимга илҳом берадиган нарсаларга аниқлик киритяпман шу кунларда. Кеча нимадир бўлиб, бугун ёзгим келмай қолди. Вот, битта инфо. Эртага яна нимадир содир бўлиб, илҳомланиб кетсам, шунақа қилавериб, ҳамма илҳомбахш нарсаларни билволсам, ажабмас.

@Kashmirov

Рус тилини ўргансам, Муслим Магомаевнинг барча ашулаларини куйлаб бераман, ўша йўналишда. Айниқса, "Синяя вечность"ни.

@Kashmirov

#Indian_vibe

Ҳиндларнинг кинолари алоҳида битта китоб бўлса, уларга ишланган соунтрекларнинг ўзи битта катта мавзу.

YouTube'да ҳинд соунтреклари миллиардлаб томоша қилинган. Арзийдиям-да.) Бу ерда яна бир ажойиб парадокс бор — масалан, кино кўриш давомида ашула бошлаб қолса, қачон тугаркан, деб кутиб ўтирадиган болалик пайтларимни эслаб, ҳозир ашулаларни кўз узмай томоша қилиб ўтирган менга ташқаридан қараб, жилмайиб ўтирибман.

Юқоридаги видеода кўплаб ашулалар муаллифи, афсонавий овоз соҳиби ва кўпчиликка ностальгия ҳиссини берадиган — Удит Нараян "Вир ва Зара" киносига ишланган "Main Yahaan Hoon" ашуласини ижро этмоқда. Иккинчи видеода — бугунги кун инстаграм оламида машҳурликка эришаётган ака-укалар. Улар ҳам ҳинд ашулаларини маромига етказишяпти.

@Kashmirov

Сокинлик нима?

Мен жуда сокинман, бунақа сакийнатни олдин ҳис қилмаганман. Менимча, ҳаётимнинг энг ажойиб ва хотиржам дамларини яшаяпман.

Хўш, сокинлик нимада? Бу доим айтиладиган ва сийқаси чиққан фалсафада: Оний лаҳзадан лаззатланиш керак, завқ олиш керак, ҳар бир ўтган сония олдингисидан яхшироқ, чунки ҳалиям нафас оляпсиз.

Аслида нафас олиш ҳақидаги жойи шунчалик кўп айтилганидан бир қоп кринж ҳис қиламан. Лекин қизиқ жойи ҳам шу, айни вақт ҳаётингиздаги энг муҳим палла, кеча, бугун ёки эртага эмас, айнан ҳозир. Ўзгариш ёки ўзгартириш керакми — ҳозир.

Тавба, ҳақиқатлар ҳақида гап кетса ҳам энсам қотади. Чиқволиб, "дунё ҳақиқати"дан сўзлайдиганлар сафсатабозлардир, улар ўзларининг ҳақиқатини сизга тиқиштирадиган лўттибозлар.

Аслида эса дунёда ернинг тортиш кучи, табиат ўзини тиклаши, жисмларнинг ёруғлик тезлигидан кўра тезроқ ҳаракатланиши мумкин эмаслиги, эркин тушиш тезланиши ва шунга ўхшаш яна бир иккита илмий қонуниятлардан бошқаси йўқ, қолгани — САФ-СА-ТА, ҳа, айнан сафсата.

Шундай экан, дунё ва бошқалар ўйлаб топган қонуниятларга тупурган ҳолда ўз қоидаларингиз асосида яшанг.

Сокинликдан бошланган гап "ҳаммаси сафсата" билан тугади. Буям бир белгиси-да энди.))

@Kashmirov

Қоронғу хонанг бўлса, сен ва ҳеч ким.

Диван, кресло, компюьтер, шифтда гитара, хона бурчларига рангли чироқлар ўрнатилган, деворлар шумдан изоляция воситаси қопланган, компюьтер олдида микрафон, камера и т.д. Куйласанг, йиғласанг, сиқтасанг, маза қилсанг.

Орзуларнинг чегараси йўқлиги рост. Лекин бу орзумас. Хихув.

@Kashmirov

Шу "Тамерлано" операси қўйилса-да, шунга тушиб берсанг, Амир Темурнинг "ло-ло-ло-ло ло-лоооо" овозида гапиришини кўриб, миллион хил эмоция олсанг, ажаблансанг ва маза қилсанг.

Орзуларнинг чегараси йўқлигига буям бир мини исботча-да энди.

@Kashmirov

Исталганча ичиш мумкин, лекин қандай ичимлик бўлмасин бу ҳавочалик маст қилолмаса керак.

@Kashmirov

Осмон занги кесилиб, булутлар эридан калтак еган хотиндек бир уввос солдию, тинди.

Кўнгил эса ғаш, негадир хомуш. Балки ўша ёмғир остига чиқишга улгурмаганиданми, билмадим энди.

Шкаф тортмасидаги ёмғирпўшим ҳам хомуш, балки унга иш йўқлигиданмикан? Икки юракнинг бир соя остида уришига сабаб бўлмаганиданмикан? Бунгаям жавоб йўқ, чунки унда тил йўқ. Тили борларнинг калимаси эса муҳаббат марсияларини такрорлашдан тинмайди.

Муҳаббат деганга:
Аслида муҳаббатга марсия ўқилиши бу азалдан яхшилик аломати бўлмаган, ҳозир нега бу сўз ҳаёлимга келди? Буям номаълум.

Муҳаббатга наъд айтилсин, мадҳия айтилсин, лекин зинҳор марсия эмас.

@Kashmirov

***

Юр бахтсиз бўламиз. Ҳиёбонларга
Кўркин бағишлаган осмонни ташлаб.
Кимлар адирларга, қирларга чиқсин
Биз тубга тушамиз барисин ташлаб.

Бахтни мен нетаман, сени кўрмасам,
Бир лаҳза тўймасам, кўзингга боқиб.
Кўчада бахтлар, кўкда ҳам жуфтлар. Мен?!.
Бахтли онларимга сароблар соҳиб.

Мен Худо эмасман, ёлғизликка хос,
Бахт ҳам керак эмас сенсиз бўлса, у.
Тирикликни балки ўйлаб кўрамиз,
Кел, бирга, сен билан бахтсиз бўламиз.

@Kashmirov

Қадимги юнон мифологиясини ўқияпман. Биз биладиган Зевс ўзидан ўзи пайдо бўлмаган экан, бечора қанча жанг-у жадалларни бошидан ўтказибди.

Менга энг ёққани бу персоналарни бугунги кунгача киносаноатда қаҳрамон сифатида гавдалантириб келинади. Шунинг учун ҳам тилдан тилга Зевс бўлиб, Олимп тоғи бўлиб кўчиб юради.

Биз – туркийларда ҳам бундай афсоналар, ривоятлар жуда-жуда кўп, бироқ қани Аҳурамазда, Кўк тангри образлари, ҳатто театрларда қўйилмайди.

Бугун миллион марта мусулмон бўлган билан ундан олдинги тамаддунни ҳам эсдан чиқармаган яхши, чунки бу тарих, бу мавжудлик ва борлик, осмондан тушмаган, одамлар яшаган ўша кезларда.

Жамиятнинг Муҳаммад (с.а.в)дан олдинги тарихни билмаслиги ёхуд унутганлиги ёмон сигнал.

@Kashmirov

Жонинг жисмингни тарк этгандан кейин тананг нимани ҳис қилади?

Мана шу саволга жавоб изласам, мени ҳадсиз қўрқув босади.

Бугунги кўриб турган нарсаларинг, руҳинг сени тарк этгач йўқ бўлиши ва кейин нима содир бўлишини билмаслигинг — Даҳшат.

Бунга жавоб йўқ, одамнинг чегараси шу ерда тугайди.

@Kashmirov

#Кириш

Йўқлик

Биринчи учраган нарса ҳақида ёзиш керак, дейди Миролим. Ўйлаб қолдим, ёзмаганимга анча бўлибди.

Ҳа, кунлар исиб қолганига хонамизда аллақандай ҳашорот пайдо бўлиб, бошқаларнинг тинчини бузибди. Шунга қарши дори олиб келиб қўйишди. Ажал яқин.

Бани одамнинг мана шу майдачар билан кўп умумий томонларимиз бор: биз ҳам кемирамиз, яшашга, зурриёд қолдиришга, тирик қолишга тиришамиз. Лекин бизга қирғин берадиган, биздан каттароқ "одам"имиз йўқ, бироқ бу миссияни ўзимизга ўзимиз аъло даражада бажармоқдамиз ва албатта, одамзотга айни ўз ирқдошлари томонидан қирғин яқин, нари борса миллиард йилда тамаддун буткул қирилиб битса керак.

Тағинам, бу энг оптимистик қарашларим билан ёзилгани экан. Тавба тазарру.

Сурат: жпт.

@Kashmirov