Denza N9 Тошкент кўчаларида

@yashiltulpor

Дунёнинг энг тез электромобилини Тошкентга олиб келишибди.

@yashiltulpor

Zeekr янги йўлтанламас — 9X моделини тақдим этибди.

@yashiltulpor

2025 йилнинг биринчи чорагида Хитойда энг кўп сотилган кроссоверлар рейтинги тақдим этилди

Жорий йилнинг дастлабки ойида Хитойда сотилган йўлтанламас автомобиллар рейтинги тақдим этилди. Рўйхатни ҳамон Tesla Model Y бошқариб бормоқда. Бутун дунё рейтингларида ҳам пешқадам бўлган «Модел вай» савдолари ўтган йил билан солиштирганда 18 фоиздан ортиқроқ пасайган, аммо шунда ҳам рўйхатнинг энг юқорисида қолмоқда.

Geely Xingyue L (экспортга Geely Monjaro L деб сотилади) эса уч ойда салкам 70 фоизлик ўсишни қайд этиб, рейтингда 2-ўринда қайд қилинган. Song Plus (ўзбекнинг «чемпион»и) учинчи ўринга тушиб қолган.

Юқоридаги суратда кучли 15та моделлар рейтинги билан таншиб олишингиз мумкин.

@yashiltulpor

Электромобилларни олиб киришни очиқчасига чеклаш учун ҳар хил йўлларни ўйлаб топаётганларга: 👆

@yashiltulpor

LiXiang, Deepal, AITO ва Leapmotor каби брендларнинг электрда юрадиган, лекин гибрид автомобиллари учун божхона тўловлари нархи кескин оширилади

Ўзбекистонда «кенгайтирилган диапазонли электромобиль» (EREV) деб аталувчи, ички ёнув двигатели ҳамда электродвигателга эга, лекин фақат токда ҳаракатланадиган автоуловлар (масалан, LiXiang, Deepal, AITO ва ҳкз брендлар) учун алоҳида ташқи иқтисодий фаолият товар номенклатураси (ТИФ ТН)да аниқ код белгиланиши кутилмоқда.

Бу дегани келгусида бу автомобиллар электромобил каби божхонадан ўтказилмайди ва алоҳида код эвазига худди гибрид моделлар каби нархда «растаможка» қилинади.

Бугунги кунгача ушбу моделлар фақат электр моторда ҳаракатлангани учун, электромобиллар билан бир хил қийматда божхона тўловларини тўларди. Келгусида янги код билан ушбу моделлар учун бензинда ҳаракатланадиган гибрид автомобиллардек божхона тўловини тўлашга тўғри келади.

Натижада, ушбу автомобилларнинг Ўзбекистондаги нархи кескин кўтарилади.

@yashiltulpor

Тошкентда Tesla ёқиб юборилди

Мирзо Улуғбек тумани Яланғоч даҳасидаги кўп қаватли уйлар ёнида турган Tesla электромобили номаълум шахс томонидан қасддан ёқиб юборилган. Кузатув камерасига тушиб қолган тасвирлардан кўриш мумкинки, шахс ўзи билан олиб келган суюқликни машина устига сепган ва шундан сўнг унга ўт қўйган.

@yashiltulpor

«Leapmotor» компанияси Ўзбекистонда фаолиятини расман йўлга қўймоқчи

Хитойнинг «Leapmotor» компанияси Ўзбекистонда расман иш бошлаш ниятида. Компания 2025 йил 13 апрел куни UzTest ва Техник жиҳатдан тартибга солиш агентлигига расмий мурожаат билан чиққан. Унда C16 русумли машиналар Ўзбекистонга рухсатсиз дистрибьюторлар орқали олиб кирилганини тан олиб, бу муаммони ҳал қилиш учун чоралар кўрилишини билдирган.

Мурожаатда компания қуйидагиларни маълум қилган:
➖ Ўзбекистондаги фаолиятини фақат расмий дистрибьютор орқали амалга оширади;
➖ Норасмий тарзда олиб кирилган машиналарга расмий кафолат ва хизматлар кўрсатилмайди;
➖ Яқин 14 кун ичида UzTest мутахассислари иштирокида компания заводида техник текширув ўтказилади. У ерда B10EV ва B10EREV моделлари бўйича синов натижалари тақдим этилади;
➖ Транспорт воситаларини сертификатлаш жараёнлари яқин вақтда якунланади;
➖ UzTest билан сифат назоратини кучайтириш мақсадида ҳамкорлик кенгайтирилади.

@yashiltulpor

Биз Damas ишлаб чиқариб, Leapmotor каби моделлардан «камчилик» топаётганимизда

Tesla автомобиллари ўзи конвейердан чиқиб, бир-икки километр юриб, ҳаридорга жўнатиладиган нуқталарга ўзи етиб бормоқда.

@yashiltulpor

Leapmotor C16 электромобилини Ўзбекистонга импорт қилишга қайта рухсат берилади

Айтишларича, Пискентдаги полигонда хитойлик мутахассислар иштирокида Leapmotor C16 электромобили қайта синовдан ўтказилган ва ундаги «аниқланган камчиликлар» бу галги синов жараёнларида аниқланмаган.

Шу боисдан Leapmotor C16 автомобилларини импорт қилишга қўйилган вақтинчалик тақиқ бекор қилинган. Бу борада тез орада расмий эълон берилиши кутилмоқда.

@yashiltulpor

Бухорода шу каби электромобиллар тез тиббий ёрдам сифатида хизмат кўрсатмоқда.

Электромобиллар асосан туризмга ихтисослашган шаҳарнинг тарихий қисмида ҳаракатланади.

@yashiltulpor

Пискент автополигонидаги «ўйинлар» фош бўлди

Видеони диққат билан томоша қилсангиз, 3 та автомашина кетма-кет полигон ҳудудига олиб кирилади ва омборга олиб кирилиб, хеч қандай текширув амалга оширилмасдан, қайта олиб чиқилади.

Кўзбўямачилик шу даражага чиқдики, уялмай ҳам қўйишди. Шунчаки машиналар импортини тўсиш учун ўйлаб топилган бу полигоннинг вазифаси эса шунчаки вақтни ўлдириш, халқинг устидан кулиш экани маълум бўлди.

@yashiltulpor

Zeekr 001 нега ёниб кетганди?

Маълум бўлишича, электромобил тўлиқ қувват олиб бўлганидан кейин яна 3 соатдан ошиқроқ вақт давомида токка уланган ҳолда қолиб кетган.

@yashiltulpor

Тошкентда Zeekr ёниб кетди

Фурқат кўчаси (Халқлар дўстлиги яқинида) қувватлаш станциясига уланган Zeekr 001 моделида ёнғин келиб чиққан. Ёнғинни ўчириш учун 1 соатга яқин вақт кетган.

@yashiltulpor

«Leapmotor» синови хитойлик мутахассислар иштирокида қайта ўтказилади

Техник жиҳатдан тартибга солиш соҳасида назорат инспекцияси ҳозирда «Leapmotor» корхонасига қўйилган чеклов юзасидан музокаралар давом этаётганини билдирди. Яқин кунларда Хитой компанияси мутахассислари Ўзбекистонга келиши кутилмоқда.

@yashiltulpor

Бирорта тугмачани босмасдан масофадан туриб эшиги очиладиган автомобил. AITO M8 автомобилининг интерьери ва бир қатор устунликларини намойиш этилди

LiXiang L8/L9 автомобилларига рақобатчи бўлиши кутилаётган AITO M8 автомобилини тақдим қилди. Автомобилга икки ҳафтада 80 000дан ортиқ олдиндан буюртмалар келиб тушган.

Автомобил ҳажми: 5190*1999*1795 мм; ғилдирак ўқлари оралиғи: 3105 мм. Унда 2 электромотор ўрнатилган бўлади — 221 ва 304 о.к, шунингдек, 1,5 литр ҳажмга эга турбо двигател (158 о.к) билан жиҳозланади. Машинанинг максимал тезлиги 200 км/с.гача кўтарила олади.

AITO M8га ўрнатиладиган батареялар ҳам икки хил бўлади (LFP ёки учатилк литий): 36,0 ёки 51,9 кВт•с. Масофа захираси тўлиқ электрда мос равишда: 161 км ва 240 км.ни ташкил қилади.

M8 сотуви 10 апрелдан бошланаши режалаштирилган. Ҳозирча унинг нархи 51 000 доллардан бошланиши айтилмоқда.

@yashiltulpor

Хитойда Xiaomi SU7 седани иштирокида илк ҳалокатли ЙТҲ содир бўлди

Маҳаллий нашрлардан бирининг ёзишича, машина автопилот режимида ҳаракатланаётган бўлган ва ҳайдовчини эҳтимолий тўқнашув ҳақида огоҳлантирган. Бироқ кеч қолган ва тўқнашувдан сўнг седан ёниб кетиб, уч киши ҳалок бўлган.

Эътиборли жиҳати, Xiaomi асосчиси Лэй Цзюнь нохуш ҳодисага расман изоҳ бериб, юз берган ҳолатдан «қайғуда» эканини билдирган ҳамда компания суриштирув ишларига имкон қадар ёрдам беришини айтган.

@yashiltulpor

Электромобиллар савдоси билан шуғулланувчи тадбиркорларнинг бир йил олдинги мурожаати Бизнес-омбудсман девони томонидан ниҳоят ўрганилиши бошланибди

«Биз эркин бозор тарафдоримиз. Бюджетга бир йилда 1 трлн 250 млрд сўм тушум келтирган электромобиль импорт қилувчилар президентга мурожаат билан чиқди» сарлавҳаси билан берилган материалда Ўзбекистонда электромобиль сотувчи автосалонлар раҳбарлари автомобиль импортига чекловлар қўйилиши сабабли президентга мурожаат билан чиққанди. Улар «400 дан ортиқ тадбиркор боши берк кўчага кириб қолганини» айтиб, давлат раҳбаридан чекловларни олиб ташлаш ва очиқ бозорни қўллаб-қувватлашни сўради. Маълумот учун, биргина 2023 йилнинг ўзида хусусий тадбиркорлар 630 миллион долларлик 21 минг дона электромобил олиб келган. ҚҚС, утилизация ва бошқа тўловлар ҳисобига бюджетга 1 триллион 250 миллиард сўм маблағ келиб тушган.

Мазкур ҳолатлар қонун ҳужжатлари талабларига мувофиқлиги юзасидан Бизнес-омбудсман девони ўрганиш ўтказаётганини маълум қилди.

@yashiltulpor

Техник жиҳатдан тартибга солиш агентлиги асосий вазифаси — импортни қийинлаштиришда давом этмоқда

Техник жиҳатдан тартибга солиш агентлиги ваколатли орган бўлган транспорт воситаларини мувофиқлигини баҳолаш учун навбат олиш энди автомобил қабул қилувчисининг ўзи томонидан FaceID тизими (юзни таниб олиш) орқали текширувдан ўтганидан кейин олинади.

Бу дегани энди сиз айнан ўзингиз бу соҳада уқувингиз бўлса-бўлмаса ҳам қийналиб компютерда my.gov сайтига кирасиз ва кейин эса мобил қурилмагангизга MyID деган юзни аниқлаш дастурини ўрнатиб, ҳаракатингизни тасдиқлаган ҳолда электрон навбат олишингиз керак.

Соат кечаси 12:00да FaceIDни амаллаб ишлатиб, электрон навбат олиш. Телефонингиз ёки компьютерингиз 10-15 сония ишламай қолса 1 кун куйди дегани, чунки навбатлар 1 дақиқага бормасдан тугайди…

@yashiltulpor

Энди алоҳида брендларни олиб кириш тақиқланмоқда: Leapmotor брендидаги автомобиллар импорти чекланди

Техник жиҳатдан тартибга солиш агентлиги томонидан Leapmotor C16 автомобилида аниқланган «камчилик» сабабли автомобилларларни сертификатлаштириш органларига Leapmotor товар белгили автотранспорт воситаларини сертификатлаштириш юзасидан аризаларни қабул қилишни тўхтатиш тўғрисида хат юборилган.

Қонунчликка кўра, мувофиқлик сертификатига эга бўлмаган автотранспорт воситаларини импорт қилиш тақиқланади.

@yashiltulpor

BYD ўзининг премиум синфидаги Yangwang U7 автомобилини тақдим этди

BYD компанияси суббренди ҳисобланган Yangwang ўзининг люкс синфидаги янги U7 моделини тақдим этди.

Автомобил ўлчамлари — 5265/1998/1517 мм, ғилдирак ўқлари оралиғи 3160 мм. У умумий қуввати 960 кВт (1300 о.к.) бўлган тўртта мотордан иборат. Батарея ҳажми 135,5 кВтс бўлиб, бу электромобилга 720 км масофа захирасини тақдим этади.

Yangwang U7 гибрид талқинига эса 52,4 кВтс батарея ўрнатилган бўлиб, у тўлиқ қувват ва тўлиқ бакда 1000 км масофа захирасига эга бўлади.

DiSus тизими шиналардан бири ёрилганда ёки пучайиб қолганда, уни автоматик ердан узиш функциясига эга, қолган учта ғилдирак эса автомобилни мустақил ҳаракатланишини таъминлайди. Учта ғилдирак билан автомобил 80 км/с тезликда 30 км.гача масофа босиб ўтиши мумкин бўлади.

Автомобил нархи 628 000 юандан (86 430 доллар) бошланади.

@yashiltulpor

BYD Malibu’нинг ярим нархига ундан кенгроқ ва яхшироқ электромобилини тақдим этди

BYD компанияси Qin L электромобилини расмий тақдимот маросимини ўтказди. Ўлчамлари 4720/1880/1495мм, ғилдирак ўқлари оралиғи 2820 мм бўлган автомобил Хитойда 16530 доллардан бошлаб сотувга қўйилди.

Таққослаш учун Ўзбекистонга импорт қилиниб, «ишлаб чиқарилади» ниқоби остида сотиладиган Malibu автомобили салкам 33 минг доллардан сотилади. Аммо Qin L модели Malibu’дан бироз калтароқ бўлсада, 3 см кенгроқ ва 2 смга баландроқ.

Автомобилнинг жами 3та комплектацияси бўлиб, биринчи позицияга 110 кВт қувватга эга мотор қўйилган. Қолган иккита позицияда двигатель кучи 160 кВтни ташкил қилади. Уларнинг нархи 129 800 (17 900 доллар) ва 139 800 юандан (19 280 доллар) иборат. Электромобил 30дан 80 фоизгача заряд олиш учун 24 дақиқа сарфлайди.

Автомобилнинг масофа захираси 545 кмни (CLTC бўйича) ташкил қилади.

@yashiltulpor

BYD электромобилларни 5 дақиқада қувватловчи, уларни бензинли автомобиллар каби тўлдириш имконини берувчи технологияни тақдим этди.

1000 кВт қувватга эга станциялар бир неча дақиқада қувват захирасини 470 км га тўлдириш имконини беради. Ушбу супер зарядловчиларнинг 4000 таси Хитойда пайдо бўлади.

Эълондан сўнг, BYD'нинг бозор капитали 162 миллиард долларга кўтарилиб, Volkswagen, Ford ва GMни биргаликда ортда қолдирди.

@yashiltulpor

Ўзбекистонга гибрид енгил автомобиллар импорти 21 баробарга қисқарди

2025 йилнинг феврал ойида Ўзбекистонга енгил автомобил импорти қиймат жиҳатдан 3,5 баробарга, миқдор жиҳатдан эса 2,8 баробарга қисқарди. Энг катта камайиш гибрид автомобиллар импортида кузатилган – 21 баробар. Электромобиллар ва бензинли енгил автомобиллар импортидаги қисқариш эса мос равишда 2 баробар ва 2,8 баробар бўлган.

@yashiltulpor

Li Auto ўзининг илк тўлиқ электрда ҳаракатланувчи йўлтанламаси — Li i8 модели суратини эълон қилди

Компания ушбу янги электромиобил Li L9 ва Li Mega автомобиллари дизайнини уйғунлаштирганини айтиб, i8 суратини айнан шу автомобиллар орасида намойиш этди.

Ҳозирча автомобилнинг нархи ва бошқа маълумотлари маълум эмас, моделнинг илк партияси 2025 йилнинг иккинчи ярмида ишлаб чиқарилиши кутилмоқда.

@yashiltulpor

Ўзбекистонда енгил автомобиллар импорти жараёнини қийинлаштириш ва қимматлаштириш бўйича ўйлаб топилган чора-тадбирлар ўз «самараси»ни бера бошлаган.

Ёзишларича, 2025 йилнинг январь ойида 31 млн долларлик 1796 та автомобиль импорт қилинган, бу ўтган йилнинг шу даврига нисбатан 5,6 баравар камдир. Ўтган йили январда 221 млн долларлик машина олиб келинган.

Бунда бензин автомобиллар 6,7 бараварга, электоракарлар 2,5 баравар, гибрид автомобиллар импорти эса 31 бараварга қисқарган.

@yashiltulpor

Россияда L9 ёниб кетди

Манбаларга кўра, ёнғин электр симларнинг қисқа туташуви натижасида юзага келган. Электромобил ҳайдовчиси куйган ҳидни пайқагач, машина капотини очганда ёнғин чиқаётганини кўрган. Унинг оловни ўчиришга уринишлари зое кетган. Ёнғин хавфсизлиги ходимлари машина тўлиқ ёниб бўлгач, етиб келишган.

@yashiltulpor

Xiaomi ўзининг янги модели YU9ни тақдим этди. Ҳозирча унинг имкониятлари бўйича аниқ маълумотлар берилмаган. Автомобилни ишлаб чиқариш 2025 йил сўнгида бошланиши кутилмоқда.

@yashiltulpor

Шунингдек, BYD компанияси L9га рақобатчи бўлиши кутилаётган Denza N9 моделини ҳам тақдим этди.

Ҳозирча бу моделнинг аниқ нархлари маълум қилинмаган.

@yashiltulpor

BYD суббрендидан яна бир йўлтанламас монстр — Leopard 3

@yashiltulpor

Lixiang автомобиллари автопилот режимида қандай ишлаши ҳақида видео.

Шунчаки даҳшат!

@yashiltulpor

2025 йил — Ўзбекистонда Атроф-муҳитни асраш ва яшил иқтисодиёт йили.

Худди шу 2025 йилда:

Атроф-муҳитни асраш ва яшил иқтисодиётнинг бош асосларидан бири бўлган электромобилларга яна қўшимча 3000 доллар бож ўйлаб топилди.

@yashiltulpor

«BYD Uzbekistan учун навбатдаги совға». Ассалом монополия

Ўзбекистон ҳукумати элекромобиллар импортини кескин қимматлаштиришга қарор қилди. Иқтисодчи Отабек Бакиров бу қарорни тор доиралар манфаати йўлида “бутун мамлакатнинг стратегик танлови ва имижини сўроқ остига қўйиш”, деб баҳолади. Бошқа бир иқтисодчи Юлий Юсуповнинг фикрича, “улкан бюрократик махлуқ Ўзбекистон иқтисодиётини ютиб юборишда давом этяпти».

@yashiltulpor

Шунчаки маълумот учун:

Фақатгина номи «ишлаб чиқарувчи» бўлган «BYD Uzbekistan Factory» электромобиллар ва гибрид автомобиллар импортида божхона божи ҳамда утилизация йиғимидан озод этилган.

Улар сотаётган автомобиллар эса, ҳамма божларни тўлайдиган тадбиркорларникига қараганда анча қиммат. Масалан BYD Song Plus электромобили бозор нархидан қарийб 5-6 минг долларга қиммат

@yashiltulpor

Биз билгандик, кутгандик...

Электромобиллар учун энди 45 млн сўмдан салкам 80 млн сўмгача утилизация йиғими ундирилади.

Бу дегани электромобиллар учун нархлар 2,5-3 минг долларга ошади.

Нима дейишга ҳам ҳайронсан...

@yashiltulpor

Хитойда ҳайдовчисиз электромобил

Қизиқ, буларга хавфсизлик камари тақмагани учун жарима келармикан?😂

@yashiltulpor

Автомобилсозликнинг қўрқинчли туши давом этади: Янги Tesla Model Y'га 5 кунда 70 минг буюртма келиб тушди

Дунёнинг исталган автомобилидан (хоҳ у бензинли, хоҳ электр ва гибрид бўлсин) кўпроқ сотиб келинаётган, жаҳон бозорининг ҳақиқий бестселлери Tesla Model Y 2025 йил учун янги рестайлинг версиясини тақдим этганди. Тақдимотдан беш кун ўтиб ушбу моделга Хитойнинг ўзида 70 минг олдиндан буюртма келиб тушди.

Электромобил бир неча комплектацияда тақдим этилади. Тўртта ғилдирак тортувчи 78,4 кВт·с батарея ўрнатилган комплектация 719 километр (CLTC бўйича) масофа захирасига эга, бу эски «модел вай»дан 31 километр кўпроқ дегани. Компания вакиллари бу Tesla тарихидаги энг кўп юрадиган «вай» бўлганини эътироф этишган.

Автомобил 0 дан 100 километр соат тезликка 4,3 сонияда чиқади. Олдинги талқинда бу кўрсаткич 5 сонияни ташкил қиларди. Автомобилнинг олд мотори 137 кВт қувватга эга, орқа мотор кучи 194 кВт.ни ташкил қилади.

Режа бўйича электромобил мижозларга 28 февралдан бошлаб етказиб берилиши керак. Унинг Хитойдаги нархи орқа ғилдирак тортадиган комплектацияси 263 500 юандан (36 280 доллар) бошланади. Тўртта ғилдирак тортувчи версия нархи эса 303 500 юандан (41 780 доллар) бошланади.

Экспертлар ҳар доимгидек, сотув бўйича «Модел Вай» яна исталган автомобилни «чангида қолдириб кетишига» ишонишмоқда.

@yashiltulpor