Самур дередин акунар

Видео: @fazir_kurbanov

РикIел гъун!

РикIе са чIулав нукьтIа…

Гьадисда лагьанва (мана):

“Гьакъикъатда, муъмин касди са гунагь авурла, адан рикIе са чIулав нукьтIа пайда жезва, эгер ада туба авуртIа, ам Аллагьдихъ элкъвейтIа, адан рикI (цIарцIар) гуз михьи хъжеда. Эгер ада артухарайтIа (гунагьар), чIулав нукьтIаярни артух жезва ва адан рикI гьалдай акъатзава. Гьам я “муьрхъера кIев хьун» вичикай Аллагьди лагьанвай (83-сура, 14-аят, мана): “Туш (акI)! Аксина, кар ам я хьи, абурун рикIерал чпи къазанмишай крарин (гунагьрин) пас акьалтнава (рикIер гунагьрин муьрхъуь кIевнава ва гьахьзавач аниз Къуръандин гъавурда гьатун, адахъ иман гъун)”” (Ибн Мажагь).

«Исламдин эдебар, ахлакьар ва дуьаяр» ктаб, 19-чин, диндин алим Ямин Мегьамедов.

❗️Дагъустан Россияда туристри ял ягъун патал виридалайни пара хкязавай пуд региондикай сад я.

https://t.me/agiprd/24128

Алискерован бягьс.

💪 Чи машгьур пагьливан Икрам Алискерова UFC on ESPN 66 акъажунра США-дай тир Андре Мунизан винел 1-раундда техникадин нокаутдалди гъалибвал къачуна.

И. Алискерова 2023-йисалай UFC-дин акъажунра иштиракзава. Къенин йикъалди ада и тешкилатдик кваз кьиле тухвай 3 бягьсина техникадин нокаутдалди гъалибвал къачунва.

Икрам Алискерован рекорд ихьтинди я: 16 сеферда гъалиб хьанва, 2 сеферда кумукьнава.

Андре Мунизан рекорд ихьтинди я: 24 сеферда гъалиб хьанва, 7 сеферда кумукьнава.

🏔Кьиблепатан Дагъустандин тIебиат

📱Видео: @fazir_kurbanov

РикIел гъун

«Пул хьурай, амай кIвалахар гьич…»

(..) Адет яз, инсанривай гзаф вахтара ихьтин ванер къведа: «Пул хьурай, амай кIвалахар гьич, амай кIвалахар жедайди я…». Им гьелек хьанвайбурун фикир я. Амма гьакъикъи мусурмандин фикир ихьтинди я: «Аллагьдин разивал хьурай, амай кIвалахар жеда…». Им дуьз ихтилат я. Инсан сад лагьай фикирдал амал ийиз яшамиш хьайитIа, са кьадар вахт арадай фейила, мусурманди гьалал-гьарамдиз фикир хгудач. Ада вичин вилик са къаст эцигайла, вичиз ийиз кIанзавай кар гьалал рекьелди жезвани, тахьайтIа гьарам яни, фикир хгудач. Са гафуналди, ада гьалал-гьарам гьисаба хкьадач. Гьа икI, акваз-такваз дуьньяди ам вичихъ ялда ва инсанди вичин Эхират квадарда. И дуьнья патал дин маса гайибур гьикьван хьана ва чи йикъарани ава. Чиз-чиз дуьньядихъ дин маса ганва. Инсандиз вичи флан са кIвалах авуртIа вич диндай акъатдайди чизва, ятIани ам, мисал яз, гьарамдин кIвалахдал физва. Гьарамдин рехъ тирди чизватIани, ада а кар давамарзава. «Вирида ийизвачни кьван и кIвалах?!» - лугьузва а касди. Гьа икI, ада вичин дин и дуьньядихъ маса гузва.

Гьасамудин Сефибегов, «Жуьмя йикъан вязер» ктабдай, «ЧIуру хесетар» хутба, 97-чин.

❗️СтIал Сулейманан райондани къе “Вахта Героев” серенжем кьиле фена.

И мярекатда иштиракун патал чIехи шаирдин тIварцIихъ галай райондиз Россиядин Игитар - Николай Ярцевни Загьид Загьидов, РД-дин милли сиясатдин ва динрин крарин рекьяй министерстводин векил Мегьамед Даитбегов мугьман хьана.

Абурун иштиракчивал аваз асул мярекат Кьулан СтIалрин мектебда кьиле фена.

✈️Гегьеншдиз муниципалитетдин администрациядин ТГ-каналдай кIелиз жеда.

❗️Къе Ахцегь районда “Вахта Героев” серенжем кьиле фена.

Мярекатда Россиядин Игитри - Темирлан Абуталимовани Абубакар Костоева иштиракна.

Ахцегьрин медениятдин кIвале кьиле фейи гуьруьшда муниципалитетдин администрациядин, жемиятдин тешкилатрин векилри, мектебда кIелзавай аялри иштиракна.

Гегьеншдиз РД-дин милли сиясатдин ва динрин крарин рекьяй министерстводин ТГ-каналдай кIелиз жеда.

🚗Докъузпара районда Усугъчай хуьряй Къурушдал хъфизвай рекье чил уьцIенва.

📱Идакай “Новое дело” газетдин ТГ-каналди хабар гузва.

Кьурагь районда мукьвара къвайи къати марфарикди хьайи зиянрин нетижаяр арадай акъудунин кIвалахар давам жезва.

Къейд ийин хьи, къати гарар акъатуникди, марфар, живер къуникди муниципалитетдин центрадилай винидихъ галай хуьрер экв авачиз амукьна.

Къенин юкъуз Кукваз ва Ашар хуьрериз экв хганва.

📱Гегьеншдиз райондин администрациядин ТГ-каналдай кIелиз жеда.

РД-дин Гьукуматдин Председателдин заместитель Нариман Абдулмуталибова республикадин хуьруьн майишатдин ва недай суьрсетдин министерствода Дагъустанда федеральный проект кьилиз акъудунин месэлайриз талукьарнавай совещание кьиле тухвана.

📱Гегьеншдиз РД-дин Гьукуматдин ТГ-каналдай кIелиз жеда.

https://t.me/pravitelstvord/27356?single

⛈Республикадин МЧС-ди хабар гузвайвал, 26-27-майдиз Дагъустандин са жерге районра къати марфар, хар къвада, къати гарар акъатда.

❗️Курскдин область тамамдиз ВСУ-дин кьушунрикай азаднава

🇷🇺РФ-дин Яракьлу къуватрин Генштабдин начальник, армиядин генерал, Россиядин Игит Валерий Герасимова РФ-дин Президент Владимир Путиназ Курскдин область Украинадин яракьлу къуватрин кьушунрикай тамамдиз азаднавайдан гьакъиндай хабар гана.

Курскдин областда женгер кьиле физ са шумуд варз тир. Гзаф кьадар чи ватанэгьлийри и женгера чпин чанар къурбанд авуна. Аскеррин викIегьвал, регьберрин камаллувал себеб яз, областдин мулкар тамамдиз душмандикай азад ийиз алакьнава.

Дагъустандин Кьил Сергей Меликова и вакъиадиз баянар гудайла вичин телеграмм-каналда къейднавайвал, къенин югъ чи Ватандин тарихда гьатда. ЧIехи Гъалибвилин къаршида жегьил несилри Ватандин ЧIехи дяведин йисара чи чIехи бубайри къалурай кьегьалвилер тикрар хъувуна.

💬«Мартдин вацра Владимир Путина Курскдин область михьиз душмандикай азад авунин тапшуругъ ганай. Тапшуругъ чешнелудаказ кьилиз акъуднава. Вири уьлкведи чи сергьятар хуьзвайбуруз сагърай лугьузва. Серенжемда Каспийскдин флотилиядин гьуьлуьн пехотадин 177-нумрадин гвардиядин полкуна къуллугъзавайбуруни иштиракун къейд авунал зун шад я…», - кхьена республикадин регьберди.

📱Гегьеншдиз РД-дин Кьилин ТГ-каналдай кIелиз жеда.

❗️Къе, 26-апрелдиз, Дагъустанда республикадин дережада аваз субботник кьиле фена.

Михьивилер ийизвай мярекатда “Лезги газетдин” редакциядин коллективдини иштиракна.

Кьиле газетдин кьилин редактор Мегьамед Ибрагьимов аваз редакциядин къуллугъчийри Печатдин кIвалин мулкара зирзибил кIватIна, тарарин хилер атIана, чIуру хъчарикай михьна.

Къейд ийин хьи, “Лезги газетдин” редакциядин векилри субботникра датIана активнидаказ иштиракзава.

🏔Кьурагь вацIун кьер. 2025-йисан гатфар.

📱Видео: @dalgat_kiri

РикIел гъун

Аллагьди Къуръанда лагьанва (7-сура, 179-аят, мана):

«Ва, дугъриданни, яратмишнава Чна Жегьеннемдиз гзафбур жинрикай ва инсанрикай (ахьтинбуру чеб Жегьеннемдиз гъидай амал ийида): абурухъ (ахьтин ксарихъ) ава рикIер абуралди чпи кьатIун тийизвай (гьавиляй абуру я сувабдик умуд кутазвач, я жазадикай кичIевалзавач), ва ава абурухъ вилер абуралди чпиз (Чи делилар, аламатар) акун тийизвай, ва ава абуруз япар абуралди чпиз (Гьахъдин, Къуръандин аятрин) ван къвен тийизвай. Ахьтинбур - ухшар я гьайванриз (чпиз аквазвай шейэрин, иесиди чпиз лугьузвай гафарин гъавурда гьат тийизвай малариз), гьатта абур мадни гзаф ягъалмиш я. Ва ахьтинбур - гьабур я гъафилвиле авайбур!»

«Пак Къуръан ва адан манайрин таржума лезги чIалал» ктаб (таржумачи – диндин алим Ямин Мегьамедов).

🗞📰«Живая газета» - именно так называется проект Министерства цифрового развития Республики Дагестан, который анонсировал Дагинформу и главным редакторам изданий на языках республики министр Минцифры Дагестана Юрий Гамзатов.

В рамках дружеской встречи с главными редакторами поднимался вопрос сохранения языков республики и новых способов конвергенции редакций национальной печати и чем Минцифры Дагестана может помочь редакциям в этом вопросе.

🔴Суть проекта в использовании технологии дополненной реальности в печатной отрасли. Газеты, вышедшие в печать на этой неделе в тестовом режиме при наведении смартфонов «оживали» и рассказывали на мобильных устройствах о новостях и событиях региона на языках.

Идея этого проекта у меня возникла достаточно давно и суть в том, чтобы сохранить наследие народов республики – язык, безусловно, проект направлен и на повышение возможностей СМИ и их дальнейшую ориентацию на новые цифровые подходы в своей деятельности, а с другой стороны – на читателей – и повышению их цифровой грамотности при использовании интернет-технологий. Для читателя нужно всего лишь установить на мобильный телефон приложение посредством QR-кода, который также будет в самой газете и навести камеру телефона на изображение – подчеркнул Юрий Гамзатов.

Как отметил руководитель Дагинформа Арсен Юсупов, проект «живая газета» представляет большой интерес для обучения молодых читателей чтению на языках. Достаточно навести телефон на текст или изображение в газете и услышать – правильно ли он произнес то или иное слово. В то же время, широкое поле возможностей для редакций – объединение сетевой и печатной версии газет и даже социальных сетей в единый медиацентр. Дальнейшее будущее проекта будет всецело зависеть от самих главных редакторов и редакций.

📩Главные редакторы поблагодарили Юрия Гамзатова за предоставленную возможность для реализации творческого потенциала и обещали к 9 мая выпустить газеты с использованием новой технологии.

🚩Дагинформ

Сагърай лугьузва

Алай девирда инсанрин арада гьуьрмет-хатур тIимил хьанвайди аквазва. Гьелбетда, им халкьдихъ рикI кудай, кесибвиле авай инсанрин дуланажагъдикай хабар кьадай, лугьудайвал, зурба рикIер авай инсанар авач лагьай чIал туш. Къуй ахьтин ксарин девлетар Аллагьди мадни артухаррай!  Къе заз ихьтин ксарикай садакай — Кичибегов Мегьтихан Рагьединовичакай — суьгьбетиз, адаз сагърай лугьуз кIанзава.

М. Кичибегов СтIал Сулейманан райондин ДаркIуш-Къаз­майрал дидедиз хьана. Юкьван школа хъсан къиметралди­ акьалтIарай жегьилди Дагъустандин хуьруьн майишатдин  университетдин юристар гьазурдай факультетдиз гьахьун кьетIна. Вуз акьалтIарай ам Махачкъалада «Хъсан ниятар авай рикI» («Благое сердце») мергьяматлувилин фондунин бине эцигайбурукай сад я.

ИкI, 2020-йисалай  гатIунна, и кьегьал  хци  уьмуьрдин четин шартIара яшамиш жезвай хизанриз, аялрин бахчайриз, реабилитацийрин центрайриз, гзаф аялар авай хизанриз, сагъламвал зайиф тир аялриз, «Глория Джинс» фирмадин  шейэр гуналди, куьмекзава. КIеве авайдаз куьмек гунин, чарадан тIалдикай хабар кьунин тербия адав вичин диде-бубадилай агакьна...

Амай пай - "Лезги газетдин" сайтда

Автор: Марият  Кьасумова, Мегьарамдхуьруьн 1-нумрадин юкьван школадин ­сифтегьан классрин завуч

"Вахта Героем" серенжем - Дагъустанда.

Гьар йисуз тешкилзавай и мярекат цIи ЧIехи Гъалибвилин 80 йисан сергьятра аваз кьиле физва.

Видео: РД-дин милли сиясатдин ва динрин крарин рекьяй министерстводин ТГ-каналдинди

Дагъустандиз "Вахта Героев" серенжемда иштиракун патал Россиядин жуьреба-жуьре регоинрай Игитар мугьман хьанва

https://t.me/dagminnac/10978

Дагъустандиз Международный рыбопромышленный форумда иштиракуниз теклифнава

https://t.me/melikov05/3544

💡Малум тирвал, мукьвара къати живер, марфар къуникди республикадин дагълух районрин хейлин хуьрера эквер хкатна, рекьер тухвана, муькъвер чкIана. Ихьтин зиянар хьанвай районрин арада Ахцегь районни ава.

ТIебиатдин завалдин нетижаяр арадай акъудун патал махсус къуллугърин пешекарри чIехи зегьмет чIугуна. Абурун арада са жерге Ахцегь райондин агьалиярни ава:

Желил Ашуралиев, Шамил Къужаев, Азиз Абдуллаев, Кавказ Багиров, Мамед Керимов, Заур Гьажиев ва Къазиагьмед стха. Абуру районэгьлийрин кIвалериз экв хгун патал еке зегьметар чIугуна.

🤝Дагъустандин жемиятдин деятель, меценат Нариман Гъазалиева чкадин агьалийрин кIвалериз экв хгуник еке пай кутунай винидихъ тIварар кьунвай стхайриз сагърай лагьана ва вичин патай гьар садаз пулдин пишкешар гудай къарар кьабулна.

Гьакъикъатдани, жемят патал хийирлу крар ийизвайбурун гъил кьун, абурук руьгь кутун суваб авай кIвалах я. Къуй Нариман Гъазалиеван садакьаяр Аллагьди кьабулрай, ахцегьвийрин кIвалерих экв хгун патал зегьмет чIугур стхаярни сагърай!

📱Видеойра: Ахцегь райондин хуьрериз экв хгун патал кIвалахар кьиле тухузвай вахт

⚡️"Лезги газетдин" редакциядин коллективди "Дагъустан" РГВК-да лезги чIалал эфирдиз акъатзавай "Вахатар ва инсанар" передача кьиле тухузвай журналист, шаир Владик Батмановаз играми дах Нафир Батманов рагьметдиз финихъ галаз алакъалу яз башсагълугъвал гузва.

Къуй Аллагьди адан гунагьрилай гъил къачурай, Вичин регьимдик кутурай, мукьва-кьилийрин рикIериз сабур гурай!

⚡️Дербентдай къайи хабар агакьнава: 78 йисан яшда аваз ракьун рекьерин лайихлу къуллугъчи, "Семафор" газетдин кьилин редактор, писатель, журналист Гьажиагъа Мегьамедшерифов рагьметдиз фена.

Гь.М.Мегьамедшерифов Мегьарамдхуьруьн райондин Гъепцегьрин хуьре дидедиз хьана. Хейлин йисара Дербент шегьерда ракьун рекьерин къурулушда жуьреба-жуьре къуллугърал кIвалахна.

Ам РФ-дин журналистрин Союздин член тир. Адан къелемдикай "Дербент. Железнодорожный узел на рубежах веков", "Под стук колес", "100 лет профсоюзам железнодорожников Дагестана" ва маса ктабар хкатна.

Гь.М.Мегьамедшерифов "Лезги газетдин" редакциядихъ галаз сих алакъаяр хуьзвай авторрикай сад тир. Адан макъалаяр мукьвал-мукьвал газетдин чинрал акъатзавай.

🤝"Лезги газетдин" редакциядин коллективди Гьажиагъа Мегьамедшерифов рагьметдиз финихъ галаз алакъалу яз, адан хизанриз, вири мукьва-кьилийриз башсагълугъвал гузва.

🗡Кьурагь райондин КIирийрин хуьр.

📺Видео: @dalgat_kiri

❓"Квез чидани?" рубрикадай

🐦КуьтIкуьруьтI

Хур вили и нуькI гьашаратар недай къушарикай я: адан емдин асул пай вирт кIватIдай чIижер я. И нуькIрез куьтIкуьруьтI ва я чIижер недай нуькI (пчелоедка) лугьузва.

ШуькIуь, амма са кьадарда яргъи­ кIуф алай куьтIкуьруьтIар асул гьисабдай Аф­рикадин тропикра яшамиш жезва­. ГьакIни абур Европадин кьиблепата­, Ма­дагаскарда, Азияда, Австралияда,­ ЦIийи Гвинеяда гьалтзава. КуьтIкуьруьтIрин бязи жуьреяр санай масаниз куьч жедайбур я. Пешекаррин гафаралди, чIи­жерхъанвилиз зиян гузвай и къушарин къизилдин ва къацу рангунин жуьреяр Россиядин мулкарани ава.

✔️Бязи маса делиларни ава.

🟢И къушрал урус чIала «щурка» тIвар акьалтун ада акъудзавай шуьр-шуьр-р сесерихъ галаз алакъалу я.

🟢КуьтIкуьруьтIриз ялгъузвал кIандач, абур лужаралди яшамиш жеда.

🟢Абур датIана гьерекатдик ква.

🟢КуьтIкуьруьтIри тIуьниз анжах гьашаратар ишлемишзава.

🟢Гьатай чIижер ва маса гьашаратар туькьуьндайла, абуру кIас тавун патал  куьтIкуьруьтIди сифте нубатда гъуьрч кIеви чкадал элязава ва кIускIусзава.

🟢И къушар чимивал кIандайбур я. Эгер +10 градусдилай агъуз гьава аваз хьайитIа, абуру саки лув гудач.

🟢Мукар и къушари вацIарин къерехра, кIамара туькIуьрда.

🟢Вич ва шарагар тухарун патал куьтIкуьруьтIди гьар юкъуз 225 гьашарат кьван кьуна кIанзава.

🟢КуьтIкуьруьтIар тIебиатда 5-6 йисуз яшамиш жезва. Еке куьтIкуьруьтIдин бедендин заланвал 50-56 граммдикай ибарат жеда.

📚Махачкъалада ЧIехи Гъалибвилин 80 йисаз талукьарнавай ктабдин презентация кьиле фена

https://t.me/daginform05/76

✍️Арзаяр кьабулзава

1-апрелдилай инвалид аялар ва I груп­падин инвалидар яшамиш жедай кIва­­ле­ралди таъминарунин гьакъиндай ар­за­яр кьабулзава. РД-дин Гьукуматдин 2019-йисан 22-майдин 112-нумрадин къарарда къалурнавай­вал, государстводин куьмекдин прог­раммадин макьсад яшайишдин шартIар хъсанарунин игьтияж авай, чпин мумкинвилерал сергьят алай агьалийриз яша­йишдин къулайвилер арадал гъун я.

📥Госпрограммадай пулунин такьатар своддин сиягьда авай ватандашриз гузва. МФЦ-да арза вугудайла, ихьтин документар чарасуз я:

🔷арзачидин ва адан хизанэгьлийрин паспортар (14 йисан яшдив агакь тавунвай аялрин шагьадатнамаяр);

🔷эвленмиш хьайивилин ва я чара хьайивилин гьакъиндай къарар;

🔷МСЭ-дин (медико-социальный экспертиза) справка;

🔷хсуси такьатар къалурнавай лицевой счетдай выписка;

🔷ипотекадин кредит гуз хьунин мумкинвал авайвилин гьакъиндай банкунин къарардай выписка;

🔷дидевилин капиталдин сертификат;

🔷субсидия къачудайбурун учетда эцигнавайвилин гьакъиндай админист­рациядай къарар (справка).

МФЦ-дин пешекарри хабар гайивал, субсидия къачудайдан хсуси такьатар 750 агъзур манатдилай тIимил хьун лазим я.

☎️И къуллугъ пулсуздаказ кьилиз акъудзава. Эгер суалар аватIа, МФЦ-дин идарадиз зенгиз жеда.

РикIел гъун

Тежедай кар туш…
 
(..) Динда авай гьар са затI инсандивай ялиз жедай шей я. Хиджабни гьакI я: дишегьлидивай ам алукIиз жезвай затI я, яни ам адавай кьилиз акъудиз жезвай кар я. Мусурман итимди вичин мукьва дишегьлидив хиджаб алукIун залан кар туширди агакьарун лазим я. Яни дишегьлидин вилерай ам залан кар яз аквазватIани, ам ахьтин залан кар туширдан гъавурда туна кIанда. КапI ийиз эгечIдалди чазни ам залан аквазвай кьван. «Вахт жагъидайди яни? Залай алакьдайди яни? Экуьнахъ къарагъиз жедани?» Гьикьван суалри чун яргъа ийизвай кпIунивай?!  Гила, Аллагьдин регьимдалди, вири а крар ийиз алакьзва кьван, шукур хьурай Аллагьдиз. «Рамазандин сагъ са вацра сив хуьз жедайди яни?» - лугьудай са бязибуру. Амма гила абуру хуьзва кьван сагъ са вацра сивер. Инсан Аллагьди халкьнава ва инсан патал вуч – хъсан, вуч пис ятIа, тек са Аллагьдиз чизва. Динда ая лагьанвай гьар са затI ам инсандиз хъсанвал хьун патал ая лагьанвайди я. Динда гьарамарнавай гьар са затI, ам инсандиз писвал гъизвай затI тирвиляй гьарамарнавайди я. (…)

Гьасамудин Сефибегов, «Жуьмя йикъан вязер» ктабдай, «Хиджаб алукIуникай» хутба, 266-чин.

🔈Росреестрдин малумат

📍Росреестрди чилин участокрихъ галаз алакъалу икьраррин алай йисан 1-мартдилай къуватда гьатнавай цIийи къайдадикай малуматар гана.

Эгер ЕГРН-да чилин участокдин час­парар алай чкайрикай малуматар авач­тIа, ам регистрация авунин крар тамамариз жедач. ГьакIни часпарар тайинар тавунвай участок кадастрдин учетда эцигиз ва я юзан тийидай объектдин ихтиярар тестикьариз жедач.

❗️ЦIийи къайдади чилин участокрин цIийи сагьибрин ихтияррин заминвал таъ­минарзава, абур мумкин тир четин месэлайрикай хуьзва.

Къейдзавайвал, ЕГРН-да чилин учас­токдин часпарар аваз хьун ва я тахьун Росреестрдин кадастрдин ачух картадай ахтармишиз жеда. Идалайни гъейри, ­часпарар алай чкайрикай ЕГРН-дин выпискада малуматар къалурзава. ТIвар кьунвай выписка МФЦ-дай ва я «Госкъуллугъар» порталдин куьмекдалди къачуз жеда.

Ахцегь ва Кьурагь районра санлай къачурла 12 хуьруьз гьелелиг эквер хганвач.

Къейд ийин хьи, и йикъара къати марфар, живер къуникди, гарар акъатуникди респубилкадин са шумуд райондин хуьрер экв авачиз амукьна...

https://t.me/agiprd/24055?single

Дагъустанда Гъалибвилин 80 йисан сергьятра аваз кьиле тухузвай "Георгиевская ленточка" серенжем гатIуннава

https://t.me/agiprd/24050

"Квез чидани?" рубрикадай

КуьтIкуьруьтI

Хур вили и нуькI гьашаратар недай къушарикай я: адан емдин асул пай вирт кIватIдай чIижер я. И нуькIрез куьтIкуьруьтI ва я чIижер недай нуькI (пчелоедка) лугьузва.

ШуькIуь, амма са кьадарда яргъи­ кIуф алай куьтIкуьруьтIар асул гьисабдай Аф­рикадин тропикра яшамиш жезва­. ГьакIни абур Европадин кьиблепата­, Ма­дагаскарда, Азияда, Австралияда,­ ЦIийи Гвинеяда гьалтзава. КуьтIкуьруьтIрин бязи жуьреяр санай масаниз куьч жедайбур я. Пешекаррин гафаралди, чIи­жерхъанвилиз зиян гузвай и къушарин къизилдин ва къацу рангунин жуьреяр Россиядин мулкарани ава.


Бязи маса делиларни ава.

И къушрал урус чIала «щурка» тIвар акьалтун ада акъудзавай шуьр-шуьр-р сесерихъ галаз алакъалу я.

КуьтIкуьруьтIриз ялгъузвал кIандач, абур лужаралди яшамиш жеда.

Абур датIана гьерекатдик ква.

КуьтIкуьруьтIри тIуьниз анжах гьашаратар ишлемишзава.

Гьатай чIижер ва маса гьашаратар туькьуьндайла, абуру кIас тавун патал  куьтIкуьруьтIди сифте нубатда гъуьрч кIеви чкадал элязава ва кIускIусзава.

И къушар чимивал кIандайбур я. Эгер +10 градусдилай агъуз гьава аваз хьайитIа, абуру саки лув гудач.

Мукар и къушари вацIарин къерехра, кIамара туькIуьрда.

Вич ва шарагар тухарун патал куьтIкуьруьтIди гьар юкъуз 225 гьашарат кьван кьуна кIанзава.

КуьтIкуьруьтIар тIебиатда 5-6 йисуз яшамиш жезва. Еке куьтIкуьруьтIдин бедендин заланвал 50-56 граммдикай ибарат жеда.

Мубаракрай!

Дагъустандин Халкьдин Собранидин 30 йис тамам хьуниз талукьарна, Махачкъалада кьиле фейи шадвилин мярекатдин сергьятра аваз, РД-дин Кьил Сергей Меликова Халкьдин Собранидин са шумуд векилдив гьукуматдин шабагьар вахкана. Шад жедай кар ам я хьи, абурун арада чи кьегьал ватанэгьли, РД-дин Халкьдин Соб­ранидин милли сиясатдин, жемиятдинни диндин тешкилатрин месэлайрин­, парламентрин арада алакъайрин рекьяй Комитетдин председатель Фирудин Жамирзеевич Ражабовни ава. С. Меликован Указдалди адаз «Баркаллу зегьметдай» («За доблестный труд») медаль ганва.

Ф.Ж. Ражабова республикадин парламентда кIвалахиз гзаф йисар я. Халкьдин Собранидин депутат яз, ада жуьреба-жуьре къуллугърал кIвалахна, халкьдин, кьилди къачуртIа, вичин хайиди тир Докъузпара райондин жемятдин кар алай месэлаяр гьялуник вичин пайни кутуна.

Эхиримжи йисара Ф.Ж.Ражабова РД-дин Халкьдин Собранидин милли сиясатдин, жемиятдинни диндин тешкилатрин месэлайрин, парламентрин арада ала­къай­рин рекьяй Комитетдин председатель яз кIвалахзава. Комитетдин кьиле ам акъвазайдалай кьулухъ адан кIвалах аквадайвал вилик фенва. И кардин гьакъиндай Комитетди тешкилзавай мярекатри, кьабулзавай серенжемри шагьидвалзава. Фирудин Жамирзеевичан кIвалахдизни чIехи дережада къимет гуни и кар нубатдин сеферда тестикьарзава.

«Лезги газетдин» редакциядин коллективди Фирудин Жамирзеевичаз нубатдин агалкьун рикIин сидкьидай мубаракзава ва адахъ чандин сагъвал, кIвалахда мадни еке кукIушар муьтIуьгъардай къас­тарни къуватар хьун алхишзава.

"Доблесть гор" программада иштиракзавайбурун фикирдиз!

https://t.me/agiprd/24044

26-апрелдиз Дагъустанда республикадин дережада аваз субботник (михьивилер ийидай югъ) кьиле фида

https://t.me/pravitelstvord/27321?single

ЧIехи Гъалибвилин- 80 йис

ЧIехи Гъалибвилин сувар яргъал алач. 9-майдиз вири уьлкведи санал Гъалибвилин 80 йис тамам хьун къейдда.

Лишанлу и вакъиадиз Дагъустандин хейлин районра гиламаз гьазурвилер аквазва. Абурун арада Мегьарамдхуьруьн районни ава.

Муниципалитетдин хуьрерин куьчейра, дараматрин цларал, жугъунрал Гъалибвилин сувариз талукьарнавай яржар - пайдахар, баннерар, плакатар алкIурзава.

Шикилар: Мегьарамдхуьруьн райондин администрациядин ТГ-каналдинбур

❗️Дагъустанда гьар йисуз кьиле тухузвай “Рекьин тийир полк” серенжемда са шумуд агъзур дагъустанвиди иштиракзава.

Идакай “ТАСС Кавказ” центрада кьиле фейи пресс-конференциядал Рашид Акавова хабар гана.

https://t.me/riadagestan/41943

СВО-дин кьегьалар

Мегьарамдхуьруьн райондай тир Назим Гьамзатоваз РФ-дин Президент Владимир Путинан Указдалди, "За отвагу" ("Дирибашвиляй") медаль ганва.

Къейд ийин хьи, Н.Гьамзатова Украинада кьиле физвай махсус серенжемда иштиракзава. Гьукуматдин шабагьни адаз СВО-да къалурнавай викIегьвилерай ганва.

❗️ЧIехи Гъалибвилин 80 йисан сергьятра аваз Дагъустанда хейлин мярекатар кьиле фида.

Р. Акавова хабар гайивал, абурун жергеда виридаайни кьилинди Каспийск шегьерда кьиле фидай Гъалибвилин парад я.

Шикил: “Дагъустан” РИА-дин ТГ-каналдинди

Рашид Акавова Пятигорск шегьерда кьиле физвай пресс-конференциядал хабар гайивал, цIи Дагъустанда 4-сеферда "Гъалибвилин тIаратI" лишандик квай чIехи серенжем кьиле фида.

Къейд ийин хьи, и серенжем РД-дин Кьил Сергей Меликован регьбервилик кваз кьиле физва ва ана агъзурралди дагъустанвийри иштиракзава.

Гегьеншдиз "Дагъустан" РИА-дин ТГ-каналдай кIелиз жеда.

Пятигорск шегьерда авай Региондин информациядин "ТАСС Кавказ" центрада и декьикьайра СКФО-дин регионра Гъалибвилин сувар къейд авунин месэлайриз талукьарнавай мярекат кьиле физва.

Ана РД-дин кьилин ва Гьукуматдин Администрациядин руководителдин заместитель, РД-дин Кьилин пресс-къуллугъдин начальник Рашид Акавовани иштиракзава.

Гъалибвилин суварин сергьятра аваз Дагъустанда тешкилдай мярекатрикай ихтилатда.

Пресс-конференциядикай гегьеншдиз "Дагъустан" РИА-дин ТГ-каналдай кIелиз жеда.

Дагъустандин яшайишдин рекьяй кьилин инспектор Сергей Касьянов СтIал Сулейманан райондиз мугьман хьана

https://t.me/infostal/19353?single

Къати марфар, живер къунин, гарар акъатунин нетижада Рутул, Ахцегь ва Докъузпара районрин мулкара санлай къачурла 100-дав агакьна токдин симер фенвай шалманар аватнава.

Махсус къуллугърин пешекарри абур къайдадиз хкун патал кIвалахар давамарзава.

Шикилар: Ахцегь райондин администрациядин ТГ-каналдинбур

Дагъустандин энергетикри Ахцегь райондин хуьрериз экв хгун патал кIвалахар давамарзава!

https://t.me/pressa_akhty/16086?single

Накь, 23-апрелдиз, "Малая Родина - сила России" форумдин эхиримжи югъ тир. И чIехи мярекатда, асул гьисабдай, муниципалитетрин гьукумдиз талукь месэлаяр веревирдна.

Къейд ийин хьи, форумда Дагъустандин делегациядини иштиракна. Делегациядин векилрин арада Кьиблепатан Дагъустандин районрин кьилерни авай. Кьилди къачуртIа- Докъузпара райондин кьил Мегьамед Шамилов.

Форумда кьиле тухвай кIвалахдикай гегьеншдиз Докъузпара райондин ТГ-каналдай кIелиз жеда.

ЧIехи Гъалибвилин - 80 йис

Эминхуьруьн ктабханада Ватандин ЧIехи дяведа Гъалибвал къачурдалай инихъ 80 йис тамам хьуниз талукьарнавай мярекат кьиле фена. Ам ктабханадин заведующий Алла Буржалиевади тешкилнавай.

Мярекатдиз СтIал Сулейманан райондин ветеранрин советдин председатель Ислеман Ризаеваз, РФ-дин писателрин Союздин член Хазран Кьасумоваз, Етим Эминан тIварцIихъ галай музейдин директор Гьайбатуллагь Манатиловаз ва масабуруз теклифнавай.

Мярекатдикай гегьеншдиз "Лезги газетдин" сайтдай кIелиз жеда.

🗡Ахцегь райондин Фиярин хуьре.

📸Шикилар «Ахцегь район» кIватIалдай къачунва.

☑️ Чирвилер гудай плакатар

«Лезги газетдин» редакцияди «Хайи чIал хуьн» проектдин сергьятра аваз Алкьвадар Гьасанан тIварцIихъ галай марифатдинни медениятдин макандин куьмекдалди лезги чIалан кабинетар патал махсус плакатар гьазурнава. (90×59 см)

ЧIалан жуьреба-жуьре хилериз талукь цлал алкIурдай плакатар эхиримжи вахтара мектебра кьит хьанвай. И кар фикирда кьуналди, чIалан къайдайрикай чирвилер гудай, герек малуматар алай жуьреба-жуьре плакатар (комплектда 20 жуьредин плакат ава) акъудун важиблу кар я.

Плакатар «Лезги газетдин» редакциядай маса гузва. Са плакатдин къимет 250 манат я (са комплектдин къимет – 5 агъзур манат).

📱Алакъадин нумраяр: 8928-560-26-17; 8928-584-16-72

РикIел гъун!

Виридалайни хъсанбур…

Аллагьдин Расулди (къуй Аллагьдин патай салават ва саламар хьурай вичиз) кIвалин эгьлийрихъ хъсанвилелди гелкъуьн (хъсанвал авун) веси авунвай (мана): “Виридалайни хъсанбур квекай куь хизанриз хъсанбур я, ва зун квекай виридалайни хъсанди я зи хизандиз” (Тирмизий).

«Исламдин эдебар, ахлакьар ва дуьаяр» ктаб, 32-чин, диндин алим Ямин Мегьамедов.

20-апрелдиз Дагъустандин мектебрин 10-классра кlелзавайбурун арада Эминхуьре кьиле фейи гегьенш олимпиададин тапшуругърай суалар.
🟥 Ачух [у] – [а] – [и] сесерин нубатар гьи гафуниз хас я?

А) чухун
Б) юзун
В) чукIун
Г) къарсун

🟥 Яб акалзавайдаз ва я кIелзавайдаз артух эсер авун патал, метлеб ачухдиз, гуьрчегдиз, шикиллудаказ къалурун патал са затIунин крар, хесетар ва лишанар маса затIунин ва я инсандин кIвачихъ гилигдай гафариз вуч лугьуда?

А) гекъигунар
Б) метафораяр
В) цезураяр
Г) эпитетар

⤵️ ЖАВАБАР КХЬИХЬ ⤵️

📰Виликдай Дагъустанда кIелзавайбурал газетар гьикI агакьарзавай?

https://t.me/daginform05/74

📰«Лезги газетдин» 2025-йисан 16-нумра чапдиз вахканва. Пака, муькуь юкъуз ам кIелдайбурув агакьда.

❗️ЦIийи нумра Дербентда «Лезги гъед» лишандик кваз кьиле фейи мярекатдикай гьазурнавай макъаладилай гатIунзава.

🗞ЦIийи нумрадай гьакIни кIелиз жеда:

✔️Сергей Меликова Фирудин Раджабовав «Баркаллу зегьметдай» медаль вахкана;

✔️Докъузпара районда СВО-дин иштиракчийрин хизанриз кьетIен фикир гузва;

✔️СтIал Сулейманан районда СВО-да телеф хьайи кьегьалрин экуь къамат эбеди авуна;

✔️СтIал Сулейманан райондай тир Балахалум Абасовадин 100 йис тмам жезва;

✔️Махачкъалада РД-дин Халкьдин Собранидин 30 йисан юбилей къейдна;

✔️Нариман Гъазалиеван къени крарин рекьер;

✔️Муькъвер – Ахцегьрин лишанар;

✔️И нумрада аялар патал гьазурнавай «Чубарук» чинни гьатнава.

✔️Эдебиятдин чина шаир Майил Эфендиеван эсерар ганва;

✔️Эминхуьре лезги чIалай олимпиада ва лезги чIалан муаллимрин конкурс кьиле фена;

✔️Тапан шаирар чик вез я? Мансур Куьревидин макъаладин пуд лагьай пай;

✔️Мегьарамдхуьруьн районда «Лекидин Кубок» лишандик кваз дзюдодай акъажунар кьиле фена;

✔️«Лезги газетдин» редакцияда Ислам диндай кьиле тухвай конкурсдин гъалибчийрив шабагьар вахкана.

Дагъустан ЧIехи Гъалибвилин 80 йисан юбилей къейд авуниз гьазур жезва

https://t.me/agiprd/24007

ЧIехи Гъалибвилин 80 йисан сергьятрааваз, "Бессмертный полк Россия онлайн" серенжем кьиле фида

https://t.me/agiprd/24016