❗️2025 йилнинг дастлабки 3 ойида йўл-транспорт ҳодисалари учун 891 киши судланди, шундан 173 нафарга озодликдан маҳрум қилиш жазоси тайинланди. Қолган 718 нафар эса озодликдан маҳрум қилинмасдан жазоланди.

2024 йил давомида эса 3 321 киши судланиб, 917 нафари қамалган, 2 404 нафарига енгилроқ жазо тайинланган.

👉 @r_kusherbayev

Сенат Туркияда: парламент раҳбарлари нималарни муҳокама қилишди?

Сенат раиси Танзила Нарбаева бошчилигидаги Ўзбекистон делегацияси Туркия Буюк Миллат Мажлиси раиси Нуман Куртулмушнинг таклифига биноан Анқарага ташриф буюрди. Ташриф доирасида парламентлараро ҳамкорлик масалалари юзасидан учрашувлар ўтказилди.

Учрашувлар якунида ҳамкорлик баённомаси имзоланди. Бу энди сиёсатдагина эмас, балки маданият, таълим, спорт ва бизнесдаги ҳамкорликка ҳам йўл очади.

Шунингдек, Танзила Нарбаева Туркия Республикаси Оила ва ижтимоий хизматлар вазири билан учрашиб, аёллар тадбиркорлигини қўллаб-қувватлаш ва ижтимоий хизматлар сифатини ошириш бўйича қўшма режаларни муҳокама қилди.

👉 @r_kusherbayev

❗️"Чашма" – икки халқнинг умумий бойлиги

24 апрель куни Тошкентда Ўзбекистон ва Қирғизистон ҳукумат делегациялари ўртасида чегара масалалари бўйича йиғилиш ўтказилди. Йиғилишда икки давлат ўртасидаги охирги тартибга солинмаган чегара участкасини белгилаш ва “Чашма” булоғидан биргаликда фойдаланиш шартлари муҳокама қилинди.

Томонлар “Чашма” булоғини икки халқнинг умумий бойлиги сифатида эътироф этиб, ўзбекистонлик фуқароларнинг булоқдан тўсиқсиз фойдаланиши, ўзбек томони учун учдан икки қисмдан фойдаланиш ва ҳар қандай таъсирни келишиб амалга оширишга келишиб олди.

Шунингдек, икки давлат дўстлик ва яхши қўшничилик руҳида булоқдан фойдаланишга тўсқинлик қилмасликка ва тез фурсатда расмий битимни имзолашга келишди.

👉 @r_kusherbayev

Namanganda talabalar turar joyida dush va hojatxonadan mahrum ekanidan shikoyat qilmoqda.

❗️Март ойида тўпланган кешбек суммалари тасдиқланди.

Солиқ ҳисоботлари тўғри топширилган ва қарздорлик камайтирилган ҳолда, суммалар автоматик тарзда тасдиқланади. Ойлик 22,5 млн сўмгача бўлган харидлар учун 1% кешбек (225 минг сўм) олиш мумкин.

👉 @r_kusherbayev

❗️Янги боғ ва узумзорлар барпо этувчиларга 18% ставкада 7 йиллик кредит берилади, шундан 3 йили имтиёзли.

Кредит босқичма-босқич: ер тайёрлаш (10%), кўчат ва экиш (40%), суғориш тизими (30%) ва парвариш (20%) учун ажратилади. 1 гектарга энг кўпи билан БҲМнинг 500 бараварича кредит берилади.

Низом 2025 йил 23 апрелда тасдиқланган.

👉 @r_kusherbayev

❗️ИИБ бошлиғи ўринбосари катта миқдорда пора билан қўлга олинган

Кеча, 24 апрель куни Андижон вилояти Қўрғонтепа туман ИИБ бошлиғи ўринбосари Н.Қ икки нафар фуқарони ИИБ тизимига ишга олиб киритиб қўйиш учун 10 000 АҚШ доллари олаётганда қўлга тушган.

Ҳозирча ҳолат бўйича расмий изоҳ берилмаган.

👉 @r_kusherbayev

❗️Дубайда пичоқбозлик: 15 ўзбекистонлик қўлга олинди

Ўзбекистонликлар БААда жиноят содир этиши кўпайгани сабабли визасиз режим бекор қилиниши мумкин!

24 апрель куни Дубайда ўзбекистонликлар ўртасида пичоқбозлик содир бўлди. Ташқи ишлар вазирлиги маълумотича, 15 нафар фуқаро ушланган. Тергов ишлари олиб борилмоқда. БАА томони бундай ҳолатлар визасиз режимга салбий таъсир кўрсатиши мумкинлигини билдирган.

ТИВ фуқароларни хорижда ўзини оқилона тутишга чақирди.

👉 @r_kusherbayev

Ҳазилми бу?

👉 @r_kusherbayev

❗️Самарқандда Lacetti ҳайдовчиси пиёдалар ўтиш йўлагидан ўтаётган 10 га яқин кишини, жумладан, бир нечта болани уриб юборди. ЙТҲ оқибатида бир киши ҳалок бўлди, бир қанча киши жароҳатланди.

Вафот этган аёлнинг 3 нафар фарзанди онасиз қолган.

Самарқанд вилояти ИИБнинг хабар қилишича, ЙТҲ 11 апрель куни соат 20:00 да «Рудакий» кўчасида 28 ёшли ҳайдовчи томонидан содир этилган. Ҳозирда унга «қамоққа олиш» тарзидаги эҳтиёт чораси қўлланган.

Ҳайдовчига нисбатан Жиноят кодексининг 266-моддаси 2-қисми (Транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлимига сабаб бўлиши) билан жиноят иши қўзғатилган. Ҳозирда дастлабки тергов ҳаракатлари олиб борилмоқда

👉 @r_kusherbayev

❗️“Дубай шоколади” инсон саломатлиги учун хавфли бактериялар аниқланди

Тошкентдаги бозорларда сотилаётган Fix Dessert Chocolatier бренди остидаги шоколадда лаборатория текширувлари натижасида қуйидаги хавфли бактериялар аниқланди:
➖ Ачитқи ва зарарли бактериялар (МАФАМ);
➖ Коли гуруҳи бактериялари (БГКП);
➖ Салмонелла.

Бу бактериялар инсон саломатлигига жиддий зарар етказиши, хусусан аллергия ва бошқа касалликларни келтириб чиқариши мумкин.

Инспекция шоколадни бозордан олиш чораларини кўрмоқда.

👉 @r_kusherbayev

«Россиядан ўрганадиган ҳеч нарса йўқ»

Баҳодир Ғаниев собиқ “Камолот” раҳбари бўлган пайтда Россиянинг ёшлар ташкилоти (“Союз Молодежи”) уларга ҳамкорлик таклиф қилиб, учрашишни сўраган. Бу таклифга қандай жавоб беришни билмасдан, улар Президент девонидан маслаҳат олишган.

Шунда Президент Ислом Каримов шундай деган: “Россиядан ўрганадиган ҳеч нарса йўқ. Агар керак бўлса, ўша ташкилотнинг раҳбари Ўзбекистонга келиб, биздан ўргансин.”

Манба

👉 @r_kusherbayev

Хавфсизлик хизматлари раҳбарлари бир жойда - Тошкентда

Тошкентда Марказий Осиё давлатлари махсус хизматлари раҳбарларининг биринчи учрашуви бўлиб ўтди.

Тадбирда иштирокчиларга Ўзбекистон Президенти Шавкат Мирзиёевнинг мурожаати ўқиб эшиттирилди.

Учрашувда асосий эътибор минтақа мамлакатлари хавфсизлигига замонавий таҳдидлар ва хатарларга баҳо беришнинг ягона ёндашувини ишлаб чиқиш, уларни бартараф этишда махсус хизматлар ўртасида ҳамкорликни ошириш масалаларига қаратилди.

Томонлар минтақавий хавфсизлик, терроризм, экстремизм, ноқонуний наркотик ва қурол-яроқ айланмасига қарши курашиш, трансмиллий жиноятчилик, ахборот ва киберхавфсизликни таъминлаш соҳаларидаги ҳамкорлик йўналишларини муҳокама қилдилар.

👉 @r_kusherbayev

#Хайрия

Навоийлик 2 ёшли Саъдияхон Исаковага ёрдам кераклиги ҳақида пост чиқаргандик.

Судурги касалига чалинган қизалоқни отаси онасидан ажрашгач алимент тўламай, чет элга кетиб қолган. Онаси эса ишлай олмайди.

Яқинда йиғилган пулга Саъдияхон Навоийда даволанди. Аммо натижалар кўнгилдагидек бўлмади. Шу сабабли онаси муолажани Тошкентда давом эттирмоқчи.

Кимда ким Саъдияхоннинг даволаниши учун хайрия қилишни истаса, барча маблағларни онаси Зумрад Исакова номидаги ушбу пластик карталарга ўтказиб бериши мумкин.

HUMO: 9860 0824 9457 8568
UZCARD: 5614 6868 3672 7639
UZCARD: 5614 6848 9444 8743
UZCARD: 8600 3141 4740 5817

Боғланиш учун тел.: +998919905660

❗️«Танзиландия» номли хусусий боғча ёпиладиган бўлди

Яқинда Тошкент шаҳрининг Мирзо Улуғбек туманида жойлашган «Танзиландия» номли хусусий боғчада болалар мунтазам равишда калтаклаб келингани ҳақида хабар тарқалганди.

Мактабгача ва мактаб таълими вазирлиги текширув ўтказиб, қўпол камчиликлар учун боғчанинг лицензиясини бекор қилиш мақсадида судга мурожаат қилди. Вазирлик судда ютди, боғча эса апелляция киритди ва бунда ҳам ютқазган.

Давлат реестрига кўра, «Танзиландия» («YUKSALISH CONSTRUCTION» НТМ)нинг уч нафар таъсисчиси бор: Кудбиева Максуда Муталиповна (66%), Каршиева Мухиба Исроиловна (27%), Турсунова Дилрабо Давлатбой қизи (7%).

Бу ишдан сўнг судда ютган вазирлик ва солиқчилар ўртасида муаммолар пайдо бўлмаса бўлди...

👉 @r_kusherbayev

Халқаро IT соҳасидаги қизлар куни билан!

Бугун Саида Мирзиёева технологиялар оламида ўз ўрнини топаётган, билимга чанқоқ ва орзуларига содиқ бўлган барча қизларни табриклади:

“Бугун қизларимиз ИТ соҳасида нафақат иштирокчи, балки етакчи, ғоя муаллифи ва илҳом манбаи сифатида майдонга чиқмоқда. Сиз яратган ҳар бир алгоритм, ҳар бир лойиҳа — бу келажак учун қўйилган мустаҳкам пойдевордир.”

Қизларимизга шундай жасорат, фидойилик ва истеъдод учун ташаккур! Технологиялар орқали орзулар сари дадил қадам ташланг.

Келажак — сизнинг қўлингизда!

👉 @r_kusherbayev

❗️“Экологик патруль” қўшма бўлинмаси ташкил этилади

Тошкент шаҳрида атмосфера ҳавосини ифлосланишидан ҳимоя қилиш ва экологик ҳуқуқбузарликларга қарши курашиш мақсадида “Экологик патруль” номли қўшма бўлинма ташкил этилади.

Бу бўлинма синов-тажриба тариқасида ишга туширилиб, Ички ишлар вазирлиги ҳамда Экология, атроф-муҳитни муҳофаза қилиш ва иқлим ўзгариши вазирлиги ҳамкорлигида фаолият юритади.

2025 йил 1 майга қадар, ушбу бўлинмада 100 нафар штат бирлиги шакллантирилиши кутилмоқда.

Бўлинма фаолиятига қуйидагилар киради:
➖ Атроф-муҳит ва ҳаво ифлосланиши ҳолатларини аниқлаш;
➖ Ҳуқуқбузарликларни расмийлаштириш ва профилактика чоралари;
➖ Экологик тартиб-интизомни таъминлаш.

@r_kusherbayev

❗️Фуқароларни ноқонуний “Ҳаж” ва “Умра” зиёратига юбориш ҳолатларига чек қўйилди.

ДХХ ва Бош прокуратура ҳамкорлигида ўтказилган тадбирларда:
➖ Тошкент вилоятида — ҳажга юбориш ваъдаси билан 2 минг доллар олган шахс ушланган;
➖ Фарғонада — 4 нафар фуқарони умрага юбориш учун 4200 доллар олган туристик фирма раҳбари қўлга олинган;
➖ Сирдарёда — 3 нафар учун 3450 доллар талаб қилган шахс ашёвий далиллар билан ушланган;
➖ Қашқадарёда — умрага юбориш баҳонасида 10 млн сўм олган авиакасса ходимига нисбатан жиноят иши қўзғатилган.

Барча ҳолатлар бўйича тергов ҳаракатлари давом этмоқда.

👉 @r_kusherbayev

❗️Энди янги автотранспортни онлайн рўйхатдан ўтказиш мумкин

Бугундан my.gov.uz орқали автомобилни рўйхатдан ўтказиш учун онлайн ариза бериш имкони синов тариқасида йўлга қўйилди.

Ҳозирча фақат Тошкент шаҳридаги "Файзобод" РЎ ва ИО бўлимида синовдан ўтказилмоқда. Муваффақиятли бўлса, бошқа ҳудудларда ҳам жорий этилади.

Ариза беришда икки усулдан бири танланади:
➖ РЎ ва ИО бўлимига бориш орқали;
➖ Сайёр хизмат — ЙҲХХ ходими уйингизга келади (қўшимча тўлов асосида).
➖ Тўловлар (БҲМ асосида):
➖ Рўйхатдан ўтказиш: 6.84 баробар;
➖ Давлат рақами: 3.5 баробар;
➖ Техпаспорт: 0.7 баробар;
➖ Техник кўрик: 0.1 баробар.
➖ Сайёр хизмат (10 км.гача):
1 кунда: 4 баробар;
3 кунда: 3 баробар;
5 кунда: 2 баробар;
10 км.дан ортиқ — ҳар км. учун 0.05 баробар қўшилади.

Ариза бергандан сўнг, тўлов қилинса, Файзобод РЎ ва ИОга бориб, белгиланган рақамни айтасиз, кўрик ўтказилади ва сизга рақам ҳамда "техпаспорт" берилади.

👉 @r_kusherbayev

Формани еч жўра, шунчаки йўқол,
Сен бу пок либосга лойиқ эмассан!

Ички ишлар органларини обрўсизлантириб хизматдан шармандаларча бўшатилаётган инсонларга бағишланади.

👉 @r_kusherbayev

Беринг

❗️Олий суд: 108 нафар шахс оқланди ва реабилитация қилинди

Жорий йилнинг биринчи чорагида 108 нафар фуқаро оқланиб, реабилитация қилинди.

Шу билан бирга, 2 042 нафар шахс суд залида қамоқдан озод қилинган, 3 765 нафар шахсга нисбатан эса асоссиз айбловлар чиқариб ташланган ёки қайта малакаланган.
Маълумотни Олий суд матбуот хизмати маълум қилди.

👉 @r_kusherbayev

❗️Москва бош майдонига ўзбекча ҳам ёзилса, кейин ўйлаб кўришимиз мумкин

"Ўзбек халқи тилни мажбурият эмас, имконият деб танлайди.
Хориж тилини сунъий тарғиб қилиш муҳаббат эмас, қарши муносабат уйғотади. Қолаверса, ҳурмат талаб қилинмайди - у сингади.

Москва бош майдонига ўзбекча ҳам ёзилса, кейин ўйлаб кўришимиз мумкин." - деб ёзмоқда Oлий Мажлис депутати Одилжон Тожиев саҳифасида.

👉 @r_kusherbayev

❗️Яна бир бола йўлда ҳалок бўлди

Бугун тонгда Янгийўл тумани “Саид ота” маҳалласи ҳудудида юз берган ЙТҲда, далага мол олиб кетаётган болани HOVO юк машинаси босиб кетиши оқибатида бола вафот этган.

Ҳолат юзасидан расмий маълумот берилмаган.

Манба

👉 @r_kusherbayev

Рақобатсиз савдолар давлат маблағини эркин сарфлаш дегани эмас

Олий Мажлис Қонунчилик палатасининг Бюджет ва иқтисодий масалалар қўмитаси томонидан давлат харидларида коррупциянинг олдини олишга қаратилган эшитув ташкил этилди. Унда Ҳисоб палатаси, Иқтисодиёт ва молия вазирлиги, Рақобат қўмитаси мутасаддилари иштирок этди.

Сўнгги йилларда давлат харидлари соҳасида рақобатни таъминлаш борасида бир қатор ислоҳотлар амалга оширилди. Лекин статистика шуни кўрсатяптики, ҳали ҳам харидларнинг ярмидан кўп қисми тўғридан тўғри шартномалар асосида амалга оширилаётган экан. Бу эса рақобат муҳитини сусайтириб, маблағларнинг самарасиз сарфланиши хавфини оширади.

Менимча, “тендер ўтказдик” деб қоғозда кўрсатиш, амалда эса таниш-билиш ёки бир ёқлама манфаатларга хизмат қилиш, давлат маблағларини халқ эҳтиёжидан узоқлаштиряпти. Айнан шунинг учун ҳам, рақобатсиз савдоларга барҳам бериш шунчаки бюрократик вазифа эмас — бу жамият ишончини сақлаб қолиш масаласи.

Ҳисоб палатаси аниқлаган 5,4 трлн сўмлик қоидабузарликлар давлат маблағларига нисбатан бўлган эҳтиёткорликни қайта кўриб чиқиш зарурлигини кўрсатади. Агар харидларда очиқлик таъминланмаса, коррупцияга қарши кураш декларатив гапдан бошқа нарса бўлиб қолмайди.

👉 @r_kusherbayev

❗️Тошкент педиатрия тиббиёт институти ва Тошкент давлат стоматология институти негизида Тошкент давлат тиббиёт университети ташкил этилади — Президент қарори

👉 @r_kusherbayev

❗️Ўзбекистонга ташриф буюрган Россия ташқи ишлар вазири Сергей Лавров Самарқанддаги “Мотамсаро она” ёдгорлигида рус тилидаги ёзув йўқлигига эътибор қаратди.

Ёдгорликдаги ҳалок бўлган аскарларга бағишланган сўзлар ўзбек ва инглиз тилларида ёзилган.
“Бу ерда инглиз тилида ёзув бор, лекин русчасини кўрмадим. Она — бу энг муқаддас зот”, деган Лавров экскурсоводга (ТАСС берган иқтибос). Ушбу суҳбат чоғида Ўзбекистон ташқи ишлар вазири Бахтиёр Саидов ҳам иштирок этган.

Россия Ташқи ишлар вазирлиги матбуот хизмати гуллар қўйиш маросимидан бир нечта суратларни эълон қилди. Суратларда Лавровга фахрий қоровул аскарлари ҳамроҳлик қилаётганини кўриш мумкин.

👉 @r_kusherbayev

❗️Ўзбекистонда биринчи марта ёмғир ёғдириш технологияси амалиётга жорий этилди.

Навоий вилоятининг Конимех туманида атмосферада булут ҳосил қилиб, сунъий ёмғир ёғдириш имконини берадиган инновацион лойиҳа татбиқ этилди. Бу қурғоқчилик ва сув танқислигига қарши самарали ечим сифатида кўрилмоқда.

👉 @r_kusherbayev

❗️Тармоқларда Гулнора Каримова қамоқдан озод этилгани ҳақида тарқалган хабарлар ҳақиқатга тўғри келмайди.

Олий суд матбуот котиби Азиз Обидов бу маълумотларни асоссиз деб рад этди.

👉 @r_kusherbayev

❗️Эндиликда таълим тили ўзбек тили бўлмаган мактаблар битирувчилари давлат тилидан имтиҳон топширади.

Вазир Ҳилола Умарованинг буйруғига кўра, бу фан якуний аттестацияда мажбурий фанлар қаторига киритилди.

👉 @r_kusherbayev

❗️Президент қарорига кўра, давлат иштирокидаги 29 та йирик корхонанинг акциялари халқаро бозорларда оммавий савдоларга чиқарилади.

Хусусийлаштириш режалаштирилган корхоналар қаторида:
➖ UzAuto Motors;
➖ UMS (Mobiuz);
➖ Uzbekistan GTL;
➖ Узбекинвест;
➖ Ўзметкомбинат;
➖ Навоийазот;
➖ Технопарк;
➖ Иссиқлик электр станциялари шулар жумласидан.

👉 @r_kusherbayev

❗️Меҳнат мигрантларига молиявий кўмак тартиби тасдиқланди

Ҳукумат қарорига кўра, меҳнат миграциясидаги фуқароларга субсидия ва кредитлар ажратилади. Энди:

➖Виза, йўл чиптаси, тил ва касб имтиҳонлари харажатлари давлат субсидияси ҳисобидан қопланади;
➖ Немис, инглиз, япон ва корейс тилларидан B1 даражада сертификат олган талабаларни кўп тайёрлаган 50 нафар ўқитувчига — 50 млн сўм берилади;
➖ Миграцияга кетувчиларга 10 млн сўмгача микрокредитлар ажратилади (2 йилга, юқори фоизда);
➖ “Хорижга ишга тайёрлаш маркази” ташкил этилади, “Ягона дарча” орқали хизматлар кўрсатилади;
➖ Арзон ва тартибли автобус қатнови йўлга қўйилади.

👉 @r_kusherbayev

❗️Машина ўғирлашда гумонланган судя қийноққа солингани айтилди, ИИВ эса рад этди

Ижтимоий тармоқларда Тошкентдаги кафелардан биридан маст ҳолда чиққан Миробод туман суди судяси Р.Р. машина ўғирлаганликда гумонланаётгани ҳақида хабар тарқалди. Унинг яқинлари судя Яшнобод туман ИИБда бир кун сақланганини ва қийноққа учраганини айтмоқда.

ИИВ эса бу маълумотни инкор қилиб, “тасдиғини топмаган” деб жавоб берди.

Манба

👉 @r_kusherbayev

❗️23 апрель — “Автомобилсиз кун” акцияси ўтказилади

Эртага Тошкент, Нукус ва барча вилоят марказларида “Автомобилсиз кун” акцияси бўлиб ўтади. Ушбу ташаббус соғлом турмуш тарзини тарғиб қилиш, атроф-муҳитни муҳофаза қилиш ва шаҳарларда транспорт оқимини камайтириш мақсадида амалга оширилмоқда.

Фуқароларга жамоат транспорти, велосипед ва пиёда ҳаракатланиш тавсия этилади.

👉 @r_kusherbayev

Demokratiyasiz yashayotgan DEMOKRAT.UZ

• So’z erkinligi

❗️Тўйларни тартибга солиш бўйича навбатдаги уриниш

Президент фармонига кўра, жорий йил август ойигача тўй, маърака ва маросимларни тартибга солиш бўйича парламент палаталари кенгашларининг қўшма қарори қабул қилиниши кутилмоқда.

Шу билан бирга, ҳашамат ва исрофгарчиликнинг олдини олиш мақсадида тарғибот ишлари ҳам кучайтирилади.

☝️Маълумот учун, парламент палаталари кенгашининг 2019 йил 14 сентябрдаги қўшма қарорига асосан Ўзбекистонда тўйлар ва маросимларни тартибга солиш бўйича низом қабул қилинган эди. Аммо бу низом талаблари амалда деярли ишламаяпти. Бу билан бирор масъул идоранинг ҳам иши йўқ.

Ишламайдиган ҳужжатни қайта қабул қилиш амалда нимани ўзгартиради, тушунарсиз.

👉 @r_kusherbayev

❗️Қозоғистонда ҳоким ўринбосари отиб кетилди

Маҳаллий манбаларига кўра, ҳоким ўринбосарига суиқасд қилинган ва унинг аҳволи оғир, лекин барқарор ҳолатда қолмоқда. Суиқасдда гумонланган шахс қўлга олинган.

Ҳодиса бўйича тергов ишлари олиб борилмоқда.

👉 @r_kusherbayev

Текширувлардан сўнг Тошкентдаги ресторанлар менюси ўзбек тилига таржима қилинди

Рақобат қўмитаси томонидан ижтимоий тармоқ ва бошқа ахборот ресурсларида республикада фаолият юритаётган умумий овқатланиш шохобчалари хизматлари давлат тили қолиб, бошқа тилларда кўрсатилаётганидан норозилик билдирилган мурожаатлар ўрганиб чиқилди. 

Basri Baba, Bon!, CakeLab каби бир неча муассасалар текширувдан ўтказилди. Улардан баъзиларида меню ўзбек тилида тақдим этилмагани ва мижозларга хорижий тилларда хизмат кўрсатилгани аниқланди.

Қонунбузилиш ҳолатлари бартараф этилди, эндиликда таомномалар ўзбек тилида ҳам тақдим этиляпти.

👉 @r_kusherbayev

❗️Коррупцияга қарши курашда янги тартиблар жорий этилади

2027 йил 1 январгача ҳуқуқий эксперимент сифатида қуйидаги янгиликлар амалга оширилади:
➖ Соғлиқни сақлаш, Қурилиш, Сув хўжалиги вазирликлари, “Ўзбекнефтгаз” ва “Ўзсувтаъминот” АЖнинг коррупцияга қарши бўлимлари раҳбарлари Коррупцияга қарши курашиш агентлиги ходимларидан тайинланади;
➖ 2026 йил 1 январгача барча давлат хизматлари туман/шаҳар даражасида аҳоли томонидан баҳоланади. Қониқарсиз деб баҳоланган раҳбарларга шахсий жавобгарлик юкланади.
➖ 2025 йил 1 июлгача “E-anticor.uz” сайтида электрон реестр, ҳисобот ва аноним сўров модуллари ишга туширилади.

👉 @r_kusherbayev

❗️Ўзбекистонда 2025 йилги ҳаж нархи маълум бўлди

2025 йилги ҳаж зиёрати учун ўзбекистонликлар 78 млн 670 минг сўм тўлайди.

Бу ҳақда “Дарё” ўқувчилари хабар берди. Аммо ҳозирча бу тўғрида Дин ишлари бўйича қўмита ёки Ўзбекистон мусулмонлари идораси томонидан расмий маълумот берилмаган.

Эслатиб ўтамиз, ўтган йили ҳам расмий сумма аввал эълон қилинмаган, кейинроқ 73 млн 970 минг сўм экани маълум бўлган эди.

👉 @r_kusherbayev

❗️ДХХ томонидан қатор мансабдорлар пора билан ушланди

ДХХ ва Бош прокуратура ҳамкорлигида ўтказилган тадбирларда қуйидаги ҳолатлар аниқланди:
➖ Тошкентдаги туман ММТБ раҳбари ўқитувчини мактаб директори қилиб тайинлаш эвазига $3000 олган ҳолда ушланди;
➖ “Янгийўл” божхона инспектори Қозоғистондан келаётган буғдой маҳсулотларини муаммосиз расмийлаштириш учун $2700 пора олган;
➖ Жомбой тумани ФВБ бошлиғи хусусий боғча очишга рухсат бериш учун $200 олган;
➖ Пахтачи тумани Экология бўлими бошлиғи карьер фаолиятига рухсат бериш эвазига $2000 пора олган.

Барча ҳолатлар бўйича Жиноят кодексининг 210-моддаси асосида жиноят иши қўзғатилиб, гумондорларга қамоқ эҳтиёт чораси қўлланди. Тергов ишлари давом этмоқда.

👉 @r_kusherbayev

❗️Давлат харидларида сотиб олинадиган товар ва хизматлар нархи ҳамда унинг ўртача бозор нархи ўртасидаги тафовутнинг энг кўп йўл қўйиладиган чегарасидан четга чиққан ҳолда харидларни амалга оширган мансабдор шахслар жавобгарликка тортилади — Президент фармони.

👉 @r_kusherbayev

❗️Низомий номидаги Тошкент давлат педагогика университети эндиликда Ўзбекистон миллий педагогика университети деб номланади.

"Тошкент давлат педагогика университетини трансформация қилиб, Ўзбекистон миллий педагогика университетини ташкил этиш, келажак педагоглари лойиҳасини амалга ошириш режалаштирилмоқда. Университет барча ҳудудлардаги педагогика институтлари учун таянч олийгоҳ бўлади." - Президент

👉 @r_kusherbayev

❗️Избоскан туманига янги ҳоким тайинланди

Аброрбек Аҳмадалиев Избоскан тумани ҳокими лавозимига тайинланди. У бу лавозимга келгунга қадар Андижон вилояти Камбағалликни қисқартириш ва бандлик бош бошқармаси бошлиғи сифатида ишлаб келган.

1988 йили Избоскан туманида туғилган, 2012 йили Андижон машинасозлик институтини тамомлаган. У меҳнат фаолияти давомида бир қатор масъулиятли лавозимларда ишлаган.

👉 @r_kusherbayev

“Асал” билан ухлатган асалфуруш: 192 миллионлик сохта келишув фош бўлди

Бойсун туманида 4 нафар асалчи жами 192 миллион сўмга алданган. Жалақудуқлик асалфуруш асал етказиб бериш ваъдаси билан пулни олган ва бир неча ойдан буён уйига қайтмаган. Унинг яна бир неча фуқарони ҳам шу йўл билан алдагани айтилмоқда.

Айтишларича, ҳатто Наманганлик ҳожи акалардан бири асалфурушнинг бўғзига пичоқ тираб, “самосуд” қилган. Аммо ҳозиргача унга нисбатан жиноий иш қўзғатилмагани, қидирувга берилмагани танқидларга сабаб бўлмоқда.

Мазкур ҳолатлар юзасидан Сурхондарё ва Андижон вилоят ИИБларидан расмий муносабат кутилаяпти.

Батафсил томоша қилинг 👉 🎬 Тўлиқ видео YOUTUBE'да

👉 @r_kusherbayev

❗️Фарғонада ЙПХ инспектори рухсатномасиз тонировка қилинган машина эгасига маъмурий баённома тузмаслик эвазига танишининг картасига 1.2 млн сўм ташлатиш йўли билан пора олганлиги сабабли 2 йилга қамалди.

Манба

👉 @r_kusherbayev

"Туманга бириктирилган “Фейхан-Текс” МЧЖ пахта кластеридан мана уч йилдирки 2022 йилдаги ҳақимизни ололмаяпмиз.

Биз бу кластерларни ўзимиз танламаганмиз, Ҳукумат томонидан бириктирилган!

Президентимиз 2024 йил 1 апрелгача қарздорлик тўланишини буюрган эдилар. Аммо орадан бир йил ўтди, “Фейхан-Текс” яна жим.

Биз фермерлар йили билан совуққа ҳам иссиққа ҳам қарамай далада ишлаб, бир тийин ололмасак, қандай яшаймиз? Қарзга ботиб кетдик".

Фурқатлик фермерлар

❗️Футбол бўйича Ўзбекистон ўсмирлар терма жамоаси бош мураббийсига Исломбек Исмоилов «Ўзбекистон Республикасида хизмат кўрсатган спорт устози» фахрий унвони билан, футболчилар эса «Келажак бунёдкори» медали билан тақдирланди.

Шунингдек, Ўзбекистон Миллий телерадиокомпаниясининг «Sport» ижодий бирлашмаси бош мутахассиси Отабек Джураев ва «Футбол ТВ» телеканали муҳаррири Орифжон Толипов «Шуҳрат» медали билан мукофотланди.

👉 @r_kusherbayev

❗️Ишсиз фуқароларга субсидия (қайтарилмайдиган маблағ) ва ссуда (фоизсиз қарз) ажратиш бўйича аризалар қабул қилинмоқда!

Субсидия ва ссуда аризалари жисмоний шахслардан тест режимда қуйидаги 3 та йўналишда қабул қилинмоқда.

1. Уруғлик ва кўчатлар сотиб олиш учун субсидия (1 125 000).
2. Миграциядан келган шахсларга қишлоқ хўжалиги кооперативларига устав фонди киритиш учун субсидия (3 750 000).
3. Камбағал оила аъзоларига зарур асбоб ускуналар учун ссуда (18 750 000).

Мазкур маблағлардан фойдаланиш учун асосий талаблар:
- Ижтимоий ҳимоя реестри ёки камбағал оила реестрига киритилган оила эгаси ёки аъзоси бўлиш;
- "Ишсизлар реестрида" ишсиз деб эътироф этилган бўлиш.

Oнлайн ариза бериш

👉 @r_kusherbayev

🇺🇿Aziz yurtdoshlar!

🔍 2025-yilning may-iyul oylarida mamlakatimizda fuqarolar yigʻini raisi saylovlari o'tkaziladi.

🔍 Saylovda siz ham faol ishtirok eting!

Bizning sahifalarimiz:
🕊Telegram 📱Instagram 📺YouTube 📱Facebook

❗️Тошкентда судя маст ҳолда машина ўғирлагани айтилмоқда.

Судялар олий кенгаши текширув бошланганини, ҳолатга аниқлик киритилиб, тегишли чоралар кўрилишини билдирди.

GENERALISSIMUS каналига кўра, бу ҳаракат Жиноят кодексининг 267-моддасига тўғри келиб, 20 йилгача қамоқ жазоси бор.

👉 @r_kusherbayev

❗️Рим папаси Франциск вафот этди

👉 @r_kusherbayev

❗️Элёрбек Раҳматиллаевич Каримов Андижон шаҳар ҳокими лавозимига тайинланди.

У тайинловгача Избоскан тумани ҳокими сифатида ишлаб келган.

👉 @r_kusherbayev

Тайинлов

Исломов Бобир Ҳуснидинович “Ҳудудий электр тармоқлари” АЖ бошқарув раисининг электр тармоқларидан фойдаланиш бўйича биринчи ўринбосари этиб тайинланди.

У тайинловга қадар Навоий ҳудудий филиали Бош директори лавозимида фаолият юритган.

👉 @r_kusherbayev

❗️ТАЙИНЛОВ

Акциядорлик жамияти Кузатув кенгашининг қарорига асосан Қаюмов Асадулла Уролович Ўзбекистон республика товар-хом ашё биржаси Бошқарув раиси лавозимига тайинланди.

2019 йилдан буён Ўзбекистон республика товар-хом ашё биржасида Бошқарув раиси лавозимида фаолият юритиб келган Бадриддинов Зиёвиддин Боситович Ўзбекистон Республикаси Президентининг тегишли қарори билан Вазирлар Маҳкамаси ҳузуридаги Энергия самарадорлиги миллий агентлиги директори этиб тасдиқланди.

👉 @r_kusherbayev

❗️Бухоро вилоятида ички ишлар тизимида катта ўзгаришлар амалга оширилди.

Қуйидагилар лавозимидан озод этилди:
➖ Вилоят ИИБ бошлиғининг тергов бўйича ўринбосари;
➖ Ҳуқуқий статистика ва тезкор ҳисоб маълумотлар маркази бошлиғи;
➖ Бухоро шаҳар ИИО ФМБ бошлиғининг жамоат хавфсизлиги бўйича ўринбосари;
➖ Ғиждувон тумани ИИБнинг тезкор қидирув ва тергов бўлими бошлиқлари;
➖ Когон тумани ИИБнинг тезкор қидирув хизмати бўйича биринчи ўринбосари.

Қўшимча равишда, бир қатор масъулларга интизомий жазо берилди, жумладан:
➖ Жамоат хавфсизлиги хизмати ва профилактика бўлимлари раҳбарлари;
➖ Тергов бошқармаси бошлиғининг икки ўринбосари;
➖ Вилоят ИИБ котибият бошлиғи;
➖ Ғиждувон ва Когон туманлари ИИБ раҳбарлари ва ўринбосарлари.

👉 @r_kusherbayev

❗️Ўзбекистон — Осиё чемпиони!

Ўзбекистон ёшлар терма жамоаси Саудия Арабистонини финалда мағлуб этиб, Осиё кубогини қўлга киритди!

Ғалаба муборак!

👉 @r_kusherbayev

Кеча менинг ИИБда ушлаб турилишим ва телефоним олиб қўйилишига асос бўлган матн мана шу.

Бу фикрдан ўзини ҳақоратланган деб ҳисоблаган кимдир ариза ёзган экан.

Қачондан бери матнни экспертиза қилиш учун шахснинг телефони олиб қўйиладиган бўлган, буниси тушунарсиз.

Яна кимдир бу фикрим учун ўзини ҳақоратланган деб ҳисобласа бемалол ИИБга ариза ёзавериши мумкин, қолган телефон ва техник қурилмаларимни ҳам бераман.

Яшасин сўз ва фикр эркинлиги!

👉 @r_kusherbayev

❗️Андижон шаҳри ҳокими ишдан олингани айтилмоқда

Андижон шаҳри ҳокими Ғофуржон Абдураҳмонов лавозимидан озод этилгани айтилмоқда. Бу ҳақда бир-биридан мустақил “Daryo” манбалари хабар бермоқда.

Манбаларга кўра, ҳоким Ғофуржон Абдураҳмонов 19 апрель куни вилоят ҳокимлигига чақирилиб, ариза ёзиш сўралган. Бу қарор шаҳар бандлик бўлими бошлиғининг иш вақтида психотроп модда истеъмол қилгани билан боғлиқ бўлиши мумкин. Аммо вилоят ҳокимлиги матбуот хизмати ҳозирча бу ҳақда расмий тасдиқламади.

👉 @r_kusherbayev

❗️Яна бир порахўр терговчи қўлга олинди

Янгийўл шаҳар ИИБ ҳузуридаги Тергов бўлими катта терговчиси Н.Н.Истамов 1000 АҚШ доллари пора билан ушланган. Буни бир нечта ишончли манбалар тасдиқламоқда.

Ички ишлар вазирлиги эса мазкур вазият бўйича сукутда.

Хавотирлиси шуки, порахўр ходимларга ҳам инсонлар ҳаёти ишониб топширилган, уларга осмон қадар ваколатлар берилган.

☝️Ўз вақтида Олий Мажлис Спикери ўринбосари Одилжон Тожиев порахўр терговчилар юритган барча ишларни қайта кўриб чиқиш зарурлигини айтиб, қонунчиликка бу борада ўзгартириш киритиш ҳақида таклиф билдирган эди.

Бироқ парламент Спикери ўринбосарининг ушбу таклифи таклифлигича қолиб кетди. Катта эҳтимол билан бу таклиф порахўр "катта"ларга ҳам ёқмаган.

👉 @r_kusherbayev

🖼Тошкентда янги санъат маскани — Аrtera Studio очилмоқда

Бугун пойтахтимизда янги ижод майдони — Artera Studio ўз эшикларини очади. Очилиш муносабати билан 20 апрелдан бошлаб Ўзбекистоннинг уч нафар таниқли рассоми: Дилором Мамедова, Дилмурод Йўлдошев ва Абдуҳаким Каримовнинг кўргазмаси ташкил этилади.

🖼Бир ой давомида студия ташриф буюрувчилари ушбу кўргазмани томоша қилиб, замонавий санъат усталари асарларидан баҳраманд бўлиш имкониятига эга бўладилар.

Кўргазма ҳар куни соат 9:00 дан 17:00 гача очиқ, кириш эса мутлақо бепул.

📍Манзил: Тошкент шаҳри, Мирзо Улуғбек тумани, Ҳамид Олимжон майдони.
Мўлжал: "Халқ банки" биноси.

⸻

🖼В Ташкенте открывается новая территория искусства — Artera Studio

Сегодня в столице распахнёт двери новая творческая площадка — Artera Studio. В честь открытия с 20 апреля стартует выставка трёх выдающихся художников Узбекистана: Дилором Мамедовой, Дилмурада Юлдашева и Абдухакима Каримова.

🖼В течение месяца гости студии смогут бесплатно посетить экспозицию и насладиться работами мастеров современного искусства.

Выставка будет открыта ежедневно с 9:00 до 17:00, вход свободный.

📍Адрес: город Ташкент, Мирзо-Улугбекский район, площадь Хамида Алимджана.
Ориентир: здание «Халк банки».

❗️ЙПХ ходимининг тўхташ ишорасига бўйсунмасдан бир неча автомашиналарга шикаст етказганларга нисбатан жиноят иши қўзғатилди.

👉 @r_kusherbayev

Yosh tadbirkorlarimiz yurtimiz mahsulotlarini dunyoga tanitmoqda!

Yurtimizdan yetishib chiqayotgan yosh, salohiyatli tadbirkorlarning muvaffaqiyatlari bugun nafaqat ichki bozorda, balki xalqaro miqyosda ham e’tibor qozonmoqda. Shunday yosh va shijoatli tadbirkorlarimizdan biri — Sa Group holdingi rahbari Sardorjon Tursunovdir.

Mazkur holding bazalt tolasidan innovatsion qurilish mahsulotlari ishlab chiqarishga ixtisoslashgan bo‘lib, ichki bozor bilan bir qatorda xorijiy mamlakatlarga ham eksport salohiyatini oshirib bormoqda.

Ayni kunlarda Sardorjon Tursunov Birlashgan Arab Amirliklarida xizmat safarida bo‘lib turibdi. Tashrif davomida u Afg‘oniston – O‘zbekiston hamda Turkiya – O‘zbekiston biznes forumlarida faol ishtirok etib, qurilish, ishlab chiqarish va logistika kabi strategik sohalarda ikki tomonlama hamkorlik imkoniyatlarini muhokama qildi.

Forum doirasida o‘tkazilgan B2B uchrashuvlar xorijiy kompaniyalar bilan amaliy hamkorlik poydevorini yaratishga xizmat qildi. Bu O‘zbekiston yoshlari ham endi tashabbuskor, dadil va xalqaro iqtisodiy maydonda o‘z o‘rniga ega ekanini yaqqol ko‘rsatmoqda.

Mazkur forum O‘zbekiston Savdo-sanoat palatasi tashabbusi bilan tashkil etilgan bo‘lib, unda Akfa Group, UzTex, Artel Electronics Group, Basalt Uzbekistan, Kvarts kabi yirik kompaniyalar vakillari ishtirok etmoqda.

Bu kabi tashabbuslar — oddiy safarlar emas. Ular orqasida yurtimiz kelajagi, investitsiya, ish o‘rinlari, yangi imkoniyatlar turibdi. Sardorjon kabi yoshlar safi kengaysa, kelajak biz kutganidan-da yorqin bo‘ladi!

#YoshlarKelajagi #Tadbirkorlik #SardorjonTursunov #UzbekistonMahsuloti #Innovatsiya #BazaltTexnologiyasi #SaGroup #BiznesHamkorlik #MadeInUzbekistan

Янги Ички ишлар вазири(собиқ Янгийўл ИИБ бошлиғи)дан изоҳ кутамиз...

Кеча маслаҳатлашиш бахонасида Янгийўл тумани ИИБга чақирилиб, бир неча соат ушлаб турилдим. Устимдан асоссиз ариза берилган. Яшаш жойим ҳам, пропискам ҳам Янгийўлда эмас. Бироқ нега Янгийўл ИИБ бу иш билан шуғулланаётгани тушунарсиз.

Қизиғи қанча тушунтиришларимга қарамай иш учун аҳамияти бўлмаса-да мобил телефоним олиб қўйилди.

Мақсад телефонни олиш вассалом. Буниси эса тушунарли. Кимларгадир телефоним керак бўлаяпти. Кимларга экани маълум, буни бошқалар ҳам фаҳмлаган бўлса керак...

Ҳаммаси холис ва қонуний бўлсаку майли. Бироқ бир сафар телефонимни ходимларга қолдирганимдан сўнг, анча вақтгача контактимдаги инсонлардан эътироз эшитишимга тўғри келган. Мен бехабар уларга мени аккаунтларим орқали ноқонуний, аҳлоқсиз материаллар юборилган...

Яна бир жиҳати, шу кунларда хатто қўшниларимдан ҳам ИИБ ходимларининг мен ҳақимда яширин ва шубҳали суриштирувлар олиб боришаётгани, маълумотлар тўплашаётгани ҳам тушунарсиз.

Тўғриси мен бу ишларни тушунмаяпман, лекин Янгийўл тумани ИИБнинг собиқ бошлиғи, ҳозирда эса Ички ишларнинг янги вазири ҳурматли Азиз Тўшпўлатов тушунсалар керак.

Чунки бу ишлар негадир уларнинг вазир лавозимига келишлари билан бир вақтга тўғри келмоқда. Ҳурматли вазиримиздан изоҳ кутамиз.

👉 @r_kusherbayev

❗️Тошкент ва Москва миграция масалаларини муҳокама қилди

Ўзбекистон ва Россия вакиллари меҳнат муҳожирлари учун миграция жараёнларини енгиллаштириш масалаларини муҳокама қилди:

➖ Миграция жараёнлари, тиббий кўрик ва рус тили имтиҳонларини Тошкентда ўтказиш;
➖ Россия олийгоҳлари филиаллари орқали имтиҳонлар ташкил қилиш;
➖ «Сахарова» ва «Паспорт-виза хизмати»нинг Тошкентдаги ваколатхоналарини қайта очиш;
➖ Рус тили, Россия тарихи ва қонунчилик курслари ташкил этиш;
➖ Ихтисослаштирилган тиббий клиника очиш.

Россия томони мазкур ташаббусларни қўллаб-қувватлашга тайёр эканини маълум қилди.

👉 @r_kusherbayev

❗️2025 йил 1 майдан жисмоний шахслар шахсий эҳтиёж учун товарларни божсиз олиб кириш меъёрлари камайтирилди:

➖ Ҳаво транспорти — $1000 (илгари $2000);
➖ Темир йўл/дарё транспорти — $500 (илгари $1000);
➖ Автомобиль ёки пиёда — $300;
➖ Курьерлик орқали — $200 (ҳар чоракда $1000 эди);
✉️ Почта орқали — $100 (ўзгармаган).

Бу ўзгаришлар нотижорат, фақат шахсий эҳтиёж учун олиб кириладиган товарларга тааллуқли.

👉 @r_kusherbayev

❗️Эндиликда ҳар бир вилоятга битта асосий банк масъул қилинади. Бу “Бир ҳудуд — бир банк” деб номланган янги тизим.

Андижон – Микрокредитбанк;
Самарқанд – Агробанк;
Қашқадарё – Алоқабанк.

Ушбу вилоятларда фаолият юритаётган “маҳалла банкирлари” ва “ёрдамчи агентлар” шу бириктирилган банк таркибига ўтказилади ва тўғридан-тўғри маҳаллалар билан ишлашади.

👉 @r_kusherbayev

❗️Мигрантлардан тил имтиҳонлари Россия бюджетига 30 миллион доллар фойда келтирди.

Меҳнат мигрантларининг имтиҳон топшириши Россия бюджетига қўшимча 2,5 миллиард рубль (30,4 миллион доллар) олиб келди. Бу ҳақида Думадаги «Единая Россия» фракцияси раҳбари Владимир Васильев маълум қилган. У авваллари бу маблағлар коррупцияга кетган бўлса, энди ғазнага тушганини айтган.

2024 октябрда Дума имтиҳонларни давлатга юклаш ҳақида қонун қабул қилган.

Имтиҳонлар учун ягона тариф жорий этилган:
➖ Яшаш учун — 5 900 рубль,
➖ Ишлаш учун — 3 800 рубль.

👉 @r_kusherbayev

❗️Хавф даражаси юқори бўлган маҳсулотларни мажбурий давлат рўйхатидан ўтказиш бекор қилинди

Ички бозорда рақобатни кучайтириш бўйича Президент Фармони қабул қилинди

➖ Импорт товарларнинг божхона қиймати GATT-1994 талабларига тўлиқ мос тарзда аниқланади;
➖ Имтиёзли ёки махсус тартибда божхона расмийлашувига йўл қўйилмайди;
➖ Хавфли маҳсулотлар учун мажбурий давлат рўйхатидан ўтказиш бекор қилинади, ўрнига мувофиқлик декларацияси жорий этилади;
➖ 2025 йил 1 майдан бошлаб декларациялар TRIS тизими орқали юритилади.

👉 @r_kusherbayev

❗️«Тадбиркорлар учун енгилликлар»

Президент фармонига кўра:

➖ 1 октябрдан оқ шакарга акциз солиғи бекор қилинади;
➖ 20 ва ундан ортиқ ишчиси бор корхоналар солиқ ва ижара тўловини 2 қисмда тўлашга рухсат берилди;
➖ ҚҚС қайтарилиши учун даромаднинг 80% реализациядан бўлиши керак;
➖ Экотехник жиҳозлаш муддати:
I тоифа — 2026 йил 1 январ,
II тоифа — 2026 йил 1 июлгача;
➖ 1 июндан хорижликлар $200,000 + $100,000 (оила аъзоси) эвазига 5 йиллик яшаш гувоҳномаси олади.

👉 @r_kusherbayev

Нукусдаги фотобиореактор — сувўтлар ёрдамида кислород ишлаб чиқариш технологияси

Бу кичик қурилма 10 та катта дарахтнинг кислород ишлаб чиқариш қувватига тенг.

Айнан шундай лойиҳалар катта шаҳарларда ҳаво тозалигини таъминлаш, айниқса автомобил газлари ва ишлаб чиқаришдан келиб чиқадиган ифлосланишга қарши кураш учун жуда фойдали бўлади.

Шу каби ғоялар кенгроқ жорий этилса, экологик барқарорликка ҳисса қўшиши аниқ.

👉 @r_kusherbayev

❗️Тошкент вилоятида айрим йўлларда тезлик чеклови ўзгартирилди

Эндиликда Ўрта Чирчиқ, Паркент, Янгийўл, Чиноз, Пискент, Бекобод ва бошқа туманлардаги йўл участкаларида рухсат этилган тезлик 100 км/соатдан 80 км/соатга туширилди.

👉 @r_kusherbayev

❗️Президент тиббий ускуналарни рўйхатдан ўтказиш жараёнини арзонлаштириш ва соддалаштириш бўйича мутасаддаларга топшириқ берди.

Бу хусусий тиббиёт соҳасидаги тадбиркорлар учун катта енгиллик яратади.

👉 @r_kusherbayev

“Керак бўлса, тадбиркорларни ухламай қабул қиламиз” - Андижон ҳокими

Андижон вилоят ҳокими ухламасдан тадбиркорларни қабул қилмоқчи.

Шуҳрат Абдураҳмонов вилоятдаги барча тадбиркорлар ва тадбиркорлик билан шуғулланишни истаган фуқароларга мурожаат қилиб, бугундан бошлаб, ҳар куни Андижон вилоят ҳокимлигидан тортиб барча туман ва шаҳар ҳокимлари тадбиркорларнинг муаммо ва таклифларини эшитишга тайёр эканини билдирди.

👉 @r_kusherbayev

🇺🇿UZTELECOM – 12 миллион ватандошларимиз ишонч билдирган тармоқ

Ўзбекистон телекоммуникациясида UZTELECOM – замонавий рақамли инфратузилманинг асосий таянчи ва энг йирик оператор.

🛜UZTELECOM мамлакатнинг рақамли харитасини ўзгартиришга қаратилган лойиҳаларни амалга оширмоқда:

•2024 йилга келиб 290 000 км дан ортиқ оптик толали тармоқ қурилди (Ерни 7 марта айланишга тенг).

•96% дан ортиқ хонадон оптик интернет билан қамраб олинди (4K видео, видеоқўнғироқлар, «ақлли» уйлар).

•UZTELECOM – МДҲда биринчи бўлиб бутун мамлакат бўйлаб 5G жорий қилган оператор.

•2024 йилда 5.5G технологияси синовдан ўтказилди (дунёдаги топ-3 оператор қаторида).

UZTELECOM – Ўзбекистоннинг рақамли ривожланишининг локомотивидир.

Реклама

❗️Президент: Солиқни ошириш эмас, тадбиркорни қўллаб-қувватлаш керак

Президент ер солиғи ва ижара тўловларига коэффициент белгилашда тадбиркорнинг молиявий аҳволи ва бизнесга таъсири инобатга олиниши шартлигини таъкидлади.
“Солиқни ошириш ҳисобига эмас, тадбиркорни қўллаб, солиқ базасини кенгайтириш орқали тушумни кўпайтириш керак”, — деди давлат раҳбари.

Эндиликда тадбиркорлар ер солиғи ва ижара тўловларини йилда иккига бўлиб тўлаш имконига эга бўлади.

👉 @r_kusherbayev

❗️Экспортда янги имкониятлар: 1 июлдан чекловлар бекор қилинади

Президент топшириғига биноан, Солиқ ва Божхона қўмиталарига товарларни маркировкалашнинг ишлаб чиқаришга салбий таъсирини камайтириш ва назоратни кучайтириш вазифаси юклатилди.

Айрим товарларга қўйилган экспорт чекловлари сабабли имкониятлар бой берилгани қайд этилди. Шу боис, 1 июлдан бошлаб барча товарлар экспортида чекловлар бекор қилинади, фақат ижтимоий аҳамиятга эга 86 та товар гуруҳига экспорт божлари қолади.

Шунингдек, шакарга акциз тўлови бекор қилиниши белгиланди. Қуруқ сут импортига қўйилган чекловлар ҳам олиб ташланади.

👉 @r_kusherbayev

Суғурта лимити 14 млн, лекин зарар 19 млн... Нима бўлаяпти ўзи?

Ўзбекистондаги мажбурий автосуғурта (ОСАГО) ҳозирча 2019 йилда белгиланган тартиб бўйича ишлаяпти: машинанинг ўзига етган зарар учун 14 млн сўмгача, жами 40 млн сўмгача қоплаб беради.

Аммо 2025 йилнинг январь–февраль ойларида автосуғурта компанияларига берилган мурожаатларда ўртача зарар миқдори 19 млн сўмни ташкил қилган. Бу рақам йил охиригача яна ортади.

Энди тасаввур қилинг: BYD, KIA ёки бошқа юқори нархдаги машинанинг бампери ё фараси шикастланса, 14 млн сўм билан нимани тўғирлаш мумкин?

Аҳоли ҳам, экспертлар ҳам бу лимитлар замонга мос эмаслигини таъкидлаяпти. 5 йилда иқтисод, машина нархлари ва хизмат кўрсатиш харажатлари ўсди. Фақат суғурта лимити ўзгармай турибди.

Суғурта соҳаси ислоҳга муҳтож. Вақти келди!

👉 @r_kusherbayev

❗️Коррупция ва сохта диплом иши фош этилди

Қашқадарёда 3-курсдан ўқишга жойлаштиришни ваъда қилиб, 6 минг доллар олган Ш.С. қўлга олинди. У аввал ҳам судланган бўлиб, унга нисбатан жиноят иши қўзғатилди.

Хоразмда эса Д.М. УрДУ дипломини олиб бериш ва икки фуқарога сохта диплом тайёрлаш эвазига 5 700 доллардан ортиқ пул олгани аниқланди. Унга ҳам тегишли моддалар асосида жиноят иши очилди.

👉 @r_kusherbayev

❗️Бироздан сўнг Президент Шавкат Мирзиёев раислигида дунёда юз бераётган иқтисодий тебранишларнинг мамлакатимиз соҳа ва тармоқларига таъсирини юмшатиш чора-тадбирлари юзасидан видеоселектор йиғилиши бошланади.

👉 @r_kusherbayev

❗️Oгоҳлантириш: Сел-сув тошқин хавфи!

19–22 апрель кунлари ёмғирлар сабабли қуйидаги ҳудудларда сел-сув тошқинлари юзага келиши мумкин:

Қашқадарё, Сурхондарё, Самарқанд, Жиззах, Тошкент, Наманган, Фарғона, Андижон вилоятларининг тоғли ва тоғ олди туманлари.

Эҳтиёт бўлинг! Ушбу ҳудудларда истиқомат қилувчи ва саёҳат қилувчи фуқаролардан эҳтиёткорлик чораларини кўриш сўралади.

👉 @r_kusherbayev

❗️Тошкентда гиёҳвандлик воситалари савдоси билан шуғулланувчи Телеграм–канал рекламасини девор ва устунларга ёпиштириб юрган фуқаро ушланди

Унга нисбатан БҲМнинг 100 баравари (37,5 млн сўм) миқдорида жарима қўлланилди.

👉 @r_kusherbayev

Сенат Раиси Танзила Нарбаева бошчилигидаги Ўзбекистон делегацияси МДҲ Парламентлараро Ассамблеясининг баҳорги сессиясида иштирок этмоқда.

Россия Федерацияси Федерал Мажлиси Федерал Кенгаши Раиси В.Матвиенко яқинда ўтказилган 150-юбилей Ассамблеясига юқори баҳо бериб, Давлатимиз раҳбари томонидан илгари сурилган ташаббусларни барча МДҲ давлатлари учун қўллаб-қувватланганини эътироф этди.

Сессияда нутқ сўзлаган Танзила Нарбаева эса ушбу йиғилишни самарали платформалардан бири сифатида баҳолаб, янги имкониятларни яратишда муҳим аҳамият касб этганини таъкидлади.

👉 @r_kusherbayev

❗️Тадбиркорлар учун молиявий хизматлар имконияти кенгайди

2025 йил 17 апрелда қабул қилинган қонунга мувофиқ, қуйидаги ўзгаришлар амалга оширилди:
➖ Резидентлар ўртасидаги валюта операцияларида норезидент контрагент бўлса, бошқа шахс фойдасига молиялаштириш мумкин бўлди.
(Илгари бундай норма мавжуд эмас эди);
➖ Марказий банк электрон факторинг платформаларининг IT хавфсизлиги ва аудити устидан назорат қилади;
➖ Ички аудиторлик хизмати энди бошқарув органига ҳам ҳисобот беради;
➖ Кафолат бериш ва факторинг ташкилотлари фаолияти учун рухсатнома талаб этилади;
➖ Факторинг филиали очиш/ёпиш ва устав фондида 10–20% улуш олиш тўғрисида Марказий банкни хабардор қилиш шарт.

👉 @r_kusherbayev

❗️Сирдарёдаги раҳбарлар диктантдан қониқарсиз баҳо олди

Сирдарё вилоятида давлат идоралари раҳбарлари ўртасида ўтказилган ўзбек тилидаги диктант натижаларида салбий ҳолатлар қайд этилди. Жумладан, Соғлиқни сақлаш, «Ҳудудий электр тармоқлари», «Ўзтелеком» ва «Ўзбекистон почтаси» раҳбарларининг кўпчилиги имтиҳондан қониқарсиз баҳо олди.

Бу ҳолат вилоят ҳокими Эркинжон Турдимов томонидан танқид қилиниб, давлат тилида иш юритиш ҳар бир раҳбарнинг бурчи экани таъкидланди.

Масъулларга камчиликларни бартараф этиш ва саводхонликни ошириш бўйича топшириқлар берилди.

👉 @r_kusherbayev

Ўзбекистонда илк бор “Роботлар жанги” ўтказилди

“Келажак муҳандислари” халқаро фестивали доирасида бўлиб ўтган “Роботлар жанги” мусобақаси – бу оддий мусобақа эмас, балки муҳандислик билимлари, креатив фикрлаш ва технологик маҳоратнинг чинакам синови бўлди.

Мусобақада 18-30 ёш оралиғидаги иштирокчилар ўзлари яратган махсус жанговар роботлар билан аренага чиқиб, технологик жангда қатнашдилар. Бу мусобақа – технологик тафаккур, креатив дизайн ва муҳандислик тажрибасининг ёрқин намунасига айланди.

Рақиб роботларга энг кўп зарба берган ва стратегик устунликни қўлга киритган иштирокчилар ғолиб деб топилди. Якунда ғолиблар диплом ва қимматбаҳо совғалар билан тақдирланди.

👉 @r_kusherbayev

2025 йил 19 апрель куни соат 10:00 да бошланадиган халқаро GREEN WORLD 2025 ландшафт-эко фестивалига сиз ва оила аъзоларингизни таклиф этамиз.

Манзил: Янгихёт тумани, УЗАР-130, FLOWERS GARDEN сайлгоҳи.

👉 @r_kusherbayev

❗️Ўзбекистонда “Кенгайтирилган диапазонли электромобиль” турдаги гибрид автомобиллар учун алоҳида божхона коди жорий этилиши режалаштирилмоқда.

Ўзбекистонда сўнгги йилларда гибрид ва электр транспорт воситаларининг импорти ортиб бормоқда. Жумладан, “Кенгайтирилган диапазонли электромобиль” деб аталувчи, ички ёнилиш двигатели ҳамда электродвигателга эга, лекин фақат токда ҳаракатланадиган автоуловлар (масалан, “LiXiang”, “Deepal”, “AITO” каби брендлар) республикага кўп миқдорда кириб келмоқда.

Бироқ бу турдаги машиналар Ўзбекистоннинг Ташқи иқтисодий фаолият товар номенклатураси (ТИФ ТН)да аниқ код билан белгиланмагани сабабли, улар учун тўғри божхона йиғимлари ундирилмаяпти. Ҳолбуки, халқаро амалиётда бундай турдаги автомобиллар “гибрид” автотранспорт воситаларининг бир қисми сифатида қаралади ва уларга алоҳида код ажратилади.

Шу боис, Инвестициялар, саноат ва савдо вазирлиги, Божхона қўмитаси ҳамда Истиқболли лойиҳалар миллий агентлиги ҳамкорликда ушбу машиналар учун янги, 10 хонадан иборат кодни ишлаб чиқиш устида иш олиб бормоқда.

Бу код орқали:
➖ Транспорт воситаларининг тўғри классификацияси таъминланади;
➖ Қонунчиликда белгиланган божхона божлари ва йиғимлар амалга оширилади;
➖ Давлат бюджетига қўшимча тушум таъминланади.

Янги код жорий этилиши халқаро конвенция ва тажрибаларга мувофиқ амалга оширилмоқда ва бу жараён маълум вақтни талаб этади.

👉 @r_kusherbayev

2025 йил 15 апрель куни "InfinBANK" Акциядорлик жамиятининг Кузатув кенгаши таркибида Банк фаолиятининг шаффофлигини ошириш ва корпоратив бошқарувни кучайтиришга қаратилган ўзгаришлар амалга оширилди.

Корпоратив бошқарувни мустаҳкамлаш ва уни халқаро стандартларга мослаштириш доирасида Кузатув кенгаши таркибига халқаро тажрибага эга мустақил аъзо — Фируза Исхақова қабул қилинди. У илгари Европа Тикланиш ва Тараққиёт Банкида (ЕТТБ) фаолият юритган.
Меҳнат фаолияти давомида у бир қатор йирик тижорат банкларининг Кузатув кенгашларига раислик қилган.

Шунингдек, ўзгаришлар доирасида Банкнинг асосий акциядори Фарҳод Мамажонов Кузатув кенгаши раиси лавозимини тарк этди. Мазкур лавозимга Банк соҳасида катта тажрибага эга Зикирилло Абдуллаев тайинланди.

InfinBANK янгиланган Кузатув кенгаши таркиби ва мустақил экспертнинг жалб этилиши назорат тизимини мустаҳкамлаш, стратегик қарорлар қабул қилиш самарадорлигини ошириш ҳамда корпоратив бошқарувни энг яхши халқаро амалиётларга яқинлаштиришга хизмат қилишига ишонч билдирмоқда.

Реклама