Poytaxtimizning Yunusobod tumanidagi “Gimnastika sport saroyida Badiiy gimnastika boʻyicha Jahon kubogining tantanali ochilish marosimi boʻlib oʻtdi.

Tantanali tadbirda Sport vaziri Adkham Ikramov, Gimnastika federatsiyasi raisi Ulugʻbek Rozukulov, MOQ Bosh kotibi Oybek Kasimov, Xalqaro gimnasika ittivoqi Texnik qoʻmitasi a’zosi Alua Bekturova ishtirok etdi.

Ta’kidlash joizki ushbu nufuzli musobaqada dunyoning 26 ta davlatidan 110 nafar sportchilar qatnashmoqda.

Web-Sayt | Telegram | Facebook | Instagram | Youtube

Bugun Samarqand viloyati sport boshqarmasida hayʼat yigʻilishi oʻtkazildi

Videoselektor tarzida o'tkazilgan yigʻilishda Samarqand viloyati hokimi o’rinbosari Husan Tuxtayev,
Sport vazirligi ommaviy sportni rivojlantirish bo‘limi boshlig‘i Sherzod Olimov, viloyat sport boshqarmasi vakillari hamda trener-murabbiylar ishtirok etdi.

Yigʻilishda, ommaviy sportga aholi qamrovini oshirish va “Besh tashabbus olimpiadasi” doirasida o‘tkazilayotgan sport musobaqalari tahlil qilinib, sohani raqamlashtirish, aholining jismoniy tayyorgarlik darajasini baholash bo‘yicha tegishli ko’rsatmalar berildi.

Shundan so‘ng, Sh.Olimov tomonidan "Besh tashabbus olimpiadasi" doirasidagi  sport musobaqalarini yuqori saviyada o‘tkazish, elektron platforma orqali jamoalarni yaratish, ishtirokchilar ro‘yxatini shakllantirish tartibi bo‘yicha hududlardagi mas’ullar, yoshlar yetakchilari bilan tushuntirish-targ‘ibot ishlari olib borildi.

Web-Sayt | Telegram | Facebook | Instagram | Youtube

“Uzbekistan open” start oldi.

Andijon shahridagi “Universal sport saroyi” da Karate WKF bo’yicha “Uzbekistan open” xalqaro turniri bo’lib o’tmoqda. Musobaqaning ilk kuni yorqin lahzalarga boy o’tdi.

Ma’lumot uchun turnirda turli mamlakatlardan kelgan 350 ga yaqin atletlar birinchilik uchun tatamiga chiqishyapti.

Web-Sayt | Telegram | Facebook | Instagram | Youtube

Navoiyda maktab o‘quvchilarining "Jismoniy tayyorgarlik darajasi" sport sinovlarini qabul qilish jarayoni qizg'in davom etmoqda

Gʻozgʻon shahridagi 2-sonli umumta’lim maktabida maktab o‘quvchilaridan "Jismoniy tayyorgarlik darajasi" sport sinovlarini qabul qilish jarayonlaridan fotoreportaj.

Web-Sayt | Telegram | Facebook | Instagram | Youtube

Avval xabar berganimizdek, Sport vaziri oʻrinbosari Murad Ismailov xizmat safari bilan Andijon viloyatida boʻlib turibdi.

Xizmat safari davomida vazir oʻrinbosari ishtirokida Andijon olimpiya va paralimpiya sport turlariga tayyorlash markazida sayyor qabul boʻlib oʻtdi. Tadbirda viloyat murabbiylari, sport maktabi rahbarlari hamda sportchilarning ota-onalari ishtirok etdi.

Sayyor qabul davomida sportchilarni qo‘llab-quvvatlash, ularning ijtimoiy muammolarini hal qilish, sport inshootlarini ta’mirlash va moddiy-texnik bazasini mustahkamlash hamda iqtidorli yoshlarni aniqlash va ularga imkoniyat yaratish masalalari yuzasidan taklif va murojaatlari tinglandi.

Keyingi manzilda M.Ismailov Andijon shahrida joylashgan "Bobur arena" futbol maydonidagi qurilish-ta'mirlash ishlarini ko'zdan kechirdi.

Shuningdek, hududda raqamlashtirish va Davlat xususiy sheriklik loyihalari doirasidagi amalga oshirilayotgan ishlar yuzasidan sport maktablari mas’ullari ishtirokida Zoom yigʻilishi oʻtkazildi. Yigʻilishda mas'ullarga sport maktablaridagi Face ID tizimining ahamiyati va DXSh loyihalari boʻyicha tegishli koʻrsatmalar berildi.

Web-Sayt | Telegram | Facebook | Instagram | Youtube

🥋Andijonda “UZBEKISTAN OPEN” xalqaro turniriga start berildi

🗣Ayni daqiqalarda Andijon viloyatida joylashgan Universal sport majmuasida sportning karate WKF bo’yicha  “Uzbekistan open” xalqaro turniri bo'lib o'tmoqda.

Web-Sayt | Telegram | Facebook | Instagram | Youtube

Toshkent viloyatida maktab o‘quvchilarining "Jismoniy tayyorgarlik darajasi" sport sinovlarini qabul qilish qizg'in davom etmoqda

Nurafshon shahridagi 1-sonli umumta’lim maktabida maktab o‘quvchilaridan "Jismoniy tayyorgarlik darajasi" sport sinovlari qabul qilindi.

Mazkur sport sinovlari 3-sinf o`quvchilari o`rtasida qabul qilinib, 5 turdagi sport mashqlaridan tashkil topgan.

Web-Sayt | Telegram | Facebook | Instagram | Youtube

Ayni kunlarda Jizzaxda qilichbozlik bo‘yicha 23 yoshgacha kattalar o‘rtasida O‘zbekiston chempionati bo‘lib o‘tmoqda

Shpaga bo’yicha yakkalik bahsida jami 100 nafardan ziyod sportchilar ishtirok etdi.

Qizlar o’rtasidagi bellashuvda andijonlik sportchi Ozoda Usmonjonova barcha raqiblarini mag‘lub etib, oltin medalni qo‘lga kiritib chempion bo’ldi.

Qizlar o'rtasida o'tkazilgan musobaqa natijalariga ko'ra:
1. Ozoda Usmonjonova -Andijon viloyati
2. Dilnaz Murzatayeva -Qoraqalpog’ston Respublikasi
3. Bibimaryam Saparova -Qoraqalpog’ston Respublikasi
3. Madina Mansurova -Toshkent shahri.

Yigitlar bahsida Qoraqalpog’stonlik sportchisi Azamat Kudeybergenov chempionlikni qo’lga kiritdi.

Yigitlaro'rtasida o'tkazilgan musobaqa natijalariga ko'ra:
1. Azamat Kudeybergenov -Qoraqalpog’ston Respublikasi
2. Iskander Turishev -Toshkent shahri
3. Avezbek Naimov -Buxoro viloyati
3. Nurmuxammad Muminov -Andijon viloyati.

Web-Sayt | Telegram | Facebook | Instagram | Youtube

#sport_sinovlari

Qashqadaryoda "Jismoniy tayyorgarlik darajasi" sport sinovlari qabul qilinmoqda

Bugun Qarshi tumanidagi 71-umumta'lim maktabida "Jismoniy tayyorgarlik darajasi" sport sinovlari 7-17 yoshdagi o'quvchi o‘g‘il va qiz bolalar uchun alohida yosh guruhlari kesimida tashkil etildi.

Dastlabki bosqichda o'quvchilar tezlik va kuchlanish imkoniyatlari, harakatlarni muvofiqlash va egallangan amaliy ko‘nikmalarga qaratilgan ixtiyoriy talablar bo‘yicha sport sinovlarini topshirishdi.

"Jismoniy tayyorgarlik darajasi" sport sinovlarini topshirish uchun arizalar my.sport.uz orqali qabul qilinadi.

Web-Sayt | Telegram | Facebook | Instagram | Youtube

Sportchilar va ularning murabbiylari taqdirlandi

Nukusda xalqaro maydonlarda yuksak natijalarni qo‘lga kiritgan qoraqalpog‘istonlik bir guruh sportchilar va ularning murabbiylarini taqdirlash marosimi bo‘lib o‘tdi.Tadbirda Qoraqalpog‘iston Respublikasi Jo‘qorg‘i Kengesi Raisi Amanbay Orinbaev so‘nggi yillarda yurtimizda sportga qaratilayotgan alohida e’tiborga to‘xtalib, sportchilarni, ularning murabbiylari hamda ota-onalarini qo‘lga kiritgan katta yutuqlari bilan muborakbod etdi.

Ta’kidlanganidek, Prezidentimiz rahbarligida mamlakatimizda sportga qaratilayotgan yuksak e’tibor natijasida yoshlarimiz Osiyo va jahon arenalarida yurtimiz bayrog‘ini baland ko‘tarmoqda. Bu albatta, barcha joylarda, hatto eng chekka hududlarda ham zamonaviy sport inshootlarining qurilishi va ularning moddiy-texnik bazalari mustahkamlanishi, sportchilarimizning har tomonlama qo‘llab-quvvatlanayotgani kabi ezgu ishlarning samarasi hisoblanadi.

Joriy yil boshidan buyon qoraqalpog‘istonlik sportchilar mamlakatimiz, jahon, Osiyo, xalqaro miqyosdagi musobaqalarda jami 537 ta, shundan 184 oltin, 162 kumush, 191 bronza medalni qo‘lga kiritishga muvaffaq bo‘ldi.

Ayniqsa, Saudiya Arabistonida bo‘lib o‘tgan futbol bo‘yicha “U17” yosh toifasidagi Osiyo kubogida futbolchilarimiz butun turnir davomida bironta ham mag‘lubiyatga uchramasdan, barcha uchrashuvlarni g‘alaba bilan yakunlab, rekord natija ko‘rsatgani chinakam jasorat va matonat namunasi bo‘ldi. Terma jamoa tarkibida qoraqalpog‘istonlik Nurbek Sarsenbaev, Azizbek Yerimbetov hamda Baxadir Izbaskanov o‘zlarining munosib hissasini qo‘shdi.

Bundan tashqari, joriy yilning aprel oyida Braziliyada boks bo‘yicha “World Boxing” tashkiloti tomonidan o‘tkazilgan jahon kubogida -60 kg vaznda Madiyor Daniyarovning bronza medaliga sazovor bo‘lishi, qolaversa, Xitoyning Usi shahrida qilichbozlik bo‘yicha o‘smirlar va yoshlar o‘rtasidagi jahon chempionatida Islom Abdazov, Musa Aymuratov, Ayako‘z Jumamuratova hamda Gulistan Perdebaevaning bronza medallarini qo‘lga kiritgani har birimiz faxrlanadigan voqealar sirasiga kiradi. Mamlakatimiz terma jamoasi tarkibida Osiyo va jahon chempionatida ishtirok etish va unda g‘olib bo‘lishi, har bir sportchi uchun katta baxt hisoblanadi.

Tadbirda sportchilarga va ularning murabbiylariga Qoraqalpog‘iston Respublikasi faxriy unvonlari, ko‘krak nishonlari hamda esdalik sovg‘alari topshirildi.

Web-Sayt | Telegram | Facebook | Instagram | Youtube

🗣 Hududlardagi sport obyektlari holatini o'rganish, u yerda sportchilarga yaratilgan shart-sharoitlar bilan tanishish maqsadida Sport vaziri o'rinbosari Murad Ismailov Andijon viloyatiga xizmat safarida bo'lib turibdi.

🗣 Dastlab vazir o'rinbosari Asaka tuman sport maktabining "Yangisor" MFY hududida joylashgan TIP-2 sport majmuasida bo‘lib, sport majmuasi tashqi va ichki qismlarini obodonlashtirish bo‘yicha amalga oshirilayotgan ishlar, sportchilarga yaratilgan sharoitlar bilan hamda sport majmuasida sportning futbol turi bo‘yicha o‘tkazilayotgan mashg‘ulot jarayoni bilan tanishdi.

💬 Shundan so'ng, M.Ismailov Qo'rg'ontepa tumanidagi 1-son sport maktabi holati bilan tanishib, Jalaquduq tumanida joylashgan "Bozorboy" MFY hududida qurilayotgan usti yopiq mini stadion hamda katta futbol maydonidagi qurilish-ta'mirlash ishlarini ko'zdan kechirdi.

Web-Sayt | Telegram | Facebook | Instagram | Youtube

🗣 Yangi universal sport maydoni foydalanishga topshirildi

📑 Maʼlumki, “Besh tashabbus olimpiadasi” 2024-yil mavsumi doirasida Namangan viloyatining Dambogʻ mahallasi yoshlari Oʻzbekiston Respublikasi Davlat xavfsizlik xizmati raisi kubogi uchun oʻtkazilgan mini-futbol boʻyicha Respublika bosqichida muvaffaqiyatli ishtirok etib, faxrli ikkinchi oʻrinni egallashgan edi.

🔵 Ushbu gʻalaba evaziga ular oʻz mahallalariga zamonaviy, zamon talabi asosida barpo etiladigan universal sport maydonini yutib olishga muvaffaq boʻlishdi. Bugun esa ushbu sport maydonining qurilish ishlari toʻliq yakunlanib, rasmiy ravishda foydalanishga topshirildi.

💬 Tantanali ochilish marosimida Namangan shahar hokimi, Davlat xavfsizlik xizmati viloyat boshqarmasi vakillari, viloyat sport boshqarmasi boshligʻi, yoshlar ishlari boshqarmasi boshligʻi, mahalla faollari, nuroniylar hamda mahallaning faol yoshlar va sport ishqibozlari ishtirok etishdi.

⏺Shundan soʻng, yangi qurilgan sport maydonining ramziy kalitini “Dambogʻ” mahalla jamoasiga tantanali ravishda topshirildi. Ushbu yangi inshoot mahalladagi yoshlar, bolalar hamda sportga qiziquvchi barcha fuqarolar uchun ochiq boʻlib, u yerda futbol, basketbol, voleybol kabi sport turlari bilan shugʻullanish imkoniyati yaratildi.

Web-Sayt | Telegram | Facebook | Instagram | Youtube

🗣 Karate (WKF) bo‘yicha trener va hakamlar uchun o‘quv-seminar tashkil etildi

💬 O‘zbekiston karate (WKF) assotsiatsiyasi tomonidan joriy yilning Respublikamizdagi sport ta’lim muassasalarida karate WKF bo‘yicha faoliyat yuritayotgan trenerlar va hakamlarga belgilangan dastur asosida o‘quv-seminari tashkil etildi.

📑 Mamlakatimizda so‘nggi 3 yilda karate WKF sport turiga qaratilayotgan ulkan e’tibor o’z samarasini bermoqda. Xususan, Davlatimiz rahbarining 2023 yil 3 noyabr kuni imzolagan “Karate (WKF) sport turini yanada rivojlantirish chora-tadbirlari to‘g‘risida“gi qarori o‘zbek karatesi tarixida yangi sahifa ochdi.

⏺ Hududlar kesimida o’tkazilgan seminarda yurtimizning barcha hududlaridan jami 316 nafar mutaxassislar ishtirok etishdi.

Web-Sayt | Telegram | Facebook | Instagram | Youtube

2024-yil yakunlari bo‘yicha Ochiqlik indeksi e’lon qilindi

Ochiqlikni taʼminlash sohasida amalga oshirilayotgan ishlarning samaradorligi va natijadorligini baholash komissiyasining yig‘ilishida 98 ta davlat tashkilotining 2024-yildagi faoliyati 0 balldan 100 ballgacha reytingda baholashdan o'tkazildi.

Unga ko‘ra, Sport vazirligi 82,3 ball koʻrsatkich bilan jami 98 ta davlat organlari va tashkilotlar oʻrtasida 21-oʻrinni, vazirliklar orasida esa 4-oʻrinni egalladi. Shuningdek, vazirlik tomonidan (+47 ball) eng yuqori ijobiy o‘sish qayd etilgan.

Web-Sayt | Telegram | Facebook | Instagram | Youtube

2024-yil yakunlari bo‘yicha Ochiqlik indeksi e’lon qilindi

Davlat organi va tashkilotlarining 2024-yildagi korrupsiyaga qarshi kurashish ishlari samaradorligi baholandi.

Korrupsiyaga qarshi kurashish ishlarining samaradorligini reyting baholash tizimi bo‘yicha 98 ta davlat tashkilotining 2024-yildagi faoliyati 0 balldan 100 ballgacha reytingda baholashdan o'tkazildi.

Unga ko‘ra, Sport vazirligi 82,3 ball koʻrsatkich bilan jami 98 ta davlat organlari va tashkilotlar oʻrtasida 21-oʻrinni, vazirliklar orasida esa 4-oʻrinni egalladi. Shuningdek, vazirlik tomonidan (+47 ball) eng yuqori ijobiy o‘sish qayd etilgan.

Web-Sayt | Telegram | Facebook | Instagram | Youtube

Toshkentda badiiy gimnastika boʻyicha Jahon kubogi boshlandi

Bugun poytaxtimizda badiiy gimnastika boʻyicha Jahon kubogi bosqichi start oldi. Bellashuvlarda 26 mamlakatdan tashrif buyurgan 100 nafardan ortiq sportchi oʻz mahoratlarini namoyish etishadi.

Dasturga koʻra, bugun saralash bosqichi va tantanali ochilish marosimi oʻtkaziladi. Ertadan sportchilar medallar uchun kurashni boshlashadi. Eslatib oʻtamiz, musobaqada quyidagi gimnastikachilarimiz ishtirok etishmoqda:

Yakkalik bahslar:
– Taxmina Ikromova
– Anastasiya Saranseva

Guruh mashqlari:
– Evelina Atalyans
– Maftuna Zoirova
– Adelya Fayzulina
– Mumtozabonu Isʼhoqzoda
– Amaliya Mamedova
– Irodaxon Sodiqova

Web-Sayt | Telegram | Facebook | Instagram | Youtube

Joriy yilning 28-30-aprel kunlari Toshkent viloyati Boʻstonliq tumanida “Tour of Boʻstonliq” xalqaro musobaqasi oʻtkaziladi.

Ushbu nufuzli musobaqada 15 dan ortiq xorijiy davlatlar vakillari ishtirok etib, gʻoliblik uchun kurashadilar.

Web-Sayt | Telegram | Facebook | Instagram | Youtube

Xabar berganimizdek, Sport vaziri o‘rinbosari Murad Ismailov Fargʻona viloyatida boʻlib turibdi.

Xizmat safari davomida vaziri o‘rinbosari M. Ismailov ishtirokida sport sohasida kelib chiqayotgan muammo va takliflarini o‘rganish maqsadida "Sayyor qabul" bo‘lib o‘tdi.

Qabul davomida bugungi kunda sport sohasida amalga oshirilgan ishlar, mavjud muammolar va kelgusida bajarilishi lozim bo‘lgan muhim vazifalar muhokama qilib olindi.

Shundan soʻng, vazir oʻrinbosari tomonidan Quva tumanidagi Olimpiya va paralimpiya sport turlariga tayyorlash markazining baydarka va kanoe bazasidagi amalga oshirilishi rejalashtirilayotgan rekonstruksiya ishlarini hamda Quvasoy shahridagi 2-son sport maktabida “Tashabbusli budjet” loyihasi doirasida qurilishi rejalashtirilgan loyihalar, u yerda sportchi-o‘quvchilarga yaratilgan shart-sharoitlar o‘rganildi.

Shuningdek, hududda raqamlashtirish va Davlat xususiy sheriklik loyihalari doirasidagi amalga oshirilayotgan ishlar yuzasidan yigʻilish oʻtkazildi. Yigʻilishda mas'ullarga sport maktablaridagi Face ID tizimining ahamiyati va DXSh loyihalari boʻyicha tegishli koʻrsatmalar berildi.

Web-Sayt | Telegram | Facebook | Instagram | Youtube