#xushxabar

✅TerDU talabasi To‘rayeva Saodat oltin medal sohibasi bo‘ldi!

Joriy yilning 25–30 aprel kunlari Navoiy shahrida bo‘lib o‘tayotgan O‘zbekiston Kubogi ayollar kurashi sport musobaqasida U-20 yosh toifasida yunon-rum va erkin kurash sport turlari bo‘yicha 76 kg vazn toifasida Termiz davlat universiteti talabasi To‘rayeva Saodat faxrli birinchi o‘rinni egallab, oltin medal sohibiga aylandi.

To‘rayeva Saodatni yuksak natijasi bilan samimiy muborakbod etamiz va unga kelgusi musobaqalarda ham ulkan zafarlar tilab qolamiz!

Bizni kuzating
Telegram | Instagram | Facebook | You tube | Sayt

🟦🟦🟦🟦🟦

Termiz davlat universitetida o‘tgan hafta davomida bo‘lib o‘tgan eng muhim voqealar dayjesti

TerDUda akademik va yoshlar uchrashuvi

Termiz davlat universiteti va DXX ChQ “Yosh chegarachilar” harbiy-akademik litseyi bilan hamkorlikda ilmiy-amaliy konferensiya tashkil etildi.

“O‘zbekiston – kitobxonlar yurti” shiori ostidagi V Respublika “Kitobxonlik haftaligi” ilm mutolaa ahlini bir manzilda jamlamoqda.

“Ethno Style”: Milliy an’analar va zamonaviy modaning uyg‘unligi

ТerDUda viloyatning ijtimoiy-iqtisodiy salohiyatini yuksaltirish masalalari muhokama etildi.

Qizg‘in musobaqa yakuniga yetdi

TerDU rektori huzurida har bir fakultet o‘zining istiqbolli rivojlanish strategiyasining taqdimotini o'tkazmoqda.

Yengil atletika bo'yicha O'zbekiston chempionatida yana bir muvafaqqiyat !

Universitetimizda Oliy attestatsiya komissiyasi qarori asosida ilmiy unvon va darajalari tasdiqlangan professor-o‘qituvchilarga diplomlar tantanali tarzda topshirildi.

Universitet Kengashining navbatdagi yig'ilishi bo'lib o'tdi

“O‘zbek xalqi va davlatchiligi tarixiga oid nazariy masalalar: muammo va yechimlar” mavzusidagi xalqaro ilmiy-amaliy konferensiya muvaffaqiyatli yakunlandi

"Xalqaro tasviriy va amaliy san’at festivali"da gʻoliblik!

Bizni kuzating
Telegram | Instagram | Facebook | You tube | Sayt

#Ichki_Turizm #TerDU #Samarqand

🟢TerDU talabalari — Samarqandning mo‘jizaviy tarixiy maskanlarida!

Buyuk ajdodlar yurti — Samarqandning betakror maskanlariga uyushtirilgan sayohat davomida TerDU talabalari bebaho madaniy merosimiz, nodir me’moriy inshootlarning sirli bezaklari bilan yaqindan tanishdilar. Har bir qadimiy g‘isht-u devorda, har bir zarhal naqshda ajdodlarimizning tafakkuri, san’ati va ulug‘ tariximiz aks etgani talabalar qalbida g‘urur va iftixor tuyg‘ularini jo‘sh urdirdi.

➡️Mazkur tashrif ularning bilim va dunyoqarashini boyitib, tarixiy qadriyatlarimizni chuqur his etish, milliy o‘zlikni anglash borasida ulkan ruhiy zamin bo‘ldi.

Bizni kuzating
Telegram | Instagram | Facebook | You tube | Sayt

#Ichki_Turizm #TerDU #Buxoro

🟢TerDU talabalari betakror tarix va madaniyat maskani — Buxoro shahrida

Joriy yilning 9-aprel kuni Prezidentimiz raisligida o‘tgan videoselektor yig‘ilishida har oyning bir shanba yoki yakshanbasi “Oila va mehnat jamoasi bilan sayohatga chiqish kuni” sifatida belgilanganidan xabaringiz bor.

✅Ayni tashabbusni qo‘llab-quvvatlagan TerDU rektorining ko‘rsatmasiga asosan “Janub gavhari” talabalar teatr jamoasining Samarqand va Buxoro viloyatlari bo‘ylab sayohati tashkil etildi.
Talabalarimiz mas'ullar hamrohligida “Bahouddin Naqshband” ziyoratgohi, “Buxoro arki”, “Labi Hovuz” ansambli, “Minorai Kalon” kabi tarixiy obidalarda bo‘lishdi.

➡️Sayohat ishtirokchilari o‘ziga xos taassurotlar uyg‘otgan bu manzillarning boy tarixi haqida qimmatli ma'lumotlarga ega bo‘lishdi.

Bizni kuzating
Telegram | Instagram | Facebook | You tube | Sayt

#Mutolaa

🔶 Hikoya: Har boshda bir savdo
✏️Abdulla Qahhorning "Anor" hikoyalar to‘plamidan
🕖 Davomiyligi: 12:35

🎧 Hikoya audiosini Dilbar Boboqulova o‘qidi.

Bizni kuzating
Telegram | Instagram | Facebook | You tube | Sayt

"Iste'dod" loyihasining navbatdagi ishtirokchisi Gulinor Xolmurotova | 26-son

#№19
#Himoya_2025

✅DISSERTATSIYA ISHI MUVAFFAQIYATLI HIMOYA QILINDI

Termiz davlat universiteti pedagogika va ijtimoiy ish kafedrasi o'qituvchisi Omonova Nilufar Omon qizi Oliy taʼlim tizimi kadrlarini qayta tayyorlash va malakasini oshirish instituti huzuridagi ilmiy darajalar beruvchi Ilmiy kengashda "Pedagogika nazariyasi. Pedagogik ta'limotlar tarixi" ixtisosligidan «Kooperativ yondashuv asosida talabalarda affiliativ motivatsiyani rivojlantirishning pedagogik tizimi” mavzusida pedagogika fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishini muvaffaqiyatli himoya qildi.

Universitet jamoasi nomidan Omonova Nilufar Omon qizini ushbu yutugʻi bilan qutlab, olimaga mustahkam sogʻlik, ilm yoʻlida muvaffaqiyat tilaymiz!

Bizni kuzating
Telegram | Instagram | Facebook | You tube | Sayt

Universitet Kengashining navbatdagi yig'ilishi bo'lib o'tdi

Unda universitet rektori, Kengash a'zolari professor-o'qituvchilar, fakultet dekanlari va mas'ul rahbarlar ishtirokida kun tartibiga qo'yilgan muhim masalalar muhokama qilindi.

"Termiz universiteti" gazetasining 2025 yil 20 yanvardagi 1(372)-sonida vakansiyalar bo'yicha tanlovning yakuniy bosqichi o'tkazildi va natijalar tasdiqlandi.

Pedagog va rahbar xodimlar faoliyatini baholash (KPI) mezonlariga o'zgartirish va qo'shimchalar kiritildi. Yangi indikatorlar asosida samarali baholash tizimi joriy qilindi.

Akademik qarzdor talabalar uchun qayta o'qish mexanizmlari ishlab chiqildi.

Professor-o'qituvchilar tomonidan tayyorlangan darslik, o'quv qo'llanma va monografiyalar nashrga tavsiya qilindi. Ilmiy-tadqiqot salohiyatini oshirish, ta'lim sifatini yaxshilash va milliy resurslarni boyitishga qaratilgan materiallar muhokama qilinib, chop etishga tavsiya qilindi.

Ilmiy unvonlarga tavsiya qilish tizimi va akademik tartiblar takomillashtirilishi belgilandi.

Tayanch doktoranturaga yangi ixtisosliklar joriy etish, Ilmiy-texnik kengash tarkibini yangilash, hamda Innovatsion rivojlanish agentligi dasturlarida tadqiqotchilar ishtirokini faollashtirish bo'yicha vazifalar belgilandi.

Yig'ilish yakunida har bir masala yuzasidan qarorlar qabul qilinib, tegishli mas'ullarga vazifalar yuklatildi.

Bizni kuzating
Telegram | Instagram | Facebook | You tube | Sayt

“O‘zbek xalqi va davlatchiligi tarixiga oid nazariy masalalar: muammo va yechimlar” mavzusidagi xalqaro ilmiy-amaliy konferensiya muvaffaqiyatli yakunlandi

Anjumanda ishtirokchilar tomonidan O‘zbekiston tarixiga doir dolzarb nazariy masalalar atroflicha muhokama qilinib, ilmiy taklif va xulosalar ilgari surildi. Ma’ruzalar asosida shakllangan sho‘ba yig‘ilishlarida esa turli yo‘nalishlardagi ilmiy qarashlar almashildi, yangi izlanishlar uchun yo‘nalishlar belgilab olindi.

Mazkur konferensiya milliy tariximizni chuqur tadqiq etish, ilmiy yondashuvlar asosida mavjud muammolarga yechim topish va tarixiy ongni rivojlantirish yo‘lida muhim qadam bo‘ldi.

Konferensiya yakunida barcha ishtirokchilarga sertifikatlar topshirildi hamda eng dolzarb mavzular yuzasidan tavsiyalar ishlab chiqildi.

Bizni kuzating
Telegram | Instagram | Facebook | You tube | Sayt

#xushxabar

🌎"Xalqaro tasviriy va amaliy san’at festivali"da gʻoliblik!

🎨2025-yil 24-aprel kuni Surxondaryo ixtisoslashtirilgan san’at maktab-internatida “Atrof-muhitni asrash va yashil iqtisodiyot yili”ga bagʻishlangan xalqaro an’anaviy tasviriy va amaliy san’at festivali doirasida ijodiy ishlar tanlovi oʻtkazildi.

🏛Tanlovda Termiz davlat universiteti Amaliy san’at yo‘nalishi 4-bosqich talabasi Xolmurodov Abdumannon ishtirok etib, faxrli 1-o‘rinni qo‘lga kiritdi va “Oltin medal” bilan taqdirlandi.

🟢Tabriklaymiz va ulkan muvaffaqiyatlar tilaymiz!

Bizni kuzating
Telegram | Instagram | Facebook | You tube | Sayt

#Xalqaro_Konferensiya #Jarayon

Universitetda “O‘zbek xalqi va davlatchiligi tarixiga oid nazariy masalalar: muammo va yechimlar” mavzusida xalqaro ilmiy-amaliy konferensiya bo‘lib o‘tmoqda.

Hozirda anjuman onlayn va offlayn shakllarda davom etib, asosiy ma’ruzalar tinglanmoqda. Undan so‘ng ishtirokchilar tegishli shoʻbalarga boʻlinib, o‘z ilmiy ma’ruzalarini taqdim etishadi.

Mazkur konferensiya O‘zbekiston tarixini chuqur tadqiq etish, nazariy muammolarni aniqlash va ularga ilmiy asoslangan yechimlar topish yo‘lida muhim ilmiy maydon vazifasini o‘tayapti.

Bizni kuzating
Telegram | Instagram | Facebook | You tube | Sayt

✅Korrupsiyaga qarshi kurashish targ‘ibot tadbirlari kengaymoqda

🟢O‘zbekiston Respublikasi Prezidentining 5.03.2025-yil Korrupsiyaga qarshi kurashish milliy kengashi yig‘ilishida berilgan topshiriqlar ijrosi yuzasidan oliy ta’lim muassasalari talabalari o‘rtasida korrupsiyaga qarshi kurash bo‘yicha targ‘ibot tadbirlarini kuchaytirish va ularni halollik vaksinasi bilan emlash orqali korrupsiyaga qarshi murosasizlik muhitini shakllantirish maqsadida viloyat prokuraturasi hamda viloyatdagi OTMlar o‘rtasida tuzilgan "Qo‘shma reja" asosida viloyat prokuraturasi xodimlari TerDUda targ‘ibot tadbirini o‘tkazishdi.

Tadbirda, talabalar ham jamiyatning faol a’zolari sifatida korrupsiya illatiga qarshi murosasiz munosabatda bo‘lib, o‘z bilimi va tashabbuskorligi bilan davlatimizning porloq, adolatli kelajagini yaratishga hissa qo‘shmog‘i lozimligi qayd etildi.

Hurmatli talabalar agarda siz universitetda korrupsiyaga oid huquqbuzarlik va manfaatlar to‘qnashuvi holatlariga duch kelsangiz oliygohning Korrupsiyaga qarshi kurashish “Komplayens-nazorat” tizimini boshqarish bo‘limining 76-221-7710 raqamli Ishonch telefoniga, yoki bo‘limning Korrupsion holatlar bo‘yicha murojaat boti: https://t.me/TerDUantiCorruption_bot elektron platformasi hamda 91-575-2001, 93-799-0101, 98-775-7758 uyali aloqa telefonlari orqali murojaat qilishingiz mumkin.

Bizni kuzating
Telegram | Instagram | Facebook | You tube | Sayt

#no_comment

TerDUda xalqaro ilmiy-amaliy konferensiya boshlanish arafasida..

Bizni kuzating
Telegram | Instagram | Facebook | You tube | Sayt

#tafakkur

📱Telefon sizga: “Yana bir daqiqa qol” deydi.
📱Video: “Bu eng qiziq joyi edi” deydi.
☎️Xabar: “Javob bermasang, yo‘qotasan” deydi.

📚Kitob esa... hech narsa demaydi.
U kutadi.
Tinch. Sokin. Siz tayyor bo‘lishingizni kutadi.

📚Kitob sizni chalg‘itmaydi.
U sizga hech narsa sotmaydi.
U sizga faqat sizni qaytaradi.

🟢Ilmiy izlanishlarga ko‘ra, chuqur kitob o‘qish — miyadagi stress gormonlarini 60% gacha kamaytiradi.
Kitob — bu ichki sokinlik bilan ulanishning eng qadimiy va samarali usuli.

Bugun kitob o’qidingizmi?

Bizni kuzating
Telegram | Instagram | Facebook | You tube | Sayt

✅Universitetimizda Oliy attestatsiya komissiyasi qarori asosida ilmiy unvon va darajalari tasdiqlangan professor-o‘qituvchilarga diplomlar tantanali tarzda topshirildi.

🟢Tadbir davomida universitet rektori ilmiy unvonga ega bo‘lgan pedagoglarni samimiy tabriklab, ularning ilmiy faoliyati, ilm-fan rivojiga qo‘shgan hissasi va universitet nufuzini oshirishdagi o‘rni yuqori baholandi.

🟢Tadbirda ta’kidlanganidek, professor-o‘qituvchilarning yutuqlari nafaqat universitet, balki mamlakatimiz ilmiy salohiyatini mustahkamlashda muhim ahamiyat kasb etadi.

🟢Bugungi kunda universitetimizda 684 nafar o‘qituvchi faoliyat yuritayotgan bo‘lsa, shundan 269 nafari ilmiy darajaga ega: 35 nafari fan doktori (DSc), 234 nafari falsafa doktori (PhD) hisoblanadi. Natijada, universitetning umumiy ilmiy salohiyati 39,3 foizni tashkil etadi.

🟢Mazkur ko‘rsatkichlar ilmiy izlanishlar samaradorligini yanada oshirish, innovatsion yondashuvlarni kuchaytirish va ilm-fan taraqqiyotiga hissa qo‘shishda muhim omil bo‘lib xizmat qilmoqda.

Bizni kuzating
Telegram | Instagram | Facebook | You tube | Sayt

#OAV_biz_haqimizda

Maxsus reportaj | Hududlarda ta'lim sifati oshmoqda

Bizni kuzating
Telegram | Instagram | Facebook | You tube | Sayt

#xushxabar

✅YENGIL ATLETIKA BO‘YICHA O‘ZBEKISTON CHEMPIONATIDA YANA BIR MUVAFFAQIYAT!

Toshkent shahrida o‘tkazilayotgan yengil atletika bo‘yicha O‘zbekiston chempionatida Termiz davlat universiteti Sport faoliyati fakulteti talabalari yuksak natijalarga erishib, universitetimiz sha’nini munosib himoya qilishdi!

🟢Quyidagi talabalarimiz musobaqada o‘z mahoratlarini namoyon etib, sovrinli o‘rinlarni egallashdi:

🥈🥉Jo‘raqulov Anvar – 4x100 metr estafeta bo‘yicha 2-o‘rin, 4x400 metr estafeta bo‘yicha 3-o‘rin.

🥈Xushboqov Asliddin – 4x100 metr estafeta bo‘yicha 2-o‘rin.

🥉Oltiboyev Islombek – 4x400 metr estafeta bo‘yicha 3-o‘rin.


Talabalarimizni ushbu yutuqlari bilan samimiy muborakbod etamiz! Yutuqlaringiz bardavom bo‘lsin!

Bizni kuzating
Telegram | Instagram | Facebook | You tube | Sayt

🏛Xabaringiz bor, joriy yil boshidan buyon TerDU rektori huzurida har bir fakultet o‘zining istiqbolli rivojlanish strategiyasining taqdimotini o'tkazmoqda.

🟢Prorektorlar va fakultet dekanlari, kun tartibidagi masalalarga daxldor mutasaddilar ishtirok etgan navbatdagi yig‘ilishda fizika-matematika, axborot texnologiyalari fakultetlarining rivojlanish strategiyasi loyihalari taqdim qilindi.

🟢Unda ilmiy salohiyatni oshirish, ta’lim yo’nalishlarini xalqaro akkreditatsiyadan o‘tkazish, investitsiya jalb qilish va ta’lim eksportini amalga oshirish kabi masalalar bo‘yicha ishlab chiqilgan loyihalar muhokama etildi. Shuningdek, universitetni jahonning nufuzli TOP 1000 reytingiga kiritish bo‘yicha amaliy vazifalarga alohida e’tibor qaratildi.

✔️Ishlab chiqiladigan har bir strategiyada viloyatimizni ijtimoiy-iqtisodiy rivojlantirishning ilmiy asoslarini ishlab chiqishga qaratilgan vazifalar ham kiritilishi lozimligi rektorimiz tomonidan ta’kidlandi.

Bizni kuzating
Telegram | Instagram | Facebook | You tube | Sayt

Muhammad Yusuf tavalludining 71 yilligi munosabati bilan universitet ARMda adabiy-ma’naviy tadbir tashkil etildi

Taniqli o‘zbek shoiri, xalq dardi va orzusini o‘zning betakror ijodida teran ifodalagan Muhammad Yusuf tavalludining 71 yilligi munosabati bilan universitetning Axborot-resurs markazida adabiy-ma’naviy tadbir bo‘lib o‘tdi. Unda O‘zbek filologiyasi fakultetining talabalari, professor-o‘qituvchilari hamda yosh kitobxonlar faol ishtirok etdi.

Tadbir davomida talabalar tomonidan Muhammad Yusufning hayoti va ijodiga bag‘ishlangan ta’sirchan chiqishlar, she’rlar va sahna ko‘rinishlari namoyish etildi. Shoirning xalq qalbidan o‘rin olgan asarlari, ulardagi Vatan, muhabbat, insoniylik kabi yuksak g‘oyalar chuqur tahlil qilindi.

Tadbir yakunida eng faol ishtirokchilar faxriy yorliqlar va badiiy kitoblar bilan taqdirlanib, ularning adabiyotga bo‘lgan qiziqishi e’tirof etildi.

Bizni kuzating
Telegram | Instagram | Facebook | You tube | Sayt

#eslatma

TerDU talabalari uchun Xitoyda yozgi maktab granti!

Pekin shahar universitetidan TerDU talabalari uchun 2025-yil yozgi 14 kunlik maxsus dastur

✅Afzalliklar:
🟢Nomzodlar yotoqxona, oziq-ovqat, transport bilan ta'minlanadi;
🟢 Pekin shahrining diqqatga sazovor joylari (Buyuk Xitoy devori, Qirol saroyi, Summer Palace, Temple of Heaven) va muzeylariga sayohat;
🟢Xalqaro do'stlar orttirish imkoniyati;
🟢Xitoy ta'lim tizimi bilan tanishish;
🟢Xorijiy davlatlardan tashrif buyurgan professor-o'qituvchilar bilan amaliy mashg'ulotlar

✅Asosiy talablar:
🟢 Ingliz tilini dasturda qatnashish darajasida bilishi (IELTS /CEFR yuqori balga ega nomzodlarga ustunlik beriladi);
🟢Yuqori akademik koʻrsatkichlarga ega bo'lishi;
🟢Nomzodlar yangi bilim olishga ishtiyoqi va kuchli xohish bo'lishi;
🟢 nomzodlar 17-25 yosh oralig'ida bo'lishi lozim;
🟢 Viza, aviachipta va sug’urta xarajatlari nomzod tomonidan to'lanadi;

🔗 Batafsil shu yerda

📝Arizalar 2025-yil 25-aprelgacha TerDU xalqaro aloqalar bo'limida qabul qilinadi.

Qo'shimcha ma'lumot uchun:
Telegram:@shohabbos_bozorov
@Marjona_Azamovaa
@sevinchkhon_03
📞Telefon: +998944607671
+998919109696

🌐Ijtimoiy tarmoqdagi sahifalarimiz:
Telegram | Facebook | You tube | Sayt

https://youtu.be/BLvaX-wuPC4

#Universiada_2025

📹“Universiada-2025” doirasidagi dzyudo bo‘yicha respublika final bosqichidan yorqin lahzalar! Kuch, iroda va g‘alaba ruhi — barchasi bir joyda!

Bizni kuzating
Telegram | Instagram | Facebook | You tube | Sayt

#universiada2025

Qizg‘in musobaqa yakuniga yetdi

Xabaringiz bor Termiz davlat universiteti dzyudo bo‘yicha “Universiada-2025” respublika musobaqasining final bosqichiga mezbonlik qildi. Ushbu nufuzli musobaqada Qoraqalpog‘iston Respublikasi, Toshkent shahri va viloyatlardan jami 200 nafarga yaqin sportchi talabalar ishtirok etdi.

O‘g‘il bolalar 7 ta, qizlar ham shuncha vazn toifasida g‘oliblik uchun gilamga chiqib, o‘z mahorati va jismoniy tayyorgarligini sinovdan o‘tkazishdi.

Qizg‘in bahslar yakunida umumjamoa hisobida:

1-o‘rin: Buxoro viloyati
2-o‘rin: Surxondaryo viloyati
3-o‘rin: Toshkent viloyati

E’tiborli tomoni vohamiz sharafini himoya qilib tatamiga tushgan sportchilarning 14 nafardan 13 nafari Termiz davlat universitetining talabalaridir

G‘olib va sovrindor talabalarimiz
I-o‘rin (Oltin medal):
Boynazarov Xasan — 60 kg
Qodirov Arslon — 81 kg
Jangriyev Shermuhammad — +100 kg
Qizlar bahslarida

II-o‘rin (Kumush medal):
Nazarova Shohista — 70 kg

III-o‘rin (Bronza medal):
Shomirzayev Jasur — 66 kg
Ahmedov Javohir — 73 kg
Jo‘rayev Abdulaziz — 90 kg

G‘olib va sovrindorlar diplom, medal hamda qimmatbaho esdalik sovg‘alari bilan taqdirlandilar. Ushbu musobaqa nafaqat kuchli sportchilarni saralash, balki talabalar o‘rtasida do‘stlik va ahillikni mustahkamlashga ham xizmat qilganligi bilan ham ahamiyatli bo‘ldi.

Bizni kuzating
Telegram | Instagram | Facebook | You tube | Sayt