АҚШда жисмоний шахслар учун божсиз товар олиб кириш тартиби бекор қилинди.

2025 йил 2 майдан бошлаб АҚШ фуқаролари 800 долларгача бўлган буюртмалар учун ҳам бож тўлайди — йиғим миқдори 120 фоиздан 145 фоизгача белгиланган. Бу ўзгариш наркотик моддалар, хусусан фентанил каби хавфли субстанцияларнинг ноқонуний олиб кирилишига қарши қадам сифатида изоҳланди.

Олдин бу миқдор «de minimis» деб юритилиб, бож олинмасдан келтириларди. Энди эса ушбу имтиёз бутунлай бекор қилинди. АҚШ ҳукумати бу орқали ички ишлаб чиқарувчиларни ҳимоя қилишни ҳам мақсад қилган.

Европа Иттифоқи ва Буюк Британия ҳам шунга ўхшаш чораларни кўриб чиқмоқда — бу глобал иқтисодда ҳаттоки кичик жисмоний жўнатмалар ҳам аҳамиятли бўлиб қолганини кўрсатади.

📌 Шу нуқтаи назардан қаралганда, Ўзбекистонда ҳам шахсий фойдаланиш учун олиб кирилаётган товарларга тартиб ўрнатилиши жаҳон тажрибасига мос. Божлар нафақат бизда, балки дунёнинг энг ривожланган давлатларида ҳам мавжуд.