Дада деб қўйилар илк бора қадам,
Дадаси бор олам энг гўзал олам.
Дунёда бахтлидан бахтлироқ одам,
Дадасин бир бора қучоқлаганлар..

Тоғлар гўзал бўлар, қишда қорида,
Куй ҳам жилоланар найда торида.
Бу бахтни ҳис қилинг улар борида,
Дадасин бир бора қучоқлаганлар..

Пайти келар борингизни бериб жим,
Йиғлайсиз сўзингиз айтолмай иним.
Отангиз тафтини ким беради ким,
Дадасин бир бора қучоқлаганлар..

Ҳаётидан ўксиб нолимас улар,
Фарзандларин кутиб санайди кунлар,
Агар, дуо қилса омадинг кулар,
Дадасин бир бора қучоқлаганлар..

Яқинларингизга ҳам улашинг!

Фарзанд тарбияси каналига уланиш:
👇
https://t.me/+joptu0Am0RljNDBi