Аԥсны Жәлар Реизара аиҳабы Лаша Ашәба зхадараҿы дыҟоу аделегациа алахәуп афорум "Аҭынха ду — еицаҳзеиԥшу аԥеиԥш".

Афорум мҩаԥысуеит мшаԥымза 28-29 рзы Волгоград, уи Аиааира Ду 80 шықәса ахыҵра аҳаҭыраз иаԥшьнагеит Беларусиеи Урыстәылеи Жәлар Реизаратә хеилак.

ИАР атәылақәеи, Азиеи, Латинатәи Америкеи, Европеи рхаҭарнакцәеи, аусдырцәеи ауаажәларратә усзуҩцәеи инарываргыланы аԥсынтәи адепутатцәа алахәхоит апатриоттә ааӡареи, аҭоурых ахьчареи аиқәырхареи ирызку аилатәарақәа.